بصراحة!

[sos]

منذ فتره الاحظ ان هناك بعض الاعضاء من يدلى بدلوه في كثير من المواضيع بشكل مستفز وزائد --- نفس الكلام والاراء مرارا وتكرارا لدرجة ان المتابع للمنتدى ممكن يتوقع الرد والتعقيب ----------

رجاء الى من يجد فى نفسه هذا الامر -----ان يراعى اننا فرض علينا اشخاص ابتلانا الله بهم على مر العقود------رجاء شفقة ولطفا لاتكن منهم----نداء الى الاستاذ الدكتور /س س وكذلك الاستاذ الدكتور /حشيش بتوسعة العيادة لاستقبال ضحايا المنتدى

[amir]

منذ فتره الاحظ ان هناك بعض الاعضاء من يدلى بدلوه في كثير من المواضيع بشكل مستفز وزائد --- نفس الكلام والاراء مرارا وتكرارا لدرجة ان المتابع للمنتدى ممكن يتوقع الرد والتعقيب ----------

رجاء الى من يجد فى نفسه هذا الامر -----ان يراعى اننا فرض علينا اشخاص ابتلانا الله بهم على مر العقود------رجاء شفقة ولطفا لاتكن منهم----

اخـى العزيز

احنا هنا فى مكان مفتوح للحوار و من حق أى عضو أن يقول رأيه حتى و أن كان مختلف عن رأيى الشخصى و اللا تحول المنتدى لرأى واحد و المطلوب من باقى الأعضاء أستحسان هذا الرأى و الأشاده بكاتبه

طيب يبقى فين حرية الرأى ؟؟؟

.

[sos]

امـير كتب

احنا هنا فى مكان مفتوح للحوار

كلام سليم ولكن ليس معنى ذلك احفظ الناس فى كل مداخلة نفس الكلام مع تغير ترتيب الكلمات

امـير كتب

من حق أى عضو أن يقول رأيه

هل انا اعترضت من قريب او بعيد على هذا ولكن مش عمال على بطال نفس الشخص فى كل الموضيع يطلع يقول نفس الكلا م كأننا فى مدرسة وهو احد المقرارات---------

[se_ Elsyed]

----نداء الى الاستاذ الدكتور /س س وكذلك الاستاذ الدكتور /حشيش بتوسعة العيادة لاستقبال ضحايا المنتدى

إبعت ياللي بتبعت ... ما هو ده الهاي سيزون بتاع شغلنا .... حضر فيش الكهربا والكرابيج السوداني يا دكتور حشيش ...

مع تحيات عيادات د / حشيش و د / س س للأمراض المستعصية ( نفسية ، عصبية ، إقتصادية ..... إحنا بتوع كله )

رجاء الحجز مقدماً

[Faro]

أى نعم لانسمع صوت المعارضة يدوي داخل مجلس الشعب المصري ... ولكن إذا كان هناك معارضة فسيرتفع صوتها المعارض ضد السلبي والإيجابي على السواء... فهذا المنتدى ليس إلا ساحة تدريب على الديمقراطية ... أى التدريب على حرية إبداء الرأى مع إحترام قواعد المنتدى ... أما من لايستسيغ رأى الأخر أو صاحب الرأى فهو ليس مرغم على إستخدام حقه الديمقراطي.

الأخ SOS

هل تشير إلى عضو واحد أو بعض الأعضاء ؟؟؟؟

[se_ Elsyed]

خلاص يا سوس خلاص يا أمير قلبوكوا أبيض يا جدعان مش كده ....

خلاص يا عم فارو أحنا هانحل المسكلة قريباً إن شاء الله والأعضاء دول برضوا مننا وعلينا ودول ولادنا ... عمركوا شوفتوا حد بيرمي ولاده ؟

لازم نخلي قلوبنا بيضا وحلوه .....

[sos]

السيد/ فارو قبل ما اجاوب على السؤال ممكن سعادتك تفهمنى المقدمة التى قبل السؤال بالراحة كده وبوضوح 000

من الواضح ان سعادتك بتلوح باشياء عن الديمو قراطية والكلام الكبير الصعب فهمه على من هو مثلى

[فــيــروز]

الصراحه انا الجمله دى بتزعلنى خالص :-(

"كنت متوقع هذا الرد منك يا فيروز"

الحقيقه لم يقلها لى احد هنا على ما اذكر لكن حين قيلت لى فى منتديات اخرى اتضايقت

طيب اعمل ايه اذا كان عندى مبدا واحد باضطر اقوله فى الموضوعات التى قد يتشابه محتواها !! اتكتم و اسكت ولا اعمل ايه فى نفسى ان ربنا فاتحها على الاعضاء بذاكره قويه و مخ نبيه يستطيع ان يتذكر آرائى و يتوقعها ايضا !! :-) ادعى ربنا الاعضاء يجيلهم فقدان ذاكره مثلا عشان مايعرفوش هاقول ايه؟ :-) انا باهزر طبعا يا اخ sos لكن توقع ما يقوله البعض معناه انهم لديهم مبدا ثابت .. مش هينفع يتغير من موضوع للتانى والا احنا نفسنا سنسئ الظن بهم ونتخيلهم بلا مبادئ .. تحياتى :-)

[Lancelot]

لا يا فيروز ... أعتقد إن سوس قصده طريقة الرد و محتواه و تحويله لإتجاه الحديث ... مش قصده المبادئ و الإتجاهات الفكرية ....

مضبوط يا سوس و لا إيه ....

علي فكرة أحييك علي فتحك لهذا الموضوع اللي يندرج تحت المسمي الشهير الذي أطلقه الدكتور أبو حلاوة ..... "ميتا منتدي" .... من باب نقدنا لأنفسنا و لبعضنا و هو ما يرفع مستوي المناقشات ....

[Farah]

منذ فتره الاحظ ان هناك بعض الاعضاء من يدلى بدلوه في كثير من المواضيع بشكل مستفز وزائد --- نفس الكلام والاراء مرارا وتكرارا لدرجة ان المتابع للمنتدى ممكن يتوقع الرد والتعقيب ----------]

بجد بجد عندك حق وده ملاحظ في مداخلات كثيره---بعض الاعضاء ينتظر اعضاء معينه وكأنهم منتظرين اي حاجه يكتبوها عشان يردوا

رجاء الى من يجد فى نفسه هذا الامر -----ان يراعى اننا فرض علينا اشخاص ابتلانا الله بهم على مر العقود-- رجاء شفقة ولطفا لاتكن منهم

معتقدش ان الاخsos

يقصد اي شي ولا اي عضو بعينه كل ما يبتغيه ناس تشارك من غير اي ضغوط ولا استفزاز الأخرين المشاركه من اجل المشاركه وليس فقط من اجل المعارضه

الاخ sos في كل منتدي ستجد مثل هؤلاء المقصدين ويمكن هنا فيه بعض من الحدود والموضوع ملموم هنا كثيرآ

عاوز نصحتي اول متلاقي الشخصيات التي تقصدها

بدءوا ماتبصش علي الموضوع لانه يخرج عن الفكره وحتلاقي نفسك مشتت

علي فكره انا مش مع احد ولا ضد احد

[amir]

خلاص يا سوس خلاص يا أمير قلبوكوا أبيض يا جدعان مش كده ....

خلاص يا عم فارو أحنا هانحل المسكلة قريباً  إن شاء الله والأعضاء دول برضوا مننا وعلينا ودول ولادنا ... عمركوا شوفتوا حد بيرمي ولاده ؟  

لازم نخلي قلوبنا بيضا وحلوه .....

إبعت ياللي بتبعت ... ما هو ده الهاي سيزون بتاع شغلنا .... حضر فيش الكهربا والكرابيج السوداني يا دكتور حشيش

يعنى العلاج عندكم بفيش الكهربا و الكرابيج السودانى بس ؟ ... مفيش واحد حواوشى ولا حتى كوباية عصير قصب !!

[sos]

الاخوة/ س س وFARAHELYOM و Lancelot وفــيــروز اشكر التوضيح والتفهم وعدم سوء الظن وتأكيدا لما تم توضيحه من خلال الردود على المداخلة يمكن الرجوع للموضوعات التالية

http://www.egyptiantalks.org/bforums/viewt...t=7775&start=30

http://www.egyptiantalks.org/bforums/viewt...p?p=92446#92446

هذه موضوعات فى الصفحة الرئسية اى حديثة وليست قديمة

وتعظيم سلام للديموقراطية وحرية الرأى

[سقراط المصري]

الأخ الفاضل SOS

شكراً جزيلاً على فتحك هذا الموضوع ، وكأنك كتبت ما أتمنى أن أكتبه.

هو فعلاً يوجد بعض الأعضاء يصرون أن يفرضوا رأيهم في المنتدى ، ويريدون من الأخرين السمع والطاعه ، وطبعاً هذا بعيد عن هدف المنتدى ، لأن هدف اي منتدى هو سماع الطرف الأخر ، لكن بعض الأعضاء ساعات في النقاش بيكونوا عاملين زي المتحاورين في قناة الجزيره ، كل واحد فيهم عايز يضرب اللي قاعد قدامه بالكرسي علشان بيخالفه الرأي.

حتى أسلوب الكتابه تلاقيه واحد ، ممكن طبعاً يكون عندي مبدأ بحافظ عليه ويكون أسلوب كتابتي متناغم مع هذا المبدأ ، ولكن هذا ليس معناه أن كل ما أناقش الاعضاء في موضوع ما سواء يدخل في دائره موضوعات مبدئي أو لايتعلق بموضوعاته ،أعيد كتابة مبدئي واصر عليه وكأنه النشيد الوطني والذي يجب أن يحفظه ويردده أعضاء المنتدى.

والغريبه انك تلاقي بعض الأفراد بيفتوا ، يعني انا في موضوعات ليس لي بها علم ، او تقدر تقول معنديش ثقافه بها ، عندئذ بسمع الاخرين واهتم بكلامهم لذياده المعرفه ، وده شيء إيجابي من المنتدى ، وفجأه تلاقي واحد طلع يكتب وأسلوبه عامل زي خلف خليفه خلف خلاف المحامي في مسرحية شاهد ماشافش حاجه، معترض على طول ، سواء كنت بتتكلم في وجهة نظر او حتى حقيقه تاريخيه او علميه.

فالإعتراض من طبعه ، وطبعاً من حقك تعترض ولكن بهدوء وبدون إستفزاز .

حتى انني أعتقد ان بعضهم بيكون مخزن مجموعة اعتراضات واستفزازات للاعضاء على الجهاز بتاعه ، واول مايظهر اي موضوع سواء يعلم به او يجهله ، يقوم صاحبنا بلزق اعتراضه ومناقرته على طول.

احياناً بعضهم بيكون مستفز لدرجة انني بجمع ماكتبوه وارد عليه حتى يلاحظ ما يفعله، ويا جماعه مش عيب ان الواحد يجهل بعض المواضيع ، ومش عيب ان رأيك يخالف رأي ، وأيضاً مافيش مانع انك معترض معي على طول الخط ، بس العيب انك تلغي وجودي او تصر على فرض وجودك.

تصدقوا بالله في ناس في المنتدى من الطيور المهاجره فعلاً كفاءه جداً جداً ، وعندهم ذوق وإحساس بالآخر ، وانا بستفيد منهم كتير جداً ، وعلشان المجموعة الكويسه دي التي تفهم المعنى العملي للديمقراطيه وليس اللفظي فقط ، انا بفتح المنتدي وأشارك فيه وأحاول أتجنب ما يقذفه الأخرين من أمراضهم وضعفهم الداخلي علينا.

والغريبه ان البعض بيكتب ألفاظ كبيره جداً هو مش مقدر معناها ، زي الديمقراطيه ، العداله ، حسن الإنصات ..............، وطبعاً لما انت تجد واحد كاتب كلام حلو وجميل زي كده انت بتقرأ وبتهتم لأنك تفترض أنه فاهم ما يكتب ويعنيه ، ثم فجأه تكتشف انه عباره عن فم كبير لعقل صغير.

أخي الفاضل SOS شكراً لفتحك هذا الموضوع ، بس روح منك لله قلبت على المواجع.

تحياتي

سقراط

[فــيــروز]

معلش يا جماعه ممكن اقول تعليق نشاز شويه

مش عارفه ليه وانا باقرا الموضوع حسيت ان التون بتاعه مش تون اصدقاء و اخوه يجمعهم موقع جميل زى المنتدى

والصراحه بدات اخاف و اقول لنفسى وايه اللى يضمن ماكونش انا كمان فى يوم من الايام ممن يتحدث عنهم الاعضاء بهذه الصوره الخفيه .. يعنى باتكلم عن فلان و ماقولش اسمه عشان محدش يمسك عليا غلطه واما ييجى فلان يرد اقول له هو حد جه جنبك ولا حد كلمك !!

بصراحه ويا ريت ماتزعلوش منى .. دى طريقه مش شيك خالص ولا عادله فى التعامل مع الآخرين .. مواجهة الآخرين بعيوبهم او بما نراه عيبا فيهم هو الحل الامثل .. او على الاقل خالص تجنب الجدال معهم اذا لم يكن لدينا صبر او طاقه للرد .. انما بصراحه دى طريقه مؤلمه جدا فى التعامل وتزعل بجد انا باقول لكم كده لان لى احدى الصديقات مزاجها عصبى شويه .. وده بيخليها تفقد اصدقاءها بسرعه رغم انها فعلا طيبه وحنونه جدا .. كلمتنى فى التليفون يوم الخميس وهى فى قمة الزعل لان زملاءها فى الشغل شدوا معاها وبعدين حاول البعض اصلاح الامر بينهم فما كان من هؤلاء الزملاء الا ان بدئوا فى حديث من نوعية "ماتتعبوش نفسكم .. مفيش فايده" وكلام يفهم منه انه تلميح على هذه الصديقه بينما لا احد يريد ان يواجه ويستسهل القاء الكلام على الغير وده شئ مؤلم فعلا .. مع تحياتى ويا ريت ماتزعلوش

[DARWEEN]

خلاص يا سوس خلاص يا أمير قلبوكوا أبيض يا جدعان مش كده ....

خلاص يا عم فارو أحنا هانحل المسكلة قريباً  إن شاء الله والأعضاء دول برضوا مننا وعلينا ودول ولادنا ... عمركوا شوفتوا حد بيرمي ولاده ؟ 

لازم نخلي قلوبنا بيضا وحلوه .....

يابو السيد أنا كنت باقول عليك طيب

(وش واحد فاهمك )