المدن الجديدة و خاصة الشروق

[عطر الجنة]

لقطات للقواعد المسلحة من الجانب و يظهر فيها المجاورة الثانية بالمنطقة الثامنة

http://www.youtube.com/watch?v=uQvpuYBWU-A

لقطات من خلف الارض و انا واقفة اعلى التل على القطعة 151

و هنا نجد قوام الخرسانة خفيف و تظهر كسائل اثناء نقلها بالبرويتة لاحتوائها على نسبة ماء عالية

http://www.youtube.com/watch?v=EP1fLRxdUc8

هنا يظهر فيديو اعمدة البدروم

و يتضح الفرق بين قوام الخرسانة فى الحالتين

فى حالة القواعد الخرسانة تكون سائلة لذا تصب من الخلاطة الى المزراب ثم تنقل بالبرويتة

اما فى حالة الاعمدة فالخرسانة تشبه العجينة و تصب من الخلاطة على الارض ثم تنقل بسرعة بالقصعة الى العمود

لذا نجد العمال يهرولون على السقالات

http://www.youtube.com/watch?v=nYzJjLm6gZQ

ارجو انى اكون افدت

اسفة الفيديو الاخير لا يعمل

لذا ده الرابط الجديد

http://www.youtube.com/watch?v=t9tHcy8pI0g

[sarmar]

مبروك عليكى يامهندسة وربنا يقويكى

وعقبالنا ان شاء الله فى الاتحاد

[أشرف محمد]

بسم الله الرحمن الرحيم

الأخت الكريمة / عطر الجنة

تحية طيبة وبعد 000

ألف مبروك لحضرتك و ربنا يكرمك إن شاء الله فيها و لاتنسينا بالدعاء 0

خالص تحياتي

مهندس / أشرف محمد

[عطر الجنة]

مبروك عليكى يامهندسة وربنا يقويكى

وعقبالنا ان شاء الله فى الاتحاد

الله يبارك فيك و يقوينا جميعا

و ان شاء الله ينشأ الاتحاد على خير

و اجيب لكم شركة الاتحاد تبنيها لكم

و تعملوا اساسات 8 ادوار مثلى

صدقنى انا كنت مفكرة المشوار صعب لكن لما عجلة البداية بتدور بتجدها ماشية بتوفيق من الله

الصعب فيها اللفة الاولى انك تجد مقاول حلو

و ربنا عليه التساهيل

[عطر الجنة]

بسم الله الرحمن الرحيم

الأخت الكريمة / عطر الجنة

تحية طيبة وبعد 000

ألف مبروك لحضرتك و ربنا يكرمك إن شاء الله فيها و لاتنسينا بالدعاء 0

خالص تحياتي

مهندس / أشرف محمد

الله يبارك فيك و يكرمك

اكون سعيدة لو شرفتنا فى الموقع و شفت شغل م / هانى اخويا و المقاول بتاعه

يمكن يكون مفيد لحضرتك فى اتحاد الملاك

و كمان تشوف شغل الشركات حولى لترى شغل كل شركة على الطبيعة و ماذا تفعل

حتى يتاح لحضرتك اختيار شركة تشرفك

و والله يعلم الله كم انا سعيدة بقيام هذا الاتحاد

و نفسى يخرج للنور

و من غير طلب انا بدعى لنجاحه

كفاية انى ححظى بصداقة عدد كبير من العائلات الكريمة

و فعلا المدينة تشرح القلب و دمها خفيف

تحياتى

[drashry]

ألف مليون مبروك ياباشمهندسة المباني وكذلك قيام شركتك الجديدة((الأتحاد للمقاولات والتراخيص))

تصحبكم الدعوات وعقبال عندنا..... :lol:

[morganahmed]

الأخت الكريمة / عطر الجنة

السلام عليكم ورحمة الله وبركاته

مبروك وربنا يتمم لكم على خير

واشكر حضرتك على طرح أفكار ممتازة تفيدنا جميعا وخصوصا نحن المغتربين

وأنا طلبت في اتصال هاتفي للمهندس أشرف أن يتواصل مع حضرتك للاستفادة من خبرتك في البناء

وأيضا أسعار الاراضي في الشروق زي القطعة التى قولتي عنها اللي سعر المتر فيها 700جنية

وجزالك الله خير

احمدمرجان

محلل نظم

البحرين

[ahmos1]

اختنا عطر الجنة

اشتريت من اخى قطعة ارض فى التجمع الخامس و هى لازالت بأسمة و تم استخراج رخصة وتم بناء ادوار ثلاثة و لازالت بأسمة ماهى افضل و اسهل الطرق لنقل ملكيتها لى و شكرا

[newshare]

الاخت المهندسة : عطر الجنة

السلام عليكم

أولا ألف مبروك الاساسات و الاعمدة و عقبال شخشيخة الرووف و الواجهات

ياريت لو تتكرمى علينا بوضع أسعار التنفيذ

بمعنى : 1- سعر مصنعيات نجارة و حدادة وصب الاساسات شاملة إيجار العدة الحشب

2- ماهى تكلفة م3 الاساسات خاصة أنك انهيتى منها و كذلك الاعمدة لأنى مقبل على بناء قطعتى فى التجمع الخامس

3- هل المهندس هانى أخو حضرتك هو الذى ينفذ بنفسه أى لدية العدة و الصنيعية أم إنه إشراف فقط

و لو كان إشراف فقط فما هو نسبه الاشراف التى يأخذها لتنفيذ مبنى عمارة سكنية.

شكرا جزيلا لكى

م/ أشرف

[عطر الجنة]

الاخت الفاضلة عطر الجنة

مبروك ودعواتنا لك بالتوفيق وأن يتم البناء علي أحسن وجه وكما تتمنين بإذن الله

ولو أمكن أن تمدينا ببعض التفاصيل ستكون فائدة كبيرة للكثيرين وكما عودتينا دائما بأفضالك علينا

فلو أمكن هذه التفاصيل

مساحة الأرض

متوسط أسعار شراء الخامات الأساسية حديد - سن -أسمنت- رمل

سعر المقاول للمتر خرسانة عادية ولمتر الخرسانة المسلحة

التكلفة الكلية كل مرحلة : اللبشة العادية -الاساسات المسلحة للمبني والسور-أعمدة البدروم

تكلفة الاشراف الهندسي

وجزاك الله عنا خيرا والله يوفقك في جميع اعمالك

وشكرا جزيلا

الله يبارك فيك ده اولا

تانى شئ انا اتكلمت عن تكلفة الللبشة العادية فى المشاركة 277

و اتكلمت عن الكميات و السعر لكن السعر متغير كل يوم لذا اتكلمت عن الكميات لانها ثابتة و السعر مختلف لذا ممكن اى واحد عنده نفس المساحة يعرف التكلفة بالتقريب

مع ملاحظة انها 8 ادوار

ملحوظة هامة انا استخدمت طريقة الترنشات فى عمل القاعدة العادية و المسلحة ليه لانها بتشتغل ككل فى المبنى ولا يهمها سحب الرمل من تحتها

و العادية بتوفر فى المسلحة

لكن فى حالة طريقة القواعد المنفصلة التى تراها على هيئة مكعب و كل مكعب طالع من منتصفه عمود

ففى هذه الحالة لو سحب اى رمل من تحتها يحدث ميل و بالتالى ينتقل للعمود و تبقى كارثة

و حقول الكميات تانى لانهم اشتروا عربة رمل بعد مغادرتى الموقع

اللبشة العادية

100 متر سن عتاقة سعر المتر 49 جنيه = 4900 جنيه

72 متر رمل سعر المتر 12 جنيه = 864 جنيه

22 طن اسمن طره تمن الطن 510 جنيه = 11200 جنيه

120 متر خرسانة عادية * سعر المتر 80 جنيه = 9600 جنيه

المجموع = 28164 جنيه

اضيفوا الى ذلك 5 ساعات لودر الساعة ب 70 جنيه + 200 جنيه اكراميات اسمنت و عمالة

المجموع النهائى = 28164 + 70*5 +200 = 28714 جنيه

دى مصاريف الخرسانة العادية بدون اجر اشراف م / هانى اخويا

لارض مساحة 648 متر

تعالوا بس نشوف مع بعض حبة حجات

اولا البناء هنا للبدروم و الارضى على مساحة 50 % اى 324 متر لكن انا بزيد 12 متر للمنور بيخصموا من نسبة الفراغات المطلوبة

و طبعا المتكرر على نسبة 60 % اى 388 متر+ 12 متر منور = 400 متر

لكن فى الواقع الخرسانة العادية مش بعملها على 400 متر

انا بزود من كل ناحية مسافة 85 سم و تسمى الرفرفة عشان اتزان المبنى اى لو الواجهة 13 متر فالخرسانة وقتها يكون طولها 13 + 0.85 * 2 =14.7 متر

وده فى العادية و بيقل حوالى 10 سم فى المسلحة اى 13 متر +0.75 متر * 2 = 14.5 سم

و ان شاء الله بكمل الباقى

[إبن النيل]

الأخت الفاضلة عطر الجنة

ألف شكر علي الإفادة بالمعلومات الخاصة بالبناء ودعواتنا لك بالتوفيق وربنا يرضي عنك دنيا واخرة ويزيدك خير ويبعد عنك كل شر

[عطر الجنة]

ألف مليون مبروك ياباشمهندسة المباني وكذلك قيام شركتك الجديدة((الأتحاد للمقاولات والتراخيص))

تصحبكم الدعوات وعقبال عندنا..... :lol:

الله يبارك فيك دكتور عشرى

و عقبالك ان شاء الله على خير

و عقبال الجميع

اما عن شركة الاتحاد فهى قائمة من سنين و لها نشاطها لكن كان فى دمنهور عند ابى و كان ليها ايضا انشطة غير سكنية مثل مشروع تحويل الترع الى مواسير للرى

و كان ليها اول نشاط فى القاهرة بالعبور و عدة عمارات و فيلا فى الشروق ثم فيلتين فى التجمع

و ده جزء من كل

و ربنا يسهلها

[عطر الجنة]

الأخت الكريمة / عطر الجنة

السلام عليكم ورحمة الله وبركاته

مبروك وربنا يتمم لكم على خير

واشكر حضرتك على طرح أفكار ممتازة تفيدنا جميعا وخصوصا نحن المغتربين

وأنا طلبت في اتصال هاتفي للمهندس أشرف أن يتواصل مع حضرتك للاستفادة من خبرتك في البناء

وأيضا أسعار الاراضي في الشروق زي القطعة التى قولتي عنها اللي سعر المتر فيها 700جنية

وجزالك الله خير

احمدمرجان

محلل نظم

البحرين

:lol:

الله يبارك فيك اخى الكريم و يتمم الاتحاد على خير

لكن التاخير ليس فى صالحكم فقد تحركت الاسعار قليلا و لسه فقطعة ارض رقم 92 فى الثامنة المجاورة الثانية ارتفع سعرها من المتر ب 950 جنيه الى 1100 جنيه و بالمثل حدث مع بقية الاراضى

و فعلا م / اشرف اتصل بيه مشكورا لكنى للاسف انا لم اتواجد فى نفس اليوم فى القاهرة

فمعذرة لكن انا تحت امركم فى اى امر من امور البناء و شئونه و اى تعامل مع الجهاز

تحياتى

[عطر الجنة]

اختنا عطر الجنة

اشتريت من اخى قطعة ارض فى التجمع الخامس و هى لازالت بأسمة و تم استخراج رخصة وتم بناء ادوار ثلاثة و لازالت بأسمة ماهى افضل و اسهل الطرق لنقل ملكيتها لى و شكرا

من فضلك اخى الكريم راجع المشاركة رقم 208 فى موضوع كل مايهم المستثمر من امور البناء للمهندس اشرف محمد ستجد كل شئ عن نقل الملكية

تحياتى

[عطر الجنة]

الاخت المهندسة : عطر الجنة

السلام عليكم

أولا ألف مبروك الاساسات و الاعمدة و عقبال شخشيخة الرووف و الواجهات

ياريت لو تتكرمى علينا بوضع أسعار التنفيذ

بمعنى : 1- سعر مصنعيات نجارة و حدادة وصب الاساسات شاملة إيجار العدة الحشب

2- ماهى تكلفة م3 الاساسات خاصة أنك انهيتى منها و كذلك الاعمدة لأنى مقبل على بناء قطعتى فى التجمع الخامس

3- هل المهندس هانى أخو حضرتك هو الذى ينفذ بنفسه أى لدية العدة و الصنيعية أم إنه إشراف فقط

و لو كان إشراف فقط فما هو نسبه الاشراف التى يأخذها لتنفيذ مبنى عمارة سكنية.

شكرا جزيلا لكى

م/ أشرف

الله يبارك فيك اخى الكريم و عقبالك

شوف انا جبت مقاول شركة اخى وهو النجار اصلا و معاه التيم ورك بتاعه

لانى لا احبذ ان تاتى بالنجار و الحداد و الخلاطة كل واحد على حدى

لان التيم ورك بيكونوا متعودين على شغل بعض و مبيتعبوش

المقاول عنده كامل العدة و م / هانى بيكون هو المسئول عن الكل و التسليم و ليس الاشراف فقط

اما عن تكلفة متر المكعب من الخرسانة المسلحة فهى حوالى 850 جنيه بالنسبة للاساسات و الاسقف و بترتفع الى 1000 جنيه فى الاعمدة

ودى اسعار حسب المواد الخام و حاول تحسبها من شغلى

و مفيش مشاكل لو تريد شركة م / هانى ان تتولى العمل سواء وفرت حضرتك الخامات او وفرتها الشركة و حاسبتك

تحياتى

[عطر الجنة]

اليوم ساسرد لكم تكلفة الاساسات لعمارة 8 ادوار على مساحة 400 متر

14.200 طن حديد اقطار مختلفة سعر الطن 3100 جنيه بالنقل =44230 جنيه

الواح بنطى = 100 جنيه

اكراميات حديد = 50 جنيه

بسكويت للقواعد = 55 جنيه

سلك رباط = 100 جنيه

60 متر رمل سعر المتر 13 جنيه = 780 جنيه

91 متر سن سعر المتر 49 جنيه = 4459 جنيه

32 طن اسمنت سعر الطن 530 جنيه = 16960 جنيه

6 ساعات لودر + اكراميات و اصلاح ماسورة مياة كسرت للجار = 550 جنيه

المجموع ------------------------------------------------------------------------------

67284 جنيه

67284جنيه + 13000 جنيه مصنعية = 80284 جنيه

كده يبقى حساب الكميات و المصنعيات و الاسعار

اضف اليهم اجر المهندس و اجرك انت معاهم

تحياتى

تم تعديل 11 يناير 2010 بواسطة عطر الجنة

[المهندس محمد]

مجهود رائع

[عطر الجنة]

مجهود رائع

الله يكرمك

و حبيت اجاوب على سؤلك هنا ليستفيد الجميع

الاخوة الكرام سالنى الاستاذ محمد عن الايصالات التى تاخذها من مرفق المياة بعد التعاقد على العداد المؤقت

هم ايصالين واحد بمبلغ 50.8 جنيه نظير المعاينة

و الاخر ب 1233 جنيه نظير العداد

تحياتى

[عطر الجنة]

الاوراق المطلوبة و الواجب الاطلاع عليها من قبل الراغب فى شراء شقة تمليك فى المدن الجديدة

1 - الاطلاع على جواب تخصيص الارض

2 - الاطلاع على محضر الاستلام

3 - الاطلاع على الرخصة

4 - موقف عقارى حديث من الجهاز

لمعرفة حالة الارض هل هى مسحوبة او عليها مخالفات

و هل العقار عليه مخالفات و مطابق لكراسة الشروط ام لا

5 - موقف مالى من بنك الاسكان و التعمير حديث

لتعرف هل المالك مستمر فى سداد الاقساط للجهاز ام عليه اقساط متاخرة تستوجب سحب الارض

تحياتى

[morganahmed]

أسف على المشاركة الخارجة عن الموضوع

لكن حسي الوطني

وحبي لكم

جعلني أحب أن تشاركوني فرحتي في الغربة

شوفتوا

ابو تريكة الجديد

إنه جـــــــــــــــــــــــــــــــــــــــــــــــــــــــــــــــــــــــــــــــ

ـــدو :rolleyes:

احمدمرجان

:blush2: