الي كل من سافر السعودية........أرجو الافادة

[Ahmed Unknown]

أشكرك جدا ..أنا مش هعرف مكان الشغل الا لما أوصل...........هيكون معايا سيارة ان شاء الله أنا مندوب دعاية طبية في شركة أدوية ...أنا صيدلي.........

كويس جدا انك هيبقى معاك سيارة و ده هيتيح لك الحرية فى السكن فى اماكن كثيرة بس طبعا متكونش بعيده اوى عن مقر عملك و طبعا هتعرف تشوف اماكن اكتر و تلف على شقق.

على فكرة سكن العزاب فى الرياض قليل اوى و هتعب شوية لحد ما تلاقى حاجه مناسبة و انا بنصحك انك تشوف حاجه فى شمال الرياض

انا ساكن هناك فى شقه اوضة و صالة و حمام و مطبخ امريكانى صغير مفتوح على الصالة يعنى تقريبا اللى بتدور عليه و فى مبنى نضيف و شارع كويس و منطقة امان جدا

كنت واخدها من سنه و نص كده كانت ب 12 الف فى السنه

و السنه دى غليت بقت ب 13

و طبعا من الافضل انك تسكن لوحدكفى البداية و بعد كده اما تلاقى ناس و اصدقاء ممكن تبقى تسكن مع حد

و طبعا اذا احتجت اى مساعده فيمكنك مراسلتى على الخاص

[drtaha]

بشكرك أوي أوي يا أبو حميد .....و هبعتلك علي الخاص

[drtaha]

أشكرك.......بس مش فاهم أقصدك اعمل بحث في جوجل علي مديكل ريب الرياض.....علي العموم هابحث

[drtaha]

نرجو من الاخوة من عنده معلومة لا يبخل بها لاي سبب

[Meneassy]

السلام عليكم

لما توصل ان شاء الله بالسلامة ممكن تكلمنى وانا ان شاء الله اساعدك فى ايجاد سكن مناسب

0567024397

[drtaha]

السلام عليكم

لما توصل ان شاء الله بالسلامة ممكن تكلمنى وانا ان شاء الله اساعدك فى ايجاد سكن مناسب

0567024397

ألف...ألف............شكر

[LOLLA]

حضرتك دكتور أم صيدلى أم ايه بالظبط ؟

وبانهى دولة ؟؟؟

[drtaha]

أنا صيدلي....للسعودية

[Alrefaey]

يوجد ورق بسيط اسئلة واجوباتها بتقرأهم فى يومين وبيجى 70 % من الامتحان منهم

الامتحان اختيار من متعدد ومسئلتين سهل جدا لو حضرتك حديث التخرج وعندك خلفية عن الادوية المتوفرة فى الصيدليات

الورق موجود مع ناس كتير ومرة شوفته هنا احد الاعضاء منزلة

لو انت فى الرياض ممكن تقولى انت موجود فى اى منطقة وانا ادلك على صيدلية تكون فيها الورق فى منطقتك

[drtaha]

أنا صيدلي...عملت مقابلة مع شركة أدوية سعودية..ونجحت للعمل كمندوب دعاية طبية....ثم سافر أعضاء الشركة اللي عملوا معانا المقابلة دون أن يجتمعوا بنا ولو مرة واحدة لشرح أي شئ عن الشركة أو طبيعة العمل أو أي شئ ..و سلمونا لمكتب لالحاق العمالة اسمه مكتب مكة..وهنا بدأت المأساه....صاحب المكتب رجل كبير في السن حوالي 60 سنة و عصبي جدا جدا و يعاملنا معاملة سيئة و لما قعدنا معاه نسأله عن أي حاجة يبتدي يزعق و يجعر واللي مش عاجبه مع السلامة وفي داهية و ميت ألف واحد يجي مكانة...قال أنه وكيل للشركة في مصر..وهذا صحيح...و أننا لن ندفع له شئ و ستتكلف الشركة بدفع مصاريف الشركة..وهذا أيضا صحيح...ولكن الموضوع تحول الي اذلال بمعني الكلمة فلو تأخر عليه أحد خمس دقائق بجد يمسخره و يمسح بيه الارض....وأي سؤال يتسأل له فلا تلومن الا نفسك....يعني مثلا لو قلتله بعد الكشف الطبي عنعمل ايه...فعلا هيمسح بيك الارض.....ولان العبد لله عصبي و حته الكرامه عندي ملتهبة شويه فقد دخلت معه في مواجهات رهيبة.....كان نتيجتها أن الاخوه المصريين اللي بيمشوا حالهم سافروا بقالهم شهر و أنا لسه ....مشكلتي التي أريد من سيادتكم الافادة فيها .......أن هذا المكتب لانه لا يتقاضي منك مليم قال عامل نظام أنه يسلمك الباسبور و تذكره الطائرة وورقك اللي معاه من شهادة الجامعة و شهادة خبرة و كل شئ يسلمك ده كله في المطار مطار القاهرة ....وطبعا وللاسف امتثل الاخوه المصريين و راحوا يوم السفر للمطار و استلموا الحاجة و سافروا بالسلامه....ولكن أنا سألت عن سبب الاجراء قال لي أنا مقدرش أديكوا الورق و الباسبور و الفيزا عشان تروحوا تبعوها .........فطبعا لما قالي كده طلعت....أمه في التليفون و دعبست لحد ما جبت رقم مدير في الشركه في السعودية فلسطيني لان تقريبا معظم المديرين في الشركة فلسطينين...فقال ..و أنا ايش اسويلك ..أنت مش تبغي تسافر خلاص خد الورج مالمطار مثل زمايلك.......المهم الراجل صاحب المكتب يقلي لو ما سافرتش هخلي الشركة تعملك امتناع عن دخول السعودية قلت له ازاي و أنا في مصر قال اه بس بعتولك فيزا و انت عطلتهم و ما سافرتش ....طبعا لما قال كده و قفته عند حده تماما و هددته بالويل و السبور و عظائم الامور..و عمي اللي في أمن الدوله و خالي عضو مجلس الشعب وطبعا انتوا عارفين ان ده نخع في نخع...احنا بفضل الله العيله كلها مدرسين...المهم بعد الشرح اطرح الاسئله

1-هل موضوع تسليم الباسبور و الاوراق في المطار قانوني ...يعني حد عنده فكره

2- هل الشركة تقدر تعمللي امتناع فعلا ؟

3-لو حبيت اسحب ورقي من المكتب المفروض يأخد كام علي التكلفه من أول ورقه النت و توثيق الورق من القنصلية السعودية...و حلافه

4- هو موضوع عدم الثقه ده و تسليم الورق من المطار طبيعي ولا جارح للكرامه ولا أنا مزودها شويه

فين الصح و الخطأ...أنا محتاج أسافر بس الطريقه تعباني ....أرجو الافاده والله أنا مش بنام...

[خالد شحاته]

اخي الفاضل ممكن افهم انت ازي هتخذ الجواز في المطار امال انت هتعمل تصاريح العمل ازي من غير جواز

[elfakhrany]

موضوعك غريب جداااا فعلا هتطلع تصريح الجيش والعمل ازاااااااااى

[se_ Elsyed]

يا دكتور

يا دكتور

يا دكتور

لو سمحت .. حضرتك بتعمل كوتا يومية ما بين موضوعين وتلاته اللهم صلي عالنبي ...

طب مش الأفضل تجمع أسئلتك كلها في موضوع واحد ؟

ومش من الأفضل قبل ما تسأل عن موضوع رخصة القيادة اللي له حوالي 1340 موضوع كنت شوفت اي موضوع سابق او في الموضوعات المثبتة ؟

هو حضرتك قرأت الموضوع ده مصيبة في باب المغتربين ولا حياة لمن تنادي

[drtaha]

موضوعك غريب جداااا فعلا هتطلع تصريح الجيش والعمل ازاااااااااى

أنا ماليش جيش أنا وحيد................تصريح العمل بعت معايا مندوب من المكتب الي اداره التصاريح بالدراسه.........معاه الباسبور و بعد ما خلصت أخذ الباسبور و مشي و قالي أستلم التصريح غدا و هاته المكتب ..........و الاخوه اللي كان عندهم تصريح جيش عمل نفس الموضوع يبعت معاك المندوب يدخل معاك أو يستناك بره

[أسد]

الفاضل drtaha

قمت بدمج كل موضوعاتك التي تحوي جميع استفساراتك حتى الآن بخصوص السفر للسعودية ..

إذا طرأ على بالك أي إستفسار جديد .. ضعه هنا في هذا الموضوع ..

وفضلاً .. لا تفتح له موضوع جديد ..

أضفت إلى العنوان إلى مايشير إليك وإلى استفساراتك عن العمل بالسعودية

نتمنى لك التوفيق

أسد

فريق الإشراف

[AbkaReno]

السلام عليكم..

اسحب ورقك عادي جدا من غير قلق وقدمة في مكتب تاني..

روح لمكتب المعالي للتوظيف علي كورنيش الملك الصالح..

قلهم قبل ما تسحب الورق علي الموضوع وهما هيدلوك علي الي تعمله

المصاريف بتبقا من 450 جنية لحد 700 جنية مش اكتر..

وبعدين مفيش حاجه اسمها يسلمك الباسبور في المطار لانها اشتغالة

هتخلص ورق تصريح العمل..وورق الجيش بالباسبور

يلا سلام ويبقا قلنا علي اخر الاتطورات

[drtaha]

السلام عليكم..

اسحب ورقك عادي جدا من غير قلق وقدمة في مكتب تاني..

روح لمكتب المعالي للتوظيف علي كورنيش الملك الصالح..

قلهم قبل ما تسحب الورق علي الموضوع وهما هيدلوك علي الي تعمله

المصاريف بتبقا من 450 جنية لحد 700 جنية مش اكتر..

وبعدين مفيش حاجه اسمها يسلمك الباسبور في المطار لانها اشتغالة

هتخلص ورق تصريح العمل..وورق الجيش بالباسبور

يلا سلام ويبقا قلنا علي اخر الاتطورات

أشكرك....جدا

[drtaha]

الفاضل drtaha

قمت بدمج كل موضوعاتك التي تحوي جميع استفساراتك حتى الآن بخصوص السفر للسعودية ..

إذا طرأ على بالك أي إستفسار جديد .. ضعه هنا في هذا الموضوع ..

وفضلاً .. لا تفتح له موضوع جديد ..

أضفت إلى العنوان إلى مايشير إليك وإلى استفساراتك عن العمل بالسعودية

نتمنى لك التوفيق

أسد

فريق الإشراف

أشكرك.......الدمج أفضل كثير...........و متشكر أوي .....واسف جدا لاني سببت اي قلق أو لخبطه

[tahereyad]

السلامو عليكو يا دكتور طه,,, ان شاء الله السعودية هاتنور لما توصل بالسلامة,, بس انت تعالي..

أنت الاول قولت جاي علي جدة,,, قومت أنا طوالي جريت و قعدت أفرش في شوارع جدة رمل عشان قدومك الميمون,,, و بعد مافرشت 80% من شوارع جدة رمل, قومت غيرت رأيك و قولت أبها,,, قومت جاري علي أخونا أوزأوز و خليته يفرشلك أبها رمل,,, و دلوقتي بتقول الرياض؟؟ احنا كدة هانخلص الرمل اللي فالمملكة كله :D

بخصوص موضوع مكتب السفريات ده معلش ممكن تستحمله شوية لحد ماتخلص مصلحتك,, و بعد كدة مش هاتشوف وشه,,, أنا كنت باتعامل مع واحد عربجي و فاتح مكتب سفريات في خرابة مهجورة جنب السفارة السعوديه,,, و من أول مقابلة بيني و بينه mf-:

و لما اشتكيت للاتش آر فالشركة,, اعتذرولي و طلبو مني أستحمله عشان أخلص الاجراءات و آجي استلم الشغل,,, مع انه راجل لما تشوفي تبقي عايز :lol:,, بس الحمد لله,,, خلصت منه و جيت

bv:-

[drtaha]

السلامو عليكو يا دكتور طه,,, ان شاء الله السعودية هاتنور لما توصل بالسلامة,, بس انت تعالي..

أنت الاول قولت جاي علي جدة,,, قومت أنا طوالي جريت و قعدت أفرش في شوارع جدة رمل عشان قدومك الميمون,,, و بعد مافرشت 80% من شوارع جدة رمل, قومت غيرت رأيك و قولت أبها,,, قومت جاري علي أخونا أوزأوز و خليته يفرشلك أبها رمل,,, و دلوقتي بتقول الرياض؟؟ احنا كدة هانخلص الرمل اللي فالمملكة كله :D

بخصوص موضوع مكتب السفريات ده معلش ممكن تستحمله شوية لحد ماتخلص مصلحتك,, و بعد كدة مش هاتشوف وشه,,, أنا كنت باتعامل مع واحد عربجي و فاتح مكتب سفريات في خرابة مهجورة جنب السفارة السعوديه,,, و من أول مقابلة بيني و بينه mf-:

و لما اشتكيت للاتش آر فالشركة,, اعتذرولي و طلبو مني أستحمله عشان أخلص الاجراءات و آجي استلم الشغل,,, مع انه راجل لما تشوفي تبقي عايز :lol:,, بس الحمد لله,,, خلصت منه و جيت

bv:-

شكرا يا هندسه...........و هبعتلك رمله من هنا...........و بعدين يا أخي الرمله خلصت أفرش أي حاجه تانيه...وانت ونيتك بقه