هل باع الاهلى مباراته لكانو

[Egypt]

اللهم لاشماته ولكن ماحدث من النادى الاهلى اليوم يدل ان الفريق الكبير قد كبر وشاخ

فليتركوا الملعب للشباب

ورغم فرحتى بهزيمة الأهلي ولكن الله يعوض على المنتخب

تحياتى لكل اهلاوى

تم تعديل 2 مايو 2009 بواسطة Scorpion
تعديل خطأ غير مقصود

[Abu Reem]

مشكلة الأهلي التي تجعل معظم الأندية الأخرى تكرهه أنه أحيانا يشعر من حوله أنه لابد أن يفوز بكل البطولات وبأي طريقة وطبعا الأعلام بيسانده.

ورغم أني زملكاوي ولكني أحترم النادي الأهلي لأن بالفعل إدراته ممتازة إلى حد كبير وبتعرف تحكم اللاعبين وتسيطر عليهم إلى درجة كبيرة ، وكنت دائما أشجعه وأتمنى فوزه في بطولات أفريقيا وكاس العالم للقارات.

وأستغرب من الزملكاوية اللي يتمنوا الهزيمة للاهلي أمام فرق أفريقيا.

ولكن عندما يتكبر اللاعبين أو المدرب أو الإدارة أفرح عندما يخسر.

- والغريب في هذه المباراة أن اللاعبين لم يعترضوا على الحكم رغم أخطاءه الفادحة ، فالهدف الأول للفريق النيجيري أوفسايد ( اللاعب الذي أحرز الهدف كان متسسل عند تسديد الكرة من زميله والتي صدها حارس الأهلي )

- كما أنه ترك أكثر من فاول لم يحسبه للأهلي ، وغيرها أخطاء كثيرة ،

وبالرغم من النتيحة التي تخرج الأهلي من البطولة ، لم يقوم أحمد حسن بالذهاب إلى الحكم لكي يعرفه خطأه ( كما قعل مع حكم مباراة انبي العادل ) فلماذا لم يذهب للحكم ويناقشه في اي قرار.

- ولماذا لم نرى جوزيه بيشوح ويقف على الخط ،،، رغم النتيحة التي تتطيح به خارج البطولة ، بل ظل جالس طول الوقت.

- ولماذا لم يهاجم الإعلام الحكم طوال الوقت وفي جميع القنوات ويتهمه بالظلم وبأنه مرتشي ومتحيز ضد الأهي مثل ما أتهم العرجون قبل ذلك.

هذا ما يجعل الأهلي كفريق ونادي غير محبوب ، ولكنه يظل نادي منضبط وإدارة محترمة وهو نواة فريقنا القومي.

ورب ضارة نافعة الآن لن يتسطيع جوزيه أن يطلب تأجيل الدوري أو عدم إشراك أبوتريكة أو بركات بحجة الإجهاد ، وخصثوصا بركات إللي كان دايما يصاب قبل مباريات فريقنا القومي وبعدها بيوم تلاقيه بيلعب مع الأهلي.

[Egypt]

فين الاهلاويه

ممكن يجاوبوا على السؤال

هل باعو الماتش لانى وجدت المباراه عباره عن تقسيمه بين فريقين

والفريق الافريقى فريق وديع

ولو هذا الفريق لعب مع بنى عبيد كان بنى عبيد هزمه

[ايهاب سالم]

اللهم لاشماته ولكن ماحدث من النادى الاهلى اليوم يدل ان الفريق الكبير قد كبر وشاخ

فليتركوا الملعب للشباب

ورغم فرحتى بهزيمة الأهلي ولكن الله يعوض على المنتخب

تحياتى لكل اهلاوى

لا تعليق على فرحتك بهزيمة الاهلي في مباراه أفريقيه ضد فريق أجنبي

دي نفسيات منقدرش نصلحها .. لازم تتصلح من نفسها

لو سمحت بس صلح الجمله اللي بالأحمر دي عشان شكلها مش حلو

و ياريت فرقكم تفرحكم بإنتصاراتها و بطولاتها بدل ما تنتظرو هزيمة الاهلي عشان تفرحو

أهو الاهلي خرج

ورينا فريقك هياخد البطوله الأفريقيه دي إمتى أو على الأقل يتأهل ليها

إيه السواد ده

تم تعديل 2 مايو 2009 بواسطة Scorpion
تعديل أصل الأقتباس

[ghallab]

فين الاهلاويه

ممكن يجاوبوا على السؤال

هل باعو الماتش لانى وجدت المباراه عباره عن تقسيمه بين فريقين

والفريق الافريقى فريق وديع

ولو هذا الفريق لعب مع بنى عبيد كان بنى عبيد هزمه

اللعيبه يظهر اتنقلتلها العدوى ده من ماتش الزمالك انت عارف المرض ده مستوطن فى فريق الزمالك من زمان

[Egypt]

اللهم لاشماته ولكن ماحدث من النادى الاهلى اليوم يدل ان الفريق الكبير قد كبر وشاخ

فليتركوا الملعب للشباب

ورغم فرحتى بهزيمة الأهلي ولكن الله يعوض على المنتخب

تحياتى لكل اهلاوى

لا تعليق على فرحتك بهزيمة الاهلي في مباراه أفريقيه ضد فريق أجنبي

دي نفسيات منقدرش نصلحها .. لازم تتصلح من نفسها

لو سمحت بس صلح الجمله اللي بالأحمر دي عشان شكلها مش حلو

و ياريت فرقكم تفرحكم بإنتصاراتها و بطولاتها بدل ما تنتظرو هزيمة الاهلي عشان تفرحو

أهو الاهلي خرج

ورينا فريقك هياخد البطوله الأفريقيه دي إمتى أو على الأقل يتأهل ليها

إيه السواد ده

انا مااعرفشى تتصلح ازاى

ارجو من احد المشرفين تصليح هذه الكلمه

تم تعديل 2 مايو 2009 بواسطة Scorpion
تعديل أصل الأقتباس

[جبار سينج]

لا يَجف قلمي من الحزن و من الألم فور خروج الأهلي من دوري أبطال افريقيا من دوره الـ 16 لأول مرة منذ خمس سنوات متتالية وصل فيهم الأهلي لدور النهائي بالبطولة ..

كان خروجاً مؤلماً و مريراً علي جمهور تعود أن يكون فريقه دوماً في النهائيات ...

لكن هذه هي الساحرة المستديرة ...

لا نعيم باق و لا شقاء مقيم ...

لا فريق يكسب دائماً و لا فريق يخسر دوماً ...

الأهلي أدي و لعب و أمتع و أضاع عشرات الآلاف من الأهداف في مباراة عجيبة تحكيمياً و فنياً ..

مباراة أقست علي الأهلي و كان الحظ و كأنه يقول ... : كفاك يا أهلي من كؤوسك ..

كفاك يا جمهور الأهلي من السعادة ..!

كُتب عليكم أن تخرجوا من عام 2009 من البطولة ..

كُتب علينا أن تكون ليلة الثاني من مايو ليلة الحزن و الشقاء للجماهير الحمراء ...

تلك هي الأقدار التي لا نستطيع اِلا أن نشكر الله علي نعمه فيها ...

الخروج كان أليماً لكن يجب أن يكون درساً للاعبي الأهلي لتفاديه مستقبلاً ..

قدر الله و ما شاء فعل ...

هذا الجيل للأهلي أحرز ما لم يحرزه أي جيل في تاريخ القارة الافريقية ...

4 بطولات دوري متتالية و ان شاء الله الخامسة بالقريب ...

3 بطولات كأس مصري ...

5 بطولات سوبر ...

3 بطولات اِفريقيا للأندية ...

3 بطولات اِفريقيا للسوبر ...

ثالث العالم للأندية ...

عُذراً ... الأهلي فوق الجميع ....

و يـا جـبل لا يهزك ريح ....

و : تلك الأيام نداولها بين الناس ...

لن تفوز دوماً و لن تخسر دوماً ..

لكنك يا أهلي ستبقي علي أعناقنا و في حبنا و عشقنا دوماً ...

نحيا نموت نتنفس نشرب كُلنا حباً في الأهلي ..

و نتمني أن يكون الخروج مؤازراً لمنتخب مصر من جهة أخري في التحضير للتصفيات و لكأس القارات ..

هذا العام هو عام المنتخب و عام الوطن ..

و ليعود الأهلي لسابق عرشه في العام القادم ان وفقنا الرحمن

[جبار سينج]

تيب اسال نفسك السؤال الواضح يا زملكاوى هل باع الزمالك مباره الاسماعيلى وكانت تقسيمه وكمان بعد الهزيمه

سلموا على لاعيبه الاسماعيلى يباركو الفوز لهم

طالما انتو كدا وبالحقدا دا باذن الرحمن حتفضلوا على حالكم كدة علطول

[Abu Reem]

ياجماعة مش عاوزين الموضوع يتحول لتبادل الكره والحقد والتعصب

الأهلي أو الزمالك كلهم لاعبين مصريين ، الفرق في لون الفانلة فقط ، لا هنقبض من الأهلي ولا من الزمالك لو فازوا أو خسروا

المسألة فقط تشجيع ، ومش مشكلة لما زملكاوي يقول فرحت أن الأهلي اتغلب ، عادي بتحصل في كل العالم ، أكيد بأفرح في المنافس لما يخسر ، على الأقل عشان لا يعايرني ببطولاته ،

المسألة بسطية جدا وصدقوني لا داعي للرد على المتعصبين بطريقة خارجة على النص.

وخلونا نفكر في المشاكل التي ستواجه فريقنا القومي !!!

اللاعبين هايبقى موقفهم إيه مع بعض بعد الأحداث الأخيرة ، وأيضا مستوى المحترفين والعداوات إللي بينهم.

والإصابات للباقين ، وضعف مستوى أبو تريكة ،

- متهيأ لي أن لو تخيلنا لحظة أن مصر تلعب مع الجزائر الأن ، ومصر خسرانة ، تفتكروا هيكون تفكيرنا في إيه ،، في الأهلي والزمالك

ولا في أي لاعب ينقذنا ويحرز لنا الفوز !!!

فياريت الجميع يفكر قبل أن يكتب كلمه تحث على التعصب ، ولا شك أن لولا تفوق الأهلي الفترة الماضية لما حقق فريق مصر انتصاراته.

[ايهاب سالم]

اللهم لاشماته

لا يا راجل شماتة أيه .. مفيش شماته خالص .. هي فين الشماته دي

عموما .... خبر مش حلو ليك

الموسم الأفريقي لم ينتهي للأهلي بدون بطوله بعد

الاهلي هيتحول للعب في البطوله الكونفدراليه الأن و فورا

و يمكن نكسبها لمصر لأول مره

و يمكن نخرج منها و تكمل فرحتك مدام فريقك مش قادر يفرحك

[osaimi]

هو فين فريق القرن ده اللي هوسونا بيه ، دا ولا فريق كفر البطيخ حتي ، هذا هو ثمن الغرور

[ايهاب سالم]

أي واحد فرحان لهزيمة الأهلي ... يفكر كده

لو حصلت معجزة وفريقة فاز بجميع البطولات اللي بيلعب فيها لحد ما يموت ..

يا ترى ممكن يوصل للرقم اللي حققه الأهلي؟

معتقدش

تم تعديل 2 مايو 2009 بواسطة ايهاب سالم

[محمود الاسكندرانى]

والله انا خايف يتهموا الزمالك و الاسماعيلى انهم اتفقوا يخرجوهم من البطوله الافريقيه

سر هزيمة الاهلى ليست قوة فريق كانو وانما فى الفانله الصفراء

[جبار سينج]

هو فين فريق القرن ده اللي هوسونا بيه ، دا ولا فريق كفر البطيخ حتي ، هذا هو ثمن الغرور

*************

الزميل الفاضل

هذا باب للرياضة .. يعني موضوعات خفيفة .. لذا لا داعي لإستخدام الفاظ مسيئة ..

سي السيد

الإدارة

تم تعديل 3 مايو 2009 بواسطة se_ Elsyed

[dawn walker]

المنتخب اللى خسران

[د هشام ابراهيم]

عظيم يا أهلي

برضه ما زال الفريق الوحيد القادر علي اسعاد الشعب المصري كله

اذا فاز أسعد الأهلوية

اذا خسر أو حتي تعادل أسعد مشجعي الفرق الأخري

أطيب التمنيات للفرق الأخري انها تسعد مشجعينها بالفوز بنفسها .... بدل انتظار أي كبوة للاهلي :sad:

[حسام يوسف]

الاهلى عنده مشاكل

ومن فترة

بالظبط من نهائى البطولة الافريقية مع القطن

ومستواه مهزوز

لكن الفترة اللى فاتت وضحت المشاكل جدا

وتأثيرها بان

كل ما أتمناه بعيدا عن الاهلى والزمالك

منتخب مصر

وكاس العالم 2010

[د هشام ابراهيم]

كلام حضرتك مظبوط يا دكتور حسام ....ممكن يكون بسبب الأرهاق أو ضغط المباريات المتواصل لسنين أو التشبع بالبطولات أو الغرور أو أو .....و الأرجح انها تضافر كذا سبب

للاسف كل المؤشرات بتقول إن كل اللي بيحصل مؤخرا مش حيصب في مصلحة المنتخب .....ربنا يستر

[elfakhrany]

عظيم يا أهلي

برضه ما زال الفريق الوحيد القادر علي اسعاد الشعب المصري كله

اذا فاز أسعد الأهلوية

اذا خسر أو حتي تعادل أسعد مشجعي الفرق الأخري

أطيب التمنيات للفرق الأخري انها تسعد مشجعينها بالفوز بنفسها .... بدل انتظار أي كبوة للاهلي :sad:

10/10 :sad: bv:-

ومتنسوش ياجماعة ان الأهلى فى بطولات متواصلة من 5 سنين وفعلا الفريق مجهد جدااا

تم تعديل 3 مايو 2009 بواسطة elfakhrany

[محمد عبدالعزيز]

نفسى الأخوة الشمتانين يقرأوا تعليقات كلاً من المدير الفنى والمسئول الإدارى لفريق كانو بيلارز علشان يعرفوا الرياضة الحقيقية معناها إيه.

ويعرفوا الفريق اللى فاز بيتكلم إزاى عن الفريق المهزوم والموضوع بعيد كل البعد عن الحقد والشماتة.

ونرجع ونقول يارب تفرحوا بفوز فريقكم مش بهزيمة فريق آخر.