ماذا لو تم المراد من رب العباد؟

[crossfield]

كثر الحديث و ازدادت المخاوف من أن يورث الحكم فى مصر أو يحدث مثل ما حدث فى سوريا بشكل أو بآخر.

حاولت أن أعرف رد فعل المقربين منى إذا حدث و صار جمال مبارك خلفاً لوالده و هو ما يخشاه الكثيرون .و كانت المفاجآة :فخمسة منهم(من الشباب)أعلنوها صراحةً :"أنا هاسيب البلد و اطفش"‍‍‍‍‍‍‍‍‍‍‍‍‍‍‍‍‍‍و الباقىمن متوسطى العمر قالوا فى بساطة"يعنى هو فيه أسود من كده أيام؟"...يعنى تقريباً معندهمش مانع .

طيب بأمانة كده لو كل واحد فينا سأل نفسه السؤال ده هيبقى رده ايه؟

أنا شخصياً بافكر أهج قريب فى كل الأحوال.

[فــيــروز]

الواحد فعلا خلاص مابقاش حاجه تفرق معاه

مفيش فايده فى اى حاجه و احسن لنا ندور على تربه نرتاح فيها من دلوقت ..

[حشيش]

ضربوا الأعور على عينه...قال خسرانه خسرانه...

ليس بعد الوصول إلى القاع إلا معاودة الصعود ...بمعنى حتى لو جمال خلف والده فالحال سوف يكون أفضل مما نحن عليه الأن...

[se_ Elsyed]

بمعنى حتى لو جمال خلف والده فالحال سوف يكون أفضل مما نحن عليه الأن...

حشيش ... بالله عليك تشرح البوءين دول ... قريتهم كذا مره ومش داخلين المخيخ ...

يعني قصدك نسلم بالامر الواقع ونرمي الفوطة ونستسلم ونسيبها لهم خالصة مخلصة ...

[Lighthouse]

الواحد اتخنق خلاص

انا زهقت فعلا وبافكر بالفعل اهاجر

[أسد]

قال أحد الحكماء ....

أنا لن أسقط أبداً ....

لأنني ...(بالفعل) في القاع ...

[الوطني]

كثرون من الشباب عنده هذا الحلم بأن يترك البلد بمجرد ان يمسك شخص ما سدة الحكم , سأسأل سؤالاً بسيطاً , هل ستتغير الامور جوهريا بمجرد ان يجلس جمال علي العرش؟

من المعروف ان الامور تتم بالتدريج , ومرحلة الاعداد (التي نعيشها الان) ربما لا تختلف كثيراً عن بدايات عهد جمال ( اذا حصل ومسك البلد).

لذلك انا انظر بعين السخرية والشفقة لمن يبني قرار الهجرة لمجرد ان يمسك شخص ما مقعد الرئاسة.

تحية

[Lighthouse]

كثرون من الشباب عنده هذا الحلم بأن يترك البلد بمجرد ان يمسك شخص ما سدة الحكم , سأسأل سؤالاً بسيطاً , هل ستتغير الامور جوهريا بمجرد ان يجلس جمال علي العرش؟

من المعروف ان الامور تتم بالتدريج , ومرحلة الاعداد (التي نعيشها الان) ربما لا تختلف كثيراً عن بدايات عهد جمال ( اذا حصل ومسك البلد).

لذلك انا انظر بعين السخرية والشفقة لمن يبني قرار الهجرة لمجرد ان يمسك شخص ما مقعد الرئاسة.

تحية

رد غريب جدا

ممكن حضرتك يااخ وطني تقول لنا الواحد يعبر عن قرفه من الوضع الحالي ازاي !!!

كوني قلت اني بافكر اهاجر ليس معناه اني قررت بالفعل الهجرة

بغض النظر عن موقفي من الهجرة وغيرها من اساليب الحل التي يلجأ لها الانسان

ممكن حضرتك تعرفنا ماهو موقف حضرتك بدل اسلوب السخرية والشفقة ده

[maksoof]

ليس بعد الوصول إلى القاع إلا معاودة الصعود

...

مش صحيح

عبد الناصر وصل بالبلد للقاع و بدأ يحفر. و بريمة الحفر مازالت شغالة و محدش يقدر يوقفها. لا مبارك ولا إبنه و لا الإخوان و لا أمريكا و لا غيرهم.

كل المصايب اللى مصر فيها دلوقت نتيجة إستبداد عبدالناصر وإختراعاته الخايبة اللى مصر مش حاتخلص منها: الإتحاد الإشتراكى و منظمة الشباب الإشتراكى و قوانين الإنتخابات و التأميم اللى خرب الإقتصاد و شلة المنتفعين مساحين الجوخ و ورثتهم والمرتشين و البلطجية من أصحاب النفوذ اللي بيفرضوا اتاوة على أصحاب الأعمال.. الخ

و أرجوا إنى أكون غلطان

[Proud Muslim]

طيب .. جاء في بالي سؤال مهم جدا ..

ماذا لو استطاع جمال مبارك في السنتين القادمتين أن يجذب الكثيرين ؟؟

بمعنى ان يبدا بالفعل في تطبيق ديموقراطية .. لنقنل جزئية .. ماذا سيكون الوضع في هذه الحالة ؟؟

مثلا السماح للاسلاميين و غيرهم بانشاء أحزاب .. أو حتى جمعيات أهلية ذات صبغة اسلامية يسمح لها بهامش من التحرك السياسي ..!!

مع اعطاء قدر أكبر من الحرية !!

هل سنوافق أن يتولى جمال الحكم ؟؟

بصراحة .. انا حاسس بقوة ان ده أحد السيناريوهات المطروحة !

[Farah]

هل سنوافق أن يتولى جمال الحكم ؟؟

هو احنا عندنا إختيار!!!!

[فــيــروز]

طيب .. جاء في بالي سؤال مهم جدا ..

ماذا لو استطاع جمال مبارك في السنتين القادمتين أن يجذب الكثيرين ؟؟

بمعنى ان يبدا بالفعل في تطبيق ديموقراطية .. لنقنل جزئية .. ماذا سيكون الوضع في هذه الحالة ؟؟

مثلا السماح للاسلاميين و غيرهم بانشاء أحزاب .. أو حتى جمعيات أهلية ذات صبغة اسلامية يسمح لها بهامش من التحرك السياسي  ..!!

مع اعطاء قدر أكبر من الحرية !!

هل سنوافق أن يتولى جمال الحكم ؟؟

بصراحة .. انا حاسس بقوة ان ده أحد السيناريوهات المطروحة !

وهل لدى جمال صلاحيات تمكنه من اعطاء هذه الاغراءات للشعب المصرى !! يعنى بصفته ايه هيعمل كل ده؟ بوضعه الحالى فى الحزب الوطنى يعنى ولا باى صفه !!

[Lighthouse]

وهل لدى جمال صلاحيات تمكنه من اعطاء هذه الاغراءات للشعب المصرى !! يعنى بصفته ايه هيعمل كل ده؟ بوضعه الحالى فى الحزب الوطنى يعنى ولا باى صفه !!

 

 

هو مش محتاج صفة دستورية علشان يعمل لو عايزينه يعمل

هو ايه الصفة الدستورية للسيدة الاولي التي تجعلها تجتمع بالوزراء وتقوم ببعض الاعمال المباشرة في البلد

حاجة تقرف

[فــيــروز]

وهل لدى جمال صلاحيات تمكنه من اعطاء هذه الاغراءات للشعب المصرى !! يعنى بصفته ايه هيعمل كل ده؟ بوضعه الحالى فى الحزب الوطنى يعنى ولا باى صفه !!

 

 

هو مش محتاج صفة دستورية علشان يعمل لو عايزينه يعمل

هو ايه الصفة الدستورية للسيدة الاولي التي تجعلها تجتمع بالوزراء وتقوم ببعض الاعمال المباشرة في البلد

حاجة تقرف

شكرا .. كنت بس عاوزه اتاكد ان الرد اللى توقعته صحيح

[se_ Elsyed]

"فــيــروز

وهل لدى جمال صلاحيات تمكنه من اعطاء هذه الاغراءات للشعب المصرى !! يعنى بصفته ايه هيعمل كل ده؟ بوضعه الحالى فى الحزب الوطنى يعنى ولا باى صفه

أنا عارف إنك بتهزري يا فيروز ... صح ؟

يا ست الكل جمال مبارك يشغل الان منصب امين عام لجنة السياسات للحزب الحاكم .. يعني ببساطة من حقه تغيير وتعديل أي سياسة من سياسات البلد .. سواء إقتصاد أو سياسية .... إلخ .

ولقد رأينا القرارات الذي أتخذها منذ شهور بإلغاء محاكم أمن الدولة وإلغاء عقوبة الأشغال الشاقة المؤبدة وإنشاء لجنه لحقوق الإنسان ...

كل هذا لخلق شعبية له من الان .