لا تتحرك خطوة بالسيارة بدون تأمين ورخصتها

[HassanAboali]

مصري يسوق تريلا ويعمل مع كفيل غير كفيله ورخصته لسيارة صغيرة وليست لتريلا ولقد حدث يوم الأثنين الماضي بجدة حادث مع سيارة لمدير إحدى الشركات الكبيرة جاء تقدير الشرطة بتكلفة الإصلاحات 40.000 أربعون ألف ريال يتحمل سائق التريلا نسبة خطأ 75% و25 % على سائق سيارة المدير والحمد لله لا توجد إصابة بالأرواح ، بالنسبة للشركة لا يوجد أية مشكلة مع شركة التأمين التي تتعامل معها الشركة سوف تتحمل قيمة من الإصلاحات التي قدرت بـ 25% وهي طبعا 10.000 .

الأن السائق بالسجن ومطلوب منه دفع 30.000 ( ثلاثون ألف ريال سعودي ) ولقد تحدثت مع السعودي الذي يعمل عنده وقالي مازال بالحبس وقلت له إنتى مش لك تأمين على سياراتك قال نعم ولكن هو معه رخصة خاصة وليست كبيرة وسوف يواجه صعوبات مع شركة التأمين

المشكلة الآن لو تتخيل .

1- يعمل مع غير كفيله

2- رخصة خاصة ويسوق سيارة كبيرة.

3- لم يأخذ بالاحتياطات وهذا عيب كبير جدا فينا ( يا عم اتكل على الله ) والصح المفروض إعقلها وتوكل ظبط ورقك رخصة حسب السيارة التي تسوقها وتتأكد من ورقك مظبوط مع التأمين وربنا يسترها معنا جميعا.

وكمان من معه زوجته وأولاده لازم يعمل تأمين صحي وهنا في موضوع خطير قرأته لناس تعرضت للموت بسبب رفض بعض المستشفيات إسعافهم لعدم وجود أية تعاملات أو تأمينات تغطي تكاليف الصحية.

ربنا يصلح حالنا

[زعلان]

طب مش تقول للراجل الي مشغله يتقي الله ويدفع المبلغ عفوا ما تزعلش بس ده شخص معندوش لا ضمير ولا دم يعني هو الي مشغله ولما يعمل حادثه يقول انا في السليم وهو الي حيواجه مشكلة لوحده ايه العالم ده

[elfakhrany]

3- لم يأخذ بالاحتياطات وهذا عيب كبير جدا فينا ( يا عم اتكل على الله ) والصح المفروض إعقلها وتوكل ظبط ورقك رخصة حسب السيارة التي تسوقها وتتأكد من ورقك مظبوط مع التأمين وربنا يسترها معنا جميعا.

من البديهيات ان ممنوع تسوق عربية تريلاااااا برخصة عربية خصوصى بس طبعا القاعدة لا تنطبق على المصريين لأنه شعب الفهلوة !!!

أما بالنسبة للكفيل فطبعا هيدفع 30 ألف ريال وهو مأمن على العربية لازم الأول يقعد يحايل فى شركة التأمين وطبعا شركة التأمين ترفض لأن فى وثيقة التأمين بيكون

مذكور أن ممنوع قيادة سيارة نقل برخصة خصوصى وعليه فاخونا المصرى زى مارضى من الأول أنه يسوق بالرخصة الخصوصى يرضى انه يفضل فى التوقيف لحد ماكفيله

يحن قلبه ويدفع :wub:

[Amr Radwan]

من الاخر صاحب السيارة مش هيفرق معاه اي حاجة و الموضوع كله علي السائق .. و اتوقع ان لا صاحب السيارة و لا شركة التامين هيدفعو المبلغ ..

علي فكرة .. الكل هنا بيتلكم بالقانون و العقود و اللي معاه ورق رسمي هو اللي بيمشي .. و طبعا الورق الرسمي كله علي صاحبنا السائق .. الله يستر عليه و يخرجه من محنته ..

ربنا يسترها معانا جميعا ..

[jamalpody]

طيب يا شباب هل يمكن ان نساعد بأي شيء من جهتنا علشان يخرج من التوقيف

انا تحت امركم

[حماده عبده]

طيب يا جماعة لو حد في أيده يساعد الراجل الغلبان ده ما يبخل عليه يارب يحفظكم في غربتكم ويرجعكم بالسلامه