إقترح برنامج تليفزيونى

[بنت شعنونة]

اذا قدر لك ان تكون مقدم برنامج تلفزيوني

فماذا تختار ان يكون برنامجك.. وعلى اية قناة تختاره.. وماذا تريد ان تقدم فيه ولماذا؟؟

بالنسبة لي كنت اتمنى ان اقدم برنامجين..

اولهما واحد مفتوح على قناة دريم مثل هالة سرحان

وعشان اجذب انتباه المشاهدين ليا

اول حلقة ها استضيف فيها الممثلة مريم فخر الدين و فؤاد المهندس

الأولى لآنها اصيبت بحبوب الصراحا المتناهية لدرجة الوقاحة واصبحت تحكي كل شيء عن كللللللللل الممثلين بدون رتوش وبدون تخبيه ابداااا ودا عاجبني جدا ولا بد من استغلاله حتى نعرف ماهية حقيقة الوسط الفني من الداخل فعليا

اما فؤاد المهندس فهو قيمة فنية وان كان قد اصابه بعد الخرف ايضا وقليل من حبوب الصراحا ولكن اريده ان يتكلم عن كيفية التعامل

لآني اشعر انه من جيل المباديء حيث ان له مباديء معينة اراها من خلال تصرفاته وحديثة

وحتى يكون له الحرية في التعبير عن شعور كبار السن لما الناس تنساهم والشهرة تروح من ايديهم ويبقوا مجرد اسماء قديمة تتسمع عند مصمصة الشفايف وتذكر الماضي

وكذلك جورج سيدهم ليخبرنا عن الزمن الجميل

والزمن الرديء في صداقته مع سمير غانم

اما البرنامج الثاني

فكنت اتمنى ان اقدمه على قناة اقرا

على غرار برنامج لف وارجع تاني

لكن بدل ما يبقى مناقشات وبس واعداد ضئيل

يبقى اعداد قوي جدا وجمهور كبير مشارك واول حاجا اناقشها حال العلاقة بين الشاب والفتاة و الشيزوفرينيا فيها

ونطلع بحل اخير منها يفيد الناس

انتوا بقى

تتمنوا تقدموا برنامج ايه؟

[ســيد مرزوق]

أعمل برنامج ( من وراء القضبان ) برنامج يروي قصة الجريمة .... قصة الصراع بين الخير والشر ... لكي ينتصر الخير في النهاية .

وبعد اللقاء مع المجرمين أعمل لقاء مع العلماء ورجال القانون والدين والإجتماع والأشخاص العاديين المرتبطين بالموضوع

وبعد كده مع رجال الإعلام والصحافة لبحث دور الإعلام في إنتشار الجريمة والتعريف بها وليس محاربتها , وهذ ما يحدث للأسف .

[Faro]

برنامج عن أسباب إنتشار الفساد وإنعدام الضمير.

برنامج عن أسباب الخيبة المصرية .

برنامج موجه للطبقة الفقيرة

برنامج ... مطبخ الفقراء

[بنت شعنونة]

برنامج ... مطبخ الفقراء

استاذ فارو

تصدق تامن بالله

اهي دي فكرة بمليووووون جنيه فعلا فعلا فعلا

انا اول مرة اسمعها او افكر فيها

بس بجد

عمالة اتخيل برنامج يعلم ست البيت الاقتصاد و كيفية الطبخ باقل التكالليف

فكرة جهنميييييية

احسدك عليها والله :)

سيد مرزوق..

بس انت ما قولتش ها تجيب مين اول مجرم في البرنامج بتاااااعك "وش بيغمز"

[Lancelot]

سيبيني أفكر شوية .... الموضوع عاجبني أوي ... و ممكن أسيب الكلية (في ستين داهية) و أجي أشتغل معاكوا .....

بس عايز أفكر في فوكيرة حلوة كده .... تليق بمقام لانس ونفيري ... (أخو أوبرا ونفيري) ....

[سونة]

نفسي ااقدم برااااامج مش برنامج واحد للأطفال

براامج كدة عليها القيمة

برامج الاطفال دلوقتى لا ترقي لمستوى الطفل خالص يمكن برنامج

يلا بينا وعالم سمسم كويسين جدا

وليهم هدف

أما الباقي فبيقدموا مذيعيين لخمة

مرة كان في حلقة من برنامج علي القناة التانية عن قناة السويس

للاطفال برضة

المهم المذيعة سألت الاطفال اللي سنهم يتراوح بين 5لحد 16 سنة

ودار الحوار دة

المذيعة:اية فايدة قناة السويس؟

البنت:تربط بين البحرين البحر الابيض والبحر المتوسط

المذيعة:برااااااااااااااافو عليكى

قولت يمكن البت نسييت والا حاجة

قامت سألت حبة كمان وقالو نفس الاجابة

فمش معقول العيال كلها غبية أكيد المخرج هوة اللى محفظهم

واسئلة تاانى هبلة من نوع

اية رايك في عام الفتاة المصرية؟؟

تجاوب البنت:جميل وحلو أوى وكلام تانى عبيط والنصييبة الكبيرة

ان كوووووووول البنات قالوا نفس الكلام

فبعد كووووووووول

دة دة غير طبعا مناهج التعليم

بنشتكى من الشخصية المصرية

فلنهتم بالاساااااس

لأن كل حاجة بتحصل بعد كدة من ميول واهتمامات وتكوين الاتجاة في

الحياة

وزرع بذرة الانتماء وحب الخير والاخرين من دلوقتى

وبشترك مع الاستاذ فارو في البرنامج الموجه للطبقة الفقيرة واتمنى انها تكون قنااة كاملة

ومتقسمة

فيها فرع لكل مراااحل التعلييم يكون فيها الدرووس لكل سنة ومن

غير فلوس (متهيألى كدة ننقدر نقضي على جزء من الدروس الخصوصية)

افكر شوية في انواع البرامج الي

ممكن تفيد الغلابة .

[se_ Elsyed]

خايف أقدم برنامج سياسي ماالحقش أروح بيتنا .... طب ينفع أصور البرنامج هنا وأبعتلوكوا الشريط تعرضوه فى مصر ....

- بس علشان أبقى في الامان .. هأقدم برنامج أسمه " محاكمة رياضية " وهايكون الأستدوديو هو ستاد القاهرة وأخلي الجمهور يحضر ببلاش وأجيب بقى المسئولين عن الرياضة في مصر من اول وزير الشباب علي الدين هلال رجل الورنيش التلميعي لحد عامل غرف الملابس بتاعة اللاعيبين فى أي نادي ..... ويايطلعوا براءة من التهم الموجهة إليهم عن تدهور الحياة الرياضية في مصر يأما هاسيب الجمهور عليهم واللي ربنا يقدروا على حاجة يعملها ..شلوت ... قلم مخبرين ... نوك أوت ... رقبة قزازة

وبعد كده نجيب ناس جديدة يشتغلوا على نضيف ....

وده برنامج إن جيتوا للحق هايكون فيه إسقاط ..... قولولي إزاي

أنا أحب الشباب اللي عايز يفهم ويعرف ... اقول لكم إزاي

أصلها هاتكون البداية ويمكن السياسيين لما يشوفوا الجماهير بتفترس ناس مسئولين على الهوا يتعدلوا و يخلوا عندهم دم علشان الدور هاييجي عليهم ...

[فــيــروز]

اولا برنامج دينى

يجمع متحدثين من اتجاهات مختلفه متشدده او معتدله او حتى متهاونه

واطلب من كل واحد فيهم ان يشرح لنا وجهة نظره فى قضيه معينه او يعرض علينا حلول عمليه لها

كذلك اريد استضافة اعضاء الاحزاب لتقديم وجهات نظرهم و برامج احزابهم كى يثبت كل منهم ان حزبه يستحق البقاء و الحصول على الدعم الذى تقدمه لهم الحكومه من اموال دافعى الضرائب

كمان هاعمل برنامج طويل شويه -كلمجموعة حلقات لمدة اسبوع مثلا-استضيف فيه مسئول و اطلب منه يعيش حياة مواطن ممن تمس وزارته او ادارته حياتهم .. مثلا يعنى وزير الاقتصاد يعيش شهر بمرتب موظف و نشوف النتيجه .. مسئول فى الحى يعيش حياة ابناء حيه مع انقطاع المياه المستمر او وجود القمامه حوله طول الوقت .. وزير التعليم يذاكر مناهجه لتلميذ فى ابتدائى وهكذا ..

المره الجايه نشوف برامج الترفيه ان شاء الله :-)

[سونة]

فيروز قالت:

.. مثلا يعنى وزير الاقتصاد يعيش شهر بمرتب موظف و نشوف 

النتيجه .. مسئول فى الحى يعيش حياة ابناء حيه مع انقطاع المياه المستمر او وجود القمامه حوله طول الوقت .. وزير التعليم يذاكر مناهجه لتلميذ فى ابتدائى وهكذا ..

واسعة أوى دى

بس فكرة حلوة

[Cleo]

هامووووووووووووت و أبقى قارئة نشرة أخبار على أى قناة فضائية (عشان بيدفعوا كويس)....

بحب قوى جديتهم و تجهمهم و تقل دمهم... بس بجد أكتر حاجة بتعجبنى فى نشرات الأخبار هى كم اللغة العربية اللى بسمعه فيها لأنى من عشاقها...

برنامج ... مطبخ الفقراء

و طبعا ده مش هايتصور فى استوديو عادى..... لازم يتصور على عربية فول على ناصية شارع فى الزاوية فى الأوبن إير...

[متفائل]

أفكار موضيعك يا شنا جميلة

أنا احب أقدم برنامج عن الزوق (الإتيكيت) والسلوك الراقي والمهذب

مش بالطريقة الموجوده في بعض البرامج الشبية والي معمولة للناس الإيليت

لا

أنا عاوزه يكون لكل الناس وفي أي مكان يعني في البيت في الحقل في المصنع في المدرسة الجامعة في أي مكان

ويكون بشكل عملي يعني كميرا محمولة تتابع السوكيات الطيبة ونعلق عليها ونتناقش فيها والسلوكيات السئة ممكن تتمثل

لأن الحقيقة نفسي أوي الناس تتعامل مع بعض بلطف أكتر من كده

[Cleo]

أفكار موضيعك يا شنا جميلة

أنا احب أقدم برنامج عن الزوق (الإتيكيت) والسلوك الراقي والمهذب

مش بالطريقة الموجوده في بعض البرامج الشبية والي معمولة للناس الإيليت

لا

أنا عاوزه يكون لكل الناس وفي أي مكان يعني في البيت في الحقل في المصنع في المدرسة الجامعة في أي مكان 

ويكون بشكل عملي يعني كميرا محمولة تتابع السوكيات الطيبة ونعلق عليها ونتناقش فيها والسلوكيات السئة ممكن تتمثل

لأن الحقيقة نفسي أوي الناس تتعامل مع بعض بلطف أكتر من كده

فكرة هايلة يا متفائل.... عارف.... ممكن تعملها مثلا "الإيتيكيت فى الإسلام/ القرآن" لأن كما قال الرسول عليه الصلاة و السلام "إنما بعثت لأتمم مكارم الأخلاق"

[Guest Mohd Gramoun]

أسم البرنامج:

ســـــــــبوبة

فكرة البرنامج:

تدور حول الذكاء الذي ابتلي به البعض (في الهيافة و الحرام و كيفة تحويله أي موضوع أو أي عمل لسبوبة رزق بغض النظر كونه حلال أم حرام) في خلق فرصة عمل من لا شئ و تحويله التراب لذهب بطريقة حديثة بعيدة عن المركبات الكيميائية و أقرب للفهلوة و النصب و السرقة و كذلك في إستخدام البعض لذكائه في فتح الأدراج و تقسيم أموال الدولة علي موظفيها (ورثتها).

الشريحة الإجتماعية الموجه لها البرنامج:

شريحة عريضة من الشعب (غيب دينيا وأخلاقيا بعمد و قصد من حكوماتنا المتتالية و ذلك بغرض إلهاءه عن مصائبنا السياسية و الإقتصادية و الإجتماعية) بغرض تثقيفه إقتصاديا كيف يتلحلح و يقلب عيشه.

مقدم البرنامج:

كوكبة من مشاهير الفن و الرياضة و الإعلام ممن لديهم خبرة في المجال و عاشوه لحظة بلحظة منهم سمير صبري أحمد شوبير مفيد فوزي فيفي عبده سامي العدل محمود معروف.

معد البرنامج:

سمير رجب / إبراهيم سعدة/ كمال عامر

المخرج:

خالد يوسف

[Cleo]

أفكار موضيعك يا شنا جميلة

أنا احب أقدم برنامج عن الزوق (الإتيكيت) والسلوك الراقي والمهذب

مش بالطريقة الموجوده في بعض البرامج الشبية والي معمولة للناس الإيليت

لا

أنا عاوزه يكون لكل الناس وفي أي مكان يعني في البيت في الحقل في المصنع في المدرسة الجامعة في أي مكان

ويكون بشكل عملي يعني كميرا محمولة تتابع السوكيات الطيبة ونعلق عليها ونتناقش فيها والسلوكيات السئة ممكن تتمثل

لأن الحقيقة نفسي أوي الناس تتعامل مع بعض بلطف أكتر من كده

فكرة هايلة يا متفائل.... عارف.... ممكن تعملها مثلا "الإيتيكيت فى الإسلام/ القرآن" لأن كما قال الرسول عليه الصلاة و السلام "إنما بعثت لأتمم مكارم الأخلاق

على فكرة... ممكن نعمل الفكرة دى هنا فى المنتدى...

يعنى نفتح موضوع اسمه "مكارم الأخلاق" و كل واحد فينا يقرا آ]ة أو حديث بتعلم الناس التهذب ننقلها هنا و نشرحها و نعلق عليها... بعد كدة كل واحد فينا ياخد اللى اتكتب و ينقله لكل أصدقائه عن طريق الإيميل....

حلوة؟؟

[فــيــروز]

حلوة؟؟

ايوه

[فــيــروز]

برنامج اطفال : هاسميه اولاد حارتنا

يتحدث عن العاب اولاد البسطاء من الناس فى الاحياء الفقيره

سواء الالعاب التى تمارس فى الشارع مثلا او الالعاب بمعنى الدمى و ادوات التسليه .. وكذلك كيف يقضون وقت فراغهم .. خاصة ان معظم برامج الاطفال التى يصادف ان اشاهدها تتحدث فقط عن نموذج ثابت من الاطفال لا يعبر عن جميع الاطفال فى مصر .. بل ان الغالبيه منهم تعيش و ترفه عن نفسها بصور قد لا يعرفها الكثير منا ..

[disappointed]

اسم البرنامج : بدون رتوش

فكرة البرنامج : تصوير حياة المواطن المصرى الذى يمثل السواد الأعظم من الشعب فى حياته اليومية و حصر مشاكله و مراقبة تصرفاته وردود أفعاله على سجيّته بالقيام بالتصوير بكاميرا مخفيّه مع عدم وجود مقدّم للبرنامج

أماكن مقترحة للتصوير :

= طابور عيش

= محل بقاله

= ورشة سمكره

=محطة أتوبيس

=كورنيش النيل

=استاد القاهره

=السجل المدنى

=سوق خضار

=وكالة البلح

=محل كشرى

=فرح شعبى فى الشارع

=مستشفى الدمرداش

[Cleo]

برنامج اطفال : هاسميه اولاد حارتنا

يتحدث عن العاب اولاد البسطاء من الناس فى الاحياء الفقيره

سواء الالعاب التى تمارس فى الشارع مثلا او الالعاب بمعنى الدمى و ادوات التسليه .. وكذلك كيف يقضون وقت فراغهم .. خاصة ان معظم برامج الاطفال التى يصادف ان اشاهدها تتحدث فقط عن نموذج ثابت من الاطفال لا يعبر عن جميع الاطفال فى مصر .. بل ان الغالبيه منهم تعيش و ترفه عن نفسها بصور قد لا يعرفها الكثير منا ..

يا فيروز أولاد البسطاء فى الأحياء الفقيرة دلوقتى ماباقوش يلعبوا عشان كلهم دلوقتى طلعوا من المدارس و بقوا يشتغلوا فى ورش الميكانيكية و السمكرية عشان يأكلوا نفسهم عيش حاااااااااااف...

(إدعوله إدعوووووووله....)

[Salwa]

نفسى اعمل كذا برنامج .....

اول واحد اسمه ....تحت العشرين وفوق الستين.....

ويكون عبارة عن مناقشة حرة فى السياسة بين شباب من الشريحتين

اللى تحت العشرين حايقول رأيه بحماس الشباب ...واللى فوق الستين حايقول رأيه بلا خوف او تملق.

تانى برنامج اسمه .....افكار جدتى ...

وده يتكلم فى كل شىء ابتداء من الأكل وانواعه والأقتصاد المنزلى ....وايضا طريقة ازالة البقع او صنع الستائر فى المنزل وخلافه ...

برنامج ثالث للأطفال الذين يرتفع مستوى ذكاءهم عن الآخرين ....مش شرط يكونوا يعرفوا يذاكروا فقط ...لااقصد عباقرة فقط ...ولكن غير عاديين وعن طريق البرنامج ممكن الاستفادة القصوى من هؤلاء الاطفال ومساعدتهم على تنمية مواهبهم الغير معروفة للاغلبية العظمى من الناس .

برنامج رابع اسمه .....احكم مدينتك ليوم واحد .....ونشوف افكار الناس ....

موضوع جميل ياشانا ........تحبى نبدأ فى تقديم البرامج المختارة ؟

سلامى.

[se_ Elsyed]

انا في أول الموضوع قدمت برنامج رياضي .. ده هايبقى على القناة - التانية ..

- اما القناة الاولى .. فهأقدم عليها برنامج بعنوان " هموم الناس "

وده هايبقى عبارة عن تلقي شكاوى الناس المظلومين ، إن شالله لو كانت شكوى واحده ست بتقول أن الغسيل بتاع جيرانهم بينقط على غسيلهم .. وهأقوم بتحويل الشكاوي دي للمسئولين والمسئول اللي مش هايرد على الشكوى هأفضحه فى البرنامج فضيحة اللحمة في السوق.

- على القناة الفضائية بقي ... عايز أقدم برنامج عن المغتربين وهأسميه " أرجلعنا بالسلامه " وهأنستقبل فيه أفكار وخواطر وإقتراحات الطيور الجارحة قصدي الطيور المهاجرة ... كل واحد يقول اللي عايزة

( ده انا هأقول قواله )

وفي كل البرامج بتاعتي هألغي المونتاج كلوا هايبقى عالهوا ....