الجنسيه المصريه

[~Heba~]

كان فيه اغنيه بتييجي في مسلسل بوجي و طمطم اسمها : يعني ايه معنى الوطن

يعني ايه كلمة وطن؟

يعني أرض؟

حدود؟

مكان؟

ولا حالة من الشجن؟

ولا شمس مغرقة برد النهار , ولا امك؟ ,ولا اختك؟

,ولا عساكر دفعتك والرملة نار؟ ,ولا بناخد كل دول؟

ولا ايه ولا ايه ولا ايه؟ ايام بتشبه بعضها وسنين تفوت ,,,

واما نسافر والحدود تفصل ما بينها الف ميل بنسيب سنين الحب والعمر الجميل ...

هزة فرح أو ليل هموم واحنا بنحلم بالوصول حتى فعرقنا في الهدوم بتهزنا حالة شجن

هو ده معنى الوطن

هو ده معنى الوطن

و على فكرة دى بتاعت محمد فؤاد غناها فى فيلم "امريكا شيكا بيكا"

و غنوها و هما مترحلين على مصر

المهم احنا سؤالنا المفروض يكون يعنى ايه "جنسية"؟

تم تعديل 6 مايو 2009 بواسطة ~Heba~

[Ahmed Unknown]

انا عن نفسى بحاول على اد ما اقدر فى موضوع الهجرة و الجنسية التانية لأنها عمرها ما بتتعرض على حد لكن لو اتعرضت عليا اكيد طبعا هقبل

ولو اتطلب منى ترك الجنسية المصرية هوافق طبعا لأن لو انا متمسك اوى و معتز بيها مكنتش قدمت على جنسيه تانية من الاصل و كمان لو اخدت جنسية تانية هولع فى الباسبور المصرى يعنى محدش محتاج يقولى اتنازل عشان انا متنازل عنها من نفسى

طبعا انتمائى هيكون اكبر لمصر فى البداية بس اكيد بمرور الزمن انتمائى للمكان التانى هيزيد

و مش عايز حد يتلخبط من كلامى ازاى مش عايز الجنسية و ازاى انتمائى لمصر

انا شايف الجنسية دى حاجه حبر على ورق اما الانتماء ده نابع من شعور الانسان

يعنى انا لو اخدت جنسية استراليا هستخدم الباسبور الاسترالى فى السفر و اما اقدم على شغل فى اى مكان فى العالم هقدم بالجنسية الاسترالية و لو حصل لى مشكلة هجرى على سفارة استراليا

اما لو فى ماتش كورة هشجع منتخب مصر طبعا

[~Heba~]

الإنسان قد يحتفظ فعلا بذكريات طفولته متمثله فى أزمنه و أمكنه لكن من الذى قال أن هذه الذكريات دائما جميله؟ أظن "شيرين ماشربتش من نيلها" هى اللىّ بتفترض ده :happy: .. لأن كل الأغانى و الأفلام و المسلسلات التى تتحدّث عن الوطن تحاول دائما أن تصوّر ذكريات الإنسان فى هذا الوطن بوصفها ذكريات جميله بينما الواقع يمكن أن يكون عكس هذا تماما ممّا ينسف فكرة الربط بين وجود ذكريات و بين الانتماء !! بل إن نفس هذه الذكريات قد تكون سببا فى نسف فكرة الانتماء من أساسها ..

ذكريات الطفل فى طابور العيش !! ذكرياته و هو يحمل حقيبة مدرسه ثقيله على ظهره .. ذكرياته و أهله مش عارفين هيدخل خمس سنين ابتدائى ولاّ ستّه كلّه حسب التساهيل !! ذكرياته و هو يرى المُدرّس يركل زميله فى صدره فيرديه قتيلا .. ذكرياته و مامته بتتنطط بيه فى الميكروباصات و البعض يتعرّض لها بالقول أو الفعل .. ما دى كلّها ذكريات بردو بس إحنا بنحب ننظر للموضوع بشكل رومانسى فنسقط من ذاكرتنا كل شئ سيئ مرتبط بالماضى و نتذكّر فقط الأشياء الجميله كى نبرر فكرة الانتماء للوطن حتى إن لم يكن لها مبرر ..

بخصوص الجنسيات التى تسبب مشاكل لحامليها هى عدد محدّد جدّا من الجنسيات و المشاكل التى تسببها هى مشاكل مرتبطه ب "مصر" و ليس بالبلاد التى تمثلها هذه الجنسيات كما أنّى لا أعتقد أنّها تمنح حامليها أى مميّزات بينما حمل جنسيه أخرى من الأساس مبرّره بالنسبة لى امتيازات لا أحصل عليها بجنسيتى المصريه .. يعنى مثلا لو فى جواز سفرك تأشيره .. مجرّد تأشيرة زياره لدوله مثل "إيران" مثلا يبقى ليلتك فُل wst:: حتى لو كنتى بتحبى "مصر" و بتعشقى ترابها و عفوشها !! المشكله هنا ليست فى "إيران" ولا فى انتمائك .. المشكله فى "مصر" كدوله بوليسيه بس طبعا على رأى اللىّ قال "مصر هتفضل غاليه عليا" :wub:

فيروز الشاذ دائما لا يقاس عليه

كمثال مثلا لو واحد كانت طفولته بائسة و تعرض لمعاملة سيئة من والديه هل معنى ذلك ان نقول على عاطفة الامومة و الابوة انها فضفاضة

طبعا ممكن تعترضى على التشبيه ان الوطن مثل الام يعنى لكن القصد يعنى ان المكان الذى ينشأ فيه الانسان يعنى امومة معنوية لانه رعاه وو كبر فى كنفه

اما عن الذكريات فصدقينى حتى لو كانت سيئة جدا لابد يكون فيها مسحة من الشاعرية الجميلة بيحن لها الانسان

زى مثلا لما واحد يكون فقير و معدم ع الآخر و ربنا يفتح عليه و يغتنى برضو حيشتاق للفقر و ايامه السعيدة رغم فقره.....و الله يرحمها فايزة احمد اللى قالت :اللقمة الحلوة تجمعنا وتشبعنا وتكفينا

ليه بقى الانسان يسقط من حساباته كل ذكرى حلوة و يركز بس على السلبى...كل واحد و أصله بقى:)

و على فكرة فيه ملاحظة بسيطة استخلصتها من بعض مداخلات الزملاء هنا

البعض يسعى لنيل جنسية اخرى ليس لانه له ذكريات سيئة فى وطنه كرهته فيه لكن عشان ياخد مزايا اضافيه و خدمات افضل فى الدولة صاحبة الجنسية الجديدة مش عارفة ده يكون أنانية و إلا ايه

طيب نشوف اخت عزيزة سعودية قالت ايه عن بلدها

البلد دي إسمها السعودية

وشعبها يبوس ترابها ولم يتركوها منذ كانت قاحلة ولما أخضرت

يجي الغريب وياكل الأخضر واليابس والشعب بيتفرج

بلدنا نحبها ونحب ترابها نحبها في بردها وحرها وهجيرها

حبينها أيام التعب والشقاء والجوع فهل سنكرهها يوم جائت أيام السعادة والخيرات

وياحبي لأمي وطقت عصاها ويا كرهي للناس ولو دلعوني

ده مثل ينطبق علينا على الأقل

!!!و نسأل نفسنا يا ترى فيه حد مصرى بيقول كدة :lol:

معتقدش :)

تم تعديل 6 مايو 2009 بواسطة ~Heba~

[فــيــروز]

فيروز الشاذ دائما لا يقاس عليه

يا شيخه :happy: بقى اللىّ أنا قلته شاذ !! :lol:

طيّب بصّى كده على الموضوع الأمّور ده و شوفى ردودك انتِ فيه و التى كان من ضمنها ..

بيحصل يا فندم و العمل التطوعى موجود بس فى ظل الازمة الاقتصادية الطاحنة دى صعب نطلب من الناس تتخلى شوية عن الأنانية

مش ده كان كلامك بردو ولاّ كلام حد غيرك؟ لأ و فى إحدى مداخلاتك لسّه فاكره طابور العيش اللىّ كنتِ بتتذنّبى فيه أيام المنحه !! ليه يا "هبه" بس تركّزى على الذكريات السلبيه دى :wub:

و بعدين يا "هبه" الست "فايزه" الله يرحمها حقّها تتكلّم عن اللقمه الحلوه اللىّ بتشبّعهم و تغذّيهم لأن ده كان منذ ما يزيد على نصف قرن من الزمان أيّام ما كان فيه عيش يشبّع و يغذّى !! هى "فايزه" كانت بتقف طابور عشان تاخد اللقمه الحلوه دى؟ دلوقت اللقمه بيقفوا لها طوابير بصرف النظر هتطلع حلوه ولاّ مش ... آل اللقمه الحلوه آل !! هى الناس لاقياها يا بنتى؟ wst::

و على رأى ممثّل الادّعاء فى الأفلام الأمريكانى : أكتفى بهذا القدر من التعليق

تم تعديل 6 مايو 2009 بواسطة فــيــروز

[أحمد سيف]

الفاضلة هبة ... ينبغي أن نفرق جيدا بين الجنسية والهوية الوطنية

هناك هذه التفرقة في اللغة الانجليزية مثلا بين كلمتي Nationality و Citizenship الأولى تطلق عادة على أبناء البلد والثانية على كل من يحمل جنسيتها

هناك عدد كبير من حاملي الجنسية الكندية مثلا لازالوا يعرفون أنفسهم عن طريق هويتهم الوطنية الأصلية (فرنسي - ألماني - هندي - صيني ... الخ) ... وبعضهم من الجيل الثالث والرابع

بل أنني أدّعي أن كثيرا ممن يعيشون خارج أوطانهم يكون لديهم شعور بالانتماء للوطن والدين أكثر من غيرهم ... لأن الإنسان دوما يبحث عن هوية تميزه عن المحيطين به

أنت بنفسك تلاحظين أن معظم من يكتبون في هذه المحاورات هم من المقيمين في الخارج ... والكثير منهم عاش معظم حياته خارج مصر ... ولأضرب لك مثلا بي شخصيا فأنا قد عشت ثلاثة أرباع عمري خارج مصر ولكن لازلت أعتز بهويتي الوطنية

ذلك لا يتعارض بأي حال من الأحوال مع السعي للحصول على جنسية أخرى تحقق لي نوعا من الأمان والحياة الكريمة

وإذا كنا نقول في أمثالنا "اللي مالوش كبير يشتري له كبير" فأنا أقول: اللي مالوش جنسية تضمن له حقوقه الأساسية - وللأسف جنسيتنا المصرية ليست كذلك - فليشتري له جنسية أجنبية.

بالنسبة للكاتبة السعودية فهي تقول ذلك الآن وبلدها تنعم بالرخاء النفطي ... ولكن هل كانت تستطيع أن تقوله في ظروف مختلفة ... أشك في ذلك ... العرب سكان شبه الجزيرة العربية هاجر معظمهم عقب الفتح الإسلامي الى بلاد أكثر رخاء كالشام والعراق ومصر وفارس وشمال أفريقيا ... ولم يبق منهم في شبه الجزيرة سوى من عجز عن مغادرتها

أنا بس بادعي ربنا إنه يرزقك بعقد عمل في الخليج أو بعريس معاه جنسية أجنبية ... وعاوزين نشوف رأيك هايكون ايه ساعتها في المغتربين والمهاجرين

[~Heba~]

يا شيخه بقى اللىّ أنا قلته شاذ !! :happy:

انتى قلتى الواحد ممكن يكون له ذكريات سيئة تنسف فكرة الانتماء من أصله....ده اللى قصدى انه شاذ و ده كمان جديد على المصريين

مصر بلد مش بنت امبارح و اللى بتمر بيه مش جديد...طب حد عند فكرة احتلال الهكسوس دام كام سنة

حد طفش من المصريين ساعتها و قال عايز ابقى اغريقى :lol:

طيّب بصّى كده على الموضوع الأمّور ده و شوفى ردودك انتِ فيه و التى كان من ضمنها ..

بيحصل يا فندم و العمل التطوعى موجود بس فى ظل الازمة الاقتصادية الطاحنة دى صعب نطلب من الناس تتخلى شوية عن الأنانية

مش ده كان كلامك بردو ولاّ كلام حد غيرك؟ لأ و فى إحدى مداخلاتك لسّه فاكره طابور العيش اللىّ كنتِ بتتذنّبى فيه أيام المنحه !! ليه يا "هبه" بس تركّزى على الذكريات السلبيه دى :)

و الله يا شيخة ذكريات زى العسل طب انا كنت لسة هحكيلك

دلوقتى انا كنت بجيب العيش يوم الجمعة بس عشان بقية الايام الفرن مش بيبع الناس بتاخد العيش بالاشتراكات و انا لانى مغتربة و مش من اهل البلد مكنش ليا اشتراك

و فى يوم جمعة صحيت متأخر لقيت الكمية نفدت

و فى نفس اليوم كنت مجهزة لغدا جاااامد

و يا الف خوووسارة مفيش عييييييييش wst::

بس صحبتى فى الدور الرابع كان عندها شوية عيش من الاسبوع اللى فات

قلتلها انزلى بيهم و حنتغدى سوا و العشا ربنا يسهلها نبقى نروح نتعشا برة

و كان بها و اتلمينا لمة حلوة على الغدا مع شوية بنات من الشقتين....شوفى بقى اهى دى اللقمة الحلوة :) ....و الله يرحمك يا فايزة

يعنى برضو اهى ذكريات سلبيه بس مش مبرر ابدا انى اسعى لانى انسلخ من جلدى و البس توب مش توبى مهما كان هيبقى فيه مميزات

اهاجر اه

اشتغل فى مكان تانى آه و بلاد الله واسعة لكن جذورى و اصلى لا يمكن انسلخ منه

و الله بيغير جنسيته ده ابسط ما يقال عنه انه بيقطع حبل الود مهما قال انه لسة يكن لوطنه مشاعر طيبة

المشكلة دلوقتى ناس هتقول..و هما قالوا فعلا

ان تغيير الجنسية لا يعنى تغيير الهوية

زى ما قال الاستاذ احمد سيف و انا طبعا اتفق معه فى بعض ما يقول لكنها البداية يا سادة

لم يكن المصريون يسعون فى اى فترة من الفترات لتغيير جنسيتهم المصرية الا فى الوقت الحاضر يا ترى ده شئ يدعو لبحث هذا الامر قبل ان يتحول لظاهره

طيب لو قارنا وضع مصر بدولة كالهند مثلا و دى دولة طاردة للسكان من زمان و اكيد بعضهم كان يميل لتغيير جنسيته

طيب لو حصل و عملنا المقارنة دى هل سيتضح انه تغيير الجنسية شئ عادى جدا ام شئ سلبى و يستدعى التحرك لتغيير....بس مش بشوية أغانى و كلام فارغ من بتاع شيرين...حاكم ده مبيوكلشى عيش :wub:

[~Heba~]

بالنسبة للكاتبة السعودية فهي تقول ذلك الآن وبلدها تنعم بالرخاء النفطي ... ولكن هل كانت تستطيع أن تقوله في ظروف مختلفة ... أشك في ذلك ... العرب سكان شبه الجزيرة العربية هاجر معظمهم عقب الفتح الإسلامي الى بلاد أكثر رخاء كالشام والعراق ومصر وفارس وشمال أفريقيا ... ولم يبق منهم في شبه الجزيرة سوى من عجز عن مغادرتها

و الله وجهة نظر معتبرة لكنك لم تفسر لماذا الهجرة كانت بعد الاسلام بالذات و ليس قبله و الأهم ان سكان الجزيرة العربية كان بيهاجروا لاجل التجارة فقط (رحلتا الشتاء و الصيف) يعنى للرزق و هذا ما اقبله و لا غبار عليه فى نظرى لكن ليس هجرة استقرار و تغيير للهوية

أنا بس بادعي ربنا إنه يرزقك بعقد عمل في الخليج أو بعريس معاه جنسية أجنبية ... وعاوزين نشوف رأيك هايكون ايه ساعتها في المغتربين والمهاجرين

يا سيدى الله الغنى

انا على فكرة مفيش حاجة بينى و بين المهاجرين لكنى ضد الانسلاخ من الهوية و لو كان تغيير الجنسية صورة لهذا الانسلاخ فأنا ارفضه نهائيا

خد بالك : انسلاخ على وزن "افتعال" يعنى السعى للشئ و فعله عن سابق اصرار و ترصد

مع تحياتى/

هبه بنت سيبويه

خبيرة فى مجمع اللغة العربية و اشياء اخرى

تم تعديل 6 مايو 2009 بواسطة ~Heba~

[Ahmed Unknown]

انتى قلتى الواحد ممكن يكون له ذكريات سيئة تنسف فكرة الانتماء من أصله....ده اللى قصدى انه شاذ و ده كمان جديد على المصريين

مصر بلد مش بنت امبارح و اللى بتمر بيه مش جديد...طب حد عند فكرة احتلال الهكسوس دام كام سنة

حد طفش من المصريين ساعتها و قال عايز ابقى اغريقى

اديكى قلتيها بلسانك "اللى بتمر بيه مش جديد" يعنى من زمن الهكسوس و الحالة ما يعلم بيها الا ربنا و الحالة متصلحتش لحد الوقتى

ولو راجعتى تاريخ مصر مش هتلاقى فترة رخاء و فترات عصيبة و لكن هتلاقى فترات عصيبة بس

طيب نقعد نستنى ايه؟ ما اهى مش ازمة و هتعدى !!!

ولو كانت هتعدى طيب معدتش ليه من ايام الهكسوس لحد الوقتى؟ و هتعدى بقى امتى؟ كمان 2000 سنه؟

و لو عدت كمان 2000 سنه هستفيد انا ايه ولا اولادى ولا احفادى !!!

بالنسبة للكاتبة السعودية فهي تقول ذلك الآن وبلدها تنعم بالرخاء النفطي ... ولكن هل كانت تستطيع أن تقوله في ظروف مختلفة ... أشك في ذلك ... العرب سكان شبه الجزيرة العربية هاجر معظمهم عقب الفتح الإسلامي الى بلاد أكثر رخاء كالشام والعراق ومصر وفارس وشمال أفريقيا ... ولم يبق منهم في شبه الجزيرة سوى من عجز عن مغادرتها

طبعا عمر ما السعوديين هيسيبوها بياكلوا و يشربوا و يلبسوا و يركبوا عربيات و معاهم فلوس اد كده و مبيشتغلوش هيلاقوا بلد زى دى فين فى العالم

و طبعا نص السنه بيقضوها برد السعودية شوية فى دبى و شوية ف البحرين و شوية فى مصر ده غير اوربا و امريكا اللى اشتكت منهم

و طبعا بما ان الكاتبة سيدة فطبعا لازم تقول كده عشان السيدات فى السعودية مبيعملوش حاجه غير الشوبنج

و الله يا شيخة ذكريات زى العسل طب انا كنت لسة هحكيلك

دلوقتى انا كنت بجيب العيش يوم الجمعة بس عشان بقية الايام الفرن مش بيبع الناس بتاخد العيش بالاشتراكات و انا لانى مغتربة و مش من اهل البلد مكنش ليا اشتراك

و فى يوم جمعة صحيت متأخر لقيت الكمية نفدت

و فى نفس اليوم كنت مجهزة لغدا جاااامد

و يا الف خوووسارة مفيش عييييييييش

بس صحبتى فى الدور الرابع كان عندها شوية عيش من الاسبوع اللى فات

حضرتك شايفاها ذكريات زى العسل اما انا عن نفسى فشايف انها حياه غير ادمية

الواحد ياما زمان وقف فى طابور العيش بالتلات و اربع ساعات و طبعا الناس اللى ليها واسطه و اصحاب المحلات و المطاعم كانت بتيجى تاخد العيش على الجاهز و احنا واقفين و ياما الواحد وقف بالساعات قدام جامعة القاهرة عشان يلاقى ميكروباص ولا اتوبيس عشان يروح فيه و احيانا من كتر الزهق كنا نروح مشى

و طبعا صورة الاطفال اللى قاعدين فى تختة مكسورة فى الموضوع اللى اتبعت الرابط بتاعه فطبعا مش حاجه غريبه خالص الواحد قعد سنين فى التعليم فى اماكن زى دى و يمكن اسوأ كمان

فطبعا اختلاف الرؤية و المفاهيم و طريقة التفكير هيه اللى مخليه لسه فى ناس فى البلد فطبعا لو كل الناس لها نفس النظرة السوداء التى املكها كانت كل البلد طفشت من زمان

وإذا كنا نقول في أمثالنا "اللي مالوش كبير يشتري له كبير" فأنا أقول: اللي مالوش جنسية تضمن له حقوقه الأساسية - وللأسف جنسيتنا المصرية ليست كذلك - فليشتري له جنسية أجنبية.

بالنسبة للكاتبة السعودية فهي تقول ذلك الآن وبلدها تنعم بالرخاء النفطي ... ولكن هل كانت تستطيع أن تقوله في ظروف مختلفة ... أشك في ذلك ...

كلام جميل كلام معقول مقدرش اقول حاجه عنه

[فــيــروز]

يا شيخه :) بقى اللىّ أنا قلته شاذ !! :blink:

انتى قلتى الواحد ممكن يكون له ذكريات سيئة تنسف فكرة الانتماء من أصله....ده اللى قصدى انه شاذ و ده كمان جديد على المصريين

مصر بلد مش بنت امبارح و اللى بتمر بيه مش جديد...طب حد عند فكرة احتلال الهكسوس دام كام سنة

حد طفش من المصريين ساعتها و قال عايز ابقى اغريقى :happy:

طيّب بصّى كده على الموضوع الأمّور ده و شوفى ردودك انتِ فيه و التى كان من ضمنها ..

بيحصل يا فندم و العمل التطوعى موجود بس فى ظل الازمة الاقتصادية الطاحنة دى صعب نطلب من الناس تتخلى شوية عن الأنانية

مش ده كان كلامك بردو ولاّ كلام حد غيرك؟ لأ و فى إحدى مداخلاتك لسّه فاكره طابور العيش اللىّ كنتِ بتتذنّبى فيه أيام المنحه !! ليه يا "هبه" بس تركّزى على الذكريات السلبيه دى :lol:

و الله يا شيخة ذكريات زى العسل طب انا كنت لسة هحكيلك

دلوقتى انا كنت بجيب العيش يوم الجمعة بس عشان بقية الايام الفرن مش بيبع الناس بتاخد العيش بالاشتراكات و انا لانى مغتربة و مش من اهل البلد مكنش ليا اشتراك

و فى يوم جمعة صحيت متأخر لقيت الكمية نفدت

و فى نفس اليوم كنت مجهزة لغدا جاااامد

و يا الف خوووسارة مفيش عييييييييش :blink:

بس صحبتى فى الدور الرابع كان عندها شوية عيش من الاسبوع اللى فات

قلتلها انزلى بيهم و حنتغدى سوا و العشا ربنا يسهلها نبقى نروح نتعشا برة

و كان بها و اتلمينا لمة حلوة على الغدا مع شوية بنات من الشقتين....شوفى بقى اهى دى اللقمة الحلوة :wub: ....و الله يرحمك يا فايزة

يعنى برضو اهى ذكريات سلبيه بس مش مبرر ابدا انى اسعى لانى انسلخ من جلدى و البس توب مش توبى مهما كان هيبقى فيه مميزات

اهاجر اه

اشتغل فى مكان تانى آه و بلاد الله واسعة لكن جذورى و اصلى لا يمكن انسلخ منه

و الله بيغير جنسيته ده ابسط ما يقال عنه انه بيقطع حبل الود مهما قال انه لسة يكن لوطنه مشاعر طيبة

المشكلة دلوقتى ناس هتقول..و هما قالوا فعلا

ان تغيير الجنسية لا يعنى تغيير الهوية

زى ما قال الاستاذ احمد سيف و انا طبعا اتفق معه فى بعض ما يقول لكنها البداية يا سادة

لم يكن المصريون يسعون فى اى فترة من الفترات لتغيير جنسيتهم المصرية الا فى الوقت الحاضر يا ترى ده شئ يدعو لبحث هذا الامر قبل ان يتحول لظاهره

طيب لو قارنا وضع مصر بدولة كالهند مثلا و دى دولة طاردة للسكان من زمان و اكيد بعضهم كان يميل لتغيير جنسيته

طيب لو حصل و عملنا المقارنة دى هل سيتضح انه تغيير الجنسية شئ عادى جدا ام شئ سلبى و يستدعى التحرك لتغيير....بس مش بشوية أغانى و كلام فارغ من بتاع شيرين...حاكم ده مبيوكلشى عيش :happy:

من الذى أفاد أن ما ذكرتُه عن الذكريات السيئه شاذ !! يا عزيزتى ده غيض من فيض !!

بل أستطيع أن أقول أن ما تشيرى إليه من ذكريات جميله هو اللىّ بقى شاذ و تابعى و راقبى أى طفل قريب منك ينمو فى مجتمعنا المحترم و حاول ترصدى بموضوعيه نصيبه من الذكريات الإيجابيه ..

البلد اللىّ مش بنت امبارح دى كان مفروض بخبرتها و سنّها توفّر لأهلها ما يجعلهم متمسكين بالبقاء فيها و ليس سبل الهرب منها !! أُمّال هى الخبره و السن الفايده منهم إيه لو كانت البلد اللىّ مش بنت امبارح مش قادره تعمل لأولادها اللىّ البلاد الأصغر فى التاريخ و الحضاره بتعمله !!

انتِ ممكن تشوفى موضوع العيش و الطابور ظريف و دمّه خفيف بس اللىّ مات له شخص فى الطابور سواء كان طابور عيش ولاّ طابور معاش مش هيقدر يشاركك النظره الرومانسيه دى .. و اللىّ له أولاد بيتقطم ضهرهم فى شيل شنط المدرسه أو بتطلع عينيه و عينيهم فى حل الواجبات أو ملاحقة المناهج العقيمه التى تفسد العقل و الروح أو توفير ثمن دروس خصوصيه أو البحث عن مكان محترم للعلاج أو مكان فى نادى لممارسة الرياضه بدل اللعب فى الشارع أو مكان فى جامعه طالما يستحق فرصه للتعليم أو فرصة عمل لم يجدها بعد سنين من العذاب و المرمطه للأسف الشديد لن يستطيع أن يشاركك نظرية "ماشربتش من نيلها" أو حدّوتة "مانقولش إيه إدّيتنا مصر" دى .. لأ نقول و من حقّنا نقول و نحاسب و النظم الحكوميه التى نحاول زورا التشبّه بها بتعمل المجالس النيابيه و الأجهزه الرقابيه ببساطه عشان تقول إحنا إدّينا إيه ل "مصر" و هى إدّيتنا إيه ..

فكرة أهاجر آه لكن جنسيه لأ اسمحى لى فيها قدر من المراوغه و اللوع و محاولة إثبات تميّز زائف لمن لم يحصل على جنسيه جديده .. الجنسيه ما هى إلاّ ورقه تنظّم حقوق المنتمين لمكان ما و هى ليست سبّه ولا جريمه و يُفترَض لو هتروحى مكان يقدّم لك خدمات لا تحصلى عليها فى موطنك الأصلى أن يكون لديك التزام أدبى تجاه هذا المكان تمثّله الجنسيه .. و إلاّ ما معنى الجنسيه المصريه فى حد ذاتها إن لم تكن مجموعه من الالتزامات تجاه وطنك ولماذا تقبلى الالتزام بها مقابل انتمائك لهذا الوطن و تستغربيها حين يكون البلد مكان تانى !! و لماذا الاحتفاظ بالجنسيه المصريه شئ إيجابى بينما الحصول على جنسيه أخرى شئ سلبى ما بلاش جنسيات خالص و يبقى كل واحد مع حاله؟ الجنسيه التزام أدبى و قانونى تجاه مكان ما سواء مكان ميلاد أو مكان للهجره ومفيش حاجه تخلّى اللىّ احتفظ بجنسيته الأصليه أفضل من ذلك الذى غيّرها أو زوّد عليها جنسيه أخرى ..

و كما قال من سبقونى فى الرد كثير من المسئولين حملوا الجنسيه المصريه و زادوا عيشة المصريين سوءا فحديث الجنسيه هذا حديث لا يسمن ولا يغنى من جوع .. و حبل الود مقطوع من جهة الوطن من زمان أوى يا عزيزتى بس إحنا اللىّ بنحب نطنّش عشان نصبّر نفسنا ولأن الأسهل لدينا أن نلوم الأفراد لا الحكومات ولا المؤسسات و نكلّمهم عن ود لم يكونوا هم من قطعوه

و معلش اعذرينى .. مانقدرش دلوقت نقارن نفسنا بالهند .. "الهند" يا "هبه" !!

"الهند" مين سيادتك هو إحنا نتوصّل !! :unsure:

[عنبو]

يعنى ياجماعه انتوا شايفين الحل ان الواحد علشان يعيش حياه كريمه يغير الجنسيه المصريه !! وياخد جنسيه تانيه ؟؟

وبعدين بالنسبه لظوابير العيش السبب الاساسى فيها صاحب المخبز لانه مش بيخبز الكميه كلها وطبعا الدوله علشان مش بتراقب واره اوك بس برضه الراجل صاحب المخبز لو سالنه هنلقيه بيشكى برضه على العموم مافيش حد فى مصر عاجبه حاله ؟؟

الكل عاوز يغير ومافى حد فكر ازاى نطلع من المهزله اللى احنا فيها دى والعذاب اللى احنا فيه ؟؟

طيب ياجماعه سواق الميكروباص اللى بركب فوق الحموله اللى معاه ده مش من الشعب والراجل صاحب المخبز من الشعب والدكتور اللى بيسرق الاعضاء كش من الشعب والمحامى اللى شغال فى الظلم مش من الشعب والموظف المرتشى مش من الشعب ولا هى الدوله اقالت لدول كلهم اسرقوا !!

انا طبعا مش بدافع عن الحكومه لا طبعا الحكومه بتشيل سبب اللى احنا فيه بنسبة 80 % بس برضه احنا السبب فى اللى احنا فيه ؟؟ تعالوا نشوف سلوكيتنا مع بعض عامله ازاى ! ولا هى الحكومه اقالت لينا عاملوا بعض وحش !!

المقصد من كلامى ان كانت بلدنا بقت وحشه فده علشان احنا عندنا نظام فاسد وشعب برضه فاسد !!

يعنى برضه احنا لينا دور ودر كبير كمان !! بس المشكله ان كل واحد بيدور على اللى له يعنى نلاقى بنلوم واحد بيعامل واحد وحش وتلاقينا احنا فى نفس الوقت بنعامل الناس وحش بس كل واحد عاوز يطلع من الليله دى ملاك !!

العيب مش فى البلد العيب فينا احنا سواء حكومه ولا شعب !!!

لكن بدل لما نشوف حل للمشكله اللى احنا فيها ونحاول نغير من انفسنا وانا بيقول التغير مش سهل وصعب جدا كمان بس لو حاولنا ان شاء الله ربنا يعيننا ويسهل لينا لكن نسيبها وناخد جنسيه تانيه !! فيبقى عليه العوض ؟؟

اليهود حلموا انه يكون ليهم وطن وخططوا خطط ل 100 سنه اقدام كلها اتنفذت ماعدا حلم من النيل للفرات ودول ماكنش ليهم وطن !!!

واكرر انا مش بلتمس الاعزار للحكومه لكن برضه احنا مش ملايكه !!

ارجعوا للتاريخ وشوفوا قطز غير الدوله من حالة الفوضى والفاسد وقدر يهزم اللتتار فى قد ايه !!!

طيب تعالوا نشوف المصريين اللى فى الخارج بيعملوا بعض ازاى !! طيب دول خارج مصر والحياه منغنغه وكله تمام

طيب ليه بيعاملوا بعض وحش مع ان مافيش طوابير عيش ولا زحمة اتوبيس ولا مترو طيب ليه بيعاملوا بعض وحش انا مش بتكلم عن الكل

طبعا فيه ناس الله يكرمها الواحد بيتشرف انه فيه حاجه مشتركه بينه وبينه الا وهى الجنسيه بجد ناس تفرح !!

[فوس فوس]

انا راي ان الحصول على جنسية اخرى يكون تحت بند (( الاستثمار )) لك وللأولاد.. وانا بصراحة مش شايف اي مشكلة في الحصول على جنسية لأنها عندي مثل الحصول على ((اقامة)) تمشي بها امورك.. وتعيش حياة افضل ((اذا كانت الجنسية الاخرى افضل من وجهة نظرك))

واذا خلاص الغاية انتهت ووحصلت على مبتغاك..((تنازل)) عنها .. ويا دار ما دخلك شر..لأن في الاصل الجنسية دي ((تعريف للهوية)) تحت اي مسمى ((اقامة ،جنسية، وثيقة لاجىء...))

[أحمد سيف]

يا عزيزي لما تيجي تنظف السلم بتبتدي من فوق مش من تحت

نفس الحكاية لو حبينا ننظف بلدنا من الفساد والسرقة والاستبداد ... لازم نبتدي من قمة الهرم نزولا الى القاعدة

ولكي يحدث هذا التغيير لا بد أن يكون هناك عدد كاف من المواطنين المقتنعين بضرورة التغيير والراغبين فيه والساعين اليه والمستعدين لدفع الثمن اللازم لحدوثه

يجب يكون لدينا ما يمكن تسميته بـ "الكتلة الحرجة" من الأفراد المتعلمين والواعين والمتمكنين اقتصاديا والذين ليس لهم مصلحة في بقاء الأوضاع على ما هي عليه لكي يحدث هذا التغيير ... ومن شبه المستحيل تكوين هذه الكتلة الحرجة في ظل الظروف السيئة التي يعيشها عامة الشعب المصري داخل مصر

الوسيلة الوحيدة لإخراج جيل قادر على التغيير هو بتربية أبناءنا بمعزل عن المناخ الفاسد السائد داخل مصر ... بحيث يحصلون على تربية وتعليم ورعاية تؤهلهم ليكونوا أشخاصا أسوياء وواعين

هناك من يحاول عمل ذلك داخل مصر ... وما المجتمعات المغلقة والمدارس الخاصة والنوادي الاجتماعية إلا وسيلة لإيجاد نوع من الفصل بين المجتمع الذي نصنعة ونرغب في تربية أبناءنا فيه وبين المحيط الفاسد الذي نعيش فيه

وهناك من يسعى لذلك عن طريق الهجرة والاغتراب ... ولا يوجد فارق كبير بين الخيارين ... لذا فلا أرى داعي لل"تبكيت" الذي يمارسه البعض على المغتربين والمهاجرين بحجة أنهم هربوا و"باعوا القضية"

الجميع في مصر يهرب من واقع مرير وظروف مدمرة لمستقبل أبناءنا ... ولكن كل يهرب على طريقته ... ولهم كل الحق في ذلك

تم تعديل 7 مايو 2009 بواسطة أحمد سيف

[mamdowh]

كلمات قليلة سأقولها وهى الخلاصة للموضوع كله ( الإنسان لا يعيش مرتين )

[abohaya]

الرد الى بيقول ان الباحث على الجنية التانية لمميزات البلد التانية يعتبر انانية ارد عليه واقول انت بتاخد ابسط حاجة علشان تحس بادميتك مش لازم مزايا تكون فلوس

و بالنسبة للكاتبة السعودية اقول مهما المصرى اشتكى و شتم فى مصر بس عمره ما يسيب بلده وقت الشدة حتى لو معاه 10 جنسيات تانية و الدليل حرب الخليج و اعتقد ان هذة الكاتبة كانت اول واحدة برة السعودية هى و اولادها

[~Heba~]

اديكى قلتيها بلسانك "اللى بتمر بيه مش جديد" يعنى من زمن الهكسوس و الحالة ما يعلم بيها الا ربنا و الحالة متصلحتش لحد الوقتى

ولو راجعتى تاريخ مصر مش هتلاقى فترة رخاء و فترات عصيبة و لكن هتلاقى فترات عصيبة بس

طيب نقعد نستنى ايه؟ ما اهى مش ازمة و هتعدى !!!

ولو كانت هتعدى طيب معدتش ليه من ايام الهكسوس لحد الوقتى؟ و هتعدى بقى امتى؟ كمان 2000 سنه؟

و الله يا اخى اعتقد انك لا تعرف تاريخ مصر كما ينبغى لانه المصريين بعدما طردوا الهكسوس انشأوا حضارة اخرى يعرفها المؤرخين بالدولة الحديث و كانت عاصمتها طيبه و هى الأقصر حاليا ومن اشهر ملوكها أحمس...و هو اللى طرد الهكسوس

و على اساس اخى الكريم تقول ان تاريخ مصر ليه فيه فترات رخاء

يا اخى راجع معلوماتك كويس انت تبخس وطنك حقه

صدقنى حتى البلاد التى يهاجر الناس اليها الآن مرت بما هو اسوأ و متحاولش تقارنها بمصر فى هذا الأمر لان دولة زى كندا عمرها لا يتجاوز الـ 500 سنة او اقل فأرجوك مفيش مقارنة مصر كانت فى موقع كندا ده من سنين فاتوا بل بالعكس بنت ازدهارها بإيدين ابناءها مش بإيدين المهاجرين :unsure:

وإذا كنا نقول في أمثالنا "اللي مالوش كبير يشتري له كبير" فأنا أقول: اللي مالوش جنسية تضمن له حقوقه الأساسية - وللأسف جنسيتنا المصرية ليست كذلك - فليشتري له جنسية أجنبية.

بالنسبة للكاتبة السعودية فهي تقول ذلك الآن وبلدها تنعم بالرخاء النفطي ... ولكن هل كانت تستطيع أن تقوله في ظروف مختلفة ... أشك في ذلك ...

كلام جميل كلام معقول مقدرش اقول حاجه عنه

و بيقولوا كمان اللى ملوش خير فى اهله ملوش خير فى حد :happy:

[أسد]

قرأت من كام يوم عبارة لأحد الكتاب الصحفيين . وهي جملة معبرة .. مفادها ..

أن الوطن ليس فندق .. نتركه ونذهب لغيره بسبب سوء الخدمة ..

الإجابة على السؤال المطروح هنا صعب جداً ..

أغلب الناس يريدون حياة أفضل .. وبالتالي يظل الجميع يبحث عن الحياة الأفضل ..

البعض يظن أن الحياة الأفضل .. هي أن يذهب إلى مجتمع آخر .. به ناس آخرون .. ويحاول هو أن يتأقلم معهم .. ويحسن من أداؤه ويرفع من مستواه ليتناسب وضعه مع الحياة الجديدة والمجتمع الجديد ..

والبعض يظن .. أن الحياة الأفضل .. هو أن يعيش حياة أرغد ممن حوله .. ويعيش في مستوى راق .. يحظى بإعجاب ممن حوله ..

والبعض يظن أن الحياة الأفضل هي أن يساهم بأي شئ في أن يكون المجتمع الذي يعيش فيه هو الأفضل ..

لكل منا منهج في الإختيار .. لا أعتقد أن هذا الأمر يجعل أحدهم مختلف عن الآخر ..

قد يكون لكل منهم منطقه .. ومبرراته .. لكن ..

ما هو الوطن ..

ولماذا يجب أن يكون لكل منا وطن ..

لماذا يجب أن نطرح سؤال كهذا ..؟؟؟

أتذكر أيام كنا صغار .. كنا نردد عبارة .. لو لم أكن مصرياً لوددت أن أكون مصرياً ..

وقرأت مقالة لأنيس منصور يقول فيها .. لو لم أكن مصرياً لوددت أن أكون أمريكي البنيان .. وألماني العقل .. ... الخ مختاراً مزيج من القوميات في نفس الإنسان ..

واستغربت .. كيف يكون هذا تفكير شخص مصري ؟؟

بعدما تخرجت من الجامعة .. وبدأت أصطدم بواقع الحياة الصعب .. قررت السفر للعمل خارج مصر .. بهدف رفع المستوى الإقتصادي ..

عندما خرجت من مصر .. كانت تراودني فكرة الهجرة ..

كان لي صديق في نهاية الثمانينيات .. قرر الهجرة إلى استراليا .. ودعاني لأن أقوم بنفس الشئ .. قلت لأ .. أنا عايز أروح أمريكا ..

بعد كام سنة .. قررت الهجرة لكندا .. وبدأت أدرس الأمور هناك .. وبالفعل تقدمت بأوراقي .. وعملت المقابلة . وخلصت كل شئ .. وأرسلوا لي بطلب الجوازات ....

وقتها .. توقفت كثيراً ..

فقد تحسن وضعي جداً عن ذي قبل .. وضعي الوظيفي .. ووضعي المالي .. صحيح أنني لست في مصر .. وأنني أعمل بالسعودية .. ولكني أعمل في وظيفة محترمة لا أريد أن أفقدها .. وبدأ وضعي المالي في التحسن بشكل كبير .. ولن أحصل على ما أنا فيه إذا ذهبت إلى كندا ..

قررت ألا أذهب .. قررت أن ألغي الفكرة تماماً ..

وبالفعل .. لم أقدم الجوازات .. ولم أكرر التجربة مرة أخرى ..

منذ سنوات وأنا أسافر باستمرار إلى أوروبا ..

لم أشعر بأن هناك في الغرب حياتي ..

شعرت أنني أفضل البقاء هنا .. وأستمر في الإحساس بالحنين للوطن (مصر طبعاً) وكغيري من ملايين المصريين الذين يعملون في الخليج ... نحلم بيوم العودة للوطن (مصر) .. أقصد العودة النهائية والاستقرار هناك في مصر ..

أجمل مافي الموضوع هو الحلم بالعودة ..

أعتقد أن هذا الإحساس هو ما قد يفسر الإجابة على سؤال هذا الموضوع .. بشكل غير مباشر ..

أنا الآن .. لا أظن نفسي غير مصري .. أو أحمل جنسية أخرى غير الجنسية المصرية ..

ولكن عندما أفكر في إبني .. أتلعثم ... ولا أستطيع الإجابة على نفسي ..

ولا أستطيع أن أختار له .. وأعتقد أنه إذا كان يحمل جنسية أخرى غير المصرية ..

قد تكون صمام أمان له ..

ثم أعود وأقول .. وماذا عن إبن أخي .. وإبن عمي . وإبن الجيران .. وكل أبناء المصريين ..

هل مصر يجب أن تبقى خالية ؟؟؟

وهل ستستوعب الأوطان الأخرى هؤلاء القانتون من وطنهم ..

أظن لا ..

[adrianocrespo]

صدقنى حتى البلاد التى يهاجر الناس اليها الآن مرت بما هو اسوأ و متحاولش تقارنها بمصر فى هذا الأمر لان دولة زى كندا عمرها لا يتجاوز الـ 500 سنة او اقل فأرجوك مفيش مقارنة مصر كانت فى موقع كندا ده من سنين فاتوا بل بالعكس بنت ازدهارها بإيدين ابناءها مش بإيدين المهاجرين closedeyes.gif

طب يعني كندا او امريكا او استراليا ذنبهم ان عمرهم قصير ........ و بعدين الدول دي عددها قليل فبتفتح باب الهجره لسد العجز في احتياجاتها و ده مش عيب و بمرور الوقت يصبح المهاجرين ابنائها و تعطيهم ما افتقدوه في اوطانهم الاصليه .......... يبقي ايه العيب ان يكون للمهاجر جزء من انتمائه لتلك الدول

[adrianocrespo]

هناك من يحاول عمل ذلك داخل مصر ... وما المجتمعات المغلقة والمدارس الخاصة والنوادي الاجتماعية إلا وسيلة لإيجاد نوع من الفصل بين المجتمع الذي نصنعة ونرغب في تربية أبناءنا فيه وبين المحيط الفاسد الذي نعيش فيه

وهناك من يسعى لذلك عن طريق الهجرة والاغتراب ... ولا يوجد فارق كبير بين الخيارين ... لذا فلا أرى داعي لل"تبكيت" الذي يمارسه البعض على المغتربين والمهاجرين بحجة أنهم هربوا و"باعوا القضية"

الجميع في مصر يهرب من واقع مرير وظروف مدمرة لمستقبل أبناءنا ... ولكن كل يهرب على طريقته ... ولهم كل الحق في ذلك

تحليل رائع

اي انسان كويس بيهرب حتي جوا البلد ...... حتي لو فاكر نفسه مبيهربش

[~Heba~]

طب يعني كندا او امريكا او استراليا ذنبهم ان عمرهم قصير ........ و بعدين الدول دي عددها قليل فبتفتح باب الهجره لسد العجز في احتياجاتها و ده مش عيب و بمرور الوقت يصبح المهاجرين ابنائها و تعطيهم ما افتقدوه في اوطانهم الاصليه .......... يبقي ايه العيب ان يكون للمهاجر جزء من انتمائه لتلك الدول

طبعا هجرة خيرة ابناءها و تخليهم عن بلادهم هو الثمن اللى بتدفعه الدول النامية للدول المتقدمة و تمن العولمة كمان... مفيش اتزان فى الموارد عشان بلاد الله كلها تتقدم

و ده بيفكرنى بالدول اللى عندها مواد خام بتستوردها منها دول تانية و تصنعها و ترجعها لها بأضعاف ثمنها و واضح طبعا مين الخاسر هنا :unsure:

اي انسان كويس بيهرب حتي جوا البلد ...... حتي لو فاكر نفسه مبيهربش

كلام جميل الحقيقة

على طريقة " كلم الناس تلهيك اللى فيها تجيبه فيك"

بس ايوة فعلا عندك حق لكن تأكد انه مازال فيه كثير من ابناء مصر بحق لم يهربوا

تم تعديل 7 مايو 2009 بواسطة ~Heba~

[عنبو]

اذا كان ياجماعه مش قدرين نستحمل واحنا ماعندناش حرب امال بقى لو فيه حرب هنعمل ايه !!!!!!!!!!!!!!!!!!!!!!!!!!!!!