إيه اخبار العلاوة

[~Heba~]

مساء الخيرات

كل علاوة و انتوا طيبين :)

كثرت الأقاويل حول علاوة هذه السنة

و عمال و موظفى مصر اعتادوا عليها كل سنة كأنها عيدية العيد رغم ما يحدث بعد ذلك من ارتفاع ملحوظ فى الأسعار يلتهم كل قرش من هذه العلاوة

العام الماضى ارتفعت العلاوة الى 30% و كانت هذه النسبة وبال على الناس فى مصر و لاحظنا بسببها ارتفاع فى اسعار الوقود كأن النزين هو اللى دفع العلاوة

و انا و الله نفسى اسأل..هى مسألة صرف العلاوة هذه بحد ذاتها خطأ؟؟؟؟

يعنى معروف سبقا انها لن تغنى و لن تسمن من جوع و ارتفاع الاسعار المصاحب لها سيجعلها كأنها لم تكن

و من ناحية اخرى الحكومة ليس لديها اصلا فائض...على ما يبدو لى او على الأقل صرف هذه العلاوة كلها مرة واحدة فى فترة محددة من السنة يسبب عبئا عليها ....يبقى بلاش احسن

مفيش اخبار واضحة السنة دى عن العلاوة هى اولا اتأخرت و بعض الأخبار قريتها انها يمكن تتلغى

بسبب الأزمة المالية!!!! :)

و اخيرا فيه اخبار انها كانت 10 % خير و بركة احسن من بلاش :lol:

طيب بصفتى انخرطت حديثا فى السلك الحكومى - دى على وزن السلك الدبلوماسى wst:: -

حبيت اهتم قليلا بمسألة العلاوة رغم انها غير مهمة لى بشكل خاص لكنها بالتأكيد مهمة لاب يعول اسرة و محتاج لكل قرش لمواجهة الازمة المالية التى عصفت بالجميع

لذا حبيت افكر معكم بصوت عالى:

اولا هل صرف العلاوة ضرورى؟؟؟

قد يقول البعض ان الزيادة كلها فى الأجور ضرورية و لكن لان الحكومة لا تستطيع ان تزيد الأجور بشكل دائم فجعلت الزيادة بشكل موسمى و هو ما يعرف بالعلاوة

طيب هل هناك ما يمنع ان الزيادة لا تكون موسمية لا اعتقد ذلك

لذا فكرت لماذا لا تقوم الحكومة بإنشاء ما اسميته بصندوق دعم للموظفين او لكل المستفيدين من هذه العلاوة تحول له فى هذا الصندوق العلاوة الخاصة بها على نسب مش مرة واحدة..طيب اذا كانت العلاوة هى نفسها نسبة يعنى تتراوح بين 10% الى 30% من الراتب الأساسى

بس انا مقلتش الحكومة هى اللى تجزأ على مزاجها لكن ده يكون حسب رغبة كل مستفيد من العلاوة و يحدد تصرف له فى أى وقت فى السنة wst::

و الأظرف بقى انى فكرت انه ممكن ياخد قرض بضمان هذه العلاوة ينفع و الا لأ

بس اذا رأت الحكومة انها تعمل دور ندالة و لا تصرف علاوات فى سنة من السنين لأى سبب كان فأنا فكرت ان صندوق العلاوة ده يكون مرتبط بشكل ما بالمرتب نفسه...بس مش عارفة ازاى

المهم الصناديق دى تبقى زى حساب فى البريد مثلا..بلاش البنوك عشان الفوائد و كدة

يا ترى انا بخطرف و الا حاجة و الا الفكرة قابلة للتطبيق العملى

[سهل جدا]

العلاوة شبه ضرورية في مصر .. خاصة مع تدني المرتبات واستمرار التضخم الاقتصادي

بالنسبة لموضوع القروض بضمان المرتب , هانضمن منين إنه ما يكونش عليها فوائد ربوية ؟!!