اعتذر على موضوع ( المسافر ياخد ايه معاه ) ولكن ؟؟

[sayed]

بداية اعتذر عن عدم ذكر مكان السفر ( وهو غير مقصود طبعا ) وهو انشاء الله الرياض

واشكر اخى hanzalah & MoHaMMeD EgYpT على نصيحة المصحف الشريف ( فهى اغلى نصيحة )

والوم باقى الزملاء على ردوهم ، فكان يكفى التنبية على عدم ذكر اسم مكان السفر بدون اى استهزاء

اما بخصوص الموضوع فربما ما يراه شخص على انه شىء تافه ، يكون هاما عند غيره

انا لم اسافر فى حياتى ابعد من الاسكندرية

وعندما اردت تجهيز متاع السفر وجدت اسئله كثيرة

هل اشترى ملابس من مصر ام اشتريها من الرياض ؟؟

اشترى احذيه من مصر ام من الرياض ؟؟

ايه الاوراق الخاصة بي وبزوجة وابنى التى قد احتاج اليها هناك ؟؟

الخخخخخخخخخخخخخخ.............................

فقلت لنفسى

بدل كل ده اسئل اهل الخبره الذين سبقوك وهم يدلوك

فكل واحد منكم اكيد اخد معاه اشياء عند السفر وعندما استقر تبين له ان هناك اشياء كان يمكن الاستغناء عنها ، واشياء كان ضرورى احضارها

فارجو من الاخوة

من كان عنده نصيحة لله ورسوله فليدلى بها

ومن اراد الاستهزاء فانا لست مجالا له

[MZohairy]

انشاء الله

قل ان شاء الله

و لا تقل انشاء الله

شكرا

[elfakhrany]

أخى العزيز سيد

الملابس موجودة بالرياض متوفرة بجودة جيدة واسعار اقل من مصر خصوصا للأطفال

بالنسبة للاحذية فهى فى مصر افضل من هنا واقل سعرا

بالنسبة للأوراق هات معاك أى ورق خاص بك فى شنطة صغيرة لانك ممكن تحتاج اى ورقة او شهادة فى أى وقت

وتيجى بالسلامة ان شاء الله

تم تعديل 2 مايو 2009 بواسطة elfakhrany

[كفايه بقى]

شوف يا أخ سيد...

اولا انا لسه جاى الرياض من شهرين وهقولك عن الحاجات اللى ممكن تجيبها معاك

بالنسبه للملابس اصحابى اللى هنا من زمان بيقولوا ان فيه هنا ملابس حلوه ورخيصه بس يفضل انك تجيب معاك ملابس تكفيك ستة اشهر او حاجه لحد ماتعرف البلد وتجيب عربيه وتعرف تلف

بالنسبه للأكل كل حاجه هنا بس ممكن تجيب معاك عسل ابيض عشان هنا غالى شويتين

وياسلام لو انت أكيييل بقى تجيب معاك برطمان سمنه بلدى

وان شاء الله هتلاقى كل الاكل هنا

بالنسبه للاوراق يفضل انك تجيب معاك اى ورق يخصك وتعمل منه اكتر من نسخه ولازم توثق الحاجات المهمه زى شهادة المؤهل وشهادات الميلاد ووثيقة الزواج وعقد العمل(إن وجد) وتجيب معاك صور شخصيه كتييييييييييييير ليك وللأولاد والمدام

وماتنساش برضه تجيب معاك رخصة القياده عشان هتسهللك استخراج الرخصه هنا جداااااااااااااااا

ولو افتكرت اى حاجه تانيه هاتها معاك

واخيرا لا تنسى تصريح العمل اللى بيطلع من مكتب العمل واذن السفر من التجنيد لو كنت لسه مخدتش الختم البيضاوى

نا لما توصل بالسلامه

[sayed]

اشكر جميع الاخوة الذين ساهموا فى الرد

بخصوص فتح حساب بالدولار يحول عليه المرتب

هل هذا افضل حل ....... ( وان كنت اظن انها لا تفرق كثيرا )