"الجنسية المصرية"..وجهة نظر

[MoHaMMeD EgYpT]

بسم الله الرحمن الرحيم

قد لا ينتبه القارئ المصرى كثيراً لخبر يتحدث عن مقابلة عائشة عبد الهادى مع وزير العمل الأردنى غازى الشبيكات، على هامش مؤتمر العمل العربى، لتؤكد عقب لقائها أن العمالة المصرية فى الأردن بخير ومستقرة، وتوضح أن الأردنيين يرحبون بشدة بالمصريين نظرا لخبرتهم وكفاءتهم العالية. كما أشارت إلى أن الشبيكات أكد لها أنه لا يسمح لأصحاب الأعمال الأردنية بالتعدى على حقوق المصريين، معتبرا ذلك خطا أحمر لا يمكن تجاوزه.

إلا أن ما يراه المصريون من صورة مرفقة مع الموضوع هى حقيقية لم يمر على التقاطها سوى عدة شهور، وكان سبب التقاطها هو الشرط الاستفزازى وهو اشتراط جنسية هؤلاء العمال، وكان هذا هو السؤال لماذا؟ جاء الجواب بمثابة صاعقة، وهو أن هذه الحرف لا يعمل بها أبناء الأردنيين لأنها أدنى بكثير من أن يعملوا بها لذا لا يصلح لهذه المهمة سوى المصريين دون غيرهم، لأنهم أكثر العمال مرونة فضلا عن تقبلهم أى أجور مهما كان بخسها، وهل يخضع هذا التمييز السافر ضمن محظورات الخط الأحمر الذى تكلم عنه وزير العمل الأردنى، أم أنه تجاوزه، أم أنه لم يقترب منه أصلا؟

وماذا عن المصريين المقيمين هناك ويعملون بوظائف أخرى، هل ينظر لهم لكفاءتهم ويتم التعامل معهم من هذا المنطلق؟ أم أن جنسيتهم المصرية أصبحت سببا كافيا لأهانتهم وإذلالهم، ولا يسع الغلابة الذين لفظتهم بلادهم ولجئوا إلى بلد آخر سوى تقبل المهانة، حيث أكد أحد العاملين بقهوة شهيرة سياحية فى عمان، أنه لا يجرؤ أن يخبر والده أنه يعمل منذ أن جاء الأردن "قهوجى" لأنه قد يصاب بشلل فور سماعه ذلك، خاصة وأنه حاصل على شهادة جامعية، وبسؤاله هل كان ليقبل هذا العمل فى مصر؟ نفى بعصبية شديدة إقدامه على هذا، والمبرر من قبول عمله هذا رغم رفضه ممارسته فى بلده أن راتب هذه الحرفة فى البلدان العربية أفضل من نظيرتها فى مصر، كما أن تحمل الإهانة فى بلد لا يعرفه فيها أحد أفضل من تحملها أمام أعين من يحبوه ويحبهم حيث تصبح أكثر إيلاما وإذلالا.

ما هذا الزمن الذى جعل من الجنسية المصرية سبب عار ومذلة لحامليها، ولكن هل نعيب زماننا والعيب فينا وما لزماننا عيب سوانا"، أين المسئولين والمهتمين؟ أين عائشة عبد الهادى؟ أين هى المؤتمرات والتصريحات؟ فوزيرة القوى العاملة صاحبة أكثر الشعارات وأكثر الوجوه الإعلامية حبا للكاميرات والظهور، فضلا عن التصريحات الكثيرة التى من أهمها الحد من الهجرة العشوائية والوقوف على أسباب البطالة والعمل على القضاء عليها، وأخيرا تصريحاتها من الأردن حول حالة التفاهم المتبادلة بين البلدين التى تهتم كثيرا بالكفاءات المصرية، وعمل الوزيرة على التأكد من القضاء على الشركات والأفراد المتخصصين فى عمليات النصب الخاصة بعقود العمل الوهمية، وفى حال العقود المبرمة ضرورة التأكد من إنصافها لحق المصريين.

المواطن المصرى الذى وجد فى وطنه أن جنسيته لا تساوى الكثير، وأصبح هو صاحب أكثر الجنسيات إذلالا فى مصر، هل سيبحث عنها خارجا؟ هل سيطالب باحترامها فى الوقت الذى يراه أبناء هذه البلدان أنه متسول ولا يجوز التعامل معه سوى من هذا المنطلق، الحر المصرى أصبح عبدا عند أشقائه رغم الشعارات الرنانة والأغانى الحماسية الملهبة المشاعر "أنا مصرى ابن مصرى وكل مصرى الله عليه" ولكن الحقيقة إنا كنت مصرى ابن مصرى وكل مصرى الله معاه.

http://www.youm7.com/News.asp?NewsID=87206...&IssueID=52

و الموضوع منقول من الاخ ar5bh جزاه الله خير

انا عن نفسي شايف ان الكلام بصراحة صحيح نسبيا معا اني مش بعمم لكن فعلا فيه مصريين و مش في الاردن بس بيقبلوا انهم يجوا و يشتغلوا اي شغلانة و لو حتي مهينة علشان الفلوس و لو اتعرضت عليهم في مصر مستحيل هيشتغلوها

يا تري ايه الاسباب ؟؟ هل علشان الفلوس الواحد يخسر كرامته ؟؟ :lol:

تم تعديل 23 أبريل 2009 بواسطة Mohammad
تعديل العنوان

[أحمد سيف]

بسم الله الرحمن الرحيم

قد لا ينتبه القارئ المصرى كثيراً لخبر يتحدث عن مقابلة عائشة عبد الهادى مع وزير العمل الأردنى غازى الشبيكات، على هامش مؤتمر العمل العربى، لتؤكد عقب لقائها أن العمالة المصرية فى الأردن بخير ومستقرة، وتوضح أن الأردنيين يرحبون بشدة بالمصريين نظرا لخبرتهم وكفاءتهم العالية. كما أشارت إلى أن الشبيكات أكد لها أنه لا يسمح لأصحاب الأعمال الأردنية بالتعدى على حقوق المصريين، معتبرا ذلك خطا أحمر لا يمكن تجاوزه.

إلا أن ما يراه المصريون من صورة مرفقة مع الموضوع هى حقيقية لم يمر على التقاطها سوى عدة شهور، وكان سبب التقاطها هو الشرط الاستفزازى وهو اشتراط جنسية هؤلاء العمال، وكان هذا هو السؤال لماذا؟ جاء الجواب بمثابة صاعقة، وهو أن هذه الحرف لا يعمل بها أبناء الأردنيين لأنها أدنى بكثير من أن يعملوا بها لذا لا يصلح لهذه المهمة سوى المصريين دون غيرهم، لأنهم أكثر العمال مرونة فضلا عن تقبلهم أى أجور مهما كان بخسها، وهل يخضع هذا التمييز السافر ضمن محظورات الخط الأحمر الذى تكلم عنه وزير العمل الأردنى، أم أنه تجاوزه، أم أنه لم يقترب منه أصلا؟

وماذا عن المصريين المقيمين هناك ويعملون بوظائف أخرى، هل ينظر لهم لكفاءتهم ويتم التعامل معهم من هذا المنطلق؟ أم أن جنسيتهم المصرية أصبحت سببا كافيا لأهانتهم وإذلالهم، ولا يسع الغلابة الذين لفظتهم بلادهم ولجئوا إلى بلد آخر سوى تقبل المهانة، حيث أكد أحد العاملين بقهوة شهيرة سياحية فى عمان، أنه لا يجرؤ أن يخبر والده أنه يعمل منذ أن جاء الأردن "قهوجى" لأنه قد يصاب بشلل فور سماعه ذلك، خاصة وأنه حاصل على شهادة جامعية، وبسؤاله هل كان ليقبل هذا العمل فى مصر؟ نفى بعصبية شديدة إقدامه على هذا، والمبرر من قبول عمله هذا رغم رفضه ممارسته فى بلده أن راتب هذه الحرفة فى البلدان العربية أفضل من نظيرتها فى مصر، كما أن تحمل الإهانة فى بلد لا يعرفه فيها أحد أفضل من تحملها أمام أعين من يحبوه ويحبهم حيث تصبح أكثر إيلاما وإذلالا.

ما هذا الزمن الذى جعل من الجنسية المصرية سبب عار ومذلة لحامليها، ولكن هل نعيب زماننا والعيب فينا وما لزماننا عيب سوانا"، أين المسئولين والمهتمين؟ أين عائشة عبد الهادى؟ أين هى المؤتمرات والتصريحات؟ فوزيرة القوى العاملة صاحبة أكثر الشعارات وأكثر الوجوه الإعلامية حبا للكاميرات والظهور، فضلا عن التصريحات الكثيرة التى من أهمها الحد من الهجرة العشوائية والوقوف على أسباب البطالة والعمل على القضاء عليها، وأخيرا تصريحاتها من الأردن حول حالة التفاهم المتبادلة بين البلدين التى تهتم كثيرا بالكفاءات المصرية، وعمل الوزيرة على التأكد من القضاء على الشركات والأفراد المتخصصين فى عمليات النصب الخاصة بعقود العمل الوهمية، وفى حال العقود المبرمة ضرورة التأكد من إنصافها لحق المصريين.

المواطن المصرى الذى وجد فى وطنه أن جنسيته لا تساوى الكثير، وأصبح هو صاحب أكثر الجنسيات إذلالا فى مصر، هل سيبحث عنها خارجا؟ هل سيطالب باحترامها فى الوقت الذى يراه أبناء هذه البلدان أنه متسول ولا يجوز التعامل معه سوى من هذا المنطلق، الحر المصرى أصبح عبدا عند أشقائه رغم الشعارات الرنانة والأغانى الحماسية الملهبة المشاعر "أنا مصرى ابن مصرى وكل مصرى الله عليه" ولكن الحقيقة إنا كنت مصرى ابن مصرى وكل مصرى الله معاه.

http://www.youm7.com/News.asp?NewsID=87206...&IssueID=52

و الموضوع منقول من الاخ ar5bh جزاه الله خير

انا عن نفسي شايف ان الكلام بصراحة صحيح نسبيا معا اني مش بعمم لكن فعلا فيه مصريين و مش في الاردن بس بيقبلوا انهم يجوا و يشتغلوا اي شغلانة و لو حتي مهينة علشان الفلوس و لو اتعرضت عليهم في مصر مستحيل هيشتغلوها

يا تري ايه الاسباب ؟؟ هل علشان الفلوس الواحد يخسر كرامته ؟؟ :lol:

مع احترامي لإخواننا الأردنيين ... أنا عاوز أسأل سؤال بسيط: أردن ايه اللي المصريين بيروحوا يشتغلوا فيها ... الأردن دي بلد من أفقر بلاد الشرق الأوسط ومستويات الأجور هناك لا تختلف كثيرا عن الأجور في مصر والبلد عايشه على المساعدات ومصائب الآخرين

ولا احنا غاويين نذل نفسنا في أي مكان وخلاص ... أنا والله اتصدمت لما سمعت إن فيه مصريين رايحين يشتغلوا في الصومال وقطاع غزه ... حقا شر البليّة ما يضحك

بس نرجع نقول منه لله اللي كان السبب

تم تعديل 23 أبريل 2009 بواسطة أحمد سيف

[Alshiekh]

يا محمد يابنى حرام عليك

مش عاجباك مصر وشايف ان الجنسية المصرية هى اول اسباب المهانة بالخارج ، سيبها ومتوجعش قلبنا اكثر من كده

انا يابنى عمرى ما انكرت جنسيتى المصرية وباقولها بكل فخر انا مصرى ، Egyptian ، Proud to be Egyptian ، ولا اخجل ان اقول لاى شخص على عيوب مجتمعه الذى اعيش فيه.

يا ابنى من يعمل فى تسليك المجارى هى افضل الف مرة ممن يتسول لقمته ، ومن يسافر او تسافر لتعمل خادمة فهم افضل الف مرة ممن يعمل فى الكباريهات.

عمر العمل الشريف ماكان عيب او سبة. العيب انك لاتعتز بوطنك او قريتك وتتبرأ من اهلك.

وياريتك تسأل من هم اكبر منك لتعرف معنى ان يكون لك وطن وان تعتز به ، يا ابنى مصر دولة يتمنى الكثيرين ان يشرفوا بالانتماء اليها ، مصر ليست الاشخاص ، مصر حاجة كبيرة للاسف انت مش قادر تعرفها.

[doha]

الموضوع كله مبني على صورة وتحليل للمكتوب فيها .. قد تكون الصورة حقيقية لكن هذا لايعني بالضرورة ان التحليل المرفق صحيح ..

يمكن هم عاوزين عمال مصريين تحديدا لان ( الراس الكبيرة ) في القهوة مصري مثلا .. او لان كل العمال الي فيها مصريين وعاوزين حد يندمج معاهم .. يمكن العكس كل زباين القهوة او معظمهم مصريين وعاملينها زي حته يتجمعوا فيها وبالتالي طالبين عمال من نفس الجنسية عشان يبقى جوها مصري مية في المية ..

ليه ميكونش عشان بيعملوا القهوة بطريقة مميزه ( تركية ) والناس التانيه يمكن بتعملها ( عربية ) .. الله اعلم ..

مفيش دليل على ان تحديد مهنة المصريين في العماله المطلوبة راجع لقلة رواتبهم بالعكس .. لو لاحظنا هنلاقي مكتوب ان الاجور مجزية ..

الي اعرفه ان في مهن معينة بتشترط ان العماله فيها او يفضل تكون لبنانية مثلا على اساس ان لهم شكل واسلوب في التعامل مميز وساعات بتكون المهنة مش محتاجه خبرة او تخصص بقدر ماهي محتاجه الاسلوب ده وال( لوك ) ده .. محدش ليه بيجي يعترض ويلطم ويقول لبنان خربت يارجاله مع العلم ان الظروف الاقتصادية في لبنان اسوأ من ان حد يتصوره ( مع الاحترام اكيد لكل الاشقاء في لبنان وكلنا في الهم عرب عادي محدش يزعل ) .

عادي يااخ محمد ايجيبت توقع انك تلاقي ناس كتير بتشتم في مصر او تحاول تظهرها اسوأ مما هي عليه فعلا .. نحن لاننكر ان مصر فيها عيوب شأنها شأن اي دولة تانيه بالظبط زي ماكل واحد فينا له عيوب ومعترف بيها عادي لكن ميحبش الي يقعد ( يفصص ) فيه ويطلع له ( القطط الفاطسة ) ويقوله انت غلط من ساسك لراسك . . هنا برغم اعترافنا بننسى كل العيوب او السلبيات الموجوده ونقول للي بيتكلم معليش اقف عندك .. ان بلدنا فيها مشاكل اقتصادية ده شيء وان لنا كرامة واعتبار وكيان برغم كل ذلك هو شيء آخر مختلف ..

ياعم محمد احنا مصريين وهنفضل مصريين غصب عن الي مش عاجبه وهتفضل لنا مكانتنا وعقولنا وشخصياتنا المميزه الي بنبهر بيها الكل في اي مكان نروحه سواء في ارضنا او خارجها .. قد يكون فينا فئة تسيء لنفسها ويستغل البعض اوضاعها او تصرفاتها للتعميم على الكل لكن مهما يقولوا او يحاولوا يغطوا على الاكثرية الكويسه هيفضل الواقع كما هو احنا زي مااحنا فوق باذن الله دائما ومحدش هيجيب راسنا الارض ..

تم تعديل 23 أبريل 2009 بواسطة doha

[شاب مصري]

منه لله اللي كان السبب ,,,

مصر دولة يتمنى الكثيرين ان يشرفوا بالانتماء اليها ، مصر ليست الاشخاص ،,,

[شاب مصري]

وياريتك تسأل من هم اكبر منك لتعرف معنى ان يكون لك وطن وان تعتز به ، يا ابنى مصر دولة يتمنى الكثيرين ان يشرفوا بالانتماء اليها ، مصر ليست الاشخاص ، مصر حاجة كبيرة للاسف انت مش قادر تعرفها.

:lol:

[شاب مصري]

بس نرجع نقول منه لله اللي كان السبب

:lol:

[se_ Elsyed]

يا محمد يابنى حرام عليك

مش عاجباك مصر وشايف ان الجنسية المصرية هى اول اسباب المهانة بالخارج ، سيبها ومتوجعش قلبنا اكثر من كده

.

طب ما افضل من هذا يا عم محمد ما يسيبها ويروح ينتحر ؟

قصدي يعني هايروح الخارج ازاي .. مش لما يخلص دراسته .. ولا هو السفر للخارج فرد دراع

ما تكلمنا يا محمد عن دراستك واخبارك ايه في الثانوية ؟

يعني بتجتهد كده وبتذاكر كويس عشان الدول الاوروبية تتهاف عليك .. ولا هاتستني مركب مخرومة تسافر فيها ؟

اتقي الله يا محمد في بلدك وكيف سيل المواضيع السوداوية اللي لا يعبر الا عن مشاكل شخصية عندك

مش عجباك الجنسية .. بسيطة جداً انزل الشارع في الكويت وقطع جواز سفرك ... وهيم على وجهك وروح عيش مع البدون يمكن يحنو عليك ويعطوك ورقة هوية مكتوب فيها بدون جنسية وبالتالي تمشي وانت رافع راسك بجنسيتك الجديدة

عُمرك سمعت يا محمد عن سودانيين بيجلدوا نفسهم ويقولوا الجنسية السودانية سبب مهانتنا لما بييجوا يشتغلوا عندنا وانت عارف بيشتغلوا ايه وهم بين اخوتهم المصريين .. لكن انت عراف المهنة المشهورة اللي بيشتغلوها

كفاية سواد يا محمد ومره اخرى اتق الله

[شاب مصري]

محمد ميقصدش مصر

محمد يقصد "مصر مبارك"

[esocial]

يا محمد يابنى حرام عليك

مش عاجباك مصر وشايف ان الجنسية المصرية هى اول اسباب المهانة بالخارج ، سيبها ومتوجعش قلبنا اكثر من كده

.

طب ما افضل من هذا يا عم محمد ما يسيبها ويروح ينتحر ؟

قصدي يعني هايروح الخارج ازاي .. مش لما يخلص دراسته .. ولا هو السفر للخارج فرد دراع

ما تكلمنا يا محمد عن دراستك واخبارك ايه في الثانوية ؟

يعني بتجتهد كده وبتذاكر كويس عشان الدول الاوروبية تتهاف عليك .. ولا هاتستني مركب مخرومة تسافر فيها ؟

اتقي الله يا محمد في بلدك وكيف سيل المواضيع السوداوية اللي لا يعبر الا عن مشاكل شخصية عندك

مش عجباك الجنسية .. بسيطة جداً انزل الشارع في الكويت وقطع جواز سفرك ... وهيم على وجهك وروح عيش مع البدون يمكن يحنو عليك ويعطوك ورقة هوية مكتوب فيها بدون جنسية وبالتالي تمشي وانت رافع راسك بجنسيتك الجديدة

عُمرك سمعت يا محمد عن سودانيين بيجلدوا نفسهم ويقولوا الجنسية السودانية سبب مهانتنا لما بييجوا يشتغلوا عندنا وانت عارف بيشتغلوا ايه وهم بين اخوتهم المصريين .. لكن انت عراف المهنة المشهورة اللي بيشتغلوها

كفاية سواد يا محمد ومره اخرى اتق الله

\

:ninja: :lol: :wub:

[شاب مصري]

ياريت بلاش نعلق المشنقة لمحمد في كل حاجة يكتبها ...

[MoHaMMeD EgYpT]

محمد ميقصدش مصر

محمد يقصد "مصر مبارك"

bv:-

و بعدين مش انا الصحفي اللي كاتب الموضوع يعني لو عاوزين تحاسبوا روحوا حاسبوا الصحفي انا لقيت الخبر و قولت نتناقش فيه و انا ولا غلطت في الجنسية المصرية ولا حاجة انا اللي كنت اقصده ان المصريين بقوا بيقبلوا باي شئ مقابل انهم يهربوا من مصر يعني لو مرتب مثلا 3000 ممكن يبقبلوا ب 1500 او اقل اما اللبنانين اللي فعلا ساعات بيبقي عليهم طلب بس الطلب عليهم بيكون علشان هما بيكونوا متعاونين جدا و علشان نظفتهم و ادبهم و بصراحة اللبنانين هم اللي الناس بتتهافت عليهم لان مثلا واحد لبناني محاسب مستحيل هتلقيه هيشتغل في مطعم ولا في محل اما المصري اه و يمكن اكتر

لو كل شخص جه في المجال اللي هو فيه و بيشتغل فيه و اللي مفروض يشتغل فيه كان زمانا بقينا زي اللبنانين و يمكن احسن و كمان السوريين بقوا احسن و العمالة المصرية خلاص بقت اسوء و اسهل عمالة تتجاب

انا مش بشتم الجنسية المصرية ولا بغلط في حد لكن عارفين مين السبب في ده كله مش مصر لا السبب هو الحكومة اللي بتدي مرتبات ما تعيش و الغلط في الشباب اللي بيفكروا يحلوا مشكلة الفلوس اللي هما محتاجينها بمشكلة اكبر و هي العمل باي سعر و في اي حتة مقابل الفلوس و مهما كانت الشغلانة

و بخصوص جنسيتي المصرية مين قال اني عاوز اسيبها ولا زعلان اني مصر

و صدقني فعلا ان البدون جنسيتهم بقت مميزاتها اكتر مع انهم ما معهمش جنسية بقت احسن مننا لان الكويت بقت بتطلع لهم باسبورات بس مكتوب فيها بدون و بيقدروا يسافروا و لما يسافروا يروحوا كندا / امريكا / انجلترا / استراليا او المهم اي بلد و يقدموا لجوء و بيعيشوا هناك و ياخدوا الجنسية و برده انا مش عاوز ابقي بدون :P wst:: انا الحمد لله مصري 100 % bv:-

و فعلا انا مش فاهم الكل بقا شغال يهاجم في مواضيعي ليه ؟؟ :ninja:

يعني انا و انا مغمض هعرف اني لو كتبت كلمة عن مصر هلقي الاستاذ محمد و الاستاذ س س دخلين يهاجموا طب ليه ؟؟ هو انا اللي بقوله كذب :lol:

و يا ريت ما تحسوش بفرق السن اللي ما بيني و ما بين حضرتكم مش علشان يعني انا قولت سني يبقي الكل هيعلق لي المشنقة :wub: و انا الحمد لله مش طفل anymore :P

[MoHaMMeD EgYpT]

ياريت بلاش نعلق المشنقة لمحمد في كل حاجة يكتبها ...

thank you

[أحمد سيف]

والله أنا شايف محمد بيطرح نقطه مهمة ... وياما اتناقشت فيها مع اخوانا اللي عاوزين يروحوا السعودية بفيزا حرة (أو الأصح فيزا عبودية)

ليه المصري بيقبل يشتغل في أي وظيفه وبأي سعر ... مع إنه لو صبر شويه ممكن يشتغل في مجاله وياخذ وضع أحسن بكثير

ليه الجامعي المصري اللي راح الأردن اشتغل هناك قهوجي ... وليه رافض يشتغل نفس الشغلانه في مصر

لو شايف إنها شغلانه غير لائقة في مصر طيب قبل بيها ليه في الأردن ؟؟؟ ما يسيبها للمؤهلات الدنيا إذا ما كانتش من مقامه ... ولا يروح بره يشيل طين وبعدين لما يرجع مصر يعملنا فيها عبدو المهم

يكونش بيطبق المثل الشهير اللي بيقول: البلد اللي ماحدش يعرفك فيها اقلع واجري فيها ... بس نسي إنه لو ماعرفوش هايعرف ابن بلده وهاتلزق عملته في المصريين كلهم

وبعدين زي ما بيقولوا إن سرقت اسرق جمل ... يعني لو قبلت تشتغل في حاجه زي دي روح على بلد فيها فلوس ... مش الأردن !!!!!!!!!!!!!

حاجه تغيظ وتكسف ... قصرتوا رقبتنا قدام اللي يسوى واللي ما يسواش الله يكسفكم

تم تعديل 24 أبريل 2009 بواسطة أحمد سيف

[esocial]

محمد ميقصدش مصر

محمد يقصد "مصر مبارك"

bv:-

و بعدين مش انا الصحفي اللي كاتب الموضوع يعني لو عاوزين تحاسبوا روحوا حاسبوا الصحفي انا لقيت الخبر و قولت نتناقش فيه و انا ولا غلطت في الجنسية المصرية ولا حاجة انا اللي كنت اقصده ان المصريين بقوا بيقبلوا باي شئ مقابل انهم يهربوا من مصر يعني لو مرتب مثلا 3000 ممكن يبقبلوا ب 1500 او اقل اما اللبنانين اللي فعلا ساعات بيبقي عليهم طلب بس الطلب عليهم بيكون علشان هما بيكونوا متعاونين جدا و علشان نظفتهم و ادبهم و بصراحة اللبنانين هم اللي الناس بتتهافت عليهم لان مثلا واحد لبناني محاسب مستحيل هتلقيه هيشتغل في مطعم ولا في محل اما المصري اه و يمكن اكتر

لو كل شخص جه في المجال اللي هو فيه و بيشتغل فيه و اللي مفروض يشتغل فيه كان زمانا بقينا زي اللبنانين و يمكن احسن و كمان السوريين بقوا احسن و العمالة المصرية خلاص بقت اسوء و اسهل عمالة تتجاب

انا مش بشتم الجنسية المصرية ولا بغلط في حد لكن عارفين مين السبب في ده كله مش مصر لا السبب هو الحكومة اللي بتدي مرتبات ما تعيش و الغلط في الشباب اللي بيفكروا يحلوا مشكلة الفلوس اللي هما محتاجينها بمشكلة اكبر و هي العمل باي سعر و في اي حتة مقابل الفلوس و مهما كانت الشغلانة

و بخصوص جنسيتي المصرية مين قال اني عاوز اسيبها ولا زعلان اني مصر

و صدقني فعلا ان البدون جنسيتهم بقت مميزاتها اكتر مع انهم ما معهمش جنسية بقت احسن مننا لان الكويت بقت بتطلع لهم باسبورات بس مكتوب فيها بدون و بيقدروا يسافروا و لما يسافروا يروحوا كندا / امريكا / انجلترا / استراليا او المهم اي بلد و يقدموا لجوء و بيعيشوا هناك و ياخدوا الجنسية و برده انا مش عاوز ابقي بدون :P wst:: انا الحمد لله مصري 100 % bv:-

و فعلا انا مش فاهم الكل بقا شغال يهاجم في مواضيعي ليه ؟؟ :ninja:

يعني انا و انا مغمض هعرف اني لو كتبت كلمة عن مصر هلقي الاستاذ محمد و الاستاذ س س دخلين يهاجموا طب ليه ؟؟ هو انا اللي بقوله كذب :lol:

و يا ريت ما تحسوش بفرق السن اللي ما بيني و ما بين حضرتكم مش علشان يعني انا قولت سني يبقي الكل هيعلق لي المشنقة :wub: و انا الحمد لله مش طفل anymore :P

بأختصار انا بقولك متشغلش بالك بكلام بعض الناس اللى مش عارفين بيقولوا ايه وده واضح لأى حد يقرا كلامهم الغريب بل على العكس انت كلامك رزين عنهم وتحس ان انت اكبر منهم واكتر خبرة فى التعامل والله ما بجامل .

[وليد عبد الخالق]

وياريتك تسأل من هم اكبر منك لتعرف معنى ان يكون لك وطن وان تعتز به ، يا ابنى مصر دولة يتمنى الكثيرين ان يشرفوا بالانتماء اليها ، مصر ليست الاشخاص ، مصر حاجة كبيرة للاسف انت مش قادر تعرفها.

بعيدا عن كوني مؤيد او معارض لطبيعة عمل المصري بالخارج حتي لو كانت عامل نظافة

واضافة لكلام للاخوة الافاضل

العمل ليس حراما طالما كان عملا شريفا فلا يجب ان يخجل منه المرء

الرخيص هو من باع نفسه و وطنه وباع دينه من أجل المصالح وليست الجنسية المصرية

من خلال طرحك اخي الكريم ومن مردود بعض الاعضاء

اتذكر الاهانات التي ينالها المصري كل يوم في الشارع و العمل و البيت

متمثله في الفساد والفقر والجهل والعنف والظلم

وهذا ليس من شأنه تحقير او المساس بالجنسية المصرية التي اتشرف بها

بل بالعكس اراني وكثير مثلي يفتخرون بكون مصر بلدنا

ولا اجد ما اعبر به اكثر من مقولة اخي العزيز محمد

[torontoz]

حقولك موقف حصلي مع الجنسية المصرية في مصر..اخذت الباص من القاهرة الي الغردقة..وقبل وصول الغردقة عند منطقة الزعفرانة او سفاجا مش فاكر..الباص وقف فجأة..وطلع اتنين شكلهم امناء شرطة بيفتشوا علي البطايق..هذا المنظر استحالة تشوفه غير في مصر...كل الاتوبيس نزل ..واتفتحت شنطة الباص ونزلت كل الشنط علي الارض..وجاء دورى..امين بكل سماجة وافتري بيقولي بطاقتك..فروحت نظرلته نظرة استغراب..فقالي ايه..جديدة عليك..قولتله لا جديدة ولا حاجة لكن انا معيش بطاقة..ينفع جواز السفر.؟ قالي هو فين..قولتله فوق في الاتوبيس...قالي طب استنانى انت شوية..وفي وسط الزحمة ..طلعت الاتوبيس وجيبت الشنطة وانا نازل شافني الامين..قالي انت ايه اللي طلعك الاتوبيس..قولتله علشان اجيب جواب السفر..قالي طب هو فين..قولتله اتفضل..قالي..طيب مش تقول حضرتك ان معاك الاحمر..طبعا معاملة تانية خالص..واتفضل حضرتك استريح في الاتوبيس...الخلاصة الموقف ده كان بيتكرر في كل مره بذهب الي الغردقة او ج سيناء..وفي كل مرة نص الاتوبيس بيتاخد تحري..وغالبا بيترحلوا اداري...ملحوظة انا اخذت القطار الدولي من لشبونة مرورا باسبانيا..ايطاليا ..سويسرا..النمسا..المجر..رومانيا..لم يطلب احد منى جواز السفر الا في محطة المغادرة لشبونة - البرتغال علما باني كنت احمل اقامة فقط في اوروبا في هذا الوقت...

[MoHaMMeD EgYpT]

حقولك موقف حصلي مع الجنسية المصرية في مصر..اخذت الباص من القاهرة الي الغردقة..وقبل وصول الغردقة عند منطقة الزعفرانة او سفاجا مش فاكر..الباص وقف فجأة..وطلع اتنين شكلهم امناء شرطة بيفتشوا علي البطايق..هذا المنظر استحالة تشوفه غير في مصر...كل الاتوبيس نزل ..واتفتحت شنطة الباص ونزلت كل الشنط علي الارض..وجاء دورى..امين بكل سماجة وافتري بيقولي بطاقتك..فروحت نظرلته نظرة استغراب..فقالي ايه..جديدة عليك..قولتله لا جديدة ولا حاجة لكن انا معيش بطاقة..ينفع جواز السفر.؟ قالي هو فين..قولتله فوق في الاتوبيس...قالي طب استنانى انت شوية..وفي وسط الزحمة ..طلعت الاتوبيس وجيبت الشنطة وانا نازل شافني الامين..قالي انت ايه اللي طلعك الاتوبيس..قولتله علشان اجيب جواب السفر..قالي طب هو فين..قولتله اتفضل..قالي..طيب مش تقول حضرتك ان معاك الاحمر..طبعا معاملة تانية خالص..واتفضل حضرتك استريح في الاتوبيس...الخلاصة الموقف ده كان بيتكرر في كل مره بذهب الي الغردقة او ج سيناء..وفي كل مرة نص الاتوبيس بيتاخد تحري..وغالبا بيترحلوا اداري...ملحوظة انا اخذت القطار الدولي من لشبونة مرورا باسبانيا..ايطاليا ..سويسرا..النمسا..المجر..رومانيا..لم يطلب احد منى جواز السفر الا في محطة المغادرة لشبونة - البرتغال علما باني كنت احمل اقامة فقط في اوروبا في هذا الوقت...

انا حاسس انك ما قراتش الموضوع من الاول لكن فعلا ده اللي بيحصل و ربنا يرزقنا بالازرق اخو الاحمر و نعيش حياتنا بقا

:wub:

[د هشام ابراهيم]

مش عارف الموضوع أتشعب كده ازاي :) .....بعيد عن الشخصنة أحب أضيف نقطتين :

- مهما رحنا أو جينا أو هاجرنا أو خدنا باسبورتات حنفضل مصريين ....مش بس كده ...اولادنا و أحفادنا و أحفاد أحفادنا برضه حيتقال عليهم مصريين حتي لو ما شافوش مصر أصلا

فيه دعابة لطيفة بتتقال في تورنتو .....الكندي أبا عن جد لو سألته عن أصله مش حيقولك كندي ...حيقول I'm Irish أو I'm Italian أو portuguese إلخ إلخ

المهاجر الجديد هو اللي بيقول I'm Canadian

- العلاقة ما بين السلطة المصرية و بقية المصريين فيها اختلال واضح ....الاختلال ده بيتعدي حدود الوطن إلي البلاد اللي المصريين مغتربين فيها ..... المنتدي مليان مغتربين و اعتقادي الشخصي ما حدش حيبقى راضي عن أداء السفارات و القنصليات المصرية اللي قلما بتوفر أي دعم للمصريين اللي مفروض بترعاهم ....لا معنوي و لا قانوني و لا مادي ..... المصري بره مصر متأكد إنه ما لوش ضهر يحميه و إنه مش من دائرة اهتمامات السفارة المصرية .....زاي ما المصري داخل مصر عارف إن الحكومة مش مهتمة بيه و لا بمصالحه

أعتقد إن الاحساس ده بيلعب دور كبير في سلوك المصريين المغتربين بما فيه الرضا بشروط مجحفة في عقود العمل

ما بين مطرقة الاحساس بالغربة داخل الوطن و سندان عيشة الغربة خارج الوطن نعيش نحن المصريين عصر إضمحلال لا أدري نهايته

[supersuper]

مع احترامي لإخواننا الأردنيين ... أنا عاوز أسأل سؤال بسيط: أردن ايه اللي المصريين بيروحوا يشتغلوا فيها ... الأردن دي بلد من أفقر بلاد الشرق الأوسط ومستويات الأجور هناك لا تختلف كثيرا عن الأجور في مصر والبلد عايشه على المساعدات ومصائب الآخرين

ولا احنا غاويين نذل نفسنا في أي مكان وخلاص ... أنا والله اتصدمت لما سمعت إن فيه مصريين رايحين يشتغلوا في الصومال وقطاع غزه ... حقا شر البليّة ما يضحك

بس نرجع نقول منه لله اللي كان السبب

السعودية الأولي والأردن الثانية في استقدام العمالة المصرية

1 يناير 2009

تابع لقسم اخبار مصر بقلم ENOOOO في 1:16 ص

احتلت المملكة العربية السعودية المرتبة الأولي في الدول الأكثر استقبالا واستخداما للعمالة المصرية خلال العام الماضي حيث وفرت السوق السعودية نحو‏63‏ ألفا و‏394‏ فرصة عمل‏.‏ وقالت السيدة عائشة عبد الهادي وزيرة القوي العاملة والهجرة إن إجمالي ما تم توفيره من فرص عمل بالخارج بلغ‏181‏ ألفا

و‏176‏ فرصة في‏14‏ دولة عربية وأجنبية خلال‏2008‏ في مختلف التخصصات الفنية والمهنية‏.‏ وأضافت أن المملكة الأردنية الهاشمية احتلت المرتبة الثانية بنحو‏45‏ ألفا و‏52‏ فرصة عمل ثم الجماهيرية الليبية بنحو‏27‏ ألفا‏.‏