رابطة ابناء المصريين و العرب بفانكوفر- بريتش كولومبيا- كندا

[astrophy]

انت فين ياستاذ زهيرى مش ظاهر من فترة لحد ما قصيرة نرجو المانع خير ان شاء الله منتظرينك تتابع مهام العمدية ومهام اهل الرابطة

[medopharm]

شوفو الدراسه اللى اتعملت دى

نقلا عن العربيه

لندن - أ ف ب

اظهرت دراسة نشرتها مجلة "ذي اكونوميست"، الثلاثاء 9-6-2009، ان فانكوفر هي اكثر المدن التي يسهل فيها العيش، في حين ان هراري هي الاصعب، بينما وردت العاصمة المصرية القاهرة في المرتبة 114 في القائمة التي تضم 140 مدينة.

وتصنّف الدراسة 140 مدينة وفقاً لـ5 معايير، هي الظروف الصحية والاستقرار والثقافة والبيئة والتربية والبنى التحتية. وست من المدن العشر الاولى تقع في كندا واستراليا.

وقال واضعو دراسة مجلة اوساط الاعمال ان "المدن التي تسجل اسوأ اداء وتصل في اسفل الترتيب تقع في افريقيا وآسيا حيث الاستقرار والبنى التحتية غير كافية وتطرح تحديات كبيرة".

وسجلت فانكوفر 98 نقطة من اصل 100 بفضل "البنى التحتية المهمة في كندا" في حين ان هراري حلت اخيرة مع 37,5 % بسبب "تدهور الازمة في زيمبابوي".

وحلت فيينا ثانية امام ملبورن وتورونتو وبيرث وكالغاري وهلسينكي وجنيف. وحلت سيدني وزيوريخ في المرتبة التاسعة بالتساوي.

وبين المدن الاوروبية التي يحلو فيها العيش استوكهولم وهامبورغ في المرتبة 14، وباريس في المرتبة 17، وفرانكفورت في المرتبة 19، وكوبنهاغن (21) وبرلين (22).

في المقابل سجلت اثينا اسوأ نتيجة في القارة الاوروبية مع 81.2 نقاط، لتحلّ في المرتبة 63.

وجاءت واشنطن في المتربة 35، ولوس انجلوس في المرتبة 48، في حين اتت لندن في المرتبة 51 امام روما (52) وموسكو (69) وبكين (76) وريو دي جانيرو وساو باولو وجوهانسبورغ (92) وبانكوك (100).

ويقتصر اسفل الترتيب على مدن اسيوية وافريقية: مانيلا (108) ونيودلهي والقاهرة (114) وبومباي (120) ونيروبي (122) ولوساكا (126).

والمدن التي سجلت نتيجة تقل عن 50 نقطة اعتبارا من المرتبة الثامنة والعشرين بعد المئة التي احتلتها بنوم بنه، فتعرف يوميا مشاكل على صعيد نوعية الحياة على ما افاد واضعو الدراسة الذين صنفوا طهران في المرتبة 129 وكراتشي في المرتبة 135 ولاغوس 136.

وأفلتت الجزائر ودكا من المرتبة الاخيرة التي احتلتها هراري

http://www.alarabiya.net/articles/2009/06/09/75354.html

[Nassarlink]

هي الرابطه موجوده بس 99% من اعضاءها خارج كندا

يا بو زهيري ما هو ده دورك انت

مطلوب منك تجمع الجزء الباقي من عندك

ده انا ضحيت بحمودي علشان خاطرك wst::

وعلي رأي المثل

انا مضطر اضحي بالام والاب والجنين علشان سمعة المستشفي

تم تعديل 9 يونيو 2009 بواسطة Nassarlink

[عتمان]

الأخ المحترم محمد زهيري

أحييك من كل قلبي على مشاركاتك المفيدة جداً و الرائعة و جزاك الله كل خير عن كل معلومة أفدت بها واحد من إخوانك.

أخوك في الله أحمد عتمان، محاسب اسكندراني مغترب في الدمام من 2002، و قادم إلى كندا إن شاء الله في أغسطس اللي جاي، و لسة محتار ما بين تورونتو و فانكوفر، انا قريت كتير عن الاتنين و لسة بدور على معلومات زيادة عشان آخد القرار النهائي بسرعة و الحق احجز تذاكر الطيران، المعلومات عن تورونتو هنا كتيرة و حيث ان حضرتك تقريباً المواطن الفانكوفري النشط الوحيد في المنتدى و ما شاء الله عليك همتك عالية و روحك حلوة و كمان عامل رابطة (ألا صحيح ايه أخبار الرابطة؟ شكلها صفصفت على 5، اللهم لا حسد يعني B) ) فقلت اسألك على شوية حاجات كده بناءاً عليها حتساعدني كتير في اتخاذ قراري، و اذا جيت عندكم فطبعاً حيشرفني انضم للرابطة و بكدة ممكن ننافس التكتلات الصينية اللي موجودة عندكم و نعمل لوبي مصري مضاد :))

معلش بقى استحمل أسئلتي الكتيرة و ان شاء الله إجاباتك تكون مفيدة مش بس ليا و لكن لأي حد بيفكر يروح فانكوفر.

أولاً بالنسبة لظروف الشغل،أنا كنت متابع حضرتك من زمان هنا في المنتدى لما انت كنت لسة في السعودية و بتسأل على شغل المحاسبين في كندا و كنت قلت انك مدير حسابات و لكن ممكن شتغل محاسب عادي في الأول، وقتها حتى نصحوك انك ماتكتبش كل خبراتك في الس في بتاعتك، دلوقتي واضح انك الحمد لله ما شاء الله استقريت في فانكوفر، ممكن تحكيلنا عن تجربتك كمحاسب هناك؟ هل لقيت شغل كمحاسب في الاول بسهولة و انت لسة جديد في البلد و مش ملم بقوانينها و ضرايبها و قانون عمالها و ما إلى ذلك؟ و لا اضطريت تشتغل في مجال تاني الأول و لا انت أصلاً مش شغال كمحاسب هناك و دخلت مجال جديد؟ هل دخلت في دراسة أي شهادة من الشهادات اللي هناك زي CMA أو CGA؟؟ أنا عن نفسي ناوي ان شاء الله أول ما أروح أقدم على الCMA و دورت لقيت ان فيه كذا هيئة بتقدم على قروض دراسية بشروط جيدة، هل جربت أي حاجة منهم؟

هل ممكن واحد زي حالاتي، محاسب 8 سنين خبرة منهم 3 و نص في المجال الصناعي و التكاليف و معايا انجليزي الحمد لله ممتاز جداً و مستخدم جيد جداً للأوفيس و ما شابه اني ألاقي شغل كمحاسب متوسط (Intermediate accountant) بأجر في حدود 20 دولار للساعة؟ و ايه أخبار سوق العمل دلوقتي هناك؟ هل لسة حالة الركود شديدة و لا الأمور بدأت تتحسن؟

و بالنسبة للضرائب البروفينشيال في فانكوفر، كام نسبتها بالضبط في 2010؟ و كام الفيديرال في 2010؟

و هل فيه أي خصومات تانية بتخصم من الراتب من المنبع غير الضرائب؟ و لا بس كده؟ يعني إذا لقيت شغل مثلا ب45,000 في السنة و افترضنا ان الضريبتين على بعض في حدود 20% يبقى انا حاخد صافي 36,000 ؟؟ و لا فيه خصومات تانية زي المعاشات و خلافه؟ و اذا فيه بيبقوا في حدود كام؟ يعني من الآخر حاخد نسبة كام في المية من الراتب بتاعي في جيبي؟

و هل صحيح اللي قريته و سمعته عن ان الصينيين متحكمين في نسبة كبيرة جداً من سوق العمل هناك و ان الشركات اللي اصحابها صينيين مش بيشغلوا عندهم غير صينيين؟ سمعت ان فيه دعاوى قضائية بتترفع عليهم و بيتحججوا بأن عامل اللغة هو اللي بيخليهم يعملوا كده و ان الموضوع ده بيقلل جداً من فرص العمل لغير الآسيويين هناك لأن جاليتهم كبيرة جداً

و بعدين بالنسبة لك كمسلم شغال هناك، هل بتقدر تروح تصلي الجمعة مثلاً و الجمعة هناك أصلاً شغل؟ و هل بتقدر تاخد بريك وقت الصلاة كل يوم تصلي فيه و لا الموضوع ده بيمثل مشكلة؟

أما بقى بالنسبة لفانكوفر كمدينة و معيشة فعندي شوية أسئلة مهمة جداً يا ريت تجاوبني عليها الله يكرمك.

أولاً هل عدد المصريين هناك معقول و لا ضئيل جداً؟ و هل مرتبطين ببعض و كويسين كده و لا محدش يعرف حد؟

ثانياً هل فيه مساجد كافية و جمعيات إسلامية ليها أنشطة و حاجات كده؟ انا لقيت على النت كذا واحدة هناك بس كلهم تبع إخواننا الأفارقة مالقيتش حاجة تبع عرب أو مصريين.

و هل المساجد اللي موجودة هناك في مناطق فقيرة و شعبية و لا في مناطق متوسطة؟

و بعدين انا بقعد ادور كتير على اسعار السكن و بشوف المدينة من الGoogle Earth و بدأت أعرف أسماء المناطق بس مش عارف أي مناطق بتعتبر شعبية و فقيرة و اي مناطق تعتبر متوسطة؟ ممكن تقولنا أسماء أهم المناطق الشعبية اللي يفضل تجنبها؟ و أسماء أشهر المناطق المتوسطة؟ هل مناطق زي Fairview و Shaughnessy و Granville و North Vancouver اللي هيا قريبة شوية من الداون تاون تعتبر مناطق متوسطة و لا راقية؟ هل ممكن نلاقي فيها شقة حلوة و صغنتتة كدة يعني اوضة واحدة و صالة بحدود 800 أو 900 دولار؟ و هل المناطق دي فيها مسجد قريب؟

طيب بالنسبة للمدن القريبة جداً من فانكوفر زي Burnaby و Richmond و Surrey و Coquitlam و Langley و Abbotsford، هل المدن دي حلوة زي فانكوفر كمعيشة و كسكن؟ لأني لاحظت إن فيه فرص شغل هناك على مواقع التوظيف. و هل الانتقال بينها و بين فانكوفر سهل بالمواصلات العامة زي السكاي ترين و لا صعب و بياخد وقت؟ بمعني تاني هل ينفع واحد يبقى شغال هنا و عايش هناك أو العكس؟ و لا صعب؟

و بعدين دلوقتي انا زوجتي حامل و الحمد لله و المفروض الولادة في شهر أكتوبر ان شاء الله، يعني حيكون التأمين الطبي الحكومي غالباً لسة ماطلعش و حضطر أأمن خاص أول ما أوصل لمدة ال3 شهور في الأول، تقريباً بيكلف كام التأمين ده في فانكوفر؟ و ايه أخبار المستشفيات هناك و الدكاترة؟ هل فيه دكاترة مصريين هناك؟ يعني فيه دكتور مصري مثلا تقدر تخليه طبيب العائلة؟

و بالنسبة للتنقل داخل المدينة، هل المواصلات العامة ممتازة كدة زي في تورونتو؟ يعني تغنيك عن انك تشتري عربية في الأول أو حتى علي طول لو حابب؟

و بكام الاشتراك الشهري أو السنوي سواء للزون الواحد أو للاتنين أو للثلاثة؟

و بالنسبة لتأمين السيارات، سمعت ان فانكوفر هيا الأغلي في كندا كلها، صحيح ده؟

و ايه أخبار تكاليف المعيشة هناك من أكل و شرب و أغراض بيت و لبس و كده؟ انا من مواضيع الاخوة اللي في تورونتو كونت فكرة كويسة عن متوسط تكاليف المعيشة لعيلة صغيرة زي عيلتي، زوج و زوجة و ان شاء الله يبقى فيه طفل صغير، و لقيت انها بتكون في حدود ال 1000 دولار أكل و لبس و بيت و نت، فهل ده يعتبر نفس المتوسط عندكم و لا الأسعارعندكم أغلى زي ما سمعت؟

و بعدين انتوا عندكوا بتعرفوا تركبوا دش و بيجيب قنوات عربي بتاعتنا و لا مفيش غير قنوات الكابل؟

و أخيراً بالنسبة للجو، اللي سمعته و قريته ان البرد عندكم غير قارص و الثلج نادر بس بتمطر كتير قوي؟ هل ده صحيح؟ و ايه أدنى درجة حرارة شفتها في الشتا؟

و شكراً جزيلأً مسبقاً، انا عارف اني صدعتك بكل الأسئلة دي بس انا قلت أسأل كل اللي عندي مرة واحدة بدل ما أسألك سؤال و كل ما ترد أقوم رازعك بسؤال جديد لحد ما ازهقك :)))

جزاك الله خيراً

[MZohairy]

أولاً بالنسبة لظروف الشغل،أنا كنت متابع حضرتك من زمان هنا في المنتدى لما انت كنت لسة في السعودية و بتسأل على شغل المحاسبين في كندا و كنت قلت انك مدير حسابات و لكن ممكن شتغل محاسب عادي في الأول، وقتها حتى نصحوك انك ماتكتبش كل خبراتك في الس في بتاعتك، دلوقتي واضح انك الحمد لله ما شاء الله استقريت في فانكوفر، ممكن تحكيلنا عن تجربتك كمحاسب هناك؟ هل لقيت شغل كمحاسب في الاول بسهولة و انت لسة جديد في البلد و مش ملم بقوانينها و ضرايبها و قانون عمالها و ما إلى ذلك؟ و لا اضطريت تشتغل في مجال تاني الأول و لا انت أصلاً مش شغال كمحاسب هناك و دخلت مجال جديد؟ هل دخلت في دراسة أي شهادة من الشهادات اللي هناك زي CMA أو CGA؟؟ أنا عن نفسي ناوي ان شاء الله أول ما أروح أقدم على الCMA و دورت لقيت ان فيه كذا هيئة بتقدم على قروض دراسية بشروط جيدة، هل جربت أي حاجة منهم؟

الشغل ككاتب حسابات هنا بشهاداتك المصريه محتاج وقت و صبر و معارف

و مفيش مساعدات ماليه او قروض لدراسة السي ام ايه او ال سي جي ايه

كله من جيبك

ده خلاصة الخلاصه للموضوع

انا حاليا بدرس ACCA

هل ممكن واحد زي حالاتي، محاسب 8 سنين خبرة منهم 3 و نص في المجال الصناعي و التكاليف و معايا انجليزي الحمد لله ممتاز جداً و مستخدم جيد جداً للأوفيس و ما شابه اني ألاقي شغل كمحاسب متوسط (Intermediate accountant) بأجر في حدود 20 دولار للساعة؟ و ايه أخبار سوق العمل دلوقتي هناك؟ هل لسة حالة الركود شديدة و لا الأمور بدأت تتحسن؟

كمحاسب مستحيل

انما ككاتب حسابات ممكن و بصعوبه

و بالنسبة للضرائب البروفينشيال في فانكوفر، كام نسبتها بالضبط في 2010؟ و كام الفيديرال في 2010؟

و هل فيه أي خصومات تانية بتخصم من الراتب من المنبع غير الضرائب؟ و لا بس كده؟ يعني إذا لقيت شغل مثلا ب45,000 في السنة و افترضنا ان الضريبتين على بعض في حدود 20% يبقى انا حاخد صافي 36,000 ؟؟ و لا فيه خصومات تانية زي المعاشات و خلافه؟ و اذا فيه بيبقوا في حدود كام؟ يعني من الآخر حاخد نسبة كام في المية من الراتب بتاعي في جيبي؟

تقريبا نسبة الخصم الاجمالي من الرواتب اللي مش عاليه و فوق 21 الف دولار سنويا بتبقى من 20 الى 25 %

و هل صحيح اللي قريته و سمعته عن ان الصينيين متحكمين في نسبة كبيرة جداً من سوق العمل هناك و ان الشركات اللي اصحابها صينيين مش بيشغلوا عندهم غير صينيين؟ سمعت ان فيه دعاوى قضائية بتترفع عليهم و بيتحججوا بأن عامل اللغة هو اللي بيخليهم يعملوا كده و ان الموضوع ده بيقلل جداً من فرص العمل لغير الآسيويين هناك لأن جاليتهم كبيرة جداً

الصينيين كتير جدا هنا

و طبيعي ان الصيني يحب يجيب صيني زيه

بس اي عنصريه او رفض للتوظيف بسبب زي ده من حقك تقاضيه فورا

و بعدين بالنسبة لك كمسلم شغال هناك، هل بتقدر تروح تصلي الجمعة مثلاً و الجمعة هناك أصلاً شغل؟ و هل بتقدر تاخد بريك وقت الصلاة كل يوم تصلي فيه و لا الموضوع ده بيمثل مشكلة؟

اشتغلت فتره في الاول و كنت بخرج اصلي و ارجع بدون اي مشاكل بشرط عدم التأخير (كأنها ساعة غذاء)

أولاً هل عدد المصريين هناك معقول و لا ضئيل جداً؟ و هل مرتبطين ببعض و كويسين كده و لا محدش يعرف حد؟

قليلين طبعا لكن فيه بعض التجمعات على النت و بيتقابلوا في المناسبات

ثانياً هل فيه مساجد كافية و جمعيات إسلامية ليها أنشطة و حاجات كده؟ انا لقيت على النت كذا واحدة هناك بس كلهم تبع إخواننا الأفارقة مالقيتش حاجة تبع عرب أو مصريين.و هل المساجد اللي موجودة هناك في مناطق فقيرة و شعبية و لا في مناطق متوسطة؟

حوالين البيت عندي و بقطر 5 كيلو فيه مسجدين واحد كبير و فخم جدا و التاني صغير و مفيش مناطق فقيره بالمعنى اللي انت متخيله و لا شعبيه ..فقط بعض الأماكن في حي سيري بيبقى فيها صياعه شويه و بتوع مخدرات

و بعدين انا بقعد ادور كتير على اسعار السكن و بشوف المدينة من الGoogle Earth و بدأت أعرف أسماء المناطق بس مش عارف أي مناطق بتعتبر شعبية و فقيرة و اي مناطق تعتبر متوسطة؟ ممكن تقولنا أسماء أهم المناطق الشعبية اللي يفضل تجنبها؟

و أسماء أشهر المناطق المتوسطة؟ هل مناطق زي Fairview و Shaughnessy و Granville و North Vancouver اللي هيا قريبة شوية من الداون تاون تعتبر مناطق متوسطة و لا راقية؟ هل ممكن نلاقي فيها شقة حلوة و صغنتتة كدة يعني اوضة واحدة و صالة بحدود 800 أو 900 دولار؟ و هل المناطق دي فيها مسجد قريب؟

مفيش مناطق شعبيه كما اوضحت سابقا

فقط يمكنك الابتعاد عن بعض المناطق في سيري و ليس كل سيري

عموما الحي هنا يعتبر مدينه و بالتأكيد كل مدينه فيها مستويات احلى و اعلى من مستويات تانيه

بس اجمالا مفيش شعبي

و الاحياء الحلوه كتير زي بيرنابي و نيو وست مينستر و كوكتلم و نورث فان و وست فان و ريتشموند و ممكن جدا تلاقي غرفه و صاله بأقل من الف دولار

طيب بالنسبة للمدن القريبة جداً من فانكوفر زي Burnaby و Richmond و Surrey و Coquitlam و Langley و Abbotsford، هل المدن دي حلوة زي فانكوفر كمعيشة و كسكن؟ لأني لاحظت إن فيه فرص شغل هناك على مواقع التوظيف. و هل الانتقال بينها و بين فانكوفر سهل بالمواصلات العامة زي السكاي ترين و لا صعب و بياخد وقت؟ بمعني تاني هل ينفع واحد يبقى شغال هنا و عايش هناك أو العكس؟ و لا صعب؟

طبعا ممكن جدا و المواصلات سهله و ممتازه بكل المقاييس

و بعدين دلوقتي انا زوجتي حامل و الحمد لله و المفروض الولادة في شهر أكتوبر ان شاء الله، يعني حيكون التأمين الطبي الحكومي غالباً لسة ماطلعش و حضطر أأمن خاص أول ما أوصل لمدة ال3 شهور في الأول، تقريباً بيكلف كام التأمين ده في فانكوفر؟ و ايه أخبار المستشفيات هناك و الدكاترة؟ هل فيه دكاترة مصريين هناك؟ يعني فيه دكتور مصري مثلا تقدر تخليه طبيب العائلة؟

لأ مفيش دكاتره مصريين و التأمين الاولاني بيكلف حوالي 200 دولار في الشهر للأسره زي بتاعة حضرتك تقريبا طبعا و موضوع العلاج و المستشفيات حبقى افتح عنهم موضوع مستقل ان شاء الله

و بالنسبة للتنقل داخل المدينة، هل المواصلات العامة ممتازة كدة زي في تورونتو؟ يعني تغنيك عن انك تشتري عربية في الأول أو حتى علي طول لو حابب؟

و بكام الاشتراك الشهري أو السنوي سواء للزون الواحد أو للاتنين أو للثلاثة؟

معنديش فكره بصراحه عن اسعار الاشتراكات لأن معايا عربيه

انما المواصلات ممتازه بكل معنى الكلمه

و بالنسبة لتأمين السيارات، سمعت ان فانكوفر هيا الأغلي في كندا كلها، صحيح ده؟

الله اعلم لكن انا مثلا بدفع 150 دولار شهريا و ده بيعتمد على العربيه و اللي سايقها

و ايه أخبار تكاليف المعيشة هناك من أكل و شرب و أغراض بيت و لبس و كده؟ انا من مواضيع الاخوة اللي في تورونتو كونت فكرة كويسة عن متوسط تكاليف المعيشة لعيلة صغيرة زي عيلتي، زوج و زوجة و ان شاء الله يبقى فيه طفل صغير، و لقيت انها بتكون في حدود ال 1000 دولار أكل و لبس و بيت و نت، فهل ده يعتبر نفس المتوسط عندكم و لا الأسعارعندكم أغلى زي ما سمعت؟

الموضوع ده نسبي جدا يعني انا عندي قناعه ان اسره من 4 افراد مش ممكن تعيش في عيشه راقيه بأقل من 1000 سكن و 2000 مصاريف

بس يمكن انا متطلباتي الحياتيه اكتر او اقل من غيري

لكن عموما الفرق في الاسعار للسلع العامه مش كتير و الله بين فانكوفر و غيرها و حتى السكن ممكن تلاقي اسعار كتير كويسه في حتت كتير

و بعدين انتوا عندكوا بتعرفوا تركبوا دش و بيجيب قنوات عربي بتاعتنا و لا مفيش غير قنوات الكابل؟

انا بعتمد على النت في كل اللي عايز اشوفه لأن النت هنا سريع جدا يعني انا حاليا عندي السرعه 14 ميجا في الثانيه

و أخيراً بالنسبة للجو، اللي سمعته و قريته ان البرد عندكم غير قارص و الثلج نادر بس بتمطر كتير قوي؟ هل ده صحيح؟ و ايه أدنى درجة حرارة شفتها في الشتا؟

فعلا بتمطر بتاع 6 شهور في السنه و البرد نادرا ما يهبط تحت الصفر في عز الشتا و المتوسط دايما في حدود 10 درجات تقريبا

ً

تحت امرك في اي استفسار و ربنا يوفقك

[mohamedadel]

الف شكر للاستاذ زهيري ....

وبالتوفيق ان شاء الله ...

[عتمان]

ألف شكر يا أستاذ زهيري على المختصر المفيد تسلم ايدك و كيبوردك و دي اس الك :lol:

و حلو قوي موضوع ال14 ميجا ده، بكام اشتراكه في الشهر؟ ده كده الواحد ينسى خالص بقى موال "صابر ايوب" و الفيلم اللي بنقعد ننزله في يومين :blush2:

طبعاً موضوع الشغل مقلق شوية لكن ان شاء الله حتفرج، مفيش مشكلة اذا الواحد اشتغل شغلانة كاجوال زي الأمن مثلاً تسند شويتين لحد ما يلاقي حاجة في مجاله

انا كمان بدخل على مواقع توظيف كتيرة بعضها حكومي زي الJob Bank و بعضها خاص و بشوف فرص بكمية معقولة كbookkeeper و accounting clerk، و رواتبها معقولة بتتراوح من 15 ل 20 دولار، يعني اذا الواحد قدم في كل الفرص اللي بتيجي في المناطق اللي حواليه ان شاء الله ربنا حيكرم و واحدة فيهم تضبط و لو بعد حين

و كمان لقيت مواقع كتير لجمعيات أو منظمات خاصة و حكومية بتقدم مساعدات و خدمات للمهاجرين الجدد انهم يدخلوا سوق العمل و يكسروا حاجز "الخبرة الكندية" اللي بتواجه الناس في الاول بانهم يحاولوا يوفروا لهم فرص دوام جزئي أو بأجور مخفضة في البداية أو كعمل تطوعي أحيانا بدون أجر لمدة كذا شهر عشان يبقى عندهم Canadian working refernce، تعرف حد جرب الجمعيات دي و استفاد منها؟

بالنسبة للسكن، اذا الواحد حب أول ما يجي ياخد حاجة مفروشة صغيرة لحد ما يلاقي شقة مناسبة و يفرشها، هل حقدر احجز اونلاين من هنا قبل ما اسافر؟ و هل الشقق المفروشة دي بيبقى ايجارها باليوم و لا لازم بالشهر؟

[om saif]

انا عاوزه انضم الى الرابطه

انا رحت على اوتاوا

موت من البرد

عاوزه اجى على فانكوفر بس حد يتكرم يحطلنا معلومات عن الجو والشغل والحياه والسكن وغلاء المعيشه

فى عرب كتير والا لأ؟

[om saif]

بارك الله فيك يا اخ محمد

قريت ردودك فوق واستفدت جدا

[MZohairy]

بارك الله فيك يا اخ محمد

قريت ردودك فوق واستفدت جدا

لا شكر على واجب يا سيدتي تشرفي و تنوري فانكوفر بي سي

عموما فرص الشغل للمهاجر الجديد في نفس مجاله صعبه جدا في اي مكان في كندا

لازم دراسه و معادلة الشهاده

أما الشغل الكاجوال فهو موجود في كل كندا بس يمكن تورونتو اكتر شويه

ما تتميز به فانكوفر (غير جمال طبيعتها و مناظرها) انها افضل طقس في كندا بلا استثناء

لذلك اذا كان موضوع عدم وجود شغل متساوي في كل المقاطعات

يبقى (من غير شغل في جو حلو) احسن من (من غير شغل في جو وحش)

ربنا يوفقك

[Alrefaey]

يبقى (من غير شغل في جو حلو) احسن من (من غير شغل في جو وحش)

ياسلااام بيعجبنى فيك دماغك العاليه

شرفت بلقاءك امس يامايسترو

تم تعديل 8 يونيو 2010 بواسطة Alrefaey

[MZohairy]

الشرف ليا يا دكتور

و الهزيمه للأهلي

و النصر للحرس

[جبار سينج]

انت طلعت زملكاوى يا زهيرى مكنش العشم

[Alrefaey]

انت طلعت زملكاوى يا زهيرى مكنش العشم

لا ياجبار المايسترو اهلاوى حتى النخاع :happy:

[MZohairy]

صراحة انا بحب الأهلي يكسب

لكن لو خسر

يولع

ولا تفرق معايا

[اغابي]

الشغل ككاتب حسابات هنا بشهاداتك المصريه محتاج وقت و صبر و معارف

و مفيش مساعدات ماليه او قروض لدراسة السي ام ايه او ال سي جي ايه

كله من جيبك

ده خلاصة الخلاصه للموضوع

انا حاليا بدرس ACCA

يعنى يا استاذ زوهير افهم من كدا ان حضرتك بتدرس ال ACCA من جيبك الخاص برضوه ومن غير اعانات .

طب ممكن تكلفك فى حدود كام اجمالى المبلغ - والوقت اد ايه فترة زمنية

وكمان استفسار اخير - هل فى شروط زى انك تكون واخد شهادة CMA قبلها اجبارى ولا ممكن علطول تدرس ومفيش مشكلة ولا شروط

اغابي

:happy:

تم تعديل 9 يونيو 2010 بواسطة اغابي

[MZohairy]

الشغل ككاتب حسابات هنا بشهاداتك المصريه محتاج وقت و صبر و معارف

و مفيش مساعدات ماليه او قروض لدراسة السي ام ايه او ال سي جي ايه

كله من جيبك

ده خلاصة الخلاصه للموضوع

انا حاليا بدرس ACCA

يعنى يا استاذ زوهير افهم من كدا ان حضرتك بتدرس ال ACCA من جيبك الخاص برضوه ومن غير اعانات .

طب ممكن تكلفك فى حدود كام اجمالى المبلغ - والوقت اد ايه فترة زمنية

وكمان استفسار اخير - هل فى شروط زى انك تكون واخد شهادة CMA قبلها اجبارى ولا ممكن علطول تدرس ومفيش مشكلة ولا شروط

اغابي

:happy:

شوفي يا اغابي

القرض التعليمي في الجامعات لواحد عنده اسره بيكون بحد اقصى 520 دولار في الاسبوع يعني حوالي 2200 دولار في الشهر

شيلي منهم مصاريف التعليم او رسوم الدراسه فرضا الف دولار شهريا

يبقى المتبقي 1200 دولار

المبلغ ده لا يمكن تعرفي تعيشي بيه لوحده انتي و اسرتك

صحيح بيبقى فيه مصروف الاولاد الشهري من الدوله (و ده بيتحسب حسب دخلك السنوي السابق و عدد الاطفال)

الا ان المبلغ على بعضه ميكفيش لعيشه محترمه (خصوصا لأسره عاشت في الخليج و معتاده على مستوى معيشي راقي)

اذا الحل ان يكون عندك رصيد تسحبي و تكملي منه

او شغلانه بارت تايم تساعد

اما شهادة ال ACCA فهي حوالي 14 جزء (و يكفي وجود بكالوريوس تجاره معاكي)

بيتم اعفاءك من عدد من الأجزاء مقابل شهاداتك الدراسيه اللي معاكي(بكالوريوس غير ماجستير غير سي بي ايه )

كل ما يكون معاكي شهادات اكتر يعفوكي من اجزاء اكتر

ليصل مجموع المواد الى (من 10 الى 12 ماده) بعد الاعفاء و ممكن يوصلوا ل 6 اجزاء فقط لو معاكي شهادات كتير في نفس المجال.

الامتحان مرتين في السنه

يعني ممكن تدخلي 3 اجزاء كل 6 شهور

و ممكن اكتر

يعني اقل من سنتين تلاقي نفسك معاكي الشهاده بإذن الله

و بعدها سيسهل جدا معادلتها بشهادة ال CGA الكنديه و في فتره بسيطه جدا

[اغابي]

الشغل ككاتب حسابات هنا بشهاداتك المصريه محتاج وقت و صبر و معارف

و مفيش مساعدات ماليه او قروض لدراسة السي ام ايه او ال سي جي ايه

كله من جيبك

ده خلاصة الخلاصه للموضوع

انا حاليا بدرس ACCA

يعنى يا استاذ زوهير افهم من كدا ان حضرتك بتدرس ال ACCA من جيبك الخاص برضوه ومن غير اعانات .

طب ممكن تكلفك فى حدود كام اجمالى المبلغ - والوقت اد ايه فترة زمنية

وكمان استفسار اخير - هل فى شروط زى انك تكون واخد شهادة CMA قبلها اجبارى ولا ممكن علطول تدرس ومفيش مشكلة ولا شروط

اغابي

شوفي يا اغابي

القرض التعليمي في الجامعات لواحد عنده اسره بيكون بحد اقصى 520 دولار في الاسبوع يعني حوالي 2200 دولار في الشهر

شيلي منهم مصاريف التعليم او رسوم الدراسه فرضا الف دولار شهريا

يبقى المتبقي 1200 دولار

المبلغ ده لا يمكن تعرفي تعيشي بيه لوحده انتي و اسرتك

صحيح بيبقى فيه مصروف الاولاد الشهري من الدوله (و ده بيتحسب حسب دخلك السنوي السابق و عدد الاطفال)

الا ان المبلغ على بعضه ميكفيش لعيشه محترمه (خصوصا لأسره عاشت في الخليج و معتاده على مستوى معيشي راقي)

اذا الحل ان يكون عندك رصيد تسحبي و تكملي منه

او شغلانه بارت تايم تساعد

اما شهادة ال ACCA فهي حوالي 14 جزء (و يكفي وجود بكالوريوس تجاره معاكي)

بيتم اعفاءك من عدد من الأجزاء مقابل شهاداتك الدراسيه اللي معاكي(بكالوريوس غير ماجستير غير سي بي ايه )

كل ما يكون معاكي شهادات اكتر يعفوكي من اجزاء اكتر

ليصل مجموع المواد الى (من 10 الى 12 ماده) بعد الاعفاء و ممكن يوصلوا ل 6 اجزاء فقط لو معاكي شهادات كتير في نفس المجال.

الامتحان مرتين في السنه

يعني ممكن تدخلي 3 اجزاء كل 6 شهور

و ممكن اكتر

يعني اقل من سنتين تلاقي نفسك معاكي الشهاده بإذن الله

و بعدها سيسهل جدا معادلتها بشهادة ال CGA الكنديه و في فتره بسيطه جدا

شكرا يا استاذ زوهير للرد

وللمعلومات المهمة دى -

كدا الموضوع ظهر كويس - بيعتمد على الفلوس من اوله لاخره - ونقدر نقول وشوية مجهود

ميرسي

اغابي

[Lendo]

الاستاذ الفاضل زهير

انا منتظر الميديكال خلال شهور قليلة انشاء اللة و محتار انزل فين مع العلم اني شغال في مجال IT ممكن الافادة لو امكن عن مستوي الطلب لهذا المجال في فانكوفر :blush2:

[MZohairy]

الاستاذ الفاضل زهير

انا منتظر الميديكال خلال شهور قليلة انشاء اللة و محتار انزل فين مع العلم اني شغال في مجال IT ممكن الافادة لو امكن عن مستوي الطلب لهذا المجال في فانكوفر :blush2:

ماقدرش افيدك كتير يا لندو عشان ده مش مجالي

انما نصيحه عامه

روح للولايه اللي تعرف فيها ناس اكتر

و لو ماتعرفش حد خالص روح تورونتو عشان الفرص فيها اكتر نسبيا

و لو مرتاح ماديا و تقدر تصبر اكتر لغاية ما تلاقي شغل يبقى تروح فانكوفر بدون شك