اذهب إلى المحتوى
محاورات المصريين

اجتماعيات مستفزة

crossfield

بواسطة crossfield
في موضوعات خفيفة

 مشاركة

Recommended Posts

crossfield عضو جديد

crossfield

بتاريخ:
بتاريخ:

تسترعى انتباهى بشدة صفحة الاجتماعيات فى الجرائد اليومية و المجلات وأكاد أحرص على قرائتها يوميا و على الرغم من انها مستورة و الحمد لله الا أننى أشعر باستفزاز غير عادى كلما وقعت عيناى على صورة لعريس و عروسه يحتفلان بزفافهما فى فندق خمس أو سبع نجوم و من حولهما بعض السادة الوزراء ناهيك عن بعض التنويهات الاستفزازية "هذا و قد أحيا الحفل المطرب اللبنانى..."و الراقصة"..."؛هذا و سوف يقضى العروسان شهر العسل فى أوروبا...ايييييييييييييه الاستعراض ده كله؟

يا ترى الناس دى مبتتعبش فى الفلوس زى بقية خلق الله ؟

أكيدمش كلهم حرامية بس مش ده برضو سفه؟و الا الواحد محبكها شوية ؟أنا خلاص هاتجنن..

أعلم أنها حرية شخصية و لكن بالله عليكم ألا تشعرون بالاستفزاز عندما تجد فى نفس الجريدة و فى صفحة أخرى مأساة أب ينتحر لعدم قدرته على شراء الزى المدرسى لأولاده؟

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك
Lighthouse عضو جديد

Lighthouse

بتاريخ:
بتاريخ:

والله يااخت كروس مظاهر الاستفزاز كثيرة

حقيقة لو كنت شاهدت برنامج فرح كليب ومايحدث فيه من منظرة واستفزاز لمن لايستطيعون تدبير غرفة حتى ليتزوجوا فيها . هذا غير الاعلانات المستفزة عن الشقق التمليك والفلل والقصور الفاخرة لشعرت بأن الشعب كله يعيش عيشة الملوك .

فعلا حاجة تعكنن المزاج عندما لايجد الشباب اقل القليل ليتزوجوا به ويشاهدون هذه الانماط الاستفزازية التي تصيبهم باحباط اكثر مما هم محبطون بالفعل

لنا الله

مٌر الكلام

زي الحسام

يقطع مكان ما يمر

اما المديح سهل ومريح

يخدع صحيح ويغٌر

والكلمة دين

من غير إيدين

بس الوفا

ع الحر

رابط هذا التعليق
شارك
Salwa عضو جديد

Salwa

بتاريخ:
بتاريخ:

ياكروس يابنتى .....ده اسمه ....بيزنس.

بجد مش هزار ...

يعنى الفرح مفروض يبقى عائلى جدا جدا ....كل ده جميل وحلو ...

لكن اصول الشغل تقول ايه ؟؟

انت مش عارف انا مين ؟؟؟

رجل الاعمال ....///شغل يعنى/// مش اعمال ...قص ولصق...او اعمال شعوذة ؟

رجل الاعمال بيفهم كل عميل انه حبيبه وانه من العائلة...وآهى فرصة

يعزم فلان وعلان وترتان ....وكأنها صدفة ان ده يقابل ده فى المناسبة السعيدة دى ...

يصرف له مليون ....

وعلى ما ينتهى الفرح يكون اتفق على شغل ب2 مليون و3 كمان...

برضه هو فرح بابنه ...والكل جامله ...

ومحدش يخاف منه ................ده راجل لارج.........وآدى الحكاية

ببساطة وبدون عقد.....

اما الناس اللى زينا ....اللى يتزوجوا ويزوجوا ابناءهم فى جو عائلى...

محترم.......ف...دول دقة قديمة ......

فهمتى ياحبيبتى ....وصدقينى انا بقولك حقائق...

وانا ادرى منك...........//فى هذا الموضوع بالذات //

سلامى.

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
amir عضو جديد

amir

بتاريخ:
بتاريخ:

مـع كامل أتفاقى لما قالته مدام سلوى

أرى أن الدنيا دايما فيها الغنى و الفقير و مش معقول أن احنا نفضل نبص لكل واحد بيتصرف ازاى و بيضيع فلوسه على ايه

بأختصار شديد فلوسه و هو حر فيها

القناعــه كنز لا يفــــنى

لو حنقعد نشوف ده بيتجوز بكام و ده بيصيف فين مش حنخلص

و لا تنسى ايضا ان هناك من يحسب عليك تصرفاتك فبالتأكيد هناك من لا يستطيع افطار اولاده ، و أنا الحمدلله بفطر كل يوم .. فماذا افعل هل امتنع عن الفطار علشان واحد مش قادر يفطر .. هل امنع اولادى من التعليم الخاص لأن هناك من لا يستطيع تكميل تعليم اولاده ؟؟

الحيــاه مش لونها بمـــبى للأسف... بس لازم تستمر

و على رأى مدام سلوى .. ده نوع من انواع البيزنس

.

يا وطنى : كل العصافير لها منازل

الا العصافير التى تحترف الحريه

فهى تموت خارج الأوطان

ـ نزار قبانى ـ

103.gif

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

ماتنسيش يا كروساية أنه بيلم نقطة قد كده .... lol

يا ستي خليهم هاييجي عليهم يوم يتسئلوا عن كل مليم مما أكتسبه وفيما انفقه .. ويبقى يقابلني هايجاوب إزاي.

كروساية تقصد إن الاعتدال في كل شيء كويس ....

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

الحقيقه انا اتفق مع راى امير

لانه قد يكون هناك كثيرون ممن يحتفلون بافراح ابنائهم ببذخ و رغم كده تعبانين فى الفلوس

يعنى لو تخيلنا رجل ثرى ربنا فاتحها عليه وعنده ابن وحيد مثلا نتوقع يعمل فرحه ازاى !! خصوصا ان دى بتبقى فرحة العمر زى ما بيقولوا ومش بتتكرر .. بل لو اقام فرح اورديحى -اورديحى بالالف ولا القاف؟- الناس بردو مش هترحمه وتقول شوفوا الراجل الجلده مستخسر فى ابنه فرح محترم !!

الانسان يؤدى حق ربنا وحق الفقراء فى ماله من زكاه و صدقه وبعدين يتصرف فى ماله كيفما يشاء ..

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
BenNeal عضو جديد

BenNeal

بتاريخ:
بتاريخ:
..........الانسان يؤدى حق ربنا وحق الفقراء فى ماله من زكاه و صدقه وبعدين يتصرف فى ماله كيفما يشاء ..

مش عارف ليه لما قرات الجزء ده من مداخلة الاخت فيروز تخيلت المنظر ده من مداخلة الاستاذ se_Elsyed فى master scene

- فيلم العار ... مشهد ... لما نور الشريف حجز نصيب روقه حتى بعد ما ماتت فحسين فهمي بيسأله أنت حجزتلها نصيب ليه فراح نور الشريف قايل له " حقها ولا مش حقها "

انا اعتقد ان "حق ربنا" هو ان ننفق كل قرش من اموالنا الحلال فيما احله الله بلا سفه او تبذير او تقتير.

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك
crossfield عضو جديد

crossfield

بتاريخ:
  • كاتب الموضوع
بتاريخ:
مـع كامل أتفاقى لما قالته مدام سلوى

أرى أن الدنيا دايما فيها الغنى و الفقير و مش معقول أن احنا نفضل نبص لكل واحد بيتصرف ازاى و بيضيع فلوسه على ايه

بأختصار شديد فلوسه و هو حر فيها

القناعــه كنز لا يفــــنى

مش طمع و لا جشع و الله يا أخ أمير

زى ما قلت فى مداخلتى ؛مستوووووووورة و الحمد لله.

لكن ايه لزومه؟يعنى لو حتى هاعمل فرح ضخم كده لزومه ايه الاعلانات و السرد الدقيق لتفاصيل الفرح ...مين جه من آأااااااااااااخر الدنيا علشان ييغنى و مين جات علشان ترقص ...و الله العظيم أنا ماباقول كده من باب الحقد على حد بس فعلاً أنا عايزة أفهم ..مش لو الواحد تعبان فى فلوسه دى ...حتى لو ربنا فاتحها عليه مش هيستحرم يصرف الفلوس على الهجص ده؟ ماااااشى يعمل فرح و مااااااشى يجيب نجوم و فنانين و تبقى ليلة يا عمدة على رأى صلاح منصور بس فى المعقول ...

لكن على رأى ماما سلوى

فعلاً كله بيزنس و كله بحسابه .

لو حنقعد نشوف ده بيتجوز بكام و ده بيصيف فين مش حنخلص

و لا تنسى ايضا ان هناك من يحسب عليك تصرفاتك فبالتأكيد هناك من لا يستطيع افطار اولاده ، و أنا الحمدلله بفطر كل يوم .. فماذا افعل هل امتنع عن الفطار علشان واحد مش قادر يفطر .. هل امنع اولادى من التعليم الخاص لأن هناك من لا يستطيع تكميل تعليم اولاده ؟؟

شتاااااااان بين الحالتين يا أخ أمير

احنا بنتكلم فى منظرة مش فى تعليم و أكل وشرب.ثم برضو لو كل واحد حر فى فلوسه لزومه ايه حرق الدم و الاعلان المستفز الشكل ده؟ما خلاص الفرح اتعمل و الناس هيصت و الوزرا كلوا و اتبسطوا و البيزنس تمام ...ايه حرقة الدم دى؟ و الله العظيم كمان مرة لا حقد و لا حسد.

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك
White heart عضو جديد

White heart

بتاريخ:
بتاريخ:

crossfield كتبت:

احنا بنتكلم فى منظرة مش فى تعليم و أكل وشرب.ثم برضو لو كل واحد حر فى فلوسه لزومه ايه حرق الدم و الاعلان المستفز الشكل ده؟

بداية انا أتفق مع أراء الأعزاء أمير و فيروز.....

وبعدين مش ممكن تكون الأعلانات دى نفسها عبارة عن هديه للعروسين من أحد الأطراف .... أو حتى نوع من أنواع "تفتيح المخ" من كاتب الأعلان أو صاحب المجله أو الجريده مع من سيتم سرد اسمه فى الأعلان من شخصيات عامه ذات نفوذ و ما شابه؟ مثلما نقرأ فى أخبار الحوادث عند ذكر :"بناء على توجيهات الوزير فلان ..... و تعليمات اللواء علان .... و قيادة العقيد ترتان .... الخ ... الخ بالطبع مع وضع بعض الصور الشخصيه!!!!!

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك
amir عضو جديد

amir

بتاريخ:
بتاريخ:

الأخت crossfield

أنا طبعا واثق أنه مش طمع و لا حسد منك ، و عارف أن فيه حاجات كتير بتستفز الشخص العادى بس علشان أريح دماغى بعمل نفسى مش واخد بالى

الاسبوع اللى فات ابنى راح فى رحله سفارى لمدة يوم واحد مع واحد من اصدقائه ، طبعا الصديق ده هو اللى عزم ابنى ، و لما وصل البيت عندنا علشان يأخد ابنى ـ بالمناسبه عمرهم هما الأتنين لا يزيد عن 16 سنه ـ المهم نزلت معاهم علشان اوصلهم عند عربية هذا الصديق و كانت المفاجأه انى لاقيت العربيه اللى رايحين يلعبوا بيها فى الصحراء مـن نــــوع BMW X5 مـع سائق خاص ، و طبعا و لأنى أعرف والد هذا الصديق و من أى عيله فكان ده بالنسبه له شئ عادى جدا

طبعا أنا محصليش احباط و لا حاجه ... بس جالى ذهول و تخلف عقلى

بس عادى يعنى .... حاموت نفسى .. وللا اموت نفسى

بأختصار اللى عايز اقوله أن الموضوع بالنسبه لهم بيكون عادى لكن احنا اللى بنشوفه بعيوننا أنه زياده عن اللزوم

تحياتى

يا وطنى : كل العصافير لها منازل

الا العصافير التى تحترف الحريه

فهى تموت خارج الأوطان

ـ نزار قبانى ـ

103.gif

رابط هذا التعليق
شارك
عادل أبوزيد Rising Star

عادل أبوزيد

بتاريخ:
بتاريخ:

أعزائى الأفاضل

فى بلادنا يوجد ما يمكن أن ب "المنتفعين بالفشخرة " و مثال بسيط لذلك فى الأفراح البلدى أو فى الملاهى الليلية تتم عملية إستثارة للحاضرين من أجل جمع " النقطة " و الأفلام القديم فيها الكثير من تلك المناظر !!!!

رأيت بنفسى الجهات التى تنسق للفرح و هم يبتزون والدى العروسين من أجل إضافة فقرة لا معنى لها أو و هم يقوم بالتفنن لإخراج حفل الزواج .... هذا عن الزواج

و قل نفس الشئ بالنسبة لإعلانات الإجتماعيات للتهنئة بالترقية أو الدرجة العلمية أو "طهور الأنجال" و فى مجال اإعلانات تجد من يقول لك فلانة دى خطيرة دى تخش على المحافظ من دول و تنحرره لغاية ما تطلع منه بملحق كامل عن المحافظة (رجال الأعمال يساهمون فيه ... غصبا " أو بصفحة كاملة تهنئة بأى شئ

و آخر أخبار هذه الإستفزازات ما جاء اليوم على قناة دريم فى برنامج القهوة عن إعلان يقول نقابة الموسيقيين (أو المهن الموسيقية لا أذكر) و هم سبعة و عشرون ألفا يمثلون مائة و ستون ألفا يهنئون العقيد معمر القذافى على و لا أذكر الباقى

و على رأى المذيع ما علاقة الموسيقى بالسياسة او العقيد القذافى ؟؟؟

هناك موضوع قديم عن سلوكيات سكان مارينا أذكر أنه تحدث عن المغالاة فى الترف أمام أعين الناس

مواطنين لا متفرجين


رابط هذا التعليق
شارك
Cleo عضو جديد

Cleo

بتاريخ:
بتاريخ:

ده اسمه حقد يا كروس....

إيه يعنى لما أبعت أجيب راغب علامة ب 40-50 ألف جنيه ده غير تذاكر الطيران ليه و لفرقته و لإامتهم فى فنادق الخمس نجوم على حسابى لمدة 3 أيام؟؟؟؟

صحيح فيه ناس كتير مش لاقية تاكل و ناس بنسمع عنها بتنتحر عشان مش لاقية تدفع مصاريف المدارس للأولاد..... بس دى أرزاق...

و أهو رزق ال (.....) عال (.....)

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
انا اعتقد ان "حق ربنا" هو ان ننفق كل قرش من اموالنا الحلال فيما احله الله بلا سفه او تبذير او تقتير.

المشكله يا اخ ابن النيل ان التبذير و التقتير مساله نسبيه !! فما تراه انت سفه قد يراه البعض متناسب مع حجم ثروتهم وعادى خالص .. وما تراه انت تقتير قد يراه آخرون متناسب ايضا مع امكانياتهم .. الشيخ الشعراوى حسب ما سمعت يعنى وحسب ما جه فى مسلسل رمضان لم يكن يعيش فى شقه صغيره او حتى عاديه .. كان عايش فى فيلا جميله ما شاء الله .. واحنا هنا فى المنتدى بندفع فلوس كتيره على فاتورة النت بينما آخرون لا يجدون قوتهم .. يا ترى الا يستطيع هؤلاء ان يعتبرونا سفهاء !! كثيرون فى مصر يحملون الموبيل وهم لا يحتاجونه و باكثر من ماركه ويبدلوه كل سنه او حتى اقل دون ادنى حاجه .. محدش قال عليهم سفهاء عليه؟ نحن نذهب لنصيف فى الاسكندريه وغيرنا ينتحر لعدم قدرته على دفع مصروفات ابنائه .. البعض بيدخل اولاده مدارس بالدولار و غيره مش لاقى يعلم العيال او حتى يشترى لهم جزم جديده .. وغيرها من عشرات الامثله .. الخليفه عمر بن عبد العزيز عاش جزء من حياته فى ترف و تنعم .. واكيد كان فيه غيره من عظماء الاسلام ممن لم يقتر على نفسه فى المعيشه رغم ما عرف عنهم من الورع و التقوى .. يبقى الواحد كما قلت يؤدى حق ربنا عليه وهو حر بعد كده ..

حسين فهمى "شكرى" قال لكمال "نور الشريف" ايه

هتفرق على روحها مليون جنيه !!

قام كمال قال له

حقها ..

واما حب عادل "محمود عبد العزيز" يعلق قام كمال قال له

حقها ولا مش حقها !!

عادل قال : حقها

اى خدمه :-)

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Sayyeda Abouzied عضو جديد

Sayyeda Abouzied

بتاريخ:
بتاريخ:

السفه صفه سائدة في جميع المجتمعات للعالم الثالث وهي من عوائق التنمية في هذه المجتمعات ويصفونها بالمجتمعات الاستهلاكية والتي تستهلك اكثر ما تنتج واغلبها تنتشر فيها الامية وانخفاض المستوى الثقافي ومن الناحية الاقتصادية المشكلة هي انتشار ثقافة الاستهلاك بين افراد المجتمع اسرع بكثير من ثقافة الانتاج عكس ما بداته اليابان والتي كان من سرور اي عامل في مصنع حصوله على حجرة بحمام خصوصي له ولاسرته في نفس الوقت الي كانت مصر تبني فيها مساكن شعبية والحصول على الثلاجة والغسالة الكهربائية هي من ظواهر الفشخرة بين الاسر في البيئات العمالية بمصر بالرغم من انخفاض انتاجية العامل المصري عن العامل الياباني بمعدل يصل الى واحد في المائة من انتاج العامل الياباني وهذه حقيقة

اما دينيا فقد قال الامام احمد بن حنبل ان المال حلاله حساب وحرامه عذاب

اي حتى لو صرفت مالك في الحلال سوف يحاسبك عليه في يوم القيامه وهل عدلت في صرفه وكيف صرفته وكيف استثمرته اما صرفه في الحرام فهو العذاب بعينه

اي انت مأجور في حالة صرفك لمالك وعلى قدر صرفك له بحكمة وتعقل تأخذ اجرك من الله عز وجل

اما المبزرين فهم اخوان الشياطين

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

طيب نقولها بشكل تاي ...

ما هو رأيكم في ظاهرة تكررت عدة مرات في أفراح ولاد الاكابر بتوعنا وهو انهم بيعملوا دعاوي الفرح على سي دي .. وكل اللي داخل الفرح - بدعوى طبعاً مش سفلقة - بياخد هدية على الباب عبارة عن جنية دهب ..... ( مش عارف ليه بيفكرني بسبوع المولود كل اللي جاي بياخودله كيس فيشار برضوا )

( عقلي الباطل بيقولي : اهو انت يا واد يا س س لو عملتلك فرحين زي دول في الشهر تبقى من الإقطاعيين .. جينيهات دهب واكل وشرب وحاجات ساقعة  ببلاش ... والأشيه هاتبقى معدن )

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
DARWEEN عضو جديد

DARWEEN

بتاريخ:
بتاريخ:
إيه يعنى لما أبعت أجيب راغب علامة ب 40-50 ألف جنيه ده غير تذاكر الطيران

كليو ...

هو مين ده اللي بـ 40 أو 50 ألف جنيه ؟؟؟؟

دا لو جايبين المطرب المصحون سعيد جاعوره حياخد الـ 40 -50 ألف جنيه .....

يا ستي راغب علامه وعمرو دياب عدوا الـمبالغ دي من زمااااااااان وكبيره ساعه ونص في الفرح

~

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

رابط هذا التعليق
شارك
Mohammad Abouzied عضو جديد

Mohammad Abouzied

بتاريخ:
بتاريخ:
إيه يعنى لما أبعت أجيب راغب علامة ب 40-50 ألف جنيه ده غير تذاكر الطيران

كليو ...

هو مين ده اللي بـ 40 أو 50 ألف جنيه ؟؟؟؟

دا لو جايبين المطرب المصحون سعيد جاعوره حياخد الـ 40 -50 ألف جنيه .....

يا ستي راغب علامه وعمرو دياب عدوا الـمبالغ دي من زمااااااااان وكبيره ساعه ونص في الفرح

~

طيب وشعبوله بكام !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

يأتي في آخر الزمان قوم حدثاء الأسنان سفهاء الأحلام يقولون من خير قول البرية يمرقون من الإسلام كما يمرق السهم من الرمية لا يجاوز إيمانهم حناجرهم فأينما لقيتموهم فاقتلوهم فإن في قتلهم أجرا لمن قتلهم يوم القيامة

رابط هذا التعليق
شارك
سقراط المصري عضو جديد

سقراط المصري

بتاريخ:
بتاريخ:

أنا عندي استعداد أحي لكم الحفلات بربع الثمن ، وهقعد اغني لكم للصبح ، بس فين المشجعين. واي سمسار هيدورلنا على أفراح وحفلات طبعاً هنعرقه .....وأكيد انتم فهمين يعني إيه هنعرقه.

واخد بالك ياسي السيد.. سامع يا حشيش هنعرقه.

سقراط

مطرب أخبار اليوم للحفلات الشعبيه والأهليه

<span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span>

رابط هذا التعليق
شارك
بنت شعنونة عضو جديد

بنت شعنونة

بتاريخ:
بتاريخ:

يا كروساية

لو انتي في حد غاااااااااااالي عليكي اوووووووي "خطيبك مثلا" "ضحكة خبيثة" وها تهاديه بهدية في مناسبة اكيد ها تنقى احللللى واكببببر واغلى وكلللللل حاجا حلوة في الهدية دي

مابالك بقى بابنك او بنتك ا انتيييييييي بتعملي فرحك لنفسك

بتكوني عاوزة تخليه يكون احلللللى حاجا وافظظظظظظظع حاجا كمان

بس كل واحد بقى ومقدرته

وذوقه كمان

يعني مثلا في ناس تحب مغنين مشهوريين

ناس تانية لا تحب دي جي بلا مغنيين بلا نيلة

ناس تحب هودج في الزفة ناس تانية لا

اي نعم انا معاكي ان التبذير مرفوض ومكروه شرعا

لكن لو ليلة واحدا وقدامها تطعمي ناس غلابة

يبقى تفرحي وتفرحي ناس تانية كمان معاكي

طبعا انا لا احلل ولا احرم

بس لما اجي ابصلها من منظوري الشخصي تلاقي الفرح بالذات له قدر عظيم في النفس

اقولك على سر "شوفي الخيبة"

انا من ايام شغلي في الأفراح وانا كنت منمرة على قاعة ايجارها بالبوفيه ال 5 ستارز كان حوالي 3000 جنيه

القاعة تححححححفة فععععلالالالا في نظري

بس صغنووووونة خااااالص و لبيوفيه ال5 ستارز دا طعمه منيل بنيلة بس ماشي

انما انا ها اتهبل ع القاعة

وسبحان الله القاعة قفلتها الحكومة وسبحان الله برضه بعد سنتين اتفحت اهو لسا من كام يوم "وش سعيييييد اوي"

تقوليش ها اتجوز بكرا!!!!!

ومع دي جي من مقره الأصلي " بمعنى انه مش تبع القاعة"

لما اجيب 4 سماعات سوبر و2 مساندين وليزر ودخان وافلالالالالالالام

يعمل 1000 جنيه بالكتيييييييير اوي

شفتييييييييييي توفير اكتر من كدا

بس الفستااااااااان بقى ناوي اكلفه

تلاتيييييييييين تلالالالالالالاف جنيييييييييه

هاااااااااااااااااووووووووممممممم

خير يا جماحااااا  مين اللي صحاني من النوم بسسسسسسسس

ياربيييييييييييي

وانا من البلد ديييييييييييي

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

×
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • متعب
      19
      عاجل تصريحات مستفزة للسفير الامريكية بمصر ان ارض مصر ملك لليهود وان الفراعنة كانوا يهود
      http://www.youtube.com/watch?v=ZJhyffnRzC4 ممكن حد يرد حالا على الكلام ده من مكتب الارشاد او خرفانهم . وياترى رأى العريان كان مجرد رآى ولا ده كان مخطط للصهيونيه العالميه مزيعه هبله وسفير مش عارف جيبينه منين . بيقولوا ان الحديث لو شخصى مين ال فى الادارة الامريكيه اصلا بيتكلم عن وجه نظر شخصيه . استحاله طبعا . ده كلام فارغ . اذا قالته بالفعل يبقى ده رآى الادارة الامريكيه بدون شك عاوزين رد بقى على الكلام الخطير ده. وإلا تبقى سياسه غلوا الاسعار ورفع الدعم عن الشعب وحرق البلاد ده ك

      بواسطة متعب
      كُتب

    • ذهبية
      10
      المفتى يتعهد بالغاء قوانين سوزان..... حاجة مستفزة جدااااا
      أثارت تصريحات الدكتور على جمعة مفتى الديار المصرية حول إعادة النظر فى قوانين الأسرة والطفل وتغيير ما وصفه بقوانين "سوزان مبارك" استهجان النشطاء فى شئون المرأة والمنظمات الحقوقية التى رفضت المساس بأى قانون يخص المرأة حتى تمر مصر بالفترة الانتقالية، كما أكدوا أن المفتى غير مسئول عن تغيير أى قانون، وأن ذلك من اختصاص مجلس الشعب المقبل، واعتبروا المظاهرات التى قام بها الآباء أمام دار الإفتاء "انتهازية" و"ثورة مضادة" ضد مصلحة الأسرة بكاملها. نهاد أبو القمصان – رئيس المركز المصرى لحقوق المرأة – أكدت أ

      بواسطة ذهبية
      كُتب

    • nightmare
      45
      تصريحات مستفزة
      كل يوم بنسمع تصريحات مختلفة من المسئولين حبايبنا , وفيه منها العادي والطبيعي بتاع كل يوم , لكن فيه منها المستفز والمقرف واللى بيخلى الواحد يسأل نفسه ميت مرة "هما الناس دول عايشين معانا في مصر" واللي يسأل "هما دول مصريين بجد" واللي يسأل "الناس دول ازاى مسئولين عننا وبيتحكموا في أمورنا" ومن مطالعتي اليومية للجرائد المصرية الوطنية والمعارضة لقيت انى واجب على بجد انى أدون أي تصريح مستفز من أي مسئول ومفيش أحسن من "محاورات المصريين" أدون فيها التصريحات دي وأي واحد فينا يقرأ تصريح مستفز

      بواسطة nightmare
      كُتب

×
×
  • أضف...