استقدام زوجة

[maltig]

السلام عليكم ورحمه الله

يا جماعة انا استلمت الورقة الصفراء من اكثر من 10 ايام بس عن طريق معقب وطبعا دافع له فلوس لان كان عندي مشكلة في المؤهل مع اني مؤهلي اعلى من المهنة بس مش مطابق ليها !!

المشكلة اني بدخل على موقع وزارة الخارجية وبيقول لي البيانات غير صحيحة

هو بيطلب طبعا رقم التاشيره بس الرقم اللي في الورقة الصفراء هو رقم الصادر

افيدوني

اللي مخوفني كم حاجة حصلت

المعقب ماطلبش الاوراق الاصلية

كلمني تلفون وقال لي انت مسدد في البنك قولت له نعم فقال الفلوس مش عاوزه تتسحب مع الموظف فطلب مني اني اسحب المبلغ وهو حيسدد بالتلفون ودفعتلو كاش

لان لو كانت اتسحبت من رصيدي كان الواحد اتاكد ان الموضوع تمام بس كده معرفش

انا استلمت الورقة الصفراء وحتى فيها مرجع البنك الرقم واسم البنك

بس قلقان لانها ما بتظهرش على موقع الخارجية

[خالد شحاته]

السلام عليكم ورحمه الله

يا جماعة انا استلمت الورقة الصفراء من اكثر من 10 ايام بس عن طريق معقب وطبعا دافع له فلوس لان كان عندي مشكلة في المؤهل مع اني مؤهلي اعلى من المهنة بس مش مطابق ليها !!

المشكلة اني بدخل على موقع وزارة الخارجية وبيقول لي البيانات غير صحيحة

هو بيطلب طبعا رقم التاشيره بس الرقم اللي في الورقة الصفراء هو رقم الصادر

افيدوني

اللي مخوفني كم حاجة حصلت

المعقب ماطلبش الاوراق الاصلية

كلمني تلفون وقال لي انت مسدد في البنك قولت له نعم فقال الفلوس مش عاوزه تتسحب مع الموظف فطلب مني اني اسحب المبلغ وهو حيسدد بالتلفون ودفعتلو كاش

لان لو كانت اتسحبت من رصيدي كان الواحد اتاكد ان الموضوع تمام بس كده معرفش

انا استلمت الورقة الصفراء وحتى فيها مرجع البنك الرقم واسم البنك

بس قلقان لانها ما بتظهرش على موقع الخارجية

اخي الفاضل

السلام عليكم ورحمة الله وبركاته

احب اعرفك بان فلوسك اتسحبت من حسابك الا هو الراجحي لان ورقه الصفراء بيقول مرجع بنك الراجحي ازي هو سدد عن طريق بنك الرياض واحب اعرفك بان سداد بنك الرياض عن طريق الجوال موقف من 1/4/1430 ازي المعقب يقول انا سددت عن الجوال للاسف الامر فيه خداع عن عن الرسوم فقط

[maltig]

الحمد لله قدر الله ولطف

طبعا الورقة الصفراء طلعت مضروبة (هي الورقة الصفراء بس البيانات عليها طلعت مزورة مكتوبة بالالة الكاتبة )

فحسبي الله وهو وكيلي عليه

طبعا ضاربني 9 الاف ريال والحمد لله على كل شي

انا احببت ان اوضح ما حصل حتى يستفيد الاخوة في المستقبل

لان الورقة الصفراء من الصعب تزويرها الا انه تحصل عليها بشكل من الاشكال وتم الطباعة عليها وشكلهم شبكة حشوف ازاي نلاحقهم ان شاء الله

المهم

مربط الفرس يا اخوان هو المبلغ اللي بيدفع في البنك

انا تم اللعب علي بانه الملغ مش عاوز يتسحب وطبعا الواحد مش مصدق نفسه ان حيطلع له الاستقدام بعد دقائق فرحت متنازل عن موضوع السداد له واني حدفع له المبلغ كاش

وهنا كانت اللعبة

لاني على علم انه لازم تتسحب الفلوس لاجراء العملية وكنت بتابع بالانترنت وانا في السيارة قدام الاستقدام عشان اشوف اتسحبت والا لا

ولكن قدر الله وماشاء فعل ان يتصل بي ويقول مش عاوزه تتسحب وهنا كانت غلطتي

مع العلم اني ما دتلوش المبلغ الا بعد استلامي الورقة المضروبة للاسف

والحمد لله اولا واخيرا

والشكر لاخوي خالد شحاته للمتابعة

تم تعديل 29 أبريل 2009 بواسطة maltig

[elneshawy]

طب أنا اخدت الورقة الصفرا و التاشيرة سليمة و الحمدلله

بس كانت تاشيرة عمل لزوجتى بمهنة مدرسة خاصة - كفيلتها اميرة - المحلق العمالى فى مصر لم يوافق على تصديق عقد العمل بخحجة ان هذه المهنةمن المهن المنزلية المحظورة من السفر بامر الست الوزيرة مع إن شرحت له كتييييييير انها مش هتشتغل ولا اى شئ دا التاشيرة دى لمجرد دخول زوجتى المملكة بصورة رسمية فقط

و لا حياة لمن تنادى ... قالى ده قرار وزاري يا سيد الست الوزيرة مأكدة على الموضوع ده و خصوصا فالسعودية يعنى لو دولة تاني عاااااااااااااااادي

و طبعا كنت دفعت الفلوس 12 الف ريال تمن الفيزا

و لبست الفيزا طبعا

تخيل بقى الموقف معاك تاشيرة سليمة و مش عارف تجيب زوجتك

تعمل ايه لما تكون بلدك قرفاك داخل البلد و خارجها

حسبى الله و نعم الوكيل

[doha]

لاحول ولا قوة الا بالله .. قدر الله وماشاء فعل .. اصبر وان شاء الله لها حل..

بس بعد اذنك ازاي عرفت ان الورقة الصفرا مزوره ؟

على كل حال نصيحة استغفر كتير اوي وباذن الله هتنحل وبشكل لا تتصوره ..

[OmarBak]

بصو يا جماعة

من موقع وزارة الداخلية (الخدمة الالكترونية )فيه لينك تحت الاستقدام للبحث عن طلبات الاستقدام الخاصة

لو ظهر ليك فيها رقم صادر يبقا فعلا ليك تأشيرة

وفيه اختيارتحت الخدمة الاكترونية لغير المسجلين وتدخل رقم اقامتك لتعرف فلوسك انسحبت ام لا

بس لازم تسجل بياناتك عشان تقدر تعمل كل ده