كيف تعرفت على زوجك / زوجتك؟

[Ahmed Unknown]

موضوع جميل جدا انا ملاحظ انى بقالى يومين بقرأ مواضيع جديده فى المنتدى وشيقه جدا جدا

اما بالنسبه لموضوع اتعرفت بشريك حياتك ازاى فالموضوع ده اثر فيا جامد وانا اساسا حيسيس اقوى لانى ماعنديش نص تانى علشان احكى اتعرفت عليه ازاى انا ماعنديش الا الاب توب بتاعى لسه جايبه امبارح قسط ممكن احكى عنه باعتبار انه اكتر واحد قاعد معايا 24 ساعه !!؟؟؟؟

ممكن بردوا تكتب المواصفات بتاعته و اشتريته منين و كده

و رحت كلمت صاحب المحل على طول ولا وسطت حد يكلمهولك

و كمان دفعت كام مهر قصدى مقدم و فى كام مؤخر و العفش على مين cr((:

[لولا]

كده انا اطمنت ان المهندس ياسر رجع تانى لقلب المحاورات

ومن باب التشجيع احب اكون اول المشاركين للإستفاده العامه ..

انا كنت راجعه من الجامعه .. دخلت ماما قالتلى ان عندنا ضيوف ..

بصيت من خرم باب الصالون لقين ولد زى القمر ..

خرجت ماما قالتلى الشاب الى جوه ده بيطلب ايدك من بابا .. ايه رأيك

انا سكت ومردتش ... اصل السكوت علامه الرضا

وبس ..

أدى الحكايه ..

ايه مش مصدق cr((: :P

ونتمنى التوفيق للأجيال الحاليه .. الواحد خلاص كبر ولازم يفيد الشباب بتجربته برضوا

نسيت اقولك .. حب او جواز صالونات .. كله فى الآخر نصيب .

لولا

مش عارف ليه مش مصدق بؤك يا لولا

يعني كل واحده تبص من خرم الباب تلاقي شاب حليوه جاي يضرب شاي عندهم تروح موافقه عليه على طول إن شالله يطلع عنده ربع ضارب أو بياكل مشابك الغسيل مثلاً ؟

ده على كده الجواز سهل أهو والدنيا حلوه ..

ايه ده .. ايه ده ياابو الأسيان ؟؟ انتا بتشك فى كلامى :happy:

مكنش العشم خالص

وبعدين انا لا ممكن اكدب ابتا .. ابتا cr((:

انا يدوب بس نسيت انوه ان الشاب الحليوه ده كان البطل فى كصة لولو بتحب من وهى فى اللفه المنشوره فى ركن الأدب :P

انما انت حكايتك طلعت عاتفية خالص خالص .. تسدق .. ولا يبان عليك :P

فكرتنى يا شيخ بالذى مضى .. خصوصا يوم الخطوبه دوت ...

ياااااه ده كان يوم .. اصعب حاجه فيه كانت زيارة حماتى .. اصرت حتما ولابد افضل قاعده جنبها cr((:

وكنت قاعده متوقعه فى اى لحظه تعمل عليا كشف الهيئة بتاع مارى منيب :) انا بقى قعدت وعملت فيها مكسوفه وعشت الفيلم العربى

على اصوله اصلى كنت معجبه جدا بالحته دى من الفيلم :D رغم اننا انا وحماتى نعرف بعض كويس من قبلها .

وبس ياسيدى ..

ادى الكصه كامله cr((:

ربنا يفتح على كل اللى مش متجوزين يارب ..

لولا

[se_ Elsyed]

لولا

بما إننا مشرفين زي بعض .. عايز أسألك سؤال حريمي فيري سينوكمينتال ..

س : هو ليه البنات والستات بيهتموا بالرفايع ؟

الرفايع مش الحلل والألمونيات وحاجات المطبخ ...

لأ الرفايع يعني التفاصيل العواطفية الدكيكة خصوصاً في بداية الحياة الأُسرية وكدهوت ..

هاقولك إزاي .. بدون اللغوصة في موضوع ياسر ..

أنا الأول كنت في السعودية ونويت أتجوز البنت دي اللي هي المودام دلوقت ... وروحت مكلم أبويا وأمي وقلت لهم إنتو تروحوا تخطبوا البنت دي وكل اللي عليكو تقولوا : الف مبروك .. ربنا يتمم بخير .. ده شيء جميل ... ده شيء عال العال ..

وحصل كشف الهيئة وقفزة الثقة اللي إنتي قولتي عليها بتاعت ماري منير من ماما طبعاً .. وعلى مانزلت أنا كنا أتكلمنا مع بعض في التليفون ييجي مليون مره ( إنتي عارفه إن الفاتورة لسه بتوجعني لحد دلوقت .. وكنت باتكلم ييجي بنص مرتبي تليفونات .. يمكن إنتي جييتي في أبو بلاش .. زماننا يا بنتي كانت كباين تليفون وكانت الدقيقة بستة ريال وجوز الحمام كان 3 فِرد وعود القصب كان بزعزوعتين ) فلما نزلت وإتقابلنا كان عادي يعني ماحنا نعرف بعض كويس تليفونات وجوابات وحركات وأنا أعرف عيلتهم اساساً فكان الموضوع سووو فاميلير ...

فين الرفايع بقى ؟

جايلك في الكلام .. أقسم بالله من ساعتها وهي بتذل فيه .. وتقول لي كان نفسي تيجي تخطبني وإنت تبقى قاعد في أوضة المسافرين .. وأنا أدخل بالشربات ومكسوفة ومدورة وشي الناحية التانية وأقوم دالقه الصينية على هدومك ؟

شوفتيش سيكوباتية زي كده ؟ وإيه الأفلام دي كلها . ما تجيبي أي علبة عصير أدلقيها على بدلة من بدلي في الدولاب وخلصنا وإنتي برضوا في الأخر اللي هاتنقعي وتغسلي وتكوي ...

يعني عشان ما دهولتش هدومي ... خلاص الرومانسية أنتفت من الكصة والجوازة ما قامتش على اثاث سليم . ( هي أثاث يا شيخ عبد البر بالثاء ولا بالسين ؟ :lol: )

موقف تاني من الرفايع ...

أنا الحمد لله حالتي مستورة زي مانتي عارفه وراجل كسيب وبأخد مرتب معقول من الإشراف - واخده بالك - لكن زوجتي صممت إنها في الزواج ما تشتريش فستان فرح بالشيء الفلاني عشان كلها ساعتين زمان والعروسة للعريس وباقي المعازيم بيجرووا وكدهوت .. فقلت لها أنا محفظتي معايا ومليانة ولسه بايع القطن وما يهمنيش لكنها صممت .

تخيلي بقى من ساعتها كل ما تشوف عروسة لابسة فستان حتى لو كانت " باربي" العروسة الحلاوة دي اللي بتقول بابا وماما ... . تقعد تبص لي وتعيط وتقول لي : ياللي إستخسرت فيه فستان وما اشترتليش فستان وماليش دعوة أنا عايزة فستان .. تخيلي منظري وأنا مجرجر 3 عيال ورايا ورايح العبودي اللي في روكسي وبنشتروا فستان فرح وطرحه وجيبونه للمدام ؟

طب يابنتي مش إنتي اللي قولتي ؟

تقول لي وبتصدق كلامي له وما صممتش ليه ؟ اعمل أنا إيه دلوقت وكل ما أفتح الدولاب مالاقيش فستان فرح واكله العته زي صحباتشي عالقهوة ؟

طب أعمل إيه يا ناس في صنف النسا ده ؟ ... ده الواحد حط صوابعه التلاتشر في الشق .

--------------------

لا مؤخذه يا ياسر يابني .. انا أكبر منك سناً وخبرة .. وبأقولك على الحاجات الروفيعة دي عشان تعمل حسابك وما تغلطش غلطتنا ...

ربنا يفتح على كل اللى مش متجوزين يارب ..

إيه يا لولو ... والمتجوزين ما يفتحش عليهم يعني ؟

ولا النهاردة الإتنين والحلاقين مش فاتحين ؟

[goodnewss]

بصوا بقه موضوع الفستان ده مهم جدا وكان لازم يا استاذ تصر إنك تجيبه وتتخانق إذا لزم الامر وده لمصلحتك واديك شفت بنفسك وبقيت عبره لمن يعتبر.هو في عروسه من غير فستان؟ من غير فستان ليه وانا وحشه وللا إيه؟؟

[goodnewss]

اما عني فقابلت زوجي في الصيدليه وكنت لسه متخرجه دلوقت حالا و رحت اتدرب في صيدليه جنب بيتنا وكان اول يوم ليا وعلي فكره انا كنت مش عايزه اروح الصيدليه دي خالص وبابي هو اللي دبسني ولما رحت شفت واحد أول مره اشوفه مع إن الصيدليه دي اعرفها من وانا في ابتدائي بس ماتكلمناش خالص ولا كأني شفت حد اصلا و روحت .تاني يوم بالليل بابي جه يقول إن صاحب الصيدليه كلمه إن في واحد شافني و عايز يتقدم وانا علي طول خطر في بالي الشخص ده وفعلا طلع هو و بس خلاص دلوقتي عندنا ولد عنده ثلاث سنوات وعلي فكره مامي هي اللي قدمت الشربات

[أسد]

أنا اتجوزت عن قصة حب جميلة ..

أعتقد أنني لازلت أعيش حياة أسرية رائعة مع زوجتي وابني ذو الثمانية أعوام ..

الحمد لله ...

[MoTo]

هي قصة كوميدية و حزينة جداَ في نفس الوقت و هحكيها فقط لأني غير معروف في هذا المنتدي فا مش هتفرق بس حاسس إن عايز أحكيها .

من 7 سنين انا كنت في ثانوية عامة و كنت في فريق كرة اليد في النادي و كان عندنا ماتش مع أحد الأندية بمصر الجديدة علي أرضه .. و قبل المباراة بيوم انا سافرت إسكندرية مع أصدقاء لي و رجعنا متأخر فا انا رحت عالماتش مطبق و نايم يادوب ساعتين في الطريق .

المهم رحت و إرتديت القميص رقم 21 (مكنش كل واحد في الفريق لازم يبقاله رقم خاص بيه هو يوم الماتش كانوا بيرموا التي شيرتات كلها كدة و إنت شد تي شيرت و إنت و حظك!) .. و نزلت إلي أرض الملعب .. رجلي شدت و نفسي و نفسي إتقطع و عينك ما تشوف إلا النور .. شوية و لقيت الكابتن طلعني و قاللي ريح الماتش ده و خبطني خبطة تحمل مضمون "الله يخرب بيتك هتودينا في داهية" .. المهم انا إتخنقت و طلعت إشتريت إزازة مياه و كنزاية بيبسي و قعدت في مدرج صغير كدة .. و بعدين إتفرجت عالماتش و شايف الإجوان عمالة تخش فينا .. قلت يا نهار إسود الماتش خلاص راح .. و سندت إيدي عالحديد اللي قدام الكراسي .. ثم سندت راسي .. و يبدو إن النوم كبس عليا في الوقت ده .. و صحيت علي حد بيصرخ "إيييييييييييه ده" .. إظاهر كنزاية البيبسي دلدلت من إيدي و انا نايم و لقيتها كلها مدلوقة في أفا واحدة كانت قاعدة تحت .. كلها بالكامل في أفاها زي ما أكون منشن .. و قامت قالتلي إييييييييييه اللي إنت عملته داااااااااااه .. انا معرفتش أرد أقول إيه و كنت عايز أضحك و أعتذر في نفس الوقت لأن شكلها كان عايز يضربني و في نفس الوقت انا كنت عايز أضحك من الموقف و منها و هي متنرفزة .. كان مش لايق عليها النرفزة خالص مع إن انا معرفهاش .. قامت بصالي بصة إستحقار كدة و مشيت بسرعة .. الماتش خلص و بعديه لقيت واحد صاحبي جايب واحد لابس تي شيرت الفريق التاني و بيقوله أهوه يا عم .. فا الولد ده بيقولي إن صديقي قاله إن انا بلعب في باند روك و بتاع و قاللي انا عايز أتعلم درامز .. فا قعدنا نتكلم في المزيكا شوية و بعد ما غيرنا هدومنا قاللي ما تقعد معايا في النادي لحد بالليل، قلتله أصل لازم أروح في الباص بتاع النادي .. قاللي فيه واحدة صاحبتنا عندها عربية بسواق ممكن توصلك لميدان سفنكس و تعامل إنت بعد كدة .. قلتله أوكي .. قعدنا نتمشي و نتكلم شوية في المزيكا و بعدين قاللي تعالي نتفرج علي ماتش باسكت دلوقت هتلعب فيه صاحبته أم سواق .. قلتله ماشي .. رحنا لقينا الماتش شغال و فيه البنت اللي انا دلقت البيبسي في أفاها .. انا إتكسفت أقول للواد اللي انا عملته بصراحة و قعدت أتفرج .. و كنت مستغرب إنها بتلعب باسكت لأنها أساساَ أقصر مني و انا مش طويل ! بس كانت بتلعب حلو أوي .. بعد الماتش الواد اللي عايز يتعلم درامز ده بيسلم علي صاحبته و طلعوا يعرفوا البنت اللي انا دلقت البيبسي في أفاها .. فا سلموا عليها و سلمت عليا بس كانت بتبصلي شذراَ كده !! فا حبيت أكسر حدة الموقف .. قلتلها إنتي بتلعبي حلو علي فكرة ده مفعول البيبسي بتاعي .. فا بصتلي بصة هههه ظريف !! و الولد و البنت التانيين سألوا بيبسي إيه ؟ فا بصتلي بصة بتاعة لو قلت هقتلك و بعد ما أقتلك هحرقك و بعد ما أحرقك هقطعك .. فا قلتلهم لأ ده موضوع كبير و غيرت الموضوع .. بعدين قالت للولد إنه كان بيلعب حلو و إنها شافت الماتش .. فا انا قلت هي جايه تتفرج عالماتش لوحدها مخصوص عشانه يعني ليه و قلت شكلها معجبة بيه .. بعدين و انا قاعد بقية اليوم بقي كانت هي و صاحبتنا بيقعدوا معانا عشان يكلموا "عمر" اللي عايز يتعلم درامز ده .. فا ساعات نبقي ماشيين فا انا اأخر خطوتي شوية عشان و انا بكلمها نقع ورا عمر و البنت التانية و أعرف أكلمها لوحدها .. فا بقولها انا أسف جداَ علي فكرة مكنش قصدي بس أصل انا منمتش من إمبارح و اما نمت جت فيكي إنتي .. فا قالتلي خلاص مش مشكلة .. قلتلها و إنتي كنتي قاعدة لوحدك ليه ؟ بتتفرجي علي عمر ؟ فا قالتلي انا كنت عايزة أقعد بعيد عن ملعب الباسكت عشان كل صحابي هناك .. قلتلها أاااه .. طب كويس .. و مش عايزة تقعدي معاهم ليه ؟ قالتلي لأ عادي بس كنت عايزة أسمع أغاني .. قلتلها بتسمعي إيه ؟ فا قعدنا و طلعتلي من شنطتها شريط (أياام الووكمان أبو شرايط) إسمه hybrid theory بتاع لينكين بارك أحد فرق الروك .. قلت ياما إنت كريم يا رب .. قعدت بقي أكلمها عن المزيكا و تطرقنا في كلامنا لحاجات كتير و كان عمر و صاحبته إختفوا خالص .. و بعدين ظهروا و كانوا عايزين يروحوا .. فا انا قلتله خلاص روحوا إنتوا عشان انا كلمت أخويا و قاللي إنه هيعدي عليا يوصلني (و انا معنديش أخ أصلاَ) .. و قعدنا نتكلم بقي بتاع أربع ساعات متواصلة .. و في الأخر و انا ماشي قلتلها إني ممكن أجبلها سي

يهات عليها أغاني كتير لو عايزة .. ممكن أخد نمرتك و أقابلك هنا في النادي .. فا قالتلي أوكي و سجلت نمرتها علي موبايلي النوكيا 3210 .. و إبتدينا نتقابل و نتكلم كتير .. و كنا بنتكلم كتير بمعني كتير .. أحد مكالمتنا قعدت من 12 بالليل لحد 8 و نص الصبح .. و قفلنا عشان أهلها صحيوا مش عشان حاجة يعني .. مش عارف كنا بنجيب الكلام ده كله منين ! بس الوضع ده مستمرش كتير لحد ما فواتير التليفون عندي و عندها جت و أهالينا إحنا الإتنين عملوا التليفونات إستقبال بس .. فا بقينا نتقابل برة في النادي بتاعها أو في أي حتة و قعدنا سنة كدة لحد ما انا دخلت الجامعة (كانت أصغر مني بسنة) .. و كنا بنتقابل من ورا أهلها بصراحة في الأول .. و كنت بحب أعمل مواقف ترعبها .. مرة كان باباها جي ياخدها من قدام النادي فا انا بوصلها لحتة معينة و تمشي لوحدها بعد كدة و أبص انا من بعيد .. فا في مرة مشيت وراها و رحت لباباها و هي شايفها خلاص هتعيط .. و في الأخر قلتله من فضلك الساعة كام ؟ و خدت شتيمة علي كدة قد كدة وقت ما مشيت مباشرة في مسجات عالموبايل .. و مرة كنا خارجين و شفنا أخوها فا انا عملت مش معاها و بوقف تاكسي .. و اما التاكسي وقف معرفتش أقوله إيه قلتله إسكندرية ؟ الراجل صدق و قاللي ماشي هتدفع كام ؟ قلتله 20 جنيه .. قام شتمني و مشي .. لحد ما عرفتني علي مامتها و بعدين بقوا عارفين عندها في البيت و بقيت أقدر أسلم علي باباها و مامتها عادي لو شفتهم و بيبقوا عارفين رايحين فين.. و نسيت أقلهم إنها فنانة كمان .. دخلت فنون جميلة بعد كدة و كان فرح لأن كان جالها في التنسيق كلية مش عاجباها و بعدين ظهرت نتيجة إمتحان فنون جميلة و قبلت فيه .. و كان كل شئ جميل لحد يوم 4 أغسطس 2007 تحديداَ كانوا مسافرين المصيف و واحدة صاحبتنا كلمتني بتقولي كلم محمد أخو ياسمين لأنهم عملوا حادثة .. فا إتخضيت و كلمت ياسمين الأول لقيت الموبايل مقفول .. كلمت محمد أخوها لقيته منهار .. فا بقوله إيه اللي حصل ؟ قاللي انا مسافرتش معاهم .. و عملوا حادثة و بابا و ياسمين إتوفوا .. قلتله إيه ؟؟ إزاي ؟؟ قاللي انا في حتة إسمها الضبعة علي طريق مرسي مطروح .. لأن ماما لسة في المستشفي و هنقلها .. انا مكنتش حاسس إن الكلام اللي بيقوله حقيقي .. بمعني مكنتش حاسس إن واقع زي ده ممكن يكون حقيقي .. تفاصيل الحادث كانت إن سيارة نقل طلعت فوقيهم .. حاولت أتخيل الموقف و أستوعب الواقع ده بس كان صعب .. كان ممكن حاجات كتير تحصل .. كان ممكن محمد يسافر معاهم و هو اللي يقعد قدام و تقعد هي مامتها ورا .. كانت ممكن مامتها هي اللي تقعد قدام .. كان ممكن يتأخروا دقيقة زيادة في بنزينة علي الطريق فا ميحدثش لقاء بينهم و بين سيارة الحادث .. و لكن كل شئ زي ما يكون كان مترتب .. عشان يغير ترتيب كل حاجة بعديه بعد كدة في حياة ناس كتير .. و دي مش نهاية القصة بس انا حابب أقف هنا .

[icehearted girl]

علي فكرة يا س س

في نقطة مهمة اوي اثرتها وهي الرفايع دي

دي فعلا مهمة جدا

لانها بتبقي ذكريات جميلة في اي فلاش باك

احرص طول الوقت علي الرفايع دي

علشان ديما في المستقبل يكون في ذكريات جميلة

ملحوظة

أنا مش متزوجة بس اتوقع اني هقابل زوج المستقبل يا اما في خناقة :roseop: كالعادة

يا إما عند الميكانيكي ,,,اصلي بقضي هناك ديما الويك اند بتاعي

دا بعد ما كنت متخيلة ونا في ثانوي اني هلاقيه في المشرحة اول مدخل طب ويغم عليه

واعيش دور مني زكي في فيلم اضحك الصورة تطلع حلوة :lol:

بس اول مدخلت المشرحة من 6 سنين قعدت ادور علي كريم عبد العزيز زي مبيقول السيناريو

ملقتش غير عباس فارس :(

[hamoudi]

موضوع جميل ياباشمهندس وفكرتني بالذي مضى

بس اسمح لي اتقدم نص خطوه واحكي على  الشيخ  مأذون بتاعي والله ماأنا عارف انا جبت الجدع ده منين

كان فيه شوية  مأذين  على صبيان مأذين كده وانا جبت احسنهم فى السعر وذلك بالاتفاق مع صبي المأذون الى كان موجود ساعتها  وفي يوم كتب الكتاب الموعود اتى المأذون قبل مانكتب كتابنا جاء واحد جنبه هو وواحده وقالوا له عايزين نتجوز قال لهم بطايقكم ام الراجل قال له انا متجوز وعايزك تظبطنى وتسلكني  قال له ماشي طب استنى شوية لما اخلص الناس دي (  تحس انه زي الحانوتي لما يقول لما اخلص على الكام حته الى فى ايدي) اه معاك شهود قال لالا نادي الصبي بتاعه وتقريبا بعت يجيب 2 شهود من على القهوه وبعدين  بدأ يكتب الكتاب وظهر حاجات غريبه لقيناه لابس انسيال ذهب  وبعدين بضرب بعيني فوق علشان اشوف وشه تانى مستغربا لقيته لابس سلسله ذهب وكمان كان فيه  خواتم ا ذهب فى ايده 

وظللت اقنع زوجتي بعد زواجنا  ان هذا هو المأذون وهي مصره ان المأذون  هو من كانت تراه فى الافلام لابس عمه وجبه وقفطان وانا اقول  لها ياستي ده المأذون الحديث بنطلون وقميش وانسيال ذهب وسلسله ذهب . وهي حتى الان مش مقتنعه بيه 

ومرت سنين طوييييييييييييييييييييييييييييييييييييييييييله  على زواجنا ،،،،،،

تم تعديل 11 مايو 2009 بواسطة hamoudi

[rewsha]

انا بقه حكايتي غريبه ماحدش ممكن يصدقها .يعني ممكن تعتبروها قصه في فيلم عربي.(اه والله)انا كنت في الكليه وحسيت ان ودني واجعاني ومش سامعه بيها كويسوكان عندنا معسكر في الجواله وبنرجع متاْخر شويه.فلما رجعت البيت قلت لماما .قالت لى روحي اكشفي عليها وبعتت معايه بنت الجيران.وهيه كانت اكبر مني البنت دي علشان بابا كان مش موجود وانا ودني بتوجعني..المهم روحت على اقرب مستوصف جنبا علشان الوقت ساعتها كان الساعه 6 ونص المغرب .المهم دخلت كشفت والدكتور قال لي اعمل لك حشو علشان الالتهاب بس روحي هاتي انبوبة المرهم الفلاني من الصيدليه اللي جنب المستوصف وما تتاْخريش لاني ماشي بعد ربع ساعه.ساعتها مشيت وانا باقول ايه الدكتور (الاْرن)(التنيك)ده ربع ساعه ايه يعني ها يمشي 7 الا ربع طب ليه مش 7 وافرض اتاْخرت شويه .المهم رحت جبت المرهم وعمل الحشو.ومشيت.وهيه الاستشاره .رحت له فيها لاقيته بيساْلني انت في كلية ايه ؟ وساكنه فين وكلمه فنظره فعنوان البيت.المهم بقه انا قلت له على العنوان ورقم التليفون وكنت حاسه اني واخده حقنة بنج .بعد مارجعت البت كنت خايفه لو اتصل وماما رديت ه ايقول لها ايه؟ المهم فعلا اتصل بعدها بيوم بحجة انه بيساْل على ودني والحمد لله ماما كانت مش في البيت وبابا كان مسافر .وبعدين انا قلت له الحمد لله بس ما تتصلش تاني علشان ماما .فلاقيته بيقول لي انا عايز ميعاد من بابا علشان ازوركم في البيت........تن تن تن .....وقلت لماما (طالما الموضوع داخل في الجد)وفعلا اتصل هوه بيها واخد ميعاد بعد ما بابا يجي من السفر بعد اسبوع وفعلا جه زارنا لما بابا جه والمفاجاْه الكبيره بقه ان اليوم اللي كان واخد ميعاد وجاي فيه نلاقي واحده صديقه للاسره وجوزها معاها ومعاهم شاب كده جاي يوصلهم بعربيته .جايين وهوه لسه داخل البيت مالحقش يتكلم في اي حاجه فقعدناه في الصالون والناس دول قعدوا في الانتريه وقالوا احنا كنا معديين من هنا وده جارنا موصلنا بعربيته قلنا نسلم عليكم.(عادي) وبعدين لاقينا الست دي بتشارو لماما انها عايزه تكلمها جوه وفعلا دخلت وقالت لها(المفاجاْه)ان اللي معاهم ده عريس وهمه جايبينه علشان يشوفني.وبقه واحد في الانتريه وواحد في الصالون.....المهم قلنا لها طيب ماتتكلموش في اي حاجه علشان اللي قاعدجوه ده عريس برضه . المهم مشيو وهوه فضل معانا اتكلم مع بابا واتفقنا اننا نساْل عليه وهوه يساْل علينا وا(المفاجاْه التانيه)ان اخوه في الشغل كان معاه واحد من نفس المكان اللي احنا ساكنين فيه فقال يساْله ولما جه يساْله علينا طلع الراجال ده يبقى عمي (اخو بابا)فقعد يضحك وقال له المواصفات دي بتاعت بنت اخويا ...لانه كان مش منطقتنا (العريس)ده كان جاي يشتغل بس هنا في المستوصف . وطبعا كنسلت العريس التاني ووافقت على (الدكتور) واتخطبنا في خلال اسبوع يعني الموضوع من اول ما شافني اول مره لغاية ما قابل بابا لغايه ما لبسنا الدبل اخد 15 يوم.بس واتجوزنا بعد 8 شهور وهيه دي الحكايه من طقطف ...الى....الماْذون

[doudy]

لا يا روشة انا اتجوزت اسرع منك

العريس اللى هوة جوزى دلوقتى جه يتقدملى 17/7 الفرح كان 26/7

احكيلكم الحكاية بالتفصيل احسن

انا كنت فى اخر سنة البكالوريوس يعنى بيتقدملى عرسان من ثانوية عامة بس بابا كان رافض اى ارتباط لحد ما اخلص الكلية

المهم كنت انا و ماما بنشترى كوكيز من محل مشهور عندنا فى اسكندرية هوة جنب البيت

و بعدين قابلنا العريس اللى هوة جوزى و معاه اخته الكبيرة كانوا فى نفس المحل

المهم بعد ما روحنا اخته اتصلت بينا و قالت ان اخوها جاى اجازة و عايز يجى يتقدم يعنى و يقابل باب

ماما قالتلها لا مش هينفع البنت داخلة على امتحان البكالوريوس ممكن تيجوا بعد الامتحانات

الكلام دة كان شهر 5 نسيت اقولكم ان العريس و اخته جيراننا فى الشارع اللى ورانا و مامته معرفة مامتى بس دى كانت اول مرة

اشوفه و يشوفنى المهم اخته قالت اوكيه هوة نازل تانى 15/7 قلنا كويس اكون خلصت امتحانات

و فعلا نزل نص 7 و جه البيت 17/7 اقعدنا قعدة عائلية و اتكلمنا و حصل القبول

بس و تانى يوم اشترينا الفستان و الشبكة و اليوم اللى بعده كتب الكتاب و هكذا لغاية يوم 26/7 اختارناه و حجزنا الفندق

عشان دة يوم عيد ميلادى و كان الفرح 26/7 و الحمد لله دلوقتى عندى 3 اطفال و متجوزة بقالى 12 سنة

ايه رايكم فيه اسرع من كدة جواز

دودى

تم تعديل 11 مايو 2009 بواسطة doudy

[pink rose]

هي قصة كوميدية و حزينة جداَ في نفس الوقت و هحكيها فقط لأني غير معروف في هذا المنتدي فا مش هتفرق بس حاسس إن عايز أحكيها .

من 7 سنين انا كنت في ثانوية عامة و كنت في فريق كرة اليد في النادي و كان عندنا ماتش مع أحد الأندية بمصر الجديدة علي أرضه .. و قبل المباراة بيوم انا سافرت إسكندرية مع أصدقاء لي و رجعنا متأخر فا انا رحت عالماتش مطبق و نايم يادوب ساعتين في الطريق .

المهم رحت و إرتديت القميص رقم 21 (مكنش كل واحد في الفريق لازم يبقاله رقم خاص بيه هو يوم الماتش كانوا بيرموا التي شيرتات كلها كدة و إنت شد تي شيرت و إنت و حظك!) .. و نزلت إلي أرض الملعب .. رجلي شدت و نفسي و نفسي إتقطع و عينك ما تشوف إلا النور .. شوية و لقيت الكابتن طلعني و قاللي ريح الماتش ده و خبطني خبطة تحمل مضمون "الله يخرب بيتك هتودينا في داهية" .. المهم انا إتخنقت و طلعت إشتريت إزازة مياه و كنزاية بيبسي و قعدت في مدرج صغير كدة .. و بعدين إتفرجت عالماتش و شايف الإجوان عمالة تخش فينا .. قلت يا نهار إسود الماتش خلاص راح .. و سندت إيدي عالحديد اللي قدام الكراسي .. ثم سندت راسي .. و يبدو إن النوم كبس عليا في الوقت ده .. و صحيت علي حد بيصرخ "إيييييييييييه ده" .. إظاهر كنزاية البيبسي دلدلت من إيدي و انا نايم و لقيتها كلها مدلوقة في أفا واحدة كانت قاعدة تحت .. كلها بالكامل في أفاها زي ما أكون منشن .. و قامت قالتلي إييييييييييه اللي إنت عملته داااااااااااه .. انا معرفتش أرد أقول إيه و كنت عايز أضحك و أعتذر في نفس الوقت لأن شكلها كان عايز يضربني و في نفس الوقت انا كنت عايز أضحك من الموقف و منها و هي متنرفزة .. كان مش لايق عليها النرفزة خالص مع إن انا معرفهاش .. قامت بصالي بصة إستحقار كدة و مشيت بسرعة .. الماتش خلص و بعديه لقيت واحد صاحبي جايب واحد لابس تي شيرت الفريق التاني و بيقوله أهوه يا عم .. فا الولد ده بيقولي إن صديقي قاله إن انا بلعب في باند روك و بتاع و قاللي انا عايز أتعلم درامز .. فا قعدنا نتكلم في المزيكا شوية و بعد ما غيرنا هدومنا قاللي ما تقعد معايا في النادي لحد بالليل، قلتله أصل لازم أروح في الباص بتاع النادي .. قاللي فيه واحدة صاحبتنا عندها عربية بسواق ممكن توصلك لميدان سفنكس و تعامل إنت بعد كدة .. قلتله أوكي .. قعدنا نتمشي و نتكلم شوية في المزيكا و بعدين قاللي تعالي نتفرج علي ماتش باسكت دلوقت هتلعب فيه صاحبته أم سواق .. قلتله ماشي .. رحنا لقينا الماتش شغال و فيه البنت اللي انا دلقت البيبسي في أفاها .. انا إتكسفت أقول للواد اللي انا عملته بصراحة و قعدت أتفرج .. و كنت مستغرب إنها بتلعب باسكت لأنها أساساَ أقصر مني و انا مش طويل ! بس كانت بتلعب حلو أوي .. بعد الماتش الواد اللي عايز يتعلم درامز ده بيسلم علي صاحبته و طلعوا يعرفوا البنت اللي انا دلقت البيبسي في أفاها .. فا سلموا عليها و سلمت عليا بس كانت بتبصلي شذراَ كده !! فا حبيت أكسر حدة الموقف .. قلتلها إنتي بتلعبي حلو علي فكرة ده مفعول البيبسي بتاعي .. فا بصتلي بصة هههه ظريف !! و الولد و البنت التانيين سألوا بيبسي إيه ؟ فا بصتلي بصة بتاعة لو قلت هقتلك و بعد ما أقتلك هحرقك و بعد ما أحرقك هقطعك .. فا قلتلهم لأ ده موضوع كبير و غيرت الموضوع .. بعدين قالت للولد إنه كان بيلعب حلو و إنها شافت الماتش .. فا انا قلت هي جايه تتفرج عالماتش لوحدها مخصوص عشانه يعني ليه و قلت شكلها معجبة بيه .. بعدين و انا قاعد بقية اليوم بقي كانت هي و صاحبتنا بيقعدوا معانا عشان يكلموا "عمر" اللي عايز يتعلم درامز ده .. فا ساعات نبقي ماشيين فا انا اأخر خطوتي شوية عشان و انا بكلمها نقع ورا عمر و البنت التانية و أعرف أكلمها لوحدها .. فا بقولها انا أسف جداَ علي فكرة مكنش قصدي بس أصل انا منمتش من إمبارح و اما نمت جت فيكي إنتي .. فا قالتلي خلاص مش مشكلة .. قلتلها و إنتي كنتي قاعدة لوحدك ليه ؟ بتتفرجي علي عمر ؟ فا قالتلي انا كنت عايزة أقعد بعيد عن ملعب الباسكت عشان كل صحابي هناك .. قلتلها أاااه .. طب كويس .. و مش عايزة تقعدي معاهم ليه ؟ قالتلي لأ عادي بس كنت عايزة أسمع أغاني .. قلتلها بتسمعي إيه ؟ فا قعدنا و طلعتلي من شنطتها شريط (أياام الووكمان أبو شرايط) إسمه hybrid theory بتاع لينكين بارك أحد فرق الروك .. قلت ياما إنت كريم يا رب .. قعدت بقي أكلمها عن المزيكا و تطرقنا في كلامنا لحاجات كتير و كان عمر و صاحبته إختفوا خالص .. و بعدين ظهروا و كانوا عايزين يروحوا .. فا انا قلتله خلاص روحوا إنتوا عشان انا كلمت أخويا و قاللي إنه هيعدي عليا يوصلني (و انا معنديش أخ أصلاَ) .. و قعدنا نتكلم بقي بتاع أربع ساعات متواصلة .. و في الأخر و انا ماشي قلتلها إني ممكن أجبلها سي

يهات عليها أغاني كتير لو عايزة .. ممكن أخد نمرتك و أقابلك هنا في النادي .. فا قالتلي أوكي و سجلت نمرتها علي موبايلي النوكيا 3210 .. و إبتدينا نتقابل و نتكلم كتير .. و كنا بنتكلم كتير بمعني كتير .. أحد مكالمتنا قعدت من 12 بالليل لحد 8 و نص الصبح .. و قفلنا عشان أهلها صحيوا مش عشان حاجة يعني .. مش عارف كنا بنجيب الكلام ده كله منين ! بس الوضع ده مستمرش كتير لحد ما فواتير التليفون عندي و عندها جت و أهالينا إحنا الإتنين عملوا التليفونات إستقبال بس .. فا بقينا نتقابل برة في النادي بتاعها أو في أي حتة و قعدنا سنة كدة لحد ما انا دخلت الجامعة (كانت أصغر مني بسنة) .. و كنا بنتقابل من ورا أهلها بصراحة في الأول .. و كنت بحب أعمل مواقف ترعبها .. مرة كان باباها جي ياخدها من قدام النادي فا انا بوصلها لحتة معينة و تمشي لوحدها بعد كدة و أبص انا من بعيد .. فا في مرة مشيت وراها و رحت لباباها و هي شايفها خلاص هتعيط .. و في الأخر قلتله من فضلك الساعة كام ؟ و خدت شتيمة علي كدة قد كدة وقت ما مشيت مباشرة في مسجات عالموبايل .. و مرة كنا خارجين و شفنا أخوها فا انا عملت مش معاها و بوقف تاكسي .. و اما التاكسي وقف معرفتش أقوله إيه قلتله إسكندرية ؟ الراجل صدق و قاللي ماشي هتدفع كام ؟ قلتله 20 جنيه .. قام شتمني و مشي .. لحد ما عرفتني علي مامتها و بعدين بقوا عارفين عندها في البيت و بقيت أقدر أسلم علي باباها و مامتها عادي لو شفتهم و بيبقوا عارفين رايحين فين.. و نسيت أقلهم إنها فنانة كمان .. دخلت فنون جميلة بعد كدة و كان فرح لأن كان جالها في التنسيق كلية مش عاجباها و بعدين ظهرت نتيجة إمتحان فنون جميلة و قبلت فيه .. و كان كل شئ جميل لحد يوم 4 أغسطس 2007 تحديداَ كانوا مسافرين المصيف و واحدة صاحبتنا كلمتني بتقولي كلم محمد أخو ياسمين لأنهم عملوا حادثة .. فا إتخضيت و كلمت ياسمين الأول لقيت الموبايل مقفول .. كلمت محمد أخوها لقيته منهار .. فا بقوله إيه اللي حصل ؟ قاللي انا مسافرتش معاهم .. و عملوا حادثة و بابا و ياسمين إتوفوا .. قلتله إيه ؟؟ إزاي ؟؟ قاللي انا في حتة إسمها الضبعة علي طريق مرسي مطروح .. لأن ماما لسة في المستشفي و هنقلها .. انا مكنتش حاسس إن الكلام اللي بيقوله حقيقي .. بمعني مكنتش حاسس إن واقع زي ده ممكن يكون حقيقي .. تفاصيل الحادث كانت إن سيارة نقل طلعت فوقيهم .. حاولت أتخيل الموقف و أستوعب الواقع ده بس كان صعب .. كان ممكن حاجات كتير تحصل .. كان ممكن محمد يسافر معاهم و هو اللي يقعد قدام و تقعد هي مامتها ورا .. كانت ممكن مامتها هي اللي تقعد قدام .. كان ممكن يتأخروا دقيقة زيادة في بنزينة علي الطريق فا ميحدثش لقاء بينهم و بين سيارة الحادث .. و لكن كل شئ زي ما يكون كان مترتب .. عشان يغير ترتيب كل حاجة بعديه بعد كدة في حياة ناس كتير .. و دي مش نهاية القصة بس انا حابب أقف هنا .

ايه وجع القلب دا

من فضلك كمل لاني بجد قلبي واجعني

تم تعديل 11 مايو 2009 بواسطة remo

[لولا]

لولا

بما إننا مشرفين زي بعض .. عايز أسألك سؤال حريمي فيري سينوكمينتال ..

س : هو ليه البنات والستات بيهتموا بالرفايع ؟

الرفايع مش الحلل والألمونيات وحاجات المطبخ ...

لأ الرفايع يعني التفاصيل العواطفية الدكيكة خصوصاً في بداية الحياة الأُسرية وكدهوت ..

هاقولك إزاي .. بدون اللغوصة في موضوع ياسر ..

أنا الأول كنت في السعودية ونويت أتجوز البنت دي اللي هي المودام دلوقت ... وروحت مكلم أبويا وأمي وقلت لهم إنتو تروحوا تخطبوا البنت دي وكل اللي عليكو تقولوا : الف مبروك .. ربنا يتمم بخير .. ده شيء جميل ... ده شيء عال العال ..

وحصل كشف الهيئة وقفزة الثقة اللي إنتي قولتي عليها بتاعت ماري منير من ماما طبعاً .. وعلى مانزلت أنا كنا أتكلمنا مع بعض في التليفون ييجي مليون مره ( إنتي عارفه إن الفاتورة لسه بتوجعني لحد دلوقت .. وكنت باتكلم ييجي بنص مرتبي تليفونات .. يمكن إنتي جييتي في أبو بلاش .. زماننا يا بنتي كانت كباين تليفون وكانت الدقيقة بستة ريال وجوز الحمام كان 3 فِرد وعود القصب كان بزعزوعتين ) فلما نزلت وإتقابلنا كان عادي يعني ماحنا نعرف بعض كويس تليفونات وجوابات وحركات وأنا أعرف عيلتهم اساساً فكان الموضوع سووو فاميلير ...

فين الرفايع بقى ؟

جايلك في الكلام .. أقسم بالله من ساعتها وهي بتذل فيه .. وتقول لي كان نفسي تيجي تخطبني وإنت تبقى قاعد في أوضة المسافرين .. وأنا أدخل بالشربات ومكسوفة ومدورة وشي الناحية التانية وأقوم دالقه الصينية على هدومك ؟

شوفتيش سيكوباتية زي كده ؟ وإيه الأفلام دي كلها . ما تجيبي أي علبة عصير أدلقيها على بدلة من بدلي في الدولاب وخلصنا وإنتي برضوا في الأخر اللي هاتنقعي وتغسلي وتكوي ...

يعني عشان ما دهولتش هدومي ... خلاص الرومانسية أنتفت من الكصة والجوازة ما قامتش على اثاث سليم . ( هي أثاث يا شيخ عبد البر بالثاء ولا بالسين ؟ :lol: )

موقف تاني من الرفايع ...

أنا الحمد لله حالتي مستورة زي مانتي عارفه وراجل كسيب وبأخد مرتب معقول من الإشراف - واخده بالك - لكن زوجتي صممت إنها في الزواج ما تشتريش فستان فرح بالشيء الفلاني عشان كلها ساعتين زمان والعروسة للعريس وباقي المعازيم بيجرووا وكدهوت .. فقلت لها أنا محفظتي معايا ومليانة ولسه بايع القطن وما يهمنيش لكنها صممت .

تخيلي بقى من ساعتها كل ما تشوف عروسة لابسة فستان حتى لو كانت " باربي" العروسة الحلاوة دي اللي بتقول بابا وماما ... . تقعد تبص لي وتعيط وتقول لي : ياللي إستخسرت فيه فستان وما اشترتليش فستان وماليش دعوة أنا عايزة فستان .. تخيلي منظري وأنا مجرجر 3 عيال ورايا ورايح العبودي اللي في روكسي وبنشتروا فستان فرح وطرحه وجيبونه للمدام ؟

طب يابنتي مش إنتي اللي قولتي ؟

تقول لي وبتصدق كلامي له وما صممتش ليه ؟ اعمل أنا إيه دلوقت وكل ما أفتح الدولاب مالاقيش فستان فرح واكله العته زي صحباتشي عالقهوة ؟

طب أعمل إيه يا ناس في صنف النسا ده ؟ ... ده الواحد حط صوابعه التلاتشر في الشق .

--------------------

لا مؤخذه يا ياسر يابني .. انا أكبر منك سناً وخبرة .. وبأقولك على الحاجات الروفيعة دي عشان تعمل حسابك وما تغلطش غلطتنا ...

ربنا يفتح على كل اللى مش متجوزين يارب ..

إيه يا لولو ... والمتجوزين ما يفتحش عليهم يعني ؟

ولا النهاردة الإتنين والحلاقين مش فاتحين ؟

انتا محظوظ ..محظووظ .. محظووووووووووووووظ يا ولدى ..

ده حتى انتا الرفايع بتاعتك جات على حاجات معقوله ..

انا بقى متوكفتش عند اى رفايع ابتا بتا .. الرفايع كلها كانت بين ماما وحماتى

ماما طالبه شبكة الماظ وعاملة فيها ام السفيره عزيزه ,, وحماتى مقتنعه ان الشبكه الدهب كفايه .. وخد عندك

الصراع الحمواتى اللى بينهم اهو الصراع ده على رفائع الأمور امتد من الخطوبه لكتب الكتاب للفرح ..

وكانت حاجات بتعدى لحد الفرح .. واهه على الفرح .. خد عندك ماما طبعت كروت الفرح بالشكل التالى " فلان الفلانى وحرمه ."

يتشرفون بدعوة حضرتكم لزواج ابنتهم كذا على المهندس كذا .. وكان فيه شويه كلام من تأليفى فى الكرت ..

قوم ايه طنط حماتى زعلت من الكرت جدا !! ليه وليه مش مكتوب عائلة كذا وكذا يتشرفون .. وكده يعنى وماما مصره ان صيغه الكرت

هى كده ليه بقى عشان الفرح اصلا كان كبير واهلى هما اللى عملوه بكافه التكاليف من غير مشاركه من اهل العريس .. وطبعا حماتى ملهاش حق بس تقول ايه

والدنيا ولعت زياده لما ماما ضافت فى الكرت ممنوع اصطحاب الأطفال ... ياخبر ازرق حماتى اصرت ان الأطفال احباب الله ولزما ولابد يحضروا

الفرح ووصلنا انا ومحمد لمرحله الأرهاااااااااااااااااق التام من التدخل بين ماما وحماتى ورفائع الأمور ياسيدى ..

اهى دى بقا رفائع الأمور اللى بيتعمل منها مشاكل ملهاش لزمه مش تقولى عصير وندلقه ع البدله .. وتحس انك مش عارف ترضى مين

وكله بيهدد انه غضبان وزعلان ووو .. وطبعا الحكم مالوش اى علاقه بموازين مين صح ومين غلط لأن المهم هى النتيجه انك ترضى الطرفين

عشان تخلص ,, يعنى مقدرش اشوف محمد حزين عشان مامته لما بتزعل بتنكد عليه وهو كمان لما ماما بتزعل بتنكد عليا فتلاقيه بيموت .

يوووووووه الواحد اعصابه تعبت ياراجل على ما اتجوز بجد

روح ياشيخ ربنا يفتح عليك انتا كمان واحنا معاك ..

ايه ده ياخوانا دا احنا دوخنا السبع دوخات لما تخطينا البلاوى الزرقه من رفايع الأمور يا ابو الأسيان .. ربنا ما يعودها ايام ياشيخ ..

قال احلى ايام قال هى اللى قبل الفرح دى كانت ايام سوووووووووووووووده wst::

لولا

[rewsha]

في الاول والاخر يا دودي ده قسمه ونصيب يعني لو انت فين قدرك هوه قدرك...............ههههههههههه انا كمان بقالي 12 سنه جواز .يعن انا الاتنين (العريسين)كانوا قاعدين في نفس الوقت عندنا في البيت واحد في الانتريه والتاني في الصالون بس المهم انا اخترت مين والاهم اللي مكتوب لي مين بس الحمد لله ربنا كرمني واعطاني هديه كبيره هيه...زوجي وبناتي.

[الباشمهندس ياسر]

عقبالك يا ياسر يابني لما تروح بيتكم تلاقي حد مستني في أوضة المسافرين ويقولوا لك " في بنت حلوه جايه تتقدم لك يا ياسر "

تصدق فكرة جامده جدا

اول ما ارجع مصر هعمل لوحة باسم اوضة المسافرين و اعلقها ع الصالون ولا الانتريه حتى

اهم حاجة ان الواحد يستعد للحظة الموعوده

طب تصدق بالله... بفكر اعملها و اتصل بواحدة من اصحابى و اقلها تتجوزينى.... طبعا ما هتصدق و يمكن يغمن عليها ولا حاجة

و اقوم مديها الضربة القاضية و اقلها هتجيبى تانت و تيجو تطلبوا ايدى امتى؟

بس بالمناسبة يعنى و الشىء بالشىء يذكر

اخويا الى اصغر منى كان بيشترى و البنت اللى فى المول عاكسته

راح قايللها متضيعيش وقتك يا قطة .. احسن انا متكلمين عليا

البنت قالتله فعلا خسارة انا كنت لسه بفكر اخد العنوان واجى اطلب ايدك

موضوع جميل جدا انا ملاحظ انى بقالى يومين بقرأ مواضيع جديده فى المنتدى وشيقه جدا جدا

اما بالنسبه لموضوع اتعرفت بشريك حياتك ازاى فالموضوع ده اثر فيا جامد وانا اساسا حيسيس اقوى لانى ماعنديش نص تانى علشان احكى اتعرفت عليه ازاى انا ماعنديش الا الاب توب بتاعى لسه جايبه امبارح قسط ممكن احكى عنه باعتبار انه اكتر واحد قاعد معايا 24 ساعه !!؟؟؟؟

مبروك اللاب توب يا ابو حميد

بس قولى بقى ... اختارته بعض بناءا عن حب ولا غلطة و بتصلحها

بالنسبة لي يا باشمهندس ياسر , أنا اتجوزت جواز تقليدي

بالرغم من إني حصل معايا في الجامعة قصص لا أحب ذكرها

نصحية أخوية:

أفضل اختيار للعروسة إنه يكون اختيار الستات قريباتك

يعني أمك , أختك , أو أي قريبة لك

لأن الستات بيكونوا عارفين بعض كويس..

وربنا يوفقك يابني .. ونفرح فيك .. آسف .. قصدي نفرح بيك :lol:

ماهى شكلها هترسى على كده يا سهل و الله

و نبقى ضيعنا السنين اللى فاتت فى وهم بقى و حركات ملهاش اى لازمة خااااااااااااااالص

ابقى ادعيلنا معاك يا جميل

[goodnewss]

اسمعوا حكايه الوالد والوالده كان ياماكان شاب رايح المحكمه ماعرفش ليه شاف بنت من ضهرها والشعر الحرير عمال يهفهف ويرجع يطير قام قال لبنت اخوه الكانت معاه ساعتها روحي كلميها وراحت عرفت منها إنها محاميه تحت التدريب وعرفت بتشتغل في مكتب إيه وراحوا سألوا عليها فطلعت بنت صاحب والده الانتيم .

[لولا]

بصوا بقه موضوع الفستان ده مهم جدا وكان لازم يا استاذ تصر إنك تجيبه وتتخانق إذا لزم الامر وده لمصلحتك واديك شفت بنفسك وبقيت عبره لمن يعتبر.هو في عروسه من غير فستان؟ من غير فستان ليه وانا وحشه وللا إيه؟؟

تعرفى انا كنت شايفه الفستان حاجه مهمه كده برضوا قبل الجواز .. بس بعد الجواز وبعد ما بقى مدفون جوه الدولاب من غير اى فايده

حسيت ساعتها انه مكنش بالأهميه الكبيره قوى اللى كنت شايفاه بيها.. اهو المستفيد حاليا منه ولمدى الحياه هى العته تقزقز فيه براحتها بقا :rolleyes:

[لولا]

لا مؤخذه يا ياسر يابني .. انا أكبر منك سناً وخبرة .. وبأقولك على الحاجات الروفيعة دي عشان تعمل حسابك وما تغلطش غلطتنا ...

بص يا ياسر يابنى .. انا اصغر منك اى نعم لكن بفهم برضوا فى الحاجات دى .. اختار حماتك قبل مراتك يابنى عشان تعيش سعيد

من غير روافع ولا بواسط :rolleyes: واقعد فى الصالون فى وش الباب عدل .. والبس بدله غامقه وقديمه عشان كوبايه العصير تتدلق وتعمل

جو رومانسي على رأى مودام ابو الأسيان ...

واتفسح على الكورنيش واشترى لب وترمس كمان وكام عقد فل

المهم انتا احتاط على قد ما تقدر .. وان شاء الله لما تظهر روافع جديده خارج المنهج اللى ذكرناه انا واخوك الكببر س س ابقى ادخل اعملنا

اب دايت للمعلومات اصل ممكن تكون الدنيا اتغيرت فى السنتين االلى فاتو ..احنا فى عصر السرعه برضوا :lol:

لولا

[الباشمهندس ياسر]

كان حمايا صاحبى وكل شوية يحكى عن بنته ..

الأول قبل ما اقول .. رحت مرة أقابل شخص فى مكان ما .. قالولى بعد اذنك انتظر هنا واستأذنو من حمايا .. انا بهبل وعبط قلتله هيكون لنا مع بعض شأن كبير .. مع العلم لا كنت عارف انا رايح ليه ولا هأقابل مين .. شوية وقابلت الرجل اللى راياح اقابله .. وقاللى هنكلفك بشغل معين لفترة معينة .. وبدأت العلاقة مع حمايا .. اللى قعد يحكيلى عن أسرته .. وانا أحكيله عن قصة العذاب اللى عايشها مع أهل البنت اللى بأحبها ..

هو كان عزمنى فى يوم عنده فى البيت ..

بعد ما حصلت الفركيشة الكبيرة بأربعتيام .. قلت أكلم حمايا .. بعت له زميل فى الشغل .. لقيته جاى تانى يوم المكتب يبص على وانا مكوع ايدى على رسى خايف من الاقلام تنزل ترف .. قالى يا راجل هو فيه بيننا حاجز مش كنت تكلمنى مباشرة؟

بعد 5 أيام كنت كاتب كتابى .. وانتهت القصة أو بدأت .. بعد شوية فقت لقيتنى متجوز ..

بس الحقيقة انا حبيت زوجتى من خلال حماتى .. وفى أول قعدة معاها عشان توافق ولا لأ .. حكيت لها قصتى وقلت لو جت فرصة هأتجوزها .. ومن يومها معايا رخصة ..

نسيت أقول انه قربت على تأبيدة بدون اى أمل فى الافراج هههههههههههههههههههههه

بقى عاوز تتجوز حماتك....

صبرك عليا لما افوق بس

فين الرفايع بقى ؟

جايلك في الكلام .. أقسم بالله من ساعتها وهي بتذل فيه .. وتقول لي كان نفسي تيجي تخطبني وإنت تبقى قاعد في أوضة المسافرين .. وأنا أدخل بالشربات ومكسوفة ومدورة وشي الناحية التانية وأقوم دالقه الصينية على هدومك ؟

شوفتيش سيكوباتية زي كده ؟ وإيه الأفلام دي كلها . ما تجيبي أي علبة عصير أدلقيها على بدلة من بدلي في الدولاب وخلصنا وإنتي برضوا في الأخر اللي هاتنقعي وتغسلي وتكوي ...

يعني عشان ما دهولتش هدومي ... خلاص الرومانسية أنتفت من الكصة والجوازة ما قامتش على اثاث سليم . ( هي أثاث يا شيخ عبد البر بالثاء ولا بالسين ؟ :rolleyes: )

موقف تاني من الرفايع ...

أنا الحمد لله حالتي مستورة زي مانتي عارفه وراجل كسيب وبأخد مرتب معقول من الإشراف - واخده بالك - لكن زوجتي صممت إنها في الزواج ما تشتريش فستان فرح بالشيء الفلاني عشان كلها ساعتين زمان والعروسة للعريس وباقي المعازيم بيجرووا وكدهوت .. فقلت لها أنا محفظتي معايا ومليانة ولسه بايع القطن وما يهمنيش لكنها صممت .

تخيلي بقى من ساعتها كل ما تشوف عروسة لابسة فستان حتى لو كانت " باربي" العروسة الحلاوة دي اللي بتقول بابا وماما ... . تقعد تبص لي وتعيط وتقول لي : ياللي إستخسرت فيه فستان وما اشترتليش فستان وماليش دعوة أنا عايزة فستان .. تخيلي منظري وأنا مجرجر 3 عيال ورايا ورايح العبودي اللي في روكسي وبنشتروا فستان فرح وطرحه وجيبونه للمدام ؟

طب يابنتي مش إنتي اللي قولتي ؟

تقول لي وبتصدق كلامي له وما صممتش ليه ؟ اعمل أنا إيه دلوقت وكل ما أفتح الدولاب مالاقيش فستان فرح واكله العته زي صحباتشي عالقهوة ؟

طب أعمل إيه يا ناس في صنف النسا ده ؟ ... ده الواحد حط صوابعه التلاتشر في الشق .

--------------------

لا مؤخذه يا ياسر يابني .. انا أكبر منك سناً وخبرة .. وبأقولك على الحاجات الروفيعة دي عشان تعمل حسابك وما تغلطش غلطتنا ...

بصراحة يا جدو

مش عارف اشكرك ازاى ع الحاجات التخينة دى يووووووه قصدى الثمينة

بس بصراحة بقى انا كنت فاهمك غلط

دنا كنت فاكرك الواد اللى يلعب العفاريت ع الشناكل ... طلع ولا مؤاخذة خاااااااام

بقى يا راجل تبقى لسه بايع القطن و متجبلهاش فستان و تسيبها تمسك عليك ذلة

لا لا لا يا س س يا اخويا... ملكش حق

اما عني فقابلت زوجي في الصيدليه وكنت لسه متخرجه دلوقت حالا و رحت اتدرب في صيدليه جنب بيتنا وكان اول يوم ليا وعلي فكره انا كنت مش عايزه اروح الصيدليه دي خالص وبابي هو اللي دبسني ولما رحت شفت واحد أول مره اشوفه مع إن الصيدليه دي اعرفها من وانا في ابتدائي بس ماتكلمناش خالص ولا كأني شفت حد اصلا و روحت .تاني يوم بالليل بابي جه يقول إن صاحب الصيدليه كلمه إن في واحد شافني و عايز يتقدم وانا علي طول خطر في بالي الشخص ده وفعلا طلع هو و بس خلاص دلوقتي عندنا ولد عنده ثلاث سنوات وعلي فكره مامي هي اللي قدمت الشربات

سبحان الله

يعنى شفتيه يوم بحاله ف الشغل و لا كأنك شايفة حد اصلا

و بعدها تتجوزوا

ربنا يهنى ايامكم

أنا اتجوزت عن قصة حب جميلة ..

أعتقد أنني لازلت أعيش حياة أسرية رائعة مع زوجتي وابني ذو الثمانية أعوام ..

الحمد لله ...

مبارك و يارب دائما ف الهنا و السرور

[الباشمهندس ياسر]

علي فكرة يا س س

في نقطة مهمة اوي اثرتها وهي الرفايع دي

دي فعلا مهمة جدا

لانها بتبقي ذكريات جميلة في اي فلاش باك

احرص طول الوقت علي الرفايع دي

علشان ديما في المستقبل يكون في ذكريات جميلة

ملحوظة

أنا مش متزوجة بس اتوقع اني هقابل زوج المستقبل يا اما في خناقة :lol: :lol: كالعادة

يا إما عند الميكانيكي ,,,اصلي بقضي هناك ديما الويك اند بتاعي :lol:

دا بعد ما كنت متخيلة ونا في ثانوي اني هلاقيه في المشرحة اول مدخل طب ويغم عليه

واعيش دور مني زكي في فيلم اضحك الصورة تطلع حلوة :rolleyes:

بس اول مدخلت المشرحة من 6 سنين قعدت ادور علي كريم عبد العزيز زي مبيقول السيناريو

ملقتش غير عباس فارس :(

منى زكى ....ااااااااااااااااه قلتيلى بقى

و كمان كريم عبد العزيز

انا مقدرش انكر ان الواد زى البسكوته و يتاكل اكل كمان

و منى طبعا سمورة ملهاش حل

انما ادى اللى خدناه م التلفزيون و السيما

روحى يا دكتورة .... بس ابقى ارجعى بسرعه wst::

موضوع جميل ياباشمهندس وفكرتني بالذي مضى

بس اسمح لي اتقدم نص خطوه واحكي على  الشيخ  مأذون بتاعي والله ماأنا عارف انا جبت الجدع ده منين

كان فيه شوية  مأذين  على صبيان مأذين كده وانا جبت احسنهم فى السعر وذلك بالاتفاق مع صبي المأذون الى كان موجود ساعتها  وفي يوم كتب الكتاب الموعود اتى المأذون قبل مانكتب كتابنا جاء واحد جنبه هو وواحده وقالوا له عايزين نتجوز قال لهم بطايقكم ام الراجل قال له انا متجوز وعايزك تظبطنى وتسلكني  قال له ماشي طب استنى شوية لما اخلص الناس دي (  تحس انه زي الحانوتي لما يقول لما اخلص على الكام حته الى فى ايدي) اه معاك شهود قال لالا نادي الصبي بتاعه وتقريبا بعت يجيب 2 شهود من على القهوه وبعدين  بدأ يكتب الكتاب وظهر حاجات غريبه لقيناه لابس انسيال ذهب  وبعدين بضرب بعيني فوق علشان اشوف وشه تانى مستغربا لقيته لابس سلسله ذهب وكمان كان فيه  خواتم ا ذهب فى ايده 

وظللت اقنع زوجتي بعد زواجنا  ان هذا هو المأذون وهي مصره ان المأذون  هو من كانت تراه فى الافلام لابس عمه وجبه وقفطان وانا اقول  لها ياستي ده المأذون الحديث بنطلون وقميش وانسيال ذهب وسلسله ذهب . وهي حتى الان مش مقتنعه بيه 

ومرت سنين طوييييييييييييييييييييييييييييييييييييييييييله  على زواجنا ،،،،،،

طب لما تتقدم النص خطوة دى يبقى دخلنا ع مرحلة تانية

عموما

عجايب اخر زمن مش هتخلص