الجنسيه المصريه

[عنبو]

اولا السلام عليكم ورحمة الله وبركاته

ياترى يا هل ترى لو اتعرض عليك جنسيه تانيه ياترى هتقبل ؟؟ طيب ياترى ياهل ترى لو كان حصولك على الجنسيه التانيه يتطلب تنازلك على الجنسيه المصريه ياترى هتوافق ؟؟

طيب لو اصبحت مزدوج الجسيه هيبقى انتمائك لاى بلد ؟؟ مصر ولا البلد التانيه ؟؟

ياريت كل واحد يقول رايه بصراحه ؟؟

[~Heba~]

ياريت كل واحد يقول رايه بصراحه ؟؟

يا ترى ليه محدش رد

يا ترى خايفين يواجهوا نفسهم بالحقيقة....ان الوطنية و حب مصر اصبح مجرد شعارات عند بعضهم

[فــيــروز]

لو عُرِضَت علىّ جنسيه أخرى بجانب المصريه و كان للتجنّس بها مميّزات سأقبل طبعا بدون تردد "ماعدا جنسيات عدد محدود من الدول تسبب مشاكل لمن يحملونها" ..

لكن لو كان العرض مقابل التنازل عن الجنسيه المصريه سأرفض رغم أنّى لا أؤمن أصلا بفكرة ربط الجنسيه بالانتماء بس لسّه مش قادره أتخلّص من إحساسى بالارتباط بالجنسيه المصريه ..

لو حد حابب يسأل أسئله تانيه يتفضّل أنا معنديش ما أخجل منه فى هذا الموضوع ولا أراه يستدعى أصلا أى إحساس بالخجل و قصص الوطنيه و الانتماء دى قصص فضفاضه لحد كبير ..

[عنبو]

مش فاهم قصد حضرتك

يعنى لو كان حصولك على الجنسيه التانيه يتطلب منك تنازلك عن الجنسيه المصريه هتوافق ؟؟؟؟

[عنبو]

شكرا للاخت فيروز

بس ليه قصص الوطنيه والانتماء فضفاضه لحد كبير او بقت كده ! تفتكيرى ليه ؟؟؟؟

[عنبو]

ياريت كل واحد يقول رايه بصراحه ؟؟

يا ترى ليه محدش رد

يا ترى خايفين يواجهوا نفسهم بالحقيقة....ان الوطنية و حب مصر اصبح مجرد شعارات عند بعضهم

مش مشكلة خوف مواجهة النفس بالحقيقه

المشكله ان مفيش حد بيتعرض عليه جنسيه اجنبيه احنا اللي بنجري عليها حتي لو اضطر الامر اننا نتزوج امراه في سن امهاتنا

ولا علاقه بالانتماء للوطن في هذا الموضوع فمعظم من يحاول الحصول علي جنسيه اجنبيه بيكون هدفه انه يعيش بكرامه في وطنه

مش فاهم قصد حضرتك

يعنى لو كان حصولك على الجنسيه التانيه يتطلب منك تنازلك عن الجنسيه المصريه هتوافق ؟؟؟؟

[فــيــروز]

شكرا للاخت فيروز

بس ليه قصص الوطنيه والانتماء فضفاضه لحد كبير او بقت كده ! تفتكيرى ليه ؟؟؟؟

طيب كى أجيب حضرتك على هذا السؤال هل يمكن أن تشرح لى ما الذى قصدته بالانتماء فى مداخلتك الأولى؟ وهل يكون الانتماء بمقابل أم مجّانا؟ بمعنى : هل انتمائى لمكان ما هو شئ غير مشروط و مفروض علىّ لمجرّد أنّى وُلِدت فيه و أحمل جنسيته أم أن الانتماء مشروط بما يقدّمه لى هذا المكان من حقوق تُلزِمنى بالانتماء إليه؟

[ايهاب سالم]

اولا السلام عليكم ورحمة الله وبركاته

و عليكم السلام ورحمة الله وبركاته

ياترى يا هل ترى لو اتعرض عليك جنسيه تانيه ياترى هتقبل

لم تعرض علي و لكني سعيت للحصول عليها

؟؟ طيب ياترى ياهل ترى لو كان حصولك على الجنسيه التانيه يتطلب تنازلك على الجنسيه المصريه ياترى هتوافق ؟؟

نعم

بالجنسيه التانيه تقدر تعيش في مصر زي مانت عايز لكن العكس غير صحيح

طيب لو اصبحت مزدوج الجسيه هيبقى انتمائك لاى بلد ؟؟ مصر ولا البلد التانيه ؟؟

ليه لازم نختار ..... مينفعش الاثنين ?

بالضبط زي مايكون والديك من جنسيتين مختلفتين

ممكن تحبهم هما الاثنين و يكون ولائك لهم هما الاثنين

بس مقدار الحب ممكن يختلف

مش كده برضه ?

ياريت كل واحد يقول رايه بصراحه ؟؟

حصل

تم تعديل 5 مايو 2009 بواسطة ايهاب سالم

[أحمد سيف]

اولا السلام عليكم ورحمة الله وبركاته

و عليكم السلام ورحمة الله وبركاته

ياترى يا هل ترى لو اتعرض عليك جنسيه تانيه ياترى هتقبل

لم تعرض علي و لكني سعيت للحصول عليها

؟؟ طيب ياترى ياهل ترى لو كان حصولك على الجنسيه التانيه يتطلب تنازلك على الجنسيه المصريه ياترى هتوافق ؟؟

نعم

بالجنسيه التانيه تقدر تعيش في مصر زي مانت عايز لكن العكس غير صحيح

طيب لو اصبحت مزدوج الجسيه هيبقى انتمائك لاى بلد ؟؟ مصر ولا البلد التانيه ؟؟

ليه لازم نختار ..... مينفعش الاثنين ?

بالضبط زي مايكون والديك من جنسيتين مختلفتين

ممكن تحبهم هما الاثنين و يكون ولائك لهم هما الاثنين

بس مقدار الحب ممكن يختلف

مش كده برضه ?

ياريت كل واحد يقول رايه بصراحه ؟؟

حصل

صحّ لسانك (على رأي اخوانا الخليجيين)

وهما بيقولوا برضه: "اللي ما يطول العنب حامض عنه يقول" ، والكلام لك فاسمعي يا جاره

[hOuSsAm]

السلام عليكم ورحمة الله وبركاته

او اتعرض عليا جنسية اخرى بجانب الجنسية المصرية طالما انها هتمنحنى مميزات معينة

والسبب ان الوطنية والانتماء فى رايى ملهمش علاقة بالجنسية

يعنى ناس كتيرة مصريين ومعندهمش ولاء ولا انتماء لمصر

وناس كتيرة عايشة فى الخليج ولائها وانتمائها وحياتها كلها فى الخليح وبيقولوا عمرنا مهنرجع مصر

الموضوع ببساطة مجموعة من الامتيازات بيحصل عليها منسوبى كل جنسية

[~Heba~]

بالضبط زي مايكون والديك من جنسيتين مختلفتين

ممكن تحبهم هما الاثنين و يكون ولائك لهم هما الاثنين

بس مقدار الحب ممكن يختلف

مش كده برضه ?

و يا ترى بتحب مين اكتر

[~Heba~]

شكرا للاخت فيروز

بس ليه قصص الوطنيه والانتماء فضفاضه لحد كبير او بقت كده ! تفتكيرى ليه ؟؟؟؟

طيب كى أجيب حضرتك على هذا السؤال هل يمكن أن تشرح لى ما الذى قصدته بالانتماء فى مداخلتك الأولى؟ وهل يكون الانتماء بمقابل أم مجّانا؟ بمعنى : هل انتمائى لمكان ما هو شئ غير مشروط و مفروض علىّ لمجرّد أنّى وُلِدت فيه و أحمل جنسيته أم أن الانتماء مشروط بما يقدّمه لى هذا المكان من حقوق تُلزِمنى بالانتماء إليه؟

الانتماء مشروط ده لو فرضنا انه شعور مكتسب..زى مثلا لو حد بحبه لانه معاملته لى كويسة و بيراعينى و كدة يعنى

انما الوطن شئ مختلف الانسان فُطر على التعلق بالاشياء التى يفتح عينينه و يجدها حوله بدءا من الام و الأب

و المكان - و حتى الزمان - اللى قضى فيه ايام طفولته و ايام شبابه و الذكريات الجميلة

و الذكريات دى اهم حاجة لانه فى الحقيقة الحنين بيكون للذكريات نفسها و بيبقى الواحد عايز يسترجعها بالعودة لنفس المكان - الزمان لأ طبعا - و ده اللى بيشد الناس ترجع للوطن الام مهما بعدوا

و لنفس السبب نلاقى ابناء الاجيال اللاحقة (ابناء المهاجرين) ليس لهم ارتباط بهذا المكان و لا ذكريات فيه عشان كدة نلاقى علاقتهم بيه شبه منقطعة اللهم من مجرد اسم الجنسية التى يحملونها لانها جنسية آباءهم

ليا اضافة بسيطة جدا عن الموضوع ككل :

مش عيب ان الانسان يكون ولاء للبلد اللى تقدمله خدمات و امتيازات اذا عاش تحت مظلتها بس لو كان الولاء ده يتعارض مع مصلحة الوطن الام هنا تكمن المشكلة

مش عايزين نفتح موضوع تتعارض ازاى عشان منروحش لبعيد بس انتى قلتى فيه جنسيات ممكن تسبب مشاكل لحامليها وده اللى اقصده

تم تعديل 5 مايو 2009 بواسطة ~Heba~

[ايهاب سالم]

بالضبط زي مايكون والديك من جنسيتين مختلفتين

ممكن تحبهم هما الاثنين و يكون ولائك لهم هما الاثنين

بس مقدار الحب ممكن يختلف

مش كده برضه ?

و يا ترى بتحب مين اكتر

اللي اخترته

[~Heba~]

بالضبط زي مايكون والديك من جنسيتين مختلفتين

ممكن تحبهم هما الاثنين و يكون ولائك لهم هما الاثنين

بس مقدار الحب ممكن يختلف

مش كده برضه ?

و يا ترى بتحب مين اكتر :closedeyes:

اللي اخترته

لسان حالك :

قالولي بتحب مصر فقلت مش عارف

المعنى كعبة وانا بوَفْد الحروف طايف

وألف مغزل قصايد في الإدين لافف

قالولي بتحب مصر فقلت مش عارف

أنا لما اشوف مصر ع الصفحة بكون خايف

ما يجيش في بالي هرم ما يجيش في بالي نيل

ما يجيش في بالي غيطان خضرا وشمس أصيل

ولا جزوع فلاحين لو يعدلوها تميل

حكم الليالي ياخدهم في الحصاد محاصيل

ويلبّسوهم فراعنة ساعة التمثيل

وساعة الجد فيه سخرة وإسماعيل

ما يجيش في بالي عرابي ونظرته في الخيل

وسعد باشا وفريد وبقيّة التماثيل

ولا ام كلثوم في خِمسانها ولا المنديل

الصبح في التاكسي صوتها مبوظُّه التسجيل

ما يجيش في بالي العبور وسفارة اسرائيل

ولا الحضارة اللي واجعة دماغنا جيل ورا جيل

قالولي بتحب مصر أخدني صمت طويل

وجت في بالي ابتسامة وانتهت بعويل

:rolleyes:

[abohaya]

بدون تردد وانا بحاول فى الموضوع دة و هدف من اهداف غربتى فى السعودية هو توفر المادة الى تقدر تجيب جنسية امريكية او كندية او بريطانية ولو فرضا طلبوا التنازل عن المصرية حوافق بدون تفكير لانى حقدر اعيش فى مصر (بلدى) بهذة الجنسية فى وضع افضل بكتييييييييير ويبقى دة احسن استثمار ممكن اسيبه لاولادى و كلامى دة مش فى لحظة انفعال او غضب من الاوضاع فى مصر وحتى من غير جنسية اخرى مجرد الفرصة للمعيشة فى بلد تانية بقت امل كثير من المصريين و يلاحظ دة الى قديم فى الغربة كان زمان المصرى بييجى لاى دولة خليجية وما كانش يهمه حيسكن فين و ازاى و السيارة شكلها اية و ما يهموش المظهر و دى فكرة اتاخدت عن المصريين فى الخليج اهم شىء حيعمل فلوس كام و يرجع مصر اما دلوقت الوضع اتغير الكثير من المصريين و انا منهم استقرينا فى البلاد الى احنا فيها و موضوع الاجازة دة بيبقى اضطرارى علشان بس الاجداد يشوفوا العيال مش واحشانى مصر ولا حاجة و بنتظر نهاية الاجازة بفارغ الصبر وعلشان الواحد ناوى انه يستقر بيفرش بيته احسن فرش و بيركب سيارة ميعرفش عمره يشتريها فى مصر (انا سيارتى فى مصر ثمنها 630.000 جنيه) هنا ثمنها 80.000 ريال و بيدخل اولاده مدارس كويسة اعرض انت بس الجنسية و ليك الحلاوة :closedeyes:

[عنبو]

اولا السلام عليكم ورحمة الله وبركاته

و عليكم السلام ورحمة الله وبركاته

ياترى يا هل ترى لو اتعرض عليك جنسيه تانيه ياترى هتقبل

لم تعرض علي و لكني سعيت للحصول عليها

؟؟ طيب ياترى ياهل ترى لو كان حصولك على الجنسيه التانيه يتطلب تنازلك على الجنسيه المصريه ياترى هتوافق ؟؟

نعم

بالجنسيه التانيه تقدر تعيش في مصر زي مانت عايز لكن العكس غير صحيح

طيب لو اصبحت مزدوج الجسيه هيبقى انتمائك لاى بلد ؟؟ مصر ولا البلد التانيه ؟؟

ليه لازم نختار ..... مينفعش الاثنين ?

بالضبط زي مايكون والديك من جنسيتين مختلفتين

ممكن تحبهم هما الاثنين و يكون ولائك لهم هما الاثنين

بس مقدار الحب ممكن يختلف

لا انا اقصد ان لو حصل خلاف او حرب بين الدولتين هتبقى مع مين ؟؟

مش كده برضه ?

ياريت كل واحد يقول رايه بصراحه ؟؟

حصل

[عنبو]

اولا اشكركم جميعا

واحترم وجهة نظر كل واحد

لكن بالنسبه للى بيقول انا هاخد الجنسيه التانيه علشان اعرف اعيش كويس فى بلدى حتى لو الامر احتاج انى اتنازل عن الجنسيه المصريه !!!!!!!!!

اوك حضرتك ممكن تكون معاك حق ان اللى معاه جنسيه امريكيه او كنديه او اوربيه بياخد حقه فى البلد اكتر مننا بس الوضع ده ان شاء الله مؤقت وان شاء الله هيجى الوقت اللى هنرجع تانى زى الاول واحسن وان شاء الله قريب مش بعيد طيب لو حصل كده ورجعت مصر تانى هيبقى ايه وضعك ؟؟؟ !!!

[فــيــروز]

هبه تقول

الانتماء مشروط ده لو فرضنا انه شعور مكتسب..زى مثلا لو حد بحبه لانه معاملته لى كويسة و بيراعينى و كدة يعنى

انما الوطن شئ مختلف الانسان فُطر على التعلق بالاشياء التى يفتح عينينه و يجدها حوله بدءا من الام و الأب

و المكان - و حتى الزمان - اللى قضى فيه ايام طفولته و ايام شبابه و الذكريات الجميلة

و الذكريات دى اهم حاجة لانه فى الحقيقة الحنين بيكون للذكريات نفسها و بيبقى الواحد عايز يسترجعها بالعودة لنفس المكان - الزمان لأ طبعا - و ده اللى بيشد الناس ترجع للوطن الام مهما بعدوا

و لنفس السبب نلاقى ابناء الاجيال اللاحقة (ابناء المهاجرين) ليس لهم ارتباط بهذا المكان و لا ذكريات فيه عشان كدة نلاقى علاقتهم بيه شبه منقطعة اللهم من مجرد اسم الجنسية التى يحملونها لانها جنسية آباءهم

عشان كده قلت

قصص الوطنيه و الانتماء دى قصص فضفاضه لحد كبير

الإنسان قد يحتفظ فعلا بذكريات طفولته متمثله فى أزمنه و أمكنه لكن من الذى قال أن هذه الذكريات دائما جميله؟ :closedeyes: أظن "شيرين ماشربتش من نيلها" هى اللىّ بتفترض ده smk: .. لأن كل الأغانى و الأفلام و المسلسلات التى تتحدّث عن الوطن تحاول دائما أن تصوّر ذكريات الإنسان فى هذا الوطن بوصفها ذكريات جميله بينما الواقع يمكن أن يكون عكس هذا تماما ممّا ينسف فكرة الربط بين وجود ذكريات و بين الانتماء !! بل إن نفس هذه الذكريات قد تكون سببا فى نسف فكرة الانتماء من أساسها ..

ذكريات الطفل فى طابور العيش !! ذكرياته و هو يحمل حقيبة مدرسه ثقيله على ظهره .. ذكرياته و أهله مش عارفين هيدخل خمس سنين ابتدائى ولاّ ستّه كلّه حسب التساهيل !! ذكرياته و هو يرى المُدرّس يركل زميله فى صدره فيرديه قتيلا .. ذكرياته و مامته بتتنطط بيه فى الميكروباصات و البعض يتعرّض لها بالقول أو الفعل .. ما دى كلّها ذكريات بردو بس إحنا بنحب ننظر للموضوع بشكل رومانسى فنسقط من ذاكرتنا كل شئ سيئ مرتبط بالماضى و نتذكّر فقط الأشياء الجميله كى نبرر فكرة الانتماء للوطن حتى إن لم يكن لها مبرر ..

بخصوص الجنسيات التى تسبب مشاكل لحامليها هى عدد محدّد جدّا من الجنسيات و المشاكل التى تسببها هى مشاكل مرتبطه ب "مصر" و ليس بالبلاد التى تمثلها هذه الجنسيات كما أنّى لا أعتقد أنّها تمنح حامليها أى مميّزات بينما حمل جنسيه أخرى من الأساس مبرّره بالنسبة لى امتيازات لا أحصل عليها بجنسيتى المصريه .. يعنى مثلا لو فى جواز سفرك تأشيره .. مجرّد تأشيرة زياره لدوله مثل "إيران" مثلا يبقى ليلتك فُل حتى لو كنتى بتحبى "مصر" و بتعشقى ترابها و عفوشها !! المشكله هنا ليست فى "إيران" ولا فى انتمائك .. المشكله فى "مصر" كدوله بوليسيه بس طبعا على رأى اللىّ قال "مصر هتفضل غاليه عليا" :rolleyes:

[MZohairy]

كان فيه اغنيه بتييجي في مسلسل بوجي و طمطم اسمها : يعني ايه معنى الوطن

باختصار هو ذكرياتك الجميله مع اهلك و زملائك و جيرانك و اصدقاءك و الاماكن اللي تفاعلتوا فيها

يعني انتماءك للأشخاص و ذكرياتك معهم مش للحكومه المصريه و حسني مبارك و احمد نظيف (رحم الله زوجته)

و لو خدت الناس اللي بتحبهم دي و عشت معاهم في تشيكوسلوفاكيا حتحس بنفس الاحاسيس

و حيغنوا برضوا تشيكوسلوفاكيا هي امي و متقولشي ايه اديتنا تشيكوسلوفاكيا

[عنبو]

طيب ياجماعه الوضع السىء فى مصر ده هيستمر على كده بدون تغير ؟؟؟؟؟!!!! ولا نعمل ايه نسيب البلد ونمشى واللى مسافر يفضل مسافر ومعدش ينزل واللى يقدر يحصل على جنسيه تانيه يحصل والكل ينفض للبلد وخلاص على كده !! ولا ايه الحل ؟؟