مش عارف ابتدى منين

[هشام عبد الوهاب]

السلام عليكم جميعا

بقالى ساعه تقريبا فاتح الصفحة دى علشان اكتب ومش عارف اكتب اى حاجه ،، ذكريات كتيـــــــــــــــــــــــــرة عدت عليا وانا فاتح الصفحة ومش قادر حتى المس الكيبورد وكل شويه اقوم اتمشى وارجع تانى اقول ايوه هابتدى بوحشتونى ,, ارجع اقول وحشتونى ايه بس ده تقريبا اللى عارفينك هنا مايكملوش ثلاثة اربعة بالكتير ،، ياه ، بجد مش عارف ابتدى منين ولا حتى ازاى من يوليو 2007 ماكتبتش كلمة فى اى موقع . انا اسف سامحونى مش عارف ارتب حتى جملتين ورا بعض ..

وحشنى الموقع ووحشنى ناس كتيــــــــــــــــــــــــــــــــر ،خايف اكتب اسماء انسى بعضهم ، الحقيقة نفسى ارجع اشارك زى الأول بس حاسس كأنى عمرى ماكتبت مداخله قبل كده ، عموما المحاورات شكلها كده هاترجعنى تانى لأيام حلوه قوى .

اتمنى

[wagdi]

, ارجع اقول وحشتونى ايه بس ده تقريبا اللى عارفينك هنا مايكملوش ثلاثة اربعة بالكتير ،،

قصد حضرتك إلى تعرفهم هنا مايكملوش تلاتة أربعة... إنما إلى يعرفوك من خلال كتاباتك كتير وأنا منهم....

لو تسمحلي أقولك المحاورات نورت تاني بجد... بس مش حينفع...لأنك صاحب مكان...

تحياتي...

[Salwa]

بجد يعنى شئ غير متوقع..ولو انى توقعته قبلا. ..

لعلى توقعته فى مناسبة ....جمعنا فيها حزن طاغ على رحيل اقلام مبدعة ....رحيل بلا عودة دنيوية .

عودة الخديوى ..

عودة هشام المحاورات ..

فرح سعيد كنا فى انتظاره.

وهاهى الاعمدة بدأت تتراص ...وبدأت الاوتاد تجد طريقها ..

سعيدة انا جدا جداااا..

سعدت بعودة ..ايمن (( الباحث عن الحقيقة )) ....سعدت بعودة اقلام كثيرة ....لكن؟؟

عودة هشام لها مذاق آخر ...

هشام مشاكس ..................كان يعتقد انه له من المعترضين كثرة..

هشام....المفترى ..عليه.

وهكذا تكتمل لعبة ...الدومينو.

مرحبا بك...فى بيت تركته مؤقتا.

بيت ..يشعل كل قناديله ...سعيدا ومرحبا بعودة احد سكانه ..

كل تحياتى اخى.

[se_ Elsyed]

أنا مش هارد يا هشام ...

عشان إنت جيت من سنتين وقلت نفس الكلمتين ... وأدي وش الضيف ...

وكتاب الله بقى يجيلي إستبحس من المواضيع دي ....

.. شعنونه عملت نفس العملة ...( عارف شعنونة طبعاً ) كل 7 أو 8 شهور قمرية تدخل وتقعد تزعق وتقول وااااااشحتتتتتتتتتتتتوننننننننني .. ونسمع صريخ وزعيق وناس بتجري ... وبعد كده زيوووووووووووووووووو .. تختفي وكإنه كان شبح مشعنن لشعنونه ...

معانا صديقة عزيزة وغالية إسمها الدكتورة صفاء .... خفة دم مصرية وتلقائية وعفوية جميلة وأنا قلت دي هاتبقى خليفة شعنونة في الملاعب بعد ما شعنونة تجيب 5 عيال وتعتزل .... لكن دوخيني يا لمونه ... بعتت لي رسالة من ييجي 3 شهور ولسه بأفتح الرسالة لقيت حاجه نطت في وشي .. والله العظيم بأتكلم جد .. حاجات من عينية .. يالهووووووووي انا رجعت أكتب تاني .. وأنتظروني ... وفتحت موضوع زي الفل في باب المجتمعيات ودخلنا ووجبنا وعملنا اللي علينا .... وعاد تويتي الرمز بتاعها يُحلق في آفاق المكان لمدة يوم واحد ... لكن واحد الله يسامحه شكله اصطاده ببندقيته فسقط صريعاً .. أو صفاء نفسها طمعت فيه ودبحته وعملت عليه شوية ملوخية بالتويتي ...

فعشان كده من هنا ورايح مش هارد على اي واحد غايب يرجع إلا بعد 100 مداخلة وبشرط يكونوا في 5 أيام ..

ومش بعيد أقترح على الإدارة نمضيه على وصل أمانة إنه شاري من المحاورات سخان وغسالة بالقسط عشان لو غاب يبقى ناخد عليه حكم نفقه غيابي ويظل طوال حياته طريد العدالة ... واللي مالوش اهل ... الحكومة أهله ..

[elfakhrany]

كلنا عارفينك يا أستاذ هشام ومنتظرين مشاركاتك الجديدة وعلى فكرة انا جديد على المنتدى من شهرين بس حبيته جدااااااااااااااااااااااااااا و حبيت كل الناس اللى هنا بجد.

تم تعديل 23 أبريل 2009 بواسطة elfakhrany

[Alshiekh]

السلام عليكم جميعا

بقالى ساعه تقريبا فاتح الصفحة دى علشان اكتب ومش عارف اكتب اى حاجه ،، ذكريات كتيـــــــــــــــــــــــــرة عدت عليا وانا فاتح الصفحة ومش قادر حتى المس الكيبورد وكل شويه اقوم اتمشى وارجع تانى اقول ايوه هابتدى بوحشتونى ,, ارجع اقول وحشتونى ايه بس ده تقريبا اللى عارفينك هنا مايكملوش ثلاثة اربعة بالكتير ،، ياه ، بجد مش عارف ابتدى منين ولا حتى ازاى من يوليو 2007 ماكتبتش كلمة فى اى موقع . انا اسف سامحونى مش عارف ارتب حتى جملتين ورا بعض ..

وحشنى الموقع ووحشنى ناس كتيــــــــــــــــــــــــــــــــر ،خايف اكتب اسماء انسى بعضهم ، الحقيقة نفسى ارجع اشارك زى الأول بس حاسس كأنى عمرى ماكتبت مداخله قبل كده ، عموما المحاورات شكلها كده هاترجعنى تانى لأيام حلوه قوى .

اتمنى

حمدا لله على السلامة

لهذا الحد يجد الانسان صعوبة فى الكتابة بعد الانقطاع؟

هل يشبه هذا شخصا صام عن الكلام لفترة فاصبح يخشى ان يكون كلامه غير مفهوم للاخرين؟

عموما البداية مبشرة بانك مازلت تكتب وتستطيع الكتابة وتستطيع اخراج مابداخلك ، جميعنا يخاف ان يشرب الماء بعد انتهاء شهر الصيام ، ولكن هذا الشعور يتلاشى بعد ذلك وتعود الكيبورد لتعبر عما تريده اصابعنا من جديد.

حمدا لله على السلامة وكما قال س س ماتعشمناش بالعودة وتروح وتقول عدوا لى.

[هشام عبد الوهاب]

استاذ وجدى ... الف شكر على مجاملتك الرقيقة .

استاذة سلوى (ست الكل ) ربنا يسعدك ، كلامك كبير قوى عليا وغالى قوى قوى

ســــــــــــــــــــــــــــــــــى الســـــــــــــيد . مش عارف اقولك ايه ولا ايه عاوزلك موضوع لوحدك اما بخصوص السخان والغسالة ، ياريت يبقى معاهم تكييف 10 حصان وابقى قابلنى .

استاذ فخرانى . الف شكر على ذوقك والناس هنا فعلا يتحبواااااااااااا بجد.

اساذ محمود. الله يسلم سعادتك . الكلمتين دول معبرين عن حالتى العجيبه

لهذا الحد يجد الانسان صعوبة فى الكتابة بعد الانقطاع؟

هل يشبه هذا شخصا صام عن الكلام لفترة فاصبح يخشى ان يكون كلامه غير مفهوم للاخرين؟

اصبت اصابة مباشرة .

[tarek hassan]

الفاضل الكريم : هشام

بمجرد قراءتك للمطروح في المحاورات ربما تثيرك بعض الموضوعات فتندفع للمشاركة كما كنت سابقا

ولكن بعثني الفضول أن أسألك

- كيف يغيب الإنسان عن المحاورات سنتين أو ثلاثة أو أربعة ؟

- ما هو المانع من المشاركة كل هذا الوقت ؟

- كيف يمكنني من خلال تجربتك الغياب عن المحاورات كل هذه المدة حيث أنني لا أستطيع ؟

- أما كان يمكنك أن تشارك مباشرة مستغنيا عن هذا التقديم ؟

أشكرك لتحملك لأسئلتي الفضولية

ربما استثيرك للكتابة والاندماج ثانية

تم تعديل 24 أبريل 2009 بواسطة tarek hassan

[إبن مصر]

ياااااااااااه يا ملك ... الف الحمد لله على السلامه.....

أفهم تماما ما تعنيه .. فقد مررت به تماما.. ولكن.. صدقنى.. ستعود وتعود اليك ملكاتك التى صنعت بعضا مما ميز هذا المكان...

أما بخصوص من يعرفك.. أو لا يعرفك.. فبأختصار ... من يعرف المحاورات أكيد.. يعرف هشام عبد الوهاب..

الف الحمدلله على سلامتك.

[بنت شعنونة]

يا نهار ابيييييييييييض

هششششششششششششششششششششششاااااااااام

عايش؟؟؟؟؟؟؟

انت ما ممتش في الحرب؟

ولا غرقت في النكسة؟

ولا استشهدت في البحر؟

ولا نطيت من ع السور؟

واحشششششششششنننننننننننا جدا جدا جدا

بذمتك

بذمتك

كنت فين؟ ها ؟ ها ؟ ها؟

[هشام عبد الوهاب]

استاذ طارق

كيف يغيب الإنسان عن المحاورات سنتين أو ثلاثة أو أربعة ؟ما هو المانع من المشاركة كل هذا الوقت ؟

بالنسبة لى الاسباب عديده ولا مجال لذكرها هنا , نقول ظروف مثلا .

- كيف يمكنني من خلال تجربتك الغياب عن المحاورات كل هذه المدة حيث أنني لا أستطيع ؟

اسف بس مش فاهم عموما ماتشغلش بالك خير ان شاء الله wst::

- أما كان يمكنك أن تشارك مباشرة مستغنيا عن هذا التقديم ؟

صعب قوى ارجع بيتى من غير حتى السلام عليكم

--------------------------------------------------------------------------------------

ابو حميد الجميل .......... واحشنىىىىىىىىىىىىىىىىىىىىىى

ياعم بالراحه شويه انا مش قد الكلام الجامد ده ..

-------------------------------------------------------------------------------------

ش ع ن و ن ه وحشااااااااااااااانى جداااااااااااااااا ، سمعت ان بقى عندك خمس اطفال wst::

انا مت فى الحرب طبعا بس جمدونى وبعدين فكونى م التجميد ،وبعدها غرقت فى النكسه وطلعت منها بالعافيه ...

وطبعاااااااااااااااااااااااااااااااااا نطيت من ع السور ووقعت واتجبست سنتين ...

بذمتك

بذمتك

كنت فين؟ ها ؟ ها ؟ ها؟

مش هاقولك ....

[honest reader]

أنا هنا عضو جديد و لكن أرانى فى شوق لقراءة كتاباتك بعد غياب سنتين !!

هل مازلت تشعر بصعوبة الكتابة ؟ هل جايز إنك تشعر أن كتاباتك القديمة تمثل قيدا عليك ؟ بمعنى إن شخصيتك تغيرت لأى سبب مثلا يعنى

أشعر أنك تمثل ثروة هنا فى محاورات المصريين لكن هل جربت الكتابة فى مواقع أخرى؟

[بنت شعنونة]

-_-

والله العظيم انت بتهرج يا هشششششششش

!!!!!!!!!!!!!!!!

انت فين تاني يا عم الحج انتتتتتتتتتتتتتتتت :P

[Nassarlink]

والله العظيم انت بتهرج يا هشششششششش

!!!!!!!!!!!!!!!!

انت فين تاني يا عم الحج انتتتتتتتتتتتتتتتت :lol:

:)

[لولا]

مش قادره اعرف ليه اى حد بيكون عضو فعاااااااااااال جدا .. نشيط جدااااااا.. من اهل البيت .. يغيب لأى ظرف ..

يرجع بعد غياب طوووويل .. يقول انا رجعت ,, انا هنا .. وحشتونى ..

خلالالالالالاص مش مفارق .. وهووووووووب تلاقيه مرجعش تانى

انا خلاص من كتر تكرار المسلسل مبقتش استغربه ..

بعد كده حنوزع بوكيهات الورد بعد المشاركه الميه من عوده العضو الغائب .. سامع يا استاااااااااااااذ هشااااام mfb:

تحياتى

لولا