مدة صلاحية تذكرة الطيران

[abohaya]

مساء الخير السادة مشرفى و اعضاء المنتدى لو حد ممكن يفيدنى فى مدة صلاحية تذكرة الطيران الذهاب و العودة سواء لمصر للطيران او السعودية

[بندق أفندى]

فى الغالب مدة الصلاحية سنة .. تستخدم التذكرة خلالها يعنى من يوم ما أشتريها لحد ما أسافر بيها اول مرة سنة

لكن هناك ما يعرف الايسكرشن أو المدة بين السفر والعودة

وتلك تحدد من ساعة شراء التذكرة لأنه السعر بيفرق

فيه شهر و45 يوم وشهرين و 3 شهور وتذكرة سنوية .. بس

[doha]

هو صلاحية التذكرة الي لسه مسافرتش بيها معرفش كام بالظبط لكن اظنها زي ماقال الاخ بندق سنه بس مش متاكده اوي من الحكايه دي .

بس الفترة مابين الذهاب والعوده دي بتختلف على حسب سعر تذكرتك يعني وانت بتشتريها بتقول انا عاوز تذكرة 45 يوم ولا ثلاث شهور ولا سنوية ..

طبعا الخمسة واربعين يوم ارخص شيء والسنوية اغلى شيء ودي بتتيح لك ترجع في اي وقت خلال سنة من تاريخ سفرك بينما الخمسة واربعين يوم بتسقط بعد 45 يوم من السفر بيها ومتقدرش تعمل بيها عوده لو المده دي فاتت لكن تقدر تمدد التذكرة او تسترد بقية ثمنها وكذلك الحال بالنسبة للثلاث شهور او السنة برضه لك تسترد ثمنهم لو لم تستخدمهم ..

جدير بالذكر ان سعر تذكرة العوده ارخص كتير من سعر الذهاب .. يعني لو انت قاطع تذكرة مثلا بثلاث الاف وسافرت بيها ورجعت بطريقة ثانيه او مرجعتش وحبيت تسترد نصف التذكرة الخاص بالعوده في الحاله دي هيرجعوا لك مبلغ في حدود 700 او 800 على الاكثر لان سعر تذكرة الذهاب فقط اغلى من نصف سعر ذهاب وعوده ..

برضه سعر التذكرة السنوية مقارب لضعف سعر الذهاب فقط الفرق بسيط بين الاثنين ..

[abohaya]

الف شكر بندق افندى و دوحة على الاهتمام و الرد