الإنترنت و الأمن و الأمان

[بنت شعنونة]

بما انه انا بدخل النت من سايبر

اليكم اخر التطورات

النهاردا الراجل صاحب السايبر طلب من كل واحد يدخل انه يكتبله بيانت البطاقة

اسمه ورقم البطاقة ورقم التلفون والعنوان!!!!!!!!

"وش مرعوب"

وقال ان دي تعليمات امن الدولة وانه امبارح كان في امن الدولة بسبب الموضوع دا؟؟؟؟؟!!!!!!!

الظاهر انه في حرررررركة

حد سمع عن الموضوع دا؟؟

اماااااانه عليكوا لو انا اختفيييييت اسألوا عليا

انا من اول قلم ها اعترف علييييككككوووووو نفررررر نفرررررررررررررررر

"وش محتار وقلقان"

فينك يا عم الطفشاااااااااااااااااااااااان

[linux]

اولا ... بلاش أفترا على الخلق! ... الناس دول ماعندهمش "قلم" ... أقل حاجة هى "قفا" ... علشان نبقى صرحا مع بعض

(وش واحد قفاه وارم)

ثانيا ... انا لو مكانك ماكنتش كتبت بياناتى ... بجد ... ده أنتهاك للحرية الشخصية ...

لو كل رواد السيبر رفضوا تفتكرى الراجل صاحب السايبر ها يعمل أيه؟ أكيد مش ها يدقق علشان يأكل عيش ...

بصراحة دى الحاجات اللى تغيظ بجد !!! آل أمن دولة آل!

[حشيش]

محدش يقدر يعمل لك حاجة يا (شعنونة حبشى الفار ) طول ما إنتى على ذمتى.....

عريسك

عقيد/ عز الرجال محمد حشيش

مباحث أمن الدولة

[بنت شعنونة]

اولا انا احرجت عشان الراجل انا بقيت مستديمة عنده شبه يوميا

ف اتكسفت اقوله لا "وش ها يعيط خلالالالاص"

وبعدين في ناس رفضت فعلا تدي بيانتها

وهوا رفض يدخلهم

وفي ناس بتكتب بايانتها غلط زي ما سمعته بيتكلم!!!!!

بابا بيقولي لو عملوا كدا فعلا

السايبرات ها تحصل شركات الصرافة وكله ها يقفل

ما تنسوش العيش و الحلالالالالالالالالاوة ان كان لينا عممممر

جايااااااالاك يا عم الطفشااااااااااان

[بنت شعنونة]

محدش يقدر يعمل لك حاجة يا (شعنونة حبشى الفار ) طول ما إنتى على ذمتى.....  

عريسك  

عقيد/ عز الرجال محمد حشيش  

مباحث أمن الدولة

انت مين يا كابتن

انا اعرفك لا قدر الله!!!!!

"وش بيضحك ضحكة خبيثة"

[se_ Elsyed]

حشيش كتب

محدش يقدر يعمل لك حاجة يا (شعنونة حبشى الفار ) طول ما إنتى على ذمتى.....  

عريسك  

عقيد/ عز الرجال محمد حشيش  

مباحث أمن الدولة

طب تصدقي بالله ان عز الرجال ده اول واحد هايجري ... وحتى لو تدخل فى الموضوع هايبقى عندك قضيتين واحده امن دوله والتانية إتجار فى الصنف او على الأقل تعاطي ......

شنشن حاولي تجربي سايبر تاني ولو فعلاً طلب نفس الحاجات دي يبقى الموضوع فيه إن وهايجيبوكي يعني هايجيبوكي ...

ربنا معاكوا يا ولاد

[أسد]

من لا يملك قوت يومه .. لا يملك حريته

ومن لا يملك حريته ....

حيعمل ايه بعد كده ؟؟؟؟؟!!!

[achnaton]

 

ما تنسوش العيش و الحلالالالالالالالالاوة ان كان لينا عممممر

جايااااااالاك يا عم الطفشااااااااااان

أنا رأيى أنك تتنقبى وانت رايحة السايبر .. اليومين دول !! يعنى تتنكرى فحاليا فيه أزمة فى الحلاوة الطحينية .. وبعد ما يتكلم " غراب الخراب "ويلقى بتصريحاته الوردية إعملى زى مانت عاوزه .. وخلى بقى سبعك ينفعك .. وعلى رأى س.س. حيكون اول من يجرى .. هو أنت عملت إيه فى حياتك .. دانتى حتى لسه صغار ما لحقتيش تتهنى .. تنفع "جبنه قديمة" من تخرين جدتى " صبوحة " رحمة الله عليها ؟؟

وابقى سلمى لنا على الطفشان .. وشوفى حيفضل طفشان لأمتى

[Proud Muslim]

مممممم

أخبار غريبة !!

يمكن الموضوع ده علشان جردية الأهالي تعرضت لمعلية هاكنج من اسبوع تقريبا و قبضوا على الشابين الفاعلين !!

بس في هنا مشكلة .. ايه اللي يثبت انهم الفاعلين ؟؟

يعني ال IP address ؟؟

ايه للي يثبت انهم هم اللي كانوا بيستخدموا الانترنت من منزلهم !!

مش يمكن حرامي دخل البيت و استخدم الجهاز و عمل به قرصنة ؟؟

صحيح هو احتمال مضحك .. بس احتمال ..

لازم يكون في دليل قطعي على ثبوت الجريمة !!

ليس لأن الIp و رقم التليفون موجودين يبقى خلاص ..

يمكن واحد سارق الخط بتاع التليفون !!

الجرائم الالكترونية دي .. غريبة .. كيف يثبتونها !!

بس موضوع البطاقة .. عادي عادي ..

خلاص ..

مفيش فايدة ..

احنا واجعين دماغنا ليه !!

لا الناس هاتعمل حاجة

و لا الحكومة هاتغير حاجة !!

[بنت شعنونة]

الموضوع ما يطمنش يا جماعا

النهاردا اتطلب مني اسمي الثلاثي بخط ايدي!!!!!!!!!!!!!!!

انا ابتديت اقلق بحق وحقيقييييييييييييييييييي

"موسيقى في الخلفية

الدووووووووور الدوووووووور الدور الدور موعووووودة ياللي عليكي الدووووووووور"

في اشاعة عمالة تتردد هنا

على مستوى كبير حد سمعها؟؟؟؟؟؟؟

[Mohammad Abouzied]

اولا انا احرجت عشان الراجل انا بقيت مستديمة عنده شبه يوميا

ف اتكسفت اقوله لا "وش ها يعيط خلالالالاص"

وبعدين في ناس رفضت فعلا تدي بيانتها

وهوا رفض يدخلهم  

وفي ناس بتكتب بايانتها غلط زي ما سمعته بيتكلم!!!!!

بابا بيقولي لو عملوا كدا فعلا

السايبرات ها تحصل شركات الصرافة وكله ها يقفل

ما تنسوش العيش و الحلالالالالالالالالاوة ان كان لينا عممممر

جايااااااالاك يا عم الطفشااااااااااان

سيبك من كل دا

وقولي لينا يعني ايه سايبر !!!!!!!!

وش واحد حيران

[Mohammad Abouzied]

النهاردا اتطلب مني اسمي الثلاثي بخط ايدي!!!!!!!!!!!!!!!

غريبة مباحث امن الدولة بتطلب الاسم رباعي

اكيد انتي مطلوبه من جهات اجنبية السي اي ايه والا الكا جي بي

[Cleo]

يا ريت الإدارة تفيدنا إزاى نلغى عضويتنا من هنا.........

(يا عم العمر مش بعزقة و أنا عندى عيال عايز أربيهم.... )

(وش واحد جبان...)

[فــيــروز]

ايه موضوع البيت ده !! يعنى ايه !! يعنى بيانات الناس اللى بيدخلوا من بيتهم موجوده ومعمول لنا فايل و كل شئ متستف بالصلاة على النبى !! !!

السايبر يا اخ محمد هو اختصار cyber cafe يعنى الناس اللى مش عندها كمبيوتر او معندهاش انترنت كونيكشن ممكن تروح السايبر كافيه وتدخل على الانترنت من هناك مقابل سعر بسيط فى الغالب يعنى .. وربنا يستر

[Proud Muslim]

ايه موضوع البيت ده !! يعنى ايه !! يعنى بيانات الناس اللى بيدخلوا من بيتهم موجوده ومعمول لنا فايل و كل شئ متستف بالصلاة على النبى !!  !!

اللهم صلي و سلم و بارك على سيدنا و مولانا محمد و على آله و صحبه و سلم ..

الأخت الفاضلة .. ما تساءلتي عنه سليم تماما .. كل شيء موجود في السيرفر !!

يعني حضرتك تدخلي موقع من المواقع .. الموقع يسجل ال IP Address بتاعك .. و في نفس الوقت ... الشركة اللي حضرتك دخلتي عن طريقها الى الانترنت تخزن رقم الهاتف الخاص بحضرتك ..

و ال IP Adrress يتغير كل مرة .. و كل رشكة لها مجموعة من ال IPs .. و هي أرقام لا تتكرر في العالم ..

مثلا 163.121.199.2 هذا هو ال IP الجميل .

و مقارنة التواقيت بين الموقع المدمر و الشركة التي سجلت استعمال ال IP في نفس الوقت بنمرة تليفون محددة .. خلاص .. يعرفوا البيت بسهولة !!

الميزة عندي بقى .. ان العنوان اللي في السنترال .. غلط ( محدش يسأل ازاي )

:))))))))))))))

بس طبعا .. هم مش فاضيين كل واحد يكتب كلمة يروحوا يجيبوه .. الموضوع من أجل حالات هاكنج .. سرقة بالكروت الائتمانية !!

و بس !!

[فــيــروز]

بس طبعا .. هم مش فاضيين كل واحد يكتب كلمة يروحوا يجيبوه .. الموضوع من أجل حالات هاكنج .. سرقة بالكروت الائتمانية !!  

و بس !!

 

انت متاكد من بس اللى قلتها دى؟ انت عارف دى حاجات تضيع فيها رقاب وانا الرقبه اللى حيلتى واخده قرض عليها ولسه ماسددتش ومحتاجه بس فترة سماح قبل ما ياخدوها ..

[Proud Muslim]

مش مسألة تأكد .. بس هي مسألة انهم لو عملوا كده ..يبقى على الأقل 75% من مستخدمي الانترنت مش هايباتوا في بيوتهم !!

الحكومة هاتجيب لهم معتقلات منين دول .. و لا أكل منين ؟؟

لأ .. الأحسن يقولوا اللي هم عايزينه .. هو يعني الكلام بيلزق .. و لا في حد بيعمل حاجة أصلا !!!!!!!!!!

[White heart]

Proud Muslim كتب:

لأ .. الأحسن يقولوا اللي هم عايزينه .. هو يعني الكلام بيلزق .. و لا في حد بيعمل حاجة أصلا !!!!!!

لاحظ يا عزيزى انه جرى الحديث فى وسائل الأعلام عن استخدام بعض أعضاء الشبكات الأرهابيه لشبكه النت لتبادل الرسائل و المعلومات .... كذلك من يطلقوا عليهم بالخلايا النائمه .... و لا ننسى بالطبع عمليات غسيل الأموال و أنواع التجارة المجرمه دوليا و ما تحتاجه مثل هذه النشاطات الأجراميه و غيرها الى وسائل اتصال حديثة و سريعه ..... و أعتقد أن "سيبر كافيه" ممكن جدا يكون مكان مناسب لمثل هذه الجرائم ..... اذن أنا أعتقد ان ممكن جدا ان حد يعمل حاجه ......

[Proud Muslim]

لا أظن أن تلك الخلايا النائمة .. باتت تثق في هذه التكنولوجيا .. فهي تحاول العودة قدر الامكان الى البدائية في نقل المعلومات و الاخبار و البيانات و التعليمات ..الشفاهية أفضل شيء في هذه الحالات خصوصا بعد ورود تقارير كثيرة عن أمريكا تتجسس على ملايين الايميلات في العالم .. فلماذا يغامرون اذا !!

موضوع غسيل الأموال .. لا أظن ان من يحلس في نت كافيه سيكون مهتما بهذا الموضوع ..فمن لديه الأموال اليت سيغسلها .. يستطيع أن يدخل الانترنت عن طريق خط دولي أصلا .. و كلها من تكاليف الغسيل !!

أيا ما كان هو اجراء سيء للحد من الحريات .

[عادل أبوزيد]

تسجيل بيانات مستخدمى الإنترنت أعتقد أنها مسألة أمنية و لا أعتقد أن ذلك سيفيد الأمن المصرى إلا فى حالات التشهير أو الإساءة للأخرين أو السرقة الإليكترونية بإختصار الجرائم العادية التى تستخدم الإنترنت.

و هذا الإنضباط مطلوب للجميع و لا يجب أن يثير حفيظة أى منا.

الجرائد السيارة فى مصر و خاصة جرائد المعارضة تمتلئ كل يوم بإنتقادات و مقالات أشد كثيرا مما نكتب هنا.

و لا أعتقد أننا سنعود يوما إلى فكرة الرقابة على التليفونات و الخطابات كفترة الستينات