استمع لصوت القلب ولا صوت العقل

[فنان محتار]

مشكلتى باختصار انى قدمت فى برنامج الهجرة العشوائى بتاع امريكا ( دى فى لوترى 2010)

المهم من يومين بالظبط يوم الثلاثاء وصل خطاب لى انى دخلت البرنامج ورقمى 12380 يعنى فى شهر يناير ان شاء الله تكون معايا الفيزا لامريكا لغاية هنا كل شئ تمام المهم بعد الفرحة وكده احب اعرفكم ايضاً انى متزوج ومعى طفلين ( ولدين ) وانا عندى 27 سنة برضه لغاية هنا تمام المهم فرحت والكل فرح

لكن وهنا المشكلة انا وحيد الاسرة ( لى ثلاث اخوات ) رفض ابى رفضا قاطعا سفرى بل وصل الحد الى انه قالى ان رحت اريكا يبقى كانك متعرفنيش ولا تكلمنى ولا حتى تقولى ميعاد سفرك !! وانا من النوع اللى محبش اعمل اى شئ الا برضى ابى وبركته معايا وانا مؤمن بالحته دى لازم اسمع دعاهم وموافقتهم ومباركتهم لى قبل اى شئ لكن موضوع السفر دا رافضه رافضه رافضه وانا محتار جدا جدا اكاد اقتل حيرة فامامى فرصة من زهب ولكن موافقت اسرتى لانى لو زهبت لن يبقى معهم احد لانى الابن الاصغر والباقى متزوجين ولا اعلم هل اخالف وازهب ثم نتصالح مع مرور الوقت وفرض الامر الواقع ام استمع الى كلام ابى واترك هزه الفرصة انا اريد الزهاب من اجل مستقبل ابنائى قبل اى شئ واخاف ان استمع الى ابى وابنائى لهم خالة هناك بامريكا حاليا ولها ابناء تقريبا فى مثل عمر ابنائى فعندما يكبر ابنائى ولا احد يضمن الايام يحملونى تعب الايام ويشعرونى بالزنب لانى تركت هزه الفرصة لانهم الان لا يدركون فابنى الكبير لا يتعدى اربعة اعوام ولكن عندما يدرك انى تركت هزه الفرصة فاعتقد انه لن يسامحنى ..

اريد النصيحة ايهم اختار فانا فى بحر من الحيرة والافكار تكاد ان تفتك بعقلى والوقت محدود للرد وارسال الاوراق المطلوبة اجيبونى ارجوكم وليكن الله معى ومعكم ويرشدنى بكم للطريق السليم ..

[ذهبية]

و الله يا استاذ فنان موقفك محير و صعب لكن حضرتك سالت لو انت مكانى كنت هتعمل اية

انا بمنتهى الامانة لومكانك ما كنت سافرت ابدا و ما تركت ابى و لا امى مهما كانت المغريات خاصة لو احسست انهم فى حاجة الي

المستقبل بيدى الله يا اخى ما كنت تحسبة خير كتير قد يكون لك شر كثير وانت لا تدرى

والدك ووالدتك اطل الله فى عمرهم لن يعيشوا معك العمر كلة فجاة لن تجدهم بجانبك ولو حدث هذا و هما فى غضب منك لن تسامح نفسك ابدااااا

ضع نفسك فى موقفهم بعد ما ان ربوك و تعبوا و مرت السنين بيهم و اصبحوا فى قمة العوزة لك فى مرضهم و عجزهم تتركوهم هل ترضى ان يفعل ابنك هذا فيك

انت يا اخى لا تشعر بما يحسوا لن تشعر بهذا الا لو وصلت الى سنهم يا اخى الكبار مثل الاطفال الضغيرة

محتاجين حنانا و عطفنا من حقهم علينا ان يجدونا وقت ما يحتاجوا الينا كم كانوا معنا طوال حياتنا

لا تتركهم وحدهم يا اخى و صدقتى لا بركة فيما سوف كنت ستاتى بة و هما فى غضب منك

ولن تسامح نفسك ابدااا لو حصل لهم شىء و انت بعيد عنهم يا اخى ما تعملة الان مع ابيك و امك سوف يردة لك اولادك حين تصل الى عمرهم

ووفقك الله الى الراى السديد و ادام عليك نعمة الاب و الام كثير منا يتمنى لحظة مجرد ثوانى معهم لكن بعد فوات الاوان احمد الله على هذة النعمة و حافظ عليها و استانس بوجدهم فى حياتك

و احمد الله كثيرا على رزق حلال و احبابك امام عنيك

[Alshiekh]

مشكلتى باختصار انى قدمت فى برنامج الهجرة العشوائى بتاع امريكا ( دى فى لوترى 2010)

المهم من يومين بالظبط يوم الثلاثاء وصل خطاب لى انى دخلت البرنامج ورقمى 12380 يعنى فى شهر يناير ان شاء الله تكون معايا الفيزا لامريكا لغاية هنا كل شئ تمام المهم بعد الفرحة وكده احب اعرفكم ايضاً انى متزوج ومعى طفلين ( ولدين ) وانا عندى 27 سنة برضه لغاية هنا تمام المهم فرحت والكل فرح

لكن وهنا المشكلة انا وحيد الاسرة ( لى ثلاث اخوات ) رفض ابى رفضا قاطعا سفرى بل وصل الحد الى انه قالى ان رحت اريكا يبقى كانك متعرفنيش ولا تكلمنى ولا حتى تقولى ميعاد سفرك !! وانا من النوع اللى محبش اعمل اى شئ الا برضى ابى وبركته معايا وانا مؤمن بالحته دى لازم اسمع دعاهم وموافقتهم ومباركتهم لى قبل اى شئ لكن موضوع السفر دا رافضه رافضه رافضه وانا محتار جدا جدا اكاد اقتل حيرة فامامى فرصة من زهب ولكن موافقت اسرتى لانى لو زهبت لن يبقى معهم احد لانى الابن الاصغر والباقى متزوجين ولا اعلم هل اخالف وازهب ثم نتصالح مع مرور الوقت وفرض الامر الواقع ام استمع الى كلام ابى واترك هزه الفرصة انا اريد الزهاب من اجل مستقبل ابنائى قبل اى شئ واخاف ان استمع الى ابى وابنائى لهم خالة هناك بامريكا حاليا ولها ابناء تقريبا فى مثل عمر ابنائى فعندما يكبر ابنائى ولا احد يضمن الايام يحملونى تعب الايام ويشعرونى بالزنب لانى تركت هزه الفرصة لانهم الان لا يدركون فابنى الكبير لا يتعدى اربعة اعوام ولكن عندما يدرك انى تركت هزه الفرصة فاعتقد انه لن يسامحنى ..

اريد النصيحة ايهم اختار فانا فى بحر من الحيرة والافكار تكاد ان تفتك بعقلى والوقت محدود للرد وارسال الاوراق المطلوبة اجيبونى ارجوكم وليكن الله معى ومعكم ويرشدنى بكم للطريق السليم ..

حسب معلوماتى فأن موضوع الهجرة هذا يمكنك السير فيه ولست مضطرا ان تسافر فورا ، اعتقد انك لازم تسافر شهر فى السنة او شيئ من هذا القبيل ، وارى الا تفوت فرصتك وامشى فى الاجراءات وبعدين براحتك تبقى تقرر تسافر او لا فيما بعد.

وانصحك بالاستفسار عن ذلك

[مشمش]

العقل و المنطق يقول انك لا تستطيع ترك ما لا تملكه, استكمل الاوراق و تابع الاجراءات المطلوبة

و حين تحصل علي الفيزا, اعتقد انه سبكون لك مهلة (ستة أشهر تقريباً) تقرر السفر فيها.

بعض الاشخاص بتم اسبعادهم لاسباب امنية مثلاً, و البعض الاخر لعدم استيفاء الشروط و الضمانات المالية!

اعتقد انه من الاصح ان تؤجل القرار لحين الحصول علي الفيزا.

و عند الحصول علي الفيزا يوجد حل وسط

يمكنك السفر انت و العائلة لمدة شهر او شهرين تستخرج فيها اوراق الاقامة ثم ترجع, و بهذا لا تضيع عليك الفرصة,

المشكلة هي انك يجب ان تسافر كل سنة لكي تجدد الاقامة او تحصل علي تصريح بمدة اكثر من سنة, لذا فهو موضوع مكلف مادياً و لكنه قانوني تماماً و اعرف اكثر من شخص قاموا به.

هذة الفقرة من موقع ال USCIS الحكومي المختص بشئون المهاجرين:

Maintaining Permanent Residence

Maintaining Permanent Residence You may lose your permanent residence status if you commit an act that makes you removable from the United States under the law in section 237 of the Immigration and Nationality Act. If you commit such an act, you may be brought before the immigration courts to determine your right to remain a Permanent Resident.

You may be found to have abandoned your permanent resident status if you:

* Move to another country intending to live there permanently.

* Remain outside of the US for more than one year without obtaining a reentry permit or returning resident visa. However in determining whether your status has been abandoned any length of absence from the US may be considered, even if it is less than one year.

* Remain outside of the US for more than two years after issuance of a reentry permit without obtaining a returning resident visa. However in determining whether your status has been abandoned any length of absence from the US may be considered, even if it is less than one year.

* Fail to file income tax returns while living outside of the US for any period.

* Declare yourself a “nonimmigrant” on your tax returns.

يمكنك مراجعة الرابط هنا:

Now That You Are A Permanent Resident

ملحوظة اخيرة و هامة!!!: انا لست من العارفين بالقانون او العاملين به, كل ما ذكرته من معلومات قد يكون به اخطاء او يكون غير معمول به الان, ما تحدثت به هو من واقع خبراتي الشخصية او خبرات المحيطين بي.

لذا انصحك بمخاطبة محامي ثقة متخصص في هذا المجال قبل ان تتخذ أي قرار مصيري.

[فنان محتار]

فى البداية اشكر جميع من ساهم فى اعطائى نصيحة وانا اعتز بكل تلك النصائح ..

ابى مستمر فى رفضه القاطع دون اى مناقشة ولكنى فى الوقت نفسه قررت ان استمر فى استكمال اوراقى ..

ولزيادة المعلومات فانا بعد ارسال الخطاب الاول سيتم ارسال خطاب اخر لى ان شاء الله تقريبا فى شهر اكتوبر ويتم تحديد المقابلة مع القنصل وبعدها بحوالى اسبوعين احصل على الفيزا ومدت صلحيتها ستة اشهر فقط ..

ام عن المدة التى يجب ان اقضيها فيجب عند دخولى الى امريكا واستكمال اجراءات الجرين كارد ان ابقى فى امريكا فترة لا تقل عن ستة شهور

وعندى سفرى خارج امريكا ايضا يجب ان لا تدوم فترة غيابى عن ستة اشهر وكلما زادت سفراياتى وعدم انتظامى داخل الاراضى الامريكية كلما تأخر حصولى على الجنسية الامريكية .

مرة اخرى هزه افضل الحلول المتاحة لى وسوف احاول ان اوفق بين سفرى وبين عدم تركى لاسرتى والله يعيننى فى هزه الفترة العصيبة ويرشدنى للطريق الزى لا يجعلنى اولا واخيرا امام نفسى مجرم وليس اقل من زلك تجاه اسرتى المتعلقة بى بصورة ارهقت اعصابى وارهقتنى نفسيا ومعنويا بل اكاد ان اتحطم بين املى فى مستقبل افضل لاطفالى وامام ابى الزى يقول لى حرام تاخدوا قلبى معاكم انت واولادكم بعد ما تدهمنا تخطفهم منى حرام عليك ان حزين جدا جدا ولكن كلى امل فى الله ان يساعدنى فى محنتى .. وشكرا جزيلا ..

[doha]

لو كنت مكانك كنت هبدي صوت العقل على العاطفة واقول ان فرصة الهجرة لا تتاح لاي حد وانها طالما متاحه لك فلازم تقتنصها بس المشكلة مش في كده .. المشكلة اني برهض كنت هفكر بالعقل تاني واقول اذا كنت خايف عيالي يعاتبوني بعد سنين ان ليه ضيعت عليهم الفرصة ومرحتش امريكا طيب مهو نفس العيال بعد سنين برضه لو سافرت هتعمل في نفس الي عملته في والدي وهتركني وانا محتاجاها وتسافر الله اعلم فين .. هي دي الاشكالية الحقيقية ..

لو والدك مش راضي عن سفرك فده معناته انه محتاجك اوي لدرجه مش قادر يستغنى عن وجودك بجواره سواء الحاجه دي عاطفية او ملموسه يعني مجرد انه متعلق بيك عاطفيا او محتاجك لخدمته او ماشابه .. ممكن تتجاهل حاجة والدك دي بس في الحاله دي اولادك هيتجاهلوا حاجتك لهم لما تكبر مهما كانت ملحه من وجهة نظرك وهيفضلوا عليها مصلحتهم هم .. متقولش انهم في كل الاحوال هيتركوك لان ممكن ده ميحصلش ويمكن يقرروا انهم يكونوا جنبك مهما حصل لو انت اخذت نفس القرار ده دلوقت مع والدك ..

رايي انك تحاول تقنع والدك بكل السبل وتعامله بلطف في كل الاحوال وهو يقرر .. لو حاجته لك مش بالدرجه الي تمنعك من السفر هيوافق الآخر ولو رفض نهائيا فمفيش قدامك للاسف غير انك تبقى معاه وتستعوض ربنا في السفر وهو اكيد هيعوضك طالما انت ضحيت بده عشان رضى والديك ..

انا معرفش ان كنت مسلم او مسيحي فعشان كده مش قادره اقولك استخير لكن لو كنت مسلم فاستخير كتير اكيد الاستخاره هتهديك للصح ولو كنت مسيحي فادعي لربنا من قلبك ان يارب انا تركت لك الخيار فانت وجهني للي فيه صالحي الي شايفه وتعرفه وانا معرفوش لاننا كآدميين اكيد منعرفش الغيب ومنعرفش الخير فين وسبحان الله يمكن يكون لك فرصة في بلدك في المستقبل مهما كنت هتعمل في الغربة مكنتش هتحصل عليها ومحدش عارف مصر اكيد مش هتفضل هي مصر دي بعد كام سنة وبرضه امريكا مش هتكون هي امريكا .. مين هيطلع ومين هينزل الله اعلم فعشان كده متزعلش على اي قرار هتاخذه ايا كان لان محدش زي ماقلت لك عارف الخير فين ..

وربنا معاك باذن الله يهديك للصح ..

[se_ Elsyed]

امسك العصايا من النص

اطع والديك

وفي نفس الوقت امشي في موضوع الهجرة وحاول تقنعهم ان انت مش هاتنقطع عنهم وان هناك طريق طويل مازال امامك وان انت شايف ان ده هو مستقبلك وانك مش هاتعمل حاجه من غير رضاهم

ولا اعتقد ان هناك اب وام اسوياء سيقفوا في طريق مستقبل ابنهم

وربنا يوفقك

ما تنسناش يا عم وادعي لنا في الاراضي الطاهرة دي :lol:

[فنان محتار]

اولا اشكر كل من تكبد عناء الرد ..

انا حاليا عامل زى التيهان مش عارف انا حالتى الماديه هنا كويسه يعنى انا من الناس اللى مقضياها .. لكن .. واه من لكن ..

خايف زى ما اى واحد هنا خايف للاسف مصر مش بتاعتنا .. وعلى راى شرين ( غالية بلدنا علينا ) هنجيب فلوس منين .. حتى الشغل .. الشغل بقى عايز وسطة علشان تتوسط للوسطة التانية علشان تاخد فلوس للواسطة الكبيرة .. انا كنت فى تربية فنية الزمالك دفعة 2003 كنت حاسس انى هاعمل واسوى ونشاط وكده ومعارض وبعد التخرج رسمت لوحات كتير منها كنيسة مصرية فى امريكا فى فرجينيا ومنها لوحات فى بيوت كتير من اصحابى هناك .. وكم شهد الدكاتره بتوعى لفنى لدرجة الدكتور ايمن السمرى كان يشوف الاسكتشات بتاعتى وانا فى سنة اولى لما تخلص يقولى حرام عليك قطعت متعتى ولما حولت المنيا دكتورة سعاد ودكتور حامد كانوا بيقولوى انت الوان مميزة جدا وانت هترجع زمن فنون عصر النهضه بالوانك الزاهية وانت وانت وانت وفى النهاية لقيت نفسى بره اللعبة الرسم فلوسه حلوه وكتيييرة لكن ان فاتك الميرى اتمرغ فى ترابه انا لو لقيت حتى عقد مميز بس عقد مميز مش هافكر اساسا فى السفر لانى من النوع اللى بيعشق بلده وبيعشق اسرته واصحابه وعيلته بيجروا فى دمه لكن انا مش لاقى نفسى انا اشتغلت مع مدرسين وموجهين واس كتير حتى فى دكاتره لا تفقه شئ فى الفن ولا حتى حرفيين لكن الحظ ..

انا عمرى ما عرفت الحزن الا بعد ما عرفت الحقيقة حقيقة ان البلد دى مش للى زينا وبرغم كده باحبك يامصر .. وباحب ابويا وامى قوى قوى وحاسس انى حتى لو وافق هابقى ندل لو سبته بس برضه اولادى نفسى انام الليل ما اخفش عليهم من بكرة احنا فى وطن تخاف تخش فيه مستشفى لحسن تطلع عيان تخاف تعمل تحليل لحسن تتطلع مفيرس من زمان تخاف تلف حوليك وتسال ليتهموك بالجنان بس برضه دى فرصتى وقالوا الفرصة تيجى مرة واحدة وبعدين كل شئ فى ايد ربنا علشان كده انا قررت انى بالمودة هاحاول اسافر ولو اثبت حالة واخد ( الجرين كارد ) ومرة على مرة هيتعودوا هى كده الدنيا احسن حاجة فيها نعمة انك تصدق نفسك انك ممكن تنسى ..

تنسى بيتك وتنسى اصحابك وتنسى حتة من قلبك وتنسى وتنسى وايه يعنى ما احنا ياما نسينا ..

طعم المرارة فى حلقى بعد فترة هتعود عليه ما انا ياما اتعودت على حاجات كتير وباحاول اصدق نفسى ان ليا كيان وليا فايدة وانى انسان

انسان انانى جبان بعد ما تعبوا فى تربيتى وسهروا وزعلوا وفراحوا وماتوا من القلقل عليا وانا جربت بعد ما بقى ليا عيال وخلفت .. فى اول فرصة جات هربت عايز اهرب اهرب من كل حاجة قديمة من كل حاجة قلت بيا القيمة انا حاسس ان دا من مكانى انا جوايا بركان جوايا طاقة ارسم الف لوحة ولوحة لكن هنا العيشة صعبة رسم ايه وفن ايه انت فرفور دا حتى الفن بيقولوا حرام ..

زهقت انا رسيت انى هاطلب راى ربنا وانا متاكد انه هيرشدنى للطريق الافضل لان انا بحبه ومش ممكن هيسيبنى فى حيرتى انا طلبت ماشورة ربنا وهو هيستجيب قريب ( شكرا لنصيحتك يا doha ) واشكر الله ان فى ناس امثالكم تهتم بالارشاد والرد ونفسى اسمع راى الاخت العزيزة لولا فى الموضوع دا وايضا العزيزة ام بلال المعروفة بحكمتها مع انى متوقع ردها ...

[Ahmed Unknown]

اخى العزيز الفنان بالرغم من انك تطلب المساعده فى مسألة شخصية و اختيار صعب فى حياتك و لكنى اراه موضوع يتعلق بمعظمنا فمنا من تعرض لمثل هذا الموقف و منا من مازال يبحث عن السفر و سوف يواجه نفس الموقف فى المستقبل

فشكرا لك لطرحك هذا الموضوع.

لقد تعرضت لهذا الموقف من قبل عندما جاءنى عمل فى السعودية و طبعا معارضة من الاهل لفكرة السفر و خصوصا انى مازلت اعزب و اعيش مع الاسرة

و لكنى و الحمد لله اتخذت قرارى و جئت الى هنا و لست نادما ابدا على هذا القرار.

, fو بمرور الوقت تقبل الاهل هذا القرار مع دعواتهم بالتوفيق

و طبعا زى حضرتك و نص الشعب المصرى قدمت على الجرين كارد لوتارى السنه دى و السنين اللى فاتت و ان شاء الله اذا حالفنى توفيق الله و تم اختيارى فلن اتردد لحظه قبل اتخاذ قرار السفر.

انا فضلت ان اقص عليك تجربتى الشخصية و قرارى فى حال انى كنت مكانك لأنى ارى انه القرار الافضل لى و ذلك بعد دراسة اشياء كثيره اولها فرص العمل هناك و تكاليف المعيشة و حرية العبادة و اشياء اخرى كثيرة

و لكن تذكر ان هذا رأى شخصى و يجب عليك التفكير و اتخاذ قرارك بنفسك لأنك الوحيد الذى سيتحمل تبعاته سواء بالسلب او بالايجاب

و طبعا لا تنسى الاستخارة