ياريت الي عنده معلومه عن موضوع التامين الصحي في السعوديه يضيفها هنا

[doha]

السلام عليكم ورحمة الله وبركاته ..

النهرده قابلتنا مشكلة اثناء استكمالنا لاجراءات الاقامة وهي مسالة التأمين الصحي ..

الشخص الي باع لنا التاشيرة لما سألناه عن خطوات استخراج الاقامة قال هاتوا اوراق كذا وكذا ومن ضمنها التامين الصحي ..

سألنا وعرفنا المكان الي المفروض نطلع منه التامين وذهب زوجي لهناك فطلبوا منه رقم صاحب العمل وماشابه عشان ينضاف على تامين الكفيل ..

كما هو متوقع اتضح ان الكفيل مش مأمن على حد من الي عنده .. قلنا طيب مش مشكلة ندفع احنا تامينا وتامين الجيران كمان بس نأمن عشان نستخرج الاقامة .. قالوالنا لاه مينفعش لازم تجيبوا اوراق كيت وكيت من الكفيل الي اصلا منعرفش شكله ايه ولا الي باع لنا التاشيرة راضي طبعا يعرفنا بيه يجوز خايف نكلمه في فلوس دفعناها او شيء .. ماعلينا ..

المهم دلوقت الوضع احنا مش عارفين .. ناس بتقول تعملوا اقامتكم عادي بدون اي تامينات ..

ناس تانية بتقول لازم التامين عشان تستكملوا الاجراءات .

ناس تالته وهي شركة التامين بتقول بوضعنا الحالي وحتى لو جبنا الاوراق من الكفيل هيكلفنا التأمين كأسرة من اب وام وطفلة مبلغ اربع الاف ريال مقدما كده وياعالم ايه بعد ذلك ..

فسؤال دلوقت لذوي الخبرة .. هل موضوع التامين بالشكل ده اصبح معقد اننا كأفراد ممكن نأمن لوحدنا حتى لو تعهدنا بكل المصاريف ؟

وهل الحكايه مستاهلة في الآخر ولا فعلا ممكن ننزنق لو مأمناش .. طيب ولو امنا ماهي المنفعه المتوقعه يعني هيعملوا لنا تخفيض جامد في المراكز الصحية الخاصة ولا تخفيض اي كلام ولا هيقتصر علاجنا على مكان معين دون غيره ولا ولا ..

ياريت الي مأمن قبل كده يفيدنا بما عنده واي معلومه عندكم عن التامين ياريت تحطوها هنا عشان يبقى مرجع لكل من تسول له نفسه يعمل عملتنا ويطلع السعوديه على فيزا حرة كفيله فيها غاسل ايده من كل شيء الهم الا قبض المعلوم في نهايه كل سنة .. يعني عشان يبقى على نور من اولها ..

[خالد شحاته]

السلام عليكم ورحمة الله وبركاته ..

النهرده قابلتنا مشكلة اثناء استكمالنا لاجراءات الاقامة وهي مسالة التأمين الصحي ..

الشخص الي باع لنا التاشيرة لما سألناه عن خطوات استخراج الاقامة قال هاتوا اوراق كذا وكذا ومن ضمنها التامين الصحي ..

سألنا وعرفنا المكان الي المفروض نطلع منه التامين وذهب زوجي لهناك فطلبوا منه رقم صاحب العمل وماشابه عشان ينضاف على تامين الكفيل ..

كما هو متوقع اتضح ان الكفيل مش مأمن على حد من الي عنده .. قلنا طيب مش مشكلة ندفع احنا تامينا وتامين الجيران كمان بس نأمن عشان نستخرج الاقامة .. قالوالنا لاه مينفعش لازم تجيبوا اوراق كيت وكيت من الكفيل الي اصلا منعرفش شكله ايه ولا الي باع لنا التاشيرة راضي طبعا يعرفنا بيه يجوز خايف نكلمه في فلوس دفعناها او شيء .. ماعلينا ..

المهم دلوقت الوضع احنا مش عارفين .. ناس بتقول تعملوا اقامتكم عادي بدون اي تامينات ..

ناس تانية بتقول لازم التامين عشان تستكملوا الاجراءات .

ناس تالته وهي شركة التامين بتقول بوضعنا الحالي وحتى لو جبنا الاوراق من الكفيل هيكلفنا التأمين كأسرة من اب وام وطفلة مبلغ اربع الاف ريال مقدما كده وياعالم ايه بعد ذلك ..

فسؤال دلوقت لذوي الخبرة .. هل موضوع التامين بالشكل ده اصبح معقد اننا كأفراد ممكن نأمن لوحدنا حتى لو تعهدنا بكل المصاريف ؟

وهل الحكايه مستاهلة في الآخر ولا فعلا ممكن ننزنق لو مأمناش .. طيب ولو امنا ماهي المنفعه المتوقعه يعني هيعملوا لنا تخفيض جامد في المراكز الصحية الخاصة ولا تخفيض اي كلام ولا هيقتصر علاجنا على مكان معين دون غيره ولا ولا ..

ياريت الي مأمن قبل كده يفيدنا بما عنده واي معلومه عندكم عن التامين ياريت تحطوها هنا عشان يبقى مرجع لكل من تسول له نفسه يعمل عملتنا ويطلع السعوديه على فيزا حرة كفيله فيها غاسل ايده من كل شيء الهم الا قبض المعلوم في نهايه كل سنة .. يعني عشان يبقى على نور من اولها ..

السلام عليكم ورحمة الله وبركاته

الاخت الفاضله ايه الا مدخلك في وجع دماغ التامين التامين لزوجك فقط لان انتي وبنتك زياره مش لكي تامين

انما تامين زوجك 1021 ريال فقط لاغير وبيخالص في يومين المهم شي واحد هل فعلا الكفيل مطلوب عليه تامين ولا بيقول كدا علشان يستفيزكم هل الاقامه دخلت الجوازات ورجعت علشان تامين ولا كله كلام علشان تاخير الاقامه ولو انتم احترم في التامين سهل جداااا ومن غير اوراق كفيل

[doha]

جزاك الله كل خير اخي خالد على الرد

بالنسبة لموضوع التامين احنا رحنا من نفسنا عشان نخلص اوراقه عشان تكون جاهزه لاستخراج الاقامه لان سألنا ناس وقالوا لازم التامين لما راح زوجي لشركه التامين قالوا له الكفيل مش مأمن فاتصل بالشخص الي مفروض يخلص لنا اوراقنا عنده وهو سعودي من طرف الكفيل .. قال لاه مش لازم تامين هاتوا الورق بس بتاع الرسوم والجواز والكشف الصحي وانا اخلص الاقامة ..

الموظف قال لزوجي لو عاوز تامن ادفع الف رسوم واعمل لك تامين فردي عادي وقبل مايدفع له الفلوس دخل موظف تاني ورفض وقال لاه مينفعش نأمن كده لازم موافقة من الكفيل فتم اجهاض العملية ..

وبما ان زوجي كان واقف وقتها في الشركه فسألهم عن التامين قالوا له مبلغ في حدود الالف له والف للبنت والفين لي ده اذا حبينا نأمن لنفسنا .

وعشان كده انا بسال هل فعلا في فائده من التامين ده لاني كنت قرأت في المنتدى هنا على مااذكر ان لازم التامين والا لو قدر الله حد اصيب حتى الاسعاف مش هتسأل فيه لو معندوش تأمين وبرضه مش عارفه صحه المعلومه دي او متاكده منها للآن ..

بالنسبة لوضعي كزياره ايوه اناعارفه ان معنديش تامين بس انا مش هفضل زياره طول العمر باذن الله لما زوجي يطلع الاقامه هسافر وارجع كأقامه وساعتها هحتاج تأمين فانا بحسبها من الآن بس مش اكتر ..

مازال السؤال قائما .. هل التأمين هام ولا نطنش؟

تم تعديل 10 مايو 2009 بواسطة doha

[أبو غادة]

أختي الكريمة

التأمين أصبح إلزامي على صاحب العمل ، وبما أن صاحب العمل بايع التأشيرة فالله يعين العامل يدفع التأمين.

اختي الكريمة

إجراءات التأمين لدي شركة التعاونية وهي الأرخص تقريبا

خطاب من الكفيل بإضافة العامل .................... وجنسيته .............. ورقم إقامته ................. إلى مجلس الضمان الصحي والحصول على كرت تأمين.

+ صورة السجل التجاري + صورة الهوية الوطنية للكفيل + صورة إقامة وجواز العامل + دفع مبلغ التأمين وقيمته 990 ريال للعامل + 25 ريال تدفع مرة واحدة عند فتح البوليصة.

اختي الكريمة

أما فوائد التأمين فهي جيدة وكلما زاد مبلغ التأمين كلما كانت الفائدة أكبر ، وطبعا حتى الأن التأمين على العوائل ليس إلزامي ، ولكنه قريبا سيصبح كذلك

بالنسبة لزوجك

عليه أن يبحث عن كفيله وليس للتأمين فقط بل لكل شيء ، فلا يدع بينه وبين كفيله وسيط .

ملاحظة

هناك شركة تأمين (( اسمها السعودية الهندية للتأمين - وهي شركة وساطة مصرح لها بالعمل)) أعتقد أنهم يأخذون مبلغ 880 ريال ، كأرخص شركة يتصل عليهم ويشرح لهم الوضع ، ولكني أعتقد أن خطاب الكفيل لفتح (( بوليصة تأمين )) باسم مؤسسته ضروري جدا.

وفقكم الله

ويسر أمركم

[ياره]

بصي يا ضحي انا معرفش اي حاجه عن اللي سالتيه.......انا اعرف بس ان احنا التامين بتاعنا تبع شركة ميد غلف وبنتي تعبت رحنا بيها السعودي الالماني وماا

درااكي ما السعودي الالماني كشفنا عليها عند استشاري كبير (رئيس القسم) وعملنا شوية تحاليل كتير كده وفي الاخر دفعنا 40 ريال 10 كشف و30 تحاليل يعني يا بلاش ....كان فيه واحده معايا كانت بتعمل تحاليل دفعت 5 ريال .........يعني بعد كده الواحد يتعب وضميره مستريح((ربنا يبعد عنا جميعا الشر))))))) اه نسيت اقولك مصاريف متابعة الحمل والولاده تبع التامين بتبقي برضه اي كلام.........وعلي حد معلوماتي حضرتك ممكن تكشفي بالتامين في اي مستشفي

[خالد شحاته]

التامين كويس لقدر الله الانسان تعب ولا شي بيكون فيه تامين

بس التامين الا انا قولت عليه فائه رابعه علشان الانسان يكشف للازم يروح مستوصف والمستوصف لو الحاله صعبه يتحول الي مستشفي عن طريق مستوصف بمعني متقدريش تروحي مستشفي مباشر بتامين الفائه الرابعه انما في تامين v i b وطبعا ده غالي

بس مشاء الله ممتاز جدااا انما الاحسن الان ان زوجك يتطلع الاقامه وبعد ما ربنا يسهل ويشتغل وممكن ينقل كفاله علي عمل بكدا العمل مجبور يامن اجباري عليه وعليكم جميعا لما ترجعي مقيمه وقيمه زاي ماقولت 1021 ريال ده لو هتفتح وثيقه تامين باسم الكفيل تامين 996ريال ووثيقه 25 ريال هو ده مبلغ التامين العادي انما الشخص الا طلب 1000 ريال هيضاف زوجك علي وثيقه اخري مش تابع الكفيل وبكد صعب زوجك يتعالج لو فيه شي لقدر الله وربنا يبعد عنا الامراض جميعااااااااااااااا

[خالد شحاته]

بصي يا ضحي انا معرفش اي حاجه عن اللي سالتيه.......انا اعرف بس ان احنا التامين بتاعنا تبع شركة ميد غلف وبنتي تعبت رحنا بيها السعودي الالماني وماا

درااكي ما السعودي الالماني كشفنا عليها عند استشاري كبير (رئيس القسم) وعملنا شوية تحاليل كتير كده وفي الاخر دفعنا 40 ريال 10 كشف و30 تحاليل يعني يا بلاش ....كان فيه واحده معايا كانت بتعمل تحاليل دفعت 5 ريال .........يعني بعد كده الواحد يتعب وضميره مستريح((ربنا يبعد عنا جميعا الشر))))))) اه نسيت اقولك مصاريف متابعة الحمل والولاده تبع التامين بتبقي برضه اي كلام.........وعلي حد معلوماتي حضرتك ممكن تكشفي بالتامين في اي مستشفي

الاخت ياره لان التامين بتاعكم تابع الشركه انما التامين للاخت ضحي الان هيكون علي حساب نفسها

[doha]

شكرا لكم اخوتي جميعا على الرد وبارك الله فيكم ..

خلاص يبقى الرأي السديد هو كما قلتم ان نصبر لما ربنا يفرجها وزوجي يلاقي شغل في مكان محترم يأمن عليها وساعتها نستفيد من التامين زي ماالاخت ياره قالت فعلا لو الاسعار دي في السعودي الالماني يبقى التأمين ده شيء كويس جدا لاني سامعه سمع خير ان السعودي الالماني غالي جدا فطالما ده سعره بعد التأمين يبقى التأمين افضل ..

ربنا يسهل .. دعواتكم ..

[se_ Elsyed]

نظام التأمين الصحي الجديد الذي تم تطبيقة بداية من عام 2006 له حد أدنى في التغطية والمنافع وليس له حد أقصى

بمعنى إن كل مؤسسة دلوقت لو عندها عامل أجنبي واحد فمجبرة إنها تأمن عليه - تخيلوا الموظفين السعوديين بره الموضوع وبيقولوا يروحوا يتعالجوا في مستشفيات الحكومة اللي ممكن لو راح يشكف على ودانه فبياخد موعد بعد 3 شهور تكون ودانه دبلت ووقعت لوحدها من الزحمة والضغط على تلك المستشفيات ؟ -

ولو شركة تحايلت على الموضوع ده فبتتعرض لعقوبات .. والحمد لله الغالبية بتتحايل ولسه ما عاقبوش حد اللهم إلا قرصة ودن لبعض شركات التأمين اللي بتشتغل تأمين شنكوتي الغرض منه تجديد الإقامة وبيسموه - فتح النظام - يعني يلهف من حضرتك 600 ريال لمجرد إنه يضيفك في التأمين لمدة 24 ساعة تجدد فيهم الإقامه ويقوم حذفك تاني ... ومن الشركات اللي إتعرضت للقرصة دي واخدت إنذار .. شركة التعاونية بكبر حجمها ... واعرف ناس شخصياً ومنهم أصدقاء لي في شكرة التأمين الأهلية بيعملوا شغل نار وفلوس بالعبيط مقابل لا شيء ويقول لي لو عندك زياين إبعت لنا نفتح لهم النظام :lol: ...

والمفروض إن هناك هيئة مستقلة تراقب وتنظم الموضوع ده إسمها " مجلس الضمان الصحي "

ده الموقع بتاعهم

http://www.cchi.gov.sa/Pages/default.aspx

الحد الادنى بيكون في التغطيات التأمينية

بمعنى .. حد التغطية السنوية وبيبقى 200 ألف ريال لجميع الأمراض بما فيها المستعصية والحمل والولادة والأسنان - لها حد معين - والنظر بما فيها عمل عدسة نظارة وفريم مره في السنة ولها حد معين أيضاً

طب الكاتيجوريز بتاعت التأمين بتيجي منين ؟

ج : مجلس الضمان الصحي لم يفرض شبكة مستشفيات معينة على الشركات أو المؤسسات .. يعني ممكن شركتك تأمن عليك في مستوصف ام عبدو للأمراض الحلوه اللي موجود تحت بير سلم بيت قديم في البطحا .. وهاتقبل وإنت ساكت ..

وليس هناك سعر محدد للتأمين

وبالتالي معظم الشركات بتعمل إيه بقى .. بتروح لمه العمال والناس اللي تحت وعامله لهم كاتيجوري فيه مستوصفات متعدده ومستشفى واحده للتنويم في حالة العمليات وغالباً بتبقى شنكوتي برضوا ... بصراحة إحنا بنعمل كده والراس الواحده بتكلفنا 700 ريال سنوياً ...

نسيت اقول إن بقوة النظام هناك 20 % مبلغ تحمل عند كل زيارة بحد أقصى 100 ريال يدفعها المريض .. يعني بالبلدي روحت كشفت في مستوصف أم عبدو .. وخدت شوية دوا على كام تحليل على أشاعتين غراميتين وكل ده إتكلف 400 ريال مثلاً يبقى كل ده هايكلفك 80 ريال ... والعمليات بما فيها الولاده ليس لها مبلغ تحمل يعني فري ..

بس في حاجه الواحد يخلي باله منها وهي

أنا بأبقى تبع شركة تأمين .. وكل شركات التأمين لهم معاملة وخصم خاص في المستشفيات .. يعني في غالبية المستشفيات كشف الأستشاري 100 ريال .. وأنا مش زبون طياري .. أنا جاي تبع شركة .. يبقى لازم استفيد بالخصم اللي بيصل إلى 40 % .. يعني المفروض المستشفى تحاسبني على 60 ريال * 20 % يعني تاخد مني 12 ريال

وبصراحة هما علموا مبلغ التحمل ده عشان لو مافيش مبلغ تحمل بيقرص المريض فكل واحد حواجبه توجعه هايجري عالمستشفى ويخسر شركة التأمين الجلد والسقط .. بيسموه abuse أو سوء إستخدام .. بصراحه في ناس كده وإن ماكانش في حاجه تفرملهم .. تلاقيه رايح يصيف في المستشفى وبيقضي أفضل أوقات فراغه هناك حيث رائحة البنج والديتول وضرب الحقن ..

نيجي لكاتيجوري تانية وهما الموظفين العاديين .. وبنختار لهم شبكة معقولة فيها 4 أو 6 مستشفيات محترمة في كل منطقة والعديد من المستوصفات ..

ونيجي للمدراء .. وبنختار مستشفيات أعلى ..

ونيجي بقى للـ VIP ودول المفروض المستشفى هي اللي تروح لهم البيت تدلعهم :lol: وتطمن على صحتهم

لكن التغطية السنوية الإجمالية اللي هي المبلغ الكبير أبو 200 ألف ده تقريباً بيبقى ثابت ..

لكن

الأسنان بتبدأ من 2000 ريال سنوياً إلى 3500 حسب الكاتيجوري

الولادة الطبيعية من 4000 إلى 12 ألف

بس خلوا بالكم الولادة القيصرية بتبقى من ضمن الـ 200 ألف ..

لكن مره كنت قاعد مع مدير شركة ميد جلف وهو لبناني فبيقولي خلي بالك يا س س .. لو الست هي اللي اختارت موعد الولاده القيصرية بالذات فبترجع للحد الادنى اللي هو 12 ألف .. فقلت له إزاي عدم اللامؤخذه هي رايحه عند الخياطة عشان تحدد الميعاد ؟

فقال لي : عندك مراتي يا سيدي .. حامل دلوقت .. وبتكبر الجمجمة وبتخاف من ألم الولادة الطبيعية فقالت أنا هاولد قيصري يا توتو ... و راحت محدده موعد معين في الشهر التاسع تولد فيه ويبقى موعد مميز يعني مثلاص زي 9/9/2009 الساعة 9 في الدور رقم 9 ... كدهوت يعني ... فقلت له إشي خيال يا ناس ... قلت له طب يا دكتور بدل ما المدام تتعب هي وتحمل وحركات .. ما تجيب واحده فلبينية أو سيرلانكية تشيل عنها الحمل ده بالمره واهو كله عشان صحة الزبون :lol: ؟

- عارفين بقى المستشفى الوحيده هنا في الرياض اللي بتتعنت مع المرضى وبتحاسبهم على السعر بدون خصم .. هو مستشفى الحمادي .. يعني الكشف 100 ريال .. يروح معاملك كإنك زبون جاي من الشارع وواخد منك 20 % بناءً على هذا السعر ..

- مافيش حاجة إسمها كرت تأمين له كل المستشفيات ... لإن ببساطة في بداية التعاقد مع شركة التأمين وبمجرد ما بتستلم الكرت .. بتروح شركة التأمين مبلغه كل المستشفيات اللي في الشبكة اللي الكاتيجوري بتاعتك تابعه لها بتفاصيل العقد بينك وبين شركة التأمين ...

التأمين مهم جداً جداً للاجانب .. لإن لا قدر الله ممكن تلاقي نفسك با إما مسجون أو مرمي على قارعة الطريق عشان ما معكش فلوس تتعالج .. أو لا قدر الله تعبت و الإسعاف أخدك ورماك مثلاً في مستشفى سليمان الحبيب - وللأسعاف الحق إنهم يودوك أي مستشفى حتى لو مش حكومي وإدفع يا معلم ... تيجي تفوق بقى تلاقي نفسك في أوضه شيك .. وقدامك شاشة إل سي دي فيفتي تو إشن عليها ماتشات الدوري الإنجليزي وقنوات شو تايم .... وتلاقي ممرضه حلوه وترد الروح للقلب العليل واقفه بتبتسم لك ومعاها ورده في إيدها اليمين ... وفي الإيد التالته مخبيه ساطور ورا ضهرها وتقولك حمد الله عالسلامه خد شم :D .. طبعاً هاتنشكح إنت يا معلم وتبقى هاتموت وتشم الورده ..... قبل ما تشد أول سطر تروح متخنه صوتها زي نعيمه الصغير :wub: وتقولك هاتدفع يالا الخمسين باكو بتوع مصاريف علاجك ولا أجيب كرشك و نحجزو الجثة ونقطعوها ونبيعوها بالكيلو للعيال بتوع الطب يلعبوا فيها البخت ؟

حصلت مع واحد زميل لنا في الشهر الماضي ... اول خلفه له كانت 3 توائم ما شاء الله .. لكنهم لم يكونوا مكتملي النوم ولديهم أمراض اخرى .. فاتحطوا في العناية الفائقة لمدة معينة .. وجت له الفاتورة الصادمة .... شيء هُلامي ... حاجه كده كإنك ماشي في الشارع لا بيك ولا عليك ووقعت عليك بلكونه فيها واحد ومراته كانوا واقفين بياكلوا محشي في حله كبيرة ووزن البلكونه مع المحشي مع الراجل ومراته حوالي 3 طن ... وإنت سوفيف ووزنك كله 70 كجم مشفي ...

الفاتورة يا رجاله كانت

600 ألف ريال

نعم ..... مبلغ وقدرة ستمائة ألف ريال ...

كان له رصيد باقي عند التأمين 300 ألف ...

وبصراحة .. طفيت النور وما رضيتش أعرف عمل إيه في الباقي

كل ده وعنده تأمين ..

اومال لو ما عندوش بقى ؟