و الله الراجل ده ما حصل

[مصري أصيل]

تخيلوا لما رئيس دوله يقف في طابور مطعم همبرجر ,, و يصر ياخد دوره تمام لا يسبق حد و لا يتعمل له أي إستثناءات .. فقره كانت في نشرة mbc شاهدتها فقمت بالبحث على النت عن الموضوع مره أخرى فوجدت هذا المقطع

أترك لكم المقطع للمشاهده و أنتظر تعليقاتكم

http://www.youtube.com/watch?v=2EBvUO9D880

(يا ريت لو أحد المشرفين الكرام يضع نافذه مباشره لملف الفيديو بالموضوع لأني حاولت و لم أتوفق للطريقه )

[Scorpion]

يا راجل يا طيب ... كله شغل هوليوود ...

المسلسل الجديد اللي بيعملوه علشان يغسلوا صورة امريكا اللي اتطينت بطين مع العالم كله ...

كله ميه و سافو .. علي شوية ماكياج ...

لكن الهدف الرئيسي حيفضل طول عمره من غير ما يتغير ...

طب علي كده يبقي الرئيس مبارك هو اللي ما حصلش فعلآ في البساطة و التلاحم مع جموع الشعب البسيطة ... و تعدي ماكدونالد بالهامبورجر الي مرحلة الجلوس في الضل تحت خُص يشرب شاي مع فلاح بسيط ....

و ايامها اخونا سي السيد عمل له مظاهرة حب برضه اسمها إتفضل شاي يا ريس

يا عزيزي ... تعددت الوسائل و الهدف واحد

تحياتي

[فــيــروز]

يا راجل يا طيب ... كله شغل هوليوود ...

المسلسل الجديد اللي بيعملوه علشان يغسلوا صورة امريكا اللي اتطينت بطين مع العالم كله ...

كله ميه و سافو .. علي شوية ماكياج ...

لكن الهدف الرئيسي حيفضل طول عمره من غير ما يتغير ...

كنت داخله أقول نفس الكلام !!

تحرّكات "أوبا" لن تتم اعتباطا ولا بشكل تلقائى !! دى تجرى على غرار موقف "محمد صبحى" أمّا قال : فيه امتحان مفاجئ يوم "السبت" القادم !! عشان يبقى فيه تغطيه مضمونه للحدث. كان فيه مقال نشرته جريدة "الشرق الأوسط" على الحملات الإعلانيه لتسويق صورة "أوبا" سأحاول البحث عنه لإدراجه بالموضوعظ

تم تعديل 6 مايو 2009 بواسطة فــيــروز

[سهل جدا]

يا راجل يا طيب ... كله شغل هوليوود ...

المسلسل الجديد اللي بيعملوه علشان يغسلوا صورة امريكا اللي اتطينت بطين مع العالم كله ...

كله ميه و سافو .. علي شوية ماكياج ...

لكن الهدف الرئيسي حيفضل طول عمره من غير ما يتغير ...

طب علي كده يبقي الرئيس مبارك هو اللي ما حصلش فعلآ في البساطة و التلاحم مع جموع الشعب البسيطة ... و تعدي ماكدونالد بالهامبورجر الي مرحلة الجلوس في الضل تحت خُص يشرب شاي مع فلاح بسيط ....

و ايامها اخونا سي السيد عمل له مظاهرة حب برضه اسمها إتفضل شاي يا ريس

يا عزيزي ... تعددت الوسائل و الهدف واحد

تحياتي

:unsure: :happy:

[محمد عبدالعزيز]

مش فاهم ليه الضجة الإعلامية من أصله لموقف زى ده هو مش أوباما نجح فى الانتخابات خلاص؟!!!

وحتى لو فى انتخابات الموقف لا يستحق أساساً الضجة فى دولة ديمقراطية تحترم النظام والقانون ولا هو عشان بقى رئيس لازم يدوس على كل الأنظمة والقوانين؟

ده الوضع الطبيعى اللى المفروض يكون عليه الناس كلها من الرئيس للغفير.

[مصري أصيل]

بداية أنا كتبت رد طويل عريض و مظهرش

عموما .. كنت عاوز أوضح وجهة نظري في إن عندنا كانت الإنتخابات عالأبواب و بالتالي تصرفات زي دي بتكون متوقعه و أصبحت للأسف كمان في الوقت ده طبيعيه .. لكن أوباما بقى تولى الحكم لسه جديد و لا إنتخابات قريبه و لا غيره .. دي نقطه .. النقطه التانيه إن مهما كان فمؤكد طريقته و تصرفاته مختلفه تماماً عن إللي قبله .. و ده شئ مبشر إلى الآن

غير إن أنا لما بقول إن الراجل ده محصلش .. بيكون رأيي ده مش بناء على موقف بعينه .. يعني مثلا مش موقف طابور المطعم لوحده

يعني أنا لما بنتكلم عن أوباما بيخطر في بالي أكثر من موقف مختلفين بيرسموا صورة هذا الرجل في ذهني بالشكل اللي عبرت عنه ده

مثلاً .. أول قرار إتخذه بداية ما تولى الرئاسه .. إغلاق معتقل جوانتانامو ..

مثل آخر .. موقفه في مؤتمر حزب الناتو عندما إستخدم أردوغان رئيس وزاراء تركيا حق الفيتو للإعتراض على تنصيب رئيس وزراء الدانمارك كأمين عام جديد للحزب .. و كانت أسباب رئيس وزراء تركيا أن راسموسين ( رئيس وزراء الدانمارك ) رفض الاعتذار عن نشر صور كاريكاتورية مسيئة للنبي محمد صلى الله عليه وسلم في صحيفة دنماركية في عام 2005 والتي أدت إلى احتجاجات واسعة في أنحاء العالم الإسلامي.

طبعا الكل يرى أن الموقف يحسب لأردوغان و أنا أولكم لكن أعجبني حينها جدا موقف أوباما الذي إقترح للتوفيق بين الطرفينن أن يتعهد الناتو بالتعامل مع العالم الإسلامي على أساس من الاحترام المتبادل ، بجانب تقديم راسموسين اعتذارا علنيا للمسلمين عن الرسوم المسيئة خلال الإجتماع الوزارى المشترك الخاص بحوار الحضارات والعلاقة بين الغرب والإسلام الذي يعقد في اسطنبول في الأسبوع الأول من إبريل ، هذا بالإضافة إلى أن يكون مساعد الأمين العام للناتو من تركيا وأن يكون مبعوثه إلى أفغانستان شخصية تركية أيضا .مقابل أن تتراجع تركيا عن استخدام الفيتو، و هو ما قد كان بالفعل

موقف آخر ... فكرة إنشاء مجلس إستشاري للأديان بغرض التقريب بين الأفكار و تصحيح وجهات النظر و تعيين إمرأه مسلمه محجبه فيه كمستشارة للدين الإسلامي .. هذا بخلاف كونها عربيه و مصريه كمان

و أيضاً في نفس الإتجاه إستعانته بعالم كبير كأحمد زويل كمستشار للعلوم و تلقيبه من البيت الأبيض بصوت العقل في الشرق الأوسط .. و الرجل عربي مسلم .. و يكفي كونه عربي مسلم بغض النظر عن كونه مصري كمان .

موقف آخر .. ولا كفايه كده إنهرضه

يعني بإختصار عاوز أقول إن إنطباعي عن هذا الرجل هو إنه عنده هدف مهم من اهدافه و هو إذابة الجليد المتكون بين العرب و المسلمين من جهه و بين صورة الكيان الأمريكي من جهه اخرى بتحسين العلاقات و إظهار الإحترام و حسن التقدير منه كطرف للعرب و المسلمين كطرف مقابل .

و كل ما هنالك أني أتمنى أن تظل تصرفاته تدفعني في هذا الإتجاه

خلص الكلام