مشكلتك لها حل !!!

[se_ Elsyed]

ما جمعه السجن...لا يفرقه إلا الموت

دعني أكمل لك القول المأثور يا صديقي ..

ما جمعه السجن .. لا يفرقه إلا الموت أو الحبس الإنفرادي فاكر يا حشيش سجن الكارتيز .......... هيه أيام الله لا يعودها.

[فــيــروز]

هو انتو واخدين تابيده !!

[se_ Elsyed]

هو انتو واخدين تابيده !!

خليكي فى حالك يا فيروز ... وركزي في تسييق البلاط ..

حته عماد حمدي .... إحنا أتكتب علينا نمشي طريق طويل يا فيروز يا بنتي .. ولازم نكمله .... ( موسيقه تصويرية سيمفونية ضربات القدر لبيتهوفن .. طاطاطا تيــــــــــــش )

[Lighthouse]

هو انتو واخدين تابيده !!

خليكي فى حالك يا فيروز ... وركزي في تسييق البلاط ..

حته عماد حمدي .... إحنا أتكتب علينا نمشي طريق طويل يا فيروز يا بنتي .. ولازم نكمله .... ( موسيقه تصويرية سيمفونية ضربات القدر لبيتهوفن .. طاطاطا تيــــــــــــش )

ايه ياس س ده

مالك ومال فيروز

يظهر انك مش ناوي تروح بيتكم مرة واحدة

عايز تروح على مراحل

( وش واحدة بتصطاد في المية العكرة وتعكر الرايقة )

[فــيــروز]

خليكي فى حالك يا فيروز ... وركزي في تسييق البلاط ..

لا يا س.س. :) انت مش واخد بالك

ده انت و حشيش اللى هتسيقوا فى اللومان .. مش بتقولوا ما يجمعه السجن لا يفرقه الا الموت .. طيب هتسلوا روحكم فى ايه على ما تفترقوا !!

[se_ Elsyed]

والله عال يا عبد العال ... حتى القطط طلع لها أسنان ...

حتى انت يا لايت هاوس وانا عمال أقول عليكي طيبة وفتاه فى مقتبل العمر ومش عارف أيه ... عالعموم ماتمشيش ورا فيروز دي سكتها كلها مقشات ولها أنشطة سياسية سرية وعضوه في كذا خلية ( نحل ) ...

( وش وقع بين اتنين ومستني يمسكوا في شعر بعض )

[فــيــروز]

طيب ايه رايك يا لايت نبتدى ملحمة س.س. و حشيش مان فى قراميدان !!

وفتاه فى مقتبل العمر

ايه موضوع مقتبل العمر ده بقىىىى انت بتحسسنى انى هاطلع بكره فى برنامج ربيع العمر

دي سكتها كلها مقشات

يعنى هو الافندى كان جاب المكنسه الكهربا وانا قلت لا .. قطيعه

[سونة]

دوكتر سي السيد قال:

وهو أن أي واحد عنده أسمه شوكت أو شكري ... يعني هو بصنعة لطافة شفط واختصر جميع أسماء أصدقاءة في الأسمين دول ... والراجل مش فاضي لسه هايقعد يفتكر ..

والدوكتر حشيش قال:

انصحك بالتعرض إلى الشمس لمدة 7 ساعات يوميا على الأقل حتى تزول الأعراض...

فعلي بلاطة كدة دة كان اختبار ليكم منى

كان الاعلاج الاولانى اكثر فاعلية ومالوش اي اثار جانبية وناتج عن

دراسة وتمحيص وفهم جيد للاعراض وينم عن خبرة جيدة للطبيب

من خلال تعاملة مع اكثر من مريض

برافو دوكتر سي

اما الدوكتر حشيش

فانا عايزة علاج يخلينى افتكر الناس مش يخليهم ينسونى

وبعدي حضرتك تجاهلت تأثير بعض العوامل الدخيلة زى ضربة

الشمس

التشخيص خاطيء ترتب علية علاج خاطيء فدة علاج لمرض

تانىىى خاااالص

لان السبب في البداية مش نقص فيتامن د

تشخيص حضرتك لمرض تانى خالص

ركز شوية يا دوكتر حشيش هوة دة

برضة اللى علمتهوللك في

الكلية

كدة مستقبللك هيضيع يا ابنى

كويس ان الغلط جة في واحدة دوكتورة وفاهمة زيي

والا كانت ستكون العواقب وخيمة

مراعااة لظروفك هديك فرصة تانية

[Set_Amina]

أنا وقعت وانتوا اتليقتوني يادكاترة ياجهابذة أي حشيش وماريخوانا.. قصدي س س

بصوا بقى انا مشكلتي ان جيبي مخروم وايدي سايبة وبقيت على الحديدة من فترة مش بسيطة (ده علشان السجع بس) في رأيكم دام عزكم أعمل إيه؟؟ مفيش حجاب ولا تعويذة تحميني من حالة الفلس القادمة لا محالة؟؟

وياترى سنة 2004 هالاقي حد ياخد جيبي يوديه للرفة علشان يسد الخرم ولا لسه بدري؟؟

[crossfield]

يا رب يا ساتر

دستور يا اسياد

مالاقيش عندكم حل لمشكلتى دى؟

بابقى كويسة و فلة و فجأة....تاتاتاتاااااااااااااه

أضرب بوز و أكتئب و أعكنن على نفسى بأى حاجة و أبتدى حالة من الهلاوس السمعية و البصرية مثلاً أتخيل ان س من الناس ده اللى عاملى فيها طيب و أمير مش كده أصلاً و أكيد لابس قناع ؛عايزة أوقعله القناع ده أوقعه ازاااااااااااااااااااى؟

مش عارف؟و هوه ده اللى مجننى.

 بأقول فى عقلية بالى يا بت يا كروس ما تاخديها من قاصرها و تقولى انك بتشكى فى حشيش و س س شخصياً.

[se_ Elsyed]

أنا وقعت وانتوا اتليقتوني يادكاترة ياجهابذة أي حشيش وماريخوانا.. قصدي س س

بصوا بقى انا مشكلتي ان جيبي مخروم وايدي سايبة وبقيت على الحديدة من فترة مش بسيطة (ده علشان السجع بس) في رأيكم دام عزكم أعمل إيه؟؟ مفيش حجاب ولا تعويذة تحميني من حالة الفلس القادمة لا محالة؟؟

وياترى سنة 2004 هالاقي حد ياخد جيبي يوديه للرفة علشان يسد الخرم ولا لسه بدري؟؟

- مشكلتك لها حل بسيط يا ست أمونة ... احنا مراقبينك بقى لنا فترة وعارفين الشوبينج الزيادة اللي مالوش لازمة اللي بتعملية كل ويك أيند وبتصرفي فيه اللي وراكي واللي قدامك .... علشان كده عقدنا لقاء على الضيق كده انا والدكتور شيشو وقررنا اننا نخاطب جهة عملك ونخليهم يحولوا لنا مرتيك اول كل شهر .. وبالتالي نديلك مصروف يومي او أسبوعي .... وانا أقترحت على الدكتور كمان إقتراح أننا حتى لو ادينالك مصروف فممكن تصرفيه برضوا على البومب والمراجيح ..فالأحسن نصرف لك وجبات عينية ... شندوشتات حواووشي ، فول وطعمية ، جبنة قريش بالطماطم ...

ده بالنسبة للاكل .. اما الكسوة فهتكون عبارة عن جلبيتين كستور واحده للشتاء وواحده للصيف .

ونخصم ده كله من الفلوس بتاعتك عندنا .. ونجي اخر السنة ندي البت سعاد الفلوس مخصوم منها عمولتنا ...وبكده نضمن انك بعد حسبة خمس ست سنين تبقى من أثرياء روما....

أيه رأيك .. حل جديد وفريد ...

هات العيان اللي بعده يا برعي

[se_ Elsyed]

 

هوه ده اللى مجننى.

بأقول فى عقلية بالى يا بت يا كروس ما تاخديها من قاصرها و تقولى انك بتشكى فى حشيش و س س شخصياً.

وعقاباً ليكي هانسيبك كده لحد ما حالتك تتدهور ونشوفك واقفة جنب الرجل اللي عامل فيها جنرال وواقف ميدان الحسين واقف بينظم المرور وماسك في أيده علم ....

عدي يا لوري ... عدي ....

ماشي يا كروسايه ... دي الضريبة اللي بيدفعوها العلماء في كل مكان ... ماهم برضوا فى روما القديمة قالوا على جاليليو مجنون ... وفي الاندلس اتهموا إبن رشد بالزندقة ... حتى في شبرا قالوا على أبو أشرف مجنون ...

[حشيش]

حتى في شبرا قالوا على أبو أشرف مجنون ...

شبرا إيه وأبو أشرف إيه...إنته مجنون...أعتذر للمرضى الأعزاء عما بدر من البروفيسور سى السيد وذلك نظرا لاصابته بحمى الوادى المتصدع مما أثر على قدراته التشخيصية والعلاجية بصفة مؤقتة...( وش واحد بيشد شعر سى السيد وبيقوله حتكشفنا وتودينا فى داهية ياأخى)...

[حشيش]

الأخت العزيزة ست أمينة

ما ذكرتيه يعرف عندنا نحن المتخصصين بمرض ( الخرم السحلاوى) وتبدأ الأعراض ببذخ شديد وإسراف مبالغ فيه برغم حالة المريض المادية المذرية ويتبع ذلك شعور بالذنب والاضطهاد والميل للعزلة والجلوس فى الظلام مع ظهور طفح جلدى وتورم فى الغدة النكفية...العلاج: أكل عدد 7 قرون فلفل حراق على الريق يوميا لمدة شهر...هذا والله أعلم

[Scorpion]

سي السيد كتب

تبقى من أثرياء روما....

جري اييييييييييييييه يا شباب.. احنا هنقطع علي بعض و الا اييييه؟ مانا سايبلكم بر مصر و السعودية و الكويت تاكلوا فيه لقمة حلوة.. حتنطوا عندي ليه بقي... ياللا يا شباب شوفوا السبوبة اللي في ايديكم و سيبوني أسترزق...

و علشان ابينلكم اني ابن بلد.. حاحوللكم عيان من بتوعي... واد يمني يعجبكم.. مليان يعني... و مشكلته انه ما بيلاقيش ابدآ كرافتة علي مقاسه.. انا اديتوه عنوانكم ...شوفوا شغلكم بقي...

سي السيد... صافي يا لبن...

[se_ Elsyed]

سي السيد كتب

تبقى من أثرياء روما....

جري اييييييييييييييه يا شباب.. احنا هنقطع علي بعض و الا اييييه؟ مانا سايبلكم بر مصر و السعودية و الكويت تاكلوا فيه لقمة حلوة.. حتنطوا عندي ليه بقي... ياللا يا شباب شوفوا السبوبة اللي في ايديكم و سيبوني أسترزق...

و علشان ابينلكم اني ابن بلد.. حاحوللكم عيان من بتوعي... واد يمني يعجبكم.. مليان يعني... و مشكلته انه ما بيلاقيش ابدآ كرافتة علي مقاسه.. انا اديتوه عنوانكم ...شوفوا شغلكم بقي...

سي السيد... صافي يا لبن

حليب يا قشطة يا سكوب يا عسل ...

إبعت اللي عندك ..يمني ... جنوب أفريقي .. إن شالله يكون من جزر الآزور ....

الرجال بتاع الكرفتات ده علاجه عندي ... شرابين صوف واوصلهم ببعض يبقوا كرافته ... شغال يا عمنا ؟

[se_ Elsyed]

بما إن السوق نايم في العيادة بقالوا كام يوم ومش عارف الناس كلها عقلت ولا أيه ... فقد قررت أعطي مساعدي الدكتور حشيش فرصة واخليه يعالجني لأن انا دكتور وبشر برضوا وممكن أبقى عيان نفسياً زي أي حد ..

حشيشي الدكتور عزيز ... قصدي عزيزي الدكتور حشيش ..

انا عندي مشكلة مزمنة وهي اني لا مابقدرش أحفظ أسامي الادوية - أي أدوية - بالرغم من إني والحمد لله مش ضعيف في الأنجليزي بس في مجال الأدوية بالذات ملعوماتي توقفت عند الأسبرين والنوفالجين في مصر ولما سافرت بره طورت نفسي وحفظت أسم كمان وهو البنادول ...

ولما بتصادف إني اروح أشتري دوا من الأجزخانة بأبقى عامل زي العيل الصغير ومابعرفش أقول أيه للصيدلي لدرجة ساعات بأحس إنه ناقص يقول لي " روح يابابا هات لي حد كبير اكلمه ... أو خلي ماما تكتبلك أسم الدوا في ورقة "

والمشكلة دي يا دوك بتخليني اعمل كوارث..

على سبيل المثال ..

ديك النهار الواد عمر أبني ظهر له فطريات فى لسانه فالدكتور - زميل - كتب لنا على مسه لدهان اللسان ومضاد حيوي شرب .. والمره الوحيده اللي مدام س س طلبت مني اني أدي الواد الدواء روحت مشربه المسا وداهن لسانه بالمضاد الحيوي - آه والله زي مابقول لحضرتك كده - واكتشفت ده وانا برجع الدوا التلاجة وماقولتش لحد طبعاً تفادياً للعواقب لكن الواد من ساعتها حاسس في عينيه بنظرات غريبه إتجاهي ومايبخلنيش أقرب منه ومعاملته لي إتغيرت ( تفتكر ليه ؟ ) ..

فشوفلي حل يا دوك لإني تعبان نفساوياً من الموضوع ده ..

تعالى لي بقى على جنب .. طبعاً احنا زمله فبلاش البؤين بتوع الشخوريا المستوطنة والسعال الديكي والكلمتين اللي بنضحك بيهم على الزباين .... وبرضوا أبعد عن الزار أو كوي القفا بالنار والعلاج اللي ممكن أفيص منك فيه ...

شكراً جزيلاً ... صديقك المريض أ. د / س س

[Lighthouse]

تعالى لي بقى على جنب .. طبعاً احنا زمله فبلاش البؤين بتوع الشخوريا المستوطنة والسعال الديكي والكلمتين اللي بنضحك بيهم على الزباين .... وبرضوا أبعد عن الزار أو كوي القفا بالنار والعلاج اللي ممكن أفيص منك فيه ... 

ماجبناش حاجة من عندنا

اهو س س قال المفيد كله هههههههههه

علشان كده الواحد بيخاف ييجي يتعالج عندكم

العمر مش بعزقة ياعم