شعبولا دايماً جاهز ... اغنية جديدة عن انفلونزا الخنازير

[se_ Elsyed]

بصراحة

مالوش حل هو واسلام خليل المؤلف

قاعدين للساقطه واللقطه واي حاجه بتجيب قرش وفيها سبوبه .. بتلاقيهم حاضرين

انفلونزا طيور .. شغال

انتخابات امريكيا .... ما يضرش

الحرب على غزه ... وماله يا خويا وماله

واخيراً انفلونزا الخفافيش

اديها يا شعبولا ... وقول يا عم واشجينا

كوارثنا زادت كارثة

والوضع شكله خطير

قال يعنى كانت ناقصة أنفلونزا الخنازير ...

مرض خطير على البشر وبقولك وبوعيك

فى دولتين انتشر.. أمريكا والمكسيك

الأنفلونزا كترت وبقى مرض خطير ..

مبقتش طيور وبس.. بقت كمان خنازير

لو شفت يوم خنزيرة ولو شفت يوم خنزير

لازم تلحق وبسرعة تاخد بعضك وتطير

خنازير وطيور ولسه.. الناس جالها اكتئاب

قادر ربنا يسترها.. ع القطط والكلاب

بقول وبأعلى صرخة .. إحنا مش ناقصين سكوت

علشان خنزير وفرخة.. حرام الناس تموت

قفلنا كتير مزارع وعدمنا طيور كتير

عايزين قرار سيادى ونعدم الخنازير

ليه الخنازير تعيش ونضحى بناس كتير

تعيش الناس سليمة وطز فى الخنازير

يا ريتهم يعدموها والناس فى أمان تبات

من غير ما الأمن يدخل ولا تحصل إضرابات

وإييييييييييييييييييه

[سهل جدا]

ههههههه

أعتقد أصحاب مزارع الخنازير اللي عاملين إضراب لو سمعوا أغنية شعبولا ديه هايتأثروا وهايتبرعوا بكل الخنازير اللي عندها للكلاب الضالة

وإيييييييييييييييييه

[doudy]

شعبولا دة رجل الاحداث الجارية اغانيه ابتو ديت جدا جدا

بس و الله كويس ان فى مطرب مشغول باللى بيحصل فى البلد

فى و قت كل المطربين :closedeyes: بيغنوا و يعبوا شرايط و خلاص

حتى لو كان غرضه سبوبة و السلام

تشكر يا شعبولا :rolleyes:

دودى

[elfakhrany]

جامدة جدا يا شعبولاااااااااااااااااا