....إذا متُ ظمآناً فلا نزلَ القَطْر

[~Heba~]

.

رحم الله ابى فراس الحمدانى قائل هذه الكلمات

معللتى بالوصل و الموت دونه....إذا مت ظمآنا فلا نزل القطر

الشق الثانى من البيت يعبر عن أنانية رهيبة..ربنا يجازيه بقى كلماته اصبحت مثل تنضرب فى الانانية

وترد على خاطرى بشكل ملح هذه الأيام

يمكن لانى اصابتنى انانية عارضة و لم اعد اتمنى الخير لمن كنت اكن له الكثير من الود سابقا

اعرف انه شعور غير حسن و اجاهد للتخلص منه

لكن محدش يقدر يجد لى و لو عذر واحد الا يعقل انى مثلا تعرضت للاذى المعنوى و اريد الانتقام و لو معنويا ايضا

السؤال لكم بماذا تنصحوا من يتعرض لهذه الانانية المؤقتة؟

هل سبق و تعرضت لها و هل كرهت الخير لاحد فى يوم من الايام؟

رغم المبالغة فى شعر ابى فراس - لانه يكره الخير لكل الناس - هل يعقل ان هذه الحالة و بنفس المبالغة تكون موجودة فى حد فى محيط حياتك...يعنى شخص يكره الخير للناس لانه لم ينال ما يعتقد انه نصيبه و من حقه...كيف تتعامل مع مثل هذا الشخص لو واجهته....و كيف تتصرف اذا وجدت هذا الشعور يسيطر عليك؟

احتاج لنصائحكم :lol:

تم تعديل 4 مايو 2009 بواسطة ~Heba~

[عنبو]

والله موضوع كره الناس ده شىء صعب واللى اصعب منه انك تتخلص منه بس الموضوع عاوز شوية صبر وعدم مجارة النفس يعنى الواحد لو ساب نفسه لنفسه هتبقى مشكله فالواحد بيحاول بقدر الامكان عدم مطواعة النفس يعنى مثلا

لو فيه ترقيه فى الشغل والمفروض انا احق واحد بيها ولقيت ان واحد زميلى اخدها مع انى اكفاء منه فاكيد هزعل مش علشان هو اخد الترقيه لكن علشان انا مخدتش الترقيه فهو مالوش اى ذنب ليه احقد عليه ؟؟

ثانيا ينتابنى شعور بالعزله لبعض الايام ثم بعد ذالك اجلس مع نفسى واقول لعله خير وربنا مش بيقدر الا كل خير واقول فى نفسى ولان شكرتم لاذيدنكم وفى الاخر برضى واصفى نفسى والحمد لله ارجع تانى وربنا يكرمنى واخد وضع احسن من الى انا كنت عاوزه

وكان فى قصه سمعتها فى احد البرامج الدينيه ان كان فيه واحد شغال مهندس وكان عاوز يترقى مدير وكان هو كفائه وكفاء واحد فى الموجودين لكن تفاجاء انه مش ترقى وواحد زميله هو اللى اترقى فزعل وبعد فتره لقى اللى اترقى ده فصوله مش الشغل لانه مش حقق اللى كان مطلوب منه ؟؟؟ فقال ياسبحان الله

اما موضوع كره الخير للناس ده فالواحد كل لما نفسه تسوله الموضوع ده افتكر حديث الرسول صلى الله عليه وسلم لا يؤمن احدكم حتى يحب لاخيه ما يحب لنفسه

اما موضوع ازاى اتعامل مع الشخص اللى عنده الشعور ده

فاحسن تعامل معاه انك تظهر له انك بتحبله الخير وانك احسن منه لانك مش بتعمل كده علشان خاطره لا انت بتعمل كده علشان ربنا قال لينا نعمل كده بس مش اكتر وكل واحد فى الاخر بياخد نصيبه اقتنع اهلا وسهلا مقتنعش يبقى دع الكلاب تسير والقافله تعوى للا العكس

[~Heba~]

اما موضوع ازاى اتعامل مع الشخص اللى عنده الشعور ده

فاحسن تعامل معاه انك تظهر له انك بتحبله الخير وانك احسن منه لانك مش بتعمل كده علشان خاطره لا انت بتعمل كده علشان ربنا قال لينا نعمل كده بس مش اكتر وكل واحد فى الاخر بياخد نصيبه اقتنع اهلا وسهلا مقتنعش يبقى دع الكلاب تسير والقافله تعوى للا العكس

أحييك اخى الكريم / محمد على ردك المفصل الرائع

اعجبنى جدا و اخترت منه المقتبس اعلاه لانه اعجبنى أكثر

و أزيد انه الخير بيد الله و لا نملك من خزائنه شيئا

دمت بكل خير :rolleyes:

[سهران]

.

رحم الله ابى فراس الحمدانى قائل هذه الكلمات

معللتى بالوصل و الموت دونه....إذا مت ظمآنا فلا نزل القطر

كيف تتصرف اذا وجدت هذا الشعور يسيطر عليك؟

احتاج لنصائحكم

هبة ....... أزيك

ما شاء الله راجعة بمواضيع كتير و نشاط واضح و أن شاء الله دايما نشوف مواضيعك الجميلة .

فعلا الفترة الماضية بدأت أواجه الأحساس ده و أنا قاعد على الكومبيوتر باتابع البورصة و أنزعجت جدا ..... أبيع السهم من هنا و بعد دقيقتين ألاقي سعره طلع و مش بس أندم أني بعته لكن بالاقي نفسي باتمنى أنه ما يطلعش بالعكس أتمنى نزوله كمان .......... أنزعجت جدا و بدات أحلل الموضوع و أسأل نفسي هو كل ده علشان أثبت لنفسي أن قراري بالبيع صحيح؟؟؟ و بالفعل بدأت أقاوم الأحساس ده و الحمد لله بقيت أحسن كتير و الله و لما السهم بيطلع بعد ما أبيعه باحمد ربنا و أتمنى التوفيق للي أشتروه حتى لو كان قراري بالبيع غلط . ...... المهم أكتشاف أن الأحساس ده يمكن مقاومته و تغييره بس نواجه أنفسنا و نعترف بأخطائنا و نبدأ فورا بالأصلاح .......... و أذا مت ظمآنا فالينزل القطر على الجميع يشربوا و يستحموا و ينبسطوا كمان :) ;)

[~Heba~]

اشكر مرورك الكريم و إضافتك القيمة استاذى العزيز سهران و انا الحقيقة كنت مشغولة بالكتابة فى منتدى آخر شدنى اكتر من المحاورات بالاضافة لانى فى الفترة اللى فاتت حسيت بغربة شوية هنا فى المحاورات بسبب انى لا اعرف الكتير من الاعضاء الجدد و الاعضاء القدامى اللى اعرفهم زى حضرتك لم يعد يتواجد منهم احد بنفس النشاط

أنزعجت جدا و بدات أحلل الموضوع و أسأل نفسي هو كل ده علشان أثبت لنفسي أن قراري بالبيع صحيح؟؟؟ و بالفعل بدأت أقاوم الأحساس ده و الحمد لله بقيت أحسن كتير

انا حسيت بالاحساس ده عشان اثبت لنفسى انى اتأذيت و انهم يستاهلوا رغم انه فى الحقيقة ان لى يد فى أذية نفسى دى و كان فيه حاجات لازم اعملها من زمان عشان اضع الأمور فى نصابها الصحيح

تم تعديل 10 مايو 2009 بواسطة ~Heba~

[الباشمهندس ياسر]

.

رحم الله ابى فراس الحمدانى قائل هذه الكلمات

معللتى بالوصل و الموت دونه....إذا مت ظمآنا فلا نزل القطر

الشق الثانى من البيت يعبر عن أنانية رهيبة..ربنا يجازيه بقى كلماته اصبحت مثل تنضرب فى الانانية

وترد على خاطرى بشكل ملح هذه الأيام

يمكن لانى اصابتنى انانية عارضة و لم اعد اتمنى الخير لمن كنت اكن له الكثير من الود سابقا

اعرف انه شعور غير حسن و اجاهد للتخلص منه

لكن محدش يقدر يجد لى و لو عذر واحد الا يعقل انى مثلا تعرضت للاذى المعنوى و اريد الانتقام و لو معنويا ايضا

السؤال لكم بماذا تنصحوا من يتعرض لهذه الانانية المؤقتة؟

هل سبق و تعرضت لها و هل كرهت الخير لاحد فى يوم من الايام؟

رغم المبالغة فى شعر ابى فراس - لانه يكره الخير لكل الناس - هل يعقل ان هذه الحالة و بنفس المبالغة تكون موجودة فى حد فى محيط حياتك...يعنى شخص يكره الخير للناس لانه لم ينال ما يعتقد انه نصيبه و من حقه...كيف تتعامل مع مثل هذا الشخص لو واجهته....و كيف تتصرف اذا وجدت هذا الشعور يسيطر عليك؟

احتاج لنصائحكم :D

انا اتعرضت لموكفين من النوع ده

واحد عاطشفى زى اللى انتى بتمرى بيه :wub:

و التانى اكتصادى

ووصلت ف لحظة للاحساس ده .. ربنا يكفينا شره

و الحمد لله انى نجحت و تخلصت من الكلام ده بسرعة جدا

عموما

حاولى تمنى نفسك بالصبر و ان الخير هيجى بس هى مسألة وقت

ابقى طمنينا عليكى

و شكرا بحجم الكلام الطيب كله

على قدرتك انك تفتحى موضوع زى ده