بنك معلومات من خبرات المهاجرين السابقين

[elmadysm]

ربنا يكرمك ياسمية و يجعله فى ميزان حسناتك

[somayasaleh]

ربنا يكرمك ياسمية و يجعله فى ميزان حسناتك

ربنا يبارك في حضرتك....كلك ذوق

اخبارك ايه؟؟؟ طمنينا؟

[elmadysm]

انا فى انتظار الميديكال اليومين دول

اما قبل العيد و دى تبقى حاجة كويسة يعنى مفاجاه

او بعد العيد و دا كويس برده

او حسب توقعى الشخصى يوم 11/10/2009 على حسب تقديرات الدكتور / عماد فوزى ربنا يكرمة

[farah hany]

الأخت سمية

أشكرك جدا جدا ع هذا الموضوع الرائع و المبذول فيه جهد رائع ومفيد جدا جدا و يعتبر مرجع مهم لأى مهاجر

جعله الله فى ميزان حسناتك ان شاء الله

و أتمنى ان الوالد تكون صحته تحسنت ان شاء الله

[hamedebrahim]

مجهود طيب مدام سمية

جزاك الله خيرا

[somayasaleh]

نتابع بعض تجارب الاعضاء الافاضل اللي سبقونا

بعد أذن الاستاذ ايهاب سالم.....ده بعض من خبرته في بلاد الثلج

وللاخوة الجداد اللي مايعرفوش الاستاذ ايهاب...فهو انسان فاضل خدوم جدا ولا يبخل عن اي شخص باي معلومة يعرفها ومجاله في IT

نبدأ باذن الله

====================================================

أحكي عن تجربتي و يا رب تكون فيها فايده للجميع

وصلت تورونتو بمفردي يوم 19 أغسطس الماضي على الخطوط اليونانيه عبر أثينا و أستغرقت الرحله 12 ساعه

فضلت أسيب زوجتي و اولادي في مصر لحد ما أرتب الاوضاع و يحصلوني بعدها

عند ضابطه الجوازات لم أكذب و ذكرت أنني خارج كندا منذ 3 سنوات

===============================

لم تواجهني أي مشاكل عند ضابط الهجره و لكنه قال لي أنه لكي تحتفظ بالإقامه فيجب عليك أن تقيم السنتين القادمتين في كندا و هو ما كنت أعلمه و لا يسبب لي أي قلق لأنه طبيعي و من غير المنتظر أن أعود زياره الى مصر قبل سنتين

لم يفتحوا لي أي شنطه في الجمارك .. سألوني فقط معاك حاجه .. قلت لأ .. قالوا لي مع السلامه

إصطحبني صديق من المطار الي فندق في مسيساجا كان قد حجز لي فيه إسبوعين .. الأسبوع ب 500 دولار

طبعا عانيت من إختلال الساعه البيولوجيه في الاول .. و كنت بأنام بالنهار و بأصحى بالليل و حاجات كده

بعد التعافي من أثار إختلال الساعه البيولوجيه و أخذ قسط من الراحه .. بدأت في تأسيس الوضع الجديد

أول حاجه عملتها هي الحصول على خط موبايل ليمكنني الإتصال بزوجتي و أولادي و أهلي في مصر

==========================

و كان ذلك بزيارة أقرب منفذ خدمات لروجرز www.rogers.com

و دفعت 50 دولار تأمين و حصلت على خط موبايل

يوجد إشتراكات بنظم مختلفه plans . يمكنك إختيار منها ما يناسبك

ما إخترته أنا إشتراك شهري 25 دولار + 7 دولار إظهار رقم المتصل + 7 دولار system access fees + شوية تحابيش + 14% ضريبه على المبلغ الإجمالي

يطلع 47 دولار في الشهر .. دول يدوك مش عارف كام دقيقه مجانيه في أيام الإسبوع و ووو (راجع الموقع للتفاصيل)

بعد ذلك بدأت البحث عن سكن و لذلك عدة طرق ..

====================

-- مواقع الإنترنت .. على سبيل المثال لا الحصر www.viewit.ca

-- مجلات مجانيه أسبوعيه توجد في صناديق على الرصيف في الشارع

-- اللف على الأقدام و الإنتقال من عماره لعماره للسؤال .. و يوجد لافته أمام أي عماره توضح إذا كان هناك شقق متوفره للإيجار أم لا و كم عدد الغرف

أهم حاجه تسأل عليها في الشقه هو هل باص المدرسه يأتي عند العماره أم لا ... و إذا كنت ناوي تركب دش ..

يبقى لازم الأول تتاكد من إن الشركة مالكة العماره تسمح بذلك و يجب أن تكون بلكونة الشقه مواجهه للجنوب الغربي

كل الشقق هنا مزوده بخشب المطبخ و بوتاجاز أربع عيون و فرن بالكهرباء و ثلاجه كبيره و الإيجار يشمل إستهلاك الكهرباء و الماء و التدفئه بغض النظر عن الكميه

أنا كنت أبحث عن شقه غرفتين .. وجدتها تتراوح من 900 الى 1300 دولار

في رأي الشخصي تحت ال 1000 دولار بيكون المستوى تعبان

أنا أجرت شقه ب 1100 + 50 دولار لباركينج العربيه في الجراج تحت العماره

فيه مشكله كبيره جدا في موضوع تأجير الشقه

إن محدش هيرضى يأجرلك و إنت جاي جديد من غير شغل

و الحل إما يكون معاك فلوس كفايه تكفي الإيجار كذا شهر مقدما و تجيب كشف حساب من البنك بذلك

أو واحد صاحبك موجود في البلد من زمان و مستقر في شغل و راتبه يكفي يدفع إيجاركم إنتم الإثنين ..يضمنك

و في الحالتين ممكن الشركه ترفض برضه . .. من حقها

لو الشركه وافقت بتاخد منك إيجار أول و أخر شهر مقدما .. قبل ما تمضي العقد

العقد بيكون مدته سنه على الأقل .. ملزم للطرفين .. و بعد السنه ممكن تكمل بنفس الإيجار أو يزيد أو تسيبهم و تشوف شقه تانيه

بتمضي 10 شيكات بنكيه بتواريخ محدده مسبقا في الأول من كل شهر و تسلمهم للشركه قبل إستلامك مفتاح الشقه + الشهرين المقدم ..

يبقى كده الشركه ضمنت حقها طول السنه و مش محتاجه تدور عليك كل شهر عشان تفكرك بالإيجار

نقطه مهمه قد تكون غير معلومه لناس كتير

===================

هو إن الشقه ليس بها غساله و غير مسموح بتركيب غساله أتوماتيكيه أو حتى عاديه

و هذا هو الحال في 95 % من الشقق و لكن طبعا هناك ناس يقومون بتسريب غساله عاديه صغيره ليلا بعد إنصراف بواب و مدير المبنى و العاملون على نظافته

و هذا حل لا أعتبره حل جيد لما للغساله العاديه من مشاكل و تعب في الغسيل و لعدم وجود مناشر لنشر الغسيل بعدها

إذن ما هو البديل ؟

البديل هو أنه في كل عماره يوجد غرفة غسيل كبيره مشتركه بها عدد كافي من الغسالات الأتوماتيكيه و المجففات تعمل بالعمله و بها وسائل ترفيه مثل تليفزيون و مجلات و جرائد و كراسي للإنتظار .. تحمل غسيلك في عربه صغير ه على عجلات و تضعه في الغساله و تختار البروجرام ثم بعد ذلك تضعه في المجفف و كل شئ تمام

بعض الناس يجد هذا المفهوم غريب و غير مقبول و البعض الأخر يفهم أن لكل مجتمع نظامه الذي يختلف عن عن المجتمع الذي نشا فيه

أيضا كل العمارات أبوابها مغلقه تماما في وجه الغرباء .. و كل السكان معهم مفاتيح للباب الخارجي .. و إذا جاء لك ضيف .. يتكلم معك من الإنتركوم و المكالمه ترن على تليفون المنزل العادي و إذا أردت فتح الباب تضغط على زر 9 في التليفون

أيضا كل العمارات بها نظام إنذار ضد الحريق موصول مباشرة بأقرب مركز إطفاء .. يعني لو حصل حريق .. ال sensors تحس و تشغل الإنذار (مزعج جدا .. يصحي الميت) و المطافي تعرف بالحريق دون ان يتصل أحد من السكان

كل ماذكرته هنا موجود في كل العمارات .. بقوة القانون و ليست رفاهيه

في كل العمارات .. فى المدخل الرئيسي للعمارة .. هناك صندوق أحمر صغير مقفول مكتوب عليه انه خاص بالمطافئ .. به معلومات عن العمارة و خريطة للأدوار و توزيع الشقق و المنافذ .. و هكذا

عندما يدق جرس الإنذار .. فإنه يوجد سماعات داخل كل شقة .. يرن صوت يصحى القتيل ..

المفروض .. بمجرد سماع جرس الإنذار .. المفروض التوجه الى منافذ الخروج و السلالم .. و عدم استخدام المصاعد لأنها ممكن تتعطل .. ثم التوجه الى خارج العمارة ..

مره جرس الإنذار رن في العماره المقابله لينا

و نزلت أتفرج

======

أول ما يمكن ان تلاحظه من المنظر العام هو النظام .. الدقة .. بشكل مذهل .. كل واحد يعرف دوره بدقة شديدة جدا جدا ..

و متدربين عليها كثيرا و دائما .. حتى بدون وجود حرائق ليكونوا مستعدين

كانت هناك قوات من الشرطة .. قوات من الإسعاف .. قوات من المطافئ .. و رغم ان هذه القوات تنتمى الى ادارات مختلفة كما ترون .. الا انهم جميعا .. يعملون بدقة و انسجام و تناغم و تكامل

الشرطة .. كان هناك حوالى 5 أو 6 سيارات ..

شرطة .. تقوم بتنظيم المرور .. شرطة .. تضع اقماع حمراء حول سيارات المطافئ .. شرطى يقف فى مدخل العمارة .. ليمنع اى محاولات لدخول العمارة .. سيارة شرطة سدت الشارع الجانبى الملاصق للعمارة لمنع المرور فيه .. سيارة شرطة اخرى سدت اخر الشارع من الجهة الآخرى أيضا لمنع المرور فيه .. و ذلك لأعطاء القوات المختلفة الأخرى حرية الحركة فى ذلك الشارع ..

الإسعاف .. حوالى 3 سيارات اسعاف .. سيارتين عاديتين .. و سيارة اسعاف "اوتوبيس" .. فى حالة وجود اعداد كبيرة مطلوب اسعافها ..

المطافئ .. حوالى اربع أو خمس سيارات اطفاء .. اتخذت مواقعها حول العمارة .. و انطلق منها رجال الإطفاء

هذه القوات .. تصل غالبا فى خلال عشرة دقائق الى 15 دقيقة ..

و ذلك أن القانون هنا يجبرك اذا ما سمعت صوت سارينة الشرطة أو المطافئ أو الإسعاف .. أن تركن على اليمين (مش توسع الطريق ) تركن و تقف تماما في الإتجاهين .. لأن سيارة المطافي من حقها أن تسير عكس الإتجاه للوصول في أقل وقت ممكن

و عدم اللإلتزام بذلك يعني سحب الرخصه و ربما سجن

السؤال الذى يطرح نفسه .. أو الإسئلة التى تطرح نفسها ..

ما هو شعورك كمواطن عندما تجد هذه الرعاية و هذا الإهتمام ؟

الن يشعرك هذا بقيمتك كإنسان ؟

الن يجعلك هذا راضيا عن الأموال التى تدفعها فى الضرائب ؟

الن تشعر ان ما تدفعه فى الضرائب يعود عليك فعلا ؟

نراكم بعد الفاصل

[memma]

ارجو من مشرفى المنتدى وضع هذا الموضوع ضمن الموضوعات الهامة........وشكرا

[somayasaleh]

نكمل مع معلومات مفيدة جدا جدا من الاستاذ ايهاب

شراء المراتب من كندا حكاية لوحده.....

================

Sleep Country

و يمكنك الدخول لمشاهدة الأسعار و الإختيارات المتاحه

لموضوع المرتبه قصه طريفه

عند دخولي المحل ... جاء sales man لمساعدتي و دار الحوار كالتالي

(لاحظ الأدب في حوار البائع و إستعماله كلمة سيدي دائما و هو الطبيعي هنا حتى لو داخل تشتري حاجه بدولار)

can I help you Sir

نعم عاوز مرتبه

which size

كينج

OK , may i ask , how do you sleep sir

أنا إذبهليت .. يعني أيه بأنام إزاي .. بأنام زي البني أدمين

Sorry sir , i mean on your back , your side or your stomack , sir

و هي تفرق

sure

و طلع إن فيه مرتبه .. درجة طراوتها تناسب كل وضع من الأوضاع

يعني لو بتنام على جنبك محتاج مرتبه طريه softer ... لو بتنام على ظهرك محتاج مرتبه ناشفه شويه firmer أو اللي بنسميها عندنا مرتبه طبيه .. عشان تحافظ على العمود الفقري من التقوس

و لو بتنام على بطنك يبقى محتاج تبطل النومه الوحشه دي أصلا

حبيت أعمل ناصح عليه و قلتله طب لو واحد بينام بطريقه مختلفه عن مراته .. يعملوه أيه .. يجيبوا مرتبه تناسب مين فيهم

قاللي بسيطه عندنا مراتب مقسومه نصين .. كل نص يناسب طريقة نوم مختلفه

زي كده

و على رأي المثل

كل واحد ينام ع (النص) اللي يريحه

بدأت خطوات الحصول على رخصة القياده

=====================

رخصة قيادة السياره في كندا من سلطة المقاطعات و ليس سلطة الحكومه الفيدراليه

رخصة قيادة السياره الخاصه في مقاطعة أونتاريو حيث أعيش لها ثلاث درجات G1 ثم G2 ثم G

للحصول على رخصه أول درجه و هي G1 يلزمك إجتياز إمتحان تحريري بعد مذاكرة كتاب إسمه Driver's Handbook

يباع في المكتبات و في مراكز إمتحان القياده و توجد نسخه منه على الإنترنت في هذا الموقع

http://www.mto.gov.on.ca/english/dandv/dri...ook/index.shtml

يمكنك إختيار الإمتحان على الكمبيوتر أو على الورق

بعد إجتيازك إمتحان G1 يصبح من حقك قيادة سياره و لكن بشروط صعبه يجعل منها مهمه مستحيله

منها أنه يجب أن يجلس بجانبك شخص معه رخصه G حاصل عليها منذ 4 سنوات و لا تستطيع القياده من بعد غروب الشمس حتى الشروق و حاجات كتير

الخلاصه إن الدرجه دي معموله للشباب الصغير اللي لسه متعلم القياده جديد عشان والده يجلس بجانبه أثناء القياده

بعد حصولك على G1 إذا كان معك رخصه من بلد ثانيه مضى عليها عامين على الأقل يمكنك التقدم مباشرة الى إمتحان G2

إما إذا لم يكن معك أي رخصه مسبقا فيجب عليك الإنتظار سنه حتى يمكنك التقدم الى إمتحان G2

إمتحان G2 هو إمتحان عملي فعلي في الشارع

و قيادة السياره هنا مش هزار و القوانين صارمه جدا

لذلك فمقاطعة اونتاريو تحتفظ بالمركز الأول في معدلات الأمان في امريكا الشماليه كلها و ليس كندا فقط

وسائل المواصلات العامه .

============

. وللكلام عن وسائل المواصلات العامه يلزم التعرف على طبيعة التقسيم الإداري لكندا

مثلما يعرف الكثيرون .. كندا دوله هائلة المساحه . ثاني أكبر بلد في العالم .. بعد روسيا ..

كل هذه المساحه الهائله مقسمه الى 10 مقاطعات provinces .. مثل الولايه عند أمريكا أو المحافظه عندنا و ثلاث أقاليم territories

و هذه هي المقاطعات و الأقاليم الكنديه الثلاثة عشر

و تقسم كل مقاطعه الى مناطق regions و كل منطقه تحتوي على مدن cities و towns

مقاطعة أونتاريو هي أهم و اكبر المقاطعات الكنديه .. و أقصد أكبر من حيث عدد السكان و حجم الإقتصاد الذي يرتبط إرتباط وثيق بحركة التجاره البينيه مع أمريكا

عاصمة أونتاريو هي مدينة تورونتو و هي أكبر و أهم مدينه كنديه .. هي مركز المال و الأعمال .. بمعنى أصح نيويورك كندا .. المركز التجاري و العاصمة الإقتصاديه لكندا

مع توسع تورونتو مساحة عبر السنين و إزدياد عدد سكانها تم تقسيمها إداريا الى مدن صغيره ليسهل إدارتها و أصبح يطلق على المنطقه كلها ..

تورونتو الكبرى أو Greater Toronto Area or GTA

عادة.. الناس تعمل في وسط مدينة تورونتو و لكنها تسكن في المناطق المحيطه بها ضمن تورونتو الكبرى

و يعتمدون في إنتقالهم على وسائل المواصلات و التي هي فعاله و سريعه و منتظمه و أدميه

كل مدينه في GTA لها نظام مواصلاتها transit system

في مدينة تورونتو يوجد TTC

و يتكون من خطوط مترو أنفاق و باصات و street cars أو تروماي

في مدينة مسيساجا غرب تورونتو حيث أقيم يوجد Mississauga Transit

هناك أيضا و سيلة مواصلات عظيمه جدا لا ترتبط بمدينه محدده لأنها تخدم GTA كلها .. أستعملها يوميا في الذهاب و العوده من عملي في وسط مدينة تورونتو

هي Go Transit

و تتكون من خطوط قطارات و باصات تربط شرق و غرب و شمال تورونتو الكبرى بوسط المدينه .. مفيش جنوب لأن الجنوب بحيرة أونتاريو

ميعاد الباصات و القطارت هنا معروف بالدقيقه و يمكنك بالدخول على الموقع .. معرفة متى يصل خط الباص الذي تريده الى المحطه التي تركب من عندها

كما يمكنك إستعمال خاصية Online Trip Planner

تعطيه خطوط رحلتك .. من و إلى و متى و هو يعطيك تخطيط الرحله و مواعيد وسائل مواصلاتك

الباصات هنا تنحني للركاب .. أه و الله .. الصعود من الباب الأمامي و النزول من الخلفي ..

إذا كان الراكب عجوز أو سيده معها عربة أطفال .. يضغط السائق على زر فينحني الباص من جهة الباب الأمامي الأيمن فقط حتى يصل لمستوى الرصيف .. فيمكن للركاب الصعود بسهوله

أما لو كان الراكب على كرسي متحرك يخرج لوح ألي من الباب الأمامي و يرتكز على الرصيف ليصبح مطلع ramp up يصعد عليه الكرسي المتحرك و راكبه ثم يقوم السائق من مكانه ليطوي المقاعد الاماميه ليسمح بمساحه كافيه للكرسي للوقوف .. و حكاية الكرسي المتحرك دي شفتها اكثر من مره في الفتره اللي كنت أركب فيها الباصات قبل شرائي سياره

طبعا كل وسائل المواصلات مدفأه شتاء و مكيفه صيفا

..

أنا مثلا أستقل ال go train يوميا الى العمل .. ميعاد القطار الثامنه و سبع دقائق أسكن في عماره مواجهه للمحطه .. أنزل قبل دقيقتين من ميعاد القطار .. يصل القطار و يتحرك في ميعاده .

----------------------------------------

بعد 4 شهور و نصف .. السلبيه الوحيده من وجهة نظري هو إفتقاد الأهل .. و لا أقول مصر .. يعني لو أقدر اجيب أهلي يعيشوا معايا هنا .. يمكن ما أرجعش مصر تاني

تكاليف المعيشة الشهريه

==========================

سؤال صعب لأنه يعتمد على عوامل كثيره

لكن أقدر أقولك إحنا أسره 5 أفراد .. أعتقد مصاريفنا الشهريه تتراوح من 2800 الى 3100 دولار

منهم الثوابت التاليه

1150 إيجار الشقه

30 إشتراك تليفون منزل

47 إشتراك موبايل

39 إنترنت

238 تأمين سياره (شهري) -- انا عارف البند ده هيصدم ناس كتير ..

200 الى 250 دولار بنزين سياره

موضوع المدارس

==================================

يجب أن يفرد له مشاركه كامله لأنه مش بسيط .

. لكن أنا عشت في الخليج 10 سنين و عندي طفلين في المدارس و أقدر أقولك التعليم اللي بيسموه إنترناشيونال في الخليج لا يقارن بالتعليم في كندا ..بأي حال من الاحوال

و بعدين التعليم مش مدارس و بس .. لكن أيضا ال facilities اللي بيقدمها المجتمع و اللي بتجعل التعلم متعه .. زياره واحده ل

ontario science center

و تشوفي إزاي الأطفال بيستمتعوا بالمعلومات العلميه في إطار شيق و ممتع وهتعرفي إن إحنا مش بنتعلم في الدول العربيه .. لكن بنتزغط العلم بالعافيه .. عشان ندخل الإمتحانات ن........ و ننساه بسرعه

إقتباس

معلش اسئلتى كترت بس كله فى ميزان حسناتك ان شاء الله

مفيش مشكله ..

من ثلاث سنوات .. كنت أنا في موقف حضرتك كده و كنت بأسأل و ناس أفاضل في المنتدى من كندا كانوا بيساعدوني

و ده جزء من رد الجميل

ربنا يوفقكم للقرار اللي فيه مصلحتكم

[somayasaleh]

تابع المدارس......من كتابات الباشمهندس ايهاب سالم

=========================================

ذهبنا للمدرسه للتقديم لهم .. هنا كل واحد بيدخل المدرسه الأقرب من بيته .. مفيش نقاوه و مفيش حد يدخل مدرسه أبعد من بيته عشان شايف إنها أحسن

كل طفل بيدخل مباشرة على الصف المناسب لسنه دون النظر الى الصف الأتي منه من بلده الأصلي .. و يحدث ذلك في أي وقت من السنه

أنا أولادي وصلوا بعد بدء الدراسه بحوالي شهر و نصف

المهم روحنا في يوم الظهر و معانا الورق و البنت و الولد

و دخلنا ال office و طبعا قابلتنا الموظفه بإبتسامه عريضه .. و قلنا لها إحنا جايين نقدم لأطفالنا .. قالت .. ماشي .. ايه رأيكم ننادي المشرفه تاخد الأطفال في جوله تعرفهم على المدرسه و ال facilities الموجوده فيها و بعدين يدخلوا فصلهم يتعرفوا على زملائهم و المدرسين أثناء ما إحنا نكمل الإجراءات .. ثم نادت على مشرفه جاءت و أخدت الولد و البنت

و إحنا قعدنا في المكتب نملى الورق و نمضي على الإستمارات ... الخ

رجعت المشرفه لوحدها و قالت لنا نورهان و كريم عايزين يكملوا اليوم في الفصل و تعالوا خدوهم أخر اليوم

مشينا و رجعت أخدتهم أخر اليوم لقيت كل واحد معاه قصه مصوره من مكتبة المدرسه .. كل صفحه مكتوبه بالعربي و الإنجليزي .. يعني المدرسه بتعطي الأطفال الجدد قصص مصوره بلغتهم الأصليه و اللغه الإنجليزيه لتشجيعهم على إكتساب اللغه

طبعا الكلام عن نضافة المدرسه و جمالها و صالة الرياضه و اللوحات المعلقه على الجدران لن ينتهي و مينفعش يتحكي لأنه لازم يتشاف

أحسن ألف مره من مدرسة اللغات اللي كنا بندفع فيها دم قلبنا في قطر

و كله كوم و طقم المدرسين و الإداريين كوم .. ملايكه ماشيه على الأرض .. إبتسامه دائمه على وجوهم و على وجوه الطلبه .. تحس إن الجميع سعيد و جاي يتعلم على طريقة let's have fun ..

أنا و الله ولادي يسألوا كل يوم قبل ما يناموا .. بكره فيه مدرسه و الا لأ و بيزعلوا لما بيعرفوا إن تاني يوم أجازه و مفيش مدرسه

ده غير الرحلات الميدانيه .. تقريبا كل أسبوعين رحله .. مره يروحوا مزرعه و يرجعوا معاهم فواكه و خضروات .. كل واحد في كيس

و مره يروحوا مسرحيه موسيقيه للأطفال .. ومره يروحوا يزوروا مركز المطافي و يشرحوا لهم إزاي بيطفوا الحرائق و المفروض يعملوا ايه لو حصلت حريقه و يركبوا عربية المطافي و يتصوروه

طبعا هنا إنت لا تدفع مصاريف و لا تشتري كتب أو أقلام و لا كراريس و لا جلاد و لا كلام فارغ من ده .. و لا الطفل بيرجع أخر اليوم عنده واجب

كل حاجه بتحصل في المدرسه و الولد بيرجع البيت يقضي يومه زي ما هو عايز و مفيش كتب بترجع معاه البيت .. كل حاجه بتستنى في المدرسه

[somayasaleh]

الحصول علي وظيفة......الباشمهندس ايهاب

============================

ا أنا سأتكلم عن تجربتي الشخصيه .. لذلك فمن الضروري أن أعرفكم على مؤهلاتي العلميه و المهنيه

أنا حاصل على بكالوريوس هندسه .. شعبة كهرباء .. قسم هندسة و علوم الحاسبات الإلكترونيه .. تقدير إمتياز .. ثالث الدفعه .. بفضل الله و توفيقه

بعد التخرج و الجيش إلتحقت ببرنامج تدريبي مكثف في مركز المعلومات و دعم إتخاذ القرار بمجلس الوزراء إسمه

Software Skills Development Program .. هذا البرنامج كان ممول من برنامج الأمم المتحده للتنميه United Nations Development Program و كان الهدف المعلن منه خلق جيل من الشباب المبدعين في مجال البرمجه بحيث تتحول مصر الى قوه إقليميه في مجال صناعة البرمجيات مثل الهند

طبعا الهدف الأول إتحقق و هو جيل الشباب و الهدف الثاني لم يتحقق و هو إننا نصبح مثل الهند في صناعة البرمجيات .. لأن مفيش سيستم

إتخرجنا و إشتغلنا في شركات مصريه عدة شهور و بعدين عرفنا إن لا فيها هند و لا باكستان و إن مفيش فايده في البلد دي ..فكل واحد شاف له بلد سافر لها .. المعظم راح الخليج و أنا منهم و البعض كان أذكى مننا و إختار أمريكا و فكر لبعيد شويه و عرف إن الدنيا مش فلوس و بس .. و البعض اللي كان لسه عنده امل يعمل حاجه للبلد إستنى في مصر .. لكن بعدها بسنوات معظمهم سافر برضه

المقدمه السابقه رأيت أنها لا بد منها حتى نعلم مدى الخساره التي نخسرها عندما تربي بلدنا و تصرف على تعليم أجيال من الشباب الذين يصبحون بعد ذلك تروس في ماكينة إقتصاد دول أخرى لم تصرف عليهم أي شئ و إنما أخذتهم على الجاهز في عز سنين شبابهم و عطائهم و خبرتهم .. عشان عندهم نظام

على رأي برايز .. العيب مش فينا .. العيب في النظام

البحث عن عمل هنا بالنسبه للوظائف المهنيه يتم عن طريق الإنترنت ..

أما البحث عن الوظائف العاديه أو كما يسمونها entry-level jobs أو casual jobs فيكون عن طريق جرائد مجانيه للتوظيف توجد في أكشاك على الرصيف

السؤال المنطقي .. لماذا لا أبحث عن عمل في كندا على النت و أنا ما زلت في مصر أو الخليج و لا أترك وظيفتي إلا بعد الحصول على وظيفه هناك

للأسف هذا غير ممكن .. لماذا ؟

لأن أصحاب الأعمال هنا بعد قراءة السيره الذاتيه لطالب الوظيفه على أحد مواقع التوظيف يتصلون به تليفونيا لعمل مقابله على التليفون و إذا كانت النتيجه إيجابيه يطلبون مقابله شخصيه و طبعا كل هذا لا يمكن حدوثه الا إذا كنت في كندا بنفسك ..

لذلك فلو وضعت سيرتك الذاتيه على موقع من مواقع التوظيف الكنديه و أنت خارج كندا و رأها أحد ال employers و كانت مؤهلاتك مناسبه للوظيفه و لم يجد رقم تليفون يتصل بك عليه أو راسلك على البريد الإلكتروني و طلب منك رقم تليفونك .. فتقول له معلش أنا خارج كندا .... سيقوم بإستبعاد سيرتك الذاتيه من ضمن المرشحين للوظيفه و تكون بذلك خسرت فرصه وظيفه لأنه لن يلتفت لسيرتك الذاتيه مره أخرى على الموقع حتى لو وصلت كندا و حدثتها لأنه لن يدخل عليها مره أخرى

في كندا هناك وظائف تسمى

Regulated Occupations

و هي الوظائف التي تحتاج معادلات للشهادات و تراخيص لمزاولة المهنه من هيئات حكوميه أو نقابيه و هذه لن أتكلم عنها لأنها ليست حالتي و لأنها تختلف إختلاف كبير من مهنه لأخرى

العمل في مجالي و هو مجال تكنولوجيا المعلومات .. لا يحتاج معادلات و لا تراخيص لأنه ليس من النوع السابق ذكره و لكنه على الجانب الأخر يحتاج الى مذاكره و إجتياز أمتحانات للحصول على Professional Certificates في مجالك ليمكنك إقناع من تتقدم للشغل عنده أنك فعلا تجيد ما هو مكتوب في سيرتك الذاتيه

و كنت قد أعددت نفسي قبل الهجره الى كندا و إجتزت عدة إمتحانات و حصلت على شهادات لتدعم سيرتي الذاتيه

بعد الإستقرار ووصول الزوجه و الأولاد و فرش الشقه و شراء سياره بدأت في أول خطوه و هي تعديل السيره الذاتيه بحيث تكون متوافقه مع المواصفات الكنديه

و يمكنك معرفة ذلك بالدخول على أشهر موقعين من مواقع التوظيف الكنديه و هم

http://www.workopolis.com

عمل في مجالي و هو مجال تكنولوجيا المعلومات .. لا يحتاج معادلات و لا تراخيص لأنه ليس من النوع السابق ذكره و لكنه على الجانب الأخر يحتاج الى مذاكره و إجتياز أمتحانات للحصول على Professional Certificates في مجالك ليمكنك إقناع من تتقدم للشغل عنده أنك فعلا تجيد ما هو مكتوب في سيرتك الذاتيه

و كنت قد أعددت نفسي قبل الهجره الى كندا و إجتزت عدة إمتحانات و حصلت على شهادات لتدعم سيرتي الذاتيه

بعد الإستقرار ووصول الزوجه و الأولاد و فرش الشقه و شراء سياره بدأت في أول خطوه و هي تعديل السيره الذاتيه بحيث تكون متوافقه مع المواصفات الكنديه

و يمكنك معرفة ذلك بالدخول على أشهر موقعين من مواقع التوظيف الكنديه و هم

http://www.workopolis.com

www.monster.ca

و قراءة الإرشادات و النصائح التي تتعلق بطريقة كتابة السيره الذاتيه

ثانيا : قمت بإتباع نصيحة من سبقوني من أصدقائي و يعملون في نفس مجالي بحذف أي شئ من سيرتي الذاتيه يشير الى أو يمكن الإستنتاج منه على أنني من منطقة الشرق الأوسط

قمت بحذف بلد الحصول على المؤهل (مصر ) أو البلد الذي كنت أعمل به (قطر) .... يعني أكتب أني حاصل على بكالوريوس كذا تخصص كذا تقدير كذا .. بدون ذكر إسم الجامعه أو البلد

أذكر أني كنت أعمل في وظيفة كذا و مسؤلياتي كانت كذا و كذا و المشاريع التي شاركت فيها كانت كذا و كذا و لكن لا أذكر إسم الجهه أو البلد

ليه كل ده ؟

=====

عشان تتلافى أي إنطباعات سلبيه أوليه ممكنه عند قراءة السيره الذاتيه و لأن الهدف إنك بس توصل لمقابله شخصيه .. و لو ده حصل و كان الواحد فعلا قوي في مجاله يبقى إحتمال توفيق ربنا كبير

لكن مش الواحد يخسر فرصة الوظيفه من الاول لأن الناس هنا عندها إنطباعات سلبيه عن الشرق الأوسط و اللي جايين منه

يعني إدي لنفسك فرصه و حاول تشيل من السيره الذاتيه أي حاجه ممكن تعطي و احد تاني يقل عنك في المؤهلات و الخبره فرصه أكبر منك

لو وصلت للمقابله الشخصيه و أقنعت صاحب العمل بمؤهلاتك و خبرتك مش هيبص ساعتها لجنسيتك الأصليه أو الجامعه اللي حصلت منها على المؤهل لكن لو ذكرتهم من الأول في سيرتك الذاتيه ممكن ميتصلش بيك خالص لأنه مش واثق في المنطقه بتاعتنا و في تعليمها و في الخبره المكتسبه فيها

أرجو أن اكون قد وصلت الفكره لأن بعض الناس بتفهم ده على أنه تنكر لبلدك أو أصلك .. لأ يا سيدي أجلهم بس شويه لحد ما توصل المقابله الشخصيه

أيضا من الحاجات اللي إشتغلت عليها كويس قبل الهجره بسنوات .. الإنجليزي ..

لأن طبيعة شغلنا بتكون team work أكتر منها شغل فردي و نص اليوم بيكون في إجتماعات و تواصل مع باقي أفراد الفريق و ال communication skills مهمه جدا و التي من عناصرها اللغه و ممكن جدا تخسر الوظيفه حتى لو مؤهلاتك ممتازة لو الإنجليزي بتاعك تعبان أو الأكسنت عندك تقيله لأنك هتشتت ذهن المتلقي

إتبعت طريقه مختلفه لتنمية لغتي الإنجليزيه قبل السفر بسنوات و هي تأجير أفلام أمريكيه DVD و أشوفها على ال laptop بسماعات الهيدفون مع إختيار ال

english subtitles مش العربي .. ده بيخليك تفهم العاميه الإنجليزيه أو ال slang لإنك بتسمع الجمله و بتشوفها مكتوبه باللإنجليزي مش مترجمه عربي .

وجدت نفسي بعد كده و انا في كندا بأستخدم تعبيرات جاهزة من الأفلام تلقائيا أثناء حديثي و الأكسنت أصبحت خفيفه خالص و الحمد لله كذا واحد أقابلهم هنا مبيكونش مصدق إني جاي كندا جديد و الظاهر ده كان عامل إيجابي في صالحي عند عمل مقابلات شخصيه على التليفون أو شخصيا

بعد تعديل السيره الذاتيه قمت بوضعها على الموقعين السابق ذكرهم

و هنا يجب أن أشير الى غلطه كبيره وقعت فيها في الأول و نبهني لها صديق هنا ..

في الأول كنت أدخل على الموقعين و أعمل بحث على الوظائف ثم أقوم بعمل apply على الوظائف التي تناسبني و أرفق السيره الذاتيه معها .. بهذه الطريقه السيره الذاتيه تصل فقط لل employer الذي قمت بالتقديم على الوظيفه المعروضه منه و هذا خطأ

الصح أن أفعل ذلك ولكن قبلها يجب أن كنت أقوم بعمل posting my resume على الموقع لأني علمت بعدها أن هناك عشرات من شركات التوظيف الصغيره و الكبيره recruiters تقوم بتصفح هاذين الموقعين و البحث عن السير الذاتيه ال posted و تقوم بالإتصال بالناس و ترشيحهم للوظائف

و لأن هناك employers لا يعلنون عن الوظائف التي يحتاجونها أصلا و لكن يدخلون على الموقعين و يتصفحون السير الذاتيه و يتصلون بطالبي الوظائف و هذا ما حدث معي تماما

بعد مرور أسبوعين على تقديمي على أكثر من وظيفه .. لم يتصل بي احد .. إتصلت بصديقي و قال لي

"معقول عملت posting لسيرتك الذاتيه من أسبوعين ولا واحد إتصل بيك "

قلت له "لأ أنا عملت apply على الوظائف اللي وجدتها مناسبه لي .. معملتش posting "

نبهني للخطأ .. ولله الحمد تلقيت أول إتصال تليفوني من recruiter بعد وضعي للسيره الذاتيه بيوم

قمت بعدها و لمدة شهر بعمل مقابلات شخصيه مع recruiters و employers و لم أصل مع أحد فيهم الى مرحلة نهائيه

حتى تلقيت في يوم إتصال هاتفي مع recruiter و بعد interview سريع على التليفون طلب من الحضور الى مقر الشركه في وسط تورونتو حالا و معي أصول شهاداتي و شهادات الخبره و أي recommendation letter من أي former employer و كمان طلب مني 3 references داخل كندا و الحمد لله كان عندي ثلاث أصدقاء يعملون في شركات سوفت وير كنديه وضعت أسمائهم و سارت المقابله الشخصيه على خير ما يرام .. حتى قال لي .. أوكى مستر / سالم

it seems that your skills are best fit for the job

قلت له عظيم

قال لي .. r u willing to relocate ?

قلت ماشي .. واي نوت .. بس فين (أنا فاكره بيتكلم داخل ال GTA )

قال لي edmonton ..

إتصدمت و معرفتش أتكلم .. دي في ألبرتا .. يعني من أقصى الشرق لأقصى الغرب و جوها أبرد من تورونتو بكتير

لما وجدني متردد أفصح لي عن ال employer هو شركة IBM و هي لمن لا يعلم شركه أمريكيه عملاقه

لما وجدني لسه متردد

قالي لي The offer is 45$/hour

وجدت نفسي محتار لأن الشركه عالميه و مفيد جدا أن أضع في سيرتي الذاتيه أني أشتغلت في IBM كأول وظيفه لي في كندا و الراتب مغري جدا .. لكن النقله صعبه و مكلفه .. خاصة بعد أن وقعت عقد إيجار لمدة سنه و إشتريت سياره و فرشت شقتي بالكامل و أولادي إلتحقوا بالمدارس و كل أصدقائي في تورونتو

و تصفية كل هذه الأمور به خساره ماديه و معنويه و بدايه من جديد

طلبت مهله للتفكير .. قالي إنهم عندهم مشروع كبير و مستعجلين و لازم أكون في إدمنتون بعد أسبوع بالكتير أو أعتذر حالا عشان يتصلوا بحد غيري

قلت له خلاص موافق .. قال لي إنه سيرسل لهم في إدمنتون ليرسلوا لي العقد بالفاكس أوقعه و يرسله لهم و أجهز نفسي و أسافر بعد أسبوع أو عشر أيام بالكتير

كان الكلام ده يوم الجمعه أخر النهار و لظروف عطلة نهاية الأسبوع كان سيبدأ هذا الإجراء يوم الأثنين صباحا

أنا قلت أستغل السبت و الأحد في التفكير أكتر .. إستشرت أصدقائي .. قالوا لي إنت حر .. لكن بلاش إدمنتون .. بردها قاسي و ملكش أصحاب هناك .. إدي نفسك فرصه أكتر في تورونتو

إستطلعت عن جو إدمنتون في مواقع الطقس لقيت كلامهم صح و مش درجه أو درجتين .. يعني على سبيل المثال و انا باكتب حاليا درجة الحراره في تورونتو +3 و في إدمنتون -17 ..

المهم .. قلت خلاص .. الأرزاق على الله .. بلاها إدمنتون .. بلاها IBM .. إحنا بتوعك يا تورونتو

سبحان الله ... يوم الأثنين الصبح و أنا لسه متردد أتصل و الا لأ بال recruiter أعتذر له ..

تلقيت إتصال هاتفي من سكرتيره في شركه إستشارات في مجال تكنولوجيا المعلومات ..

مستر / سالم ..

نعمين

حضرتك عندك

Technical interview over the phone today at 5PM, prepare yourself

يعني أذاكر و أحضر نفسي

طب مين فين ليه .. مفيش .. باي مع السلامه

قعدت أذاكر و أجهز نفسي .. الساعه 5 بالضبط ... و الله و لا دقيقه تأخير .. تلقيت إتصال من مستر / س .. أهلا و سهلا ... و الراجل عمل معايا إنترفيو لمدة 40 دقيقه على التليفون .. يمين شمال .. شمال يمين .. طلع روحي .. و في الأخر قال لي

أوكي مستر سالم .. نايس تاكين تو يو .. ثانكس فور يور تايم .. أبريشييت ذات .. ويل كال يو باك

طبعا أنا دمي إتحرق .. بعد ده كله .. باي مع السلامه كده .. بمنتهى البساطه

بعدها بعشر دقائق رن التليفون مره تانيه .. مستر / س برضه .. قال لي ممكن نشوفك بكره في الشركه .. الساعه كذا في العنوان الفلاني في downtown toronto

هتقابل مستر / ص (واحد تاني غيره) .

قلت يا بركة الله

ذهبت في الميعاد .. سألت على مستر / ص .. جالي واحد قالي عنده مييتينج بس طول شويه و هأقعد معاك لحد ما يخلص .. أنا مستر / ع

ماشي يا سيدي

و بدأنا نفس المشوار اللي حصل على التليفون مع مستر ص من جديد و يمين شمال لمدة نص ساعه و بعدين ..

متشكرين جدا يا مستر سالم خليك معانا شويه .. زمان مستر ص خلص المييتينج و هييجي يقابلك ..

تخب تشرب خاجه

أه .. لو سمحت إزازة بيره مشبره مع سندوتش كلب ساخن (هوت دوج ) .. ما الواحد برضه لازم ينسجم مع المجتمع المحيط

خلصونا يا أخوانا .. دي ماكنتش شغلانه

شويه و دخل مستر ص و سوري مستر / سالم على التأخير

و لا يهمك يا خواجه .. يالا شوط

يمين شمال .. شمال يمين ..

و بعدين .. ثانك يو سو ماتش مستر سالم .. أنا خلصت معاك خلاص .. بس هاتشاور بره شويه مع مستر / ع .. و هأرجعلك

بعد شويه رجعلي ...

مستر سالم .. إحنا مقتنعين بيك جدا .. بس ال President عايز يشوفك ..و هو عنده مييتينج .. دقائق و هيكون معاك

المهم جه البريزدنت و ده قعد معايا بتاع 10 دقائق بس (عملي كشف هيئه) و كان كلامه في نواحي عامه مش فنيه

و بعدين

طبعا .. ثانك يو سو ماتش مستر سالم .. إنتظرنا دقائق قليله من فضلك

هنتشاور إحنا التلاته بره و نرجع لك

المهم في النهايه .. رجعولي ب offer ووجدته مناسب .. صحيح أقل بكتير من عرض إدمنتون لكن كله يهون عشان خاطر مصر .. قصدي تورونتو ..

وقعت العقد و أبتديت معاهم من أول نوفمبر الماضي

و الحمد لله إنتهيت من أول مشروع لي و هيطلع production الأسبوع القادم و إستلمت بالفعل مشروعي الثاني

هذا كله بفضل الله و دعاء الوالدين و هي في النهايه أرزاق وليس لنا فيها حيله إلا بالإجتهاد و الأخذ بالأسباب

=======================

========================

أنا بعد تردد دام 3 سنين بعد حصولي على التأشيره في الهجره من قطر لكندا ..

بأقول حاليا ياريتني سبت قطر لكندا من زمان .. هنا مفيش مواطن و مقيم .. مفيش كفيل .. مفيش تصريح خروج من كفيلك عشان تقدر تسافر .. زيك زي كل الناس اللي ماشيه في الشارع حواليك

عايش مطمئن على نفسك و أولادك .. عارف إنك لو لك حق هتاخده هتاخده ..

حاليا بأقول يا ريتني روحت كندا من مصر من الأول أصلا

رغم إني حاليا مش بأعمل فلوس زي اللي كنت بأعملها في قطر و عايش في شقه بعد ما كنت عايش في فيلا

لكن العيشه مش بس فلوس ... ال life style نفسه له ثمن .. و هوا الحريه ريحته جميله عند اللي بيقدره

و بأرجع أقولك كل واحد بيحكي لك من واقع إنطباعاته الشخصيه

يعني هتلاقي ناس عايشه في كندا برضه أو الغرب عامة و زهقانه و مش طايقه نفسها من ال life style ده و نفسها ترجع لل life style بتاع مصر أو الخليج

أنا من يوم ما وعيت ع الدنيا و مصر بتحاول تخرج من عنق الزجاجه

و قبلها والدي ووالدك وعيوا ع الدنيا و مصر بتحاول تخرج من عنق الزجاجه

يبقى مش منطقي إنك تفضل عشان ولادك يحاولوا يخرجوا من عنق الزجاجه هما كمان

حاول تخرج من الزجاجه خالص يا ميزو ... و مترجعش تاني ... لأن الزجاجه مش هتتكسر و الظاهر إنها بتضيق أكتر و أكتر

:lol: wst::

شكرا باشمهندس ايهاب علي النصائح السابقة

[safaalabana]

تابع المدارس......من كتابات الباشمهندس ايهاب سالم

=========================================

ذهبنا للمدرسه للتقديم لهم .. هنا كل واحد بيدخل المدرسه الأقرب من بيته .. مفيش نقاوه و مفيش حد يدخل مدرسه أبعد من بيته عشان شايف إنها أحسن

كل طفل بيدخل مباشرة على الصف المناسب لسنه دون النظر الى الصف الأتي منه من بلده الأصلي .. و يحدث ذلك في أي وقت من السنه

أنا أولادي وصلوا بعد بدء الدراسه بحوالي شهر و نصف

المهم روحنا في يوم الظهر و معانا الورق و البنت و الولد

و دخلنا ال office و طبعا قابلتنا الموظفه بإبتسامه عريضه .. و قلنا لها إحنا جايين نقدم لأطفالنا .. قالت .. ماشي .. ايه رأيكم ننادي المشرفه تاخد الأطفال في جوله تعرفهم على المدرسه و ال facilities الموجوده فيها و بعدين يدخلوا فصلهم يتعرفوا على زملائهم و المدرسين أثناء ما إحنا نكمل الإجراءات .. ثم نادت على مشرفه جاءت و أخدت الولد و البنت

و إحنا قعدنا في المكتب نملى الورق و نمضي على الإستمارات ... الخ

رجعت المشرفه لوحدها و قالت لنا نورهان و كريم عايزين يكملوا اليوم في الفصل و تعالوا خدوهم أخر اليوم

مشينا و رجعت أخدتهم أخر اليوم لقيت كل واحد معاه قصه مصوره من مكتبة المدرسه .. كل صفحه مكتوبه بالعربي و الإنجليزي .. يعني المدرسه بتعطي الأطفال الجدد قصص مصوره بلغتهم الأصليه و اللغه الإنجليزيه لتشجيعهم على إكتساب اللغه

طبعا الكلام عن نضافة المدرسه و جمالها و صالة الرياضه و اللوحات المعلقه على الجدران لن ينتهي و مينفعش يتحكي لأنه لازم يتشاف

أحسن ألف مره من مدرسة اللغات اللي كنا بندفع فيها دم قلبنا في قطر

و كله كوم و طقم المدرسين و الإداريين كوم .. ملايكه ماشيه على الأرض .. إبتسامه دائمه على وجوهم و على وجوه الطلبه .. تحس إن الجميع سعيد و جاي يتعلم على طريقة let's have fun ..

أنا و الله ولادي يسألوا كل يوم قبل ما يناموا .. بكره فيه مدرسه و الا لأ و بيزعلوا لما بيعرفوا إن تاني يوم أجازه و مفيش مدرسه

ده غير الرحلات الميدانيه .. تقريبا كل أسبوعين رحله .. مره يروحوا مزرعه و يرجعوا معاهم فواكه و خضروات .. كل واحد في كيس

و مره يروحوا مسرحيه موسيقيه للأطفال .. ومره يروحوا يزوروا مركز المطافي و يشرحوا لهم إزاي بيطفوا الحرائق و المفروض يعملوا ايه لو حصلت حريقه و يركبوا عربية المطافي و يتصوروه

طبعا هنا إنت لا تدفع مصاريف و لا تشتري كتب أو أقلام و لا كراريس و لا جلاد و لا كلام فارغ من ده .. و لا الطفل بيرجع أخر اليوم عنده واجب

كل حاجه بتحصل في المدرسه و الولد بيرجع البيت يقضي يومه زي ما هو عايز و مفيش كتب بترجع معاه البيت .. كل حاجه بتستنى في المدرسه

ايه الروعه دى يامدام سميه انا مستمتعه وكأنى بقرا روايه من الزمن الجميل :lol: تحياتى ليكى ولكاتب الكلمات wst::

[qenawy]

مع اني قرات المداخلة السابقة منذ فترة طويلة الا اتها لازالت تسحرني

دعواتك يا ميما

شكا مدام سمية

[somayasaleh]

ناخد معانا ايه؟؟؟؟؟؟؟؟؟؟؟؟؟؟

===========

سؤال يطرح نفسه بعنف

السؤال ده جاوب عليه الاعضاء الافاضل اللي سبقونا

مدام كوين قالت

=======

الموضوع ده فعلا مهم،و انا احب ان أؤكد على اهمية ان الواحد يجيب معاه جبنة رومى على ما قد الوزن يسمح،

لان كيلو الجبنة الرومي هنا باربعين دولار . وممكن كمان جبنة بيضاء معلبه، مثل جبنة فيتا جرين لاند ، او جبن مثلثات او جبنة كيري.

موضوع الاجبان ضايع جدا هنا في كندا، غالبا هما بيكلوهاش على عكسنا الجبنة شئ مهم جدا.

بخلاف الاجبان كل الاكل متوفر و اسعاره معقولة. و معظم الحاجات بعد كده ممنوعة، الفاكهة الخضروات اللحوم الحبوب.

اي حاجة للتأثيث المنزل هاتها معاك على قد ما الوزن يسمحلك، انا الصراحة ماجبتش قشة، و اشعر بالندم الشديد لذلك، و لكن عذري الوحيد اني ما كنش معي وزن زيادة.

فعلا ان الواحد يبدأ حياة جديدة بحاجات جديدة حاجة جميلة جدا و انا من اول المشجعين على الفكرة ديه،

و فعلا الأسعار هنا متوسطة و مش غالية، لكن تأثيث بيت كامل بكل تفاصيله بيكون مكلف جدا ، فعلى الاقل مستلزمات المطبخ و الملايات.

لان الأشياء الصغيرة بتجمع في النهاية مبلغ كبير.و في البداية بيكون فيه مصاريف كتيرة جدا.

دكتورة سوسو راني قالت

=============

يا جماعة ماحدش يجيب حاجة غير هدومه اللى حالتها كويسة و حاجته الشخصية ألبومات صور أو سىدىهات

غير كدة يتكتب فى اللستة بتاعة الشحن عشان يشوفوه و أنتوا داخلين البلد...وبعدين أبقوا إشحنوا اللى محتاجينه فعلا

يعنى اللستة موجودة و أنتوا حرين بعد كدة

ما تضحكوش علينا الأجانب و فى الآخر يقولك آدى المهاجرين الجدد

دة على النيو كمرز اللى هما إحنا

الحلل ممكن تلاقى حتت رخيصة تشترى منها

ممكن تدور فى الجراج سيل أيام السبت

و بعدين يعنى أول ما تيجوا مش هتعملوا المشمر و المحمر

يعنى حلتين و طاسة هيقضوا الغرض...لحد بقى لما تجيبوا البيت الملك بعد عمر طويل و أبقى أسس للمدام مطبخ على مزاجها

لكن غير كدة يبقى تضييع فلوس ووقت و مجهود على الفاضى

خلينا نقول حاجة مهمة تتجاب

==============

وش للكبس بتاع اللاب توب وشاحن الموبايل

عشان يركب على الفيشة بتاعة هنا

محول بواط قليل لو فيه حاجة محتاجين نجيبها معانا ضرورى..

.بس أكيد مش مكواة ولا كيتل ولا سشوار...كل دة الواط بتاعه عالى

ياريت نبص على الأنبت بتاع الأجهزة اللى عندنا فيه حاجات من 110 فولت لحد 280

أنا لقيت عندى سشوار كدة...وأخدته معايا ...كدة مش محتاج محول كهربى

مصر كندا قالت

========

لنا 30 يوم كاملين فى كندا وتقريبا 90% من الحاجات الاولية انتهت على خير

فيه حاجات كتير ساعدتنى فيها خبرات الفاتحين الاوائل جزاهم الله عنا خير الجزاء وفيه حاجات تانية ان شاء الله سأضيفها تباعا للاستفادة

فضيت اخر كرتونة شحن واقدر اقولك انى سعيدة جدا بكل حاجة شحنتها من بيتى وندمانة على كل حاجة سبتها واضطريت اشترى بدالها

يعنى لو حاجتك كويسة ماتسيبهاش الفترة الاولى مكلفة ماديا جدا حتى تستقر فاذا كانت حاجتك الاساسية معاك حتسهل عليك وقت ومجهود و فلوس

طبعا انا ضدالاكل تماما ياجماعة دا رقاق فرجللو موجود هنا احنا بناكل زى بلادنا تماما

المطبخ

بلاش الحاجات اللى بتتكسر الصينى و الكوبيات اسعارهم فى ايكيا طقم 24 طبق 29 دولار

مهم الرفايع الفتاحات و ادوات الغرف لو عندك هاتها معاك

الحلل بجد غالية انا شحنتهم تيفال

الستاير

ملهاش لازمة لان الblinds حتادى الغرض فى الفترة الاولى و دول اساسى موجودين مع البيت الايجار

السجاد

شحنته و البيت طلع كله موكيت اتخزنوا تانى

العفش

لو عندك اطقم ترابيزات الصغيرة side table زي من سيتى بلازا فى التخفيضات ممتازة اشحنهم

الملايات و الفوط

طبعا الادوية

شرايط و سىدى قران

كتب عربى للاولاد انا جبت الاضواء و سلاح التلميذ عربى و دين

لو حتشحن تلفزيون وصلة الكابل هنا مختلفة حتلاقى وصلة كابل زيادة فى الكرتونة كلنا بنرميها بس مهمة جدا

شوية هدايا فرعونية وورق بردى بيحبوها جدا كهدايا

الاباجورات هنا معقولة ماتجيبش معاك

key board عربى علشان لو جبت لابتوب من هنا

فى تقديم المدرسة طلبوا اخر report من المدرسة

شهادة بخبرة القيادة من المرور

حالف لفة على البيت و لو لقيت حاجة تانيةحابعت لكم

وانا عن نفسي بقول

==========

الاوراق الاصلية وصور شخصية كتييييييييييير لكل افراد العائلة

..اهم شيئ مصليات ....وطبعا اسدالات الصلاة للنساء.... والمصحف الشريف طبعا

طبعا الملابس الخاصة بالشتاء.....ضروري جدا جدا......النوع الثرمال اللي بيتلبس تحت الهدوم

كتبي الخاصة العربي ودواوين الشعر المختلفة....واكيد اللاب توب .... والفيشة الخاصة به من السعودية( مساء الفل يا زناتي يا اخويا)

وادوية الصداع والبرد وخافض الحرارة للاولاد والفيتامينات

غير كده اعتقد كله ممكن شراءه من هناك ان شاء الله

تم تعديل 18 أكتوبر 2009 بواسطة somayasaleh

[somayasaleh]

نصائح مهمة من مدام كويين

==============

عزائي اعضاء المنتدى الكريم، اود ان اضع بين ايديكم بعض النصائح للمهاجر الجديد واتمنى ان تكون مفيدة لكم :

- من الافضل ان الاب يسافر اولا بشهر على الاقل لترتيب الامور للأسرة

- عند اختيار الشقة يفضل ان تكون فيها غسالة و نشافة في الشقة نفسها، لانها فعلا بتفرق كتير جدا، و يفضل ان تكون كل حاجة زي التدفئة و المياة و الجراج مشمولة في الايجار.

- لابد ان تكون تعرف حد في المدينة اللي مسافر ليها، علشان يكون ضامن لك على عقد الشقة، و الا حتكون ضحية لاستغلال اصحاب الشقة و قد تضطر تدفع ايجار السنة كاملة.

- يوجد برنامج ممول من حكومة اونتاريو للي انجليزيته كويسة ممكن بعدها ينتهي بالتعيين اسمه

(ELT ( Enhanced Language Training program

ما يميزه انه مجاني طبعا، .......ثانيا فيه حضانة للاطفال....... و ثالثا بيساعد على كتابة السيرة الذاتية

و بيؤهل للمقابلة الشخصية و بيحسن من communication skills و بينتهي ب placement في وظايف ادارية أو خدمة عملاء او محاسبة.

- عن الاشتراك مع شركة للموبيل .......... يفضل تكون روجرز (حرامية حرامية، كلهم كده)، لان في هذه الحالة ممكن تحتفظ بتليفونك، غير بل لازم ,تشتري تليفون من عندهم.

و كل التليفونات اللي عندهم اللي اسعارها رخيصة موديلاتها قديمة.

- اعدوا نفسكم نفسيا جيدا، لان الحياة مختلفة و نمط الحياة مختلف جدا عن مصر و الخليج و التحديات كتيرة جدا

. خصوصا للي جي من الخليج، نمط الحياة في الخليج سهل و مريح و كله كسل و راحة على عكس هنا تماما.

- هاتوا شهادة الطعيمات ، مهمة جدا.

فعلا الفترة الاولى في الهجرة بتكون صعبة جدا و خصوصا للعائلات اللي فيها اطفال صغيرة،

ده بيزود من التعب و كمان بيبقي الواحد عايز يخلص و يستقر بسرعة علشان الاولاد،

و ممكن ده يخليه ياخد شقة اغلى او يشتري عفش اغلى علشان يختصر الوقت و يستقر في بيت بسرعة.

- من الحاجات المهمة اوي ان الواحد يجد شقة بسرعة،

و السبب، ان كل حاجة مرتبطة بعنوان البيت،

من اول كارت التأمين الصحي ، .......Child benefit tax.........، تسجيل الاولاد بالمدرسة،

في حاجات ممكن تديهم عنوان صديق، زي الPR،...... او الاشتراك في الموبيل، ........او حساب البنك.

لكن في تسجيل المدرسة لازم عنوانك لان المدرسة بتكون حسب العنوان،

و كمان الكارت الصحي حيطلبوا منك فاتورة تليفون باسمك، ......او عقد ايجار باسمك،

فلازم يكون عنوانك. بذلك تكون مهمة اللي رايح يستقر (مش يعمل لاندنج بس) انه يبحث عن السكن المناسب باسرع وقت.

- للأشتراك في التليفون، النت، الكابل لازم تكون يقظ جدا جدا لان هنا في hidden cost في كل حاجة،

لازم تسأل كتير جدا ، و ما تتكسفش من الاسئلة و الا حتلاقي نفسك مدبس في long term commitment ما تقدرش تخلص منها.

و هنا مثال صغير: عند شحن الموبيل rogers لو كان pay as you go و ده النظام اللي يشبه الكارت هنا،

بتشحن ب عشرين دولار بيديك صلاحية شهر و لو ب خمسين برضو شهر لما بتشحن ب مية الصلاحية بتكون سنه، المعلومة ديه مش بيقولوهالك عند الاشتراك،

معظم الحاجات هنا في كندا كده، معلومات مستخبيه و خدع بيعملوها بتوع ال marketing علشان يذودوا مبيعاتهم، في امثلة كتير بس مش وقتها.

الناس هنا كمان مش بتستخدم الموبيلات زي مصر و الخليج، الاعتماد على الخط الارضي ، و علشان كده معظم الناس الجديدة بيدفعوا اول فاتورة مبلغ كبير جدا لحد ما يفهموا الTricks.

- بالسنبة ELT، ده ممول من حكومة اونتاريو و الهجرة، هو مبدئيا برنامج تعليم انجليزي،

الاول بيكون في امتحان تحديد مستوى، مش في صعوبة الايلتس طبعا، و بتكون في سبع مراحل،

لو كان مستواك من 1 الى خمسة بتدخل في حاجة اسمها linc و ديه كورسات انجليزي عادية ،

لو من 5 الى 7 ممكن تدخل ELT و ده كورس انجليزي متقدم التركيز فيه على التأهيل للعمل، في منه Generic و منه Accounting، العمل طبعا بيكون entry level jobs.

مفيش مؤهلات مطلوبة بس يكون الانجليزي ما بين 5 الي 7. معظم المشتركين من السيدات، لان موضوع الحضانة بيشجع الامهات .

تم تعديل 18 أكتوبر 2009 بواسطة somayasaleh

[somayasaleh]

الوظائف الكاجوال.. او اللي مش عايزة معادلة..للرجال والنساء

فيه بعض الوظائف اللي بتتعمل في البيت و دي كويسه للسيدات الغير متفرغات علي سبيل المثال بعد الاعمال اليدويه البسيطه .. خطيبتي مثلا كانت بتركب بادجات علي تيشيرتات لصالح مصنع .. تروح تجيب تيشيرتات و بادجات من المصنع و عن طريق جهاز المصنع هو اللي موفره تركب البادجات علي التيشيرتات و الاجر كان كويس يعني قدرت توفر حوالي 2500 دولار في حوالي شهر و نص و طبعا شغل مريح و حسب المزاج و فكره كويسه لربات البيوت لزيادة الدخل .. طبعا فيه حاجات تانيه زي كده لكن مش عارف مدى توافرها في كندا

بالمناسبه نسيت اقول انها شغاله دلوقتي كاشير تحت التدريب في Canadian tire

بارت تايم بـ 9 دولار للساعه

========================================================

موضوع هام و هو العمل من البيت و خاصه للزوجات القادمات حديثا و لسه لم تتفاعل مع المجتمع و لكن هنا نقطه لابد أن نحذر منها و هى ان معظم الشركات التى توفر لك عمل من المنزل تتقاضى أتعاب مقابل توفيرها مدخلا لك أما لتسويق منتج لك او توفير مدخل لموقع لتعمل فى ما يسمى بالتسويق الأليكترونى ...لهذا فوجهه نظرى أن العمل بالمنزل أصلح كامتداد لعملك الأساسى فمثلا اذا كنت او كنتى محاسبه و قررت مثلا العمل ك Mortgage Broker و هى وظيفه تسهيل الحصول على القروض من أجل السكن فستجد أن معظم هؤلاء يعملون من المنزل و لاتحتاج لمقابله العميل الا مره واحده عند تقديم المستندات الخاصه بالقرض

=======================================================

آدى كمان شغلانه هامه و تنفع للبلان بى و هى ال Pharmacy Assistant ونسبه البطاله بها منخفضه للغايه و عائدها أعلى من متوسط الدخل فى أونتاريو اللى هو 18دولار و سته سنت فى الساعه بقليل يعنى 18 و نصف الى 19و نصف. على فكره الصيدليات هنا ليست المنتشره فى المحلات و السوبر ستورز الكبيره فقط لكن فيه أكتر من مكان اخر فيه صيدليات زى Long Term Care Facilities و المستشفيات و دور المسنين و غيرها .

=======================================================

بالنسبه لل Bioinformatics ففيها نقطه هامه لابد تسأل نفسك عليها قبل دخول غمار الدبلوما اللى هى كلها 8 شهور و هى : هل انت لديك الميل لدراسه ال SQL و ال C, Perl, HTML, Java ؟ و كمان الأوركال ....يعنى انا مثلا بأخد كورس فى ال SQL و ده بعد مرحله متقدمه من ال ACCESS و لكن أنت كصيدلى هل لديك ميل للنوعيه دى من الدراسه ؟ ده سؤال مهم جدا خاصه أن متوسط الدخل لها يتساوى مع ال Pharmacy Assistant بالرغم من موادها الأصعب و نسبه البطاله بها 6 فى الميه ...

=======================================================

تحديدا فى موضوع التصوير الفوتوغرافى و على وجه العموم فى باقى الأعمال الخاصه فتورنتو و مونتريال مدن تعتبر قديمه نسبيا مقارنتا بباقى المدن فالنوعيه دى من الأعمال الخاصه منتشره جدا فمثلا فى كل wallmart تجد ستوديو , فى كل بلازا تجد ستوديو , الكثير من المينى ستورز يقدم خدمه التصوير للوثائق الحكوميه و الباسبورات لكن كأى بيزنس لو أتجهت للتجمعات الجديده بيكون البيزنس مطلوب خاصه أن الناس بتفضل الخدمه القريبه لمسكنها مش بس الكسل بس كمان أسعار البنزين ...

ليا صديق يعمل فى مجال البيزنس الخاص بالنقاشه و هو مهندس مدنى و قال لى أن هذا العمل يعتبر من الأعمال الموسميه , يكثر الطلب فى الصيف مع أستعدادات الناس لتطوير بيوتهم و المبانى السكنيه العاليه أيضا تتحرك فيها أعمال الصيانه الخاصه بالدهانات فى هذا الفصل.

بيحصل ال Painter على حوالى 17 دولار فى الساعه و لكن لها معدل بطاله عالى نظرا لأن التشطيبات الداخليه لحوالى 85 فى الميه من البيوت من الخشب و هذا بيسهل دهان الناس لبيوتها بنفسها و أنتشار مشروعات Do it yourself فى البيوت .

======================================================

اضيف ان فية شهادات في ال bio informatics وشهادة في researcher assestant دي شهادات محترمة جدا واللي بيقدم ليها لازم يكون بكالوؤيوس او ماجستير ومدتها من ثمان شهور الي سنة وبتشغل الواحد بعد كدة شغلانة محترمة جدا وفلوسها كويسة.

بس فعلا يا ابو اليسر انا عاوز اعرف هل ممكن بداية دراسة الشهادات دية قبل السفر ولا لاء من باب تقليل المدة.

====================================================

فى كل حاره و عطفه حتلاقى مكتبه و أنشطه المكتبه لاتنتهى وممكن تربطك بحاجه تانيه خالص غير أمانه المكتبات زى تبادل تعليم اللغات أو تعليم اللغات بأجر فمثلا تلاقى فى كتير من الفروع معلق أعلانات طلب تعليم اللغه الفارسيه أو التركيه أو العربيه لطلبه فى الجامعه مقابل انه يكلمك باللغه الأنجليزيه لتقويه لغتك أو مقابل أجر مادى و برضه ده شغل بارت تايم . ومنها لشهاده أخرى و هى تعليم الكبار وهى لها شهاده و كورسات ليست مكلفه و لاتأخذ وقتا طويلا و يصبح الدارس بعدها متخصصا فى تعليم الكبار .

ال Registration Guide for Teachers Educated Outside Ontario أعتقد أهم شرط أنك تكون حاصل على برنامج تدريسى تكون النسب بتاعته :

Your teacher education program must have included at least:

* 40 per cent of one year focused on teaching methods – preparation in how to teach students in particular grades or subject areas

* 20 per cent of one year focused on education foundations – the history, philosophy and psychology of education

* 20 per cent in any other area of education

* a minimum of 40 days of practice teaching supervised by the program provider

ومده الدراسه فى الكولج الخاصه بتخريج المدرسين http://www.oct.ca/ سنه ولكن بعدها حصولك على عمل بيتوقف على أوفر من البورد اللى عددها حوالى 58 بورد فى أونتاريو .

لكن بما ان الموضوع خاص بالبلان بى فممكن تكون تدريس السوفت وير دراسه بديله لأن معظم مدرسى السوفت وير مش مدرسين حاصلين على رخصه من أونتاريو و لكن بيكونوا متخصيين فى سوفت وير معين و بيدرسوه فى الكولج ...

وده بيتواجد أيضا لكتير من المهن فمثلا مدرسين ميكانيكا السيارات معظمهم أصحاب ورش و بيعملوا ك instructor و كمان مدرسى ال home inspection بيكونوا مهندسين فى شركات و لامدرسين ولاحاجه و مع ذلك بيدرسوا هذه المواد فى معاهدكثيره .

فممكن تكون بلان بى هى ماده من المواد فى collage دوام كامل أو نصف دوام لأنه لاتشترط الرخصه ....ينفع الكلام ...و للحديث بقيه

========================================================

سؤالك رغم اهميته لكنه رده مرتبط بأكثر من عامل منها مثلا الحاله فى الوقت اللى أنت جاى فيه يعنى ممكن تيجى فى وقت صعب متلقيش شغل بسرعه و ممكن تيجى فى وقت فيه أقبال شديد على شغلانه معينه و يكون مقابلها مناسب لك فتاخذ كورساتها و بعد ماتشتغل تكمل المعادله , و برضه الموضوع يتوقف على امكانياتك الماديه , فيه ناس عندها أمكانيات تمشى ورا المعادله مهما كلفتها و مهما طال الوقت...فيه ناس أمكانياتها متسمحش .....بتختلف من شخص للتانى ....

و برضه حكايه تشتغل بعد ايه بعد ما تخلص الكورسات مش مضمونه بتاتا دى كلها محاولات علشان يكون فيه أكثر من بلان ...لكن مفيش أى ضمان ... لكن ممكن تسترشد بس بنسبه البطاله فى المهنه دى ....و متنساش أنه فى النهايه دى أسباب و طرق السعى ...لكن الرزق بيد الله سنحانه و تعالى ....

...فيه مواقع كثيره تديلك نسبة البطاله لكل مهنه http://www.jobfutures.ca/en/home.shtml

========================================================

ايه البديل؟معلومه مهمه ان اى شغل فى كندا لازمه كورسات نبتدى كورسات الnursing كورسات الparamedial كورسات الphysician assistant دى موجوده فى تورونتو ا.......

فى شغلانه اسمها المدرس البديل ودى لازم الاول تروح المدارس القريبه منك او فى اى مكان تطلب انك تشتغل متطوع لانك عايز تندمج فى المجتمع وتتعرف على الناس وبتحب العمل التطوعى ده حيفدك حتحسن اللغة عندك وتعمل علاقات وتعرفهم على مصر والمصريين وحتعرف منهم النظام وحاجات كتير وبعد مايعرفوك وتثبت ليهم انك ملتزم بنظام العمل والمواعيد ومندمج مع الحياه ومش بتفرض ارآئك على حد ممكن تاخد جواب من المدير بترشيحك للعمل كمدرس بديل عندهم وتروح تتمتحن الامتحان بتاعهم ......الامتحان بيكون عشان يعرفوا مستوى لغتك ومعلوماتك وال presentation زى اختبار هيئه وبتاخد الترخيص وتدى اسمك وتلفونك لكام مدرسه لما اى مدرس اساسى يتغيب لا ظروف يتصلوا بسعادتك تروح تلاقى المدرس الاساسى عمالك جدول بكل حاجه ايه الدرس وامتى الاسئله وامتى الراحه وكانت بتاخد حوالى 100 $ فى اليوم وكان تقريبا عندها شغل كل ىوم هل المدرس البديل موجود فى كندا؟ بالمناسبه الاخت دى داكتوره فى وزاره الصحه بمصر

................, انا بس حأرد على الجزئيه اللى فوق , المدرس البديل موجود و ليا صديق يعمل هذه المهنه رغم أنه كان مهندس و لكن مشاكله مش فى الأندماج فى المجتمع و لا اللغه و لاحاجه , مشاكله مع الطلبه فى مرحله 11 و 12 سنه كده علشان هما عارفين انك مجرد بديل لمدرسهم أو مدرستهم الأساسيه علشان كده احترامهم ليه أقل بكتير من مدرسهم الاساسى , و كمان اللغه مش معناها انك بتعرفى تتكلمى أنجلش أو فرنش بس , الأولاد ليهم لغه دارجه مستقاه من ألعابهم و المسلسلات اللى بيتفرجوا عليها و الأغانى اللى بيسمعوها و ده طبعا بالنسبه للى جى جديد صعب أنه يتعود عليه بسرعه .

======================================================================

لى اضافة صغيرة ممكن تفيد المهندسين و المهندسات المقبلين على الهجرة.. نقابة المهندسين فى مقاطعتى كيبيك و اونتاريو فقط فيهما ميزة انك ممكن تعمل academic assessment لشهادة الهندسة بتاعتك و انت ما زلت فى بلدك .. بالمراسلة.. و هذا التقييم بيوفر وقت فى الحصول على رخصة مزاولة المهنة بدل ما تبدا المشوار بعد الوصول (حيث ان تقييم الشهادات الدراسية هو أهم ركن فى الرخصة) , و كمان بيعرفك ماذا تعنى شهادتك بالنسبة لهم و ممكن يدعم موقف ملفك فى السفارة لان اذا النقابة قيموا شهاداتك و لقوها معادلة هذا يعنى انك عارف طريقك هناك و ماشى فى الطريق السليم يعنى مش عايز الفيزا و خلاص و بعدين تروح تلطش و هذا ضرورى فى دراسة ملفك لانهم دايما يسألوا فى المقابلة عن معادلة شهاداتك هناك و ظروف العمل فى مجالك و رخصة المهنة ماذا تعرف عنها ؟

ملحوظة.. فيه جهات كثيرة جدا بتعمل التقييم ده .. ما لهاش لازمة .. اطرق باب نقابة المهندسين فى اونتاريو مباشرة و استعين بموضوع نقيب المهنسين المصريين فى كندا الباشمهندس ياسر عن هذه الرخصة .

موقع النقابة .. peo.on.ca

======================================================================

وظيفة Pharmaceutical Sales Representative من ال non regulated jobs في كندا. وبالتالي لا معادلة ولا ترخيص ولا يحزنون. بس عاوزين لغة واتقان شديدين لان المنافسة فيها قوية مع اهل البلد. ونسبطة البطالة فيها 3% في تورونتو . وهي من ال Future jobs في اونتاريو لسنة 2009. بالنسبة للدخل (محترم). وعموما اي دخل في كندا يضمن لك حياة مستقرة الي حد ما في البداية وبعد كدة ياسيدي ربنا يكرمك ويوفقك وتزود مستواك المعيشي على قد ماتقدر.

=======================================================================

http://www.appleone.ca/

http://www.betterlabour.com/

http://www.manpower.ca/

http://www.dynamicemployment.com/

http://www.marberg.com/about.asp

http://www.diamondpersonnel.com/

http://www.requestpersonnel.com/

http://www.spherion.ca/index.htm

http://www.us.randstad.com/

http://www.dgstaff.com/

http://www.thejob-line.com/Toronto/

http://www.staffingadvantage.ca/

http://www.excelemployment.net/

http://www.allstarjobs.ca/Ontario/Toronto_...fieds/index.htm

http://www.bayt.com

http://www.jobhunting.com/

http://www.bestjobsca.com/

http://www.brassring.ca/en

شويه المواقع ديه , يارب ميكونوش مكررين و يفيدو حد هنا

http://www.jobsetc.ca/home.jsp?lang=e

http://www.workinfonet.ca/

http://www.canjobs.com/index.cfm

http://careerclick.com

http://apps5.oingo.com/

http://www.careerowl.ca/

http://www.charityvillage.com/cv/main.asp

http://landing.trafficz.com/index.php?domain=earnbyhour.com

http://www.find-a-job-canada.com/

http://www.headhunter.net/

http://canada.indeed.com/

http://jb-ge.hrdc-drhc.gc.ca/

[somayasaleh]

الكلام الزبد ده من دكتورنا الفاضل وليد

وملخص سريع لرحلة اللاندنج ....علشان الناس كلها تستفيد

وكمان علشان اخواتنا فيكيبك اللي ما بيقروش غير مواضيع كيبك :lol:

شكرا دكتور وليد وربنا يجعله في ميزان حسناتك

أولا انا اخترت مدينة سانت جونز لأن ابني بيدرس في جامعتها Memorial University of Newfoundland منذ اربع سنوات وسيتخرج إن شاء الله الشهر القادم

وكانت فكرة هذه المدينة الصغيرة قد اقترحها اخي الأكبر والذي كان قد حصل على الدكتوراه من نفس الجامعة ونصحني بأن ارسل ابني هنا لأن البلد فيها اقل نسبة جريمة على مستوى كندا The lowest rate of violence حتى ان البنت ممكن تسير في الشارع الساعة 2 فجرا ولا يجروأ احد ان يعاكسها او يضايقها بالإضافة إلى ان اهلها ودودين

وبالنسبة لترتيب الجامعة على مستوى جامعات كندا فقد حصلت على المركز الـ 18 في عام 2008 بينما جامعة اوتاوا كانت في المركز ال 24

هذا بالأضافة لأن المدينة بعيدة في اقصى الشرق والناس دائما تفضل تورنتو والمدن الكبيرة فمصاريف المعيشة اقل نسبيا ومصاريف الجامعة تصل إلى ثلث مصاريف جامعات تورنتو خصوصا ان الحكومة بتشجع الناس تعيش برة المدن الكبيرة

المهم وجود ابني في أستقبالنا سهل حاجات كثيرة واعطانا راحة نفسية كبيرة لا يمكن وصفها حيث انه الأن يعمل كمرشد سياحي مخصوص لنا وسايب مذاكرته وحسيت الآن بقيمة وجود شخص معرفة في البلد الجديدة لأن المثل اللي بيقول ( الغريب اعمى ولو كان مفتح ) صحيح الف في المية

المهم يمكن بعد كده نذهب تورنتو ولكن نحن بإنتظار تخرج ابني ونشوف فرص عمله وفرص عملي وكل اللي بيجيبه ربنا كويس

رحتلي كان طويلة حيث وصلت إلى ما يقرب من 45 ساعة من وقت مغادرتي منزلي في مكة الساعة الثامنة والنصف مساء يوم الخميس مع زوجتي وبناتي وحتى وصولي إلى سانت جونز (وربنا ما يكتب ده على احد) حيث كان خط طيراني المفترض جدة - لندن ثم لندن اوتاوا ثم اوتاوا سانت جونز ولكن نظرا لتأخر طائرة اير كندا في مطار لندن لمدة 3 ساعات نتيجة تسرب زيت في محركها فقد تأخر وصولنا لأوتاوا وما زاد الطين بلة الزحمة في مكتب الهجرة في مطار اوتاوا حيث امضينا هناك حوالي ساعة ونصف وبالتالي فاتتنا رحلة سانت جونز واضطررنا إلى تغيير خط رحلتنا وسافرنا إلى تورنتو وبتنا فيها ليلة كاملة (على حساب اير كندا في فندق ديلتا وست بعد مناقشات حامية اشتركت فيها بكل القوة النسائية الهجومية المصاحبة لي والمتمثلة بزوجتي وبنتي) ثم اخذنا رحلة اير كندا إلى سانت جونز في الصباح ووصلناها ظهر يوم السبت

وبعد هذه العلقة السخنة فإن غالب الظن اننا سنستخدم رحلة مصر للطيران المباشرة من القاهرة إلى تورنتو (لو كان هناك خط مفتوح) او مونتريال المرة القادمة وبلاش بهدلة حيث لفيت وشفت 3 مطارات كندية في اقل من 24 ساعة (شوفتوا الحظ)

المهم بعض الملاحظات السريعة اللي ممكن تفيد

لم يتم فتح او تفتيش اي شنطة لي في مطار اوتاوا وكانت المعاملة سهلة ومحترمة جدا

العربيات التي تضع عليها الشنط في مطار اوتاوا ومطار سانت جونز مجانية ولكن المشكلة في مطار تورنتو حيث ان العربيات بفلوس بـ 2 دولار للعربية الواحد ولازم يكون مع الواحد عملة معدنية او كرت فيزا وصعب تجد اي احد يفكلك بس اللذيذ انك ممكن ترجع العربية بعد ما تشحن عفشك والماكينة حتديك ربع دولار يعني التكلفة حترسى على دولار و75 سنت (ولو الواحد راح المطار بدري فممكن يلم العربيات اللي الناس بتسيبها لأن معظم الناس ما تعرفش الموضوع ده ويرجعها وياخد ربع دولار عن كل عربية ويعمل ثروة واهي سبوبة وهو بيستنى ميعاد طيارته <_< )

انا عملت اللاندينج في اوتاوا وضابط الهجرة في المطار اخبرني ان كرت ال بي ار سيصل بعد 6 اسابيع وهذا ما اكدته لي مرة اخرى ضابطة الهجرة في سانت جونز ولما سألتها عن إحتمال سفري قبل إستلامي للكرت أجابت انه يتعين علي ساعتها ان أذهب للسفارة الكندية واطلب فيزا دخول لكندا لمرة واحدة ولما اخبرتها ان ابني ممكن يرسل لي الكرت بالبريد فقالت انهم لا يحبذون هذا لأن المفترض ان لا يرسل هذا الكرت بالبريد إلى خارج كندا لأنه وثيقة رسمية

امس ذهبت وعملت كرت التأمين الصحي ويسمي في سانت جونز MCP = Medical Care plan وخلص في خلال 10 دقائق وإستلمته وانا واقف وتاريخ بداية إستخدامه من يوم دخولي كندا فورا (يعني من 4 ايام :Exclam: ) ولا احتاج للإنتظار 3 شهور زي ما قريت من الأفاضل الذين كتبوا عن هذا ويمكن ده علشان البلد مش زحمة مثل تورنتو

بعدها ذهبت وعملت كرت الضمان الإجتماعي SIN Card وقالوا لي انه حيوصل خلال 10 ايام ولو تأخر إلى اسبوعين فعلي أن أتصل بهم

وبعدها ذهبت وفتحت حساب في البنك ومن غير إيداع اي فلوس في الحساب واعطوني بطاقة البنك وانا واقف ولكن قالوا لي ان كرت الفيزا لا يمكن استخراجه إلا بعد ان اجد عمل في كندا

بالنسبة للطلبة فيمكن لهم فتح حساب واستخراج بطاقة البنك وبطاقة فيزا بسهولة ومن غير ما يكون ليهم عمل في كندا (معاملة سهلة جدا)

الجو في تورنتو كان ممطر طول الليل وهنا في سانت جونز متقلب ما بين ممطر ومشمس والهواء شديد وبارد وحلو بالمقارنة بمكة وجدة اللي سايبهم حر ورطوبة وأما داخل البيت فالجو دافي حتى من غير تتدفئة يعني من الأخر الطقس حاليا تحفه وربنا يستر في ما بعد خصوصا ان الثلج لسه ما نزلش

اظن كفاية كده دلوقتي وسأحاول ان اوافيكم بما استطيع (معليش انا داخل على نت مش بتاعنا ولاقط وايرليس فعذرا لو غبت عن النت شوية)

تحياتي للجميع وعلى فكرة انا دعيت لجميع اهل المحاورات وانا فوق المحيط الأطلسي فيا ريت ما تنسوش تدعولنا وربنا يكتب الخير للجميع

والسلام عليكم ورحمة الله وبركاته

[somayasaleh]

بعض الوصايا المفيدة كتبها لنا الاستاذ طارق جمعة

===========================

1- لا تتبرع بمعلومة لم تسأل عنها (الاجابه على اد السؤال) انت شغال ايه ؟ دكتور وبس مش لكلكلك

2- في المطار لو معاك 10000 قول معايا 10000 فقط مش معايا دلوقتي وانا حاطط في البنك كذا وعندي كذا. مسئول الهجرة بيسألك معاك كام قول كذا وبس وبس كل كلمة تقولها تسجل وتحسب عليك

3- اذا اتصلت بالتليفون بجهة رسمية اي معلومة تقدمها ولو استفسار يكتب عليك في الملف وتكتب ملاحظة عند اسمك. مثلا لا تسأل انا لو سافرت بدون البي ار ايه الي ممكن يحصل؟ المرة القادمة لو اتصلت تاني هتلاقي الموظف يقولك انت اتصلت واستفسرت عن كذا!!!!!!!!!!!!!!

4-الاب والام لازم يحضروا مع أولادهم في تحديد المستوى والا ستقع في مشاكل انت مش قدها. اثبت ان انتم مش منفصلين؟؟؟!!! ولا مطلقين؟! وخطاب موافقة منن الطرف التاني شغلانة؟؟

5- لا تعطي أذنك لكل الناس وينصح لا تسأل الا المختص. انا سألت ناس عن وضع محمود واحد يقولي هاينزل سنة والتاني يقول سنتين لحد ماخلوا الولد هايدخل روضة!!!!!! اسأل المعنيين فقط

6-احجز تذاكر طيران ريفندابل لو انت مش متأكد من عودتك بعد اللاندنج.

7-لا تتعجل في الايجار ابحث عن مكان قريب من المدارس.

8- لاتحتك نهائيا بالحكومة حتى لا تتورط لغاية لما تخلص ال3 سنين بتوعك وهذا ليس كلامي فقط بل ناس كنديين الاصل وانا شفت بعيني محدش قالي

تم تعديل 16 نوفمبر 2009 بواسطة somayasaleh

[somayasaleh]

هدية لكل الراغبين في معرفة كندا قبل السفر

من العضو الفاضل اسكندرية تاني

دليل لكل كندا

يمكن ان يكون مفيدا

رابط التحميل:

http://BLOCKED2/files/149383563/gwww91.zip

[somayasaleh]

معلومات مهمة من الاستاذ هاني لويس

البحث عن عمل قبل السفر مباشره و انت في مصر

صاحبي اللي في كندا شغال في نفس مجالي information security engineer قدم علي شغل كتير و لقي شغل في شركه محترمه بمرتب مش قليل و مركز محترم هو صحيح مشي منها بس جاله الشغل ده بعد مرور 4 شهور من وصوله ..

يعني يا جماعه موضوع الخبره الكندي و الهوس ده ما حصلش معاه .. طبعا مش كتير بيحصل معاهم كده لكن هو كان محظوظ و ربنا كارمه ...

المهم صاحبي ده قالي انه من ضمن الأنترفيو اللي اتعمل معاه مان منهم مرتين مره فيها كان بيعمل معاه 7 اشخاص انترفيو في نفس الوقت و مره تانيه كان 9 رقم خرافي و خزعبلي ..

لذلك قررت اني أدورعلي شغل عشان أعمل انترفيو هناك حتي لو مش هتسقر هناك بس عشان أخد خبره الأنترفيو ..

فيه نقطه حطوها في اعتباركم انه بيبص في السي في بتاعتك لو مالاقاش رقم كندي مش بيتكلم أصلا ..

طيب ايه الحال انا في مصر و مش لي رقم يكلموني عليه ..يبقي لازم يبقي لي رقم كندي .. طيب أجيبه منين ده ..

فيه يا جماعه برنامج اسمه gizmo و ده هتلاقوه علي الموقع ده http://gizmo5.com/pc

البرنامج ده بيدلكم الفرصه انكم تشترو رقم في أي دوله في الليسته بتاعته منها طبعا كندا و أمريكا .. الرقم ده ممكن فعلا يكلموك عليه و تعمل منه مكالمات و حاجه زي الفل طبعا ده بيبقي سوفتوير نازل علي الكمبيوتر و لازم يبقي فيه انترنت عشان تقدر تستقبل و ترسل مكالمات ..

المهم حطيت الرقم ده في الس في بتاعي و كتبت عنوان علي كندا كده أصبحت كأني عايش في كندا .. بالفعل حصلت علي انترفيو قبل سفري بالأسلوب ده .. انا كنت بدور علي شغل من المواقع ده

www.monster.com

http://www.workopolis.com

http://www.craigslist.org/about/sites

http://www.kijiji.com

الأنترفيو كان بعد يومين مباشره من وصولي .. طبعا رحت و الراجل كان متكيف بس كان فيه مشكله اني كان ناقص لي شويه حاجات مش معايا بس هو قالي انت المفروض تدخل علي مستوي senior لكن عشان الحاجات مش معاك مش هقدر أخدك junior و انتهي الأمر .. و انا هناك جال برضه انترفيو تاني.... لما الواحد يبقي معاه خبره بجد و مجهز نفسه بجد ,في الغالب بيفوت ... يمكن ده ما يحصلش تاني في رحله الأستقرار لكن انا واثق جدا انا الله ابتدي عمل صالح هو اللي هيكمل ...

[somayasaleh]

الناس اللي ح تعمل لاندنج قريب

ده صورة اللستة اللي المفروض نملاها قبل السفر

نسختين....واحدة نحتفظ بها...والتانية ح ياخذوها عند اللاندنج

اكتبوا كل حاجة احتمال تحضروها معاك وقت الاستقرار....علشان ما يدفعش فيها جمارك بعد كده

b4_eng.pdf