الهحرة الى استراليا

[Ahmed Unknown]

طيب يا جماعة هو ليه كل الناس حاطة استراليا plan b بعد كندا ؟؟

مع أنى حسب ما قرأت فى منتدى أجنبى الأجور فى استراليا أكبر والضرائب أقل والمناخ هناك مألوف لينا مش جليد زى كندا ..

ايه يعنى المساوئ اللى فى استراليا علشان نفهم طيب ؟

أو عموما ايه هى الفروق بين كندا واستراليا بالنسبة للدخل وجودة المعيشة ؟؟

و الله هو كثر القيل و القال فى موضوع كندا و استراليا مش فى منتدانا بس لأ ده فى كل منتديات العالم و فى اى مناقشة تطلع بمجموعة بتقول كندا و مجموعة تانية بتقول استراليا

انا عت نفسى اما بحب اقيم اى بلد بفضل استخدام تقرير الامم المتحده بتاع Human Developed Report

و فى ناس بتسمية best place to live

ده تقرير بتطلعة كل سنه و احيانا مرتين فى السنة و بتقوم بترتيب دول العالم و التقييم ده اعتقد انه بيعتمد على تلات حاجات

الصحة و التعليم و متوسط دخل الفرد

http://hdr.undp.org/en/statistics/

و طبعا هتلاقى كندا فى المركز التالت و استراليا فى المركز الرابع يعنى تقريبا مفيش فرق بينهم

و طبعا هتلاقى بلدنا العزيزة قابعة فى المركز ال 116

[safar]

الخلاصة بالنسبة لاستراليا - المحاسبين

ابعت ورق الجامعة( - شهادة + درجات + وصف المواد باللغة العربي ومترجم للانجليزي - صورة طبق الاصل - ) الى NIC

لازم تكون دارس على الاقل 9 مواد تخصص من مواد جامعات استراليا علشان يبعتولك رد ايجابي, لو رفضوا حتبعت للمكان التاني

تاخد الاوراق مع صورة جواز السفر وشهادات الخبرة والايلتس 6666 جنرال وتبعته بالبريد والايلتس للزوجة 4.5 في كل قسم

بعد 15 - 18 شهر الميديكال وحسن سير وسلوك وبعديها ب 3 شهور الفيزا

تروح تعمل لاندينج وبعد 4 سنوات تاخد الجنسية , لازم اخر سنه تكون قاعد هناك بشكل متواصل

طيب ينفع اعمل لاندينج واخرج ثم ارجع تاني بعد مرور ال 3 سنوات عشان اكون هناك خلال السنة الرابعة

إذا لم نكن بحاجة لنقاط من الزوجة هل يجب عليها أن تقدم امتحان الايلتس و يكون 4.5 في كل مهارة من المهارات الأربع الرجاء الإفادة؟

مع تحياتي للجميع

[manoual]

السلام عليكم

فى البداية أنا خريج كلية تجارة جامعة طنطا عربى شعبة محاسبة دفعة 2006 تقدير جيد والمهم من ساعة التخرج خدت كورسات أنجليزى جامعة امريكية وICDL المهم حاولت ألاقى شغل ملقيتش فسافرت السعودية زيارة وأشتغلت لشركة لمدة 3 شهور ورجعت علشان الزيارة خلصت والمهم الجماعة دول قالولى حنبعتلك فيزا وبش عارف ايه وعيشونى فى وهم المهم أنا باقلى سنة ونصف من ساعة لما لجيت وبدور على شغل محاسب وملقيتش حاجة خالص !!!! والمهم جت فترة ويئست وقدمت كمندورب مبيعات بص تكون تكون فى حاجة محترمة شركات أدوية أو أتصالات وطبعا لقيتها كلها خلاص حتى بقيت بالواسطة !!! و فالمهم أنا خلاص زهقت على فكرة انا فى السنة ونصف دوللفيت على مكاتب محاسبة وقالولى أحنا عايزين ناس من 2007 و2008 وأنتا جى تعمل أيه عندنا وحتعمل أيه بالمبالغ البسيط أيه !

قولتلهم حتى يبقى اسمى أشتغل لقيتهم فى وادى ثانى !! وقدمت فى كل ماتتخيله بنوك وشركات مسيبتش حتى شركات سفر للخليج ومحصلش نصيب .

المهم دلوقتى أنا خلاص يئست ومستعد اعمل أى حاجة وبصراحة أنا نفسى اسافر استرالياساسا أو حتى كندا أو جتى نيوزلندا

المهم هنا أنا شرحتلكم حالتى و دلوقتى عايز منكم تقولولى اعمل أيه أو أنتوا بعيد عن الكلام بتاع شروط الفيزا

أيه هيا الخطوات اللى أقدر اعملها وبسرعة علشان خلاص الدفعة الثالثة حتتخرج من بعديا مبقاش فى أى فرص!!!

أرجوكم الرد بسرعة جدا وأيه اللى لافضلى من وجهة نظركم

ايه ياجماعة فين الردود ؟ ولا أنا مليش فرصة من اساسه فى الكوكب دة !!!!!

[Ahmed Unknown]

عندى سؤال مهم يا جماعة

معظم الاوراق المطلوبة فى السكيل اسسمنت و التقديم على الهجرة مطلوب صور موثقة او "Certified copies"

هل هى مجرد صور للأوراق و مكتوب عليها بخط اليد "صورة طبق الاصل" , و مختومة بختم النسر

ولا دى محتاجة للتوثيق من الخارجية و السفارة الاسترالية؟

يعنى ببساطة ما هى ال "Certified copy"؟

و ماهى الخطوات الواجب اتباعها لعمل "Certified copy" لشهادة التخرج على سبيل المثال؟

و كمان منين الواحد يختم الصور؟ هل هناك جهة معينة لتوثيق الاوراق؟

تم تعديل 9 مايو 2009 بواسطة Ahmed Unknown

[masri]

والله يا مصري انت هاتضرب باب كندا وباتطفش الزباين

انا واحد من الناس دماغي بدات تلعب جامد

وخصوصا ان عندي فرصة 5 سنين اطلع وارجع موش 3 زي كندا

وموش هاعيد ايلتس

بس موضوع العنصرية هناك هو اللي قالقني شوية

يعني كل واحد ياخد بونية في وشه في الايلتس يقع مدروخ تشيلة الاسعاف على التوبيك بتاعك ومنه على استراليا :rolleyes: :blink:

والله يا صاحبى الواحد بيحاول يرد على استفسارات الناس زى ما لقيت اللى يساعدنى و يرد على استفساراتى

وبعدين انا للاسف كتبت فى الموضوع ده متاخر نسبيا(طبعا مش بخطرى) لان استراليا للاسف الشديد حتبدا تتعسف فى موضوع الهجرة من السنة الجاية

غالبا التقديم حيكون بشرط 7777 و بصراحة انا باللى شفته فى الايلتس يخلينى اشهد بالكفاءة لاى انسان معاه 7777

وخصوصا ان عندي فرصة 5 سنين اطلع وارجع موش 3 زي كندا

الجنسية كانت زمان بعد سنتين دلوقتى بعد اربعة و على فكرة الامتحان مش صعب عبارة عن 20سوال مطلوب اجابة فى 20دقيقة

طبعا بالنجليزى و الكتيب اللى الناس بتتسال فيه عبارة عن 50 ورقة بتكلمو عن كل حاجة فى استراليا و كمان موجود بالعربى

[masri]

عندى سؤال مهم يا جماعة

معظم الاوراق المطلوبة فى السكيل اسسمنت و التقديم على الهجرة مطلوب صور موثقة او "Certified copies"

هل هى مجرد صور للأوراق و مكتوب عليها بخط اليد "صورة طبق الاصل" , و مختومة بختم النسر

ولا دى محتاجة للتوثيق من الخارجية و السفارة الاسترالية؟

يعنى ببساطة ما هى ال "Certified copy"؟

و ماهى الخطوات الواجب اتباعها لعمل "Certified copy" لشهادة التخرج على سبيل المثال؟

و كمان منين الواحد يختم الصور؟ هل هناك جهة معينة لتوثيق الاوراق؟

اسهل و ارخص و اامن طريقة حضرتك تروح على السفارة فى السعودية و تتطلب منهم عمل السيرتيفيد كوبى

تكون مجهز الاصل و الصورة تحته

حاجة تانية .., لما تروح السفارة اعمل نسختين من ورق الاسيسمنت عشان انت حيطلب منك نسخة من كل الاوراق اللى اقدمتها للاسكيل اسسمنت تانى فى الابليكيشن الكبير

واخد بالك :rolleyes:

[masri]

الخلاصة بالنسبة لاستراليا - المحاسبين

ابعت ورق الجامعة( - شهادة + درجات + وصف المواد باللغة العربي ومترجم للانجليزي - صورة طبق الاصل - ) الى NIC

لازم تكون دارس على الاقل 9 مواد تخصص من مواد جامعات استراليا علشان يبعتولك رد ايجابي, لو رفضوا حتبعت للمكان التاني

تاخد الاوراق مع صورة جواز السفر وشهادات الخبرة والايلتس 6666 جنرال وتبعته بالبريد والايلتس للزوجة 4.5 في كل قسم

بعد 15 - 18 شهر الميديكال وحسن سير وسلوك وبعديها ب 3 شهور الفيزا

تروح تعمل لاندينج وبعد 4 سنوات تاخد الجنسية , لازم اخر سنه تكون قاعد هناك بشكل متواصل

طيب ينفع اعمل لاندينج واخرج ثم ارجع تاني بعد مرور ال 3 سنوات عشان اكون هناك خلال السنة الرابعة

إذا لم نكن بحاجة لنقاط من الزوجة هل يجب عليها أن تقدم امتحان الايلتس و يكون 4.5 في كل مهارة من المهارات الأربع الرجاء الإفادة؟

صح كده مع مراعاة ال 4.5 اوفراوول يعنى لمجموع المهارات يعنى من شرط 4.5 فى كل مهارة تحديدا

خلى بالك دى ممكن تفرق كتير مع الناس اللى مستواها مش جامد

مع تحياتي للجميع

[masri]

طيب ايه هما المواد الي قالولك حتدرسها هناك..؟

current issues in accounting (standards and theory)

taxation law

company law

التلت مواد دول عشان تاخد ترخيص تشتغل محاسب

بدونهم تشتغل كليرك بس بردو الحياة مش وردية

يعنى لازم لغة و علاقات و مهارات شخصية

زى اى حتة ف الدنيا

[masri]

الأخ الكريم / مصرى

أناعمرى 29 سنة

متزوج - الزوجة مؤهل عالى - متوسطة فى الانجليزى

بكالوريوس تجارة عربى 2002 جامعة الاسكندرية

الانجليزى متوسط -بذاكر ايلتس

الخبرة 6 سنوات

ليس لى أقارب بأستراليا

أرجو التواصل إن أمكن على الميل ....

شوف يا ريسى ا

انا حافكر معاك بالراحة

لو انت مش كنداوى من اساسة و مصمم على استراليا

يبقى نصيحتى انك تفكر فى موضوع ال nomination يعنى تدخل على فيزا هجرة موقتة لمدة سنتين برعاية الحكومة بتاعة ال south australia

ليههههههههههههههه عشان حضرتك لسة بتذاكر الايلتس و القوانين عمالة بتتغير

المهم انك تحط رجللك فى استراليا وبعدين تروح المكان اللى انت عايزه بعد سنتين .......ده اقتراح

بس حيكون مطلوب انك تثبت انك عندك اصول (ممتلكات فى حدود 100000 جم + 50000 نقدية بالبنك ) + ايلتس اوفر اوول 5.5 + اسكيل اسيسمنت

هو ده كل المطلوب

___________________________

عموما انا لو مكانك و غاوى استراليا اوى

حاعمل حجتين ملهمش تالت

تبدا بتجهيز ورق المعادلة

شد على نفسك على الاخر فى موضوع الايلتس و لو انت ماشى فى الايلتس احجز معاد و ادخل الامتحان

لو جبت اسكور 5.5 متترددش ............ الفلوس حتتدبر و الممتلكات كمان بس

فى مشكلة واحدة وقتها انك حتضطر تمشى مع محامى و بعدين المحترم فيهم بيعملها ب 3000 استرالى

طبعا لو لعبت معاك و جبت 6666 حيبقى انشاء الله مش حتمشى مع محامى بس مش عارف القانون فى يوليو و سبتمبر حيكون شكله ايه

توكل على الله و اجتهد فى الايلتس حاليا بكل جهدك و طاقتك و ربنا انشاء الله حيفتحلك والسكك بعد كده لو ليك نصيب

muhammed_hussein1980 على الياهو أو الهوت

لك جزيل الشكر

وبشكر الاخ البوستمى على المساعدة ايضا ونرجوا التواصل

أخوكم / أبو إياد

[masri]

:rolleyes:

تم تعديل 9 مايو 2009 بواسطة masri

[Ahmed Unknown]

عندى سؤال مهم يا جماعة

معظم الاوراق المطلوبة فى السكيل اسسمنت و التقديم على الهجرة مطلوب صور موثقة او "Certified copies"

هل هى مجرد صور للأوراق و مكتوب عليها بخط اليد "صورة طبق الاصل" , و مختومة بختم النسر

ولا دى محتاجة للتوثيق من الخارجية و السفارة الاسترالية؟

يعنى ببساطة ما هى ال "Certified copy"؟

و ماهى الخطوات الواجب اتباعها لعمل "Certified copy" لشهادة التخرج على سبيل المثال؟

و كمان منين الواحد يختم الصور؟ هل هناك جهة معينة لتوثيق الاوراق؟

اسهل و ارخص و اامن طريقة حضرتك تروح على السفارة فى السعودية و تتطلب منهم عمل السيرتيفيد كوبى

تكون مجهز الاصل و الصورة تحته

حاجة تانية .., لما تروح السفارة اعمل نسختين من ورق الاسيسمنت عشان انت حيطلب منك نسخة من كل الاوراق اللى اقدمتها للاسكيل اسسمنت تانى فى الابليكيشن الكبير

واخد بالك :winner:

شكرا جدا يا استاذ مصرى و جزاك الله خير

طيب لو انا عايز اعمل ال "Certified Copy" من مصر اعملها منين؟

اصل انا كنت ناوى اعمل الموضوع كلة من مصر عشان كده كده كنت محتاج اطلع شهادة من الكلية و بيان بالدرجات و المواد عشان السكيل اسسمنت و اهو استغل الاجازة فى حاجه مفيدة

و كمان عشان موجعش دماغى بالاوراق بفكر فى الاستعانة بمحامى عشان انا مش هينفع اقدم ورق ناقص او ان يتطلب منى ورق تانى و انا فى السعودية و كمان عشان يتابع الموضوع و الاقى حد اوصل له بسهوله اما احب اعرف اى معلومات

بس الصراحة انا شايف موضوع ال 3000 دولار دول كتير و هل بردوا الشركات اللى فى مصر بتاخد نفس المبلغ؟

انا سمعت من واحد قدم من دبى و دفع للمحامى 10000 درهم بس هل المبلغ ده بيبقى ثابت نسبيا ولا ممكن يبقى اقل فى مصر؟

[manoual]

أنا عايز اعرف هو مفيش حد بيرد عليا ليه؟؟؟؟

[أحمد سيف]

أنا عايز اعرف هو مفيش حد بيرد عليا ليه؟؟؟؟

لو قريت الموضوع من الأول هاتلاقي إجابة سؤالك

[Ahmed Unknown]

معلش يا جماعة انا سمعت قبل كده فى المحاورات عن المعهد الاسترالى IDP , و طبعا بصيت على الموقع و لقيت ليهم فرع هنا فى الرياض

اتصلت بيهم النهاردة و رد عليا موظف هناك و قالى ان معندهمش IELTS لا امتحان ولا اختبار ولا اى حاجة و قالى عايز ايلتس روح البريتش كونسيل

فى اى حد من الاخوة فى الرياض عنده معلومات؟

واحد صاحبى هنا قدم على IELTS فى البريتش كونسيل و بعد تحديد المستوى قالوا له لازم تاخد كام ليفيل انجليزى قبل الايلتس

المهم الليفل ب 2000 ريال و طبعا عايز له 3 او 4 ليفيلز عشان يخش الامتحان فطبعا ده يبقى استهبال

انا كنت باخد الليفل فى الجامعة الامريكية فى مصر بحوالى 250 جنية و اعتقد البريتش كونسيل كان ب 450 جنية

اى نصيحة من السادة الاعضاء؟

تم تعديل 10 مايو 2009 بواسطة Ahmed Unknown

[أحمد سيف]

معلش يا جماعة انا سمعت قبل كده فى المحاورات عن المعهد الاسترالى IDP , و طبعا بصيت على الموقع و لقيت ليهم فرع هنا فى الرياض

اتصلت بيهم النهاردة و رد عليا موظف هناك و قالى ان معندهمش IELTS لا امتحان ولا اختبار ولا اى حاجة و قالى عايز ايلتس روح البريتش كونسيل

فى اى حد من الاخوة فى الرياض عنده معلومات؟

واحد صاحبى هنا قدم على IELTS فى البريتش كونسيل و بعد تحديد المستوى قالوا له لازم تاخد كام ليفيل انجليزى قبل الايلتس

المهم الليفل ب 2000 ريال و طبعا عايز له 3 او 4 ليفيلز عشان يخش الامتحان فطبعا ده يبقى استهبال

انا كنت باخد الليفل فى الجامعة الامريكية فى مصر بحوالى 250 جنية و اعتقد البريتش كونسيل كان ب 450 جنية

اى نصيحة من السادة الاعضاء؟

لوعندك وقت خلال الأجازة خذ كورسات انجليزي في الجامعة الأمريكية بالقاهرة ... أنا عن نفسي أخذت كورس المستوى 11 سنة 2002 هناك وكان ممتااااااااااااااز

غير كده يبقى ما تستخسرش في كورسات البريتيش كونسيل لأنك هاتتعلم انجليزي صح ... ومش لازم تاخذ 3 أو أربع كورسات ولا حاجه ممكن كورس أو اثنين يؤدوا الغرض وانت اللي تحدد امتى تدخل الامتحان بعد كده بناء على التحسن في مستواك

نقطه مهمة ثانية لازم تحطها في بالك ... الكورسات دي انت مش هاتاخذها علشان بس تعدي الأيلتس ... انت محتاج ترفع مستواك في الانجليزي قبل ما تروح استراليا أو كندا أو أي دولة أجنبية علشان تعرف تعيش وتشتغل ... وحتى لو ما كانش فيه نصيب انك تروح لأي سبب فالانجليزي اللي اتعلمته مش هايخسر معاك وممكن يحسن وضعك كثير في الشغل ويفتح قدامك سكك ثانيه

عادة امتحانات الأيلتس بتكون تبع البرتش كونسيل وماسمعتش إن ال IDP بيعمل الامتحان ده إلا من الإخوة في الكويت ... نصيحتي توكل على الله وسجل في الكورسات

[Ahmed Unknown]

لوعندك وقت خلال الأجازة خذ كورسات انجليزي في الجامعة الأمريكية بالقاهرة ... أنا عن نفسي أخذت كورس المستوى 11 سنة 2002 هناك وكان ممتااااااااااااااز

غير كده يبقى ما تستخسرش في كورسات البريتيش كونسيل لأنك هاتتعلم انجليزي صح ... ومش لازم تاخذ 3 أو أربع كورسات ولا حاجه ممكن كورس أو اثنين يؤدوا الغرض وانت اللي تحدد امتى تدخل الامتحان بعد كده بناء على التحسن في مستواك

نقطه مهمة ثانية لازم تحطها في بالك ... الكورسات دي انت مش هاتاخذها علشان بس تعدي الأيلتس ... انت محتاج ترفع مستواك في الانجليزي قبل ما تروح استراليا أو كندا أو أي دولة أجنبية علشان تعرف تعيش وتشتغل ... وحتى لو ما كانش فيه نصيب انك تروح لأي سبب فالانجليزي اللي اتعلمته مش هايخسر معاك وممكن يحسن وضعك كثير في الشغل ويفتح قدامك سكك ثانيه

انا كنت اخدت المستوى العاشر و الحادى عشر من الجامعة الامريكية فى مصر فى 2007 ووقفت عند ال "Advanced Levels" اعتقد كانوا ال 12 و ال 13

ووقتها كنت شغال فى شركة امريكية يعنى الانجليزى مش وحش بس انا كنت عايز اول حاجة مراجعة ثانيا تدريب على الامتحان اولا عشان انا بكرة المتحانات جدا

ثانيا لو دخلت الامتحان لا قدر الله و مجبتش سكور كويس ممكن يجيلى احباط بعيد عن السامعين و مكملش :wub:

عموما الاسبوع ده هبتدى احضر للسكيل اسسمنت و بعد كده ربنا يحلها بقى فى الايلتس

بس محدش رد يا جماعة على موضوع تصديق الورق من مصر !!!

[masri]

يا استاذ احمد

اعمللك ايه عشان تصدقنى

حضر تك حتروح الwtc اللى اشهر من نار على على

حتطلع الدور ال 13

حتلاقى

ياما شاب محترم امير

او انسة محترمة شرين

حتقولوهم انا عايز اعمل سيرتيفيد لورقى

حيدوك استمارة تملاها و تدفع 22 جنيه لل tnt

المفروض خلال 4 يوم عمل يوصللك الجواب

لا حيوصللك تانى يوم مختوم

ومفيش اسهل من كده

طب اسمع ديه

انا عملت ورقى سيرتيفيد فى السفارة على 3 مرات

مرتين مع 2 صحابى و الاخيرة بنفسى

حتلاقى ناس محترمة

والعملية 10 دقائق انتظار تقعد تتفرج فيهم على النيل من البانوراما

تمام يا عم

[safar]

بالنسبة للنسخ المراد تصديقها أحد الأخوة قال أنه يمكن تصديقها من السفارة الاسترالية في الرياض حسناً ، الآن أوراق مختومة من عدة خارجيات الكويتية واللبنانية والقطرية والأردنية ، هل جميع هذه الأختام للخارجيات المختلفة ستقوم السفارة الاسترالية في الرياض بالمصادقة على صورها بأنها صور طبق الأصل.

ما أعرفه أن السفارة في بلد ما لا تصادق على تصديق خارجية البلد التي هي به.

أفيدونا أفادكم الله.

مع تحياتي للجميع

[Ahmed Unknown]

يا استاذ احمد

اعمللك ايه عشان تصدقنى

حضر تك حتروح الwtc اللى اشهر من نار على على

حتطلع الدور ال 13

حتلاقى

ياما شاب محترم امير

او انسة محترمة شرين

حتقولوهم انا عايز اعمل سيرتيفيد لورقى

حيدوك استمارة تملاها و تدفع 22 جنيه لل tnt

المفروض خلال 4 يوم عمل يوصللك الجواب

لا حيوصللك تانى يوم مختوم

ومفيش اسهل من كده

طب اسمع ديه

انا عملت ورقى سيرتيفيد فى السفارة على 3 مرات

مرتين مع 2 صحابى و الاخيرة بنفسى

حتلاقى ناس محترمة

والعملية 10 دقائق انتظار تقعد تتفرج فيهم على النيل من البانوراما

تمام يا عم

يا باشا انا مصدقك و جزاك الله الف خير

معلش هوه ايه ال wtc ده؟

هل ده جزء خاص فى السفارة ؟ ولا ده حاجه تانية؟

و كمان عشان اعمل سيرتفيد كوبى لورقة على سبيل المثال شهادة الجامعة هل هى محتاجة تتختم من مكان ما قبل السفارة؟

ولا اخد الشهادة من الجامعة على السفارة عدل ؟

و بعد ما اعمل سيرتفيد كوبى من السفارة ابعت الورق على استراليا عدل؟ ولا لازم يتختم من مكان تانى زى السفارة الاسترالية على سبيل المثال؟

و بالنسبة لشهادة الخيرة اللى طالعة من السعودية دى تتعمل سيرتفيد كوبى منين؟ السفارة بردوا؟ و هل لازم تتصدق من الغرفة التجارية ؟

معلش اسف على اسئلتى الكتير بس انا خيبة اوى فى موضوع الاوراق دى ... كل اللى افهم فيه الكمبيوتر و النت و الكلام الفارغ ده cr((:

[Ahmed Unknown]

بالنسبة للنسخ المراد تصديقها أحد الأخوة قال أنه يمكن تصديقها من السفارة الاسترالية في الرياض حسناً ، الآن أوراق مختومة من عدة خارجيات الكويتية واللبنانية والقطرية والأردنية ، هل جميع هذه الأختام للخارجيات المختلفة ستقوم السفارة الاسترالية في الرياض بالمصادقة على صورها بأنها صور طبق الأصل.

ما أعرفه أن السفارة في بلد ما لا تصادق على تصديق خارجية البلد التي هي به.

أفيدونا أفادكم الله.

مع تحياتي للجميع

الموقع بتاع السفارة الاسترالية على النت بيقول انهم بيقدموا خدماتهم للسعوديين و الاستراليين فقط

The Visa and Citizenship Section of the Australian Embassy in Riyadh accepts appointments for temporary residence visa applications from Saudi nationals only. Saudi nationals may also choose to use the services of our service delivery partner, VFS, in the Kingdom.

اما المقيمين اللى زيينا بيقدموا على الفيزا اى اى خدمة من خلال حاجه اسمها VFS و دى بتبقى موجودة فى مكاتب ارامكس Aramex

Non-Saudi nationals should contact our service delivery partner, VFS, for lodgement of applications at one their office locations in the Kingdom (Riyadh, Damman or Jeddah). Please refer to VFS service for contact details

http://www.saudiarabia.embassy.gov.au/ryad..._Migration.html

http://www.saudiarabia.embassy.gov.au/ryad/vfs.html