اتجوز ... عشان تروق و تحلى

[الباشمهندس ياسر]

صباح الخير يا بشمهندس ياسر :lol: bv:-

حيث اننا فى نفس المركب ( اصل انا عازب كمان والحمد لله )

حبيبت اجيب لك كل الحوارات والحكايات اللى العزاب والمتزوجين بيقولوها عن الزواج

مش حتصدق لما تقرأ نفس الكلام اللى اتقال لك بالضبط :D

اقرأ كتاب شكلها باظت الفصل الخاص بكيف يعيش العازب فى مصر ؟؟ ص173

لتحميل الكتاب

تحياتى

انا عايز اقولك شكرا جدا ع الكتاب ده

و لو عندك تانى اعمل معانا دور واجب بقى و ابعتهم

و عقبال ما نخدمك يوم فرحك

السلام عليكم

جرى ايه يا باشمهندس انت مش ناوي تفرحنا

شوف يا سيدي انا الحكاية دي حصلت معايا والله على ما أقول شهيد

انا اتقدمت لواحدة (اللي هي خطيبتي دلوقتي) وكنت عالحديدة (مش عايز أتجوز بمساعدة الوالد ربنا يباركلي فيه) طبعاً المرتب اللي جاي بيطير

لأني في حتة التحويش دي تعبان قوي

المهم اتقدمت وشرحت ظروفي وأني بحاول على أد ما أقدر وبصراحة الناس أشتروني والحمد لله

والله أول ما خطبت شهر بالظبط جالي عقد سفر للكويت والحمد لله بدأ الرزق يظهر

كنت في شركة صغيرة قدرت اشتري شقة في خلال سنه ونص تقريباً

ولو قلتلك تفاصيل ازاي ربنا يسرلي الشقة دي وازاي الموضوع تم من غير معاناه مش حتصدقني

كان ليا واحدة قريبتي عندها شقة مش محتاجاها المهم في الفترة اللي كنت بدور علي الشقة (في خلال أجازتي اللي كانت شهر)

المهم في خلال اسبوع من نزولي لقيتها بتعرض على الوالدة لوحدها انها تديني الشقة بحيث أدفع 20 ألف الأول والباقي بالتقسيط

وسبحان الله ربنا يسرها

ورجعت الكويت بعد ما الإجازة خلصت وطبعاً بتزيد الأعباء المالية واحدة واحدة

وراك فرش وعفش وتوضيب المهم ربنا كرمني بأني حولت على شركة أكبر شوية بمرتب ضعف المرتب الأولاني ولله الحمد

وان شاء الله حتجوز شهر 6 اللي جاي (دعواتكم جميعاً) والحمد لله الشقة بقت جاهزة من كله

والله لما ببص لل 3 سنين اللي فاتوا واني ازاي عملت كل ده مش عارف والله

ربنا يخليلي الوالد والوالده بصراحة الأتنين مش مقصرين معايا يعني وانا مسافر هما شايلين هم التوضيب والإقتصاد وتكميل الفلوس لو حاجة ناقصة

بس بجد الواحد فرحان ان ربنا أكرمه ولوحده عمل كل ده

برضو لما تبقى خطيبتك مش معقداك في حياتك وبتقولك ان كل حاجة بتيجي براحتها

ده بيساعدك كتير ان مايبقاش في ضغط عليك

وحفكرك بحديث الرسول صلى الله عليه وسلم "ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف"

وسيدنا عمر رضي الله عنه قال "عجبت لمن ابتغى الغنى بغير النكاح والله عز وجل يقول : {إن يكونوا فقراء يغنهم الله من فضله}"

وسيدنا أبو بكر قال في تعليق على الآية دي "أطيعوا الله فيما أمركم به من النكاح ينجز لكم ما وعدكم به من الغنى.

توكل على الله وسيبها عليه

mf-:

ربنا يتم لك على خير

و يهدى عليا نفسى اللى هتودينى لفين مش عارف

صح يا ياسر كلام الجدار سليم والله

لو نويت واتوكلت على الله ربنا هيفتحها عليك

ومتخافش انت ونصيبك وان شاء الله يبقى خير

ان شاء الله يبقى خير

ادعيلى معاكى.. اوعى تنسينى

التقوى ثم التقوى

بِسْمِ اللهِ الرَّحْمنِ الرَّحِيمِ

وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب

والله العظيم يا باشمهندس كل اللي أعرفهم من المتجوزين من اللي حالهم كرب

كانوا باينين من أولها " كله افترى ومنظرة وقلبهم مش على بعض "

يعني من أول اشتراط شبكة كبيرة ومهر مبالغ فيه و عايزه وبحب ومابحبش

والفرح لازم يكون أحسن من فرح فلانة.........

بس هو ده مربط قلة البركة

لكن على العكس تماما كل اللي بيرضى ويضحي عشان البيت يعمر وما بيبصش

للمبالغات التافهة ربنا بيكرمه........

وأنا مثل من أمثلة الجوازات اللي إبتدت بدبلتين بس .......

ما أنا عشان كده بحب كلمة بركة وبحب أعرف الناس دايما سر التقوى والبركة في حياتي........

مش عارف اقولك ايه يا بركة و الله

روحى ربنا يباركلك و يتم عليكى

[الباشمهندس ياسر]

ياعم ياسر يا ابني

انت نقي واحدة ماللي جبتهملك وهما اللي هيصرفوا عليك متشغلش بالك :lol: bv:-

اهلا بست الدكتوووووووورة ( وش اللمبى ف اللى بالى بالك )

يعنى بتشردي ع الملأ كده... mf-:

تحبى بقى نشرد لبعض و نعملها سلطة بابا غنوج دلوقتى :lol:

عموما ... نتحاسب بعدين :D

أيوه يا باشمهندس الكلام ده صحيح

الزواج سبب في سعة الرزق

وهذا المعنى موجود في القرآن الكريم

قال بعض المفسرين في تفسير قوله تعالى:

{وأنكحوا الأيامى منكم والصالحين من عبادكم وإمائكم إن يكونوا فقراء يغنهم الله من فضله والله واسع عليم (32) وليستعفف الذين لا يجدون نكاحا حتى يغنيهم الله من فضله ...}

{ يغنهم الله من فضله } فلا يمنعكم ما تتوهمون، من أنه إذا تزوج، افتقر بسبب كثرة العائلة ونحوه، وفيه حث على التزوج، ووعد للمتزوج بالغنى بعد الفقر.

{ والله واسع } كثير الخير عظيم الفضل ....

وهذا رأيته بيعيني كثيرا وأمر مشاهد

كل من نوى الزواج وسعى وأخذ بالأسباب الله عز وجل بيسر له أموره

لكن أهم شيء تكون نيته العفاف..

طيب نيجي للإشكال اللي حضرتك ذكرته

وهو إنك بتشوف كثير من المتزوجين بيقترضوا وظروفهم صعبة

فالجواب من عدة وجوه:

أولا: إن الغنى المذكور في الآية لا يشترط أن يكون ثراء فاحش, وإنما هو الكفاية , يعني أن الله سيكفيك مؤنة الزواج وتبعته, وإن كنت ستضطر للاقتراض فالله عز وجل سيغنيك في رد هذه الديون..

ثانياً: أن وعد الله بالإغناء ينبغي معه السعي , وهذا كقولنا : أن من يتوكل على الله فسوف يغنيه الله وييسر له أموره, لكن يجب الأخذ بالأسباب

والواقع يقول: أن كثير من الناس كسالى لا يسعون في طلب الرزق بجدية

والرجل المتزوج صاحب العيال إذا سعى بجدية في طلب الرزق فسوف يغنيه الله

هذا ما يحضرني الآن والله أعلم بالصواب

وتوكل على الله يا عم بقى , والحق اتجوز وانت صغير

أنا سامع إن الرجالة دلوقتي بتفيّص بدري

حدثني صديق لي دكتور إن أغلب مرضى عيادات العجز الجنسي في مصر في عمر ال 35 وانت طالع

والموضوع ده بقى أهم من الفلوس بكثير

ربنا يوفقك :)

شكرا ع التوضيح يا عم سهل

ربنا يجزيك خير

بس ايه موضوع بيفيصوا بدرى ده

احنا صعايده بالصلاة على الحبيب النبى

اوعى وشك يا عمنا

و بعدين ازيدك من الشعر بيت

اى حد بيحافظ على نفسه لغاية ما ربنا يكرمه

بيبقى بمب البمب و زى الفل كمان ;)

[~Heba~]

اتجوز ... عشان تروق و تحلى

انت بس قول ان شاء الله bv:-

الواحد بيتجوز عشان دى سنة الحياة و على رقاب العباد الموت و الزواج بسسسسسسسسس :lol:

[الباشمهندس ياسر]

اتجوز ... عشان تروق و تحلى

انت بس قول ان شاء الله mf-:

الواحد بيتجوز عشان دى سنة الحياة و على رقاب العباد الموت و الزواج بسسسسسسسسس :lol:

اهلا باشمهندسة

اسمحيلى استثمر وجودك و اسالك

هما المهندسات معقدات اوى كده ليه ... عكس المهندسين خااااااااالص bv:-

[عنبو]

الو الو 1 2 3 4 5 احم احم

انا شخصيا حاسس ان هيجى يوم واتجوز والاحساس ده جالى من فتره قريبه يعنى مش من زمان بس يارب يكون خير على العموم انا كل لما افكر فى مسؤلية الجواز والمشاكل اللى بتحصل لما ربنا يوعدك بواحده دماغها متركبها عسريوى يبقى عليه العوض ومنه العوض يامعلم ؟؟ وربنا يسترها علشان كده الواحد دائما بدعى ربنا يارب لو كتبت ليا انى اتجوز ابعتلى واحده تكون زييى يعنى نفس تفكيرى اصل الواحد معدش مستحمل طبطبه وتدليع

والدعاء "" اللهم اتنا فى الدنيا حسنه وفى الاخره حسنه وقنا عذاب النار ""

[Tarek_ml]

طبعا الزواج ومشاكله الماديه .. والاولاد ومشاكلهم .. التربيه .. والعيشه والى عيشينها اكيد احسن من الوحده العيشه زى القرد لوحدى

بس متهيألي ان السعة المادية مع الجواز وطفلين جمال لطاف هتكون الدنيا جميلة بس متتجوزش واحدة نكدية او غبية او غلسة .

والله الموضوع ده زى البطيخه ..... ابقى طبل عليها كويس

[فنان محتار]

يا الف خسارة على الشباب اللى بتنحنى بارادتها علشان تتربط فى الساقية وايه تقول ( خلوكوا مرتاحين انا هغمى عنيا بنفسى ) بس يا عم وتدخل الدايرة وتلف وللاسف ان الاغلبية فاكرة ان الدايرة دى ليها نهاية ومش بس كده بعد سنة ولا اتنين تلاقى ولد ولا اتنين مش مكفيهم حمل الساقية على اكتافك وطول المشوار وانت بتلف لأ دول يركبوا على اكتافك كمان وهاتك يا لف يا معلم وكل لفه بنغزة من هنا على قرصة من هناك على هبشة من هنا على شقاوة من هناك وانت هاتك يا لف وعلى راى جاهين فى نظريته للثورة الجيزاتيه ..

( ايه الثورة الجيزاتيه دى !! ) اخلع غماك يا تور وارفض تلف .. كسر قيود القهر واشتم وتف

را الثور قال ايه ( بس لفه كمان .. ولفة كمان .. ولفة كمان ...... يا اوصل للنهاية يا البير يجف .. اخينا عشمان

لكن .. اجمل شئ فى الوجود هم واغلى حاجة ها تحس انك صحيح حصلت فى يوم ليك انك بصيت لقيت اولادك وخصوصا لو كانوا مليانين شقاوة وجنون زى اولادى تصح الصبح تلاقى الاتنين لمؤخزة على قفاك وايه هاتح صحصح ياعم ايه انت رحت فين .. والتانى هات السكينة ياد نفرفره .. وهاتك يا غلاسة وتباته وكل دا على الصبح بعد ما كنت بتصحى على موسيقى هادية او رنة موبيل او ريحة النسكافيه بتصحى عندك صدمة عصبية من الخضة لما عفريت من العفاريت يجى جنب ودنك اليمين بشوش وانت ايه فى احلاها نومة وباعلى صوته يقول جووووووووووووووووووووووووووووووووووووووووووووون مصر جابت جون !!! قولى ساعتها هاتعمل ايه .........

بص الجواز دا زى اللى قال تحبه وتلعن ابوه وكل من دخل فى الموضوع وعلى راى المثل

( ادعى على الى اتجوزوا قبلى ومنصحونيش وعلى اللى اتجوزوا بعدى ومشرونيش ))

واخيرا الف مليون مبروك ويا متزوجون هللو احنا هنزيد واحد ..

اشوفكم بعد جلسة التلج .. وعندك 2 كيلوا تلج بس فى كيس وحياتك ومتنساش الشليموووووووووووووووووووووووووع علشان الاولاد

[الباشمهندس ياسر]

الو الو 1 2 3 4 5 احم احم

انا شخصيا حاسس ان هيجى يوم واتجوز والاحساس ده جالى من فتره قريبه يعنى مش من زمان بس يارب يكون خير على العموم انا كل لما افكر فى مسؤلية الجواز والمشاكل اللى بتحصل لما ربنا يوعدك بواحده دماغها متركبها عسريوى يبقى عليه العوض ومنه العوض يامعلم ؟؟ وربنا يسترها علشان كده الواحد دائما بدعى ربنا يارب لو كتبت ليا انى اتجوز ابعتلى واحده تكون زييى يعنى نفس تفكيرى اصل الواحد معدش مستحمل طبطبه وتدليع

والدعاء "" اللهم اتنا فى الدنيا حسنه وفى الاخره حسنه وقنا عذاب النار ""

الف مبروك مقدما

و قلبى عندك يا هندسة و الله

طبعا الزواج ومشاكله الماديه .. والاولاد ومشاكلهم .. التربيه .. والعيشه والى عيشينها اكيد احسن من الوحده العيشه زى القرد لوحدى

بس متهيألي ان السعة المادية مع الجواز وطفلين جمال لطاف هتكون الدنيا جميلة بس متتجوزش واحدة نكدية او غبية او غلسة .

والله الموضوع ده زى البطيخه ..... ابقى طبل عليها كويس

يطبل من انهى اتجاه بالظبط

يا الف خسارة على الشباب اللى بتنحنى بارادتها علشان تتربط فى الساقية وايه تقول ( خلوكوا مرتاحين انا هغمى عنيا بنفسى ) بس يا عم وتدخل الدايرة وتلف وللاسف ان الاغلبية فاكرة ان الدايرة دى ليها نهاية ومش بس كده بعد سنة ولا اتنين تلاقى ولد ولا اتنين مش مكفيهم حمل الساقية على اكتافك وطول المشوار وانت بتلف لأ دول يركبوا على اكتافك كمان وهاتك يا لف يا معلم وكل لفه بنغزة من هنا على قرصة من هناك على هبشة من هنا على شقاوة من هناك وانت هاتك يا لف وعلى راى جاهين فى نظريته للثورة الجيزاتيه ..

( ايه الثورة الجيزاتيه دى !! ) اخلع غماك يا تور وارفض تلف .. كسر قيود القهر واشتم وتف

را الثور قال ايه ( بس لفه كمان .. ولفة كمان .. ولفة كمان ...... يا اوصل للنهاية يا البير يجف .. اخينا عشمان

لكن .. اجمل شئ فى الوجود هم واغلى حاجة ها تحس انك صحيح حصلت فى يوم ليك انك بصيت لقيت اولادك وخصوصا لو كانوا مليانين شقاوة وجنون زى اولادى تصح الصبح تلاقى الاتنين لمؤخزة على قفاك وايه هاتح صحصح ياعم ايه انت رحت فين .. والتانى هات السكينة ياد نفرفره .. وهاتك يا غلاسة وتباته وكل دا على الصبح بعد ما كنت بتصحى على موسيقى هادية او رنة موبيل او ريحة النسكافيه بتصحى عندك صدمة عصبية من الخضة لما عفريت من العفاريت يجى جنب ودنك اليمين بشوش وانت ايه فى احلاها نومة وباعلى صوته يقول جووووووووووووووووووووووووووووووووووووووووووووون مصر جابت جون !!! قولى ساعتها هاتعمل ايه .........

بص الجواز دا زى اللى قال تحبه وتلعن ابوه وكل من دخل فى الموضوع وعلى راى المثل

( ادعى على الى اتجوزوا قبلى ومنصحونيش وعلى اللى اتجوزوا بعدى ومشرونيش ))

واخيرا الف مليون مبروك ويا متزوجون هللو احنا هنزيد واحد ..

اشوفكم بعد جلسة التلج .. وعندك 2 كيلوا تلج بس فى كيس وحياتك ومتنساش الشليموووووووووووووووووووووووووع علشان الاولاد

ربنا يباركلك فيهم

بس انت مريحتنيش

يعنى اه ولا لآ

[mama nona]

وانت عازب ايه بيشغل حياتك ؟

ايه ال بيخليك تسافر وتتغرب وتحوش؟

بالفطرة عشان تلم جوازتك وتشترى شقتك

وبعد الجواز عشان تسدد ديونك وبعد كده عشن حمل وولادة وبعد شوية مدارس ودروس ولبس وخروج وفسح

طيب هو فيه احلى من كده تجديد فالحياة

كل يوم دماغك بتفكر فحاجة جديدة

شوف وانت عازب كان تفكير إزاى وبعد الجواز بقى إزاى ؟

وربنا يرزق كل ال هيتجوز وال اتجوز

:happy: :P cr((: lo:: :D

[الباشمهندس ياسر]

ماما نونا

اهلا بيكى

عايز اقول لحضرتك حاجة واحدة بس

ان المستوى المادى المرتاح مش شرط من شروط الزواج

لان كل واحد يتجوز ع قد ظروفه

و هيلاقى ناس م الشريحة بتاعته

و هيغرفوا يعيشوا بمستوى دخلهم مهما كان منخفض

ممكن يكون السفر لاهداف تانية... صدقينى

[~Heba~]

اهلا باشمهندسة

اسمحيلى استثمر وجودك و اسالك

هما المهندسات معقدات اوى كده ليه ... عكس المهندسين خااااااااالص :lol:

ايوة معقدات..على طريقة "رمتنى بدائها و انسلت" :lol:

على فكرة الرد الأخير على ماما نونا فى الصميم و احييك عليه

[زهراء رجب]

شكرا للموضوع و اللي بجد كله فايدة و فعلا سبحان الله

الزواج له فائدة كبيرة اعظمها غض البصر

كفي الحديث ثلاثة حق على الله عونهم و ذكر الناكح ريد العفاف

يارب وفقني في زواجي و سهل لي أمري أنا و كل المسلمين يااااااااااااااااااااااااااااااااااااااااااااااااااااااااااااااااااااااااااااااا

اااارب

[الباشمهندس ياسر]

اهلين هبه ... ازيك ؟

برد كده

رمتنى بداءها و انسلت... ماشى يا هبه

هعديها عشان خاطر النقابة اللى بتضمنا كلنا

بس انتى جبتى الكلام ده منين ؟؟ انا مش كده خالص

انا واخدها فرى لدرجة ان بقيت رمز التفاؤل ... حتى شوفى كده

:unsure: :happy: :lol:

################################################

انسة زهراء

اهلا بيكى معانا ف المنتدى

و ان شاء الله نحضر فرحك قريب

*************************************

حتة بسرعة كده قبل ما نمشى

تخيلوا

واحد زميلى جزائرى

قابلنى بعد ما رجهت الموقع

بيقولى

اتجوزت ولا مازال يا ياسر؟

قلتله لسه و الله محصلش نصيب

قالى انت كده تشيل ذنبين ... ذنبك و ذنب بنت مسلمة مستنياك تخبط على بابهم

سؤالى بقى

هو الكلام ده صح يا جماعه؟؟

[~Heba~]

حتة بسرعة كده قبل ما نمشى

تخيلوا

واحد زميلى جزائرى

قابلنى بعد ما رجهت الموقع

بيقولى

اتجوزت ولا مازال يا ياسر؟

قلتله لسه و الله محصلش نصيب

قالى انت كده تشيل ذنبين ... ذنبك و ذنب بنت مسلمة مستنياك تخبط على بابهم

سؤالى بقى

هو الكلام ده صح يا جماعه؟؟

لأ طبعا غير صحيح بالمرة

و ده بيفكرنى بالناس اللى بتقول على عمل المرأة انه السبب فى بطالة الشباب

طب افرض انك اتجوزت واحدة مسيحية مثلا

هيحرموا الزواج من الكتابيات عشان المسلمة اولى و عشان محدش يشيل ذنبها؟؟!!!!

لا طبعا الزواج نصيب و ممكن تكون واحدة ربنا كاتب لها انها متجوزش اصلا و تموت شابة..

محدش بيشيل ذنب حد فى الزواج لكن على الشاب انه يسعى للزواج لو كان ده فى راحة له و استقرار و انه يمنعه من الحرام و كمان لان الزواج يعنى اسرة و الاسرة نواة المجتمع المترابط مش المنحل و مظنش حد عايز مجتمعات منحلة فيها الناس مش بتتجوز و بيتكاثروا بطرق آلية....اللهم احفظنا :unsure:

تم تعديل 7 مايو 2009 بواسطة ~Heba~

[الباشمهندس ياسر]

لأ طبعا غير صحيح بالمرة

و ده بيفكرنى بالناس اللى بتقول على عمل المرأة انه السبب فى بطالة الشباب

طب افرض انك اتجوزت واحدة مسيحية مثلا

هيحرموا الزواج من الكتابيات عشان المسلمة اولى و عشان محدش يشيل ذنبها؟؟!!!!

لا طبعا الزواج نصيب و ممكن تكون واحدة ربنا كاتب لها انها متجوزش اصلا و تموت شابة..

محدش بيشيل ذنب حد فى الزواج لكن على الشاب انه يسعى للزواج لو كان ده فى راحة له و استقرار و انه يمنعه من الحرام و كمان لان الزواج يعنى اسرة و الاسرة نواة المجتمع المترابط مش المنحل و مظنش حد عايز مجتمعات منحلة فيها الناس مش بتتجوز و بيتكاثروا بطرق آلية....اللهم احفظنا :unsure:

باشمهندسة

و ايه التاكيد الجامد بالاوى ده

عموما الامور ابسط من كده

الراجل يقصد ان البنت مش هتطلع تخبط على باب العريس و تقول تعالوا اخطبونى

انما الولد هو اللى بيعمل كده

و كلامه فيه شىء من الصحة و مقدرش اقول الصح باطلاقه او النفى باطلاقه

عموما

ربنا يكرمنا و اياكى و الناس كلها