لو اسرائيل احتلت سينا تانى ومصر حاربت انت هتشارك ولا ............

[كرم احمد]

من فترة قريبة نشرت جريدة اسرائلية استطلاع للرأى يفيد بأن نسبة كبيرة من الشعب الاسرائيلى لديهم رغبة فى احتلال سيناء وما بعد ذالك مما مافادة ان الحراسة فى سيناء قليلة ويمكن احتلال سيناء بسهولة ورد الخبراء بمصر فى الصحف ان الحراسة كافية وكلة تمام التمام والوضع تحت السيطرة كما هو معتاد ودة مالناش فية

اللى يهمنا بقى وقاعدلنا ان لو سينا احتلت تانى ان لازم احنا مساكين الشعب المطحون اللى نحارب واللى بيبرطعو فيها الوقت(مصرنا) مش هنشفهم

والسؤال هو لو مصر حاربت لاسترداد سيناء هل تشارك ام لا ؟

فى ناس سمعتهم قالوا لازم اشارك لان الراجل ما بيظهرش الا وقت الشدة ودة مبدأ

وناس تانى قالوا ما هو رجعناها عملنا بيها اية

وناس تانى قالوا اللى وكلنها يروحوا يحربو بقى

ياترى انت هتحارب ولا هتقول اية

[elfakhrany]

هو فيه حد يكره انه يموت شهيد ؟؟؟ بعدين أنا كنت سلاح المشاة فى الجيش يعنى بعرف أضرب نار كويس :rolleyes: أنا جــــاهز يا فندم

[مغتربة]

والسؤال هو لو مصر حاربت لاسترداد سيناء هل تشارك ام لا ؟

فى ناس سمعتهم قالوا لازم اشارك لان الراجل ما بيظهرش الا وقت الشدة ودة مبدأ

وناس تانى قالوا ما هو رجعناها عملنا بيها اية

وناس تانى قالوا اللى وكلنها يروحوا يحربو بقى

ياترى انت هتحارب ولا هتقول اية

متخدش على كلام بيتقال فى الواسعه و الناس قاعده على كافى شوب او فى النادى

صدقنى وقت الجد غير

و الناس بتظهر معادنها الحقيقيه فى الازمات

ممكن الى يقولك اه هحارب يكون اول الهاربين لما يلاقى الموت فوق راسه جد مش هزار

و ممكن الى بيقولك لا من احباطه من اوضاع بلده

ساعه الجد تلاقيه اول واحد يفديها بروحه

بس على العموم استحاله راجل بجد بيتاخر على بلده ايا كانت الظروف

دى مالهاش دعوى بالظروف دى ليها دعوى بالاخلاق

[Tarek_ml]

ممكن الى يقولك اه هحارب يكون اول الهاربين لما يلاقى الموت فوق راسه جد مش هزار

و ممكن الى بيقولك لا من احباطه من اوضاع بلده

ساعه الجد تلاقيه اول واحد يفديها بروحه

صح جدا ... وده الى حصل فعلا فى حرب اكتوبر وبعد ما الناس يأست من الحرب وعندها حاله احباط فجأه وجدوا الحرب امامهم ... وقذفوا بأنفسهم فى النار لأجل البلد

[Egypt]

هو فيه ايه؟

صيغة السؤال تنم على اننا منظمه لها جناح عسكرى او ان مصر مجموعه من المقاومين؟

اخوانى مصر دوله لها جيش

والجيش لو طلبك هتروح غصب عنك

الجيش ماطلبكشى يبقى مش عايزك

يعنى القضيه الحمد لله مش بيد الساده قاطنى الكوفى شوب والقهاوى

[النسر المصري]

هو فيه ايه؟

صيغة السؤال تنم على اننا منظمه لها جناح عسكرى او ان مصر مجموعه من المقاومين؟

اخوانى مصر دوله لها جيش

والجيش لو طلبك هتروح غصب عنك

الجيش ماطلبكشى يبقى مش عايزك

يعنى القضيه الحمد لله مش بيد الساده قاطنى الكوفى شوب والقهاوى

مشاركة في الجووووووووووون يامصري

فعلا انهت التساؤل الغريب والاجابات الاغرب!!!

اما احنا ضايعين بشكل!! :rolleyes: :)

[se_ Elsyed]

السؤال عامل زي اللي بيقول : لو حد احتلك بيتكم وأستوطن في المطبخ ... هاتنزل في ضرب لحد ما تخرجه وهو أشلاء ممزقه .. ولا تقوله الله يسامحك يا وحش ووالنبي مانت ماشي ؟

[dawn walker]

السؤال عامل زي اللي بيقول : لو حد احتلك بيتكم وأستوطن في المطبخ ... هاتنزل في ضرب لحد ما تخرجه وهو أشلاء ممزقه .. ولا تقوله الله يسامحك يا وحش ووالنبي مانت ماشي ؟

الراجل وفق ما فهمت يقصد

ان الغلابةهم اللى حاربوا قبل كده فى 73 وقبلها

وحصد نتائج الانتصارات فئة قليلة من الشعب

[Alshiekh]

من فترة قريبة نشرت جريدة اسرائلية استطلاع للرأى يفيد بأن نسبة كبيرة من الشعب الاسرائيلى لديهم رغبة فى احتلال سيناء وما بعد ذالك مما مافادة ان الحراسة فى سيناء قليلة ويمكن احتلال سيناء بسهولة ورد الخبراء بمصر فى الصحف ان الحراسة كافية وكلة تمام التمام والوضع تحت السيطرة كما هو معتاد ودة مالناش فية

اللى يهمنا بقى وقاعدلنا ان لو سينا احتلت تانى ان لازم احنا مساكين الشعب المطحون اللى نحارب واللى بيبرطعو فيها الوقت(مصرنا) مش هنشفهم

والسؤال هو لو مصر حاربت لاسترداد سيناء هل تشارك ام لا ؟

فى ناس سمعتهم قالوا لازم اشارك لان الراجل ما بيظهرش الا وقت الشدة ودة مبدأ

وناس تانى قالوا ما هو رجعناها عملنا بيها اية

وناس تانى قالوا اللى وكلنها يروحوا يحربو بقى

ياترى انت هتحارب ولا هتقول اية

استاذ كرم

لا ادرى ان كنت دخلت الجيش ام لا ، ولو كنت دخلت الجيش استوعبت فكرة ان مصر لها جيش ام لا

جيش مصر لن يجمعوه من على القهاوى او من الشوارع ،

جيش مصر ليس افراد كل منهم سيسحب سيفه ويركب حصانه ويتوجه لميدان التحرير

جيش مصر جيش منظم له نظامه وقادته وقوانينه ، وعصيان الاوامر وقت الحرب قد يستدعى الرمى بالرصاص فى ارض المعركة لانها خيانة عظمى

مصر بها نظام التجنيد أجبارى ، ومن يتخلف عنه فى وقت السلم يمكن محاكمته وتغريمه تخفيفا فى العقوبة ، اما فى وقت الحرب فالعقوبات ستغلظ ، وفى النهاية فان من يتخاذل او يتقاعس من المصريين عن المشاركة فى الجهاد وقت ان ينادى داعى الجهاد فهو خائن والخلاص منه اولى.

وفى حرب 1973 لم يكن الغلابة او اولاد الغلابة هم من حاربوا ، بل ان الحرب اشترك فيها الحرامى والفلاح والغفير وابن الوزير واخو رئيس الدولة شخصيا ، وشارك فيها رئيسك الحالى وشارك فيها ابن شريفة فاضل وبياع سندويتشات الكبدة وعمك ابو محمد وشاركت فيها شخصيا ، باختصار شارك فى حرب 1973 كل المصريين بما فيهم اهالينا من منازلهم بالدعاء والقلق واللهفة.

باختصار اطمأن مصر لها جيش يتعمل له الف حساب.

[النسر المصري]

وتتوالى الإجابات الصحيحة والمقنعه للسؤال الوهمي :sad:

احنا ممكن نستبدل السؤال بآخر منطقي جداً....هل تواجد الجيش المصري في أرض سيناء (كأسلحه ومعدات ومعسكرات) كافي لصد اي هجوم محتمل من إسرائيل ...ام اتفاقية السلام المزعومه كبلت التواجد المصري واحكمتها للرقابه الدوليه ال U.N .....!!!

عن نفسي هأجل إجابتي بحكم اني سيناوي لغاية لما اسمع آرائكم وتحليلاتكم...!!

[rar]

ياه... ساعات بأحس ان بلدنا فعلا محتاجة حرب اليومين دول عشان تتعدل... تصحيح أوضاعنا المقلوبة محتاج خطر خارجي عشان يجبرنا نصلح... عشان نواجة الواقع و نعرف مين أخويا و مين ابن عمي...

بس أرجع و اتشائم و أقول لنفسي ان الحرب الجاية مش هتكون تقليدية... هتكون حرب ابادة...

ما هو بسبب الجيش ده و ال80 مليون اللي وراه و انتماءهم الشديد لبلدهم، عمر ما اسرائيل هتدخل معانا حرب تقليدية زي بتاعة تلاتة و سبعين... حرب الاستنزاف مش في صالحهم...

لو ناويين يحتلوا سينا فعلا... مش هتفرق معاهم القوات في سينا... الحرب الجاية حرب ابادة، لو حصلت... و ساعتها السؤال، مين هيخلص علي التاني في الأول...

مش عارف هل الكلام ده صحيح... و لا الحرب التقليدية المحدودة لسه ليها مكان بين بلاد قوية؟

[ragab2]

السؤال هو

هل تجرؤ اسرائيل على إحتلال سيناء

ويصرف النظر عن المشاركة التى لا تمثل سؤالا

طبعا

سيناء أكبر من أن تستوعبها اسرائيل بالنسبة لكتلتها البشرية المحدودة ومساحة سيناء الكبيرة

والشيئ الثانى أنه انتهى عهد الملهم والأوحد

الذى كان يستعين بمعلمين وجهلة من أهل الثقة له

ويهمل ويتراخى بعشم فى الشعب الذى وثق فيه وخضع له اراديا أو كرها

وظن أنه المخلص الأوحد

والمنجى من الهلاك

أى أنه انتهت الزعامات الوهمية التى كانت تخفى خلفها أشباحا وخيالات مآتة

حتى أن هذا العهد قد مضى دون حساب على التقصير والهزيمة

تحت تأثير ما تبقى من رصيد الزعامة المزعومة

التى عاش الشعب وخدر تحت تأثيرها

حتى أن البعض مازال يعيش تأثير أحلام هذه الفترة

ويحاول أن يغفر لها ما تقدم من أخطائها وما تأخر

الآن

وبعد هذا العهد أصبح فى اعتقادى الحساب بعيدا عن الإعتبارات الشخصية وعن تأثير زعامات لا وجود لها

ولم توجد حتى سابقا

ومع ذلك

لابد من التوجس دائما والإستعداد لأى مغامرة صهيونية

ويجب أن نعمر سيناء ونملأها بالسكان إلى أقصى حد لأنها بوابتنا الشرقية التى كانت مصدا ومستقبلا لجميع الغزوات

تم تعديل 22 أبريل 2009 بواسطة ragab2

[abaomar]

السلام عليكم

الاخوه الكرام جزاكم الله خيرا

.

السؤال الحقيقى و بدون شعارات رنانه هل نحن مستعدون لحرب مع اسرائيل التى تجهز لتلك الحرب منذ ورطت مصر

فى معاهده السلام المزعوم الذى اعاد مصر خمسون عاما و كان من ضمن بنود تلك المعاهده

المذله لمصر تخفيض عدد قوات الجيش و الارتماء الكلى فى حضن امريكا التى تجرى مع مصر مناورات سنويه (النجم الساطع )

تعرف بها دائما قدرات و مدى تطور الجيش المصرى و بالطبع كل ذلك خدمه تجسسيه مجانيه لاسرائيل

التى بالتاكيد و بالاضافه للانشطه التجسسيه الاخرى فى جميع قطاعات المجتمع المصرى و الاختراق

التطبيعى على معرفه شديده بالجيش و احوال المجتمع .

باختصار اطمأن مصر لها جيش يتعمل له الف حساب.

.ذكرتنى تلك الجمله بمقوله .. سنرمى اسرائيل فى البحر .. :lol: التى قالها الزعيم الملهم و فى النهايه ضيعنا ..

طبعا يا محمد انا موقن بحسن نيتك و لكن يا اخى عندما نحلل واقع الجيش فى مصر اليوم من تربع شخص

فى عمر طنطاوى منذ ما يقارب عشرون عاما و هو بالمناسبه شخصيه غير محبوبه داخل الجيش

منذ ان كان قائدا للجيش الثانى قبل تولى الوزاره و تلك سياسه مبارك بالابقاء على الغير محبوبين

فى مواقعهم و اقصاء المحبوبين الذين ممكن يشكلوا خطر عليه يوما ما و الطابور طويل منذ احمد رشدى

مرورا بابوغزاله رحمه الله و جويلى و الجنزورى ...

.

المنطق يقول انه لابد من تنويع مصادر التسليح خصوصا ان امريكا تمد اسرائيل باحدث انظمه التسليح

بالاضافه الى المعلومات التجسسيه و كل شئ.

.

اوافق الزميل رار على انه مصر محتاجه حرب علشان تتعدل احوالها فالشدائد تجمع

حولها الشعوب و تظهر معادن الرجال وقتها .

و لا تقلق يا رار الحرب لن تكون حرب اباده لانه لو ابادت اسرائيل نصف الشعب المصرى ..جدلا ..

ستخسر كل شئ فانت لديك حدود مباشره و باسلحه بسيطه كالصواريخ قصيره و متوسطه المدى تدك تل ابيب

الشئ الاخر اسرائيل تعلم ان هناك سلاح سرى اخر لا ينهزم و هو عقيده التوحيد و حب الشهاده

و هذا ما لا قبل لا لاسرائيل و امريكا و قوى الارض جميعا به .

و قد راينا ماذا فعلت حماس بصواريخها العبثيه ..زعموا ..

فما بالك بدوله ذات جيش مثل مصر صعفت قوته او زادت اسلحته او قلت لديها

عقيده لا اله الا الله محمد رسول الله و تلك هى الفائزه ......هى الفائزه و الله .

تم تعديل 22 أبريل 2009 بواسطة abaomar

[النسر المصري]

السلام عليكم

الاخوه الكرام جزاكم الله خيرا

.

السؤال الحقيقى و بدون شعارات رنانه هل نحن مستعدون لحرب مع اسرائيل التى تجهز لتلك الحرب منذ ورطت مصر

فى معاهده السلام المزعوم الذى اعاد مصر خمسون عاما و كان من ضمن بنود تلك المعاهده

هو مش ده نفس السؤال اللي انا سالته بردو يابو عمر :lol:

[زعلان]

لكل حادث حديث يا استاذ - في امرو مينفعش تاخد قرار فيها وانت قاعد امام الكمبيوتر ومسترخي

[hanzalah]

اسرائيل لا تحتاج الى احتلال سينا ولا احتلال عزبة القرود !!

دي مجرد بالونات اختبار صهيونية تطلقها وسائل اعلامهم كل فترة لمجرد جس النبض !!

ثم مصر محتله فعلا .. بجيوش من الفساد في كل موقع قيادي !!

فلماذا تتعب اسرائيل نفسها في قتل المصريين .. طالما تجد من المصريين من يخدمون مصالحها مجانا !!

من الذي أدخل المواد المسرطنة مصر

من الذي رفع نسبة الاصابة بالسرطان بين كل فئات الشعب المصري

من الذي سحق الطبقة المتوسطة و جعلها بين مرقة الفقر وسندان الرشوة !!

من الذي خرب صناعة النسيج المصري .. (بركات اتفاقية الكويز .. بل ومن قبل الاتفاقية الملعونة)

من الذي خرب صناعة تربية الدواجن (بكرات خبراء اسرائيل منذ عهد يوسف والي وحتى اليوم)

من الذي اسقط طائرة مصر للطيران على السواحل الامريكية وعليها 30 من قيادات الجيش عائدين من دورة تدريب هامة !!

أتمنى عليكم سؤال اقارب أو معارف أو جيران أو أي شهود عيان عن حال الجيش المصري

عن حال التسليح والعتاد المصري

عن حال صيانة آليات القتال في الجيش البري وفي الطيران

بل اسألوا أنفسكوا وانظروا في وجه الناس في الشوارع

لتعرفوا أن اسرائيل لا تحتاج الى خوض حرب بالسلاح والذخيرة والقنابل ..

لو وجدت من صفوفنا من يكفيها العناء

[abaomar]

السلام عليكم

الاخوه الكرام جزاكم الله خيرا

.

السؤال الحقيقى و بدون شعارات رنانه هل نحن مستعدون لحرب مع اسرائيل التى تجهز لتلك الحرب منذ ورطت مصر

فى معاهده السلام المزعوم الذى اعاد مصر خمسون عاما و كان من ضمن بنود تلك المعاهده

هو مش ده نفس السؤال اللي انا سالته بردو يابو عمر :lol:

السلام عليكم

اخى الكريم نسر و لا تزعل يا عم :lol:

السؤال الحقيقى كما قال اخونا نسر اعلاه و بدون شعارات رنانه هل نحن مستعدون لحرب مع اسرائيل التى تجهز لتلك الحرب منذ ورطت مصر

فى معاهده السلام المزعوم الذى اعاد مصر خمسون عاما و كان من ضمن بنود تلك المعاهده

تم تعديل 23 أبريل 2009 بواسطة abaomar

[كرم احمد]

وتتوالى الإجابات الصحيحة والمقنعه للسؤال الوهمي :lol:

احنا ممكن نستبدل السؤال بآخر منطقي جداً....هل تواجد الجيش المصري في أرض سيناء (كأسلحه ومعدات ومعسكرات) كافي لصد اي هجوم محتمل من إسرائيل ...ام اتفاقية السلام المزعومه كبلت التواجد المصري واحكمتها للرقابه الدوليه ال U.N .....!!!

عن نفسي هأجل إجابتي بحكم اني سيناوي لغاية لما اسمع آرائكم وتحليلاتكم...!!

معظم الاجابات بتقول ان مصر عندها جيش زى مايكون ماحنش عرفين دة

يا جماعة أ ب جيش يعنى قيادة من اصغر قيادة الى اعلى قيادة وكلة المفروض يقف هنا

انت ممكن تحارب تحت راية الفساد ممكن تسمح لحد يقودك فى الحرب كان حكمك بقانون الطوارئ ومهددك بالاعتقال فى اى لحظة بدون تحقيق

كلة عمال يقولى مصر فيها جيش كأنى بناقش الحزب الوطنى

[كرم احمد]

!!

ثم مصر محتله فعلا .. بجيوش من الفساد في كل موقع قيادي !!

[كرم احمد]

بل اسألوا أنفسكوا وانظروا في وجه الناس في الشوارع

ياريت الاقى اجابة هنا من الوجوة دى علشان اعرف اللى جواية دة صح ولا غلط ولا انا خاين ولا وطنى

ولو جوبت حاول تجاوب بمشعرك مش بمشاعر الحزب الوطنى