حمدا لله على السلامة يا زعزع - ايدكم على النقوط يا حضرات

[بندق أفندى]

أخونا زعلان خضع لعملية جراحية لمدة ساعة ونصف فى مستشفى خمس نجوم فيه انترنت .. وبنقوله حمدا لله على السلامة يا زعزع ..

هو اللى وصانى ألم النقوط

وعلى رأى قاسم السماوى .. ضربه بسكينة الجبنة الرومى .. جاتنا نيلة فى حظنا الهباب مع الاعتذار لمصطفى حسين ..

بجد .. دعواتنا لكا يا زعلان بتمام الشفاء

شفاء وطهور ان شاء الله ..

تم تعديل 5 مايو 2009 بواسطة بندق أفندى

[MZohairy]

فعلا التكنولوجيا غلبت و غطت الدنيا

لقيته على النت فاتح و بيكلمني من غرفة العمليات شخصيا

قاعد بيكتب اثناء العمليه

و لما كلمه تصعب عليه يخلي الجراح يكتبها

حمد الله على سلامتك يا زعازيعو

[زعلان]

شفاء وطهور ..

طهور ايه يا عم انت

[بندق أفندى]

شفاء وطهور ..

طهور ايه يا عم انت

طهور من الذنوب

[~Heba~]

ألف لا بأس عليك يا زعلان

بجد حكاية العملية دى

قال و عندكو نت فيها wst::

آدى الخدمات الطبية و الا بلاش

تم تعديل 5 مايو 2009 بواسطة ~Heba~

[Folana]

السلام عليكم ورحمة الله...

حمدلله على سلامتك يا استاذ زعلان

ان شاء الله تكون بخير ونطمئن عليك دايما

[زعلان]

انتي بتقري يا هبة

بس انا سعيد بشعبيتي في المحاورات مكنتش اعرف ان الناس هنا كلها بتحبني كده

[student]

سيبك من العملية مش مهم :)

الا ايه حكاية الانترنت ديه يا معلم .....وعملي زعلان وحركات

لا بجد حمد لله على السلامة

وديه هدية مني ليك بمناسبة نجاح العملية :roseop: :lol:

الف سلامة

[se_ Elsyed]

الف سلامه يا زعزوع ..

سلامة رُكبك يا معلم ..

إجمد كده وأديها كوارع وماشنكاح عشان نفنش الدوري على خير .. إخوانك الأهلاوية مزنوقين .. وإنت راجل بركه وخبرة في النادي ...

[زعلان]

شكرا يا ستيودنت في فلم متسجل للعملية بطولة ركبتي و غرفة العمليات تحب تشوفوه :lol:

متشكر يا ابو السيد وما تقلقش الدوري ضمنينه و كلها كم جلسة علاج طبيعي و انضم للمنتخب :)