بنك معلومات من خبرات المهاجرين السابقين

[mohamedadel]

تسجيل متابعه...

وبصراحة الناس إل زي حلاتي جداد في المنتدى . موضوعك ده مهم جدا لهم

ان شاء الله في ميزان حسناتك انتي والأساتذه الأفاضل أصحاب المواضيع الأصلية

[somayasaleh]

نتكلم بقي علي نظام التامين الصحي

تتولي حكومات المحافظات التأمين الصحي ، والعلاج بالمجان ،

ولكن الأدوية وعلاج الأسنان ليست مجانية

{ باستثناء الذين يأخذون إعانة معيشة ، وليس اعانة البطالة}

ولكن معظم الشركات تمنح موظفيها تأمين اضافي للأسنان والأدوية.

يحصل المهاجر الجديد علي كارت الـتأمين الصحي بعد 3 أشهر من وصوله ،

ولكن يتم تغطيته من أول يوم.

عند الإنتقال من محافظة لأخري فإن تأمينك من المحافظة الأولي يغطيك لمدة 3 أشهر حتي يستخرج لك كارت التـأمين من المحافظة الثانية.

تعمل كندا بنظام طبيب العائلة ، وطبيب العائلة هو الذي يقوم بتحويلك للأخصائي ان استدعي الأمر.

الاسعاف في كندا ممتاز، اضطررت مرة للإتصال بهم {من خلال 911} فوصلتني سيارة المطافئ في اقل من دقيقة تلتها سيارة الإسعاف في اقل من 3 دقائق،

ولكن خدمتها ليست مجانية {100 دولار} ولكن التأمين الخاص يغطيها

المولود في كندا يأخذ الجنسية الكندية بصرف النظر عن جنسية والديه او وضعهما القانوني.

الولاده لا تكلفك اي شئ علي الاطلاق ان كنت مهاجرا،

اما ان لم تكن ، فالتكاليف بالنسبه لبند الاقامة وحده 800 دولار يوميا.

الادويه وعلاج الاسنان مكلفة جدا { تركيب التاج مثلا 750 دولار} بعض المهاجرين الجدد يشترون تأمينا اضافيا للأدوية حتي يجدون عملا يغطيهم ،وتكلفته حوالي 200 دولار شهريا.

ولكن بالنسبة لمتوسط التكلفه العادية للادويه : 30 دولار شهريا، فهذا التأمين يكون مكلف.

الأدويه التي علي الرف{اسبرين _ فيتامين .. الخ } لا تغطي بأي تأمين وتدفع ثمنها بالكامل.

المهاجر الي كندا لن يجد نفسه ابدا في مصيبه ماديه لأن ابنه _ لا قدر الله _ محتاج لعملية تكلفتها 50 الف دولار كما يحدث بمصر، الدولة تتكفل بذلك.

تم تعديل 2 مايو 2009 بواسطة somayasaleh

[somayasaleh]

نظام الاتصالات والتليفونات

========================================

الموبيل هنا بيسموه Cell Phone أو Wireless ، كلمة موبايل دي ما بنسمعهاش خالص

؛ دفعنا تأمين 50 دولار لكل خط وبتاخدهم بعد 6 شهور...... (بس عشان احنا جُداد ع البلد ؛ غير كده المفروض ما بتدفعش ولا مليم ؛ أصدي ولا سنت!)

خدنا إيه تاني بأه؟ خدنا موبايلين سوني إريكسون ومعاهم جهاز آي پود پلاير

(بيتوصل بالآي پود ميوزيك بلاير ، أو بالكمبيوتر أو التليفزيون مثلاً ، وفيه راديو وساعة ومنبّه ، وتمنه كان 180 دولار ساعتها

) وكل ده ببلاش! ولمدة 3 شهور المكالمات المحلية ببلاش!

ما احنا ماضيين كونتراكت 3 سنين مع روچرز ؛ يبئى المفروض لينا مميزات! الحاجة الوحيدة اللي مش كويسة هيه إنو مش من حقنا نشغل خدمة الدولي ع الموبايل عشان احنا لسه جداد ف البلد ،

ممكن بعد 6 شهور من التعامل المنتظم معاهم

، بعد ما يكون ليك كريديت كويس (تكون بنيت سُمعة كويسة يعني) حسب كلام الراجل ف سورس ستورز اللي اشترينا منه الموبايلات. ...الدولي اشتغل لوحده بعد 3 شهور؟!

والــ 50 دولار التأمين رجعو برضه بعد 3 شهور) وعندك كذا پلان تختار بينهم ، وممكن تغير من پلان للتانية في أي وأت ، وبالتليفون (ودي كانت متاحة برضه للأمانة مع فودافون مصر)!

شوية ملاحظات على نظام الموبايلات هنا..

. فيه هنا نظامين يا ريس ؛ الأول الـــ Pay as you go وده زي الكارت عندنا ،

والتاني الاشتراك الشهري اللي بيجيلك فاتورة شهرية ع البيت ، وهوه ده النظام اللي احنا اشتركنا فيه ،

أساسي الفاتورة 35 دولار ، زود عليها 10 دولار عشان أنليميتيد كول ريسيفنج (ماهو اللي بيستقبل مكالمة بيدفع برضه ف المعتاد زيه زي اللي بيتصل) ،

و20 دولار للكوميونيكيت فاليو پاك عشان الفويس ميل وألفين وخُمسُميت رسالة قصيرة وألف رسالة مالتيميديا شهرياً ، وإظهار بيانات المتصل

(الرقم والإسم ، يعني بيظهرلك ع الشاشة إسمه المسجل في شبكة الاتصالات)،

وإنترنت أكسيس مفتوح (فلات ريت يعني – براوزنج وداونلود مفتوح) ،

ورسالة بالأرقام اللي كلمتك وانتا مش مُتاح ، و7 دولار عشان الإنترناشيونال لونج ديستانس سيفَر

(يخفَّض سعر الدقيقة الدولي مثلاً مصر من 115 سنت لـــ 29 سنت). يعني بتاع 75 دولار أساسي بخلاف مكالماتك. بس عيشة يا عم الحاج! أنا كنت باتفرج ع اليوتيوب ع الموبايل! فُجْر بأه!

وأسعار المكالمات :

========

الدقيقة المحلي بـــ 35 سنت (مجاناً من 9م : 8ص والويك إند سبت وحد طول اليوم)،

واللونج ديستانس (خارج مدينتك ، في حالتنا تورونتو الكبرى أو الـــ GTA ؛

سواء هاميلتون اللي بينك وبينها 80 كم ، أو الولايات اللي بينك وبينها 5 تلاف كم ، أو حتى أمريكا) بـــ 30 سنت (تخيل!)

والدولي زي ما قلتلك ليه الأسعار الريجيولار ، أو الأسعار المخفضة بعد إشتراكنا في باقة تخفيض أسعار الدولي (أُم 7 دولار) ، اللي وصَّلِت الدقيقة لمصر لـــ 29 سنت! ما تستغربش! هوه ده النظام هنا!

طبعاً أنا قلتلك إننا خدنا أول 3 شهور عرض الـــ فري لوكال كولز (الأرقام المحلية في تورونتو سواء موبايل أو بيت).

عاوز أقول لك إني لقيت واحدة من خدمة عملاء روچرز بتتصل بيا بعد 4 شهور من بداية اشتراكي معاهم تسألني (تحب تاخد 3 شهور كمان فري لوكال كولز؟) أولتلها يا سلام؟ أحب أوي! وقد كان يا معلم!

وفيه هنا أنواع كروت دولي بالعبيط يا ريس ، النوع اللي باستخدمه باشتريه بـــ 2.25 دولار (قيمته 2.5) بيديلك حوالي 40 دئيئة لمصر (الدئيئة وائفة عليك بـــ 5.6 سنت يعني 30 إرش) ،

يعني أنا أكلمك من كندا أرخص ما مراتك تكلمك م البيت في مصر!

وبالنسبة للرومنج (خدمة التجوال الدولي) ، دي بتشتغل أوتوماتيك سعاتّك ،

ومش لازم تأكتيفيتها كل مرة تيجي تغادر البلاد زي فودافون مصر! أول بس انتا ما تدخل نطاق البلد ؛

بتلائيه شبط لوحده مع أي شبكة يلائيها ، ويبعتلك رسالة ترحيب بوصولك البلد دي ،

وبيئول لك الأسعار بتاعة المكالمات وخدمة العملاء بتكون مجاناً… مثلاً أول ما وصل مصر آم ضارب صحوبية مع شبكة أم نبيل مع الأسف!

وخط الچوال بتاع السعودية برضه فيه نفس النظام ، وفودافون برضه نفس الحركة بس لازم تشغل الخدمة أبل ما تمشي م البلد!

وانا ف فرنسا ، أولت أبص لي بصّة على سعر التحويل ما بين الدولار الكندي واليورو. هيه النت ع الموبايل كانت سريعة بصراحة ،

وكل اللي فتحته كان موقع تحويل العملة وبس على كده (يعني بتاع 200 – 300 كيلو بايت) ، ألائي روچرز الحرامي حاسبهالي ف الفاتورة بـــ 22 دولار وشوية!

إكتشفت حتة صياعة عاملينها بتوع روچرز ...

البهوات الأسعار اللي معلنين عنها دي بخلاف سعر المكالمة العادية!

يعني سعر الدقيقة لمصر 29 سنت (+30 سنت) يعني الدقيقة بـــ 59 سنت!

والمكالمات اللونج ديستانس أم 30 سنت (زود عليها 30 سنت) تبقى الدقيقة بـــ 60 سنت!

والكروت اللي بتشتريها للدولي فيها أرقام لوكال لمعظم المدن الكبيرة ؛

بالإضافة لأرقام مجانية ( اللي بتبدأ بـــ800). لو اتصلت بالرقم المجاني ، بيتخصم من الدقايق اللي بيديهالك الكارت!

يبئى الخلاصة ؛ بقدر الإمكان استخدم تليفون البيت واطلب الأرقام اللوكال (مجاناً) ؛ عشان تستخدم الكروت في عمل المكالمات الدولية.

[somayasaleh]

تابع الاتصالات والكابل والتليفونات.....الخ

====================

الكيبُل (التليفزيوني) اشتركنا فيه ، والپاكيدچ اللي اخترناها بتلاتة وخمسين دولار شهرياً ، بتديك متين وشوية قنوات (من ضمنهم الـــ ART America القناة الوحيدة العربي!) ،

وكما تتوقع من أبو سعد ، موصل الكيبُل ع اللاپتوپ بتاع هند ، بواسطة تي في تيونر خارجي (أكبر شوية من الفلاش ديسك ، اشتريناه بحاجة وستين دولار) ،

تعرف صحيح إن الموضوع ده مش منتشر في كندا ،

لدرجة إني لما اتصلت بخدمة العملاء بتوع روچرز أستفسر منهم عن إيه المواصفات المطلوبة عشان كنت بافكر أجيبه من مصر ،

ساعة كاملة ع التليفون م السعودية ، و8 من خدمة العملاء ، ولا حد فاهم أنا باتكلم على إيه! والراجل اللي راح ركّب الكيبُل أُعجَب جداً بالفكرة ،

وما كانش مسدّأ إن فيه حاجة كده! وقعد يشعِر لهند في الفكرة ؛ وعلى كده إنتي ممكن تطلبي الفيلم اللي يعجبك ، وتسجليه ع الهارد ديسك ، وتدّيه لأصحابك!

المهم يا باشا ، بإمكانك في أي لحظة بالتليفون تضيف باقات أو قنوات أو تلغيها. وعندك القنوات كتيييير ،

وفيه عندك الاسپيشيالتي شانيلز (الأسرة ، أفلام ، رياضية ، مالتي كالشرال ، والسكس طبعاً ) والقناة الواحدة باتنين دولار ونُص ف الشهر ،

وتقل مع زيادة العدد (توصل لأقل من دولار للقناة ؛ لو أخدت 30 قناة بتدفع لهم 28 دولار).

والبنت بتاعة خدمة العملاء بتاعة روچرز آلتلنا إنها هتدينا كل القنوات الاسپيشيالتي (ماعدا الـــ Adult Programs سعادتك طبعاً ... فاهم دماغك أنا ) ببلاش لمدة 3 شهور ،

ولو تحب تكمل ؛ ممكن تحدد اللي انتا عاوزه منهم ، وتدفع اشتراكه.

واللذيذ بأه ، فيه قنوات أون ديماند ؛ يعني سعادتك تدخل عليها ، وتنقى الفيلم اللي على مزاجك ، والقناة تعرضهولك ، ويجيلك سعر الفيلم ع الفاتورة اللي جاية ، أو تدفع بالكريديت كارد! إشي خيال يا ناس!

وبالنسبة للقنوات المحلّية ، اللي بتستقبلها بالإيريال العادي ده... لما كنا عند إيمي ف الجيست هاوس ، كان التليفزيون اللي عندنا ف الأوضة مافيهوش غيرهم ،

واللي كانو شغّالين 4 قنوات (أعتقد يمكن فيه غيرهم أكيد ، بس ما كانش فينا دماغ ندور أو حتى نسأل!).

من ضمن القنوات المحلّية دي قناة لزيزة مووووت – نفسي نلائي زيها في مصر (بخلاف النشرة المرورية بتاعت نجوم إف إم) – دي يا سيدي فيها بانَر (شريط) أخبار بس أعرض شوية من بتاع الجزيرة ،

وبيجيب الأخبار اللوكال لتورونتو ،

ولقطات متغيرة من كاميرات المرور (كاميرات تليفزيونية على مُختلَف الطرق في كندا ، والسريعة منها بشكل خاص) ،

تبين لك حالة الطرق حوالين تورونتو ، ومناطق الزحمة والاختناق المروري ، عشان تعمل حسابك وانتا خارج م البيت.

وعلى جمب حالة الجو الحالية والمُتوَقَّعة اليوم والأسبوع القادم (يعني لو بتخطط لرحلة مثلاً) ؛

من درجة الحرارة ونسبة الرطوبة ومدى الرؤية ف الشبورة صباحاً وخلافه.

وعلى ما أذكر كان فيه قناة خفيفة ، كنا نحب دايماً نشوف عليها الكاميرا الخفية بتاعتهم (من الكيبك) اللي اسمها GAGS ، بتيجي منها حلقات ع النايل سات مش فاكر في أنهي قناة.

إن فيه طريقة تستقبل بيها القنوات العربي ، وبتكلفك حوالي 150 دولار عشان تركّبها (مرة واحدة بس). بتجيب دِش صغير ، وجهاز زي ريسيفر أو ديكودر كده يجيبلك القنوات العربية ؛

هوه مش هيجيبلك كل القنوات المتاحة ع النايل سات ، بس أهم القنوات هتكون موجودة. وطبعاً لازم تستأذن المانيدچر قبل ما تركّبه في البلكونة!

ومفيش حاجة اسمها تركّبه ع السطح! دي اسمها عشوائية! حتى بص كده على جوجل إيرث ، تلاقي أسطُح البيوت ملحوسة ؛ مش بس نضيفة!

واتكلمت مع هند أظبّط لها المشوار ده ؛ لكن الهانم آلتلي : "موش عاوظ!" ... خلاص ، إنتي حرة!

وكبديل مؤقت ليّا وانا هناك ؛ لقيت إنك ممكن تتابع أخبار النايل تي في ع النت.

وبرضه فيه موقع بيبث لايف شويّت قنوات عربي ، وموقع تاني جايبلك تجميعة قنوات من حول العالم. طبعاً مع سرعة النت بتاعة روچرز ، يبقى معاك التلافازيون شغال لووووز ع اللاپتوپ ،

ومونّسك وانتا شغال يا ريس ، وبلغة الضاد والصاد والحه والخه كمان

الغريب بأه إن القنوات الهايفة هيه اللي كنت هاموت عليها هناك! من أمثال مزيكا وزووم وميلودي! كان البديل ليها إنك تعيش حياتك ع اليو تيوب ،

وتدوّر ع الكليبّات العربي الجديدة! أو على پانيت مثلاً هتلاقي الجديد كله.

كل ما تكتر الخدمات اللي انتا مشترك فيها تبع روچرز ، بتاخد خصم على فواتيرك

، يعني لو مشترك في خدمتين (موبايل ونت مثلاً) تاخد خصم 5% ، تلاتة يبئو 10% ،

أربعة (زي حالتنا حالياً) تاخد 15% خصم على إجمالي فواتيرك لروچرز.

وتعرف صحيح ... هيه مكالمة تليفون من موبايلي بخدمة عملاء روچرز (من أبو بلاش يعني) ،

وأولتلُه أنا عاوز أدخل كابل الهاي سپيد إنترنت في الشقة اللي لسه هاستلمها كمان أسبوع! واديته العنوان بالظبط ،

وعاوز الخدمة توصل عندي يوم واحد أكتوبر. واحب إمتى كمان؟

يعني عندهم من 8-11 ص وفيه من 11-2 الضُهر وفيه من 2-5 م. أولتله يجولي من حداشر لتنين ، وتظبط عليهم الساعة يا ريس

لأ واللزيز ؛ النت بتوصل شغالة من أول ثانية ، وبيعمل لك خصم مش فاكر 8 ولاّ 10 دولار من السعر العادي للفاتورة الشهرية للسنة الأولى.

ونفس الموضوع مع تليفون البيت ،

=============

برضه مكالمة من هنا من السعودية ، واخترنا رقم تليفون البيت ، وحددنا الميعاد اللي الراجل ييجي فيه ، وتدفع يمكن 30 دولار شهرياً (وبرضه خصم على مدار السنة الأولى).

وطبعاً الخط بيركب وشغال من أول لحظة ، وتجيب انتا العدّة اللي على مزاجك (مفيش هنا حاجة اسمها عدة الهيئة!) ،

لكن والراجل بيركب لهند الخط ف البيت ؛ آلتله هوه مفيش عِدّت تليفون؟ أنا ما عملتش حسابي ف واحدة. الراجل آللها أنا معايا واحدة ف العربية ،

هيه مش فخمة ولا فيها شاشة لإظهار بيانات المتصل ، بس آهي تشتغل معاكي لغاية ما تجيبيلك تليفون ، ونزل جابلها العدة ؛ عدة جديدة وزي الفل ، وخدناها سفلأة كده!

مفيش فايدة ... المصري هوه المصري ؛ النيل رواه ، والسنكحة ف دمُّه!

وطبعاً بما إن سيادتك كاستومار ؛ فـــ ليك حئوء عليهم... النت هند لاحظت إنها مش سريعة كما ينبغي ، تليفون وتعالو يا روچرز شوفو إيه الوضع!

تاني يوم ييجي الراجل ، يئلّب الوصلات من أول البوكس اللي تحت في غرفة الكهرباء ف البيزمنت (الدور اللي تحت الأرض) ، للكابلات اللي ماشية جوه الحيطة والسوكيتس وكل حاجة.

وف النهاية غيَّر كل حاجة وآللها إن الحاجات دي بئالها خمس سنين ، ومش ماشية مع السرعة الجديدة للنت ،

وكان لازم تتغير (خللي بالك ، البنت اللي كانت مأجَّرة الشقة أبلنا كان بئالها خمس سنين).

ولما هند آلتلو متشكرة جداً وسوري على تَعَبَك ؛ آللها ذاتس هوات وي آر هير فور! بمعني إن الراجل ما يستاهلش الشكر ؛ لإنه ما عملش أكتر من الشغل اللي هوه جاي أصلاً والمفروض إنه يعمله!

تفتكر فيه فرء بين كندا ومصر في النؤطة دي؟!

تم تعديل 3 مايو 2009 بواسطة somayasaleh

[somayasaleh]

تابع الاتصالات

===============================

والتليفون بتاع البيت ركبناه ، وبندفع له 30 دولار شهرياً ،

وطبعاً المكالمات المحلية مجاناً (موبايل أو بيت) ، وليك 500 دقيقة مجاناً شهرياً لونج ديستانس

(يعني خارج تورونتو الكبرى والولايات الكندية التانية (خارج أونتاريو) وأمريكا).

وليك خاصيتين مجانا (إخترنا احنا البريد الصوتي وإظهار رقم وإسم المتصل).

ولو هتتكلم لونج ديستانس لتليفون بيت أو موبايل تبع روچرز أو فايدو (شركة إتصالات تانية إندمجت مع روچرز) ، هتبئى المكالمة ببلاش!

ومن تليفون البيت تقدر تتصل دولي ، من غير ما تقدم طلب ،

ولا تدفع فلوس تأمين في السنترال (زي ما المصرية للإتصالات وفودافون بيعملوا) ،

الدقيقة لمصر من البيت هتكلفك 1.75 دولار ، .......أو 29 سنت لو شغلت خدمة All World Plan

(إشتراكها بيكلفك دولار واحد ف الشهر). خلّي بالك ، الـــ 29 سنت دول ما بيتضافش عليهم أي حاجة تانية

[د هشام ابراهيم]

مجهود غير عادي و موضوع المنتدي كان محتاجه بشدة

أحييك يا باشمهندس علي التصدي للمسئولية و أرجو من حضرتك تكملي الموضوع المهم جدا

[somayasaleh]

شكر خاص لحضرتك د.هشام علي التشجيع

موضوع الرخصة الكندية...... كلاكيت عاشر مرة

=======================

رخصة السواقة هنا مهمة جدا جدا .. لأسباب عديدة .. :

=================

أولا .. معترف بها كتحقيق شخصية رسمى .. عليها اسمك – ناريخ ميلادك – عنوانك – و صورتك التى يتم التقاطها بمعرفة  وزارة الموصلات .. فور تقدمك للحصول على رخصة ..

هذا بعكس كارت رقم الضمان الأجتماعى لا يحوى صورتك ..

البطاقة الصحية عليها صورتك ..

و لكن لا يسنطيع أحد ان يطالبك بابرازها الا جهة طبية فقط ..

فى بعض الأحوال تطلب جهة ما منك ابراز عدد اثنين تحقيق شخصية .. او ثلاثة .. و هنا تنفعك هذه الرخصة كثيرا..

ثانيا .. تبين ان هناك قطاعا كبيرا من الأعمال المحترمة .. ذات العائد المالى الجيد .. مبنية على اساس قدرتك على قيادة سيارة أو قدرتك على قيادة سيارة ووجود سيارة معك ..

و هى اعمال تصلح للاشتغال بها لحين عمل معادلات شهاداتك .. أو .. أو .. الى اخر اجراءات تهيئة نفسك للحصول على الوظيفة التى ترضاها أو تتمناها لنفسك ..

ثالثا .. من المهم جدا .. و من المساعد جدا .. ان يكون لديك خبرة فى سواقة السيارات .. كل رخصك احضرها معك ..

استخرج " مستخرج من رخصة القيادة " سواء من مصر أو من البلد التى تقيم بها .. و احضرهم جميعا معك .. بدون ترجمة .. ستترجم هنا ..

قدمهم جميعا للوزارة هنا .. و سيطلبون منك ترجمتها .. و يعطوك رقم الأتحاد الكندى للمترجمين .. الذى سيعطيك عنوان اقرب مركز معتمد ..

و عند اعطاء صورة هذه الترجمة للوزارة .. ستضيف كل السنوات لرخصتك .. أنا مسجل هنا على انى اقود سيارة منذ اكثر من عشرين عاما ..

مراكز تقديم الطلبات .. و مراكز الأمتحانات ..

http://www.mto.gov.on.ca/english/dandv/dec.htm

ملاحظة هامة .. الخبرة فى سنوات القيادة تساعدك فى الحصول على تأمين منخفض التكلفة  .. هنا تظهر أهمية مستخرجات القيادة التى ستحضرها معك

===============================================================

لعمل الرخصة

===========

الذهاب الي .......Ministry of Transportation........ لعمل رخصة القيادة G1 و هى كما ذكرت هامة لكونها ID عليها الصورة.....

المحامى قال لنا نقول اننا بلا خبرة و لا نستطيع اثبات خبرة السواقة لا فى مصر و لا فى السعودية و عايزين نمتحن G1...... اللى هو امتحان نظرى فى الاشارات و معلومات المرور الخاصة باونتاريو

(عندهم كتاب بيتباع هناك و يشمل كل المطلوب) و ممكن تنزيل معلوماته من أى موقع مدرسة لتعليم قيادة السيارات بكندا .

...انا عايز أعمل G1 لو سمحتى.

فين الباسبور ؟ و فين ورقة ال proof of landing ؟

هى: عندك خبرة

انا: (بشىء من الجدية) انا عاوز G1

هى: OK Sir ادفع الرسوم و روح كاونتر رقم 11

دفعنا الرسوم 125 دولار للفرد... وعند كاونتر 11

كشفنا نظر...وطلبت منا ان نتوجه لمكان الامتحان.

اخدنا و رقتين ..واحدة لأمتحان الاشارات ...و التانية الامتحان النظرى.... فى امتحان الاشارات وسقطت فى التانى...ممكن طبعا تعيد الامتحان فى ساعتها بعد ما تدفع 10 دولار...دفعت و رجعت

نجحت فى المرة التانية و ان شاء الله حنبعت لك الرخصة على العنوان بعد 3 - 4 اسابيع

القانون بيسمح بالقيادة في من غير رخصة كندى لمدة ستون يوما

.يعنى رخصة مصر صالحة للقيادة لمدة ستون يوما بعد كدة ما تنفعش لازم يكون رخصة كندى.

.امتحان G1امتحان نظري وصعب جدا لواحد بيسوق سيارة انه ماينجحش فيه.

عبارة عن 32 سؤال في الاشارات و قواعد المرور مطلوب اجابات صحيحة ل 28 سؤال

.ال ROAD TEST ........ده امتحان القيادة العملي و بيكون في مندوب من ال MTO بيمتحنك.

بعد مابتنجح في النظري ممكن لو معاك مايتبت انك بتسوق عربية من سنتين فقط من حقك تطلب امتحان G

اقل من سنتين بشهر واحد احبارى تتطلب ROAD TEST G2

كان لابد ان أبحث عن سيارة فان أو مينى .... طبعا بهدلة الانتقالات بالمواصلات و أربع عيال و أمهم و 8 شنط بيتبقى مش لطيفة.... و...

.. وكان الحل الوحيد فى رأيه اننا نروح المطار حيث كل مكاتب الايجار موجودة جنب بعض و بكده بتكون الفرصة أكبر....

و أعطيته الرخصة الدولية....

وغاب شوية وجاب السيارة...بونتياك موديل 2007...زى الفل...طبعا أعطانى بعض العدة لأزالة التلج اذا تراكم ..

سألت نديم قبل ما أتحرك بالسيارة أذا كان ممكن استئجار GPS Navigator عشان التوهان فقال ان ما عندهمش.....طبغا أنا كنت فى مخططى للرحلة ان يكون معى هذا الجهاز لسهولة التنقل بين المدن...

.فكان شراء Navigator جديد أمر لا مفر منه....

استلمت السيارة...وقعدت حوالى 10 دقايق على بال ما أتعرف على أماكن الحاجات....

كم بعض المشاهدات و الملاحظات...على موضوع المرور و محطات البنزين.... و الباركينج.... و السيارات.

- أولا: اذا كنت ناوى تستأجر سيارة فى كندا خصوصا لو انت فى أول زيارة مثلا لعمل اللاندينج فالنصيحة انك لا تستأجر فى أول كام يوم ...

لحد ما تأخد خبرة الحياة بنفسك و تعرف الشوارع و تشوف تصرفات السائقين... و احترام المشاة...وا حترام اشارات المرور و علاماته... وكمان تفهم موضوع الباركينج (أه يا جيبى).

-: حاول ......و انت بتحجز تشوف شركة بتأجر GPS Navigator.... طبعا جهاز مالهوش حل و لازم يكون معاك...

انا شخصيا لولاه لكانت الرحلة كلها حتبقى فى الضياع و كان حيبقى صعب جدا نعمل السيناريو اللى كنت مخطط له....مع توفير الوقت و المجهود و راحة البال.

رابعا: لو معاك أطفال صغار أو رضع...ماتنساش تحجز كرسى أطفال يناسب سنهم...أو وزنهم...حسب تعليمات المرور...مافيش طفل يقعد على حجر أمه...أو يدفس جنب اخواته...أو يفضل طليق فى العربية بدون حزام....

خامسا: لازم يكون عدد مقاعد السيارة مناسب لعدد الركاب....و اعمل حسابك فى مكان للشنط.

سادسا: محطات البنزين بيكون مكتوب عليها يافطة كبيرة اما Full Service...... او Self Service ...

الأولى يعنى الخدمة كاملة...يعنى سيادتك خليك مكانك و حيجيلك العامل و يمون السيارة....و يحاسبك... و لو أعطيته بقشيش...بيفرح جدا...ولو ما حصلش مش حيشتمك ولا يضربك...ما تخفش....

و غالبا هذا العامل بيكون جالس فى حجرة صغيرة مستخبى من البرد و لما يشوفك حييجى لوحده.....

النوع الثانى..... و هو الخدمة الذاتية...يعنى أخدم نفسك بنفسك يا حلاوة....و ده اللى فيه الكلام....سعادتك حتقف بالسيارة امام مضخة البنزين...(أعتقد دى حاجة سهلة)..

.و خلى بالك من الرقم اللى مكتوب على المضخة...عشان تعرف و انت بتحاسب كنت فى مضخة رقم كام....

و طبعا خد بالك تقف صح يعنى يمين أو يسار المضخة حسب مكان التانك ...(دى كمان سهلة)...لاحظ كمان ان الموتور يكون مش شغال أثناء تعبئة البنزين...

سابعا: أوعى تقف امام مضخة السولار.... الا اذا كان معاك عربية نقل.....

ثامنا: حتلاقى زراير كتير و عدادات والوان...ما تتخضش...طلع خرطوم البنزين...و اضغط على اللون الأبيض اللى مكتوب عليه Regular ...وعبى يا باشا....

.طبعا احسن لك تملا Full Tank كل مرة علشان تقلل عدد المرات طبعا انت مراقب من الشخص اللى جالس بداخل المحطة بدائرة تليفزيونية ..(و قبلها طبعا مراقب من ربنا)....

خلصت...أدخل المحطة....قول له رقم المضخة...حاسب و اتوكل على الله.

بعض المضخات بيكون فيها مكان لقبول ال Credit Card و استعماله سهل...بس ما فيش داعى تحرج نفسك.

تاسعا: ماكينات الانتظار بتكون على الرصيف بجوار المكان المسموح بالانتظار فيه...

و يجب عليك قراءة ما هو مكتوب على العمود اللى على نفس الرصيف حيث تجد المواعيد المتاحة للأنتظار المجانى..

.و أبو فلوس...يعنى مثلا قد تجد ان أبو فلوس بيكون من بعد الساعة 8 مساء و حتى السادسة صباحا...و بذلك يكون ما بين ذلك بفلوس...

عاشرا: ماكينة الانتظار نفسها مكتوب عليها تعريفة الأنتظار...مثلا الدولار يعطيك 20 دقيقة انتظار...والدولارين 40 دقيقة و هكذا ...احسب مشوارك قد ايه...ويبدأ العداد فى العد التنازلى.

حداشرا : يعدى رجل المرور على الماكينة ولو لقاها صفرت...يعنى كتبت كده: 00:00 تبقى وقعتك سودة لو اتقفشت....و يروح عاطيك واحد تيكيت غرامة.

اثنا عاشرا : لو ما لحقتش مكان تركن فيه بالليل...عليك بأى باركينج Overnight و ده بياخد له حوالى 12 دولار ...(حسب المكان)

13 شرا طبعا كل المولات و أماكن الترفيه جنبها أماكن انتظار.... و لو معاك Navigator... ما فيش أى مشكله ...حيدلك على المكان.

أنا قلت فى الحلقة السابقة انى لا أفضل ايجار سيارة من المطار عند النزول لأول مرة...أحسن تاخدلك تاكسى ...وبعد كام يوم استأجر سيارة...وده أحسن من الناحية (المعنوية) و (النفساوية كمان) عشان تاخد خبرة المكان أولا...

كتشفت ان فيه حوالى 2 مليون نوع من ال Navigators...

لأنواع النافيجاتور الكويسة اللى شفتها...أهم 3 أنواع هم: Garmin - Magillan - Tom Tom وأحسنهم هو Garmin

الاسعار بتفرق حسب الامكانيات و حجم الشاشة... وعدد البلاد الى خرائطها موجودة...و الباقى ممكن تنزله من على النت

الأسعار تبدا من 200 $ ال 600 $ للأنواع المعقولة....

أخيرا اخترت نوع معقول من اللى بينطق اسم الشارع.

أنا:...لو سمحت يا Navigator عاوزين نروح Shopping Centers

Navigator: حدد ...بتاع ايه ؟ كمبيوتر...ملابس...مجوهرات.....الخ ؟

أنا: ملابس

Navigator: امرك يا باشا....اتفضل لستة بكل الاماكن (على فكرة الاماكن مترتبة تصاعديا حسب بعدها عن مكانى الحالى)..

===============================================

لو اي عضو من الاعضاء الافاضل المتواجدين في كندا عنده اي اضافة في اي موضوع.....برجاء كتابتها لتعم الفائدة

[Nassarlink]

اظن كده محش عنده حجه

كل المعلومات في مكان واحد بدون لينكات ولا سلامات

كتر الف خيرك يا مدام سميه

بس زي انت ما قولتي محتاجين كمان احبابنا الي موجودين في كندا يتكلموا شويه عن التفاصيل الي ممكن يضيفوها

[somayasaleh]

حضرتك وصلت كندا بالسلامة،،،،،،

عملت اللاندنج.......

عملت الرخصة......

عايز سكن......... شوية نصايح من اخونا...... نصار

نصائح مهمة وأنت تبحث عن سكن

==========================================

اولا قم بالبحث في الصحف والإعلانات المبوبة علي الانترنت أو عن يافطة للإجار

ثانيا اتصل بالمالك لتخبره عن رغبتك في مشاهدة الشقة التي تريدها

ثالثا ارتدي ملابس جيده وكن مبتسما

رابعا لا تصطحب معك أطفالك

خامسا لا تخبر المالك عن انك حديث الوصول إلي كيبيك

سادسا قم بفحص كل أجزاء الشقة ولا تتردد في سؤال المالك عن الأشياء التي تريد الاستفسار عنها

سابعا إن أمكن زيارة الجيران في حوالي الساعة من 6 إلي 8 مساء وقم بسؤالهم عن المشاكل التي تقابلهم في الحي

ثامنا قم بالاتصال بالمالك لتحديد موعد كتابة العقد

ربنا وفقك في كل الخطوات السابقة....... طب الشغل ايه بقي؟؟؟؟؟؟؟

مميزات كندا في مجال العمل؟

=============

1: لايشترط الحصول على البكالوريوس للعمل في وظيفة محترمة وبدخل معقول جدا وبعد فترة بسيطة.

2: ممكن تغير الكارير بتاعك بشكل سهل وبسرعة الي كارير اخر ممكن تكون فعلا بتحبة وممكن كمان فلوسة تكون اكتر.

3: اي عمل في كندا يمكن ان يعتمد علية كبداية ولو لفترة بسيطة في الاول.

4: الطريق مفتوح للناحج واللي عاوز يكبر ويطور نفسة وعلى مصراعية.

سوال اخر ماهي المجالات البديلة حتى الانتهاء من المعادلة؟ (مجالات كثيرة جدااااااااا) وفي كل مجال وتخصص

يرتبط بالسوال دة سوال تاني.......... وهو لية جزء كبير جدا من الكنديين بيشتغل كويس وبيكسب كويس ومعاهوش بكالوريوس

(اخرة الهاي سكوول)؟.............( عشان المجالات البديلة ممتازة ومربحة وفيها كاريير ممكن الواحد يكبر فية.

سوال اخر ...............ماهي فترة الدراسة اللازمة للانتهاء من شهادة تسمح لك بالعمل في المجالات البديلة المحترمة؟

انت والشهادة اللي عاوزها ممكن ستة شهور وممكن ثمانية وممكن سنة وممكن سنتين.

وكل مازادت فترة الدراسة كل ماالدخل كان افضل كبداية....... وممكن تبدا بالصغيرة وواحدة واحدة تاخد الكبيرة.

يبقى هنا المطلوب من اللي عاوز يستقر يكون OPEN MINDED ويبتدي يفكر على خطط بديلة لضمان الحصول على عمل محترم ومربح.

دية لستة الوظائف الREGULATED في كندا. وتعريفها.

==========================

List of regulated professions in Canada

A regulated occupation is one that is controlled by provincial and territorial (and sometimes federal) law and governed by a professional organization or regulatory body.

Sources : Canadian Information Centre for International Credentials (CICIC)

For information about CICIC and credentials issues, contact our offices in Toronto, or our World Wide Web site: http://www.cicic.ca/

Canadian Information Centre for International Credentials

95 St. Clair Avenue West, Suite 1106

Toronto, Ontario M4V 1N6 Canada

Phone: (416) 962-9725

Fax: (416) 962-2800

Acupuncturists Agrologists Architects

Audiologists Certified accountants Chartered accountants

Chiropractors Chiropodists Community planners

Dental assistants Dental hygienists Dental technicians

Dentists Denturists Dietitians

Embalmers, Funeral directors Engineering technicians Engineering technologists

Engineers Foresters Geoscientists

Hearing aid pratitioners Home economists Land surveyors

Lanscape architects Lawyers Licenced pratical nurses

Massage Therapists Medical laboratory technicians Medical radiation technicians

Midwives Naturopathic physicians Occupational therapists

Opticians Optometrists Paramedics

Pathologists Pharmacists Psychologists

Physicians Physiotherapists Podiatrists

Real estate agents Registered nurses Registered psychiatrist nurses

Respiratory therapists Social workers Teachers

Translators Urban planners Veterinarians

اللي مهنتة هنا لازم عشان يشتغل يعادل شهادتة.

ودة يوضح الفرق بين الرجيوليتد والنن رجيوليتد

http://www.workingincanada.gc.ca/public_ht...ction09_eng.pdf

الجميل بيقى ياجماعة ان 80% من الوظائف في كندا من نوع ال non regulated jobs.

==========================================

ودية حاجة مبشره جدا وتدعوا للتفاؤل.

بس اي حد عاوز يدور على شغل او يشتغل في كندا لازم يعرف نظام الشغل هناك عامل ازاي. ولازم يكون عندة خلفية عن المواضيع دية:

International educational assessment services in Canada

Provincial evaluation services

Employment laws

Discrimination

Deductions and taxable benefits

Income tax

Canada Pension Plan

Employment Insurance

Taxable benefits

Union dues

وادي الموقع اللي يفهمنا كل حاجة من دول اية واهميتها اية:

http://www.nriol.com/welcome2canada/jobs-in-canada.asp

ماتنسوش الدعاء.

الموضوع السابق كان من كتابة الاخ العزيز سامح..... اللي اعتزل الكتابة لاسباب غير معروفة

برجاء كل من يقرأ يدعي له ان ربنا يوفقه في مشواره

[somayasaleh]

الحقوق والحريات الشخصية

============

يعرف " ميثاق حقوق الإنسان الكندى " The Canadian Charter of Right and freedom "

الحقوق والحريات الشخصية للمقيم فى كندا ،

====================

وكذلك القيم والقواعد الأساسية التى يتمتع بها المجتمع الكندى . وهذا الميثاق ينطبق على كل من يقيم فى كندا دون تفرقة ، ويعتبر جزء مكمل للدستور الكندى .

الحقوق العامة للمقيم فى كندا

=============

1- الحق فى الحياة بحرية وأمان .

2- حرية اختيار المعتقدات الدينية .

3- حرية التوجه الفكرى والعقائدى وحرية الرأى والتعبير وذلك باستخدام جميع وسائل الإعلام والإتصالات .

4- حرية عقد او حضور أى إجتماعات سلمية .

5- حرية الإنضمام لعضوية أى جماعة .

6- حرية العمل والإقامة فى اى مكان فى كندا .

7- ضمان عدم التعرض لأى إجراءات بوليسية أو حجز أو إجراءات تحقيق غير مبررة قانونيا .

8- يعتبر المواطن برئ طالما لم تثيت إدانته قانونيا .

9- للمقيم فى كندا الحق بالإستعانة بمحامى للدفاع عنه متى أراد .

10-إذا تعرض الكندى " أو المقيم " لإتهام قانونى يجب أن يتوفر له محاكمة عادلة .

11-المساواة أمام القانون وفى أجور العمل دون تمييز من دين أو جنس أو سن أو لون أو أصل عرقى .

حقوق الصغار والأبناء فى كندا

=============

الآباء والأمهات ملزمون بتوفير الرعاية والحماية لأبنائهم .

وسوف تتدخل الدولة بواسطة الشرطة أو الأطباء أو جماعات رعاية الطفولة عند تعرض أى طفل لسوء معاملة من الكبار .

والمعاملة السيئة تعنى ... أى نوع من الإذاء أو الإهمال سواء كان جسمانى أو نفسانى أو جنسى . وتعتبر المعاملة السيئة للطفل جريمة يعاقب عليها القانون ،

وقد يصل العقاب إلى درجة إبعاد الطفل عن أبويه .

الإيذاء الجسدى .... هو أن يتعرض الطفل لعنف متعمد يسبب إصابة أو جرح جسدى ،

أو أن يضرب الطفل بشدة وبغير إستعمال الكف مفتوحا .

وبعض الممارسات الإجتماعية ، مثل ختان البنات ، تعتبر إيذاء جسدى يعاقب عليه القانون .

الإيذاء النفسى .... إستخدام أساليب تعرض الطفل للإهانة أو الترهيب تعتبر إيذاء نفسى .

الإيذاء الجنسى ... أى تلامس بين شخص بالغ وطفل للأعضاء الجنسية أو تلامس غير عادى يعتبر إيذاء جنسى للطفل ويعاقب عليه الشخص البالغ .

الآباء والأمهات الغير قادرين على توفير وسائل الحماية واللوازم الحياتية من مأكل وملبس للأبناء يعتبر من إهمال ضار بالطفل ،

ويحتم القانون أن لا يترك طفل تحت 12 سنة بمفرده دون رعاية شخص أكبر .

ويتم تزويد الأطفال بأرقام تليفونات للإتصال عند التعرض لأى ضرر أو لمجرد الخوف من التعرض للضرر .

حقوق المرأة فى كندا

========

القانون فى كندا يقر المساوة التامة بين الرجل والمرأة فى الحقوق القانونية وفى فرص العمل والأجر .

ويجب أن تعامل المرأة على أنها مساوية تماما للرجل من الناحية الإجتماعية وفى أماكن العمل وفى البيت ،

واستخدام العنف ضد المرأة يعتبر جريمة يعاقب عليها القانون ، وعند تعرض المرأة لمعاملة سيئة فى بيتها ، فإن اقانون يوفر لها الحماية .

وقد يصل الأمر أن توفر لها الدولة بيت مستقل تقيم فيه وأولادها حماية لها .

حقوق المواطنين كبار السن

============

المواطن الكندى " أو المقيم " سن 65 سنة أو أكبر يعتبر من كبار السن "SENIOR "

ومن حقه إذا أراد العيش فى مسكن مستقل بعيدا عن أولاده ، يجد فيه الرعاية الصحية اللازمة .

ولكن مازال الأبناء يفضلون أن يعيش آبائهم كبار السن بينهم ليقدموا لهم الرعاية .

وتوفر الدولة لكبار السن الفقراء مصروف لتوفير الإحتياجات الأساسية يسمى " تأمين كبار السن " - " OLD AGE SECURITY " .

ويستحق الحصول على هذا المصروف كل مواطن أقام فى كندا 10 سنوات من سن 18 إلى سن 65 ،

ولا يشترط العمل فقط الإقامة هذا بجانب معاش الحكومة الذى يقدر حسب مدة العمل الذى قام به الشخص كبير السن فى كندا .

ومن يقيم فى كندا من كبار السن ولا يصل معاشه والمصروق لخط الفقر تعطيه الدولة معاش إضافى "

Income Supplement " .

تم تعديل 6 مايو 2009 بواسطة somayasaleh

[سعاد نصار]

مجهود جميل منك يا سميه

وياريت كمان يكون في معلومات عن كيبيك

[yassir]

الأخت العزيزه سميه ....رددت على رسالتك الكريمه و لكن يبدو أن هناك مشكله ما حيث ما تزال الرساله معلقه بين السماء و الارض كما يبين متتبع الرسائل .....تحياتى و دعواتى بالتوفيق فى هجرتك و حياتك...

[bongeorgeo]

و الله العظيم ده أحسن موضوع هنا فى المنتدى و الله ينور بجد على اللى كتبوه و على المجهود الحبار للى جمعه فى موضوعواحد

مفيد ومسلى و شيق

عشرة على عشرة

[somayasaleh]

:blink:

سلاح التلمبذ

الدرس الاول

تحضيرات ما قبل السفر

( اين ؟ - متى ؟ - ماذا سوف اخذ معى ؟ - اى شركة طيران ؟ - المطار ؟ )

اجابة اين :

ليس من السهل اختيار المكان لان لكل مكان سلبياته واجابياته ولكن يفضل قبل اختيار المكان معرفة بعض النقاط :

1- ايجار الشقة : اغلبية كندا بتاجر ( 9.99 % ) اول الشهر ( ماينفعش تاجر من منتصف الشهر )

2- واغلبية كندا بتاجر فى اول شهر ( 7 ) والبحث بيكون قبلها ب ثلاثة اشهر على الاقل

3- فلوس الفيدرال للاطفال بتيجى بعد شهرين من الوصول ( كل يوم 20 فى الشهر )

4- فلوس اعانة الاطفال من كيبيك يوم واحد فى الشهر كل 3 شهور ( شهر يناير – ابريل – يوليو – اكتوبر فقط )

5- فلوس المساعدة الاجتماعية من الفرنكوفون بتقدم عليها بعد 3 شهور من الوصول

- هل لك معرفة باحد فى هذه المدينة لمساعدتك من لحظة وصولك ام لا

- لو معاك لغة جيدة من الممكن ان تجد شغل مباشرة ( الكاجوال ) فى المدن الكبرى

- لو جاى بغرض الدراسة اولا اذا تبحث عن مكان قريب من الجامعة مش لازم يكون فى قلب المدينة ومش لازم مدينة كبيرة اصلا

( الدرس الثانى سيكون الميزانية )

- اذا بعد تحديد المدينة مشكلة ايجار الشقة طبعا لو ليك حد هايسهل عليك البحث وممكن يكون ضامن ليك عند صاحب الشقة اما اذا لم يكن لك احد فطبعا هاتنزل فى شقة مفروشة او فندق وان كانت الشقة المفروشة افضل وارخص لمدة شهر مثلا ثم تتجه مباشرة الى احد مكاتب مساعدة المهاجرين وهم هايساعدوك ويبحثوا لك عن شقة وهاساعدوك ايضا فى موضوع الضامن

- متوسط الاسعار تقدر تاخدها من موقعين لاعلانات الايجار وهما : KIJIJI – LES PAC

- قانونا لكل فردين حجرة نوم

- المطبخ فى الغالب هو مطبخ + سفرة

- اى اربعة حيطان تعتبر غرفة فيما عدا الحمام ( نصف )

- الشقة انت اللى بتفرشها اما المطبخ بيكون جاهز

- مافيش مشكلة من درجة الحرارة داخل المنزل

- بخصوص المية السخنة فيه سخان مركزى للعمارة

- كل غرفتين متتاليتين بينهم مسافة لعمل دواليب تخزين فيهما

- يوجد غالبا مخرجين بسلالم للشقة واحد من ناحية الباب الرئيسى للشقة وواحد من المطبخ يمكن علشان حالة الحريق ا وفى ايام الثلج تدخل من اقرب باب ليك

ويفضل عند اخذ قرار الشقة الانتباه لهذه النقاط :

1- القرب من المواصلات العامة

2- القرب من اماكن الدراسة

3- القرب من المحلات

4- القرب من المتنزهات

5- القرب من المراكز الاجتماعية

6- القرب من العيادات الطبية

7- القرب من دور العبادة

8- هل الشقة فى منطقة هادئة

9- هل هناك مكان للسيارة

10- هل المنطقة امنة

11- هل هناك تكاليف مثل ( الكهرباء – التدفئة – المياه الساخنة )

يجب ملاحظة ان زيادة الايجار تتم كل اول شهر يوليو

ملحوظة : لم يحالفنى الحظ بمقابلة اى نملة حتى الان و قد تشرفت بمقابلة 4 ذبابات منذ وصولى

اجابة متى :

طبعا لو الشقة محجوزة تسافر فى اقرب يوم بعد ما تاخذ التاشيرة انت والاسرة مش مهم صيف او شتاء ( من المسلم به )

البنود المؤثرة فى اختيار وقت السفر :

1- بما ان عندك سنة من تاريخ الكشف الطبى ممكن تيجى لوحدك الاول خاصة لو فى الشتاء تظبط امورك وبعدين الاسرة تيجى ابتداء من الربيع ويفضل ابتداء من يوم 3 يوليو علشان بداية عقد الشقة ( يوم واحد واتنين البلد كلها مشغولة فى نقل العفش وفرش الشقة )

2- لو التاشيرة وصلت فى الصيف كل الاسرة تيجى وماحدش يتحرم من يوم واحد جميل فى هذه البلد

3- اذا كانت الاوضاع الداخلية او الخرجية فى البلد غير مطمئنة السفر بيكون فى اقرب يوم بعد التاشيرة مش مهم صيف او شتاء

4- دخولك تحت مظلة التامين الصحى بعد ثلاثة اشهر ولكن كسر الشهر يعتبر شهر ( لقد وصلنا منتصف شهر مارس ودخلنا فى نظام التامين الصحى من اول شهر يونيو )

5- امتحان رخصة القيادة العملى يفضل فى ايام غير ثلجية ( السيارات هنا رخيصة وعملية جدا ) ( من حقك القيادة بالرخصة المصرية المترجمة بترجمة معتمدة لمدة ثلاثة اشهر من وصولك )

6- مواعيد كورس اللغة فى المكان اللى هاتدرس فيه

7- مواعيد الدراسة الاكاديمية لو لغتك كويسة

( معلومة ) : مواعيد الدراسة فى المدارس من 1 سبتمبر وحتى اخر شهر يونيو

لو قريب من شهر رمضان خلصه فى مصر احسن

التلج اختفى مع نهاية شهر ابريل ( لا يوجد علاقة بين وجود الثلج وشعورك بدجة الحرارة سواء داخل المنزل او خارجه )

** ملحوظة : كل جنيه بتصرفه فى مصر بعد الحصول على التاشيرة يعتبر خسارة مادية

للقدرة على استيعاب المعلومات قررنا ان نكمل الجزء الثانى من الدرس غدا

و سوف نكون مستعدين للاسئلة بعد نهاية الدرس الاول

:blink:

دروس رائعة جدا من مدام دعاء

نتابع بشدة وشكرا لها جزيلا

[somayasaleh]

:lol:

الدرس الاول

الجزء ( 2)

اجابة ماذا سوف اخذ معى : ( الغريب اعمى ولو كان بصير )

- يجب مسبقا معرفة الوزن المسموح لك للشنط على الطائرة واخذه كاملا بلا زيادة

- يجب وجود شنطة خاصة بالاوراق الهامة وتحتوى على كل الاوراق الرسمية الخاصة بكل فرد من افراد الاسرة مثل : ( شهادات الميلاد - والدراسة - ووثيقة الزواج وكل ما قدمته مع طلب الهجرة واستلمته مع التاشيرة ) وكل ده اصول اذا امكن مع ترجمتها

- من المؤكد اى جهاز كهربى لا يعمل هنا ( التيار الكهربى 110 فولت ) ( الموبايل ممكن اخذه لان الشاحن بيشتغل على اى فولت )

- الماكولات المحفوظة مثل الجبنة البيضاء والجبنة النستو يفضل الاكثار منها من اجل الايام الاولى ( اول مرة دخولك كندا الشنط لا يتم تفتيشها )

- اقل سعر لعلبة السجائر 5 دولار

- اسعار الملابس والاحذية هنا زى مصر تقريبا خاصة فى العروض الاسبوعية اما فى نهاية كل موسم ( صيفا او شتاءا ) بيكون هناك عروض انتحارية ( من نصف شهر 2 الى نصف شهر 3 بالنسبة لموسم الشتاء )

- طبعا لو عندك لبس احضره معك وماتقولش هاشترى من كندا احسن. انت مش جاى سياحة

- احضار ملايات للسراير واكياس المخدات وكوفرتات ولو امكن البطاطين الخفيفة فقط

- سجادات الصلاة والمصاحف والسبح والبخور من مصر

- ادوات المطبخ هنا اغلى من مصر ( الحلل والصوانى ) الجديد منها وليس المستعمل ( المستعمل رخيص جدا )

- منبه – مادليات للمفاتيح - محافظ جلد كبيرة - بطاريات صغيرة للاضاءة

- اسعار البامبرز هنا زى مصر

- ادوات الخياطة

- الاحذية الجيدة فقط لكل فرد من افراد الاسرة بدون شراء جديد

- الادوات المكتبية زى مصر فى الاسعار ( التنوع والجودة هنا افضل طبعا )

- عدد 2 كيبورد عربى للكمبيوتر + فلاشة مش اقل من 4 جيجا ( وخزن عليها معلوماتك المهمة من الكمبيوتر بتاع مصر )

- بعض القصص المفضلة للاطفال باللغة العربية

- الاعشاب والشاى من مصر ارخص

- اسعار لعب الاطفال زى مصر ولكن الجودة والتنوع موجودين بكثرة هنا ( المستعمل رخيص جدا وبحالة جيدة )

- الادوية خاصة لو مش هاتشترك فى التامين الصحى فى اول ثلاثة اشهر ( انا لم اشترك فى اى نظام والحمد لله ربنا عدى الفترة على خير ) بس طبعا كنت شارى ادوية ب 1250 جنيه ( ادوية كحة – خافض للحرارة – مراهم – مضاد حيوى متنوع - اقراص لتقوية جهاز المناعة للكبار والاطفال ( bronocho-vaxom )( هنا لو هاشترك فى نظام التامين الصحى الخاص من 300 الى 500 دولار شهريا ) كشف الدكتور من 70 الى 100 دولار

- اشترى لبان وملبس كتير ( خد شوية فى الطيارة )

- للسيدات ادوات الماكياج هنا غالية قوى

- فى المدن الصغيرة لا يوجد ملابس للمحجبات ( ملابس فضفاضة وطويلة – ايشاربات – شرابات ثقيلة )

- للبنات الصغيرات احضار اسدالات للصلاة او خمار صغير لكل بنت من اجل دروس القران فى المسجد

- يفضل شنطة الاوراق يكون ليها حزام علشان تحطها فى رقبتك

- يجب وزن الشنط جيدا وتحضيرها قبل السفر بمدة لان الوقت قبل السفر بيمر بسرعة جدا ( اسبوع غير كافى للتحضير )

ملحوظة :

الجاذبية الارضية عندنا فى البيت غير اللى فى المطار – كل شنطة وزنتها فى البيت بميزانين مختلفين طلعت زيادة فى المطار ب2 او 3 كيلو

- لا تنسى الدعوات من مصر ( خاصة من الام )

اجابة : اى شركة طيران :

- لو فى الصيف بلا شك مصر للطيران ارخص سعرا + خط واحد مباشر من غير ترانزيت + الوزن الرسمى المسموح به 30 كيلو + سماح بزيادة عن الوزن بقليل

- مصر للطيران من شهر 6 الى شهر 9 ولكن يجب الحجز قبلها بفترة كبيرة جدا ويفضل بعد الكشف الطبى ومعرفة نتيجته مسبقا من محمد كندا ( سكرتير الدكتور ) واعطاؤه فى جيبه 100 جنيه

- اما بقية اشهر السنة غالبا بيكون فيه عرض بالاشتراك ما بين ( اير كندا ) و ( ايجيبت اير ) ذهاب وعودة تذكرة سنوية ترانزيت فى باريس او لندن او فرانكفورت وهذا العرض ارخص من تذكرة ذهاب فقط وقليل من مكاتب الطيران الذين يعرفون هذا العرض حتى ( اكسبيديا ) لا يظهر عندها هذا العرض

- اير كندا هى المسئولة عن الرحلة من اولها الى اخرها .

- طيران الاوليمبيك هو ارخص شركة وان واى ولكن الخدمة فيها عادية جدا ويوجد سماح للشنط بازيد من 23 كيلو بقليل ( كل شركات الطيران غير مصر للطيران 23 كيلو فقط واى زيادة ولو كيلو هاتدفع مبالغ كثيرة والمبالغ المدفوعة بتكون بمعدل تزايدى وليس معدل ثابت بمعنى سعر اول كيلو غير تانى كيلو وهكذا ...

- يوجد طيران من الاردن مباشرة الى كندا طول السنة

- يفضل التنويه على الوجبات الحلال عند حجز التذاكر ( بيكون من الشركة الاصلية وليس من مكتب حجز التذاكر )

- لا يوجد تدخين على اى طائرة

المطار :

- خد معاك كاميرا فى ايدك وسجل لحظات الرحلة ( الولادة الجديدة )

- يجب الذهاب الى المطار مبكرا قبل ميعاد السفر ب 3 ساعات على الاقل

- من الممنوعات فى الهاند باج : ( المقصات بانواعها – زجاجات المياه – زجاجات الروائح والبرفانات – معجون الاسنان – اى كريمات سواء للبشرة او الشعر )

- اذا لم تكن قد حجزت الكراسى من مكتب الطيران فيجب التاكيد على الذهاب الى المطار مبكرا جدا لكى تحجز كراسى متجاورة وخاصة لو الاسرة كبيرة على الطائرتين سويا اذا كان فيه ترانزيت

- سواء طيران مباشر او ترانزيت من السهل ان تكلم العائلة من اى مطار وصول بشراءك كارت تليفون

- كل ما يجيلك فرصة انك تنام فى الطائرة نام ماتقولش الفيلم ده حلو هاكمله

- اللى معاه طفل رضيع يفضل يكون فى شنطة مامته اى شئ مهدئ مثل ( ماء غريب او بيبى كالم ) مع ادوات الغيار

- سوف تتسلم فى الطائرة ورقة بيانات باللغتين ( الانجليزية والفرنسية ) وخانة الاطفال لا تتسع سوى لطفلين فقط اذا كنت تملا النسخة الانجليزية فاكمل بقية الاطفال فى النسخة الفرنسية والعكس صحيح

- لقد اخذنا وقت من باب الطائرة الى باب المطار حوالى ساعة ونصف ( يمكن علشان عددنا كبير )

- لم يؤخذ لنا صور فى المطار ولم يطلب منا صور من اجل كارت ( البى ار ) ونفس الشئ حصل مع الدكتور ايمن كامل بعدنا وجائت الكروت على البيت فيها الصور اللى كنا مقدمنها من مصر

- موظف مكتب الهجرة فى المطار لا يعلم اى شئ عن الدوسيه اللى موجود فى السفارة الكندية فى مصر هو بيهمه التاشيرة الموجودة على جواز السفر و البيانات التى مليناها فى ورقة البيانات على الطائرة لذا يجب التاكد من كل معلومة بيسجلها عنده جيدا لان تعديل اى معلومة خاطئة بتاخد شهور وممكن سنة ( لا تنسى حالة الارهاق التى سوف تكون عليها اثناء وجودك فى المطار بعد هذه الرحلة الطويلة الشاقة وعدم النوم من الليلة اللى قبلها ) لذا يجب التركيز مع هذا الموظف خاصة وابقى نام بعد كدا براحتك حتى ولو فى الشارع بعد ما تخلص الاجراءات

- اذا كنت عارف العنوان اللى انت نازل عليه يجب كتابته مفصلا واعطاؤه لموظف الهجرة ولا تنسى رقم الشقة والكود البريدى

- المعاملة فى مطار القاهرة جيدة جدا ولكن نظرات الموظفين والداخلية فيها حسد

- المعاملة فى مطار كندا جيدة وبعد الانتهاء من موظف الهجرة المعاملة بالكامل فى المطار ممتازة

** اسئلة على الدرس الاول :

اختار ما بين الاقواس :

1- حجز الشقة بيكون :( أ - مع صاحب العمارة مباشرة – ب - مع وجود ضامن – ج - مع وجود كيلو جبنة رومى )

2- يمكن القيادة فى كندا برخصة مصرية من لحظة وصولك لمدة ( أ - شهرين – ب- 3 شهور – ج- 5 شهور )

3- سوف تاخذ معك اثناء السفر : ( أ- الكاميرا – ب- حماتك - ج- مجفف الشعر )

4- الوزن المسموح به على طائرة مصر للطيران : ( أ- 23 كيلو – ب- 30 جرام – ج- 30 كيلو )

5- يمكن الصعود على الطائرة باصطحاب عدد ( أ- 1 مقص – ب- 2 مقص – ج- 3 مقص )

انتهى الدرس الاول

wst::

:blink: :blink: :lol:

[MZohairy]

متهيألي الأخت سميه صالح ممكن تيجي كندا تشتغل فورا كوزيرة شئون المهاجرين من كتر الخبره اللي خدتها من الموضوع ده :blink:

[AL MUHAGER]

سلام للجميع... و الف مليون شكرا على المساهمات الجميلة والمفيدة دي ... و ربنا يعوضكم تعبكم بكل خير.... شكرا مرة تانية و تحياتي للجميع

[somayasaleh]

:blush2:

اخوانى واخواتى الافاضل

اشكركم .. اشكركم .. اشكركم

ودعونا نعمل ونركز ونستمتع فى صمت ...

ســـــــــلاح التلميذ

الدرس الثانى :

الميــــــــــــــــزانية

( المدخلات والمخرجات )

احب ان اوضح اولا اننى فى هذه الفترة اعيش فى مدينة كيبيك سيتى ومتزوج وعندى 4 اطفال

وانا اعلم اهمية هذا الدرس بالنسبة للذين سوف يخوضون تجربة الهجرة وخاصة فى الفترة الاولى لذا سوف احاول وباقصى ما استطيع توضيح الصورة بطريقة اتمنى ان تحوز على اعجابكم

فالنبدأ بالمدخلات شهريا :

1- منحة حكومة كندا الفيدرال للاطفال

لقد بدانا فى استلامها بعد وصولنا بشهرين باثر رجعى وهو مبلغ شهرى ( كل يوم 19 او 20 فى الشهر يوصل الشيك على عنوان البيت )

اما حسبتها فتتم على حسب عدد الاطفال فى الاسرة بالاضافة الى دخل الاسرة عن العام الفائت وده طبعا انت بتقدمه بريديا اول ما توصل كندا

وهذه بعض المعلومات عنها من موقعها الرسمى :

Basic benefit:

The basic benefit is $1,307 ($108.91 a month) for each child under age 18 (the basic benefit is different for residents of Alberta, see the note below).

There is a supplement of $91 ($7.58 a month) for your third and each additional child.

We subtract a benefit reduction from this amount if your family net income is more than $37,885. For a one-child family, the reduction is 2% of the amount of your family net income that is more than $37,885. For families with two or more children, the reduction is 4%.

Note

The Alberta provincial government has chosen to vary the amount of the basic benefit that its residents receive. The basic benefit is:

$1,196 ($99.66 a month) for children under 7;

$1,277 ($106.41 a month) for children 7 to 11;

$1,429 ($119.08 a month) for children 12 to 15; and

$1,514 ($126.16 a month) for children 16 or 17.

National Child Benefit Supplement (NCBS):

One-child family: $2,025 a year ($168.75 a month). This amount is reduced by 12.2% of the amount of family net income that is more than $21,287.

Two-child family: $1,792 a year ($149.33 a month). This amount is reduced by 23% of the amount of family net income that is more than $21,287.

Three-or-more-child family: $1,704 a year ($142 a month). The total will be reduced by 33.3% of the amount of family net income that is more than $21,287.

وايضا هذا هو الموقع لمن يحب معلومات اكثر :

www.cra.gc.ca/benefits

2- منحة الاطفال اليونيفرسال :

وهى ايضا شهرية وعبارة عن ( 100 دولار ) لكل طفل اقل من 6 سنوات

3- منحة الاطفال الخاصة بمقاطعة كيبيك :

وهذه تعطى كل 3 شهور ولكن لم نتسلمها الى الان

4- مرجوع الضرائب الفيدرال

5- مرجوع الضرائب من كيبيك

6- دراسة اللغة الفرنسية ( 460 دولار للفرد شهريا )

7- دراسة اكاديمية ( من 700 الى 900 دولار للفرد شهريا )

8- الاعانة الاجتماعية :

وهى عبارة عن مرتب شهرى يعطى للاسرة فى حالتين ( عدم وجود العمل - وان يكون حسابك فى البنك اقل من 2500 دولار )

ويجب التقديم عليها بعد مرور 3 شهور من وصولك الى كيبيك

9- يوجد تموين غذائى اسبوعيا

المخرجات :

1- الشقة ( كل واحد على حسب وضعه )

2- الكهرباء ( من 20 الى 30 دولار )

3- اشتراك النت ( من 20 الى 30 دولار )

4- اشتراك التليفون ( مع النت )

5- رخصة العربية ( 25 دولار )

6- تامين العربية ( 20 دولار )

7- البنزين ( لتر = دولار تقريبا )

8- نثريات وهى كثيرة ( احتياجات للمنزل - ملابس - اشتراك انشطة للاطفال وهدايا والعاب لهم - اشتراك اتوبيس ....... )

9- الغذاء

وسوف اوضح هنا كيفية حسابها لحالتك:

** الطريقة الاولى : ( للى هايقدموا علمى )

سهلة جدا ..

- ضع فى ذهنك ان ( 1 دولار = 5 جنيه مصرى )

- ان مصر تستورد 85 % من استهلاكها المحلى ، اذن الشعب بيتعامل بالسعر العالمى فيما عدا العيش والبنزين والخضار

* اذن طول ما انت ماشى بتشترى اى حاجة اقسمها على خمسة يبقى انت دلوقت عارف اسعار السلع فى كندا واحسب لنفسك

** الطريقة الثانية : ( هى تفصيلية اكتر للى هايقدموا ادبى )

وهاتكون موضوع الجزء التانى من الدرس التانى بمشيئة الله

فانتظرونى قريبا

md2:

[somayasaleh]

:sad:

اخوانى واخواتى الافاضل

اشكركم .. اشكركم .. اشكركم

ودعونا نعمل ونركز ونستمتع فى صمت ...

ســـــــــلاح التلميذ

الدرس الثانى :

الميــــــــــــــــزانية

( المدخلات والمخرجات )

احب ان اوضح اولا اننى فى هذه الفترة اعيش فى مدينة كيبيك سيتى ومتزوج وعندى 4 اطفال

وانا اعلم اهمية هذا الدرس بالنسبة للذين سوف يخوضون تجربة الهجرة وخاصة فى الفترة الاولى لذا سوف احاول وباقصى ما استطيع توضيح الصورة بطريقة اتمنى ان تحوز على اعجابكم

فالنبدأ بالمدخلات شهريا :

1- منحة حكومة كندا الفيدرال للاطفال

لقد بدانا فى استلامها بعد وصولنا بشهرين باثر رجعى وهو مبلغ شهرى ( كل يوم 19 او 20 فى الشهر يوصل الشيك على عنوان البيت )

اما حسبتها فتتم على حسب عدد الاطفال فى الاسرة بالاضافة الى دخل الاسرة عن العام الفائت وده طبعا انت بتقدمه بريديا اول ما توصل كندا

وهذه بعض المعلومات عنها من موقعها الرسمى :

Basic benefit:

The basic benefit is $1,307 ($108.91 a month) for each child under age 18 (the basic benefit is different for residents of Alberta, see the note below).

There is a supplement of $91 ($7.58 a month) for your third and each additional child.

We subtract a benefit reduction from this amount if your family net income is more than $37,885. For a one-child family, the reduction is 2% of the amount of your family net income that is more than $37,885. For families with two or more children, the reduction is 4%.

Note

The Alberta provincial government has chosen to vary the amount of the basic benefit that its residents receive. The basic benefit is:

$1,196 ($99.66 a month) for children under 7;

$1,277 ($106.41 a month) for children 7 to 11;

$1,429 ($119.08 a month) for children 12 to 15; and

$1,514 ($126.16 a month) for children 16 or 17.

National Child Benefit Supplement (NCBS):

One-child family: $2,025 a year ($168.75 a month). This amount is reduced by 12.2% of the amount of family net income that is more than $21,287.

Two-child family: $1,792 a year ($149.33 a month). This amount is reduced by 23% of the amount of family net income that is more than $21,287.

Three-or-more-child family: $1,704 a year ($142 a month). The total will be reduced by 33.3% of the amount of family net income that is more than $21,287.

وايضا هذا هو الموقع لمن يحب معلومات اكثر :

www.cra.gc.ca/benefits

2- منحة الاطفال اليونيفرسال :

وهى ايضا شهرية وعبارة عن ( 100 دولار ) لكل طفل اقل من 6 سنوات

3- منحة الاطفال الخاصة بمقاطعة كيبيك :

وهذه تعطى كل 3 شهور ولكن لم نتسلمها الى الان

4- مرجوع الضرائب الفيدرال

5- مرجوع الضرائب من كيبيك

6- دراسة اللغة الفرنسية ( 460 دولار للفرد شهريا )

7- دراسة اكاديمية ( من 700 الى 900 دولار للفرد شهريا )

8- الاعانة الاجتماعية :

وهى عبارة عن مرتب شهرى يعطى للاسرة فى حالتين ( عدم وجود العمل - وان يكون حسابك فى البنك اقل من 2500 دولار )

ويجب التقديم عليها بعد مرور 3 شهور من وصولك الى كيبيك

9- يوجد تموين غذائى اسبوعيا

المخرجات :

1- الشقة ( كل واحد على حسب وضعه )

2- الكهرباء ( من 20 الى 30 دولار )

3- اشتراك النت ( من 20 الى 30 دولار )

4- اشتراك التليفون ( مع النت )

5- رخصة العربية ( 25 دولار )

6- تامين العربية ( 20 دولار )

7- البنزين ( لتر = دولار تقريبا )

8- نثريات وهى كثيرة ( احتياجات للمنزل - ملابس - اشتراك انشطة للاطفال وهدايا والعاب لهم - اشتراك اتوبيس ....... )

9- الغذاء

وسوف اوضح هنا كيفية حسابها لحالتك:

** الطريقة الاولى : ( للى هايقدموا علمى )

سهلة جدا ..

- ضع فى ذهنك ان ( 1 دولار = 5 جنيه مصرى )

- ان مصر تستورد 85 % من استهلاكها المحلى ، اذن الشعب بيتعامل بالسعر العالمى فيما عدا العيش والبنزين والخضار

* اذن طول ما انت ماشى بتشترى اى حاجة اقسمها على خمسة يبقى انت دلوقت عارف اسعار السلع فى كندا واحسب لنفسك

** الطريقة الثانية : ( هى تفصيلية اكتر للى هايقدموا ادبى )

وهاتكون موضوع الجزء التانى من الدرس التانى بمشيئة الله

فانتظرونى قريبا

:waf:

:sad:

ســـــــــلاح التلميذ

الدرس الثانى :

ج2

الميــــــــــــــــزانية

( المدخلات والمخرجات )

** الطريقة الثانية : ( هى تفصيلية اكتر للى هايقدموا ادبى )

يوجد هنا وجبتين رئيسيتين الفطار والعشاء لانه يتجمع فيهما الاسرة كلها

الفطار بيكون صباحا قبل الذهاب الى المدرسة او العمل والعشاء بعد الدراسة او العمل

الفطار حوالى السابعة صباحا والعشاء من 5 الى 6 مساءا

النوم هنا بدرى

اضافة الى ذلك يوجد وجبة الساعة 12 توقيت موحد فى كل كيبيك الاعمال كلها بتقف وتبدا ثانية الساعة الواحدة ودى بتبقى اى حاجة تتاكل فى البيت والاطفال لو فى المدرسة بيكون معاهم اكلهم

** قائمة الافطار :

لقد وضعت وحدة القياس هو الواحد الصحيح لسهولة حسبة اى وجبة لاى عدد من الاشخاص

- اساسى الكورن فليكس......................................................... ( 750 جرام = 3 دولار )

- اللبن .............................................................................( 1 لتر = 1.40 دولار )

- عيش توست........................................................................( كيس 670 جرام = 2.5 دولار )

- اللبنة اللبنانى ( مثل الجبنة البيضاء )........................................ ( علبة 500 جرام = 6 دولار )

- جبنة نستو...........................................................................( 1 مثلث 0.25 دولار )

- جبنة شيدر...........................................................................( شريحة = 0.15 دولار )

- زبدة الفول السودانى..............................................................( برطمان 300 جرام = 3 دولار )

- كريمة شيكولاتة.....................................................................( برطمان 200 جرام = 1 دولار )

- مربى ..............................................................................( برطمان = 1 دولار )

- بيض ...........................................................................( البيضة = 0.15 دولار )

- فول + طعمية........................................................................( كيلو الفول = 2 دولار - علبة الطعمية = 2 دولار )

- الشاى........................................................................( شاى ليبتون علبة 100 باكيت = 5 دولار )

- نسكافيه.....................................................................( علبة 200 جرام = 5 دولار )

** قائمة العشاء :

1- شوربة + خضار + رز + لحمة + عيش لبنانى كبير

شوربة الطماطم ( 2 علبة = دولار ) - ( كيلو خضار مجمد = 2 دولار ) - ( رز امريكى 1كيلو = 1.60 دولار ) - ( لحمة 1 ك = 10 $ ) - ( عيش لبنانى رغيف = 0.40 $ )

2- ملوخية + صلصة + رز + فراخ + عيش لبنانى كبير

( الملوخية كيس 450 جرام = 2 $ ) - ( 2 علبة صلصة = 1 $ ) ( 1ك طماطم = 2.20 $ ) ( 1 ورك فرخة = 1 $ )

3- مكرونة + بانيه + كاتشب + مايونيز

( كيس مكرونة 450 جرام = 1 $ ) - ( 1 ك بانيه = 7 $ ) - ( زجاجة كاتشب لتر ونصف= 5 $) - ( برطمان مايونيز = 450 = 3 $ )

4- مسقعة باللحمة المفرومة + بطاطس

( 1ك باذنجان رومى = 5 دولار ) - ( 1ك لحمة مفرومة = 9 $ ) - ( 1ك بطاطس مجمدة = 2 $ )

5- كبدة وكلاوى وقلب

( 1ك كبدة = 12 $ ) ( 1ك كلاوى وقلب = 10 $ )

6- بيتزا

( قرص من غير حشو = 2.20$ ) ( مشروم 450 جم = 2.50$ ) ( فلفل رومى 1ك = 5$ ) ( سوسيس 450 جم = 2$ )

7- كشرى

( بقوليات 1 ك حمص - عدس اصفر او بجبة = 2$ )

8- سمك فيليه + رز + جمبرى

( 1ك سمك فيليه = 10$) ( 1ك جمبرى = 11$)

9- بلوبيف + سلطة بطاطس

( علبة بلوبيف = 3.50$) ( علبة سلطة بطاطس 200 جم = 2.20$ )

10- تونة ( علبة = دولار )

11- سجق شرقى ( 1ك = 10$)

12- عسل اسود + عسل ابيض ( برطمان = 6 $)

- طحينة ( برطمان = 5$)

- زبادى ( علبة صغيرة بالفواكه = 0.40 $)

- مشروبات غازية ( زجاجة 2 لتر = 0.90$)

- عصير ( علبة صغيرة = 0.20$)

- علبة فواكه صغيرة ( كومبوت ) للمدرسة = 0.35$

- ناجتس ( فراخ ) علبة كيلو = 10 $

- 1 ك دقيق = 1.50$

- الفواكه :

بطيخ ( 6ك = 5 $ )

موز ( 1ك = 2.20$)

تفاح ( 1ك = 2$)

الخوخ ( 1ك = 2.20$)

** بالنسبة لوجبة الظهر

للاطفال فى المدرسة

- ( علبة عصير + رز + اى بروتين )

- سندويتشات

- علبة فواكه + مكرونة + اى بروتين

بالنسبة للى قاعدين فى البيت

هايلاقى التلاجة مليانة من بواقى اكل امبارح او اى حاجة تبع الفطار

ملحوظة :

لا تنسى بنك الغذاء الاسبوعى ( التموين ) تقريبا يساوى شهريا ( 150$)

* برشامة : ( للى مش عايز يذاكر لا علمى ولا ادبى )

- الفطار للشخص الواحد ( من 0.50 الى 0.75 $ )

- العشاء للشخص الواحد ( من 1.50 الى 3 $ )

وشكرا

اجب بوضع علامة ( صح ) او ( خطأ )

1- اسعار السوبر ماركت مثل ( مترو ) موحدة فى جميع مقاطعات كندا ( )

2- من الممكن الجمع بين دراسة اللغة والدراسة الاكاديمية ( )

3- لو محصول الخضار المتداول عندنا فى الاسواق المصرية عرض للتصدير مجانا سوف يوجد له سوقا فى الخارج ( )

:waf:

[somayasaleh]

MOST IMPORTANT ADDRESS IN TORONTO.................

is NIC "Newcomer Information Center"

this center help the new immigrants with all the advices , books , seminars , inetrnet access , telephone , fax, photocopier .......................ALL FOR FREE

very nice people , speak slow english for immigrants and have all answers 4 your questions

thier address is 42 charles st.

(2 blocks south of BLOOR , east of YONGE"........

BLOOR and YOUNG are the main two roads in downtown toronto)