مد ايدك ماتتكسفش

[فــيــروز]

نحن الآن فى مكان ما على ارض مصر .. نقول وسط البلد !! نقول

الجو جميل و منعش والناس ماشيه تاكل فى آيس كريم و تتفرج على الفتارين وتهز راسها تعجبا

فجاه وسط الجو الجميل ده .. تلاقى هرج و مرج .. و الباعه الجائلين اللى بيشوهوا منظر البلد دول بيجروا وبيلملموا اشياءهم بصعوبه بالغه وسط مطارده ضاريه من بعض الاشاوس مرتدى الجلباب و العمه -شبه المخبرين كده- وفى اياديهم عصى غليظه

اذا كنت رياضى و متعود تجرى ورا الاتوبيس يالبياع يبقى مامتك دعيت لك فى ليله مقمره وهتنفد بالبضاعه .. اما اذا كنتى ست عجوزه وعلى اد حالك و اولادك سيابينك تبيعى ايشاربات و تعطلى المرور يبقى تستاهلى اللى يجرى لك هتفقدى البضاعه ولو عندك عربيه يد بردو قولى عليها السلام .. اما بقى لو مقتدره وعندك كمان حمار بيجر العربيه .. لا بقى دى تبقى هاصت وهتلاقى الحمار الامور المسلوع بتاعك ده بقدرة قادر ركب البوكس

عشان كده .. تسيبكم من الشغل و اشغال الطريق اللى بتعملوه ده وتشوفوا شغلانه شريفه احسن .. تسرحوا بفل دبلان فى الاشارات او حتى مناديل كلينكس سكه .. ممكن كمان تمسكوا فوطه صفرا تنضفوا بيها العربيات بالاجبار .. او لو فيه شجاعه ادبيه تقطعوا لكم رجل ولا تفقعوا عين وتمسكوا عيل معمص تسرحوا بيه فى الاشارات وكله رزق .. ومدوا ايدكم ماتتكسفوش .. على الاقل شغلانه شريفه لن يزعجك خلالها رجل مرور واحد او يسالكم عما تفعلونه .. والمهم الشرف و الاخلاق

****************************************************

الموضوع ده كتبته فى منتدى آخر من فتره طويله

وكنت اريد ان اناقش فيه امرين

بائعو الارصفه و الحل الامثل لاستمرار تواجدهم واستمرار قيامهم بالبيع بشرف دون التعارض مع قواعد المرور و الامن .. هل هو ممكن؟

التسول و اسباب سكوت الجهات الامنيه عنه رغم انه جريمه يعاقب عليها القانون ..

[optimistic]

كل شيء ممكن يا فيروز

بس متنسيش ان المتسول شخص يخشى السلطة و يتمنى ان تبتعد عنه و يبتعد عنها

لذا فهو لا يعرف حقه

وهم لا يريدونه ان يعرف

[elbana]

أما عن التسول فأنا باستغرب من انتشار المتسولين في أماكن كتيرة جداً سياحسية وعلى رأسها منطقة الحسين ، ورجال الشرطة ماليين المكان والتسول بيتم أمام أعينهم وهم عادي جداً ، والحقيقة إن كثرة المتسولين ، وكثرة المبالغ اللي بيحصلوا عليها ، بتخليني أضع رجال الشرطة اللي هناك - أو بعضهم - محل الشك ، لأن مافيش أي مبرر يجعلهم يسكتوا على اللي بيحصل ده أبداً ، ده أنا كنت بأشوف تفانين غريبة ، وآخرها واحدة جايبة كرسي بعجل وحاطة عليه بنت حوالي 14 سنة والبنت شايلة عيلين ثلاثة وكلهم نايمين ، والست عمالة تشحت بصوت عالي ، ده غير اللي بيخشوا القهاوي ويتلطعوا على الناس ، مناظر مؤسفة وموجودة ولم تنقطع ، فمش فاهم تفسير موقف الشرطة منها .

أما عن الباعة الجائلين ، فبالفعل قضاياهم محتاجة حل ، لأنهم منتشرين في أماكن كتيرة جداً في البلد وعملية المطاردة دي مش ممكن تستقيم لأن بيحصل هرج ومرج ، وفي أغلب الأحوال بتكون المطاردة صورية ومجرد أداء واجب من المخبرين والحملة ككل ، المهم يرجعوا بواحد ولا اثنين علشان يخلصوا ويعملوا لهم محضرين واليوم يعدي ، وأظن إن المجالس المحلية والبلدية مطالبة بعمل إحصاء للناس دي أماكن تمركزهم ومدى الزيادة اللي بتحصل في أعدادهم وأنواع السلع اللي بيبيعوها ، وبعد كده يتم عمل دراسة عن إمكانية استيعابهم وتوفير أماكن بديلة لهم ، وفي نفس الوقت - وبالتوازي مع الإجراءات دي - يجب تشديد العقوبة بشكل موجع على المخالفين ، ما هو مش معقول كل محضر إشغال طريق ينتهي بقضية ماسخة تاخد لها جلسة أو اتنين قدام قاضي ما هوش فاضي أصلاً من كتر البلاوي اللي عنده وبعدين يدفع المخالف في الآخر مبلغ هايف ، لأ لازم التنفيذ يتم فوري وبإيدين الجهة اللي قامت بالضبط ، لأنها مخالفة ومش مستاهلة المط والتسويف وفي الآخر مبلغ تافه ، في قنا مثلاً المحافظ محدد مخالفة قطع الوردة بـ 300 جنيه وبيتم توجيه المبالغ المحصلة كلها لخدمة مرافق المدينة ، ومبالغ المخالفات هناك مرتفعة جداً وبتوصل إلى 500 وألف والراجل لا يتسامح إطلاقاً مهما كان الشخص مرتكب المخالفة .

في الفلاحين بيقولوا (ما أدب إلا أدب القرش) يعني لما الواحد يكع ويستلف بسبب المخالفة ساعتها ح يرتدع ، بس ده لازم يكون سبقه إجراءات لحل المشكلة جذرياً .

[القلب المجروح]

بسم الله الرحمن الرحيم

العزيزه فيروز

مشكلة المتسولين ليس لهم حل و الذى يفطر القلوب عندما ترى طفل يظهر لك فجأه فى اشارة المرور و يكاد لا يظهر من نافذة العربيه و امه قاعده على الرصيف تراقب ما سيأخذه هذا الطفل لقد تابعت هذا المشهد من مرآة العربيه و قد رمى ما أخذه فى يدها و دفعته بسرعه لعربه اخرى و كاد ان تخبطه هذه العربه فهو موضوع محزن جدا و منتشر و ليس له حل انا اعلم ان حملات كثيره تقوم لمكافحة التسول ولكن لا طائل من ورائها فهم يعودون لمنطقتهم هى هى لدرجة انك ممكن تتابعى تطور نمو هذا المتسول على مر السنين 0

تحياتى

[Faro]

بـريــد الأهــرام

42651 ‏السنة 127-العدد 2003 سبتمبر 15 ‏18 من رجب 1424 هـ الأثنين

من الإبرة للصاروخ

التسوق في منطقة العتبة والموسكي وشارعي الازهر وبورسعيد من درب البرابرة حتي المناصرة متعة وأي متعة‏,‏ حيث تجد هناك كل ما يخطر علي بال وما لا يخطر‏,‏ من الابرة للصاروخ كما يقولون وبأسعار الجملة‏.‏

ومن طبيعة المنطقة ومظهرها ومعالمها أن تجد بعض صغار الباعة يفترشون الارصفة ومنهم من يمكن أن يكون مشروع تاجر كبير فالمنطقة مدرسة مفتوحة ـ وهذه الظاهرة موجودة بكل بلاد الدنيا‏.‏

أثناء التجوال يمكن أن تشعر بحركة غريبة وكل واحد منهم يجمع بضاعته سريعا في بؤجة ويحاول الهرب وينادون علي بعضهم‏..‏ المرافق‏..‏ المرافق‏..‏ وتري سيارة شرطة المرافق تطاردهم وياويل من تمسك به‏.‏

ألا توجد طريقة أخري للتعامل تعطيهم حقهم في العمل وكسب العيش‏,‏ وكلنا نعلم مدي قسوة الحياة وصعوبتها ـ كما تعطي المجتمع الأمان من أي منحرف يندس بينهم‏.‏

سجلوهم اعطوهم شارات يعلقونها‏,‏ نظموا أماكن وجودهم‏,‏ ولكن من فضلكم لا تطاردوهم بهذا المنظر فهم بشر أولا وأخيرا‏.‏

إن التنظيمات الشعبية يجب أن يكون لها دور فعال في هذا المجال‏,‏ الذين ليس لهم أحد يذكرهم‏.‏

مهندس‏/‏ توفيق ميخائيل

[بنت شعنونة]

انا مش شايفا ضرر من البائعة المتجولين او حتى اللي فارشين ع الرصيف

طب ايه رايكم اني بحترم الناس دي جدااااااااا جداااااااااا

لأني بعتبره انسان ضاقت به السبل ورقض الحرام وفضل الرصيف و البهدلة بالحلال عن انه ياخد قرش حرام

واعتقد انه لزام علينا اننا نساعدهم بدل ما نخلي الازالة تطلع تجري وراهم بالمنظر المهين دا!!!!!!!!

اما المتسولين

ف مش كلهم متسولين

فيه ناس عجوزة فعلا انا اعرفها ولادهم رموهم في الشارع فلم يجد الا السؤال...

طب دا يعمل ايه؟؟

جربتوا تسالوهم بتتسولوا ليه؟؟

صحيح مش كلهم محتاجين

وبرضه مش كلهم مجرد متسولين مهنيين..

مرة طفل صغير جه يمسح عربيتي

قلتله تعالى اشغلك معايا واديك مرتب يومي

الولد رفض

عارفين ليه

عشان خايف من ابوووووووووووه

مش عشان هوا عاوز يتسول.......

الحاجة بتخلي الواحد يعمل حاجات كتييييييير غير راضي عنها

في يوم من الأيام انقطع موردنا المالي تماما

برغم ان ابي كان يمتلك المال.. ولكنه كان مجمد كله في شكل عقارات

واقسم بالله العظيم لم يكن لدينا 10 جنيهات على بعض نصرفها في اليوم الواحد

يومها انا قررت اشتغل وكل واحد من اخواتي اشتغل

ويومها طرقت كللللللللللل الأبواب كطبيبة

او سكرتيرة او او او

واغلقت كلها في وجهي لعدم الخبرة او انه مافيش شغل او ان الشغل يتطلب مهارات معينة

عارفين اشتغلت ايه؟؟

DJ

يعني واحدا تقعد تشغل سي دي اغاني في فرح او عيد ميلاد او او

وتحملت من الأهانات ما تحملته لمجرد اني ارجع احط الفلوس في ايد والدي

كما فعل اخوتي تماما

لحد ما ربنا كرمنا وعدينا الأزمة

كل شخص وله ظروفه

"وش مدمع........قلبتوا علينا المواجع"

[فــيــروز]

لذا فهو لا يعرف حقه

وما هو حقه يا اخ optimistic انا مافهمتش الجمله دى :(

الاخ البنا

العجيب انه فى اى اشارة مرور ترى المتسولين يعملون فى صمت و سكينه دون قلق من اى رجل مرور ايا كانت رتبته وكانهم يعملون فى حمايتهم !! الا يجرم الققانون التسول؟ فكيف ياتى المتسولون بهذه الثقه وهم يمارسون عملهم !!

ويا ريت فعلا يجدوا لباعة الارصفه صيغه قانونيه للتواجد و السعى وراء الرزق لانى لا اعتقد ان المطاردات التى يقوم بها رجال البلديه بها مطاردات صوريه لان هؤلاء الباعه يخسرون الكثير و الكثير من راس مالهم المتواضع بعد هذه المطاردات ومن الظلم ان نطبق عللى هؤلاء وحدهم قوانين اشغال الطريق بينما نترك محلات كبيره و ضخمه تستولى على الارصفه و اجزاء من نهر الطريق لمجرد انهم يدفعون المعلوم !!

(ما أدب إلا أدب القرش)

هذا صحيح لحد كبير جدا للاسف ..

الاخت القلب المجروح

المراه التى رايتها فى الاشاره قد لا تكون والدة المتسول الصغير .. وقد رايت هذا المشهد كثيرا انا ايضا فى العديد من الاشارات .. اذ فى الغالب تكون هذه المراه مؤجره لهذا الطفل الصغير تتسول به او حتى تراقبه وهو يتسول حتى لا يفكر ان ياخذ شيئا من حصيلة التسول لنفسه .. لانى اعتقد انه لو كانت هذه المراه اما لهذا الطفل و تستخدمه فى هذه الاغراض فهى لا تستحق ان تكون اما تعرض ابنها لهذه الاخطار للحصول على النقود ايا كانت قيمتها .. واعتقد ان حل المشكله يحتاج لتطبيق حاسم لللقانون حتى يبحث هؤلاء المتسولون عن عمل آخر ايا كانت بساطته فهو افضل من التسول

الاخ العزيز فارو

شكرا جزيلا لهذه الرساله اللى جت فى معادها تمام .. هذا بالظبط ما اردت ان اقوله عن هؤلاء الباعه

شعانينو :)

تمام كده الله ينور عليكى .. بالفعل ينبغى ان نحترم كفاح هؤلاء الشرفاء بل و نبحث عن طريقه تمكنهم من التواجد و الاحساس بالامان بدلا من المطاردات البوليسيه المؤلمه لهم

بخصوص المتسولين .. ممكن طبعا نسالهم لكن يا ترى بم سيجيبوا !! اعتقد انه ليس من السهوله بمكان على اى انسان ان يخرج للتسول لو كان عجوز مثلا و ابناؤه تنصلوا من مسئوليتهم تجاهه .. لا اظن ان اى انسان مهما كانت ظروفه وبعد ان عاش حياته بشرف يمكن ان يخرج للتسول .. اظن انه سيحاول ان يجد عملا ايا كان .. اعتقد ان التسول على كبر صعب جدا ولكنه فى النهايه ليس مستحيلا طبعا ربنا اعلم بظروف الناس .. ولكن المثال المشرف الذى ذكرتيه عن اسرتك و عنك يؤكد انه الظروف ايا كانت صعوبتها تخرج افضل ما فى الانسان اذا كان لديه استعداد .. فانت و اخوتك طرقتم كافة الابواب للبحث عن عمل شريف ومعظم المتسولين بصحه جيده ويستطيعون العمل ولكن العمل لن ياتى لهم بما ينتجه التسول .. بل ان منهم من يصيب نفسه بعاهه مستديمه .. وانا ارى هذا قمه فى الاجرام بحق النفس .. خاصة ان هؤلاء يظلمون معهم آخرين قد يكونوا بالفعل فى اشد الحاجه للعون لكن وجود محترفى التسول يحرمهم من هذا العون ..

[DARWEEN]

التسول كظاهره موجوده في جميع بلدان العالم الغني منها والفقير حتى في أرقى وأغنى دول العالم

في أغلب ميادين أوربا تجدوا المتسولين ( طبعا الأسلوب بيختلف عن زملاؤهم في مصر )

يعني ممكن تلاقي شحط وصحته تهد جبل وواقف يعزف على أورج وحاطط كوز أو برنيطه قدامه ... بعد كام متر تلاقي واحد تاني واقف يعمل بانتوميم

وكذلك رسامي الأرصفه الذين يعرضون لوحاتهم أو يعرضوا ريم صورة شخصيه في دقايق

كل هذا من باب التسول لكن الفرق بيننا وبينهم في الطريقة التي تفرشها على متسولينا نشأتهم الأجتماعيه

ولكن لاننكر أن الكثيرين والكثيرين من المتسولين يتخذونها حرفة وليست مجرد حاجة أو وسيلة للحصول على مايسد الرمق وأعتقد أن التسول والمتسولين تقع مسئوليتهم كاملة على عاتق وزارة الشئون الأجتماعيه التي هي من أغنى الوزارات في مصر ويجب أجراء بحث حالة لكل متسول فمن كان يتسول من باب الهواية والأستهبال فيجب أن يلقى جزاؤه أما من يتسول لسد الرمق فيتم تدبير وسيلة عمل شريفة له و أيداع كبار السن والغير قادرين بيوت أيواء تحفظ لهم أدميتهم