الحياة و العمل في الامارات

[mohandis madanyy]

اهلا بيكم, أنا لسا عضو جديد في منتداكم, يعني منتدى كويس بيجمع المصريين مع بعض في الغربة, اعرفكم على نفسي انا مهندس مدني مصري مقيم في أبوظبي من 12 سنة و بشتغل في بلدية أبوظبي, لو اي حد عنده استفسارات بخصوص الحياة في الامارات و التاشيرات و الاسعار و المرتبات و قوانين العمل و الكفيل انا حاضر, حرد على استفساراتكم بالتفصيل.

تم تعديل 9 مايو 2009 بواسطة mohandis madanyy

[samooo]

السلام عليكم...

اولا شكرا لك على موضوعك

انا لسة جا ى من الامارت ..كنت بفيزا زيارة وادور على شغل من دبى لابو ظبى ...لكن للاسف البلد مكنتشى مساعدة الواحد فى ظل الازمة الاقتصادية ....وعملت فعلا انترفيوهات كتيرة ..اخرها كانت فى شركة القدرة للادارة الرياضية ...بس الحمد لله على كل شىء ..وشكرا على موضوعك:rolleyes:

[mama nona]

اهلا بيكم, أنا لسا عضو جديد في منتداكم, يعني منتدى كويس بيجمع المصريين مع بعض في الغربة, اعرفكم على نفسي انا مهندس مدني مصري مقيم في أبوظبي من 12 سنة و بشتغل في بلدية أبوظبي, لو اي حد عنده استفسارات بخصوص الحياة في الامارات و التاشيرات و الاسعار و المرتبات و قوانين العمل و الكفيل انا حاضر, حرد على استفساراتكم بالتفصيل.

اهلا بمشاركة حضرتك معانا واحب تنضم الى رابطة مغتربى الامارات بدل ما نتشتت هنا وهنا

عالعموم اهلا بيك عضو مع المغتربين واحب استوضح منك عن شركة ديوا اكيد طبعا حضرتك عارفها ايه مميزاتها وعيوبها وايه هو سلم الرواتب علما انهم قالو فالاعلان ان المهندس ال خبرته3-5 سنوات هيكون مساعد مهندس يعنى هيكون راتبه فحدود كام لمهندس وقاية خبرة 4 سنوات وهل بيدو بدلات ولابيوفرو السكن والمواصلات

وشكرا

[LionHeart]

السلام عليكم

أحب من حضرتك أعرف الحياة شكلها ايه فى أبو ظبى و ايه متوسط الأسعار بالنسبة لشخص واحد عشان أنا المفروض هسافر لوحدى لمدة 4 شهور و بعد كده هاجيب مراتى و ابنى أنشاء الله

لو تكرمت يا سيدى بيان الأتى(مستقبلياً هاكون انا و مراتى و طفل رضيع انشاء الله)

1- المصاريف الشهرية (أكل - مواصلات - انترنت - اتصالات)

2- أسعار الشقق غرفة او غرفتين داخل أبو ظبى(سنوياً) .

3- أسعار السيارات و هل الواحد يشترى مستعمل و لا زيرو.

4- هل الملابس أرخص من مصر و لا أغلى.

5- أجهزة اللاب توب أرخص من مصر و لا ايه.

أعزرنى عشان انا عندى اسئلة و مش عارف الاقى أجابة و عايز أجهز نفسى للسفر و محتاج أعرف حاجات كتير

و متأسف للأطالة

[مهندس رامي]

الاخ مهندس مدني تحية طيبة بعد

لي استفسار لو تكرمت بدون تكليف ان استطعت ان تفيدني

عملت مقابلة مع شركة تيسان في اب ظبي منذ حوالي ثلاثة شهور وابلغني الذى قبلني وهو مهندس مصري بانهم سوف يدون بعد شهر ومر ثلاثة

المكتب اللي عملت المقابلة عن طريقة افادني بانهم لم يردو وفي الانتظار

مارايك في ذلك ولو في معلومات عن الشركةهي توكيل نيسان للسيارات ومستوي رواتبها او اي شىء عنها اكون شاكر مع العلم ان مهندس ميكانيكا

سلامي

[hany fraag]

thank you very much

[الكريم]

اخي العزيز شكرا لك علي مجهدوك و مرحبا بك انا ان شاء الله ساحضر لابوظبي علي مستشفى المفرق و كنت عاوز اسالك عن المدارس انا لا ادري هل اللغات كويسه و ما اسماء افضل المدارس وشكرا لك

[mohandes madany]

اهلا بيكم تاني, الاخ ليون هيرت بالنسبة للمصاريف, نبدأ بالاكل لو كنت لوحدك في أبوظبي أو دبي تحتاج اقل حاجة حوالي 500 -600 درهم اكل في الشهر , اما لو كنت مع مراتك بدون اطفال ححتاجوا مصاريف الاكل حوالي 1000 - 1500 درهم في الشهر , بالنسبة للمواصلات ده بيعتمد يعني لو بتستخدم التاكسي من مكان لمكان في المتوسط حوالي 20 درهم من الشغل للبيت ومن البيت للشغل في اليوم يعني حوالي 600 درهم في الشهر، لكن لو اخدت االاوتوبيس و هو الارخص حتدفع حوالي 3 دراهم تذكرة يومية شامل جميع المناطق في ابوظبي بدون حدود لمدة يوم واحد و في الشهر يبقى مصاريف الاوتوبيس حتكون 120 درهم لو لوحدك بس الاوتوبيس زحمة قوي و منصحكش تستخدمه كله هنود و قرف و زحمة هنود و مش حتلاقي مكان تقعد فيه الا نادرا, بالنسبة لو عندك سيارة و رخصة اماراتية حتبقى مصاريف البترول حوالي 600 درهم في المتوسط و ده بيعتمد على كم مكان حتروح في السيارة , يعني من الشغل للبيت مصاريف البنزين حتكون حوالي 400 درهم في الشهر ولو فسح و كدا حوالي 600 درهم في المتوسط في الشهر, اسعار السيارات هنا معقولة جدا عشان مفيش جمارك و لا ضرايب زي مصر, يعني ممكن تشتري سيارة جديدة بتمويل من البنك و تدفع الاقساط حوالي 1500 درهم في الشهر او تشتري سيارة مستعملة بحدود 15 الف درهم في الشهر موديل 2001 -2003 زي كدا يعني, و الرخصة هنا مش صعبة, و ده بيعتمد على سواقتك, اما بالنسبة للملابس اسعارها معقولة, و اللابتوب الجديد حوالي 2500- 3000 درهم و المستعمل حوالي 1500 درهم, الحاجة الوحيدة الغالية اوي نار هي السكن و السكن عايز رد خاص لوحده عشان هو معقد اوي .

تم تعديل 10 مايو 2009 بواسطة mohandes madany

[mohandes madany]

بالنسبة للأخ ماما نونا, مرتبات المهندسيين هما بتختلف من شركة لشركة, يعني لو كانت الشركة حكومية او قطاع عام المرتبات تبقى كويسة من 9 الاف درهم - 15 الف درهم في الشهر بس الشركات الخاصة او القطاع الخاص زي شركة ديوا حتكون المرتبات من 5000 - 8000 درهم في الشهر و ساعات الدوام في شركات القطاع الخاص تكون طويلة نسبيا يعني تبدأ حوالي الساعه 8 الصبح لحد الساعه 1 الظهر و بعدين فترة استراحة ساعتين و بعدين يكمل الدوام من 3 لحد 8 او 8 و نص في الليل يوميا ما عدا الجمعة, اما القطاع العام بيكون دوامه كويس من 8 الصبح لحد 3 الظهر بس, اما بخصوص السكن و المواصلات اغلب الشركات هنا سوا كانت خاصة او حكومية لا توفر سكن و لا مواصلات بس المرتب مع البدلات , و نادر جدا الشركة توفر سكن يعني 99% من الشركات هنا لا توفر سكن و لا مواصلات.

تم تعديل 10 مايو 2009 بواسطة mohandes madany

[المر]

السلام عليكم و رحمة الله و بركاته

الاخوه المغتربين بالامارات

انا عندى استفسار عن مستشفى العين فى مدينة العين. لانى جالى عرض للعمل فى المستشفى. و بالنسبة للايجارات هل هى مرتفعه و لا معتدلة. و بالنسبة

للمدارس الابتدائية هل توجد مدارس دولية و لا حكومية و مصاريفها غالية و لا لآ.

جزاكم الله كل خير

[mohandes madany]

اخ مر, بالنسبة لمدينةالعين ده بيعتند على مرتبك الا في العقد يعني لو منخفض ما ينفعش تعيش هناك مع مراتك و عيالك, اما بالنسبة للمدارس هما نوعين , مدارس خاصة و تدرس تعليم كويس جدا و كل المواد باللغلة الانجليزية و دي غالية جدا اسعارها نار, وو النوع التاني هي المدارس الحكومية و اسعارها بسيطة لكنها تدرس كل المواد بالعربي و مستوى التعليم مش الا هو يعني يمشي الحال, اما اسعار السكن فهي غالية جدا , و مينفعش تجيب مراتك و عيالك على طول عشان السكن غالي بس لوحدك ممكن.

[LionHeart]

شكراً أخ مهندس مدنى , بس هل الواحد يسكن يفكر يسكن فى خليفة أ و لا هيه بعيد عن وسط أبو ظبى , لانى شوفت الأسعار و السكن هناك ممكن يناسبنى ايه رأيك فى الموضوع ده انصحنى و ربنا يخليك لينا بجد :lol:

[taymour]

معلومات هايلة متشكرين يا مهندس مدني

عندي استفسار بالنسبة للتأشيرات اللي كل يوم في حال, دلوقتي وكالة ساتا الشارقة لغت تأشيرات الزيارة لغير الأقارب و البديل سياحة (30يوم تجدد) فهل لو جيت سياحة ممكن تحويلها الى عمل أم لازم تخرج برة البلد لمدة 30 يوم؟ في ناس بتقول تخرج و ترجع (مش شرط 30 يوم)؟ أنا صيدلاني و معايا تراخيص الامارات ام+دي (دايرة الصحة و الوزارة)

[engmido]

الاخ مهندس مدنى بعد التحية اخوك مهندس كهرباء مصرى ولديه عرض فى ديوا ( هيئة كهرباء ومياه دبى) يعنى حكومة ...ازاى حضرتك قلت انها خاص

ارجو التوضيح اذا سمحت :lol:

وشكرا لك اخى

[mohandes madany]

شكراً أخ مهندس مدنى , بس هل الواحد يسكن يفكر يسكن فى خليفة أ و لا هيه بعيد عن وسط أبو ظبى , لانى شوفت الأسعار و السكن هناك ممكن يناسبنى ايه رأيك فى الموضوع ده انصحنى و ربنا يخليك لينا بجد :lol:

اهلا بيك اخ ليون هيرت, حديك اول نبذه ان اسعار الشقق في أبوظبي, الغرفة الوحدة بس 3000 درهم في الشهر في المتوسط , يعني لو حضرتك اخدت غرفة لوحدك في وسط المدينة حتدفع 3000 درهم في الشهر للمؤجر و حيكون معاك في الشقة شباب تانيين بيشاركوك ايجار الشقة و بيسكنوا معاك في الشقة , و لو اخدت غرفة و معاك واحد بيشاركك الغرفة يبقى تدفع النص يعني 1500 درهم في الشهر , و لو اخدت 2 معاك بيسكنوا معاك في الغرفة يبقى تدفع الثلث يعني تدفع الف درهم في الشهر و الحد الاقصى لعدد الاشخاص المسموح فيه في الغرفة هو اربعه اشخاص, اما لو اخدت شقة لوحدك في وسط المدينة و ده صعبة جدا و مستحيل حتدفع حوالي 9 الاف درهم في الشهر , و هنا 80% من سكان ابوظبي و دبي بيسطنوا في شقق مشتركة و نادرا ما تلاقي واحد بيسكن في شقة لوحده ( شخص بياخد على الاقل 30 الف درهم في الشهر) و ده نادر جدا جدا, و طبعا السكن المشترك مش مريح خالص يعني ازعاج من الشباب الا بيسكنوا معاك في الشقة و انعدام الخصوصية , اما بخصوص مدينة خليفة (أ) فهي بتبعد عن أبوظبي حوالي نص ساعه ( تبعد حوالي 40 كيلو متر عن المدينة) و طبعا بدون ما يكون عندك عربية حيبقى سعب جدا تروح من السكن للشغل و العكس عشان مفبش مواصلات تروح هناك الا التاكسي و التاكسي غالي جدا من ابوظبي لمدينة خليفة أ حوالي 100 درهم روحة و جيه , و الاسعار هناك ارخص بحوالي 35% - 40% بس بدون عربية صعبة جدا و بعدين عشان تلاقي سكن برع ابوظبي حتاخد على الاقل شهر - لشهرين عشان تلاقي السكن هناك عشان هو مليان اما داخل المدينة عشان تلاقي سكن حياخدلك عدة ايام

[mohandes madany]

الاخ مهندس مدنى بعد التحية اخوك مهندس كهرباء مصرى ولديه عرض فى ديوا ( هيئة كهرباء ومياه دبى) يعنى حكومة ...ازاى حضرتك قلت انها خاص

ارجو التوضيح اذا سمحت :lol:

وشكرا لك اخى

اهلا بيك اخ انديجمو , انا افمرت بتقلي وكالة ديوا للسيارات , عشان هيئة كهرباء و مياه دبي اسمها أدوية مش ديوا و في فرق بين الاثنين الاول حكومي و التاي عبارة عن وكالة سيارات , عشان كدا احفط اسمه الهيئة كويس اسمها اختصارا "أدوية" مش " ديوا" يا باشا , طبعا بالنسبة لأدوية بيعتمد على شهادتك و مرتبك عشان اقدر افيدك لو حينفع تعيش هنا و لا لا و كمان مدة العقد و اي تفاصيل مهمة.

تم تعديل 11 مايو 2009 بواسطة mohandes madany

[engmido]

لا ياباشا ازاى......... :lol: مع عميق احترامى لسيادتك يا اخ مهندس مدنى

ديوا (dewa) هى هيئة كهرباء ومياه دبى Dubai Electricity & Water Authority

اديوا (ADEWA) هيئة كهرباء ومياه ابو ظبىAbu Dhabi Electricity & Water Authority وممكن تتاكد بنفسك من الموقع www.dewa.org.ae

المهم طبعا ليس هذا المهم .........

المهم ياباشا رايك فى اسعار الشقق والمواصلات داخل دبى اذا لم تتوافر سيارة لاسرة انا وزوجتى فقط (ليس معنا اطفال)

عايز بيان شامل من كله للحياة وجميع المصروفات الشهرية واقل راتب يغطى طبعا المصاريفى وطبعا ان امكن شوية تحويش

[mohandes madany]

لا ياباشا ازاى......... :rolleyes: مع عميق احترامى لسيادتك يا اخ مهندس مدنى

ديوا (dewa) هى هيئة كهرباء ومياه دبى Dubai Electricity & Water Authority

اديوا (ADEWA) هيئة كهرباء ومياه ابو ظبىAbu Dhabi Electricity & Water Authority وممكن تتاكد بنفسك من الموقع www.dewa.org.ae

المهم طبعا ليس هذا المهم .........

المهم ياباشا رايك فى اسعار الشقق والمواصلات داخل دبى اذا لم تتوافر سيارة لاسرة انا وزوجتى فقط (ليس معنا اطفال)

عايز بيان شامل من كله للحياة وجميع المصروفات الشهرية واقل راتب يغطى طبعا المصاريفى وطبعا ان امكن شوية تحويش :lol:

لوووووول شكلي لخبطت فعلا كلامك صح, لما كنت بكتب الموضوع كنت نعسان اوي و مركستش في المسمى, ايوا صح ادويا هي هيئة كهرباء ابوظبي و ديوا هي هيئة كهرباء دبي فعلا , بس في وكالة سيارات كورية اسمها قريب من ديوا عشان كدا من الافضل تكتب هيئة كهرباء دبي عشان ملخبطش ,بس مقلتليش المرتب في العقد كم؟ و ايه هي الشهادات الا عندك بالتفصيل عشان اقدر افيدك ,و على فكرة عشان ديوا تاخد شهادتك بعين الاعتبار من الافضل تصديقها في مصر و لما تجي هنا الامارات تصدقها في وزارة الخارجية في أبوظبي و التصديق مش حياخد اكتر من عدة ايام و بعدها تكون شهادتك معترف فيها في الامارات و تستلمها من وزارة الخارجية في أبوظبي, أما بالنسبة لاسعار الشقق في دبي هي قريبة لأسعار الشقق في دبي و لو تلاحط انا كتب فوق اسعار الشقق, ما علينا حكتبها مرة تانية, بالنسبة لاسعار الشقق في دبي مرتفعة جدا جدا و في ابوظبي كمان و انا مش عاوز احبطك, الشقة غرفتين نوم و صالة حوالي 10 الاف درهم في الشهر في المتوسط , اما سدوديو بس لوحده 5000 درهم في الشهر في المتوسط , اما لو اخدت غرفة وحدة في شقة مشتركة تتكون من 3 غرف الغرفة الوحدة 3000 درهم في المتوسط في الشهر يعين انتا و مراتك حستسكنوا مع عايلتين كل عايلة غرفة , و طبعا مش حتاخدوا راحتكم خالص , شعب تلاقي سكن ستوديو الا هو 5000 الاف درهم في الشهر في المتوسط عشان كدا صعب تجيب مراتك الا لو مرتب اقل حاجة 15 الف درهم و لو اقل من كدا مينفعش لازم تجي لوحدك ,قبل ما اكمل قلي رأيك في السكن و ازاي حتبدر سكن.

[Alshiekh]

لا ياباشا ازاى......... :rolleyes: مع عميق احترامى لسيادتك يا اخ مهندس مدنى

ديوا (dewa) هى هيئة كهرباء ومياه دبى Dubai Electricity & Water Authority

اديوا (ADEWA) هيئة كهرباء ومياه ابو ظبىAbu Dhabi Electricity & Water Authority وممكن تتاكد بنفسك من الموقع www.dewa.org.ae

المهم طبعا ليس هذا المهم .........

المهم ياباشا رايك فى اسعار الشقق والمواصلات داخل دبى اذا لم تتوافر سيارة لاسرة انا وزوجتى فقط (ليس معنا اطفال)

عايز بيان شامل من كله للحياة وجميع المصروفات الشهرية واقل راتب يغطى طبعا المصاريفى وطبعا ان امكن شوية تحويش :lol:

لوووووول شكلي لخبطت فعلا كلامك صح, لما كنت بكتب الموضوع كنت نعسان اوي و مركستش في المسمى, ايوا صح ادويا هي هيئة كهرباء ابوظبي و ديوا هي هيئة كهرباء دبي فعلا , بس في وكالة سيارات كورية اسمها قريب من ديوا عشان كدا من الافضل تكتب هيئة كهرباء دبي عشان ملخبطش ,بس مقلتليش المرتب في العقد كم؟ و ايه هي الشهادات الا عندك بالتفصيل عشان اقدر افيدك ,و على فكرة عشان ديوا تاخد شهادتك بعين الاعتبار من الافضل تصديقها في مصر و لما تجي هنا الامارات تصدقها في وزارة الخارجية في أبوظبي و التصديق مش حياخد اكتر من عدة ايام و بعدها تكون شهادتك معترف فيها في الامارات و تستلمها من وزارة الخارجية في أبوظبي, أما بالنسبة لاسعار الشقق في دبي هي قريبة لأسعار الشقق في دبي و لو تلاحط انا كتب فوق اسعار الشقق, ما علينا حكتبها مرة تانية, بالنسبة لاسعار الشقق في دبي مرتفعة جدا جدا و في ابوظبي كمان و انا مش عاوز احبطك, الشقة غرفتين نوم و صالة حوالي 10 الاف درهم في الشهر في المتوسط , اما سدوديو بس لوحده 5000 درهم في الشهر في المتوسط , اما لو اخدت غرفة وحدة في شقة مشتركة تتكون من 3 غرف الغرفة الوحدة 3000 درهم في المتوسط في الشهر يعين انتا و مراتك حستسكنوا مع عايلتين كل عايلة غرفة , و طبعا مش حتاخدوا راحتكم خالص , شعب تلاقي سكن ستوديو الا هو 5000 الاف درهم في الشهر في المتوسط عشان كدا صعب تجيب مراتك الا لو مرتب اقل حاجة 15 الف درهم و لو اقل من كدا مينفعش لازم تجي لوحدك ,قبل ما اكمل قلي رأيك في السكن و ازاي حتبدر سكن.

الفاضل / مهندس مدنى

بدون حساسيات ، ياريت تقول لنا انت مهندس مدنى فى ايه بالضبط؟ وارجو ان مايكونش فى التراكس

واضح من كل مداخلاتك ان كل الردود ماشية على نظام " فى واحد حاتشوفه النهاردة ، الواحد ده لابس شراب ، ممكن يكون ماشى او قاعد ، او راكب ، راكب ايه ، يمكن عربية او عجلة "

يا أخى الفاضل بلاش استخفاف بالناس ، لان واضح من كلامك ان معلوماتك عن الامارات اقل من معلومات واحد هندى عن كفر المصيلحة "

وياريت ترتقى لمستوى المسئولية لان الناس اللى بتسجل فى محاورات المصريين كلهم ناس محترمين ويفترضون المصداقية فى كل مايكتب هنا فياريت بلاش استخفاف اكثر من كده .وبالمناسبة دخولك متخفى من وراء بروكسى مش حايعمل منك بطل او شخصية مهمة.

[mohandes madany]

اهلا بيك يا مشرفنا الفاضل , انا مستغرب من الكلام الا انتا كاتبه ليا في المنتدى!!!!! انا سجلت في المنتدى الجميل ده الا بيجمع المصريين مع بعض و بدل ما ترحب فيني تتهجم علي بكلام غريب, و بتقولي اني معلوماتي غلط و من الكلام ده!!!!!!!! انا مش فاهم فيه ايه؟؟؟؟ انا لسا جديد في المندتى و حبيت اساعد الاعضاء و للاسف بلقى كلام وحش زي كدا, على العموم سيدي الفاضل لو مش عايزني في المنتدى انا حنسحب و لا اسمع الكلام الا حضرتك بتقوله و ألف شكر . و انا على فكرة معرفش مين الا بتتكلم عنه, شكلك متلخبط مع عضو اسمه مشابه مع اسمي و الف شكر.