ذكاء الفاْر

rewsha · 30 أبريل 2009

انا اختارت العنوان ده.علشان فعلا ماكنتش اعرف ان الفار ذكي جدا للدرجه دى.كنت فاكره انه عبيط واهبل .يدخل تقوم تحط له المصيده يدخل ياْكل اللي فيها يقوم (هوب)باب المصيده قافل عليه.وبعدين (الله يرحمه).لكن حصل معايه موقف مع الفار اللي دخل عندي الشقه .وقلت احكيه لكم علشان اللي ما يعرفش ان الفاْر ذكي كده يعرف وياخد باله كويس. .في يوم من الايام كنت ناسيه باب الشقه مفتوح وواقفه باكلم ماما (هيه في الشقه اللي فصادي)ولاقيت فرفور باشا ماشي عادي كده على السلم وقام داخل البيت من بابه .قدام عيني.(هوه احنا في مكان كويس والشارع نظيف جدا يعني مش المفروض ان يكون في فيران كده قاعده تتجول براحتها .لكن اكتشفت ان جنبنا فرن عيش بيحط العيش الناشف على السطوح علشان بعد كده يبيعه. وده اللي بيجتذب الفيران . المهم دخل الباشا من باب الشه وقام رايح على غرفة النوم . والحمد لله اننا عرفنا علطول انه في الغرفه دى .قمنا قافلين عليه الباب .وخد عندك بقه (15)يوم بايتين على الارض في الريسيبشن علشان الولاد بيناموا في غرفتهم.المهم حطينا جميع انواع السم .مافيش فايده .قعدنا ندور عليه علشان نموته مش لاقيينه .3 ايام ندور وهوه مش موجود. تقريبا فضينا الغرفه من كل اللي فيها.وبرضه مش موجود!!!!!لما بقينا هانتجنن.ولما نخرج من الغرفه نلاقيه عمال يقرض في الباب .ندخل يختفي . .وللحديث بقيه

rewsha · 30 أبريل 2009

باقي الحكايه :بعد ما قعدنا ندور عليه (الفاْر) 3 ايام .اكتشفنا ان البيه بيطلع يستخبى في التكييف الاسبليت السقفي. وخللوا بالكوا من انه سقفي.يعني احنا بندور على الارض وهوه قاعد فوق بيتفرج عليناههههههههه. المهم حطينا له مصايد مش مصيده وسم ولزق.مافيش فايده,لدرجة اني حطيت لزق على كرتونه وسمرتها على باب الغرفه من الداخل علشان هوه كان بيقرض دايما في الباب.تخيللوا انه ماقرضش في الباب بعد ما حطيت الكرتونه اللي عليها اللزق على الباب mfb: . المهم كل ده واحنا مطرودين من الغرفه وبننام في الريسبشن :sad: .وبعدين فكرت اخر حاجه اجيب له قطه......بس القطه هاتطلع تجيبه من جوه التكييف ازاي. :blink: المهم عدى يومين كده وبعدين قلنا نرش بيرسول داخل التكييف علشان يتخنق ويخرج . لكن للاسف احنا اللي اتخنقنا . فقلنا نفتح الشباك علشان النفس . ......وجاءت المفاجاءه...تن تن تن :o ....البيه قرض شيش الشباك وخرج بقاله كام يوم واحنا نايمين على الرض بره في الرسبشن بنستناه يموت wst:: ههههههههههههه يعني نفد بجلده بعد ما دوخنا 15 يوم. وطلع الفار اذكى مننا هههه