تعارف !

[الاميرامير]

بسم الله الرحمن الرحيم

ازيكوا كوووولكوا ؟

أرجوا أن أكون ضيفا خفيفا عليكم .

ويسعدني الانضمام لمنتداكم الراقي الجميل :?

الاميرامير

[achnaton]

أهلا بك يا أمير الأمرا

شد حيلك معانا .. وامتعنا بمداخلاتك

[se_ Elsyed]

تصدق بالله يا أمير ... انا بقيت بجد بجد اخاف أرحب بأي عضو جديد مش عارف ليه ... يمكن علشان كل الجدد فى الفترة الأخيرة بييجوا وكأنهم كانوا معديين جنب المنتدى وبعدين قالوا ندخل نسلم وبعدين ..... آدي وش الضيف

على العموم مرحبتين بيك وإن شاء الله تطول معانا .. بس سؤال عالماشي ( إنت جاي قد أيه ... يعني هاتقعد معانا كام يوم ؟ )

[سونة]

مش عارفة فعلا انا كنت با فكر امشي

يعنى الواحد بيقعد كام يوم كدة ويبقي مش مصدق نفسة من الفرحة وعاوزة افتح الكمبيوتر كل شوية

وانا مشغولة بفكر.... وانا نايمة با فكر وباحلم كمان بالردود

طب دة هيقول اية وشعنونة انطباعها اية طب وكروسة طب انا لية قلت كدة

يااااااااااااااااااااة اية البواخة دى دأنا بايخة اوى اية الهبل اللي انا كتبتة دة وافضل ع الحال دة

يمكن عشان الواحد مش بيلاقوا نفسة يعنى مثلا لما بيبقي فية عيلة ويجى قريب رخم يعد معاهم بيبئوا مش طايقينة

او حتى علي الاقل مش متعودين علية وبيكون فية شوية تحفظ من المشترك ممكن يظهر شخصيتة عكس شخصيتة الحقيقيةا

فبيندم .... لانة مقدرش يوصل اللي جواة صح

فبيقرر الانسحاب

بس

[Mohd Hafez]

مش عارفة فعلا انا كنت با فكر امشي

حتمشي تروحي فين يا سونة .. خليكي معانا .. أنا بتفائل بأسمك ..

[DARWEEN]

ألف أهلا بأمير وألف أهلا بسونه

يا ست نوسه أكتبي كل اللي نفسك فيه ولا يهمك أنتي هنا بين أهلك بمجرد ماتدخلي البيت تبقي واحده من العيله

بس يعني معلش كلمه صغيره من أخوكي أنتي وأمير

فين الأشتراك أنشاء الله أنتم الأتنين ؟؟؟؟؟؟؟؟

على فكره أنا اللي باجمع الأشتراكات والدفع باليورو أو الدولار مابنقبلش عملات مضروبه

[فــيــروز]

اهلا يا أمرمر

معلش ماتستغربش من الاسم العجيب اللى باقوله ده انا بس باحب ادى الناس اسماء جديده من باب التغيير يعنى وعشان الملل

نداء الى سونه اجدع ناس .. لا تتركى المنتدى .. احنا ماصدقنا عدد الفكيهات يزداد

[سونة]

حتمشي تروحي فين يا سونة .. خليكي معانا .. أنا بتفائل بأسمك ..

ألف أهلا بأمير وألف أهلا بسونه

نداء الى سونه اجدع ناس .. لا تتركى المنتدى .. احنا ماصدقنا عدد الفكيهات يزداد

واللة الكلام دة فرحنى أوى ورد فيا الروح وانا بحب اسم سونة دة كتييير أوى مع ان عمر ما حد ندةلي بية

ومش عارفة أٌقول اية

ربنا يسعدكو يارب

أكتبي كل اللي نفسك فيه ولا يهمك

بجد .......لاااااااااااا

لا يمكن

اصلي بصراحة خوافة أوى أوى أوى

بخاف حتى أقول رآى في أبسط الحاجات

حتى لو حاجة تخصنى شخصيا

فى سور عااااااااااااااااالى جدا بينى وبين نفسي

نفسي أقول حا جات كتييييييييييير أوى أوى

بس مانيش قادرة ......خايفة

ايوة والنبي بخاف من نفسي ومن كلامى ومن اي حاجة بعملها

خوف ما بينيمنيش

زكتيييير اقوى كان عندى فرص قليل ما بتيجى لحد وكان لازم أقول وااتكلم

بس برضة فضلت ساكتة........وفي الا خر اعد اقول يارييييت

يمكن دى اول مرة اصارح نفسي بالحقيقة دى

وكل مرة اكتب راي في موضوع واقوم مسحاة أوام حتى اقبل ماشوف أنا كتبت اية

ومرة اتجرأت وكتبت رأي في موضوع تافة من فترة مش طويلة

وبعدين خفت

قمت مغيرة الاسم

عقلي دلوقتى بيقوللي وبيشخط فيا جامد اقوى

بس المرةدى بئى هامشي كلمتى أنا

اهوة بس

يارب ب ما اكونش نكدت علي حد

[freefreer]

سبحان الله !!

ما هذا الإكتئاب المنتشر بين الشباب ؟

لأ .. انتى غلطانه قوى يا أخت سونه .. ما فيش رأى مش مهم ..

و لى عندك نصيحة صغيرة .. لما تحبى تكتبى حاجة .. ما تفكريش ( فينا ) .. يعنى متفكريش حيعجبنا أم لا ؟ حنقول ايه .. حنرد ازاى ..

ركزى يشدة فيما ترغبين قوله .. و قوليه بصدق و من القلب ..

و حتدعيلى ..

[freefreer]

كده !!

نسيتينى أرحب بأمير الأمرا ..

يا الف ميت مرحبا بأمير الأمرا ..

يا رب احنا اللى دمنا يكون خفيف على قلبك ..

[goold]

بسم الله الرحمن الرحيم 

ازيكوا كوووولكوا ؟

أرجوا أن أكون ضيفا خفيفا عليكم .

ويسعدني الانضمام لمنتداكم الراقي الجميل  :? 

الاميرامير

اهلا وسهلا

جهزوا القهوة يلا ياشانا واكيد مش هنتعب البنج سهل عندك

فينك يانورا جت رجليه ..

اهلا بك بين اخواتك واخوانك احتفنا بمشاركاتك حتى نتعرف اكثر

[goold]

اولا اهلا وسهلا بك ياسونه

اقتباس:

مش عارفة فعلا انا كنت با فكر امشي

استنى عندك بقه انتى هتخرجى كده اولا مدفعتيش الاشتراك ثانية الجماعه الكبار والمشرفين والمنسقين اذنوا انك تكتبى على كيفك وعصافير المنتدى ذقذقوا لك ورحبوا بك يعنى مفيش خروج اسمعى الكلام ويلا شاركى معانا

[KWA]

بسم الله الرحمن الرحيم

السلام عليكم ورحمة الله وبركاته

الأخت سونه و الأخ امير ..يا الف اهلا وسهلا بيكم و مرحبا مقدما بمشاركتكم....و بما انتم في مصر الحبيبه ...عندي طلب بسيط و ياريت تساعدوني فيه و خصوصا قبل رمضان....انا عايز اسأل عن شئ واحد فقط...ايه اخر اخبار البسطرمه في مصر...و يا تري ممكن نعمل بيزنس مع بعضنا ..بسطرمه مقابل ...منتجات امريكيه هتتبسطوا منها ....المهم فيه بيزنس و لا لأ

have a nice day

[فــيــروز]

انا انا انا

انا باحب البسطرمه جدا و باحترم جدا الى يحبوها

سبحان الله امبارح قابلت احد القادمين من امريكا

وكان معاه جريده تطبع هناك اسمها صوت بلادى تقريبا

على الصفحه الرئيسيه لقيت اعلان عن البسطرمه !!

استغربت وباقول له ايه ده بتعملوا ليه اعلانات عن البسطرمه !! هى دى مستاهله اعلانات !! قال لى عشان دى حلال !! اعتقد يعنى يقصد من لحم مذبوح على الطريقه الاسلاميه

وتانى مره بعد صدمة المانجه الاقى حاجه موجوده فى مصر ومش متوفره بنفس السهوله بره ..

على العموم مش لازم نعمل بيزنس مقابل البسطرمه خليها فور فرى .. انا اشجع الاكله الحلوه

[se_ Elsyed]

بسم الله الرحمن الرحيم

السلام عليكم ورحمة الله وبركاته

الأخت سونه و الأخ امير ..يا الف اهلا وسهلا بيكم و مرحبا مقدما بمشاركتكم....و بما انتم في مصر الحبيبه ...عندي طلب بسيط و ياريت تساعدوني فيه و خصوصا قبل رمضان....انا عايز اسأل عن شئ واحد فقط...ايه اخر اخبار البسطرمه في مصر...و يا تري ممكن نعمل بيزنس مع بعضنا ..بسطرمه مقابل ...منتجات امريكيه هتتبسطوا منها ....المهم فيه بيزنس و لا لأ

have a nice day

طب أنا جاتلي فكره .... تيجي نكتب عريضة او طلب على عرض حال دمغة لجورج بوش الأبن ونقوله ييجي يحررنا من الاوشاوس اللي عندنا مقابل تزويد أمريكا ببسطرمة مجانية مدى الحياه ... وممكن نوريهم كرم العرب ونورد لهم بسطرمة بالبيض ...

[amir]

أنا أرفـــض

أنا أحتــــج

أنا أعـــــترض

اهلا بيـك امير و ابن امير

[KWA]

بسم الله الرحمن الرحيم

السلام عليكم ورحمة الله وبركاته

فيروز كتبت

انا انا انا 

انا باحب البسطرمه جدا و باحترم جدا الى يحبوها 

سبحان الله امبارح قابلت احد القادمين من امريكا 

وكان معاه جريده تطبع هناك اسمها صوت بلادى تقريبا 

على الصفحه الرئيسيه لقيت اعلان عن البسطرمه !! 

استغربت وباقول له ايه ده بتعملوا ليه اعلانات عن البسطرمه !! هى دى مستاهله اعلانات !! قال لى عشان دى حلال !! اعتقد يعنى يقصد من لحم مذبوح على الطريقه الاسلاميه 

شكرا يا فيروز و اذا سمحتي اذا كنت لسه معاك هذه الجريده ممكن تبعتيلي موقع الشركه المعلنه علي النت او رقم التليفون او اي عنوان للتوصل اليهم..و من جهه البسطرمه موجوده بفضل الجاليات الأسلاميه و لكن ليست علي مستوي المصريه ....و طعمها ليس له اي علاقه بالبسطرمه....

على العموم مش لازم نعمل بيزنس مقابل البسطرمه خليها فور فرى .. انا اشجع الاكله الحلوه

 

 

كتر خيرك ....يعني احضر لوازم الأكله...و استني....

se_ Elsyed

طب أنا جاتلي فكره .... تيجي نكتب عريضة او طلب على عرض حال دمغة لجورج بوش الأبن

فكره مصريه تمام تمام....و طالما فيها عرض حال دمغه و عريضه و غيرها ....بالتالي انا هاطمئن ان احفادي يوما ما هيكلوا بسطرمه...و يفتكروا جدهم مع كل وجبه.....

تزويد أمريكا ببسطرمة مجانية مدى الحياه ... وممكن نوريهم كرم العرب ونورد لهم بسطرمة بالبيض ...

علي فكره ...قله قليله من الأمريكان هي اللي تعرف البسطرمه .... و بعدين ما تقلقش علي البيض ....وعلي العموم خلي البسطرمه عليك و البيض علينا

[فــيــروز]

العفو انا ماعملتش حاجه خالص

والله كان بودى فعلا اخدم بس للاسف الجريده معلنه عن اسم الماركه بس مش قايله اى بيانات عن الشركه

FELETTO #1

بسطرمه Pasterma

بيف بلونى Beef Bologna

حلال

واضح ان ماركة البسطرمه اسمها فلتو :-(

انا آسفه خالص يا ريت كان فيه معلومات اكتر

كتر خيرك ....يعني احضر لوازم الأكله...و استني....

لو ينفع تستقبل طرد بسطرمه يبقى تاهت و لقيناها :-) المهم مايعتبروهاش اسلحة بيولوجيه زى الملوخيه .. انا باتكلم جد والله :-)

[KWA]

بسم الله الرحمن الرحيم

السلام عليكم ورحمة الله وبركاته

فيروز كتبت

واضح ان ماركة البسطرمه اسمها فلتو :-( 

انا آسفه خالص يا ريت كان فيه معلومات اكتر 

يا ستي اسفه علي ايه ده انت تشكري علي اهتمامك ووقتك و ماتقلقيش طالما ان هي في امريكا ..هاجبها انشاء الله ....و لك جزيل الشكر

لو ينفع تستقبل طرد بسطرمه يبقى تاهت و لقيناها :-) المهم مايعتبروهاش اسلحة بيولوجيه زى الملوخيه .. انا باتكلم جد والله :-)

امام اهتمامك و كرمك الكبير لا تكفي كلمه متشكر علي عرضك اللي الكريم ....و لكن البسطرمه هي من المأكولات الممنوعه دخولها لأمريكا ...و بالتالي حكايه الطرد ده للأسف مش هيوصل...و بدلا من الطرد هيوصلي خطاب من اداره الجمارك او هيئه البريد للأعتذار لي عن حجز الطرد و ربما تدميره بسبب ما وجد فيه من طعام غير صالح ....و بالتالي لا يوجد امامي غير الأنتظار حتي ازور مصر قريبا انشاء الله و ساعتها هاكل بسطرمه في كل وجبه....اما الملوخيه موجوده هنا و اواع مختلفه ....مصريه و سوريه و متوفره و مافيهاش مشكله....و للمره الثانيه اشكرك جدا جدا .....

[سونة]

لما تحبى تكتبى حاجة .. ما تفكريش ( فينا )

-

أنا مش خايفة منكو انتو بالعكس دأنا اتعلمت من المنتدى هنا حاجات كتيييير كتير جدا غيرت كتير في شخصيتى

كل واحد بيكتب هنا اتعلمت منة

يمكن أولهم

بعد ما كنت طور اللة في برسيمة......... يعنى اتطورت شوية

وحاجات كتير أوى تانية

انا دلوقتى بقيت خليط افكار من الاعضاء هنا كلهم بلا استثناء

ساعات اتكلم في موضوع واحس انى سمعت الكلام اللي قوللتة قبل كدة اتارينى بكون قريتة هنا

في الثانويى ما كنتش بجاوب علي اي سؤال من الخوف والكسوف

برضة دأنا حتى ممكن انسي اسمى

كان استاذ الرياضة يقوللى 1+1 يساوي كام.............

ابص لة كدة ووشي يحمر........ وأقولة

معرفش

مدرسة العربي

جمع شجرة اية؟

معرفش

هما كانوا بس بيشوفوا مستوايا

ولما ربنا كرمنى والحمد للة جبت مجموع كبير وطلعت الاولى علي المدرسة

ماكانش فية بنى ادم مصدق

غير اهلي طبعا

فبصراحة انا مش عارفة اعمل اية

يمكن كلامى معاكم يكون بداية كويسة لأنى بجد دى اول مرة اتكلم فيها بالطريقة دى الاول كانوا كلمتين ورد غطاهم ويمكن من غير غطا كمان

نسيتينى أرحب بأمير الأمرا ..

وانا كمان نسيت

وباين ان امير زعل منى عشا لخبط الموضوع بتاعة

اصلو ما كتبش من ساعتها

خلاص ياعم متزعلش احنا مش أد زعل الأمراا

اهلا ..اهلا ..اهلا.. بيك

ماما سوزان بتحيييييييك