عصام الحضرى يتهجم على عدلى القيعى على الهواء مباشرة

[egypty]

السلام عليكم ورحمة الله وبركاته

الحارس السابق ل نادى القرن النادى الاهلى المصرى واعظم نادى عربى عصام الحضرى حدث منذ ايام ان تهجم على عدلى القيعى فى مكالمة هاتفية فى برنامج الكورة مع شوبير على الهواء مباشرة بقوله سالعب

لمنتخب مصر غصب عن التخين والى محروق يفضل محروق وكلام اخر اكثر من ذلك لدرجة ان مقدم البرنامج احمد شوبير قام بقطع المكالمة فى وجه اللاعب وقبل ان يقوم باغلاق الخط قام بتانيبه .

حقيقة لا يليق ب النادى الاهلى مخاطبة لاعب بهذه الاخلاق مرة اخرى هو الخسران لان النادى الاهلى اكبر من ان يهتز لغياب لاعب واحد فما بالكم بلاعب بهذه الاخلاقيات فعلا شئ محزن ان يكون لاعب بهذا المستوى الرائع وبهذه الاخلاقيات والاسلوب wst::

[وليد عبد الخالق]

انا عايز افهم حاجة..

ايه اللي طلع القيعي في برنامج شوبير!!

شوبير اللي بيتآمر علي الاهلي وجمهوره وبيوقف مراكبه السايرة

ومجلة الاهلي مقطعاه في كل عدد

المفروض بعد اللي قاله الحضري ده

ميلبسش فانلة المنتخب تاني حتي لو اعتذر ..

هو يعني مفيش جون في مصر غيره ؟!

بكره هتلاقي سمير زاهر وشحاته طالعين بيقولوا الحضري مغلطتش في حد

وهو وضحلنا وجهة نظره واحنا تفهمنا الوضع

[MoHaMMeD EgYpT]

فعلا الحضري من حقه يلعب في المنتخب ده احسن حارس مرمي في مصر و ارهن اننا مش هنلقي حارس زيه في يوم من الايام

و اهلي ايه بقا و منتخب ايه ده احنا منتخبنا اساسا باظ ده احنا قال ايه اتعدلنا مع زمبيا

[سيدة مصريه]

فعلا الحضري من حقه يلعب في المنتخب ده احسن حارس مرمي في مصر و ارهن اننا مش هنلقي حارس زيه في يوم من الايام

و اهلي ايه بقا و منتخب ايه ده احنا منتخبنا اساسا باظ ده احنا قال ايه اتعدلنا مع زمبيا

الاخلاق اهم حاجة حتي لو هيجبلنا كاس العالم علي طبق من فضه ملهاش اي لزمه

واحسن لاعب ايه ال مش هنلاقي زيه مصر بعدد البشر ال فيها دي كلها مفيش زي عصام

[doudy]

اعتقد ان المفرو ض حسن شحاتة

بعد ما مشى ميدو من المنتخب عشان كلمه باسلوب غير لائق و كمان جمال حمزة لاعب الزمالك عشان

اتكلم عليه فى برنامج كلام ما عجبهوش قال حسن شحاتة انا ميهمنيش الحرفنة فى اللعب اللى يهمنى الاخلاق

يا ترى هيقول ايه على الحضرى بقى؟؟؟؟

دودى

[فولان بن علان]

وحتى لو غلط

كل الكباتن بتغلط

لكن لأننا شعب ما بينساش اللي أسعده في يوم من الأيام

مش ممكن ندبحه

الحضري ...السد العالي

حد يقدر ينكر إن البطولتين الأفريقيتين كان الحضري سبب رئيسي في الفوز بيهم

حد ينكر إن بطولات الأهلي كان الحضري مشارك رئيسي فيها

حد ينكر إن الحضري بيموت نفسه في مباريات مصر وتحت أمر المنتخب في أي وقت

الحضري ابن عم كمال الفلاح من كفر البطيخ أبو شبشب اللي عملوله في الأهلي حفلات شتيمة

منظمة من الإدارة المحترمة اللي بتنسي كباتنها وبسهولة بترميهم واسألوا أمير على دكة الاحتياطي

إن شاء الله يرجع بعد الإيقاف ويحرس مرمى مصر في كاس العالم ويسعدنا

وعلى فكرة أنا أهلاوي

[SoSo R]

للأسف اللى عمله عصام الحضرى يعتبر غباء و تهور

و أنا فى وجهة نظرى إن حد شحنه ووصله كلام القيعى مشوه وهو لسه على الهوا...قام أتصل من غير ما يسمع ولا يفكر و فرغ الشحنة دون تفكير

والنتيجة...أنطباعات سيئة فى الرأى العام نتيجة للرد الغير لائق

و تأكيد لكلام الأهلى أنه لاعب لا يستحق الأحترام

و طبعا كان واضح جدا موقف شوبير وهو راكب الموجة فى الحوار شوية مع دة و شوية مع دة

و الكل معلق له المشانق حاليا

و مستنى يعرف موقفه فى المنتخب

للأسف كلمة قالها ممكن تهد كل الأنجازات اللى عملها و تخسره حب الجماهير اللى لسه متمسكة بيه رغم موقفه مع الأهلى

تحياتى

سوسورانى

[وليد عبد الخالق]

وحتى لو غلط

كل الكباتن بتغلط

لكن لأننا شعب ما بينساش اللي أسعده في يوم من الأيام

مش ممكن ندبحه

الحضري ...السد العالي

حد يقدر ينكر إن البطولتين الأفريقيتين كان الحضري سبب رئيسي في الفوز بيهم

حد ينكر إن بطولات الأهلي كان الحضري مشارك رئيسي فيها

حد ينكر إن الحضري بيموت نفسه في مباريات مصر وتحت أمر المنتخب في أي وقت

الحضري ابن عم كمال الفلاح من كفر البطيخ أبو شبشب اللي عملوله في الأهلي حفلات شتيمة

منظمة من الإدارة المحترمة اللي بتنسي كباتنها وبسهولة بترميهم واسألوا أمير على دكة الاحتياطي

إن شاء الله يرجع بعد الإيقاف ويحرس مرمى مصر في كاس العالم ويسعدنا

وعلى فكرة أنا أهلاوي

اللى مش لاقى تخين فى البلد وكلام ما يصحش اقوله

يمكن طولت اللسان و البلطجة هى مواصفات اللاعب اللى لازم ينضم للمنتخب

مع الاحترام للجميع طبعا... حاجة تحير و قبل ما تحير تخنق!!

صدفني عمرنا ما ننسي الحضري اللي اسعدنا كتيير لما كان باخلاقه ومستواه العالي

لكن حاليا مستواه نزل ومش مركز واساء للجميع في اكثر من مناسبة

يا تري شحاته عايز ايه اكتر من كده وبرضوا مصمم يضمه للمنتخب !!!!

[ghallab]

وحتى لو غلط

كل الكباتن بتغلط

لكن لأننا شعب ما بينساش اللي أسعده في يوم من الأيام

مش ممكن ندبحه

الحضري ...السد العالي

حد يقدر ينكر إن البطولتين الأفريقيتين كان الحضري سبب رئيسي في الفوز بيهم

حد ينكر إن بطولات الأهلي كان الحضري مشارك رئيسي فيها

حد ينكر إن الحضري بيموت نفسه في مباريات مصر وتحت أمر المنتخب في أي وقت

الحضري ابن عم كمال الفلاح من كفر البطيخ أبو شبشب اللي عملوله في الأهلي حفلات شتيمة

منظمة من الإدارة المحترمة اللي بتنسي كباتنها وبسهولة بترميهم واسألوا أمير على دكة الاحتياطي

إن شاء الله يرجع بعد الإيقاف ويحرس مرمى مصر في كاس العالم ويسعدنا

وعلى فكرة أنا أهلاوي

الحضرى بتاع مصلحته و جوزيه كان فاهمه من الاول و بعدين البطولات اللى شارك فيها ده مكانتش تبرع من عنده ماهو اخد عليها شهره و فلوس و مكانه اجتماعيه برغم من ثقافته المحدوده بس بغباؤه و طمعه ضيع كل حاجه اما حكايه الاداره المحترمه الى بتنسى كباتنها افكرك انه بعت شكوى للفيفا بيحكى عن معاناته من معسكرات التعذيب فى النادى الاهلى

[بندق أفندى]

الحضرى تعليمه وثقافته فى منتهى المحدودية وما فعله على قده .. ما حدش علمه هيجيب منين يعنى؟

[elfakhrany]

أنا حاسس ان شوبير ده هو اللى بيسخن الدنيا ببرنامجه المثير للجدل الكورة مع شوبير وبيستغل نفوذه وسلطته فى عمل نوع من أنواع الشو الاعلامى بس كل واحد وليه يوم :rolleyes:

[Phizer]

جزئيه يلعب او ميلعبش دي حاجا وجزئيه قلة ادبه مع المهندس القيعي حاجا تانيه الراجل ده قليل الاصل مفيش خلاف على كده كان ممكن يمشي بصوره احسن الف مره من الي مشي بيها دي

نقطه المنتخب دي بقا انا مش معترض انه يلعب

وبخصوص ان الاهلي مبيتهزش عشان لاعيب لا للاسف اتهز

[فولان بن علان]

خطأ الحضري خطأ إجرائي وليس أخلاقي

وإذا كان أساء للقيعي

فالقيعي تعامل معه باستخفاف وعجرفة

إذا كان الحضري بهذا السوء فهو لعب للأهلي 11 سنة ولم يؤاخذ بأي خطأ أثناء لعبه في الأهلي

أما تعامل جوزيه مع اللاعبين فهذا موضوع آخر ولا تنسوا ثورة الدكة

أما الأخلاق فلا تنسوا أن هناك اثنان من اللاعبين في الأهلي أحدهم متهم في قضية رشوة

والآخر عليه حكم شيك بدون رصيد

فأين إدارة الأخلاق أم أن الأخلاق تتجزأ حسب الهوى

هل أصبحنا شعب لا يتذكر إلا السوء وننسى الجميل وحتى لو كان يتقاضى أجره

فهناك من يقبض ولا ينجز شيئا

فهل هناك لاعب يلعب مجانا حتى ولو كان أبو تريكة

ارحموا الحضري وارحموا منتخب مصر وكفاية تعصب

[محمد عبدالعزيز]

ياريت اللى بيلوموا الأهلى على رفع قضية ضد الحضرى ونادى سيون أدت إلى إيقاف الحضرى وخسارة المنتخب لمجهوده فى هذه الفترة, ياريت بس يفتكروا إن حسن شحاته مدرب منتخب مصر أمامه حراس مرمى مصر جميعاً يختار من بينهم من يشاء. أما الأهلى فكان فى موقف لا يحسد عليه, فترة الانتقالات انتهت والبطولات على أشدها وجوزيه رغم إنه مكانش فى توافق ما بينه ومابين الحضرى مكانش قادر يقعده لأن مستواه كان عالى جداً وجوزيه بيفصل المسائل الشخصية عن الشغل, عشان كده أمير مكانش فى المستوى المطلوب.

يبقى لما حسن شحاتة يعيط عشان الحضرى اتوقف, أمال الأهلى كان يعمل إيه فى الظروف السيئة دى كلها؟

وبعدين الأهلى طلب حقه بس مش أكتر, ولو كان الحضرى مهتم جداً بمشاركته مع المنتخب كان خلص القضية بدرى بدرى وكان زمانه قضى عقوبة الإيقاف وانتهينا من المشكلة دى.

[الترجمـان]

إدارة الأهلي لن تتراجع عن تدمير تاريخ الحضري ومستقبله أيضا ..

إضغط هنا

الحضري للأسف لعبها غلط وخسر تعاطف الرأي العام اللي هوه اهم عنصر في صناعة الكره ..

اما الأهلي فهو أكيد من حقه انه يعاقب الحضري افضل حارس مرمى في افريقيا ولكن ليس على حساب المنتخب ...

خصوصا في مركز حارس المرمى الذي يحتاج إلى الخبره الدولية اكتر من أي شئ آخر ..

النادي الأهلي مش قطاع خاص ولا نادي شركات علشان يصعد الموضوع في هذا التوقيت الحرج وهو يعلم انه سيحرم المنتخب من خدمات الحضري اللي مكانته في حراسة المرمى تساوي قيمة نص فريق كوره لوحده ...

فإذا كانت تقاليد الأهلي لا تسمح (بالتجاوز) فمنتخب مصر أولى بأن نتجاوز عن مبادئ النادي الأهلي التي لم بعد لها وجود غير في صفحات الأرشيف ... :sad:

على فكره انا اهلاوي برضه بس اهلاوي حزين

[ghallab]

هو يعنى خلاص الحضرى هو كل المنتخب و بعدين ايه المنتخب اللى بيقف على لاعب ده و من زمان كان بيقولوا ان احتمال كبير ان الحضرى هيتوقف الجهاز الفنى مجهزش حارس تانى ليه و بعدين الحضرى مستواه زى الزفت دلوقتى و بيشيل اجوان بالهبل فى سيون و الجون بتاع زامبيا هو مشارك فيه الكوره رايحه جايه قادمه و هو واقف يتفرج

ملحوظه

كلمه مفيش غيره ده هى اللى جابت البلد ورا هو احنا حنقعد نقول مفيش غيره من اكبر راس فى البلد لاصغرها

[rar]

هو ايه أخبار "شريف اكرامي"...

مش كان المفروض انه يكون استوي دلوقت بعد سنين الاحتراف...

سواء الحضري لعب السنة دي أو ما لعبش... مين هيجي بعده...

المنتخب بتاعنا دلوقت فيه خط نص و هجوم جامدين... و خط دفاغ ضايع ما يعلم بيه الا ربنا...

مش ناقصة كمان الجون يبقي بيتعلم!!

فاكرين لما هزمنا كوت ديفوار بالاربعة عشان اضطروا يستخدموا الجون الاحتياطي... هيهزمونا كام هما مع عمك عبد الواحد؟؟

[egypty]

انا سمعت ان اكرامى هوا الى مانع انتقال شريف ابنهى للنادى الاهلى لانه على حد ما سمعت مش هيتمرن على ايده

الله اعلم فين الحقيقة بس شريف من احسن حراس المرمى المصريين ولو رجع الاهلى فعلا مع وجود رمزى صالح كمان اعتقد الاهلى هيقدر يعمل سد عالى جديد