الهحرة الى استراليا

[student]

وكم اقل نتيجة ايلتس مسموح فيها؟

الكلام ده فى مقاطعة ال south australia و عاصمتها adelaide

بتتقبل ايلتس concessional يعنى 5.5 اوفر اووول

و كمان بعد التعديلات البروسيسينج بتاعها 7 شهور فقط

طب ايه المساوي الموجودة في الجنوب عشان يعملو التخفيض ده

[masri]

طيب سؤال

واللى شغال محاسب فى السعودية بمرتب كويس يعنى حوالى 2300 دولار استرالى فى الشهر وفى شركة محترمة وواخد واضعه فى الشركة والمستقبل امامه

والحمد لله برضه يهاجر استراليا

برجاء الافادة جزاكم الله خيرا لانى بفكر برضه فى العيش فى استراليا

ده سوال صعب طبعا يا سيد صقر لان كل واحد محتاج يدرس الموضوع من كل زاوية

لكن عموما اهم حاجة و حضرتك بتدرس و تقارن انك متضيعش وقت

يعنى ممكن الى جانب حياتك الطبيعية تبدا فى دراسة و تحضير الايلتس

ده مش حيضرك و لكن ممكن ينفعك فى اتخاذ قرارات مصيرية عند اللزوم

تحياتى لسيادتك و بالتوفيق

[masri]

فين مكان التقديم للناس الي عايشين في الكويت

التقديم لكل الناس بيكون مركزى للبروسيسينج سنتر اللى موجود فى الجنوب الاسترالى

و انا اعرف واحد مصرى مشفش السفارة الاسترالية اللى فى القاهرة غير يوم واحد بس لما راح يقدم لهم الباسبور و ببساطة طلبو منه يدفع رسوم الفتى ان تى وبعد كام يوم جاتله الفيزا زيارة واحدة بس

لو قدمت الابليكشن مع تقيم الشهادات متى الرد

حضرتك بتفتح الفايل بكل الورق المطلوب و بيتيعت اما الفيش فده مع الميديكال بعدين

[Bustami]

الخلاصة بالنسبة لاستراليا - المحاسبين

ابعت ورق الجامعة( - شهادة + درجات + وصف المواد باللغة العربي ومترجم للانجليزي - صورة طبق الاصل - ) الى NIC

لازم تكون دارس على الاقل 9 مواد تخصص من مواد جامعات استراليا علشان يبعتولك رد ايجابي, لو رفضوا حتبعت للمكان التاني

تاخد الاوراق مع صورة جواز السفر وشهادات الخبرة والايلتس 6666 جنرال وتبعته بالبريد والايلتس للزوجة 4.5 في كل قسم

بعد 15 - 18 شهر الميديكال وحسن سير وسلوك وبعديها ب 3 شهور الفيزا

تروح تعمل لاندينج وبعد 4 سنوات تاخد الجنسية , لازم اخر سنه تكون قاعد هناك بشكل متواصل

طيب ينفع اعمل لاندينج واخرج ثم ارجع تاني بعد مرور ال 3 سنوات عشان اكون هناك خلال السنة الرابعة

[aboueyad alex]

الاخ الكريم / مصرى

أنا محاسب وانا أتمنى اهاجر لأستراليا عن كندا

فأرجو المساعدة لسرعة التقديم إن أمكن ...

أكتب اللى بتتكلمه واكيد حيوصل أسرع ...

شكرا لسيادتك....

[masri]

الخلاصة بالنسبة لاستراليا - المحاسبين

ابعت ورق الجامعة( - شهادة + درجات + وصف المواد باللغة العربي ومترجم للانجليزي - صورة طبق الاصل - ) الى NIC

لازم تكون دارس على الاقل 9 مواد تخصص من مواد جامعات استراليا علشان يبعتولك رد ايجابي, لو رفضوا حتبعت للمكان التاني

تاخد الاوراق مع صورة جواز السفر وشهادات الخبرة والايلتس 6666 جنرال وتبعته بالبريد والايلتس للزوجة 4.5 في كل قسم

بعد 15 - 18 شهر الميديكال وحسن سير وسلوك وبعديها ب 3 شهور الفيزا

تروح تعمل لاندينج وبعد 4 سنوات تاخد الجنسية , لازم اخر سنه تكون قاعد هناك بشكل متواصل

طيب ينفع اعمل لاندينج واخرج ثم ارجع تاني بعد مرور ال 3 سنوات عشان اكون هناك خلال السنة الرابعة

اهلا اخى البوسطامى

كل الكلام كده مضبوط ماعدا نقطتين

وصف المواد باللغة العربي ومترجم للانجليزي

وصف المواد بيطلع من الكلية فى صورة كتاب باللغة الانجليزية و بيتختم لك عل اول و اخر صفحة بختم الكلية

يعنى مش حترجمه و الا حتدفع مبالغ رهيييييييييييبه

احتمال الرفض فى احد الثلاث اماكن قائم و بنسب كبية لكل الجامعات عذا القاهرة-اسكندرية-عين شمس و مش متاكدمن حلوان

شرط التقدم للحصول على الجنسية هو ان حضرتك تكون مضيت فى استراليا 3 سنوات منفصلة بحد ادنى 9 شهور للسنة +السنة الرابعة متصلة

بالنسبة للخول و الخروج طبعا من حقك

بس حاسسسسسببببببببب

اصلا الفيزا الدائمة مدتها 5 سنين من الاصدار و بعدها بتقدم على تجديدها (وده فى حالة اللى فضل يدخل وخرج و معملش سيتيزن)

فى الحالة دى بيقدم على فيزا اقامة دائمة عودة و بعدين الطلب يندرس و ياما قبول او رفض

اتمنى انى اكون وضحت الصورة للهجرة الاسترالية

و اتمنى دعوات حضراتكم لى لان النهاردة هو اول يوم كورس بالنسبة لى فى اعادة الايلتس

تحياتى للجميع بالتوفيق

[masri]

الاخ الكريم / مصرى

أنا محاسب وانا أتمنى اهاجر لأستراليا عن كندا

فأرجو المساعدة لسرعة التقديم إن أمكن ...

أكتب اللى بتتكلمه واكيد حيوصل أسرع ...

شكرا لسيادتك....

اهلا يا ابو عياد

عشان اعرف اساعد حضرتك يا ريت توضحلى شوية معلومات

مثلا موقفك من الايلتس او الانجلش عموما و كمان موهلك الدراس من اى جامعة /عربى / انجليزى/عمرك/ خبرتك الفعلية و عدد سنين الخبرة/ وجود اقارب فى استراليا من عدمه الخ

[Bustami]

قيم نفسك https://secure.liveinaustralia.com/skilled-...ment.asp?gclid=

[Bustami]

طيب ايه هما المواد الي قالولك حتدرسها هناك..؟

دي المواد بتعتهم , 12 مادة , لازم 9 منهم تكون درستها

basic accounting

financial and corporate accounting

current issues in accounting (standards and theory)

cost and management accounting

business finance

auditing

introductory law (including contracts)

economics

statistics

computer information systems

taxation law

company law

تم تعديل 7 مايو 2009 بواسطة albostamy

[aboueyad alex]

الأخ الكريم / مصرى

أناعمرى 29 سنة

متزوج - الزوجة مؤهل عالى - متوسطة فى الانجليزى

بكالوريوس تجارة عربى 2002 جامعة الاسكندرية

الانجليزى متوسط -بذاكر ايلتس

الخبرة 6 سنوات

ليس لى أقارب بأستراليا

أرجو التواصل إن أمكن على الميل ....

muhammed_hussein1980 على الياهو أو الهوت

لك جزيل الشكر

وبشكر الاخ البوستمى على المساعدة ايضا ونرجوا التواصل

أخوكم / أبو إياد

[manoual]

السلام عليكم

فى البداية أنا خريج كلية تجارة جامعة طنطا عربى شعبة محاسبة والمهم من ساعة التخرج خدت كورسات أنجليزى جامعة امريكية وICDL المهم حاولت ألاقى شغل ملقيتش فسافرت السعودية زيارة وأشتغلت لشركة لمدة 3 شهور ورجعت علشان الزيارة خلصت والمهم الجماعة دول قالولى حنبعتلك فيزا وبش عارف ايه وعيشونى فى وهم المهم أنا باقلى سنة ونصف من ساعة لما لجيت وبدور على شغل محاسب وملقيتش حاجة خالص !!!! والمهم جت فترة ويئست وقدمت كمندورب مبيعات بص تكون تكون فى حاجة محترمة شركات أدوية أو أتصالات وطبعا لقيتها كلها خلاص حتى بقيت بالواسطة !!! و فالمهم أنا خلاص زهقت على فكرة انا فى السنة ونصف دوللفيت على مكاتب محاسبة وقالولى أحنا عايزين ناس من 2007 و2008 وأنتا جى تعمل أيه عندنا وحتعمل أيه بالمبالغ البسيط أيه !

قولتلهم حتى يبقى اسمى أشتغل لقيتهم فى وادى ثانى !! وقدمت فى كل ماتتخيله بنوك وشركات مسيبتش حتى شركات سفر للخليج ومحصلش نصيب .

المهم دلوقتى أنا خلاص يئست ومستعد اعمل أى حاجة وبصراحة أنا نفسى اسافر استرالياساسا أو حتى كندا أو جتى نيوزلندا

المهم هنا أنا شرحتلكم حالتى و دلوقتى عايز منكم تقولولى اعمل أيه أو أنتوا بعيد عن الكلام بتاع شروط الفيزا

أيه هيا الخطوات اللى أقدر اعملها وبسرعة علشان خلاص الدفعة الثالثة حتتخرج من بعديا مبقاش فى أى فرص!!!

أرجوكم الرد بسرعة جدا

[manoual]

أنا على فكرة خريج دفعة 2006 بتقدير جيد

[supersuper]

وكم اقل نتيجة ايلتس مسموح فيها؟

الكلام ده فى مقاطعة ال south australia و عاصمتها adelaide

بتتقبل ايلتس concessional يعنى 5.5 اوفر اووول

و كمان بعد التعديلات البروسيسينج بتاعها 7 شهور فقط

طب ايه المساوي الموجودة في الجنوب عشان يعملو التخفيض ده

يا ريت الاخ مصري يجاوب عالسؤال لو كان يعرف وبراحته ما يستعجلش وكمان مينسناش :)

الحقيقة نتيجة 5.5 في الايلتس واوفر اول كمان يعني نتيجة معقولة وتفرق كتير عن 7 7 7 7 ;)

هل النتيجة دي مطلوبة من اي شخص ولا بس من المحاسبين؟ انا مش محاسب

وطالبين كدة ليه يعني هل هو مجرد قانون في المنطقة الجنوبية علشان الناس تروح ليهم ولا في سبب مثلا ضعف الخدمات والبعد؟

ولا يكون دي المناطق اللي بيعيش فيها آكلي لحوم البشر هههههههههههههههه

[manoual]

وأيه اللى افضلى من وجهة نظركم ؟؟؟

[supersuper]

رحت ودورت على منطقة adelaide عالنت ولقيت الصورة دي

انا توقعت الاقي منطقة صحراوية مفيهاش ناس :)

ودول طالين 5.5 ايلتس ليه ;)

[znaty]

والله يا مصري انت هاتضرب باب كندا وباتطفش الزباين

انا واحد من الناس دماغي بدات تلعب جامد

وخصوصا ان عندي فرصة 5 سنين اطلع وارجع موش 3 زي كندا

وموش هاعيد ايلتس

بس موضوع العنصرية هناك هو اللي قالقني شوية

يعني كل واحد ياخد بونية في وشه في الايلتس يقع مدروخ تشيلة الاسعاف على التوبيك بتاعك ومنه على استراليا :) ;)

[terminator]

طيب يا جماعة هو ليه كل الناس حاطة استراليا plan b بعد كندا ؟؟

مع أنى حسب ما قرأت فى منتدى أجنبى الأجور فى استراليا أكبر والضرائب أقل والمناخ هناك مألوف لينا مش جليد زى كندا ..

ايه يعنى المساوئ اللى فى استراليا علشان نفهم طيب ؟

أو عموما ايه هى الفروق بين كندا واستراليا بالنسبة للدخل وجودة المعيشة ؟؟

[supersuper]

طيب يا جماعة هو ليه كل الناس حاطة استراليا plan b بعد كندا ؟؟

مع أنى حسب ما قرأت فى منتدى أجنبى الأجور فى استراليا أكبر والضرائب أقل والمناخ هناك مألوف لينا مش جليد زى كندا ..

ايه يعنى المساوئ اللى فى استراليا علشان نفهم طيب ؟

أو عموما ايه هى الفروق بين كندا واستراليا بالنسبة للدخل وجودة المعيشة ؟؟

انا بصراحة مش عارف بس بالنسبة لي انا فهي حاجة نفسية

انا بحب كندا اكتر وبحس اني حرتاح فيها اكتر الله اعلم يكون صحيح ولا لأ بس يعني مجرد احساس

عالعموم متفرقش معاية سواء كان كندا ام استراليا ام نيوزلندا مش مهم بس مش امريكا مبحبش اعيش فيها

[Ahmed Unknown]

طيب يا جماعة هو ليه كل الناس حاطة استراليا plan b بعد كندا ؟؟

مع أنى حسب ما قرأت فى منتدى أجنبى الأجور فى استراليا أكبر والضرائب أقل والمناخ هناك مألوف لينا مش جليد زى كندا ..

ايه يعنى المساوئ اللى فى استراليا علشان نفهم طيب ؟

أو عموما ايه هى الفروق بين كندا واستراليا بالنسبة للدخل وجودة المعيشة ؟؟

و الله يا استاذ ترميناتور انا عندى استراليا plan A

السفر امريكا للدراسة و العمل plan B

و اقعد هنا فى السعودية plan C

يعنى مفيش كندا خالص

و طبعا هتسألنى عن الاسباب فانا مش هديك الفرصة انك تسأل و هجاوبك على طول

اولا فرص العمل بالنسبة لى مع العلم انى شغال فى مجال تكنولوجيا المعلومات و بالتحديد فى البرمجة و انا شايف ان الفرص فى استراليا اكتر بكتير و قد يكون هو ده السبب الرئيسى

ثانيا هجرة استراليا بتاخد تقريبا نص الوقت بتاع هجرة كندا و كمان معنديش استعداد اتعلم فرنساوى و اقدك كيبيك و كمان انا استراليا محتاج 6666 فى الايلتس مش 6677 زى كندا و حاسس ان الاجراءات اسهل و انسب بالنسبة لى يعنى كده بصراحة حاسس ان استراليا بتقولى تعالى

ثالثا الطقس فى استراليا احسن بكتير اما كبدا فبعد القعدة هنا فى السعودية و اروح كندا فى التلج ده ممكن يجيلى انهيار عصبى

رابعا انا بحب الخروج و المشى و الرحلات "outdoors" و تناول الاكل و المشروبات فى المطاعم و الكافيهات و طبعا ده كله غير ولائم فى الجو السئ بتاع كندا

اما الناس اللى بتتكلم عن العنصرية انا شايف ان اكتر مكان ممكن تلاقى فيه عنصرية هو هنا فى السعودية و الوطن العربى عموما و حتى فى عندنا فى مصر

فبصراحة كده مش فارقة معايا ممكن نستحمل عنصرية الاستراليين عشان خاطر عيون استراليا

[أحمد سيف]

السبب ببساطه ان فيه باب اسمه الحياة والهجرة الى كندا في محاورات المصريين ولا يوجد باب اسمه الحياة والهجرة الى استراليا

علشان كده الناس شايفه موضوع كندا سهل وما فيهوش مشاكل واستراليا كله عقد وكلاكيع

أنا شخصيا لولا وجود هذا الباب ماكنتش فكرت أساسا في موضوع الهجرة ولا اتجرأت عليه

صدقني أول ما كام واحد من المنتدى يخلصوا إجراءات الهجرة لاستراليا ويحكوا تجاربهم الإيجابية هناك هاتلاقي عدد كبير حول تفكيره من كندا لاستراليا، خصوصا بعد ما نظام الهجره لكندا بقى أصعب

تم تعديل 9 مايو 2009 بواسطة أحمد سيف