عايزة اقدم دراسات عليا او نيابة

[طبيبة مستجدة]

السلام عليكم ورحمة اللة وبركاتة

انا بعد اذن حضرتكم حطيت الموضوع دة فى قسم الاطباء وبرضة قلت احطةعلى الصفحة الرئيسية لان الموضوع دة مهم اوىىىىىىى بالنسبة ليا واخر حاجة ارتحت انى اعملها انا قلت هاقدم ان شاء اللة دراسات عليا او نائب زائر فى جامعتى عين شمس بس انا واخدة اجازة من تكليفى فى وزاررة الصحة ولالااسف صدمت ان فى الجامعة عايزين شهادة تفرغ او طبيب حر :ninja: ولا يعترفون بالاجازة على انها تفرغ وفى الشغل لا يرضوا ابدا يدونى تفرغ فماذا افعل وقد افتانى ناس كتير اجيب شهادة طبيب حر الليجال وان الموضوع دة عادى ومافيهوش مشكلة فانا عايزة لو اى حد طبيب او يعرف حد يعرف موضوع الشهادة الليجال لطبيب حر بس علشان الدراسات من غير ما اقدم استقالتى؟ اروح فين ومين ممكن يعملى الشهادة دى ؟ :lol:

[Mercedes]

أختى الفاضلة

السلام عليكم و رحمة الله و بركاته

اولا اباركلك على التخرج و ان شاء الله يكون فاتحة خير عليكى , أنا طبعا بقدر و بحترم طموحك فى انك تكملى دراسات عليا و ان شاء الله ربنا هيوفقك , بس انا باعتبر نفسى أخ أكبر منك سنا و أنا حاصل على ماجستيرفى تخصص طبى دقيق بعد 3 سنين نيابة فى جامعة من أكبر الجامعات بمصر و على وشك انهاء الزمالة البريطانية فى تخصصى و كمان اعمل فى الخليج و حكومى و ليس قطاع خاص , لكن و الله لو يرجع بى الزمان الى الوراء لأيام ما كنت متخرج كنت و بدون تفكير بدأت فى مذاكرة الUSMLE - المعادلة الأمريكية -بدون أدنى تردد أو تفكير , طبعا أنا بقول الاقتراح دة بفرض انك لديك مقدرة مادية معقولة و محدودة و ليست لا نهائية لأن الموضوع محتاج شوية فلوس صغيرين و لا تقارن هذه الفلوس اطلاقا بالعائد العلمى و الاجتماعى و المادى اللى انتى هتحققيه لباقى حياتك كلها و لكل الذرية اللى هتيجى من بعدك و اكيد انك متفقة معايا انك مش عاجبك أبدا حال الاخصائيين فى مصر اليومين دول لأن عفوا الواحد منهم بيعمل البدع عشان يعرف يكسب القرش من المريض اللى بيفاصل الدكتور فى كل حاجة كأنه بيشترى موبايل مستعمل مش رايح يتعالج .

خصوصا من كلامك واضح انك مالكيش نيابة فى الجامعة أو أى مستشفى تعليمى .

أنا بنصحك بهذا الموضوع لدرجة انك لو مافيش معاكى فلوس ممكن تسافرى السعودية كطبيب عام أو طبيب أسرة لمدة سنتين اتنين بالكتير أوى تكونى خلصتى فيهم الجزئين الأول و التانى بتوع المعادلة الأمريكية و بعد كدة تاخدى أول طيارة و تطلعى بيها على امريكا لامتحان الجزء التالت, بالشكل دة انتى هتكونى بتلعبيها صح , لكن شهادة تفرغ مضروبة و ماجستير و لا دبلوم , يبقى انتى كدة بتضيعى وقتك.

ممكن تقولى ان احوال المسلمين وحشة فى أمريكا, طبعا دة كلام هجص لأن بعد أحداث سبتمبر و رغم التشديدات الكبيرة فى المعاملة الا ان المسلمين بيتعاملوا فى امريكا و كندا و البلاد المحترمة دة على انهم بنى ادمين لمن فى مصر بيتعاملوا على انهم ............

أوانك تقولى ان مش هقدر اخد تأشيرة أمريكا , كل دة و انتى فى السعودية بيكون سهل و ميسر, لأن اذا كان الناس اللى مخلصين المعادلة بياخدوا تأشيرة أمريكا من مصر , معقول مش هيقدروا ياخدوها من السعودية ؟؟؟؟؟

الفرق بين اللى انتى عايزة تعمليه و اللى أنا بنصحك بيه بناء على خبرتى الطويلة و الاحساس بمدى الخسارة و المرارة لأنى ماعملتش كدة ذى الفرق بين فريق كرة القدم بتاع سماد طلخا و فريق كرة القدم بتاع مانشتر يونايتد ( مع كل احترامى لفريق سماد طلخا ).

ربنا يوفقك فى جميع الأحوال

[mama nona]

أختى الفاضلة

السلام عليكم و رحمة الله و بركاته

اولا اباركلك على التخرج و ان شاء الله يكون فاتحة خير عليكى , أنا طبعا بقدر و بحترم طموحك فى انك تكملى دراسات عليا و ان شاء الله ربنا هيوفقك , بس انا باعتبر نفسى أخ أكبر منك سنا و أنا حاصل على ماجستيرفى تخصص طبى دقيق بعد 3 سنين نيابة فى جامعة من أكبر الجامعات بمصر و على وشك انهاء الزمالة البريطانية فى تخصصى و كمان اعمل فى الخليج و حكومى و ليس قطاع خاص , لكن و الله لو يرجع بى الزمان الى الوراء لأيام ما كنت متخرج كنت و بدون تفكير بدأت فى مذاكرة الUSMLE - المعادلة الأمريكية -بدون أدنى تردد أو تفكير , طبعا أنا بقول الاقتراح دة بفرض انك لديك مقدرة مادية معقولة و محدودة و ليست لا نهائية لأن الموضوع محتاج شوية فلوس صغيرين و لا تقارن هذه الفلوس اطلاقا بالعائد العلمى و الاجتماعى و المادى اللى انتى هتحققيه لباقى حياتك كلها و لكل الذرية اللى هتيجى من بعدك و اكيد انك متفقة معايا انك مش عاجبك أبدا حال الاخصائيين فى مصر اليومين دول لأن عفوا الواحد منهم بيعمل البدع عشان يعرف يكسب القرش من المريض اللى بيفاصل الدكتور فى كل حاجة كأنه بيشترى موبايل مستعمل مش رايح يتعالج .

خصوصا من كلامك واضح انك مالكيش نيابة فى الجامعة أو أى مستشفى تعليمى .

أنا بنصحك بهذا الموضوع لدرجة انك لو مافيش معاكى فلوس ممكن تسافرى السعودية كطبيب عام أو طبيب أسرة لمدة سنتين اتنين بالكتير أوى تكونى خلصتى فيهم الجزئين الأول و التانى بتوع المعادلة الأمريكية و بعد كدة تاخدى أول طيارة و تطلعى بيها على امريكا لامتحان الجزء التالت, بالشكل دة انتى هتكونى بتلعبيها صح , لكن شهادة تفرغ مضروبة و ماجستير و لا دبلوم , يبقى انتى كدة بتضيعى وقتك.

ممكن تقولى ان احوال المسلمين وحشة فى أمريكا, طبعا دة كلام هجص لأن بعد أحداث سبتمبر و رغم التشديدات الكبيرة فى المعاملة الا ان المسلمين بيتعاملوا فى امريكا و كندا و البلاد المحترمة دة على انهم بنى ادمين لمن فى مصر بيتعاملوا على انهم ............

أوانك تقولى ان مش هقدر اخد تأشيرة أمريكا , كل دة و انتى فى السعودية بيكون سهل و ميسر, لأن اذا كان الناس اللى مخلصين المعادلة بياخدوا تأشيرة أمريكا من مصر , معقول مش هيقدروا ياخدوها من السعودية ؟؟؟؟؟

الفرق بين اللى انتى عايزة تعمليه و اللى أنا بنصحك بيه بناء على خبرتى الطويلة و الاحساس بمدى الخسارة و المرارة لأنى ماعملتش كدة ذى الفرق بين فريق كرة القدم بتاع سماد طلخا و فريق كرة القدم بتاع مانشتر يونايتد ( مع كل احترامى لفريق سماد طلخا ).

ربنا يوفقك فى جميع الأحوال

والله يا دكتور رد حضرتك عقلانى جدا جدا وانا بفكر فيه بجدية بس يمكن للرجل غير الست شوية وده الاعاقة الوحيدة ال بترجعنى للخلف كل ما احاول اخد خطوة فعليه بس هى المشكلة تكمن فالاسرة يعنى انا لو فكرت اعمل كده يبقىsocial life =========zero

بس ان شاء الله انا بدأت اذاكر MRCOG الجزء الاول اهو حاجة تشجع الواحد انه يحاول

وممكن نستفيد من خبرات حضرتك وتدخل معانا فى جروب الاطباء واحنا نتشرف بوجود حضرتك فيه

[طبيبة مستجدة]

شكرا اوى يا دكتور بس للاسف زى ماما نونا ما قالت انا صعب اوى انى اسافر امريكا لوحدى علشان اكمل وبعدين انا بدور علشان اكمل دراسات عليا فى مصر لانى عايزة اطور نفسى بس من غير ضرر ولا ضرار وعلشان الخبرة ولو كان ينفع اشتغل فى السعودية كدة ما كنتش دورت انى اكمل دراسات عليا علشان الخبرة انا عايزة بس يا جماعة حد يدلنىعلى منين اقدر اجيب شهادة الليجال علشان اقدم دراسات فى عين شمس(السبيل الوحيد لزوجة وام)وانا بفكر جديا فى الزمالة البريطانية بس مشكلى السفر برضة ماوزالت عائق.والف شكر

[icehell]

حضراتكم فهمتم الدكتور غلط...............!!!!!!!!!!!

عشان تحضري دراسات عليا في جامعات مصر = يبقى كده قدامك يجي 5 سنين عبال ما الدكاترة العباقرة الموقرين يرضو يديكو الدرجة العلمية = تاخير في المناقشة والدور وحاجات كده الا ازا شوفت قسم معين في جامعة معينة محترم (ودا نادر جدا)

يبقى الحل بدل ماضيعي سنين عمرك يبقى تشوفي شغل في الخليج وتحاولي تذاكري اي حاجة نظرية زاي الباطنة وتسجلي ماستر وتنزلي على قد الامتحان وترجعي الخليج تاني او حضري الزمال البريطانية اهو الجراحة والاطفال 3 اجزاء في مصر والباطنة في البحرين............

حاتقعدي في مصر حايجيلك اكتئاب وبرضو ا موش حاتعملي حاجة!!!!!!!!!!!!

وياما قريت على دكاترة.......اللي كان مدرس اطفال في القصر العيني وساب دا كله ومشي على امريكا عشان يبدا نائب من اول وجديد وحياة صحيحة.......

وتعالو شوفو البنات السعوديات في هولندا وكندا بيدرسوا...........اي نعم بعثات على حسا المملكة بس اهم سعوديات وبرا.............

[Mercedes]

السلام عليكم و رحمة الله و بركاته

أنا عاوز أحيى الاستاذ icehell و أقوله :

يسلم فمك يا أستاذ icehell

و ياريت أى حد مستصعب موضوع المعادلة الأمريكية ما يبصش عليها كلها دلوقتى و لكن يبص عى أول حاجة فيها و هى مذاكرة step 1 و النجاح فيه و بعد كدة ربنا ان شالله هيوفقه و كمان يبص على التغيير الجوهرى و الشاسع اللى هيحصل فى حياته الاجتماعية و العملية و المهنية ليه و لكل اللى هييجوا بعده لمجرد انه هو أحسن الاختيار .

هو يعنى لما تاخدى ماستر من مصر فى أى تخصص ,هيكون كبيرك ايه ؟؟

مش هتسافرى السعودية ولا بالكتير الامارات تشتغلى أخصائية, يعنى هتاخدى كام فى الشهر , دانتى لو جمعتى راتب السنة كله هناك و انتى أخصائية مش هييجى أد راتب نايب باطنة فى أمريكا و بدل ماتكونى فى أمريكا و بعد 5 سنيين تاخدى البورد الأمريكى و بعدها بسنتين و لا تلاتة يكون عندك فيلا فى أمريكا بلكونتها بتطل على المحيط الهادى فى كاليفورنياو الجراج بتاع البيت واقف جواه عربية بورش ولا جاجوار ولا لكزس, هيكون معاكى ماستر و شغالة انتى و الزوج فى السعودية و كل أحلامكم انكوا بعد سنيين الغربة و الحرمان الطويلة تاخدوا شقة فى مدينة نصرولا فى أحد المدن الجديدة و تفرشوها و هتفرحوا أوى لو اتبقى معاكوا فلوس تشتروا عربية لانسر فل أوبشن و يا سلام كدة و انتوا ماشيين بالعربية اللانسر على كوبرى أكتوبر فى عز الحر و قافلين الازاز , ماهى العربية مكيفة بقة و يطلعوا أولادكم بعد 10 - 15 سنة فى ظروف ربنا اللى عالم بيها و يكون كل امنياتهم بعد التخرج من الجامعة انهم يسافروا هما كمان السعودية عشان يجيبوا نفس الأشياء و هالم جرة و دوخينى يا ليمونة , يعنى - عفوا - انتى هتيجنى على نفسك و على كل الأجيال اللى جاية و خصوصا انك مش متخصصة فى حاجة لسة , يعنى لو جبتى 90 % فى المعادلة و دة سهل , أكيد هتجيلك نيابة فى أمريكا و هتقبضى مرتب محترم بدل الذل بتاع الطبيب الزائر فى مصرو عالعموم ربنا يوفق الجميع

[icehell]

بالنسبة للمعادلة الامريكية الصراحة انها موش عملية لانها محتاجة فهم و تحليل عشان تعرف تجواب على الاسالة بسرعة والا حايعدي وقت الامتحان القصير وانت ماجوبتش حاجة او جاوبت واتسرعت....مش كتر المذاكرة حاتخليكي تجاوب صح

اي نعم طريقها واضح جدا بس انا اعرف ناس بقالها 5 سنين بتلف في دوامة اليوسمل من فيزا وقلة نصيب في الماتشينج

تعالى بقى للمعادلة الاسترالي اللي طريقه موش واضح وكلها بتعتمدل على الحظ بس امتحانهم غبي واسالة اللي حاططها بيتعمد الغباء على النقيض من اسالة اليوسمل وبعد ماتخلص اول جزء انت وحظك تلاقي شغل او لا وتعقد تدور بالسنين

نيجي بقى لاوربا وطبعا ننسى انجلترا خالص يبقى فاضل :

المانيا لازم طبعا تتقن الالماني وتراسل البروفسيرات في المستشفيات .......بس المانيا فيها ميزة انهم محترمين قوي عاوزين واحد بيشتغل وخلاص وممكن تبدا نيابتك على طول بس مافيش فلوس كله على حسابك ومافيش معادلة الالالو عاوز تشتغل هناك رسمي بعد النيابة بس لازم يكون معاك اقامة ودي موش حاتيجي الا بالزواج من المانية.........

فرنسا ولازم تكون من اول 100 في معادلتهم ودا محتاج جهد خرافي

نيجي للتخصص في مصر:

جراحة :حاتشتغل بالات غير معقمة وحاتاذي المريض دا لو كنت اساسا بتعرف تشتغل دا غير سرقة الحالات وتطليعها برا المستشفيات العامة........

التخدير و حاتشتغل تحت السلم ومن غير فنتيلاتور وتموت الناس الغلابة............

الباطنة وكلها حلات كبد وناس بتموت

الاشعة واخرك السونار ولا تقولي دوبلكس.................

القلب ابقى قابلني لو حاد رضي يعلمك الكاثتر او الاكو..............

الاطفال وتستغل جهل الناس الغلابة..............

الرمد والناس اساس بتسخصر في نفسها نظارة لغاية مايجيلهم كاتاركتل او اي مضاعفات تانية

الجلدية ومحتاجة اجهزة في مكان محترم وامراض جنسية ياك

النفسية والعيانين اللي بيضربوا

النهاية ان السعودية هي اول سلمة على طريق التطور

دا الامارات والبحرين والمستشفياتل الكبيرة في الخليج لما بيجو يطلبو دكاترة بيطلبوا ناس معاه البورد الامريكي او الاسترالي او الانجليزي من انجلترا نفسها ويشترط انو يكون عنيه خضرو وشعر اصفر يعني من الاخر موش عاوزين عرب ...هما بس عاوزين عرب عمال,شغالات........

دول بيودوا دكاترتهم بعثات عشان ياخدو نيلبتهم في كندا وقال ايه كمان الدكاترة السعودين دول المبتعثين بيتنكو ومش عاجبهم وعاوزين رواتب كمان دي حاجة تنقط!!!!!!!!!!!!!!!

بدل ماهما اللي كانو جايين من ورا الجاموسةل بقينا احنا اللي جايين ومش عارفين حاجة دا احنا لسه ماعنديناش النت ابو 20 ميجا زيهم!!!!!!!!!!!

بعدين اهو عيالك يتربو في بيئة نظيفة يتعلم قران ويصلي بدل مايجيلك من المدرسة مقتول عشان ماحلش الواجب!!!!!!!!!!!!

في النهاية انا بفكر بصوت عالي وعاوز النصيحة من دكتور خبرة زيك........

[Mercedes]

أنا رايى انك رديت على نفسك و توصلت الى ان المعادلة الأمريكية هى أحسن الوحشيين و لا زلت عند رأى انك لو ربنا وفقك و عملت اللى عليك و جبت 90 فالمية , ربنا انشالله مش هيضيع مجهودك أبدا و هيجيلك نيابة أى حاجة بس فى أمريكا و عشان تبقى عارف , السعوديين اللى بيروحوا كندا ياخدوا نيابات هناك يشترط أنهم ياخدوا المعادلة الكندية قبل ما يروحوا و فعلا بيمتحنوها فى جامعة الملك سعود بالرياض , فاذا كان السعوديين بيقدروا يجتازوا المعادلة الكندية يبقى ان شالله المعادلة الأمريكية بالنسبى لينا لعب عيال , الموضوع محتاج مجرد مذاكرة و حل الأسئلة و التدريب عليها كتير و ان شالله ربنا هيوفقك .

[Dr.mmfriend]

يا دكتورة انتى محيره نفسك

انا الى اعرفه انه الجامعتين السهلين فى مصر للتسجيل هما المنوفيه وبنها

وهما مش بيتشرطوا اوى فى الحضور يعنى ممكن تنزلى على الامتحانات على طول

حتى المنوفيه مش متشرطه شهاده طبيب حر اصلا بس ورقه بتمضيها انك لا تعملى وخلاص

اما الجامعات المعقده زى عين شمس والقاهره فانا معرفش طريق ليهم

عموما انا بطلت افكر فى الحاجات دى من ساعه اما جيت السعوديه نظرا لانى اكتشفت زى ما كتبوا فوق ان كل ده هحص والماستر المصري ملوش اى قيمه

المشكله انه الواحذ بعيد عن مصر فصعب يجيب الناس الى كان يعرفهم هناك وكده لكن الموضوع اسهل وابسط مما تتخيلي لو عاوزة تسجلى فى المنوفيه

وعلى حسب القسم الى عاوزاه

مش عارف كل سنه بينزلوا شروط عن سنه التخرج والمجموع وشويه حاجات بتتغير كل سنه

واحب احيي كل الى اتكلموا عن المعادلات واقول ان احسن الفرص دلوقتى فى استراليا نظرا لان فرص العمل كتير هناك

صحيح هيا مخاطرة ومجهود

ولكن ما باليد حيله