أخبار الإيجارات ايه في مصر

[أحمد سيف]

طبعا أنا عارف إن الموضه اليومين دول هي شراء الشقق والأراضي ...سواء بغرض الاستعمال أو الاستثمار

لكن أنا ليا وجهة نظر معينة في موضوع شراء العقارات .... وهي إن السوق العقاري - زي اي سوق في الدنيا - بيمر بدورات متعاقبة من الازدهار والركود

وأحسن وقت للشراء هو طبعا في وقت الركود ... ومن الواضح أن هذا ليس هو وقته

علشان كده أنا بافكر أستأجر شقة صغيرة في القاهرة لمدة طويلة (خمس سنوات فما فوق ) وتأثيثها بصورة بسيطة لكي أنزل عليها في أجازاتي حتى تتحسن ظروفي وأجد فرصة جيدة في المكان المناسب إذا قدر الله وقررت الاستقرار في مصر بصورة نهائية

أنا عارف إن أسعار الإيجار في مصر رخيصة إذا قورنت بأسعار البيع، بس أنا عاوز أرقام تقريبية عن أسعار الإيجارات في مناطق القاهرة الراقية والمتوسطة علشان أقدر أعمل حسبتي

وجزاكم الله خير

[سهل جدا]

تصدق يا أخ أحمد أنا كنت لسه ناوي أكتب موضوع في المنتديات بعنوان: (ثقافة الإيجار في مصر)

وامبارح تحديدا قررت إني أكتبه

أقصد إن ثقافة الإيجار في مصر منعدمة تماما.. ولا يلجأ إليها إلا المضطرون

بينما في كثير من الدول تجد من يملكون أموالا تكفي لشراء منزل جيد إلا أنهم يرفضون تملك السكن ويفضلون استثمار أموالهم في مجالات أخرى..

سأوضح هذا الأمر إن شاء الله في موضوع مستقل بشيء من التفصيل

نرجع لموضوعك

بالنسبة لي أنا سألت قريبا عن الإيجارات في (مدينة نصر) لأني مستريح لها وأحب أسكن فيها في يوم من الأيام ..

طبعا عباس العقاد ومكرم عبيد والحاجات ديه غالية جدا على اللي زيي

فسألت في الحي الثامن ومساكن الظباط في زهراء مدينة نصر

لاقيت الأسعار بتبدأ من 800 جنيه في الشهر إلى ... حسب المساحة

لكن عموما ألف جنيه شهريا يجيبولك حاجة معقولة..

لكن المشكلة إن أصحاب الشقق ما بيرضوش يأجروها مدد كبيرة

أغلبهم يفضَّلوا يكتبوا العقد سنة وبعدين يجددوها كل سنة بسنة , وكبيرهم اللي يرضى بسنتين

وطبعا دي مشكلة كبيرة , لأن ممكن في أي وقت يقولك سلامو عليكو أنا مش هاجددلك العقد السنة الجاية..

وفي الحالة دي العفش اللي انت جايبة بيتبهدل في النقل والكلام ده

هي دي المشكلة الوحيدة في الإيجار الجديد

لكن أعتقد بمزيد من البحث والمعاناة تجد واحد يأجرلك مدة أطول

[عاشق]

طبعا أنا عارف إن الموضه اليومين دول هي شراء الشقق والأراضي ...سواء بغرض الاستعمال أو الاستثمار

لكن أنا ليا وجهة نظر معينة في موضوع شراء العقارات .... وهي إن السوق العقاري - زي اي سوق في الدنيا - بيمر بدورات متعاقبة من الازدهار والركود

وأحسن وقت للشراء هو طبعا في وقت الركود ... ومن الواضح أن هذا ليس هو وقته

علشان كده أنا بافكر أستأجر شقة صغيرة في القاهرة لمدة طويلة (خمس سنوات فما فوق ) وتأثيثها بصورة بسيطة لكي أنزل عليها في أجازاتي حتى تتحسن ظروفي وأجد فرصة جيدة في المكان المناسب إذا قدر الله وقررت الاستقرار في مصر بصورة نهائية

أنا عارف إن أسعار الإيجار في مصر رخيصة إذا قورنت بأسعار البيع، بس أنا عاوز أرقام تقريبية عن أسعار الإيجارات في مناطق القاهرة الراقية والمتوسطة علشان أقدر أعمل حسبتي

وجزاكم الله خير

طالما انت بالخارج ليه متفكرش بمنطقة متوسطة ورخيصة

طالما انت مسافر ومجرد شقة تقضي فيها شهر الاجازة

واكيد الاجازة مش هتقعدها في البيت يعني بمصيف وخلافة

يبقى انت عاوز مجرد شقة متواضعة يكون فيها العفش ميتبهدلش

رائي شوف حاجة رخيصة شوية يعنى حدود 6000 او 7000 بالسنة يكون كويس

[أحمد سيف]

الأفاضل سهل جدا وعاشق مصر

أشكركم على المشاركة والنصائح المفيدة

صحيح لو الحكاية كلها على بعضها هاتكلف 6-8 آلاف جنيه في السنة تبقى ممتازه

وأنا شخصيا متوقع ثبات في أسعار الإيجارات خلال الفترة القادمة نتيجة الأزمة المالية وركود سوق التمليك ... الأمر اللي هايخلي ملاك العقارات يتجهوا لتأجيرها علشان يغطوا مصاريفهم ... لا سيما مع دخول قانون الضرائب العقارية حيز التنفيذ

جزاكم الله خير ولكم تحياتي.

[الباشمهندس ياسر]

عندى صديق يمتلك شقة ف مساكن شيراتون

بياجرها ب 2000 جنيه ف الشهر لاسرة واخدها بعقد 3 سنين تقريبا

و فيه زيادة 10 % سنويا

و لو حاطط ف دماغك منطقة معينة

قلى عليها و انا اجيبلك اسعارها ان شاء الله

[احمد صبرى]

لو انت زى مابتقول بتنزل شهرين فى السنة ليه تأجر طول السنة !!!!!

كل ماتنزل اجر شقة مفروشة بــ 4,000 على النيل ( فى المنيل مثلا ) بس .. وتعيش ملك من غير وجع قلب انك تشتري عفش .. ولما الايجار يخلص تنقله .. ادام كل اللى انت بتتكلم فيه شهرين فى السنة !!!!

تحياتي