المدن الجديدة و خاصة الشروق

[سكر]

الاخ مهندس التحكم

عشان دة سوق الفهلوة

والى تغلبه العبه

[عطر الجنة]

معلش يا جماعة في شيء انا مش فاهمة يا ريت الاخوة ايلي بيبنوا يوضحوة :

1-لية المنور الـ 12 متر مش محسوب من الـ 50% مباني في الارضي والمتكرر....وهل دة وضع قانوني مع الجهاز...

2-لية الدور ايلي اجمالي مساحتة المبنية 156 متر مربع (شامل المناور والخوارج وكل انواع الزيادات ايلي في الدنيا) يتباع علي انة 180 متر...الزيادة دي جت منين.....

3-شوفت عمارات في التجمع 4 اداور متكرر يعني 5 ادوار شامل الارضي...هل دة مسموح بية ...ولا الادوار دي مخالفة...

4- لية الشقق ما تتباعش بصافي المساحة الفعلية للشقة مع زيادة سعر المتر علي الاقل الواحد ما يبذلش مجهود في حل فوازير الامتار الزيادة جاية منين..شيء غريب قوي ان بعد ما الواحد يحسب السلالم والمناور والبلكونات والخواج...يلاقي فية 20 او 30 متر زيادة....

جزاكم الله خيرا...

عارف ليه

لان فى ناس فى المنطقة الثانية عمارات بالشروق حبت تبيع بالمساحة الصافية

اعلنت عن المتر ب 2000 جنيه و هيه لم يتم حفر ارضها

فهل سهل انك تسمع تمن المتر بالمنافع 1400 ولا 2000

ايهما متقبل اكثر

تانى شئ

فى المدن الجديدة يوجد مصاريف كتيرة صعب حصرها مثل راتب الغفير الشهرى

تخيل انه عندى مش مالى عينه 250 جنيه فى الشهر و عاوز 350 جنيه

ده غير البدو 250 جنيه شهرى و الا سرقوا اسمنتك و حديدك و ما الى ذلك

و للحديث بقية

[مهندس تحكم]

المهندسة الفاضلة / عطر الجنة...

أنا عارف ان وقع الـ 1400 جنية للمتر احلي بكتير من الـ 2000 جنية للمتر علي سمع الزبون...بس للاسف ايلي بيعلن ما بيقولش الـ 1400 جنية للمتر دول صافي امتارهم قد اية ...والمنافع دي عبارة عن اية...علشان الزبون يعرف السعر الحقيقي للمتر المستخدم والمنتفع بية داخل الشقة....

يعني لما المنافع توصل لحد 35% او 40% من المساحة المباعة يمكن ساعتها سعر المتر الصافي يتجاوز الـ 2000 جنية ...

الشيء المهم في كل الكلام دة....أن المفروض البيع والشراء يتم علي أساس اسلامي ....يعني الناس تتحري الحلال والحرام....لان من شروط البيع الحلال...ان البائع لا يدلس ولا يغش ولا ينصب ولا يطفف في الميزان ..والميزان هنا هو مساحة الشقة ....يعني يبقي الكلام علي بينة ...وكل شيء واضح. علشان يبقي البائع برأ زمتة امام الله من المشتري ..

وبعدين لو جينا لطريقة الحساب...هاتلاقي ان المنافع ايلي كل الناس مشتركين فيها ....كل شقة اتحاسبت عليها مرة...يعني اتباعت 8 او 10 مرات...دة غير الجناين والشوارع وناقص الناس تبيع الهواء ايلي حوالين العمارة

بالنسبة للمصروفات ....سهل قوي انها تتجمع ...لحد حتي الشاي والقهوة والاكل بتاع العمال....وبعدين يتحدد نسبة ربح...وانا متأكد ان مافيش حد بيبني وبيبيع وهايكون خسران....انما ايلي بيحصل ...ان الناس عايزة تكسب 100% او اكثر...

تم تعديل 17 فبراير 2010 بواسطة مهندس تحكم

[المهندس محمد]

انخفاض اسعار الاسمنت اليوم 18--2-2010 و غالبا الحديد حينزل الشهر الجاي فقط للعلم بالشئ.

[عطر الجنة]

انخفاض اسعار الاسمنت اليوم 18--2-2010 و غالبا الحديد حينزل الشهر الجاي فقط للعلم بالشئ.

ممكن تقولى بكام الطن اليوم و اى ماركة

[عطر الجنة]

بعض واجهات الفيلات و العمارات

[عطر الجنة]

[عطر الجنة]

هذه بعض الواجهات من المدن الجديدة صورتها بنفسى من ارض الواقع

بكاميرا موبايلى بس التاريخ كان غلط

[عطر الجنة]

[عطر الجنة]

ارجو ان الواجهات تحوز اعجابكم و فى كمان لو تحبوا

[eldesokyah]

السلام عليكم

الاخت عطر الجنه انت بحق نعم العون لكل من يريد أن يتابع اخبار مدينه الشروق او يكون (بضم الياء وفتح الكاف) فكره عنها

لك خالص الشكر

[ahmos1]

اختنا عطر الجنة

بارك الله فى مجهودك وواجهات ممتازة و متنوعة اطمع فى المزيد من الواجهات و ياريت لو حجر وماهو رأيك فى افضل انواع الواجهات و شكرا

[مهندس تحكم]

الواجهات ما شاء الله شكلها جميل....بس ليا ملحوظة صغيرة....يارب الاقي ليها تفسير...

هو لية في فيلات ارضي ودورين ....وفيلات ارضي ودور...

وعمارات ارضي و 3 اداور ...وعمارات ارضي واربع ادوار.....مش المفروض يكون في نظام ثابت ...ولا كل قرعة ارض كان ليها اشتراطات بناء خاصة بيها ....

[عطر الجنة]

السلام عليكم

الاخت عطر الجنه انت بحق نعم العون لكل من يريد أن يتابع اخبار مدينه الشروق او يكون (بضم الياء وفتح الكاف) فكره عنها

لك خالص الشكر

الشكر لله لكن هذه واجهات من خارج مدينة الشروق غالبيتها من التجمع الخامس و القاهرة الجديدة

[عطر الجنة]

rc

لقد تم تطوير مادة الخرسانة المسلحة بالألياف الزجاجية Grc في القرن العشرين ليكون البديل عن مواد الإكساء الكلاسيكية والطبيعية كالحجر والرخام وغيره وليساهم بشكل عام في الإنشاء العصري اقتصادياً ، تقنياً وجمالياً في جميع أنحاء العالم منذ أكثر من 30 عام وهو في تطور دائم.

منتجات Grc صلبة ، خفيفة الوزن ، سريعة الإنشاء ، ذات مرونة عالية ، سهلة المعالجة والنقل والتركيب.

Grc هو عبارة مجموعة متكاملة من المركبات المعتمدة على الاسمنت عالي الأداء المسلح بالألياف الزجاجية ذات القدرة الخاصة لمقاومة القلويات مما يجعله قابل للتطويع ليناسب مجالاً واسعاً من التطبيقات.

--------------------------------

.. مميزاته ..

من ميزات الخرسانة المسلحة بالألياف الزجاجية Grc أنها أحدى مواد البناء الأكثر طواعية المتوفرة للمهندسين والمعماريين

كما أنها عملية لإعادة الانتاج والترميم وذات جمالية عالية وصديقة للبيئة

تخفف الحمولات على الأبنية بعوامل أمان كبيرة للهياكل الضخمة والأساسات

يمكن تلوينها بالصبغات والدهانات وتعالج كما تعالج سطوح الطينة الاسمنتية.

الاكساء بواسطتها يمكن أن يحل محل البيتون المسبق الصنع غير الانشائي عندما يكون هناك مشكلة في الوزن والشكل.

يمكن تشكيل منتجات Grc بمقاطع رقيقة سماكة 6- 12 مم ليكون وزنها أقل بكثير من وزن منتجات البيتون المسبق الصنع التقليدية المماثلة بالحجم.

إن الخرسانة المسلحة بالألياف الزجاجية سهلة التصنيع والقولبة لانتاج الأشكال والتفاصيل الدقيقة ويعطي الملمس المطلوب للسطوح النهائية بأفضل نوعية.

.. يمكن استعمال هذه التقنية في ..

- ألواح الاكساء للواجهات الخارجية والأعمدة والتيجان.

- مظلات للشمس أفقية وعمودية.

- كورنيشات وأساور ودرابزينات.

- أسقف مستعارة وقبب داخلية وخارجية.

- أقنية للري والصرف.

- قوالب دائمة لصب الاسمنت ( ضائعة)

- أنابيب مقواة بدون استعمال الفولاذ.

- صناديق لتوصيل وتوزيع المياه.

- تربية كثيفة للحيوانات بما في ذلك تربية الأسماك.

- أحواض الشرب، مغاطس وأحواض غسيل خاصة بالحيوانات.

---------------------------

مواصفات الخرسانة المسلحة بالألياف الزجاجية Grc

- مقاومة للتآكل وللظروف الجوية الخارجية من حرارة ورطوبة وبخاصة للأجواء البحرية.

- صلب ومقاوم للكسر والضغط.

- عازل للحرارة والصوت.

- يصنع بعيدأ عن الموقع.

- مقاوم للحريق وذو مقاومة عالية لتسرب الماء.

[المهندس محمد]

السلام عليكم

ياريت الاخت عطر الجنة تسرد لنا تكاليف انشاء اعمدة البدروم . علشان حضرتك لم تذكريها سابقا و شكرا

[drashry]

اختنا عطر الجنة

بارك الله فى مجهودك وواجهات ممتازة و متنوعة اطمع فى المزيد من الواجهات و ياريت لو حجر وماهو رأيك فى افضل انواع الواجهات و شكرا

أضم صوتي للأخ الفاضل وأطالب بواجهات أخري خاصةً عائلي الشروق!!!ولاسيما أن المهندسة عزة مغرمة بمدينة الشروق ومعظم شغلها فيها !!!!!!!!!!! :rolleyes:

[عطر الجنة]

تعالوا مع بعض نتفرج على ابواب الفيلات و العمارات الخارجية

و التى تعطى انطباع عن ثراء المحتوى الداخلى للمكان

[عطر الجنة]

[عطر الجنة]

اختنا عطر الجنة

بارك الله فى مجهودك وواجهات ممتازة و متنوعة اطمع فى المزيد من الواجهات و ياريت لو حجر وماهو رأيك فى افضل انواع الواجهات و شكرا

الله يبارك لك

و اشكرك على اطرائك

و طبعا هناك فرق بين الواجهات الحجر و الدهانات

فالدهانات الان عالم متطور جدا و كل يوم فيه جديد سواء فى الالوان او الخامات او النوعيات

و مع كثرة بنايات المدن الجديدة اصبحت الاسواق تعج بدهانات تتحمل الظروف البيئية المختلفة التى تتعرض لها الواجهات

لكن رغم ذلك فهى لها عمر افتراضى تحتفظ فيه الواجهات بشكل جذاب ثم تحتاج الواجهة الى اعادة طلاء و يختلف عمر الطلاء حسب نوعه و جودته و الظروف التى يتعرض لها

اما الحجر فعمره الافتراض كبير جدا و يظل محتفظا برونقه و سهل التنظيف

و بالتالى رغم ارتفاع التكلفة فى الاول عن الدهانات لكن يظل ارخص نظرا لطول عمره الافتراضى عن الدهانات

و ان شاء الله بصور عدة فيلا حجرية من الواقع و بعرضها