هل باع الزمالك مباراته للإسماعيلي ؟

[الترجمـان]

اللي عايز يعرف ازاي حصل الكلام داه يتفرج على الماتش اللي أشبه بتمرينه بين افراد فرقة واحده مش خصمين في الدوري ..

والله عيب اللي بيحصل ده ... :closedeyes:

تم تعديل 28 أبريل 2009 بواسطة Scorpion

[محمد عبدالعزيز]

أنا شفت الشوط الأول وماليش نفس أكمل الشوط التانى.

بس نرجع ونقول اﻷهلى هو اللى عمل فى نفسه كده.

ربنا يكرم اللاعيبة ويفوقوا الكام ماتش الجايين, وبعد كده المباراة الفاصلة تبقى حياة أو موت.

[se_ Elsyed]

عيب جداً

قمت بتعديل العنوان

دي كرة قدم مش خناقه

وانا اهلاوي متعصب لكن اقول الحق

خلينا نكسب احنا الاول وبعدين نتكلم عن البيع والشرا

وبعدين ما هو الاسماعيلي لسه غالبنا في القاهرة ... فهل بيعنا له ولا اشترينا منه

[التونسى]

الزمالك اتغلب من طوب الارض جت على الاسماعيلى

بس برده الدورى للاهلى وبكره افكرك بمداخلتى دى

[doudy]

, و الله لسة كان جوزى بيتصل بية

عشان يكلمنى ع الماتش قلتلتله الماتش دة فيه ان و اخواتها كمان

الزمالك مخطط انه يتغلب للاسماعيلى

عشان المباراة الفاصلة تبقى بين الاهلى و الاسماعيلى

ربنا يستر على الاهلى بقى

دودى :lol:

[حسام يوسف]

عيب جداً

قمت بتعديل العنوان

دي كرة قدم مش خناقه

وانا اهلاوي متعصب لكن اقول الحق

خلينا نكسب احنا الاول وبعدين نتكلم عن البيع والشرا

وبعدين ما هو الاسماعيلي لسه غالبنا في القاهرة ... فهل بيعنا له ولا اشترينا منه

فير يا س س

الله ينور عليك

والله العظيم انا شفت الشوط الأول وقرفت مرضتش أشوف الشوط التانى

وانا زملكاوى

لكن حبى للحق فوق الزمالك وأى حاجة تانية

الزمالك اتهرى غلب م الاسماعيلي فى السنين اللى فاتت

ورايح جاى

وبعدين حتى الأهلى اتغلب منه

يبقى الأهلى بايع الماتش؟

وكلمة أخيرة واحقاقا للحق

انا زملكاوى

بس الشوط الأول حاسس ان فيه حاجة مش طبيعية

حاسس ان الزمالك مش بيلعب بقوته أو بالعادي بتاعه الماتشات اللى فاتت

وفى نفس الوقت

شايف عبد الواحد شايل كورة عمر جمال من تحت العارضة

وعبد الحليم بيجيب جون بالدراع

حاسس ان فيه ريحة تواطؤ

بس مش قادر أحدد ايه الموضوع

وعلى فكرة عملها الأهلى قبل كدة فى دورى السلة

واتغلب م الجزيرة عشان الدورى ما يروحش للزمالك

وعملها الزمالك فى كرة القدم برضة فى التسعينيات

كان واخد الدورى خلاص

وفاضل مباراة واحدة مع السكة الحديد

اللى كان بينافس على الهبوط مع المقاولين

وفى ماتش الزمالك الاخير اللى مش هيفرق حاجة لأنه خد الدورى خلاص

جه بنالتي للزمالك سددها اشرف قاسم بغرابة وضيع البنالتى

وفعلا هبط المقاولون بسبب تواطؤ الزمالك

والسنة اللى فاتت تواطؤ الاسماعيلي وفوت المباراة للمقاولين اللى كان بينافس على الهبوط مع الالومنيوم

وفعلا هبط الألومنيوم

وكتبت موضوع عن التفويتة دي السنة اللى فاتت هنا فى المحاورات

للأسف

أخلاقنا بقت يوك

وعليه العوض

حتى فى الكورة :lol:

[الترجمـان]

عيب جداً

قمت بتعديل العنوان

دي كرة قدم مش خناقه

وانا اهلاوي متعصب لكن اقول الحق

خلينا نكسب احنا الاول وبعدين نتكلم عن البيع والشرا

وبعدين ما هو الاسماعيلي لسه غالبنا في القاهرة ... فهل بيعنا له ولا اشترينا منه

معلش يا حبيبنا سي سيد العنوان طلع مني outside المرادي .... بس انا مكنش قصدي بيه حاجه عيب ان بس كنت برد على كابتن سامي الشيشيني في تصريحاته بعد ماتش الكـِمه لما قال :

" لقد لعبنا المباراة بشرف ومن أجل أسم نادى الزمالك وهذا ما سوف نفعله أمام الإسماعيلى فى المباراة القادمة ، الزمالك نادى كبير والكبير لايلعب لصالح أحد ".

وبيتهيألي اللي شاف الماتش بتاع الإسماعيلي النهارده لم يجد اللي أسمو أيه داه اللي بيتكلم عنه كابتن سامي ...

مع اني من الاهلاوية القليلة اللي كنت بشجع الزمالك في اوقات ضعفه وحزين عليه وكنت بتمنى من كل قلبي انه يقف على رجليه من تاني لكن إن مجلس إدارته تعرض لعيبته الشباب لمثل هذا الموقف المخزي في تاريخ نادي كبير بسمعة الزمالك فبعتذر عن كل لحظة شجعته فيها لأنهم حسسوني بجد انهم كانوا رايحين فرح وعملوا فيه احلى واجب للإسماعيلي العريس اللي قبل الواجب اللي عمله قبل كده للزمالك وبرضه نكاية في الأهلي وبيتهيألي بعد اللي حصل داه مافيش حد أحسن من حد ..

انا بجد نفسي الأهلي يكسب الدوري مش علشان هوه كويس أو علشان هوه يستحقه بس علشان الفساد الخلقي الذي تبارى في تقديمه لنا كلا من الزمالك والإسماعيلي في هذه المباراه عديمة ... اللي أسمو أيه داه :lol:

[aif]

اعتقد ان الزمالك لا يمكنه هزيمة الاسماعيلي او التعادل معاه .... سواء اراد ام ابى

الكلام ده في خلال السنتين الماضيتين والسنة الحالية وكذلك السنة القادمة

وبعدين هو الاهلي مش متقبل مجرد الاحتمال ان حد ينافسه في الدوري ليه ؟؟؟؟.....الاهلي مستواه نزل كتير عن الاول ... وطبيعي انه ما ياخدش الدوري لأن فيه حاجة غلط

يعني الاهلي مش قادر ع الاسماعيلي واتغلب منه في القاهرة .... وعاوز الزمالك التعبان اللي اتغلب 10 مرات السنة دي يروح يكسبه ف السماعيلية .... ده كلام مش منطقي ... ده لو منتخب الاهلي والزمالك لعب ما اعتقدش انهم يكسبو الاسماعيلي وهو فايق

[د هشام ابراهيم]

اعتقد ان الزمالك لا يمكنه هزيمة الاسماعيلي او التعادل معاه .... سواء اراد ام ابى

الكلام ده في خلال السنتين الماضيتين والسنة الحالية وكذلك السنة القادمة

وبعدين هو الاهلي مش متقبل مجرد الاحتمال ان حد ينافسه في الدوري ليه ؟؟؟؟.....الاهلي مستواه نزل كتير عن الاول ... وطبيعي انه ما ياخدش الدوري لأن فيه حاجة غلط

يعني الاهلي مش قادر ع الاسماعيلي واتغلب منه في القاهرة .... وعاوز الزمالك التعبان اللي اتغلب 10 مرات السنة دي يروح يكسبه ف السماعيلية .... ده كلام مش منطقي ... ده لو منتخب الاهلي والزمالك لعب ما اعتقدش انهم يكسبو الاسماعيلي وهو فايق

منور يا توأمي الجميل ...واحشني و الله :lol:

بص بقي شاكلك حاتطلع زملكاوي .....هو كده الحلو ما يكملش :blush2:

المشكلة مش الزمالك يتهزم و لا يفوز ....المشكلة لعب بجد و بروح رياضية و لا كان فيه شبهة تواطيء ..... بس أرجع و أقول إن الاهلي هو اللي حط نفسه في الموقف ده و كان ممكن جدا يخلص الدوري من زمان لولا نزيف النقاط

[elfakhrany]

ده مش مستوى الزمالك اللى كان بيلعب بيه قصاد الأهلى الماتش اللى فات أبدا أبدا

[se_ Elsyed]

بغض النظر عن الهزيمة ...

أستغرب مما سيقوله محللي نادي الزمالك بعد المباراة ( ده لو شوفنا وشهم أشاساً أشاساً ) ...

أيوه يعني .. بعد مباراة أنبي والنقطة الثمينة التي أقتنصوها من الاهلي عملوا فرح بمية لمبه وطبل وزمر وشخاليل والزمالك رجع من السفر يا رجاله ... وهيصه عند العروسة هيصه ... يا ترى هايقولوا إيه بعد ماتش الإسماعيلي ؟

إيه هايقولوا الزمالك نسي شنط السفر فراح يجيبها وهايرجع كمان سنتين ؟

وفين صقور نادي الزمالك الحلوين ؟

عارفين ما فقعنيش بعد ماتش الاهلي اللي قطعونا فيه وكسبوا بالناشئين 10-0 غير قناة أوربت وعمرو اديب ... بغض النظر عن تهريجه .. لكن لما تجيب على التليفون صقور من صقور النادي زي هاني شاكر ومدحت العدل ويقول ويحلف .. إن فريق النادي دلوقت الذي يتكون .... نخلي بالنا ونصحى مع بعض .. يتكون من ناشئي النادي مش لعيبة مستوردة - بالنص كده - زي

خد عندك وأسقع وأسقيني يا فرج الله ( واللي سمع اللقاءات دي يعرف معنى الضلالات السمعية والبصرية )

صبري رحيل ( والله العظيم تلاتة ) قال صبري رحيل من ناشيء نادي الزمالك هع هع هع هع هع اللي لسه شريينه من 3 شهور من المقاصة

إبراهيم صلاح ....... بُص فوق عند صبري رحيل وصلي عالنبي في قلبك يا مؤمن .....

علاء علي والميرغني ( أنظر الكتاب صفحة ناشيء الأهلي )

شريف أشرف .... يا لهوي ياما ... آه يا خيبتك يا إنعام

حازم إمام ... مبلوعه .. وهانمشيها يا معلم ..

وإن الزمالك بكده ... على لسانهم ... بإذن الله ضامن بطولة الدوري لمدة 15 سنة قادمة ... ( ما تمشيها 14 أو 13 عشان الفآل الحسن يا معلم )

يا ترى نفس الأسخاس دول قالوا إيه بعد مباراة المقاولات بتاعت إمبارح ؟

حبيبي حسام

وعملها الزمالك فى كرة القدم برضة فى التسعينيات

كان واخد الدورى خلاص

يا راجل إنت ما قطعتش ورقة النتيجة من ساعتها ولا إيه ؟ . وعشان كده ما شوفتش ماتشكم مع المقاولين من سنتين تلاتة أخر الموسم لما المقاولين كان هاينزل وفتحتوا المندرة عالبحري برضوا وكل ده عشان تاخدوا علاء عبد الغني ومحمد سمير وفي لاعب تالت مش فاكر إسمه مركون في التلاجة لسه برضوا أعتقد علاء كمال ؟

[se_ Elsyed]

سؤال لأبناء الأقلية الزملكاوية ...

يا ترى بعد مشكلة الحضري وإيقافه والكلام ده ...

هل إنتم شخصياً تآمنوا على عرين المنتخب وهو يحرسه عبواحد السيد الشهير بوحيد القرن اللي بعد كل هدف إمبارح كان بيقع على الارض ميت من الضحك كإنه بيلعب صلطح وواحد بيديله على قفاه ويجري يستخبى ؟

وهل ما تفرقش مع الزمالك إنه يضيع تاريخه كأحد أقطاب الكرة المصرية ويُهزم 10 مباريات غير فكة التعادل ( 8 تعادل و10 فوز هاهاها ... بترول أسيوط كسبان 9 مباريات ... تخيلوا ؟ ) ولسه له مبارتين وهو في المركز السادس ولما يقفوا على راسهم مش هايحصلوا أنبي اللي له 45 نقطة والزمالك 38 وأنبي له مباراة مؤجله كمان ... وإحتمال كبير إتحاد الشرطة والأتحاد السكندري وطلائع الجيش يحصلوا الزمالك وينزل الزمالك المركز التاسع ولا حاجه ؟

هل ما فيش غِيره عند الناس دي ؟ والمواقع الزملكاوبة النهاردة تقولك إنهزمنا من النادي الشقيق .. وقالها إبراهيم يوسف قبل كده بالحرف الواحد يقول .. هدف هنا أو هدف هناك في بيتها ( يا سلام .. شوفت إزاي ... ونعم الأخلاق الحميدة )

ولا مش فارقه ... ما هو السادس زي التاسع أهم حاجه ما ننزلش او 6 هزايم زي 10 .. عشان الحسد بس ...

الموضوع بعيد كل البعد عن فوز الاهلي بالدوري أو فوز الإسماعيلي اللي اتمنى إنه يستمر هكذا الموسم القادم عشان نشوف منافسة حتى أخر رمق مثلما نرى مثلاً في الدوري السعودي والنهائي المثير بين الهلال والإتحاد .. وكان الهلال يكفية التعادل .. لكن الإتحاد هزمه هنا في الرياض في عقر داره .. وفاز بالدوري ...

لو عندنا إتحاد كرة زي مخاليق الله ..

كنا هانوشف 4 أو 5 فرق تنافس عالدوري كل سنة ..

لكن همهم دولقت في الفلوس وكإنه محل بقالة ...

أما القوانين المنظمة أو حتى إنتظام الدوري ... فده أخر حاجه بيفكروا فيها ...

[حسام يوسف]

مش عشان انى زملكاوى انى أكابر

ومقلوش الحق

الماتش وبالذات الشوط الأول كان شكله بايخ ومفقوس

لكن كمان انهيار الاخلاق مش قاصر ع الزمالك وبس

ونادي المبادئ هوة اللى حلو وسكر

واتحاد كورة ايه اللى يخلي المسابقة محترمة يا عم س س ويخلي المنافسة بين 4 أو 5 فرق

والقوانين بتتحط عشان الاهلى

والاهلي اللى داير يخطف من لاعيبة المنافسين بشكل شرعي أو غير

وبخصوص التفويت ادي الكليب اياه بتاع ماتش السلة اللى سابه نادى المباديئو عشان الزمالك ما ياخدش البطولة

ياجماعة فيه أزمة أخلاق

ع الكل

مش الزمالك بس

التفويت الجميل

[الترجمـان]

مش عشان انى زملكاوى انى أكابر

ومقلوش الحق

الماتش وبالذات الشوط الأول كان شكله بايخ ومفقوس

لكن كمان انهيار الاخلاق مش قاصر ع الزمالك وبس

ونادي المبادئ هوة اللى حلو وسكر

واتحاد كورة ايه اللى يخلي المسابقة محترمة يا عم س س ويخلي المنافسة بين 4 أو 5 فرق

والقوانين بتتحط عشان الاهلى

والاهلي اللى داير يخطف من لاعيبة المنافسين بشكل شرعي أو غير

وبخصوص التفويت ادي الكليب اياه بتاع ماتش السلة اللى سابه نادى المباديئو عشان الزمالك ما ياخدش البطولة

ياجماعة فيه أزمة أخلاق

ع الكل

مش الزمالك بس

التفويت الجميل

والله يا استاذ حسام أنا حزين على مستوى الأخلاق العليا التي تعلمه مؤسساتنا الرياضية للشباب المصري ...

سواء أهلي أو زمالك أو أي مؤسسه مصرية ..

نحن بحاجه لإصلاح شامل واعي وبقوة القانون ...

[Scorpion]

اقدر افهم الغضب ده كله لو كان الزمالك مقطع الفرق كلها .. و عمال يكسب في كل حتة ... و هوب .. مرة واحدة جه قدام الأسماعيلي و خسر بالطريقة دي ....

لكن اللي حصل انا شايفه طبيعي جدآ ... ما احنا عمالين نخسر من طوب الأرض ... وقفت عند الإسماعيلي يعني ... و لا علشان هو المنافس الوحيد للأهلي ...

عالعموم .. إحتمال.... و بكرر إحتمال .. يكون فعلآ الزمالك تهاون في الماتش ده .. و ان كان خسران خسران فقال اعملها بجميلة و ينوبنا كام كيلو مانجة في الآخر .. لكن اللي يضايق ان جماهير الأهلي تتزربن علينا و تطلع كل القطط الفاطسة و تتكلم عن الشرف و المباديء و مش عارف ايه .. و في نفس الوقت الهم طايلهم هما برضه ....

فخلينا نكفي علي خيبتنا كلنا ماجور و نتابع الفريق القومي أحسن ....

آه قبل ما أنسي ... بدل كوباية الكركديه بتاعت كل مرة اللي بحاول أهدي بيها الناس ... اهديكم اللقطة دي اللي بألف كركديه...

كيف تكون المنافسة شريفة

و زييييييح العيا مر ....

:lol:

[Ebn Sina]

اولا انا زملكاوى حتى النخاع....ولكن اتضايقت جدا من اللى حصل فى ماتش الزمالك والتهاون فى الاداء اللى كان واضح على لعيبة الزمالك وهو شئ غير مقبول بالمرة بس فيه شوية ملاحظات لازم ناخد بالنا منها:

اولا الزمالك بقاله سنتين ما فازش ع الاسماعيلى ووواخد الطريحة رايح جاى ...فمش جديدة ولا غريبة ان الزمالك يخسر من الاسماعيلى....واحنا نفسنا خسرنا مباراة الدور الاول على ارضنا ووسط جماهيرنا.

ثانيا اشاوس الاهلى نفسهم خسروا على ارضهم منذ اسابيع قليلة على ارضهم ووسط جماهيرهم

ثالثا الحملة الاعلامية الشعواء والقذرة التى شنها الاعلام الاحمر على الزمالك منذ انتهاء مباراتنا معهم كانت مستفزة جدا.....وكل كلامهم يحوم حول ان الزمالك هيفوت الماتش ......والارهاب الفكرى اللى مارسوه البهوات وازنابهم فى الصحف وع الفضائيات ولد رد فعل عكسى عند جمهور الزمالك نفسه والذى طالب الفريق نفسه بان يخسر ...

رابعا يعنى بصراحة مش عارف ....طب لو كان لعيبة الزمالك موتت نفسها فى الماتش وبعدين دخل فينا ف الاخر جون استروبيا زى جون انبى التانى فى الاخ رمزى صالح.....كان البهوات قالوا ايه؟......ولا لو باك عندنا دخل جون عالمل جون عالمى فى نفسه زى الاخ عبدالله رجب ......كان منظرى نادى المبادئ والقيم قالوا ايه؟

ببساطة كانت النتيجة هتبقى واحدة.....لان الاعلام الاحمر حقق واصدر حكما بالتواطئ قبل ان تلعب المباراة بثلاثة ايام ....

وبمناسبة الكليب اللى حسام حطه عن لاعب الاهلى كريم شمسية اللى اعترف علانية بتوطئ الاهلى .....ماذا فعل الاعلام الاحمر معه؟ واين هى المشانق التى علقت للاعب وناديه الاثير لديهم؟......اثناء تلك الازمة لم اقرا الا مقالا واحد فى اهرام الجمعة لمحمد سيف يستنكر فيه صمت ادارة الاهلى على ما حدث ....وبعده فقط تحرك مسئوليه لمحاسبة اللاعب

التهاون او التواطئ جريمة غير مقبولة فى عالم الرياضة .....ولكن الاحكام الانتقائية وردود الفعل الطائشة هى التى تصنع التعصب

وخلاصة الكلام لو الاهلى -المرتبك فنيا وبدنيا- اراد انا يحصد البطولة فليفعل وفرصته قائمة........واذا لم يفعل فهو الذى اضاعها بيده وليس احد اخر

[aif]

منور يا توأمي الجميل ...واحشني و الله :)

بص بقي شاكلك حاتطلع زملكاوي .....هو كده الحلو ما يكملش :lol:

المشكلة مش الزمالك يتهزم و لا يفوز ....المشكلة لعب بجد و بروح رياضية و لا كان فيه شبهة تواطيء ..... بس أرجع و أقول إن الاهلي هو اللي حط نفسه في الموقف ده و كان ممكن جدا يخلص الدوري من زمان لولا نزيف النقاط

واحشني اوي والله ولسة باعتلك ميل امبارح

اولا انا أميل للزمالك .... مش تشجيع ... لكن مش باستلطف الاهلي شويه ... باحس انه عامل زي امريكا ..... وعموما مش متابع كورة اوي ..... باسمع النتائج في الراديو فقط ولا اشاهد اي مباراة حتى نهائي افريقيا ... شوفت اجزاء منه فقط

خلينا نكون واقعيين

لا تتوقع ان الزمالك ينزل ياكل النجيلة علشان الاهلي ياخد الدوري

كدة يبقى احنا بدفن راسنا في الرمل

اكيد الزمالك مش عاوز الاهلي ياخد الدوري ويقعد يغيظ فيهم ويقرفهم في عيشتهم

والعكس صحيح برضه

يعني الاهلي لو قدامه فرصة ان الزمالك يخسر بطولة ... مش ح يتأخر

فيه لاعب سلة في الاهلي اسمة شمسية تقريبا ... مرة اعترف ع الملأ انهم تعمدو خسارة مباراة سلة عشان الزمالك يفقد الدوري ..... عيني عينك كدة

والتاريخ فيه كتير من الناحيتين

العملية بقت مش كورة بقت حرب بين الفرس والروم .....وبقت بتسبب قطيعة بين الأقارب

الزماكاوي في نظر الاهلاوي كأنه كافر ... والعياذ بالله

والاهلاوي في نظر الزملكاوي كأنهه صهيوني ... يستحق الهولوكوست

عشان كدة بطلت اتفرج على الكورة عموما

والماتش ده انا اساسا ما شفتوش خالص

لكن كون الزمالك يلعب من غير حماس ... انا شايف ان ده شيء طبيعي في ظل اجواء الكراهية بين القطبين

[د هشام ابراهيم]

خلينا نكون واقعيين

لا تتوقع ان الزمالك ينزل ياكل النجيلة علشان الاهلي ياخد الدوري

....................................

لكن كون الزمالك يلعب من غير حماس ... انا شايف ان ده شيء طبيعي في ظل اجواء الكراهية بين القطبين

الاهلي أحسن الوحشين ما حدش قال إنه كامل متكامل بلا أخطاء .....صالح سليم الله يرحمه كان بيقول "الأهلي أعور وسط العميان " ...لعيب الأهلي بتاع السلة ده أتوقف و أتجازي ....معاك إن ممكن لعيب أو أكتر يبقى عايز ينهزم علشان يكيد المنافس لو ممكن .... بس ما يبقاش النادي كله و الجماهير كلها ......

ما حادش قال الزمالك يفوز .....بس يلعب الماتش ....يعمل شو حتي .... ما ماتش الأهلي كانوا حريقة و قلنا خلاص الزمالك راجع و بتاع .....انما ماتش الأسماعيلي

عليه علامات استفهام كتيرة و جماهير الزمالك فرحانة علشان الهزيمة العاشرة و بتهتف "يا نموت يا نعيش حنسيب للدراويش" ؟!!

معاك يا صاحبي حال الكورة من حال كل حاجة تانية لا تسر عدو و لا حبيب

[د هشام ابراهيم]

فخلينا نكفي علي خيبتنا كلنا ماجور و نتابع الفريق القومي أحسن ....

الفريق القومي مين بقي .... كل سنة و حضرتك طيب ... اذا كانت اللعيبة بره مصر و جوه مصر مش طايقة بعضها كده و خناقتهم واصلة لكل حتة

[محمود الاسكندرانى]

والله يا جماعه الاهلى بيفكرنى بالحزب الوطنى

عايز كل حاجه بحجة انه حزب الاغلبيه قصدى نادى الاغلبيه

اى عضو ينجو من التزوير وينجح فى الانتخابات يا ينضم للحزب يا نلزلئه اى تهمه ونرفع عنه الحصانه

اما الاهلى وجماهيره واللوبى الاعلامى بتاعه ياتبقى الانديه مطيعه وتتغلب و ما تحطش رأسها برأس الاهلى وتنافسه على الدورى

وتبيع اى لاعب مميز يظهر عندها وتكون مؤدبه ومطيعه لنادى الحكومه او :

الاعلام الاهلاوى( الجرايد القوميه ) هات يا تقطيع واختراع اى شيءيعرقل هذا النادى

ودعونا نقارن بين الاهاى والاسماعيلى ونرى من منهم احق بالدورى

فريق يلعب 80% من مبارياته فى القاهرة على ارضه مباريات الاهلى مع الترسانه والمقاولون والشرطه وانبى والجيش و الاتصالات

كلها يلعبها الاهلى رايح جاى على ارضه

والاسماعيلى العكس يلعب 80% من مبارياته خارج ارضه 50% منها مباريات الذهاب والباقى من اتحاد الكره الملاكى زاهر وعبد الغنى

والمستشار شوشو عقابا له لأنه تجرأ ونافس الاهلى

فريق تؤجل له المباريات سواء طلب سيادته او حتى لمح بذلك بواسطة الاعلام

وفريق يلعب بعد 48 ساعة من عودته من الجزائر وما ادراك ما الجزائر

باخثصار فريق توفر له كل سبل البطولة وفريق توضع كل العراقيل فى طريقه ومع ذلك ينافس وبشدة حتى نهاية الدورى

الف مليون تحيه ونرفع القبعات لنجوم السمبا المصريه برازيل مصر والعرب وافريقيا (( الدراويييييييييييييييييييييييييييييييييييييييش