سؤال عن الحج

[sayed]

لو انا فى الرياض وعاوز ابتعت لوالدى زياره علشان يحج اعمل ايه

ممكن اعرف الطرق القانونية والغير قانونية وتكلفة كلا منهما

وشكرا

[elfakhrany]

يا أخ سيد على حد معلوماتى ان مفيش زيارة مخصوص للحج انت بتعمل زيارة عادية بس طبعا الزيارات بتكون موقوفة قبل الحج ب 3 شهور وعليه الناس كانت بتخالف وتكسر مدة الزيارة وتفضل قاعدة لحد الحج بس دلوقتى بعد القانون الجديد ان لو تمت المخالفة بيدفع اللى عامل الزيارة 10000 ريال غرامة وياخذ خروج نهائى :closedeyes:

تم تعديل 6 مايو 2009 بواسطة elfakhrany

[بندق أفندى]

ممكن تعمل زيارة لوالدتك فى رمضان وتأتى فى نهاية رمضان .. وتمددها قبل الحج لمدة شهرين فتغطى الحج .. الطريقة انه حسب الموظف فى الاستقدام يسمح لك أو لا يسمح .. يسهل المواضيع لو هناك شهادة مرضية لزوجتك وانها تحتاج رعاية

لى صديق كانت حماته فى عمرة .. و>هب للامارة وقدم معروض باسم الأمير عبد المجيد رحمه الله أن يوافق على تمديد فترة اقامتها مع التصريح لها بالحج .. وخلال أسبوع كان الرجل وافق .. وكنت أعتقد ان هدا ( حط نقطة انت بتقرأ عشان مش لاقى الدال ام نقطة- هههههههههه) مستحيل .. لكنه حدث

[sayed]

الاستاذ الفخرانى والاستاذ بندق

شكرا على الرد

ولكن انا عايز ابعت الى والدى ( بابا ) زيارة عادية وبعدين اخليه يقعد للحج

ما هى الطرق القانونية اولا لذلك ثم الطرق غير القانونية

ارجوكم نفسى احجج والدى

[خالد شحاته]

اخي الفاضل

اعمل زياره عاديه

ووالدك يخد التاشيره في رمضان ويجالس معاك للحج مفيش مشكله فيها ولم تقرب تنتهي تجددها وخلاص كدا وربنا يتقبل منكم ان شاء الله

[Alattar]

السلام عليكم و رحمة الله وبركاته

أنا عملت زيارة عائلية لزوجتي قبل الحج الموسم اللي فات

بحوالي شهر لكنها من الرياض

منع الزيارة قبل موسم الحج يتبع للتوزيع الجغرافي

يعني لو انت في مكة مثلا أو الطائف أو جدة ممنوع عمل زيارة عائلية

بدءا من 15 شعبان..و ده الكلام اللي نزل السنة اللي فاتت

ورغم ذلك أنا عملتها قبل الحج بحوالي شهر أو أقل..لأنك كلما بعدت عن مكة

تقدر تعمل زيارة عادي.

لكن لازم تجيب خطاب التعريف من الكفيل يفيد انك تعمل في الرياض..أو في أي منطقة بعيدة عن مكة.

تم تعديل 6 مايو 2009 بواسطة Alattar

[doha]

بالنسبة لي والدتي قدمت لي على زيارة عائلية لي ولبنتي قبل رمضان باسبوعين تقريبا مش فاكره بالظبط امتى لكن انا سافرت بعدها بعشر ايام تقريبا وده كان بتاريخ 22 اغسطس الماضي وكنا في شعبان ..

اخذت على الجواز تاشيرة اني لازم اسافر خلال شهر بس وان مده اقامتي ثلاث شهور فقط لاغير ..

قبل ماتخلص الثلاث شهور باسبوع قدمت على تجديد وفي الفترة دي جاء موسم الحج .. ولاني زياره فغير مسموح لي باستخراج تصريح حج لكن الي حصل اني رحت مع ناس طالعين قبل يوم عرفة بيوم واحد .. الحمد والشكر لله مرت الامور على خير ومحدش سالنا عن التصريح لان كل الي كانوا معايا كان معاهم تصاريحهم وكنت في سيارة كلها سيدات فمحدش دقق اوي ..

الحق يقال هم ظباط الجوازات والامن وخلافه شديدين جدا في تطبيق القانون ولكن في نفس الوقت عندهم انسانية في ان لما بيلاقوا حد جاي يحج او كده بيسهلوا له الامور لوجه الله ..

يعني والدتي قدمت على التاشيرة وحصلت عليها وجددت تاشيرتي كل ده مجانا لم ندفع الا المية ريال رسوم قانونية وبدون اي واسطات وربنا شاهد على كده .. يعني سبحان الله هي جات من عنده والحمد والشكر لله ..

فانت خلي والدك يصلي استخاره ثم ارسل له التاشيرة في بداية شعبان كده وهو وحظه لو جاء ممكن يرضوا يمددوا له وباذن الله يلحق الحج بس برضه هتحتاج تشوف لك طريقة تدخله مكه من غير تصريح .. هو دائما اليوم الي قبل عرفه بيكون الى حد ما ممكن تدخل بس كل سنة بيكون في تشديد اكثر من الي قبلها على مسألة التصريح لان السنة الي فاتت طبقوا نظام التصاريح حتى على السعوديين بس في الآخر الي ربنا كاتبها له هينولها ولو جاي بطوله ..