عتاب للأعضاء

[عادل أبوزيد]

هذا مجرد عتاب بسيط موجه لعدد كبير من محاورات المصريين.

نفتقد كثير من الأعضاء و ننشغل عليهم أو نفتقد كتاباتهم ثم نفاجأ بوجودهم معنا عندما نكتب أننا نفتقدهم و نجد ردا رقيقا يطمئنا أو فى الحالات الإجتماعية مثل تهنئة بمولود أو مشاركة فى أحزان .... نجد أسماء إفتقدناها طويلا

أنا شخصيا أقضى أحيانا ساعات أتصفح محاورات المصريين و ربما بذلك أنشغل عن موضوع أو موضوعات أريد أن أشارككم فيها .....

و أحينا يضيع منى كثير من الوقت و أنا أفكر فى أحسن شكل لعرض موضوع معين وربما أتأخر و لا أكتب

المفروض الكتابة للإنترنت مختصرة أو بمعنى أدق أقرب إلى الصياغة التلغرافية أو صياغة " التقارير الفنية " أى المختصر المفيد .... و لكن ليس كل ما يرد المرء يدركه و أيضا هناك موضوعات تكون تماما ك الورم فى الرأس و نكون فى أمس الحاجة للتحاور بشأنها

كل هذه الأسباب و الظروف تمر على و أضغط على نفسى و أقول أنهم فى المحاورات سيلتمسون لى العذر فى الإطالة أحيانا أو عدم الترتيب فى أحيان أخرى هذا حق أعضاء المحاورات على

دعوتى للجميع أكتب و شارك و لا تخذلنا

[متفائل]

أ/عادل أبو زيد

والله أنا بحب كتاباتك الرزينة الهادئة وأراءك الإصلاحية

بطريقة الرياضيات زمان

المعطيات:

1 ـ

هذا مجرد عتاب بسيط  موجه لعدد كبير من محاورات المصريين.

نفتقد كثير من الأعضاء  و ننشغل عليهم أو نفتقد كتاباتهم ثم نفاجأ بوجودهم معنا  عندما نكتب أننا نفتقدهم  و نجد ردا رقيقا يطمئنا  أو فى الحالات الإجتماعية مثل تهنئة بمولود  أو مشاركة فى أحزان .... نجد أسماء إفتقدناها طويلا

2 ـ

3جالهم اطفال في المنتدي

س س و الاخت ابو تمام ومتفائل

الاستنتاج:

يبقى أنا الي أوحتلك بالمداخلة وأسببت في لوم أعضاء تانينن

البرهان :

س س عضو نشيط ماشاء الله وأبوتمام عضوة جديدة

(وش واحد كان أخيب واحد في الرياضيات)

كويس ان حضرتك فتحت الموضوع ده علشان أوضح وجه نظري ليه توقفت فترة طويلة عن الكتابة في المنتدي رغم ان كانت مداخلاتي أصلا قلية جدا

انا متابع لكل المداخلات الي في المنتدى أول بأول يمكن بحكم عملي واني على النت طول اليوم والمنتدي بفتحه تقريبا كل شوية

وبانفعل بلمداخلات الجميلة بتاعة الاعضاء

وانا كنت توقفت لما حصلة مشكلة إيقاف عضوية بعض الاخوة الي كانو بيكتبوا في الصفحةالدينية

ولا أنكر أن كان هناك كتابات كثيرة منهم مستفزة

وفي أيامها كان كل كتاباتي بس دفاع عن مبدء عدم تكميم الافواه وليس دفاع عنهم ولا عن وجهات نظرهم.

لان علشان يكون فيه زخم في الحوار لازم الكل يتكلم مهما كان رأيه ريديكالي لان حتي الافكار المتطرفة ممكن نطلع منها بحجات مفيده

والناس متفاوتون تماما في الاسلوب وطريقة عرض الافكار

ما عن الاسلوب وأنهم كانو بيكفروا الناس وبيسخرو من أرائهم الخ الخ ..

فكان رايي ان ممكن لو فيه مداخلة مش عجباني أو صاحب المداخلة جدلي لا يمكن الوصول معه لنتيجة فبأمكاني تجاهل مداخلاته

وان كان وجه لي سباب ولا سخرية من راي ولا حتي كفرني

فالأوفق ان لا انساق لمعارك ونحن أصلا في واقع أفتراضي وليس حقيقي (حتي ولو أدي ذلك لإعتقاده بأنه هزمني )

في حالة تجاهل الأعضاء لمداخلات هذا العضو

أحد أمرين أما ان يدريك حتمية تغيير اسلوبة لاسلوب أرقي أو سينسحب من المنتدي بهدوء وبدون تشنج

أما الحجر على الرأي فهو الامر الذى نند به في كل مكان والاولي ان لا نستخدمه في منتدانا

خاصة انه ممكن يؤدي لنتائج سيئة جدا دون ان نشعر

بمعنى ان يحدث قولبة لأفكارنا

طبقا لما نعتقد انه تفكير جمعي للمنتدي

فعندما اريد ان اتكلم في موضوع (خاصة لو موضوع شائك أو لي فيه رأي خاص جدا مضاد لأراء أغلاب الناس ) سأفكر هل سيجب الموضوع الادارة ـ هل سيستهجنه الاعضاء

وبالتالي سأؤثر السلامة ويمكن أكتب موضوع حفيف أو حتي أقولب أفكاري بحيث تبدو مقبولة ومريحة للجميع

وده من شأنه ان الافكار تدور في حلقة مفرغة كلنا موفقين عليها ومنقدرش نطور حيتنا

طب هيفضل سؤال تاني

ليييه رجعت؟؟؟؟؟

أخلي الاجابة لمداخلة تانية علشان مطولش أكتر من كده

سسبنس !!!!

وشكرا جزيلا واسف اني طولت الرد

[ديكارت]

اخي ابو زيد

لا تنسى اخي اننا في غربة... ولسنا سياح

فالوقت محسوب علينا بالثانية .

[عادل أبوزيد]

اخي ابو زيد

لا تنسى اخي اننا في غربة... ولسنا سياح 

فالوقت محسوب علينا بالثانية .

الفاضل ديكارت

الكتابة هنا ليست سياحة و لا ضياع وقت إنها معاناة و جهد شديد و لعلك تلاحظ ذلك فى كل سطر من كل موضوع

عامة الأمر الذى لا يدرك كله لا يترك كله

أطيب تحياتى

[بنت شعنونة]

: ))

اخيرا استاذ متفائل كتب

احمدك يارب

على فكرة

انا اكتشفت اكتشاف خطيييييير

ان الشعب المصري قلبه ابيض جداااااااا جداااااااا

فمجرد كلمة حلوة او تذكرة تلاقيه على طول نسي كل حاجا رد عليك يطمنك عليه لا ويشكرك كمان

زي ما تكون عملت حاجا كبيرة في حقه؟؟ : ))

واكتشفت ان الأمور العائلية زي المباركات التعازي بتقوي من اواصر المحبة والمعرفة بين الناس ختى لو كانوا على منتدى بس

برضه الكلمة الطيبة ليها قيمتها حتى لوو عبر الأثير

في ناس كانت زعلانة من المنتدى

وناس زعلانة من شخوص معينة

ولكن

والله مجرد تذكرنا ليهم بيخليهم يرجعوا معانا تاني

اسمحلي يا استاذ متفائل اقول حاجا بس يارب ما تزعل مني

وانا عشمي فيك كبير ان شاء الله

استاذ متفائل كان مخاصم الأدارة زي ما اوضح

لكن لما كتب يعزيني رحتله وسالته امتى ها يرجع تاني

وساعتها عرفني الخبر الحلو بتاع نور

قلتله طب اكتبه الناس ها تفرح اوووووووي ليك وبيك

قالي انا مش مشهور اوي عشان الناس ترد علي او تباركلي

رحت انا كتبت الخبر كا اضافة

وكاعادة سي السيد لقط الفكرة وهيا طايرة وقام الله يكرمه بكتابة موضوع مستقل لها (ربنا يكرمك بكل خير والله يا سي السيد بدعيهالك من قلبي والله العظيم)

وماشاااااء الله الموضوع بقى صفحتين اهو

يبقى يا استاذ متفاااائل مين فينا اللي طلع كلامه صح "وش سعيد برؤية حروف حضرتك"

[متفائل]

: ))

اخيرا استاذ متفائل كتب

احمدك يارب

على فكرة

انا اكتشفت اكتشاف خطيييييير

ان الشعب المصري قلبه ابيض جداااااااا جداااااااا

فمجرد كلمة حلوة او تذكرة تلاقيه على طول نسي كل حاجا رد عليك يطمنك عليه لا ويشكرك كمان

زي ما تكون عملت حاجا كبيرة في حقه؟؟ : ))

واكتشفت ان الأمور العائلية زي المباركات التعازي بتقوي من اواصر المحبة والمعرفة بين الناس ختى لو كانوا  على منتدى بس

برضه الكلمة الطيبة ليها قيمتها حتى لوو عبر الأثير

في ناس كانت زعلانة من المنتدى

وناس زعلانة من شخوص معينة

ولكن

والله مجرد تذكرنا ليهم بيخليهم يرجعوا معانا تاني

عارفة التوبيك الي كنتي عاملتيه بتاع "محاورات المصرين"

شوفي أد إيه انتي بزلتي مجهود علشان تكلمي عن أغلب الاعضاء وتقوليلهم كلام لطيف وجميل

لما قرات التوبيك ده وردود الناس عليه بقيت فرحان أوي على أجواء الحب الي انتي عملتيها بالتوبيك الجميل أوي ده

فيه ناس كده مسخرين نفسهم لإسعاد الاخرين

أنتي يا شعنونة من الناس دي ولا أذكيكي على الله

بس بجد بجد من كل قلبي بتمنالك السعادة والتوفيق

الأخ العزيز عادل أبو زيد

أسف جدا !!!!

انا عملت مسألة حساب ومعطيات واستنتاج وبرهان ودوشتك بأكثر من عشرين سطر كتابة

وباينك ماكنتش تقصدني خالص

أسف تاني !!!

[ديكارت]

اخي ابو زيد

لا تنسى اخي اننا في غربة... ولسنا سياح 

فالوقت محسوب علينا بالثانية .

الفاضل ديكارت

الكتابة هنا ليست سياحة و لا ضياع وقت إنها معاناة و جهد شديد و لعلك تلاحظ ذلك فى كل سطر من كل موضوع

عامة الأمر الذى لا يدرك كله لا يترك كله

أطيب تحياتى

لم اقصد ان الكتابة هنا سياحة ... بل اقصد اننا لانجد الوقت في التصفح والكتابة فنحن في الغالب مغتربين ولا نجد وقت كافي للمنتدى

هذا كل ما قصدته