محتاج مساعدتكم

[مصطفي احمد]

انا اسمي مصطفي كنت اعمل بابوظبي لاكثر من خمس سنوات واخدت قرض من احد البنوك وللاسف الشركة قللت العمالة ورفدت ناس كتير

كنت انا واحد منهم وسافرت احد الدول الاوروبية لقريب لي املا في الحصول علي عمل وتسديد بقية القرض انا باقي عليا تقريبا 50 الف درهم

وللاسف لم اوفق في اي عمل وانا متوقف عن السداد منذ 8 اشهر حاليا واريد العودة الي مصر بس مش عارف ايه توابع الموضوع ده في مصر

هل ممكن تحصلي مشاكل في المطار انا في نيتي السداد ان شاء الله بس لما ربنا يرزقني ونفسيتي تعبت ومحتاج ارجع مصر لفترة للعودة والبحث عن اي عمل في اي دولة تانية

اتمني لو حد عنده معلومة تفيدني عن توابع الموضع ايه اللي ممكن يحصل في المطار اكون شاكر

ودعواتكم ليا بفك الكرب

[زعلان]

اتصل بالبنك و اتفواض معاهم على نظام جديد للسداد لأنهم بدأوا يفتحوا مكاتب في دول كثير لتحصيل القروض المعدومة و الي انقطع اصحابها عن السداد دون اي اشعار

[شاب مصري]

أسأل الله أن يقضي دينك ويفرج همك ان شاء الله.

[عندى أمل]

بسم الله الرحمن الرحيم

** دعاء لنماء المال **

************

روى بدر بن عبدالله المزني قال : قلت يا رسول الله إني رجل محارب ـ أو محارف ـ لا ينمى لي مال ،

فقال لي رسول الله :

بدر بن عبدالله قل إذا أصبحت : ’’ اللهم رضّني بما قضيتَ لي ، وعافني فيما أبقيتَ ، حتى لا أحب تعجيلَ ما أخّرتَ ، ولا تأخير ما عجّلتَ .‘‘

فكنتُ أقولهن ، فأثمر الله مالي وقضى ديني وأغناني وعيالي .

أخرجه أبو نعيم .

محارف : الذي لا يصيب خيرا من وجه يتوجه إليه .

اخى مصطفى

السلام عليكم و رحمة الله و بركاته

** دعاء لقضاء الديْن **

************

عن أنس بن مالك قال :قال رسول الله صلى اللهُ عليه وسلم لمعاذ بن جبل :

’’ ألا أعلمك دعاء تدعو به لو كان عليك مثل جبل أحد ديْنا لأدى الله عنك ؟ قل يا معاذ:

[ قل اللهم مالكَ المُلكِ تؤتي المُلكَ من تشاءُ وتنزعُ الملكَ ممن تشاءُ ، وتعزُّ منْ تشاءُ وتذلُّ منْ تشاءُ بيدك الخيرُ إنكَ على كل شيءٍ قدير ‘ رحمن الدنيا والآخرة تعطيهما من تشاء وتمنعهما من تشاء ارحمني رحمة تغنيني بها عن رحمة من سواك ]

رواه الطبراني في الصغير.

*****************

***الإستغفار***

الزم الاستغفار بنية إن ربنا سبحانه و تعالى يرزقك مال حلال و يقضى دينك

و الله أنا كنت فى السعودية و كنت بأشتغل مع واحد كان بيجبرنى أعمل شغل بطريقة مخالفة للشرع و القانون و طبعا ده حرام و بالتالى فلوسى من الشغل ده حرام أو فى أحسن الاحوال فيها شبهة و كان نفسى أوى أروح عمرة بس الفلوس اللى معايا ما ينفعش أروح بيها

فى ليلة استغفرت ربنا سبحانه و تعالى بنية أنه يرزقنى مال "حلال" عشان أروح العمرة

و تانى يوم و انا فى الشغل جالى واحد من شركة تانية فى المكتب و طلب منى انى اشرح له مجموعة دروس و حاجات فى الكومبيوتر و ألح على أوى مع انى فى الاول ما كنتش راضى و قلت انا تعبان و مش ناقص لكن افتكرت الاستغفار بتاع الليلة اللى قبلها و عرفت ان ده رزق من ربنا سبحانه وتعالى و فعلا اديته حصص كتير و كان بيدفع مبلغ كبير فى الحصة

و الحمد لله الفلوس دى كانت اكتر بكتير من الفلوس اللى محتاجها عشان العمرة

يقول الله تبارك وتعالى :

( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) [ نوح ] ,,

صدق الله الغظيم

وتذكر أخي أن تستفتح دعاءك بحمدالله عزوجل والصلاة على النبي عليه الصلاة والسلام ثم اسأل حاجتك واختم أيضا بالصلاة عليه والسلام ، ولا تنس الأدب الباطن في الدعاء وهو الأصل في الإجابة :التوبة ، ورد المظالم ، والإقبال على الله بكنه الهمة مع الجزم بالدعاء واليقين بالإجابة ..مع السعي والعمل وعدم الاتكال على الدعاء وحده .

[محمد عيسى]

من حيث المشاكل ما تقلقش المبلغ مش كبير لدرجة ان البنك يدور وراك خارج الإمارات و خاصة ان ده ليه مصاريف كبيره ممكن تزيد عن قيمة الباقي عليك

اتمنى تكون خدت العبرة من الموضوع ده (يمحق الله الربا)

تم تعديل 23 أبريل 2009 بواسطة محمد عيسى

[ozoozo]

اللي اعرفه ان المبالغ الصغيره زي 50000 البنك مابيدورش علي صاحبها خارج الامارات

[mama nona]

ال اعرفه ان القروض دى بيبقى متأمن عليها فحالة عدم تسديدك شركة التأمين هى ال بتسدد عنك ولا يحدث اى شىء فالمطار بس بتتحط فال black list لكل البنوك وده طبعا هيضايقك لو رجعت تانى .

[مصطفي احمد]

شكرا لكم جميعا علي الرد ولدعواتكم انا ان شاء الله ناوي عالسداد وربنا يرزقني ويقدرني ان شاء الله وخصوصا اني كنت محتاج فلوس القرض ده لعمل عملية زرع كبد

لوالدي ومصرفتهاش عالفاضي يعلم الله

انا هتكل علي الله وانزل مصر وربنا ييسرلي كل خير وربي هو ادري بنيتي وقادر علي مساعدتي

ودعواتكم لي بظهر الغيب

فعلا الغربة دي وحشة اوي ربنا يهون علينا جميعا ويرزقنا ويسد عنا

تم تعديل 24 أبريل 2009 بواسطة مصطفي احمد

[نوور]

يسر الله لك امورك اخي وسدد عنك ديونك