المدن الجديدة و خاصة الشروق

[الحاج فوزى]

أسعد الله مساء الجميع بالخير ..

ممكن حد يوضحلى موضوع رسوم زيادة الدور فى الفلل .. أو رسوم التعلية وبالأخص بمدينة الشروق ..

يعنى كانت ماشية إزاى فى الأول ودلوقت الوضع ايه ؟؟

أنا كنت أعرف ان المسموح للفلل بدروم وأرضى وأول .. فهل المقصود به رسوم للثانى ؟

مع كل الشكر والتقدير

[عطر الجنة]

الاخوة الكرام

هذا الرابط يخص موضوع الغاء رسوم التعلية

و هو يرد على جزء من التساءلات

http://www.aqarcity.com/t341538.html

شكرا

[عطر الجنة]

مول سكاى بالشروق

محتويات المول

1- دريم بارك 2

2-اول سمارت مول في الشرق الاوسط

3-13 دارعرض سينمائي

4-مجمع مطاعم ومقاهي عالمية وهايبر ماركت علي مساحة 13000 متر

5-صالة علي احدث اسلوب للبولينج واماكن انتظار سعة 2200 سيارة

الافتتاح خلال عام

[Tarek Omar]

السلام عليكم .... اختى الفاضلة عطر الجنة جزاكى الله خيرا و جعل لكى نصيب من اسمك انا ربنا كرمنى بقطعة ارض ناصيه فىالحى الرابع واستلمتها فى شهر 11 وكنت ناوى فعلا ابنيها لانى مقبل على الزواج ان شاء الله لكن بسبب خسارة كبيره فى البورصة بقيت متردد فى موضوع البناء وبفكر فى بيعها وسؤالى هل لازم اجرى فى موضوع الترخيص دلوقتى (شهر 11 + 9 شهور يعنى رسمى اخرى شهر 8) ولا الجهاز مبيدققش وممكن المدة تتطول اكسب وقت عقبال ماخد قرارى النهائى بالبيع او الاحتفاظ لانى فى حالة البيع هتحمل تكاليف الرخصة على الفاضى

[عطر الجنة]

السلام عليكم .... اختى الفاضلة عطر الجنة جزاكى الله خيرا و جعل لكى نصيب من اسمك انا ربنا كرمنى بقطعة ارض ناصيه فىالحى الرابع واستلمتها فى شهر 11 وكنت ناوى فعلا ابنيها لانى مقبل على الزواج ان شاء الله لكن بسبب خسارة كبيره فى البورصة بقيت متردد فى موضوع البناء وبفكر فى بيعها وسؤالى هل لازم اجرى فى موضوع الترخيص دلوقتى (شهر 11 + 9 شهور يعنى رسمى اخرى شهر 8) ولا الجهاز مبيدققش وممكن المدة تتطول اكسب وقت عقبال ماخد قرارى النهائى بالبيع او الاحتفاظ لانى فى حالة البيع هتحمل تكاليف الرخصة على الفاضى

اول شئ ربنا يتمم لك بخير و يرزقك بالذرية الصالحة

تانى شئ مين قال ان تمن الرخصة لن يحسب لك

على فكرة فى نهاية كل مهلة بيقل تمن اوفر الارض

بمعنى انك لو بعت مثلا فى شهر 6 ستجد من يتحجج بالرخصة فى تقليل التمن لانه كده حيعتبر بيسابق الزمن للترخيص

لكن عمل الرخصة سيعطيك مهلة سنة و نصف كمان

حتكون مبانى المنطقة الثامنة عمارات التى امامك اتشطبت كمان فيلات الحى الثالث شرق و الكمبوند اللى قبل حياة ريزيدنس

و الاهم من ده ان مدينتى حتكون سلمت شقق

يعنى الهيصة و الزمبليطة فى الصالون

كمان المدخل الاول للشروق مفيهوش شبر فاضى

يعنى المدخل الاوسط حيضرب فوق

و تعوض خسارة البورصة

شوف حال الناس

البورصة mfb: و المصانع بتقفل ابوابها

لكن الاراضى و العقار الحمد لله

ما زالوا متماسكين

حضرتك ممكن تفكر فى المشاركة و عمل توين هاوس

و لو كلامى لم يقنعك يا ليت تقولى اخر تمن لك فى البيع

[Tarek Omar]

شكرا جزيلا استاذة عطر الجنة انا بعت لحضرتك رسالة على الخاص ياريت حضرتك تقريها

[عطر الجنة]

شكرا جزيلا استاذة عطر الجنة انا بعت لحضرتك رسالة على الخاص ياريت حضرتك تقريها

وصلتنى الرسالة

و ربنا يهيأ لنا من امرنا رشدا

[عطر الجنة]

اليوم اسمحولى انقل لكم شيئين

اولهم للشروق

بالنسبة للسادة المقبلين على عملية الحفر يذهبوا لمكتب الاحياء لعمل معاينة للارض قبل الحفر

ليه ؟

الاحياء بتيجى تعاين ما حولك من الاراضى و تسجل الحالة التى عليها

حتى لا تفاجأ بغرامات لا دخل لك بها مثلما حدث معى

فمقاول الحفر عندى كان بيتخلص من النواتج خارج الشروق لكن احد ى صويحبات الاراضى و التى تبعد عنى ب 6 قطع قدمت فى شكوى تتهمنى برمى مخلفاتى عليها و هيهات اشرح للاحياء ان نوعية ارضى ليست مثل ارضها

المهندس هناك قال انى كان المفروض اخد الاجراء ده

يا عمى يا سيدى و غلبت اشرح له ان كانن عندى شكوى بالمثل من جارى و تكلفت انا مصاريفها فقال انى بحفرى شلت عنه الحظر اللى فرض

عليه

طبعا انا عرفت المخالفات دى من العقارية بالجهاز لما جيت اقدم على المياة

طبعا مكاتب الاحياء دى ليست فى الجهاز تخيلوا لفيت عليها يومين لان المكتب الاول ليس عليه لافتة

دعوة حلوة بالهداية و الستر و نجاح الاولاد و شفاء مامتى

المكتب الاول فى عمارة 112 مساكن 63 متر على المدخل الثالث

و ده مختص باراضى العمارات مناطق 2-3-4-5

و بعض احياء الفيلات

المكتب الثانى فى عمارة رقم 20 فى اسكان المستقبل

و ده للمنطقة 7 - 8 و البقية

و لو فى مكتب ثالث فاسال عنه مكتب ادارة الاحياء الذى يقع خلف مقر الحزب الوطنى بالقرب من الجهاز

تانى شئ

نصيحة من تحت التربيزة

اللى عاوز يشترى ارض فى المدن الجديدة يلحق بسرعة البرق و يشترى لان الاسعار اتحركت

و اللى حيرد و يقول لا

حقوله اتصل باى سمسار و اسال

عارفين القرعة الرابعة كان اوفر القطعة فيلات مساحة 648 متر حوالى ربع مليون

و كان التمن زى ورقة البوسطة لا يتغير

الان المميز ب 400 الف اللى تانى نمرة من المدخل التانى و بيطل على حديقة طبعا بالرخصة و لو نزل بيكون 350 الف و لو انى اشك

طبعا الحركة جات منين

خبر نشر من كام يوم فى الجرائد ان وزارة الاسكان ستبيع مليون متر مربع سكنى و زراعى و صناعى لسد عجز الموازنة العامة

تم تعديل 19 مايو 2009 بواسطة عطر الجنة

[عطر الجنة]

نسيت اقول حاجة

قالها لى المهندس ابراهيم فى مكتب الاحياء الخاص بالمنطقة الثامنة

انهم بيعملوا اجتماع مع الجمهور بيحضره رئيس الجهاز مرتين فى الشهر يوم الثلاثاء

يعنى بيناقشوا مشاكل و بيسمعوا اقتراحات

لولا امتحان بنتى اليوم كنت حضرت

دعوة بالنجاح

[عطر الجنة]

مجموعة من الخرائط للشروق

خريطة مدينة الشروق

خريطة المنطقة السابعة عمارات

خريطة المنطقة الثامنة عمارات

المنطقة الرابعة عمارات

خريطة الحى الرابع فيلات

و الاخوة الكرام الذين يبحثون ع اراضى هناك باسعار معقولة ممكن يسالونى ووفرها لهم باذن الله

لانى فوجئت بناس بتعرض اراضى فيلات فى الحى الرابع ابتداء من ربع مليون اوفر

و ناس بتعرض اراضى عمارات فى المنطقة الثالثة و بتتكلم فى اوفر 400 الف

وواحد عنده ارض فى المنطقة السابعة عمارات بيتكلم فى 650 الف مع ان الارض مدفوع تمنها للجهاز و محفورة و فيها عداد المياة

سبحان الله

[دكتور مصري]

تسهيلات إضافية للمواطنين..في المدن الجديدة

تسهيلات إضافية للمواطنين..في المدن الجديدة

تأجيل القسط المستحق عاماً.. ومهلة أخري للبناء 30 شهراً

اللجنة الوزارية برئاسة شهاب.. تناقش التنفيذ اليوم

كتب جمال العليمي:

قررت هيئة المجتمعات العمرانية الجديدة منح حزمة تسهيلات جديدة للمستثمرين والمواطنين بالمدن الجديدة بسبب الأزمة المالية العالمية وانعكاساتها علي مشروعاتهم القائمة.

علمت "المساء" أن من بين التسهيلات تأجيل سداد القسط الذي حل استحقاقه عاما واعطاء مهلة لمن انتهت المدة المقررة له للبناء 18 شهرا لبناء الهيكل الخرساني وسنة أخري لأعمال التشطيبات وذلك بشرط أن يقوم باستخراج التراخيص الخاصة بالبناء حتي 03 يونيو القادم.. بالإضافة إلي التسهيلات التي يتم استثناؤها في حالة الظروف القهرية وذلك بعد أن تتم دراستها.

وتقوم اللجنة الوزارية اليوم برئاسة د. مفيد شهاب وزير الدولة للشئون القانونية والمجالس النيابية بمناقشة هذه التسهيلات لوضعها موضع التنفيذ.

من جانبهم أشاد مسئولو شركات المقاولات بالتيسيرات الجديدة مؤكدين أن شركات المقاولات المصرية العاملة بالأسواق الخارجية فقدت ما يتراوح بين 30 إلي 50% من حجم أعمالها خاصة بدول الخليج نتيجة الأزمة المالية العالمية.

أضافوا أن الفترة المقبلة تحتاج إلي مساندة وتقديم تسهيلات للمستثمرين وشركات المقاولات حتي لا تضطر هذه الشركات إلي اتخاذ إجراءات لتقليص مصروفاتها مما يؤدي إلي تسريح جانب كبير من العمالة.

قال المهندس إسماعيل عثمان نائب رئيس اتحاد مقاولي الدول العربية أنه في ظل الأزمة المالية العالمية ستشهد الشركات المصرية العاملة في الدول العربية تأثيرات كبيرة الأمر الذي يفرض مساندة بلدها لها حتي تستطيع تنفيذ التزاماتها والابتعاد عن السياسات التي تتخذ عادة في مثل هذه الظروف بتسريح العمالة.

[فركيكو]

الاخت الفاضلة عطر الجنة .

اولا اقبلى تحياتى و تحيات الكثير من المستفيدين من معلوماتك القيمة و جازاكى الله عنها خير الجزاء

و اود ان اسألك عن عداد المياة و اية علاقتة بنسبة الانشاءات لانى لسة لحد دلوقتى معملتش جاجة خالص فى ارضى لكن ناوى ابدأ ان شاء الله قريبا

فهل ممكن اتقدم لتدخيل عداد المياة الاول ولا لازم احفر الارض الاول ؟

و كمان اية علاقة عداد المياة بالمبانى يعنى ممكن ينفعنى اثناء البناء ؟

ولكى جزيل الشكر و كثر الله من امثالك[/b"][]

[ahmedm]

السلام عليكم

سؤال للأخت عطر الجنة بخصوص تكاليف التأمين اللي بتتدفع قبل رسوم الرخصة بتكون حوالي اد ايه و هل هي نسبة من تكاليف البناء ؟ و شكرا

[Professional Engineer]

خبر هيئة المجتمعات العمرانية خبر سعيد و مهم وهو فعلا منشور فى جريدة المساء بتاريخ 24 مايو ولكن الغريب أنه ليس له وجود على الموقع الالكترونى للهيئة !!!!!!!!!!!

[sarmar]

خبر هيئة المجتمعات العمرانية خبر سعيد و مهم وهو فعلا منشور فى جريدة المساء بتاريخ 24 مايو ولكن الغريب أنه ليس له وجود على الموقع الالكترونى للهيئة !!!!!!!!!!!

اخوانا جزاكم اللة كل خير افيدونى عن موقف الارض الواقعة على مدخل مدينة الشروق الاول على اليمين من جهة الهيكستب وهل هذة الارض تتبع المجتمعات العمرانية ام ممكن نشتريها من شركات الاراضى مثلا وماهى الجهة الحكومية التى تتبعها هذة المنطقة يعنى لو حبينا نطلع رخصة مبانى من فين نجيبها وجزاكم اللة خير ارجو سرعة الافادة لانى لااعيش بمصر وانتم اخوانى التى استعين بكم

[عطر الجنة]

تسهيلات إضافية للمواطنين..في المدن الجديدة

تسهيلات إضافية للمواطنين..في المدن الجديدة

تأجيل القسط المستحق عاماً.. ومهلة أخري للبناء 30 شهراً

اللجنة الوزارية برئاسة شهاب.. تناقش التنفيذ اليوم

كتب جمال العليمي:

قررت هيئة المجتمعات العمرانية الجديدة منح حزمة تسهيلات جديدة للمستثمرين والمواطنين بالمدن الجديدة بسبب الأزمة المالية العالمية وانعكاساتها علي مشروعاتهم القائمة.

علمت "المساء" أن من بين التسهيلات تأجيل سداد القسط الذي حل استحقاقه عاما واعطاء مهلة لمن انتهت المدة المقررة له للبناء 18 شهرا لبناء الهيكل الخرساني وسنة أخري لأعمال التشطيبات وذلك بشرط أن يقوم باستخراج التراخيص الخاصة بالبناء حتي 03 يونيو القادم.. بالإضافة إلي التسهيلات التي يتم استثناؤها في حالة الظروف القهرية وذلك بعد أن تتم دراستها.

وتقوم اللجنة الوزارية اليوم برئاسة د. مفيد شهاب وزير الدولة للشئون القانونية والمجالس النيابية بمناقشة هذه التسهيلات لوضعها موضع التنفيذ.

من جانبهم أشاد مسئولو شركات المقاولات بالتيسيرات الجديدة مؤكدين أن شركات المقاولات المصرية العاملة بالأسواق الخارجية فقدت ما يتراوح بين 30 إلي 50% من حجم أعمالها خاصة بدول الخليج نتيجة الأزمة المالية العالمية.

أضافوا أن الفترة المقبلة تحتاج إلي مساندة وتقديم تسهيلات للمستثمرين وشركات المقاولات حتي لا تضطر هذه الشركات إلي اتخاذ إجراءات لتقليص مصروفاتها مما يؤدي إلي تسريح جانب كبير من العمالة.

قال المهندس إسماعيل عثمان نائب رئيس اتحاد مقاولي الدول العربية أنه في ظل الأزمة المالية العالمية ستشهد الشركات المصرية العاملة في الدول العربية تأثيرات كبيرة الأمر الذي يفرض مساندة بلدها لها حتي تستطيع تنفيذ التزاماتها والابتعاد عن السياسات التي تتخذ عادة في مثل هذه الظروف بتسريح العمالة.

انا فعلا بتمنى مد المهلات لكل اراضى القرعة

لكن للان لم ينشر ذلك على موقع الهيئة الذى يتحدث بصفة شبه يومية

ولا جهاز الشروق عنده معلومات عن مد المهلة

لكن على صعيد اخر نناقش الامر

الان الحديد هبط سعره الى ادنى مستوياته و الاسمنت لن يهبط عن ذلك كثيرا فيجب على حائزى الاراضى البدء فى عمل حتى القواعد الخرسانية التى تحتاج الى حديد كثير و اثناء عملهم سيهبط سعر الاسمنت لكن ليس بصورة كبيرة

ايضا حكاية المهل التى اوشكت على الانتهاء جعلت اراضى كثير يهبط اوفر سعرها

و كان ممكن انك تحصل على اراضى بسعر حلو

و تبنى فورا و الجهاز عندما يرى الجدية و السرعة بيمد المهلة شوية و لا يسحب الارض

[عطر الجنة]

الاخت الفاضلة عطر الجنة .

اولا اقبلى تحياتى و تحيات الكثير من المستفيدين من معلوماتك القيمة و جازاكى الله عنها خير الجزاء

و اود ان اسألك عن عداد المياة و اية علاقتة بنسبة الانشاءات لانى لسة لحد دلوقتى معملتش جاجة خالص فى ارضى لكن ناوى ابدأ ان شاء الله قريبا

فهل ممكن اتقدم لتدخيل عداد المياة الاول ولا لازم احفر الارض الاول ؟

و كمان اية علاقة عداد المياة بالمبانى يعنى ممكن ينفعنى اثناء البناء ؟

ولكى جزيل الشكر و كثر الله من امثالك[/b"][]

اول شئ لازم تعمل تصريح حفر و تدفع تأمين الحفر

بعد كده تبدأ الحفر

بعد كده تسلم بونات الحفر

بعد كده تعمل تصريح تشوين عشان تشون اسمنتك و زلطك و حديدك

ايضا تقدم على عداد المياة و تركبه لان من اين ستاتى بالماء اللازم للبناء

الحكاية و الفيلم الجديد اللى ابتدا يعرض فى سينما جهاز الشروق

انى لما اتاخرت فى الحفر شوية اتفرضت حجات تانية جديدة

يعنى العداد كان بالف جنيه زودوه ل 25 الف و بعدين نقصوه الى 5 الاف

اصبح فيه حاجة اسمها طرق و مرافق ب 1200

لازم الجهاز نسى اننا المفروض مستلمين الارض مرفقة

اصبح فى فلوس نظير الصرف الصحى و دى بتتقدر حسب بعد قطعتك عن المصدر الرئيسى و المبلغ المدفوع منه مبلغ تامين و مبلغ نظير عمل الخدمة و بعد البناء بيشوفوا كم غرفة فى المبنى و كل غرفة بيخصم لها مبلغ معين و تسترد باقى التامين ده اذا كان وقتها حيكون فى باقى

بعد كده تبتدى فى امان الله

يبدو ان الجهاز نسى ان دى مدينة الشروق

و ليست قطعة من مدينتى و بيحاسبنا على هذا الاساس

تم تعديل 30 مايو 2009 بواسطة عطر الجنة

[عطر الجنة]

السلام عليكم

سؤال للأخت عطر الجنة بخصوص تكاليف التأمين اللي بتتدفع قبل رسوم الرخصة بتكون حوالي اد ايه و هل هي نسبة من تكاليف البناء ؟ و شكرا

هذا المبلغ نسبة حسب تكلفتك التقديرية للبناء المقدمة مع الرخصة لذا لن تجد احد مثل الاخر

[عطر الجنة]

خبر هيئة المجتمعات العمرانية خبر سعيد و مهم وهو فعلا منشور فى جريدة المساء بتاريخ 24 مايو ولكن الغريب أنه ليس له وجود على الموقع الالكترونى للهيئة !!!!!!!!!!!

اخوانا جزاكم اللة كل خير افيدونى عن موقف الارض الواقعة على مدخل مدينة الشروق الاول على اليمين من جهة الهيكستب وهل هذة الارض تتبع المجتمعات العمرانية ام ممكن نشتريها من شركات الاراضى مثلا وماهى الجهة الحكومية التى تتبعها هذة المنطقة يعنى لو حبينا نطلع رخصة مبانى من فين نجيبها وجزاكم اللة خير ارجو سرعة الافادة لانى لااعيش بمصر وانتم اخوانى التى استعين بكم

انا من اسكندرية و لو كنت تقصد جهة اليمين من المدخل الاول على طريق الاسماعيلية و ده الاكيد

فابعد عن الارض دى لانها ستقام عليها مدينة للضباط ممتدة الى طريق السويس

و ده المعروف للان

[dr/mina]

ارجو مساعدتى فى اقرب وقت فانا معروض عليا قطعة ارض تخصيص فى موقع مميز جدا و بسعر مغرى جدا جدا و لكن المشكلة الكبرى ان هذه الارض من سنة 99 و المهلة اتمدت كتير وسوف تنتهى مهلة بناء الهيكل يوم 30/6 القادم مع العلم بان الارض غير محفورة وهى صخرية تحتاج الى الوقت و المال لا اعرف هل اغامر و اعتمد على ان المهلة ستمتد مرة اخرى او لا اغامر و اخذ قطعة قرعة ولكنها غير مميزة مثل تلك الارض ايضا الارض ليس عليها اى اقساط برجاء الرد فانا محتار ولا احد يفيدنى سواء من الهيئة العمرانية او الجهاز او السماسرة او حتى صاحب الارض فا البعض يقول اعمل اى حاجة عشان تثبت الجدية وهم حيراعوا لا اعرف حقا اسف للاطالة ولكنى متردد