كرسي الاعتراف

[سونة]

اسمحولي انى ادخل علي طول

انا بقالي سنتين وشوية ما شية وراكم قصدى مرقباكم يووة قصدى متبعاكم وشاركت في بعض المواضيع

لدرجة انى كنت برد علي كل مداخلة بس في سكات واتخيل اللي هيرد عليا هيقوللي اية

بعد كل دة فعلا دلوقتى حاسة انى عارفاكم كلكم وانتو كمان عارفينى

واللي خلانى اشترك بجد بجد هية بنت شعنونة اصلي كل ما اجى اقول حاجة الاقيها قالتها

اية يا بنتي بتسرقى افكاري لية؟

واخرهم الموضوع اللي اقترحتة عن الحوار الصريح جدا اهو دة بالذات كنت بفكر فية مع نفسي وبنخيل ردود كل واحد

ولما قريت اقتراحها في الموضوع بتاع الاستاذ هشام

لا بجد فعلا اتخضيت ونظري اتسحب منى وبلمت

بس المرة دى مش هتنازل عنك ابد

وهفتح الموضوع (اوعي تزعلي انا بهزر)

بس هغير الاسم لو تسمحى

بس عاوزين نختار العضو اللي هنبتدى بية

والا نخليها حسب الترتيب الابجدى

يارب تقبلونى معاكم ومايكونش دمى تقيل عليكم

[linux]

بالنيابة (و المحكمة) عن نفسي ...

و بلأصالة عن زملائي و زميلاتى ...

أرحب بك فى المنتدي الرهيب ده ...

و أوعدك نكون عند حسن ظن حضرتك ...

بس ...

"سنتين وشوية" و أنتى لابده فى الدرة؟!!

مش آقدر أحوش نفسي و هأسئل السؤال و اللى يحصل يحصل:

طب و مستعجله كده ليه؟

وش واحد بيرحب

[سونة]

يا ساتر استر يارب

كدة برضة يا linux

من اولها نيابة ومحكمة

متشكرة اوى لحضرتك

و أوعدك نكون

كبيرة عليا كتير   ياريت انا اكون عند حسن ظنكم

بس حضرتك مقولتش  مين اللي ها يؤعد(يجلس )يعنى

علي كرسى الاعتراف

[بنت شعنونة]

بقالي سنتين وشوية ما شية وراكم قصدى مرقباكم يووة قصدى متبعاكم وشاركت في بعض المواضيع

لدرجة انى كنت برد علي كل مداخلة بس في سكات واتخيل اللي هيرد عليا هيقوللي اية

بعد كل دة فعلا دلوقتى حاسة انى عارفاكم كلكم وانتو كمان عارفينى

واللي خلانى اشترك بجد بجد هية اصلي كل ما اجى اقول حاجة الاقيها قالتها

سامعيييييييييييييييييين يا حكوووووووووووومة

يا ادااااااااااااااااااااااارة

انا عاوزة نسبببببببببببببببببببببببة بقى ع الزبااااااااااااين دي

اولا

اهلالالالالالالالالالالا بيكي يا سونة ونورتينا

وبجد انا مش بخطف كلام منك والله ولا حاجا بس لآني نموذج صعنون لأي بنت مصرية ..كوكتيل كدا يعني فتلاقيني واخدا من دي حبة ومن دي حبة

بس بجد بجد انا فرحانا جدا جدااااااااااااااا بكلامك دا وربنا يخليكي يا سكرة

واكتبي على طوووووووووووووووول ما تسكتيييييييييش

وانا معكي قلبا وقااااااااااالبا

واهداء من ماما وبابا وتيتا الى سونة غنوة

سونة يا سنن جيييييييييييتلك اهوووووووووو

ترااالم

[بنت شعنونة]

انا ارشح لينكس

عشان هوا اول واحد رد

استتتتتتتتتتتتتتتللللللللللللللللللممممممممموووووووووه بقىىىىىىى

"وش ميييييييييت من الضحكككككككك"

[crossfield]

أهلاً يا سونة (باقى الاسم أجدع ناس؟؟) وش بيشاكس و وش تانى بيرحب بيكى.

أنا بأقول نقعد شعنونة الأول على الكرسى و نسألها فجأة خمسين سؤال ورا بعض مالهمش علاقة ببعض خاااالص

مثلاً "كنتى فين النهاردة" ؛" ايه علاقتك "بسلومة" الأقرع؟" و فى الآخر خالص يقرب لينوكس منها فجأة و يقولها "فاضل 15 يوم على ايه بالظبط؟"طبعاً هترتبك و تتشعنن و تقر على طول بالحقيقة.

ها يا شنشن؛مش برضو اللى فى بالى؟؟؟؟؟؟؟؟؟؟

هنشرب سوبيتك قريب؟؟؟؟؟؟

وش خبيث على كوهين.

[سونة]

متشكرة ليكو بجد مش عارفة اقول اية

مش لاقية اي كلمة تعبر عن الفرحة اللي انا فيها دلوقتى

كلامك حلو يا نونى لأن نفس الكلام دة بيحصل معايا

بس الفرق بينى وبينك انك بتقدري تعبري عن اللي جواكى

لكنى بصراحة بصراحة يعنى بخاف اتكلم او اقول رأي ولحد دلوقتى معرفش لية؟؟؟؟

أهلاً يا سونة (باقى الاسم أجدع ناس؟؟)

ربنا يهنيكى يارب

بعد اذنك يا ميس مش فاهمة آخر حتة ممكن تعيديها والا هناخدها في الدرس

نرجع مرجوعنا تانى

دلوقتى اترشح اتنين الاستاذة نونى

والاستاذ لينوكس

وعشان دةاول موضوع استفتاح يعنى خلاص نسأل

الاتنين في وقت واحد

[سونة]

عشان ليدز فرست

نبتدى بشونشن

بنت مثقفة وعاقلة ومتواضعة و شعنونة

وليها شعبية جامدة في المنتدى

لقبت (بضم الام وكسر القاف) بملكة التلقائية

ودة عشان نيتها الكويسة وكمان اللي في قلبها علي لسانها

وتقلدت عدة مناصب منها قائدة في احد اهم واعنف المعارك التي خاضتها من اجل اعلاء كلمة وصوت المرأة المصرية انها بنت شعنوووووونة

دلوقتى كل اللي عايز سألها اي سؤال وليها الحق في الامتناع عن الاجابة

الاسئلة :

1-لية سميتى نفسك شعنونة ؟

2-نفسك في اية؟واية الحاجات اللي كان نفسك تحققيها؟

3-بتحبي اغنية كوكب تانى لمدحت صالح؟

4- اشمعنى رقم 15 يعنى؟(بتخمسي عشان الحسد والا اية النظام)

اتبقت حاجة

طب نجاوب علي طول والا نستنى لتجميع اكبر عدد من الاسئلة؟؟؟

[بنت شعنونة]

"وش مزبهلللللللللل"

اييييييييييه ديييييييييييييييه

اللهم صلي ع النبي اللهم صلي ع النبي

احنا حدانا التلفزيييييييييوووووووون

بيت يا بهييييييييييةةةةةةة همي يا ببببببببت دا التلفزون جاي حدانا الكفر وها اتصوووووووووووورررررررررررر

لولولولوولولوللللللللللللللللللللي

ماشششششششششي يا سووووونة ماششششششششي

ها ارد عليكي يا فندم

" فين السلطااااااااااانية يا اوثماااااااااانا"

لية سميتى نفسك شعنونة ؟ 

برييييييييء يا بيييييييييييييه

يا ستى مش انا اللي سميت نفسي والله دول العيال زماااااااايلي الله يهدهم

عشان انا ممكن تلاقيني اتكلم واعيط واضحك واجري في نفس الثانية

ويقال انه التسمية دي اتقالت عليا اول مرة يوم امتحان بعيييييييد عن السامعين وانا كنت عاوزا اتاكد من حاجا فرحت جري على مجموعة من زمايلنا اسالهم عليها ولما اتكدت منها قبل ما يكملوا كلامهم كنت لفيت ومشيت في اقل من ثانية

ساعتها لقيتهم ميتيييييييييين ضحك على منظري ومن يومها سموني شعنونة!!!!!!!

"وش محرج"

نفسك في اية؟واية الحاجات اللي كان نفسك تحققيها؟ 

لو كل يوم سألتيني السؤال دا ها تلاقي مني اجابة شكل

عمرك ما هاتسمعي نفس الأجابة ابدا

نبدى بالمقلوب

كان نفسي في حاجات كتيييييييير اوي

اهمها اني اتطمن على اخواتي والحمدلله اهو ربنا يكرمهم جميعا وعقبال النونو

نفسي ربنا يخليلي بابا واموت قبله لآني من غيره صفففففففرر كبير جدا جدا

نفسي انا في ايه....

هممممممم

صؤال صعب يا سونة والله

بس اللي حقيقي نفسي فيه

شوية اااااااادمية وانسانية في التعامل مع الناس خاصة الغلابة وان ربنا يكرمني ويطرح فيا الصبر ومحبة الناس عشان ابقى دكتورة انسانة ولو ربنا كرمني ان شاء الله ان شاء الله ها اعمل حاجات كتيييييير اوي في شغلي واكيد ها اغير حاجات كتير "حتى لو من وجهة نظري ع الأقل"

ونفسي في حاجا كدا بتمناها قبل ما انام لما اكون لوحدي خالص

نفسي اشوف الحب

الحب الي بجد مش بتاع اليومين دول

عشان اضربة بالرصاااااااااااااااااااااااااااااااص "وش مفتري"

بس ها اقولك على حاجا

ميزة الشعانين انه لما يبقى نفسه في حاجا وهيا في ايده بيعملها من غير ما يفكر ابداااااااااااااااا

حاجا حلوة

ووحششششششة اوي في نفس الوقت

بتحبي اغنية كوكب تانى لمدحت صالح؟ 

؟؟؟؟؟؟؟؟؟؟؟؟

عرفتي منييييييييين؟؟؟؟؟؟؟؟؟؟؟؟؟؟؟؟

بجد والله

انا بحبها جدااااااااااااااااااااا

عشان الكلمتين دول

فيه الأنساااااااان لسا انسان عايش للتاااااااااااااااااااني

في سد منيييع عالي وفظيع عالي ومنييييع بيني وبين نفسي بين روحي وياسي "كانت باين كدا"!!!

اما يا ستي موضوع ال 15 دا

انظر الكتاب صفحة توقيييييييع شعنونة في الأبتسااااااااماااااااااات

بت يا بهييييييييييييييييييه التلفزيون مشي هاتي الفطيرة بجى يا ببببببببت

[crossfield]

أهلاً يا سونة (باقى الاسم أجدع ناس؟؟)

ربنا يهنيكى يارب

بعد اذنك يا ميس مش فاهمة آخر حتة ممكن تعيديها والا هناخدها في الدرس

عظيم عظيم

أنا أحب التلميذ النبيه اللى غاوى علام

مش فاكرة سونة أجدع ناس بتاعةمسرحية" العيال كبرت"؟اللى كان أحمد زكى عايز يتجوزها.

وش بيطفى الكمبيوتر و بيجرى قبل ما سونة تطسه بحاجة.

شعنونة:

أقترح تغيير اسم الموضوع الى"شعنونة على الشيزلونج" و نجيبلها الدكتور البنا علشان يحللنا العقدة اللى عندها و يقولنا ليه هى بتسمع الأغنية "بين روحى و يأسى" مش زى ما مدحت صالح بيقولها"بين روحى و رسمى".

و أحب أسمع أكأب أغانى المنتدى " كوكب تالت"حيث أن المريخ خلاص وصلوله و يمكن يعيشوا فيه و الله أعلم.

وش رخمممممممممممممممممممممممم.

[بنت شعنونة]

شعنونة: 

أقترح تغيير اسم الموضوع الى"شعنونة على الشيزلونج" و نجيبلها الدكتور البنا علشان يحللنا العقدة اللى عندها و يقولنا ليه هى بتسمع الأغنية "بين روحى و يأسى" مش زى ما مدحت صالح بيقولها"بين روحى و رسمى". 

عقلي الباطن بيقولي 

يااااااااربييييييي ايه الناس الي ما بتفوتش كلللللللمة دييييييييي

"وش محرج اوووووووي"

"وش واحدا ماسكة طماطم عمالة تحدفها على كرووووسسسسسساية وهيا بتقول..... انصرررررف انصررررررف"

[linux]

أهلاً يا سونة (باقى الاسم أجدع ناس؟؟)

مش فاكرة سونة أجدع ناس بتاعةمسرحية" العيال كبرت"؟اللى كان أحمد زكى عايز يتجوزها.

وش بيطفى الكمبيوتر و بيجرى قبل ما سونة تطسه بحاجة.

quote]

"أونكل كمال خطيب ماما أهوه" ... "و سونة أجدع ناس" ... "آتاريك ... لابس و متشيك"

(من أظرف المسرحيات بجد)

[linux]

انا ارشح لينكس

عشان هوا اول واحد رد

استتتتتتتتتتتتتتتللللللللللللللللللممممممممموووووووووه بقىىىىىىى

"وش ميييييييييت من الضحكككككككك"

أي ... أحنا فينا م الذنب؟ (ضمة فوق الذال ... ذو!!)

ماشي ياشعنونة!! نردهالك فى الأفراح أن شاء الله ...

أنا راجل غلبان و دمي تقيل و بكتب السطر فى ساعة علشان مابعرفش أستعمل الكيبوورد العربي ...

يعنى الخلاصة: قمة الملل .... دوري على ضحية غيرى :-)

[سونة]

وتانى واحد معانا هو انسان ::

أيه رأيكم فى مشروع مربح: تيجوا نورد قباقيب لمطارات أمريكا؟

اقتصادى

بالنيابة (و المحكمة) عن نفسي ...

و بلأصالة عن زملائي و زميلاتى ...

أرحب بك فى المنتدي الرهيب ده

سنتين وشوية" و أنتى لابده فى الدرة؟!!

مش آقدر أحوش ...

مرحاب ودوغري

أخوك كان رومانسي

كان رومانسي

و أنا معاكم أن شاء الله

متعاون

طبعا هوة الاستاذ لينوكس

الاسئلة:

1-يعنى اية لينوكس؟انا اسمع انة نظام تشغيل صح والا انا سمعت غلط

2-زمان كنت بشوف بطريق جنب اسم حضرتك؟هل دة لة علاقة بالاسم؟(لا مؤاخذة اصل ثقافتي فرنساوى)

[سونة]

كروسة قالت

أنا أحب التلميذ النبيه

ربنا يخليكى.  

لينوكس قال

ماشي ياشعنونة!! نردهالك فى الأفراح أن شاء الله ...  

أنا راجل غلبان و دمي تقيل و بكتب السطر فى ساعة علشان مابعرفش أستعمل الكيبوورد العربي ...  

يعنى الخلاصة: قمة الملل .... دوري على ضحية غيرى :-)  

 

لية بس كدة

بس حضرتك آشر (شدة ع السين) بس وانا اكتبللك

وهما سؤالين بس كدة تكسر بخاطري في اول طلب ليا

الظاهر الجماعة هنا ملهمش نفس يسألوا حد

مش فاكرة سونة أجدع ناس بتاعةمسرحية" العيال كبرت"؟اللى كان أحمد زكى عايز يتجوزها

وش بيطفى الكمبيوتر و بيجرى قبل ما سونة تطسه بحاجة

لأ مش فاكرة( قفا واحدة بتستعبط )

[linux]

1-يعنى اية لينوكس؟انا اسمع انة نظام تشغيل صح والا انا سمعت غلط  

مظبوط. لينكس نظام تشغيل مجانى. متصمم و مكتوب و مدعم بناس زي و زيك من جميع أنحاء العالم. حاجة ظريفة مش كده؟

بحب لينكس لعدة أسباب، منها أنه مشابة لنظام Unix اللى أستعملته طوال سنوات درستى الجامعية و الدراسات العليا.

برضه لأنه بيناسب شخصيتى ... زي ماتقولى كده انا من اللى بيتوصف أنه ثائر (Rebel) أو ضدّ المؤسسة و الإحتكار ... يعنى ضد مايكروسوفت و احتكارها للسوق ...

لينكس نظام مفتوح (ديمقراطية و حرية التعبير) للجميع ... من الناس و الى الناس

فى حين أن مايكروسوفت نظام مغلق (دكتاتورية و قهر) ... شفتى أن العملية فلسفة و سياسة!!

سبب أخير، انى ... و أعوذ بالله من كلمة أنا ... ساهمت مساهمة بسيطة قوى فى كتابة برنامج فى نظام التشغيل لينكس ... متحيز يعنى!

2-زمان كنت بشوف بطريق جنب اسم حضرتك؟هل دة لة علاقة بالاسم؟(لا مؤاخذة اصل ثقافتي فرنساوى)

و لا يهمك ... أنا ثقافتى مانجة عويسي !!

ياخبر أبيض!! انا لسة شايف البطريق جنب أسمى ... أكيد أتنشلت!!

يمكن في عطل فنى و لا حاجة ...

البطريق هو شعار لينكس و أسمه "Tux" ... و بيتفننوا فى أختراع أشكال ظريفة جديدة:

[se_ Elsyed]

أنا عندي كام سؤال لشعنونة ..... ومافيش إختيارات ومافيش إتصال بصديج

س1 : لو إتقدم لك عريس حليوه وأبن حلال وقالك تقعدي فى البيت يا شنشن عشان تربي العيال ... هاتضحي بالطب والخمسة عين بتوع الدكاترة .. والا هاتقوليلوا إمشي ياله أنت عاوز واحده جاريه ؟

س 2 : ترضي تعيشي فى مدينة تانية على طول بعيد عن بابا واخواتك ؟

س 3 : لو حد لفت نظرك لحاجة فى شخصيتك لازم تتغير ( مثلاً مثلاً طيبة أكتر من اللازم ، أو إنت بتسوي جرجر كتير ، أو كرم برضوا زياده عن اللازم برضوا ... ) تاخدي بالنصيحة دي ولا تخبطية بحاجة في وشه ؟

جاوبي بسرعة قبل ما تروحي الســــــــــــــــلوم

وبالمناسبة دي أحب أسمع أغنية ( سلومولي على مصر سلومولي )

[se_ Elsyed]

الطريحة التانية .. كابشت أسئلة للينوكس ... أطلعلي بقى كده من ورا المكتب وسنترلي دماغك ...

س 1 : لو جاتلك الفرصة بشغل كويس فبمرتب محترم في مصر ... هاتضحي بحيات فى أمريكا وتستقر فى مصر ؟

س 2 : مابيجيش عليك لحظات وتخاف على أولادك لما يكبروا من الثقافة الأمريكية أو من إحتمال إنقطاع الصلة بينهم وبين بلدهم الأصلية مصر ؟

كفاية كده النهارة علشان أروح أتغدى وأمخمخ في شوية أسئلة تانية ..

[بنت شعنونة]

ماااااششششي يا سي السيييييييييد ليك كرسييييييي يييييه قصدي يووووووووووم

س1 : لو إتقدم لك عريس حليوه وأبن حلال وقالك تقعدي فى البيت يا شنشن عشان تربي العيال ... هاتضحي بالطب والخمسة عين بتوع الدكاترة .. والا هاتقوليلوا إمشي ياله أنت عاوز واحده جاريه ؟ 

انا كنت بدور اصلا على عريس كدا فعلا لآني كرهت بهدلة برا البيت الصراحا

لكن من ساعة ما قررت ابقى دكتورة

بجد مش عارفا بس اللي عارفاه اني نحيت فكرة الزواج دي سنتين كدا قدام لحد ما اشوف انا عاوزة ايه بجد

2 : ترضي تعيشي فى مدينة تانية على طول بعيد عن بابا واخواتك ؟ 

سؤال صعب اوووووووي استحالة اجاوب عليه الا اذا كنت في نفس الموقف ساعتها

لكن اعتقد 60% اه

لآنه البيت فضي عليا اهو...:((

س 3 : لو حد لفت نظرك لحاجة فى شخصيتك لازم تتغير ( مثلاً مثلاً طيبة أكتر من اللازم ، أو إنت بتسوي جرجر كتير ، أو كرم برضوا زياده عن اللازم برضوا ... ) تاخدي بالنصيحة دي ولا تخبطية بحاجة في وشه ؟ 

بص يا سيدي

اولا

واهممممممم حاجااااااااا

اكتـــــــــــــأب

وبعدين اقعد افكر مع نفسيييييييي واقول ها اتغييييييير ولالالازم وكدا

انما هيا ديتها يوم واحد

واشوف ان الحاجات دي حاجات فعليا كويسة ومش بتأذي حد "غيري تقريبا"

اقوم ترجع ريما لعادتها القديييييييييمة

انما لو نصيحة على حاجا وحشة فعلا فيا وكدا

بفكر فيها كويسة جدا فعلا وبحاول اتغير على قد ما اقدر والله...

اشوفك يوم الخميس الجاي وما تاكلش لا سمك ولا بيض

"وش دكترة رخم"

[linux]

س 1 : لو جاتلك الفرصة بشغل كويس فبمرتب محترم في مصر ... هاتضحي بحيات فى أمريكا وتستقر فى مصر ؟

سؤال صعب جدا ... و أحنا هنا بنسأل نفسنا نفس السؤال

شوف يا أخويا يا س س، زمان (مش زمان قوي يعنى) كنت فاكر أن المسألة مسألة فلوس فى المقام الأول. بس الموضوع طلع أكبر من كده بكتير.

طبعا الأرزاق فى أيد الرحمن و مش مرتبطة بمكان معين، أكيد ها تصدقنى لو قلت لك أن عمل "خميرة" ترجع و تستقر بيها فى مصـــر أمر صعب. حتى لو بتعمل فلوس كتيرة بتصرف كتير برضة (انا كتبت فى الموضوع ده فى باب المغتربين قبل كده).

أتمنى من كل قلبى أرجع مصـــر لكن فى حاجات بتخلينى متأكد أنى هأرجع بعد المعاش لو فيه عمر و مش قبل كدة ... السبب أن فى حاجات أتعودت عليها هنا و صعب جدا أقبل تغيرها فى حياتى المهنية ... آديك أمثلة:

- أحترام المواعيد و الأتفاقيات

- أحترام الأراء ... عادي جدا أنى أخالف رئيسي فى الرأي ... و بدون خوف من العواقب ... بالعكس، فى بعض الأحيان الموضوع ده جه فى صالحي

- عدم وجود محسوبية

- عدم وجود تمييز بناء على الدين أو اللون أو البلد الخ

- التقدم العلمى

- لحد ما، كل واحد فى حاله

أعتقد أنك ها توافقنى أن معظم الحاجات دى مش موجودة فى مصـــر حاليا. بالعكس، من أهم الأسباب اللى خلتنى أسيب البلد هو موضوع المحسوبية و الواسطة.

س 2 : مابيجيش عليك لحظات وتخاف على أولادك لما يكبروا من الثقافة الأمريكية أو من إحتمال إنقطاع الصلة بينهم وبين بلدهم الأصلية مصر ؟

أكون كذاب لو قلت لك لأ. طبعا ده فى فكري على طول. بس برضة الموضوع ماعدش زى زمان. الثقافة العربية و الأسلامية فى أضمحلال فى بلادنا العربية نتيجة العولمة و العملاء اللى عايزنا نمشي وراء الغرب فى كل حاجة. أنا هنا عندى الفضائيات و ساعات الLBC أو النيل للدراما بيكونوا أخطر من محطات أمريكية (بتأخد بالك أن المتخلفين بتوع التلفزيون المصرى مابيئطعوش الكلمة اللى بتبتدى بF و بيترجموها على أنها "عليك اللعنة"؟!!). مش بس كدة، أتقالت كذا مرة فى "صعيدي في الجامعة الأمريكية".

أحنا هنا مشددين على أولادنا أكتر من لو كنا عايشين فى مصــر ... بنحفظهم قرآن و تجويد و سيرة، بنوديهم مدارس لتعلم العربى، بنزرع فيهم حب مصــر لدرجة مبالغ فيها ... الولاد هنا يفتكروا أن مصــر جنة و مافيهاش حاجة وحشة (بأستثناء العيلة المالكة من كتر ما بيسمعونا بنشتم و نتعصب قصاد التليفزيون!).

حسبة صعبة ... و مين عالم غير الله ... ممكن ولادنا هنا و اللى بيألس عليهم عادل أمام يقدروا يقدموا لمصــر الكتير.

بس بقى ... و منك لله ... أيدى وجعتنى م التهتهة على الكيبوورد ... أصل أنا سرعتى على الكيبوورد العربي حوالى اتنين حرف فى الدقيقة!