خبر عاجل

[فــيــروز]

قتل احد الجنود الامريكيين نمر بنغالى نادر فى حديقة الحيوان ببغداد بعد أن نهش النمر ذراع زميله .

اعلن كولن باول ان الجنود كانوا فى مهمة رسمية فى حديقة الحيوان للبحث عن اسلحة الدمار الشامل.

اعلن العقيد القذافى ان الجماهيرية مستعدة لدفع التعويضات المناسبة لذراع الجندى و كافة أعضاء جسمة ان لزم الامر.

توعد الرئيس الامريكى جورج بوش بالقصاص من كل النمور فى الغابات الأفريقية و الأسيوية و حذر قائلا ان الولايات المتحدة لن تقف معضوضة الأيدى.

اعلنت حكومة المملكة العربية السعودية انة لا يوجد نمور داخل اراضى المملكة و ان النمور لا تعيش فى الصحراء ولكنها تحقق اذا ما كان هناك نمور قد اتت للعمل بالمملكة بفيزا قرود.

أذاعت قناة الجزيرة شريط مسجل للشيخ اسامة بن لادن يهدد فية بالثأر للنمر الشهيد.

بكت الممثلة الفرنسية بيرجيت باردو على مقتل النمر مؤكدة بأن النمر حيوان رقيق يحبذ لمسات انثوية.

اعلن الحاكم المدني الاميركي على العراق بول بريمر في مقابلة مع صحيفة "الدايلي تلغراف" بأن النمر قد يكون ايرانى و ليس بنغالى.

صرح وزير خارجية قطر بأن دولة قطر على استعداد لمنح الجندى الذى فقد ذراعة الجنسية القطرية بشرط الإنضمام لمنتخب كرة اليد القطرى.

صرحت كونداليزا رايس بانها قد تقوم بزيارة خاطفة الى بنجلاديش لمعرفة العدد المتبقى من النمور البنغالية.

أرسل الرئيس بشار الأسد برقية تعزية الى الرئيس الأمريكى مؤكدا بأنة أسد و الأسود لا تتعاطف مع النمور.

اعلن عبد اللة اوغلو رئيس وزراء التركى بان تركيا لن ترسل جنودها الى العراق قبل الاطمئنان بأن كردستان العراقية خالية من النمور.

صرح محمد سعيد الصحاف قائلا أن النمر القتيل ليس من العلوج او الطراطير.

أعلنت منظمة نمور التاميل السيرلانكية ان النمر بنغالى الاصل و المنشأ و الولادة.

صرح الرئيس حسنى مبارك أن النمور الموجودة فى مصر نباتية لا تأكل اللحوم بسبب وضع الجنية.

اعلنت الحكومة الكويتية الحداد على ذراع الجندى المفقودة و نكست الاعلام.

صرحت الحكومة الأسبانية بأنها مستعدة للقبض على أى نمر و محاكمتة بتهمة التخابر مع القاعدة.

اشاد الرئيس صدام حسين بشجاعة النمر الشهيد و طالب من كل النمور و القرود و الأسود المقاومة حتى النصر.

اعلن رامسفيلد بأن الولايات المتحدة تبحث مع الحكومات الأفريقية و الأسيوية نقل جميع النمور الى غابات غوانتينامو لحمايتها من الأنقراض.

اعلن الرئيس ياسر عرفات بأن النمر شهيدا ..شهيدا ..شهيدا.

منقول

© Ozjan Yeshar

[Salwa]

كدة يافيروز... ؟

ضحكتى على...؟؟

انا كنت اقرأ ماكتبتيه ....وكنت مصدقاه.....علشان عارفة الجنان الرسمى بتاع بعض الحكام ...

وبعدين شعرت ان جرعة ..// العته //..زادت شوية ..

وبعدين عرفت انها ....مجرد دعابة .

حقيقة .....كل ده كان ممكن يحصل فى زمن العجايب.

حلوة....

سلامى.

[فــيــروز]

صدقينى حضرتك انا كمان ظننت المثل حين وصلتنى هذه الرساله على بريدى .. و شويه شويه حسيت انى بينضحك عليا :-) حلوه القافيه دى .. بس لقيت الخبر متوضب تمام :-) وانا اشجع اللعبه الحلوه

[Lighthouse]

يخرب عقلك يافيروز

حلوة حلوة حلوة بالتلاتة

انت طلعتي نمرة

[se_ Elsyed]

مية مية فى الجون يا فيروز .....

شوفتي أسلوبك فى الحياة اتغير غزاي من بعد دور في فيلم إحنا بتوع الاتوبيس .... هي دي النجومية التى تدفع للامام ( 4X4) مش دفع خلفي يعني

[حشيش]

حلوة يافيروز....لا أضحك الله سنك

[Lancelot]

إدوني فرصة أخلص ضحك علشان أرجع أقولكم إن ديه أحلي نكتة سمعتها من فترة طويلة .................

برافو يا فيروز ...

[فــيــروز]

ربنا يخليكم كلكم و يسعد اوقاتكم يا رب

فى الحقيقه انا سعيده جدا ان الخبر عجبكم

وطبعا لا استطيع ان ادعى انى من صاغ هذا الخبر بل هو من كتابة صديق عزيز حرصت على ترك اسمه فى آخر الخبر عشان حقوق الملكيه الفكريه :-)

انا سعيده جدا يا س.س ان اسلوبى فى الحياه اخيرا اتغير :-) الواحد لازم يغير حياته كل ميت سنه بردو

لايت .. الايموشنز بتعاتك بجد هى اللى نمره .. بافضل مستنيه تخلص الفعل اللى بتمثله وافضل اضحك :-)

حشيش باشا .. فى الحقيقه يشرفنى جدا انى ابعت حاجه تضحكك عشان تقريبا كل تعليقاتك فى اى موضوع بتضحكنى لدرجه مخيفه :-)

لانس .. ايه اخبار نيمو؟ شفته ولا لسه !!

[Lancelot]

لانس .. ايه اخبار نيمو؟ شفته ولا لسه

دورت في أربعة قواميس مختلفة في 8 لغات متعددة ... يعني 32 كتاب علشان نتعرف علي الأخ نيمو السالف ذكره ....

يكونش قصدك الفيلم بتاع السمكة الكبيرة و السمكة التانية الصغيرة ... و فيه سمك تاني كده كتير ... (كفاية علشان جعت) ...

لا ما شفتوش .... أنا مش بأحب أفلام العيال الصغيرة ديه .... ماعدا توم و جيري و كابتن ماجد و عالم سمسم و مازنجر و جريندايزر و الجميلة و الوحش و ليون كينج و ...... فاضيين و لا وراكوا حاجة ....

[Lighthouse]

لا ما شفتوش .... أنا مش بأحب أفلام العيال الصغيرة ديه .... ماعدا توم و جيري و كابتن ماجد و عالم سمسم و مازنجر و جريندايزر و الجميلة و الوحش و ليون كينج و ...... فاضيين و لا وراكوا حاجة ....

 

 

لا لا لا

اسحبها فورا يالانس

انا شفت فيلم نيمو وكان فيلم جميل جدا مش بس القصة ولكن المؤثرات والموسيقى وكل حاجة . فيلم رائع بمعنى الكلمة

اسحبها فورا والا مش ح يحصل لك كويس

ماحدش ح يحوش عنك

هااااااا قلت ايه

[DARWEEN]

انت طلعتي نمرة  

هي طلعت نمره كام ؟؟؟؟؟؟

( وش واحد مسطوووووووووووووول )

لأ بجد حلوه يا فيروز ....

شفتي اللي سي السيد بيرضى عليه ربنا بيكرمه أزاي ...

خلاص خلصتي النكته ... يالله عالقفص هاهاهاهاهاهاااااااااااا

مدام سلوى .... وحشتيناااااااااااااااااااااااااا

[Lancelot]

لا لا لا 

اسحبها فورا يالانس

يعني أسحبها يا أستاذة إنتي .... أنا رجل ذو مبادئ و ألتزم بكلمتي ....

و عن إذنكم بقي علشان أروح أشوف فيه تذاكر للفيلم ده و لا لأ ...

[Salwa]

اخى الفاضل داروين..

ربنا يخليكم ويبارك فيكم ...

انا كل ما الاقى وقت ...اخطف نفسى وآجى اتمتع بكلامكم الجميل ...

وده برضه مايمنعش انى ......ادخل فى /مناقشة / خد بالك ...مش مشادة ....مع احد الاخوة ...

وعلى فكرة ......

انا برضه مثلك .....احيانا اتوقع الاجابات ......وانسحب .....

خصوصا لما تلاقى اللى امامك .../ خالف تعرف/..

والناس على دين اباءها ....

سلامى.

[Cleo]

حلوة موووووووووووووووووووووووووووووووووووووووووووووت