إقترح برنامج تليفزيونى

[se_ Elsyed]

برنامج رابع اسمه .....احكم مدينتك ليوم واحد .....ونشوف افكار الناس ....

هذا وقد تلقى البرنامج في أولى حلقاته رسالة تهديد من مجهول - وعنوانه العروبة مصر الجديدة - مكتوب فيها كلمة واحدة ( مايحكومشــــــــــــــي )

[بنت شعنونة]

وده هايبقى عبارة عن تلقي شكاوى الناس المظلومين ، إن شالله لو كانت شكوى واحده ست بتقول أن الغسيل بتاع جيرانهم بينقط على غسيلهم .. وهأقوم بتحويل الشكاوي دي للمسئولين والمسئول اللي مش هايرد على الشكوى هأفضحه فى البرنامج فضيحة اللحمة في السوق. 

- على القناة الفضائية بقي ... عايز أقدم برنامج عن المغتربين وهأسميه " أرجلعنا بالسلامه " وهأنستقبل فيه أفكار وخواطر وإقتراحات الطيور الجارحة قصدي الطيور المهاجرة ... كل واحد يقول اللي عايزة 

سي السيد

في برنامج فعلا كل يوم جمعه اسمه بين الناس وبيعرض مشكلة واحدة كل حلقة في شكل تمثيلية فنية لمدة تلت او نص ساعا بعدين يجيب تعليقات العامة عليها في الشارع ثم تعليق المتخصصين :)))

اما برنامج ارجعلنا بالسلامة بتاع خضرتك

ف كان فيه زماااااااااااااااااااااااااااااااان على الفضائية المصرية برنامج شبهه ومش متاكدة من اسمه حاجا زي سالمة يا سلامة باين "وش فاقد الذاكرة"

المهم البرنامج دا كان على الهوا بيجيب اتصلات المغتربين اللي عاوزين يكلموا اهلهم او يطمنوهم

وبيقدم خدمة انا كنت اعتبرها راااااائعة جدا لكنها ما اتعملتش صح

انه اي حد نفسه يشوف مكان معين من بلده او اهله او اي حد في مصر كانت كاميرا البرنامج تروح لحد المكان وتصورهوله حتة حته

وكانو بيروحوا لآهل المتصل ويعملوا معاهم لقاء مصور والكاميرا كانت كلمتها اكبر حيث كانوا يصوروهم في كللللللل ارجاء البيت كللللللل العيلة عشان المتصل يطمن

وعلى العيااااااااط بقى والنهنهة وهما بيسمعوا او واهلهم بتصوروا

حد شاف البرنامج دا؟؟

[بنت شعنونة]

نفسي اعمل برنامج عن الموضة

لكن الموضة الأسلامية

يعني ازياء شيك وانيقة للبنااات المحجبات

وطرق للحجاب تكون امورة ومن خلال الشرع برضه

بدل البهدلة اللي احنا فيها دي...

[سونة]

عاوزة كمان اعمل برنامج الشباب هما اللي يقوموا بتنفيذة

ويعتمد علي تنظيم نماذج محاكاة لبعض المؤسسات المهمة

زى مثلا الامم المتحدة ومجلس الشعب و جامعة الدول العربية

والحكومة

[Set_Amina]

أنا ممكن أعمل برنامج اسمه "بابا فين"

البرنامج يبحث مع كل أب ساب عيلته وساب بلده أو ساب أسرته وايه سبب الرحيل وليه طفش!!

يعني المقابلات تكون مع الاباء اللي سايبين عائلتهم ورحلوا للبحث عن لقمة العيش والضرر اللي عايد على الأسرة بسبب الهجران أو الرحيل ده وما يتبعه من تفكك لكل العيلة وضياع للأولاد مقابل الحصول على المال

كمان الابهات اللي سايبة بيوتها وسارحة ورا قلبها عمال على بطال ومايعرفوش حاجة عن بيتهم ولا ولادهم

والتحدث أيضا مع الأبهات اللي ولادهم سابوهم سواء برضه بحثا عن الرزق أو لأن المدام مش موافقة إن الأب يعيش معاهم رغم كبر سنه ووحدته لو كانت زوجته متوفية

[crossfield]

نفسى ألاقى برنامج اسبوعى أو حتى نصف شهرى (بس أنا ماأقدموش) يعقد لقاء مع السيد رئيس الجمهورية بشكل اسبوعى -ويعرض عليه هو شخصياً بعض المشاكل

و فى الحلقةالتالية يطرح سيادته ما تم اتخاذه من اجراءات لحل المشكلة و لو انىأعتقد ان البرنامج هيبقى حلقة واحدة لان البلد الحمد لله مفيهاش مشاكل .

[optimistic]

أحب أعمل برنامج اسميه اوعى تزعل

فكرته بقى مشكلة

الفكرة يا رجالة هي اني هامشي بالكاميرات في القاهرة و ادور عالسلوكيات الغلط و أصورها

زي مثلا واحد ماشي معاكس

او ناس مش بتحترم الاشارة

او بياع مستغل

و انشر اسمه (ولو حتى اضطررت للبحث في سجلات المرور و غيره)

و يكون عقابه هو تأنيبه على الملأ

و أعتقد هيجيب نتيجة كويسة

[فــيــروز]

فيروز قالت:

.. مثلا يعنى وزير الاقتصاد يعيش شهر بمرتب موظف و نشوف

النتيجه .. مسئول فى الحى يعيش حياة ابناء حيه مع انقطاع المياه المستمر او وجود القمامه حوله طول الوقت .. وزير التعليم يذاكر مناهجه لتلميذ فى ابتدائى وهكذا ..

واسعة أوى دى

بس فكرة حلوة

يا ستى ولو واسعه حتى نوديها للترزى يقيفها و نبقى نعمل معاه لقاء بالمره

برنامج اطفال : هاسميه اولاد حارتنا

يتحدث عن العاب اولاد البسطاء من الناس فى الاحياء الفقيره

سواء الالعاب التى تمارس فى الشارع مثلا او الالعاب بمعنى الدمى و ادوات التسليه .. وكذلك كيف يقضون وقت فراغهم .. خاصة ان معظم برامج الاطفال التى يصادف ان اشاهدها تتحدث فقط عن نموذج ثابت من الاطفال لا يعبر عن جميع الاطفال فى مصر .. بل ان الغالبيه منهم تعيش و ترفه عن نفسها بصور قد لا يعرفها الكثير منا ..

يا فيروز أولاد البسطاء فى الأحياء الفقيرة دلوقتى ماباقوش يلعبوا عشان كلهم دلوقتى طلعوا من المدارس و بقوا يشتغلوا فى ورش الميكانيكية و السمكرية عشان يأكلوا نفسهم عيش حاااااااااااف...

(إدعوله إدعوووووووله....)

اظن كانوا بيقولوا:

يخرب بيت ابوه .. هو مين ده يا كليو؟ بس عندى امل الاقى عيال لسه ماحصلتش سن التوريش -على وزن سن التجنيد- لسه بتلعب فى الشارع عشان العب وياهم .. قصدى اعمل لقاء معاهم

[Lighthouse]

أحب أعمل برنامج اسميه اوعى تزعل

فكرته بقى مشكلة

الفكرة يا رجالة هي اني هامشي بالكاميرات في القاهرة و ادور عالسلوكيات الغلط و أصورها 

زي مثلا واحد ماشي معاكس

او ناس مش بتحترم الاشارة

او بياع مستغل

و انشر اسمه (ولو حتى اضطررت للبحث في سجلات المرور و غيره)

و يكون عقابه هو تأنيبه على الملأ

و أعتقد هيجيب نتيجة كويسة

فكرة حلوة جدا

بس المشكلة ان فيه ناس كتير ح تزعل وخصوصا من التصوير لمشاكل المرور ههههههه

ولو حبيت تبحث في سجلات المرور لازم تحضر واسطة او معلوم علشان العسكري اللى معاه السجلات يرضي يطلعك عليها

بس فعلا فكرة حلوة والله بعيدا عن الضحك

نفسي فعلا يكون فيه برنامج بالكيفية دي

[Lighthouse]

انا نفسي بقى اعمل برنامج استضيف فيه المشاهدين لمعرفة رايهم فيما يُقدم لهم من برامج واعلانات .

بشرط ان يكون للبرنامج تاثير بالفعل وليس مجرد برنامج للدردشة والرغي مع المشاهدين وخلاص .

ونفسي كمان يكون فيه مستشارين تربويين يؤخذ رايهم فيما يُقدم من مود سواء برامج او اعلانات بسبب التاثير المدمر الذي تتركه النوعيات الرديئة من البرامج والاعلانات على المشاهدين وخاصة الاطفال .

[se_ Elsyed]

أيه ده ياخواتي ... أنا فى منتدى المصريين ولا في ماسبيرو ....

والله العظيم شوية برامج زي العسل .. داحنا هانبقى ولا شبكت أوربت يا جدع ...

بس مش ملاحظين معايا كمية برامج الفضايح اللي هانقدمها :

أوبتي

و انشر اسمه (ولو حتى اضطررت للبحث في سجلات المرور و غيره) 

و يكون عقابه هو تأنيبه على الملأ 

و أعتقد هيجيب نتيجة كويسة

امونة

كمان الابهات اللي سايبة بيوتها وسارحة ورا قلبها عمال على بطال ومايعرفوش حاجة عن بيتهم ولا ولادهم 

والتحدث أيضا مع الأبهات اللي ولادهم سابوهم سواء برضه بحثا عن الرزق أو لأن المدام مش موافقة إن الأب يعيش معاهم رغم كبر سنه ووحدته لو كانت زوجته متوفية

س س

وهأقوم بتحويل الشكاوي دي للمسئولين والمسئول اللي مش هايرد على الشكوى هأفضحه فى البرنامج فضيحة اللحمة في السوق.

لذلك كله أعتقد نوحد الافكار دي كلها فى برنامج نسمية

[فــيــروز]

الموضوع ده بيفكرنى ببرنامج اللى فات سات ..

برنامج بجد من اجمل ما قدم التليفزيون مؤخرا

وكانوا بيقولوا فى التتر بتاعه -كنت باحب اوى اسمعه-

ادونا ادونا ادونا محطه

فضائيه جديده قمرها فى طنطا

والفضائيات يا اخينا

طبعا تتشرف بينا

ارسال 16 ساعه

فرصه نفنن يا جماعه

ياللا .. دى البرامج بتنادينا

تهنا مش عارفين راسنا من رجلينا

لكن بردو هنتصرف

هنجيب كاميرا ونتصرف

يمكن نقدر نعمل حاجاااااااااااااااااااااااا

[homer]

أقدم برنامح ما لا يطلبه المشاهدون زي بتاع الاذاعة زمان.

أقدم فيه كل ما هو جميل وراق وهادف من فن وفكر وثقافة لعلنا ننتشل الجيل الجديد من تيار الخلاعة والابتذال و السطحية.

[Cleo]

اظن كانوا بيقولوا: 

يخرب بيت ابوه .. هو مين ده يا كليو؟

أنا قصدى على الميكانيكى اللى بقى يدور يخرب فى بيوت الناس عشان يضطروا يودوا ولادهم عنده يشغلوله ورشته.... و طبعا هو يلهف المعلوم كله من الزباين اللى بيسرقهم و يرمى الفتات للغلابة دول.... مش عشان هو مستغنى عن الفتات... إنما أصلهم لازم ياكلوا عشان تفضل الورشة شغالة... أمال... لما "الولاد" يموتوا من الجوع أمال مين هاشتغل؟؟؟

و بعدين أنا قلت إدعوله بس.... بعد كدة بأة كل واحد يدعى باللى فى نيته... آه.... أنا ماليش دعوة بيكم.....

يا بوليييييييييييييييييييييييييييييييسسسسسسسسس....

(وش واحد قعد 6 شهور فى أمن الدولة لما بانله أصحاب)

[بنت شعنونة]

" وش مذهووووووووول"

ايه العززززززز دا كللللللللللله بسسسسس

انا ما توقعتش الموضوع دا حد يرد فيه خااالص والله

"وش فطسان ضحك"

بس ماشاااااااااء الله ماشاء الله

الشعب المصري كله واضح انه شعب تلفزييييييوووووووونيييييي و فنااااااااااااااااااااان

عقلي الباطن بيقولي ان كلنا عندنا عقدة الشههههههههههرةةةةةةةةةة

بس المشكلة انكم كلكم قلتوا برامج هااااااااايلة

انما نسيتوا اهم حاجااااااااا

ليييييييييييييييييييييييييه ها تعملوا البرنامج دااااااااااا

"وش مفروس"

[mnman]

أما انا فبلا فخر سأقدم برنامج:

نقرة ودحديرة

ودة لمتابعت احوال المطبات و الحفر في المحروسة اصل انا بقيت تخصص خلاص...

[متفائل]

كليو كتبت

فكرة هايلة يا متفائل.... عارف.... ممكن تعملها مثلا "الإيتيكيت فى الإسلام/ القرآن" لأن كما قال الرسول عليه الصلاة و السلام "إنما بعثت لأتمم مكارم الأخلاق

على فكرة... ممكن نعمل الفكرة دى هنا فى المنتدى... 

يعنى نفتح موضوع اسمه "مكارم الأخلاق" و كل واحد فينا يقرا آ]ة أو حديث بتعلم الناس التهذب ننقلها هنا و نشرحها و نعلق عليها... بعد كدة كل واحد فينا ياخد اللى اتكتب و ينقله لكل أصدقائه عن طريق الإيميل....

حلوة؟

والله فكرك جميلة يا كليو

يريت طلما فكرتك تعملي توبك بالشكل ده وياريت الإدارة تعمله مثبت علشان الموضوع مايختفيش

[Cleo]

كليو كتبت

فكرة هايلة يا متفائل.... عارف.... ممكن تعملها مثلا "الإيتيكيت فى الإسلام/ القرآن" لأن كما قال الرسول عليه الصلاة و السلام "إنما بعثت لأتمم مكارم الأخلاق

على فكرة... ممكن نعمل الفكرة دى هنا فى المنتدى... 

يعنى نفتح موضوع اسمه "مكارم الأخلاق" و كل واحد فينا يقرا آ]ة أو حديث بتعلم الناس التهذب ننقلها هنا و نشرحها و نعلق عليها... بعد كدة كل واحد فينا ياخد اللى اتكتب و ينقله لكل أصدقائه عن طريق الإيميل....

حلوة؟

والله فكرك جميلة يا كليو

يريت طلما فكرتك تعملي توبك بالشكل ده وياريت الإدارة تعمله مثبت علشان الموضوع مايختفيش

ربنا يخليك يا متفائل... الفكرة فى الأصل بتاعتك...

طيب...

أنا باقترح إن ده يبقى باب جديد يضاف للأبواب الثابتة فى المنتدى عشان نقدر نقسمه لمواضيع مختلفة... و كل زميل يحب يضيف مداخلة عن نقطة معينة يدخل الموضوع المختص و يكتب اللى هو عاوزه بدال ما نتوه لو فتحنا موضوع واحد و كتبنا فيه كل حاجة؟؟؟

(ما حد من الإدارة يسمعنا حاجة... !!!!!!)

[mnman]

كليو كتبت:

ما حد يسمعنا حاجة... !!!!!!

ياليليييييييييييييييي ياعينيييييييييييييييي يااااااااااااااااااااااااااااااليل....

[Cleo]

كليو كتبت:

ما حد يسمعنا حاجة... !!!!!!

ياليليييييييييييييييي ياعينيييييييييييييييي يااااااااااااااااااااااااااااااليل....

أنا قلت من الإدارة.....

بس ولو... ألف حمدلله على سلامتك يا منمان... المنتدى نور برجوعك...