بنت الجزار

[فــيــروز]

بنت الجـزار . . و ابن القهـوجي

للشـاعـر : عبـد العـزيز عطيـة

هـــــــو:

اكمن أبوكى اسم الله عليه

جزار وما حدش يملا عنيه

ما انا برضه أبويا مظبوط

قهوجى والناس بتسقف ليه

هـــــــى:

ما انا عارفه أبوك راجل كسيب

ومعسل زى الشاى بحليب

وح تقلب ليه زى الفنجان

أنا ممكن أحاسبك ع المشاريب

هـــــــو:

الظاهر بس متعرفينيش

دى سياخى بتشوى كباب الشيش

وأكسر عضم أعمل مفروم

والليّه بتلو ودهنه مفيش

هـــــــى:

دا كلامك مغلى وليك وشين

سحلبت فؤادى بترابيزتين

والناصبه عاملها وفحم عليك

حموك فى الكنكه وطعمك شين

هـــــــو:

أنا إيه يدخلنى فى بيت اللوح

زى السلخانه يشد الروح

دا الكرش سمين وشغت وتخين

وإن قلت عجوزه أبات مدبوح

هـــــــى:

دا قومك فتله وتفل عليك

لو زهر فى طاوله ح نلعب بيك

وعلى الطباشيره تعيش بالدين

وحادب اللى فى ننى عنيك

هـــــــو:

دا انا طعمى جميل زى البوفتيك

دانتى العصبان ميت كرشه عليك

شمبرت كوارعى علشان أرضيك

وإن رحت فطيس الحق عليك

هـــــــى:

أنا برضه يا كشرى بدومينو أفديك

خلتنى أحب البن عنيك

فى الفوطة ح أجيب كل الطلبات

والشيشه كمان والماركه أهى فيك

هـــــــو:

دا رضاكى يا ريش القلب أهم

وح أقول لابوكى العجل يا عم

ما هو بكره يجيب له أبويا خروف

وأفرش مواسير الحى بدم