كيف تعرفت على زوجك / زوجتك؟

[emano]

بصى ياسوسو ماما كان عندها بعد نظر

يعنى شافه ان العيب الوحيد قله المال

وده مكنش عيب في نظرها

لانه شاب محترم متدين شاطر ومتفوق فى كليته

يعنى خريج صيدله مع مرتبه الشرف جيد جدا

فشافه ان الموضوع مجرد وقت وحيكون بعد كده حاجه كويسه

بعد الشغل فى الخارج وفعلا ده الى حصل

وحلنا اتغير بعد السفر للسعوديه

وعلى فكره هو بيحب ماما وبابا جدا وعمره مبينسامسعدتهم له ابدا

وبيعملهم احسن معامله

حتى مامه بتعمله كويس زى اخواتى الصبيان

ودائما بتكون فى صفه وتقلى جوزك ده مفيش منه اثنين خلى بالك عليه حطيه فى عينك

فده راجع انه عند اصل يعنى لو واحد اى كلام حيقول وماله مهم معاهم فلوس كتير ايه المشكله لما يسعدونا وده والله حصل مع واحده صحبتى علشان كده لازم على الصل ندور

ودمتم سالمين

[emano]

ريمو طمنينى انتم فى القصيم ولى غيرتم لحسن بيقولو عليها عقد قوى

بجد انت جباره

وجوزك ده شكله طيب

كل متخيلك وانت بتقولى باقرف

اتخيل نفسى بقلك طيب موتى من العطش بقى ياشطره

لابس قوليلى ركبتى ازاى جمبه فى العربيه كان الموقف عادى يعنى

لاوفى المدينه كمان جباره فعلا

سلامى لمريومه القمر ده بركه المدينه

[الباشمهندس ياسر]

وسع يا جدع انت و هي

ريمو جت تحكيلكم احلى قصة حب فيكي يا جمهورية مصر العالمية :wub: :lol: :wub:

انه في يوم الاربعاء الموافق 4/7/2001 و الساعة تشير الي الثامنة مساء كفاية كده لغة عربية فصحي نكمل بالمصري عشان تعبت :blush2:

كنت قاعدة على ال icq كالعادة كل يوم لقيت واحد بعتلي رسالة و قالي ممكن نتعرف و اقسم بالله العظيم من اول الكلمة دي و انا حسيت باحساس غريب اني مشدودة للاخ صاحب الرسالة و رديت عليه ايوة ممكن مين معايا

بس و قدنا نتكلم ساعات كتير و كنت لما حد من اصحابي و صحباتي يتكلموا معايا و انا باكلمه يا اما ما اردش او اقول معلش مشغولة لاني كنت عاوزة افضل مركزة معاه هو ...هو و بس

و قعدنا على الحال دا اسبوع و تظبطوا عليا الساعه 8 بالتمام اكون قاعدة و اول ما يفتح اعمل بلوك لكل الناس الا هو و في اليوم السابع لمعرفتنا لقيته بيقولي تتجوزيني قولت في عقل بالي اه ما احنا كنا كويسين بتلعب في عداد علاقتنا ليه من بدري كده لان طبعا انتوا عارفين ال icq الجملة دي اتعرضت ليها كتير و اول ما تتقال ادي الاستاذ اللي قالها احلى صابونة

المهم لما هو قال كده ما اعرفش ايه اللي خلاني اكمل كلام معاه و لقيته بيقولي انا لا باهزر و لا بالعب و اديني رقم تليفون حد كبير من اهلك اكلمه قولت في نفسي ما تجربي هاتخسري ايه و هو برة مصر اصلا يعني ما اعتقدش انه هايتصل دولي عشان يلعب و زمان كان الاتصال بقى من كباين و الدقيقة ب 5 ريال

و فعلا اديتله رقم تليفون خالتي و بعدها بشوية لما دوامه خلص لقيته اتصل بيها و قالها على ظروفه و انه عاوز فعلا يرتبط بيا و قالها شوفي حضرتك رتبي مع باباها و مامتها و انا تحت امركم

كل الحوار اللطيف دا و انا ما شوفناش بعض اصلا و دي نقطة كانت مخوفاني جدا و قولتله ان العين لازم تحب هي كمان ممكن ما اعجبكش لما تشوفني او العكس

و يشاء الله اننا نتقابل في السعودية كان خالي طالع عمرة و ماما قالتله يحجزلنا فيها هي و انا و جدي الكلام دا قبل ماما ما تعرف اي حاجه عن الحوار دا يعني سفرية العمرة كانت مترتبة من فترة

و فعلا لما جت التاشيرات و كله تمام قولتله اننا طالعين عمرة قام بعت باباه و مامته عندنا البيت و بابا قالهم خلاص يشوفوا بعض هناك و لو في نصيب ربنا يقدم اللي فيه الخير

طبعا بابا ما كانش يعرف اننا نعرف بعض من النت و الا كان زمانه قطع رقبتي لكن خالتي قالت ان الناس دول من طرفها لان بابا صعب شويتين تلاتة بصراحة

المهم سافرنا العمرة و هو كان في القصيم و احنا في المدينة قام دب المشوار من القصيم للمدينة بس عشان نشوف بعض و اول مرة اتقابلنا كان في الحرم النبوي الشريف و بعدين رحنا مكة و هو ورانا برضه ما فيش فايدة هو اللي جابه لنفسه بقى

و بابا اتصل بيا و قالي ايه رأيك و قولتله موافقة يا بابا طبعا بابا فرح اوي لاني كنت باطلع في كل عريس يتقدملي القطط الفطسة (مثال لا يا بابا مش عاجبني الولد دا لانه لون الشراب اللي لابسه مش لايق على الهدوم يعني ما عندوش ذوق في لبسه و خدوا من دا كتير)

لاني بصراحة طول عمري باحلم اتجوز واحد عن حب و حب كده من بتاع اول نظرة المهم طلع حب من اول ماسج على ال icq :unsure: wst::

و فعلا نزل و اتجوزنا الحمدلله و مازال الحب مستمرا و عندنا الانسة المحترمة مريم ربنا يخليها و يهديها

ايه رأيكم بقى في الكصة العاطفية دي حب من وراء شاشة الكومبيوتر

اكيد فتفوتة طبعا هاتسال اول ما شوفتوا بعض حسيتوا باية و من غير ما تسالي يا فتفت ياختي اقولك

كنا متفقين اننا نتقابل وسط العائلة و خلاص و بعدين انا رجعت في كلامي و قولتله لأ نتقابل انا و انت الاول لوحدنا ممكن ما يحصلش قبول بينا و منعا للاحراج يعني ليك او ليا خالينا نشوف احنا بعض الاول و لو تم القبول خلاص تقابل ماما و خالي و جدي و كده

و اتفقنا اننا لو حد فينا ما عجبوش التاني برضه منعا للاحراج نستأذن بطريقة لطيفة و يقول طيب انا لازم اقوم اتوضا عشان الحق الصلاة

و فعلا اتقابلنا في الحرم بعد خناقة محترمة في التليفون لاننا ما نعرفش شكل بعض و عمالين نلف بقى انت لابس ايه و انتي لابسة ايه و الحورات دي و كنا بعد صلاة الضهر مباشرة لما الشمس اكلتني بجد و في الاخر انا بقى قولتله بص من الاخر كده انا هاقف في اقرب مكان ضل و مش هالف على حد انت اللي تلف لقيتني لقيتني ما لقتنيش خلاص

المهم فعلا عملت زي ما قولت و فضلت واقفة في مكان ضل لقيت واحد جي ناحيتي كده و بيقولي انتي واقفة هنا و انا بالف عليكي من بدري بكل هدوء كده و انا كانت راسي بتغلي من الشمس اصل جوزي هااااااااااااااادي اوي و رايق في نفسه كده

المهم نزلنا نركب العربية و نتمشى شوية بيها كده عشان نتكلم في هدوء و نشوف ايه الموضوع مش قادرة اقولكم كانت حالتي لا تسر عدو و لا حبيب متوترة جدا و توتري دا اتقلب لحالة من التناكة الشديدة بصراحة انا لو منه كنت قولت انا رايح اتوضى في الازهر الشريف و خلص نفسه

نزلنا عند العربية لقيته رايح يركب كده و سايبني قومت بكل تناكة ايه دا انت مش هاتفتحلي باب العربية حسيت على وشه انه اتخض كده من كلامي و اسلوبي و انا اول مرة اشوفه يعني المهم قالي لأ طبعا معلش انا اسف ما اخدتش بالي (من يومها بصراحة و هو بيفتحلي باب العربية هي كده الانطباعات الاولى تدوم :))

قولتله بكل تناكة انا عطشانة كان في ازازة معاه في العربية مفتوحة كده ادهالي قولتله ايه دي مفتوحة قالي معلش اشربي لحد ما نطلع برة و انا هاجيبلك واحدة مقفولة مش بتقولي عطشانه معلش بلي ريقك بس قولت لا طبعا باقرف اشرب مكان حد بصلي كده بكل هدوء قالي طيب انا معايا صندوق مايا في العربية بس سخنة طبعا قولتله ماشي بس اهم حاجه تكون مقفولة و نزل فعلا جابلي مايا ما شربتش غير بوء صغير جدا انا اصلا ما كنتش عاوزة اشرب انا كنت باحاول بس اداري التوتر و اضيع وقت لحد ما اهدى نفسيا

المهم طولت عليكم بعد ربع ساعه كده حسيت اني شوفته من 5000 سنة قبل الميلاد و هو كمان و كلامنا بقى عادي جدا كاننا بنتكلم على النت ما فيش اي فرق و بعدها روحنا المسجد تاني و قابل اهلي و توتة توتة خلصت الحدوتة حلوة و لا ملتوتة؟؟؟؟؟؟؟؟؟

اضبط عندك جواز انترنت ناجح اهو .... الله اكبر وماشاء الله عشان ماتقوليش بنقر يا ريم

ياللا يا ياسر اتجدعن كده يا خويا شايف انترنت اهو

اه صحيح انتى كنتى عاوزه المياة مقفوله ليه يعنى؟

انا عندى كلام كتير و تساؤلات اكتر يا ريمو

هرجعلك تانى لانى ف الشغل و مشغول شوية

ايه يا فتافيتو

بتلقطيها و هى طايره

راجعلكو

باااااااااااااى

[fatfouta]

والله

انا بيتقال عليا نفس الكلام يا جماعه

و كل جيرانى اللى ملهومش علاقة بيا بيقولوا عليا انى تنك و شايف نفسى

محدش يعرف حل للمشكلة دى

مع انى طيب و دائما القطط بتاكل عشايا و غدايا كمان

بص يا ياسر يا خويا انت حالتك صعبة اوى انت عامل ذى جوزى ماهو كده برضوا الناس اللى ماتعرفهوش تقول عليه تنك و..... ولا بلاش وحاجات تانى كتير

انا هنصحك بحاجة يعنى كده لما تشوف جيرانك تسلم عليهم وتقول سلامو عليكو وتضحك فى وشهم

انت عارف جوزى لما نكون نازلين مثلا ونقابل واحد جارنا الاقى الراجل جارنا يقول سلامو عليكو وانا اللى ارد وبعد مانهمشى اقوله هو انت ماردتش ليه يا كذا..... يقولى ايه ده هو فيه حد كان بيقول حاجة؟ بعد عنك بيتوه ساعات والساعات دى تيجى بالذات واحنا نازلين او طالعين او برا مثلا

الناس اخدت عننا فكرة وحشة خالص اننا مش اجتماعيين مع انى ذى مانت شايف انا بحب الناس اوى وذى البرابنط معاهم

بس خد بالك لو انت كده فعلا هتفضل كده حتى بعد ماتتجوز وهى الله يكون فى عونها بقى اسأل مجرب يا خويا

فك شوية كده يعنى سلامو عليكو......تضحك ضحكة صافية كده وتقول وعليكم السلام وماتوقفش هنا بقى لا ارغى قول عاملين ايه واستمر فى الرغى هتبقى اجتماعى اكتر والله والناس هتحبك

صباح الخير للى فى الشغل وصباح النور وامبارح كان مش عارف ايه وافتح قلبك شويه بحذر وكده والدنيا هتمشى البنات هتتلم عليك ...... قصدى يعنى عموما الناس هتحبك اوى

بس ماتخافش هتبقى كويس ان شاء الله

النصائح دى انا كنت بقولها لجوزى كتير وهو برضوا بيتوه منى وينساها وانا اللى بعانى دلوقتى

مش بقولك انت بتفكرنى بحاجااااااااات ........ روح يا شيخ اقول فيك تانى هدعيلك وخلاص

[الباشمهندس ياسر]

والله

انا بيتقال عليا نفس الكلام يا جماعه

و كل جيرانى اللى ملهومش علاقة بيا بيقولوا عليا انى تنك و شايف نفسى

محدش يعرف حل للمشكلة دى

مع انى طيب و دائما القطط بتاكل عشايا و غدايا كمان

بص يا ياسر يا خويا انت حالتك صعبة اوى انت عامل ذى جوزى ماهو كده برضوا الناس اللى ماتعرفهوش تقول عليه تنك و..... ولا بلاش وحاجات تانى كتير

انا هنصحك بحاجة يعنى كده لما تشوف جيرانك تسلم عليهم وتقول سلامو عليكو وتضحك فى وشهم

انت عارف جوزى لما نكون نازلين مثلا ونقابل واحد جارنا الاقى الراجل جارنا يقول سلامو عليكو وانا اللى ارد وبعد مانهمشى اقوله هو انت ماردتش ليه يا كذا..... يقولى ايه ده هو فيه حد كان بيقول حاجة؟ بعد عنك بيتوه ساعات والساعات دى تيجى بالذات واحنا نازلين او طالعين او برا مثلا

الناس اخدت عننا فكرة وحشة خالص اننا مش اجتماعيين مع انى ذى مانت شايف انا بحب الناس اوى وذى البرابنط معاهم

بس خد بالك لو انت كده فعلا هتفضل كده حتى بعد ماتتجوز وهى الله يكون فى عونها بقى اسأل مجرب يا خويا

فك شوية كده يعنى سلامو عليكو......تضحك ضحكة صافية كده وتقول وعليكم السلام وماتوقفش هنا بقى لا ارغى قول عاملين ايه واستمر فى الرغى هتبقى اجتماعى اكتر والله والناس هتحبك

صباح الخير للى فى الشغل وصباح النور وامبارح كان مش عارف ايه وافتح قلبك شويه بحذر وكده والدنيا هتمشى البنات هتتلم عليك ...... قصدى يعنى عموما الناس هتحبك اوى

بس ماتخافش هتبقى كويس ان شاء الله

النصائح دى انا كنت بقولها لجوزى كتير وهو برضوا بيتوه منى وينساها وانا اللى بعانى دلوقتى

مش بقولك انت بتفكرنى بحاجااااااااات ........ روح يا شيخ اقول فيك تانى هدعيلك وخلاص

الامور موصلتش معايا لكده خاااااااالص

انا برمى السلام على كل حد و اى حد و برد السلام بنفس

و دائما مبتسم ف وش كل الناس

بس انا مش بحضر افراح مثلا ... انما لو فيه واجب عزاء بعمله طبعا من اوله لاخره

مثلا انا مش بقف ف الشارع مع حد خالص...

حتى لو خارجين من الجامع تلاقينى واقف مع اصحاب بابا بس و لو بابا قاعد بطلع م الصلاة على فوق عدل

مليش اصحاب من جيرانى خالص .. اصحابى كلهم م الجامعه و الشغل ..ايام ما كنت بشتغل ف مصر

عموما

الناس حرة ف انطباعتها i don't care

[قلب ابيض]

[quote

بس ماتخافش هتبقى كويس ان شاء الله

النصائح دى انا كنت بقولها لجوزى كتير وهو برضوا بيتوه منى وينساها وانا اللى بعانى دلوقتى

مش بقولك انت بتفكرنى بحاجااااااااات ........ روح يا شيخ اقول فيك تانى هدعيلك وخلاص

الامور موصلتش معايا لكده خاااااااالص

انا برمى السلام على كل حد و اى حد و برد السلام بنفس

و دائما مبتسم ف وش كل الناس

بس انا مش بحضر افراح مثلا ... انما لو فيه واجب عزاء بعمله طبعا من اوله لاخره

مثلا انا مش بقف ف الشارع مع حد خالص...

حتى لو خارجين من الجامع تلاقينى واقف مع اصحاب بابا بس و لو بابا قاعد بطلع م الصلاة على فوق عدل

مليش اصحاب من جيرانى خالص .. اصحابى كلهم م الجامعه و الشغل ..ايام ما كنت بشتغل ف مصر

عموما

الناس حرة ف انطباعتها i don't care

بركه يا بركه 000كلهم فى الاول بيبقوا كده

والله بعد كام سنه انت اللى بتسكتى وهو اللى بيتكلم 0000الحياه مراحل

ياسر : كل فوله ولها كيال 00واحنا كده بقى واللى عاوزنا على كده شغااااال

يعنى اقصد ماتحبكهاش اوى مش معنى ان اصحابك معدودين انك مش اجتماعى اطلاقا

المهم اللى بيحب بياخد الحبيب كله كده على بعضه حلوه ومره مافيش نقاوه

والامور بعد كده بتغربل نفسها والحلو بيشيل الوحش ولاجل الورد يتسقى العليق

والكمال لله وحده00- والناس مابترضاش ابدا فاكرين حكايه جحا وحماره " لمؤخذه "؟؟؟؟؟

كده بجد لازم نفتح موضوع تانى 00000يتبع

[mokhtarelmalahy]

كده انا اطمنت ان المهندس ياسر رجع تانى لقلب المحاورات :unsure:

ومن باب التشجيع احب اكون اول المشاركين للإستفاده العامه ..

انا كنت راجعه من الجامعه .. دخلت ماما قالتلى ان عندنا ضيوف ..

بصيت من خرم باب الصالون لقين ولد زى القمر ..

خرجت ماما قالتلى الشاب الى جوه ده بيطلب ايدك من بابا .. ايه رأيك :blush2:

انا سكت ومردتش ... اصل السكوت علامه الرضا :wub:

وبس ..

أدى الحكايه ..

ايه مش مصدق :lol:

ونتمنى التوفيق للأجيال الحاليه .. الواحد خلاص كبر ولازم يفيد الشباب بتجربته برضوا

نسيت اقولك .. حب او جواز صالونات .. كله فى الآخر نصيب .

لولا

مش عارف ليه مش مصدق بؤك يا لولا

يعني كل واحده تبص من خرم الباب تلاقي شاب حليوه جاي يضرب شاي عندهم تروح موافقه عليه على طول إن شالله يطلع عنده ربع ضارب أو بياكل مشابك الغسيل مثلاً ؟

ده على كده الجواز سهل أهو والدنيا حلوه ..

أومال فين قصص العذاب والغناء على الجيتار تحت اشجار الزيزفون .. والمحبوبة تطل من البلكونة كالقمر لتدلق مياه الغسيل اللي فيا بوتاس على راس محبوبها لتصيبة بحروق من الدرجة الأولى ليتعلق قلبه بها أكثر عشان أتأكد إنها إنسانه نضيفة وغسيلها أبيض وزاهي وزي الفُل ... ويا حبذا لو زارته في عنبر الحروق بمستشفى الدمرداش لتطمئن عليه وتقول له : والله ما كان قصدي يا ثامح .. أنا بس أرتبكت وبدل ما أرمي المياه ناحية اليمين رميتها ناحية الشمال اللي إنت كنت واقف فيها "

-----

انا بقى زوجتي كانت اخت صديقي في العمل ومره بيفرجني على صور خطوبة من خطوباته المتعددة المتفشكلة فشوفتها في الصور وعرفت إنها اخته وحبيتها من أول صورة ستة في تسعه ... ومع إنه كان صديقي وواكلين شاربين مع بعض إلا إني إتكسفت أكلمه ووسطت واحد صديق تاني راح زارهم في مصر وفاتحهم في الموضوع ... وأترفضت رفضاً مطلقاً لإنها كانت لسه في ثانوي ... وبعدين إتشجعت انا وروحت لهم في أحد الاجازات .. وبرضوا إترفضت بحجة إن البنت لسه صغيره وقدامها 4 سنين جامعة ... فقلت لهم والله مانا لاعب ومشيت زعلان .. وروحت خطبت واحده تانية زميلة أختي المرة دي .. لكن قلبي كان معلقاَ عند الموضوع الاولاني ولم استمر أكثر من 6 شهور .. وأستطعت بالحيلة إني أقنعهم إننا نخطب بس وبعدين الجواز يحلها ربنا .. وفعلاً .. ظبطنا المواضيع أنا وزوجتي وأقنعناهم إني لن أقف حجرة عثرة - بأحب قوي الجُمل المكعبرة دي - في طريق دراستها لما نتجوز وأنا أساساً شغال بره مصر ... وإتجوزنا وهي في سنة ثالثة ... اللئيمة بقى قالت لي - بعد الجواز والشنكلة - إنها شافتني في صور برضوا مع أخوها ولما جيت إتقدمت لها عرفتني ولما وليت مدبراً وأنا غاضب إتضايقت وجالها حالة نفساوية وكلت ودانهم في البيت وهي بتقولهم " بأحبو يا بابا بأحبو يا بابا " ولما عرفت إني خطبت واحده تاني بقى كانت أيام سودا ...

عقبالك يا ياسر يابني لما تروح بيتكم تلاقي حد مستني في أوضة المسافرين ويقولوا لك " في بنت حلوه جايه تتقدم لك يا ياسر "

سى السيد.......... ايه اللى انت بتقوله ده..... بجد انا مش مصدق ..انت طمنتنى ورعبتنى وخليت قلبى يقع ويرقص وركبى تخبط على الجيران

اصل الحوار ايه

ان الحوار بتاعك هو نفس بتاعى بالفيمتو مللى ثانيه ........ بس الفرق انى لسه معرفش ايه اللى هيحصل لانى فى اخرسنه جامعه والمفروض اتخرج الايام دى وبحب اخت صاحبى الانتيم وبموت فيها اللى هيا برضه فى اولى كليه وكاتم جوه قلبى ومش راضى اتكلم ولا اقوله عشان افضل محافظ على صداقته وكل حاجه بتيجى بوقتها ومستنى اتخرج الايام دى وربنا يسهل اشتغل واروح اتكلم مع العلم انى عمرى ماحاولت اكلمها لا فى الكليه ولا من وراه ولا حتى فى التلفون لانى مارضاش بكده وعشان مافسدش الامور

بس اللى حصل انى بجد خايف من موضوع انى اترفض عشان هى لسه فى الكليه وكلامك هو اللى اكدلى الفكره دى واصلا انا مابنامش من التفكير فى الجزئيه دى بالذات ....

سى السيد...زنبى فى رقبتك... انا مكنتش عارف انام ومش هاعرف انام وانا داخل على امتحانات بكالوريوس اداره اعمال وربنا يستر

رسينى على الحوار ياباشا بما انك راجل خبببببببببببره

انتوا فين يا جماعه سيبتنى ورحت فين يا س س وانت يا عم ياسر ماتشوفولى حل فى الموضوع بتاعى ده عشان انا على اخرى وجبت جاز وبنزين 97

[الباشمهندس ياسر]

سى السيد.......... ايه اللى انت بتقوله ده..... بجد انا مش مصدق ..انت طمنتنى ورعبتنى وخليت قلبى يقع ويرقص وركبى تخبط على الجيران

اصل الحوار ايه

ان الحوار بتاعك هو نفس بتاعى بالفيمتو مللى ثانيه ........ بس الفرق انى لسه معرفش ايه اللى هيحصل لانى فى اخرسنه جامعه والمفروض اتخرج الايام دى وبحب اخت صاحبى الانتيم وبموت فيها اللى هيا برضه فى اولى كليه وكاتم جوه قلبى ومش راضى اتكلم ولا اقوله عشان افضل محافظ على صداقته وكل حاجه بتيجى بوقتها ومستنى اتخرج الايام دى وربنا يسهل اشتغل واروح اتكلم مع العلم انى عمرى ماحاولت اكلمها لا فى الكليه ولا من وراه ولا حتى فى التلفون لانى مارضاش بكده وعشان مافسدش الامور

بس اللى حصل انى بجد خايف من موضوع انى اترفض عشان هى لسه فى الكليه وكلامك هو اللى اكدلى الفكره دى واصلا انا مابنامش من التفكير فى الجزئيه دى بالذات ....

سى السيد...زنبى فى رقبتك... انا مكنتش عارف انام ومش هاعرف انام وانا داخل على امتحانات بكالوريوس اداره اعمال وربنا يستر

رسينى على الحوار ياباشا بما انك راجل خبببببببببببره

انتوا فين يا جماعه سيبتنى ورحت فين يا س س وانت يا عم ياسر ماتشوفولى حل فى الموضوع بتاعى ده عشان انا على اخرى وجبت جاز وبنزين 97

يا نجم

ركز ف مذاكرتك الاول

و خد بكالوريوسك

بعدها ابدا لمح للبنوته بالطريقة كده من غير ما حد تانى ياخد باله

لو موافقة يبقى هتديك ريق حلو انما لو مش موافقة يبقى هتديك ع دماغك او هتديك كلمتين ف عضمك

و ف الحالتين خدهم و اسكت و متعرفش صاحبك عشان احنا منضمنش رد فعله

بعد كده اخلص م الجيش و اول ما تمسك شغلانه كويسه يبقى تخطبها

ومضة اخيرة

ينفع انك تلمح للبنت من غير ما حد يعرف لانك بتتكلم عن جواز مش عن صحوبية مثلا

و الله اعلم بالقلوب و اللى فيها

[pink rose]

وكتاب الله المجيييييييييد اللى يقولى بقرف ابوجه بجيج :closedeyes:

ربنا يسعدكم يا ام مريم تعجيبينى وانت بتدبحى القطه :) 000فى الحرم يا جبروتك

:lol: ضحكتيني و الله يا قلب ابيض

ربنا يسعد ايامك و تفرحي باولادك يا رب

عارفه كل ما نفتكر اليوم دا نفطس من الضحك انا و هو

و يقولي انا تكلمني من طرطوفة مناخيرك و تقوليلي باقرف wst::

بس و الله اللي حصل دا كان من التوتر و القلق و الخوف حاجات كتير في بعض كده و هو الصراحة كان مقدر الحالة اللي كنت فيها

ريمو طمنينى انتم فى القصيم ولى غيرتم لحسن بيقولو عليها عقد قوى

بجد انت جباره

وجوزك ده شكله طيب

كل متخيلك وانت بتقولى باقرف

اتخيل نفسى بقلك طيب موتى من العطش بقى ياشطره

لابس قوليلى ركبتى ازاى جمبه فى العربيه كان الموقف عادى يعنى

لاوفى المدينه كمان جباره فعلا

سلامى لمريومه القمر ده بركه المدينه :lol:

لا يا جميل احنا حاليا في الرياض

و لا جبارة و لا حاجه و الله دا انا غلبانة و اتحط على الجرح يورم قصدي يبرد :lol:

و بعدين الطيبون للطيبات و لا ايه يا جماعة

لا ياختي يا تؤامتي هو طلع اجدع منك و ما قاليش موتي من العطش

اما موضوع العربية فا هو شافني عاملة زي الطماطم اللي اتفعصت من كتر الحر و فرهدت جامد من اللف في الشمس الساعه 1 الضهر فا كان لازم اقعد في مكان فيه مكيف و الحرم النبوي مش مختلط زي الحرم المكي فا كنا هانقعد فين يعني

طبعا ركبت العربية معاه و كنت مكسوفة و متوترة جدا و دا انعكس عليا في كم التناكة و الرخامة اللي كنت فيها دا يا بنتي ما فيش حاجه جبهالي الا و كبسته فيها يعني هو عارف اني باموت في عصير الجوافة نزل منه لنفسه كده جابلي عصير مش احترم نفسي بقى و اقول شكرا و اشربه حتى لو كان طعمه زي الزفت لا اتنكت برضه و قولتله ايه دا طعمه فظيع لو سمحت يا تشربه انت يا ترميه انا مش هاشربه شوفتي جاليطة اكتر من كده بالله عليكي :lol:

و برضه ركبت معاه لاني زي ما قولت قبل كده كنت مطمناله كده و دا طبعا من كلامنا سوا لاننا من اول ما اتكلمنا لحد ما طلعنا العمرة كان فيه 6 شهور كلام على النت

و حاجه تانية كانت برضه مطمناني اهله لما جم عندنا ناس طيبين جدا و ودودين جدا و كل اللي في البيت ارتاحلهم من اول زيارة

تخيلي انهم اول مرة يجوا عندنا قعدوا من 1 الضهر و الوقت سرقنا كلنا لاننا كمان نزلنا اتمشينا على البحر و كان يوم حلو اوي و فجأة لقينا الساعه بقت 1 بالليل تخيلي

كنا حاسين انهم ناس قرايبنا و بيقضوا اليوم معانا مش ناس اول مرة نشوفهم و لحد دلوقتي الحمدلله العلاقة بالوضع اللي باقولك عليه دا اللي بينا مش بس نسب لا احنا حاسين اننا عيلة واحدة بجد كأننا قرايب

باشمهندس ياسر اتفضل يا فندم اسال براحتك

[مغتربة]

ريمو يا عسل

كدا يبقى احنا اتنين متجوزيين فى المنتدى من النت

بس انتى من اي سى كيو و انا من الميل

يلا مين كمان معانا

[Alrefaey]

ريمو يا عسل

كدا يبقى احنا اتنين متجوزيين فى المنتدى من النت

بس انتى من اي سى كيو و انا من الميل

يلا مين كمان معانا

احم احم

انا كمان معاكم :)

[سهل جدا]

ريمو يا عسل

كدا يبقى احنا اتنين متجوزيين فى المنتدى من النت

بس انتى من اي سى كيو و انا من الميل

يلا مين كمان معانا

في واحدة سعودية طيبة , اتعرفت عليها عن طريق شغلي السابق واقترحت عليها إني أحط بياناتها في أحد مواقع الزواج الإسلامية

فقالت لي إنها ما بتفهامش في الإنترنت أوي , ووكلتني إني أحط بياناتها في الموقع وأتابعه , وعرضت علي 3 آلاف ريال في حالة لو إنها تزوجت عن طريقي

وبالفعل حطيت بياناتها وخلال أسبوعين كان في واحد ابن حلال عجبته مواصفاتها واتفقت معاه على طريقة التواصل معاها وبالعل تقدم لها وتجوزها

بس ما رضيتش آخد منها فلوس

عملتها لوجه الله , لأنها بصراحة كانت إنسانة ملتزمة ومحترمة جدا وكان عندها إعاقة بسيطة في رجلها اليسرى.

[مغتربة]

ريمو يا عسل

كدا يبقى احنا اتنين متجوزيين فى المنتدى من النت

بس انتى من اي سى كيو و انا من الميل

يلا مين كمان معانا

احم احم

انا كمان معاكم :)

اهلا استاذ رفاعى

كدا نبقى ثلاثه

يعنى اغلبيه

باكتساااااااااااااااااااااااااااااااااااااااااااااااااااااح

[pink rose]

ريمو يا عسل

كدا يبقى احنا اتنين متجوزيين فى المنتدى من النت

بس انتى من اي سى كيو و انا من الميل

يلا مين كمان معانا

احم احم

انا كمان معاكم :)

احنا التلاتة سكر نباتة

احنا التلاتة حاجه شبرتاتة :lol: :closedeyes:

[pink rose]

ريمو يا عسل

كدا يبقى احنا اتنين متجوزيين فى المنتدى من النت

بس انتى من اي سى كيو و انا من الميل

يلا مين كمان معانا

في واحدة سعودية طيبة , اتعرفت عليها عن طريق شغلي السابق واقترحت عليها إني أحط بياناتها في أحد مواقع الزواج الإسلامية

فقالت لي إنها ما بتفهامش في الإنترنت أوي , ووكلتني إني أحط بياناتها في الموقع وأتابعه , وعرضت علي 3 آلاف ريال في حالة لو إنها تزوجت عن طريقي

وبالفعل حطيت بياناتها وخلال أسبوعين كان في واحد ابن حلال عجبته مواصفاتها واتفقت معاه على طريقة التواصل معاها وبالعل تقدم لها وتجوزها

بس ما رضيتش آخد منها فلوس

عملتها لوجه الله , لأنها بصراحة كانت إنسانة ملتزمة ومحترمة جدا وكان عندها إعاقة بسيطة في رجلها اليسرى.

يا بجت من وفق راسين في الحلال

[emano]

والله ربنا يكرمك يا استاذ سهل جدا ده عمل فعلا جميل

ربنا يجعله فى ميزان حسناتك

اصل السعوديات دوله فعلا غلابه

انا شايفه ناس كتيره اتجوزه من النت والله حاجه جميله انا مكنتش متخيله كده خالص

[emano]

ريمو ده احنا فعلا توئم انا بموت فى الجوافه

بس انت مش شايفه حاجه ان فعلا النصيب غلاب

يعنى انت كنت فى منتها الغلاسه ومع ذلك هو استحملك

متهيقلى اكيد كان لك عنده رصيد كويس

من المشاعر علشان كده سكت عليك واستحملك

بس هو انت بتغلس كده مع كل الناس لما بتتحرجى ولى ده كانت حاله وعده

ربنا يديم الحب والموده بينكم

[emano]

ايه يامغتربه فان القصه كامله

ياله انزلى بالقصه

ولى انت بتحنسينه بس مش حتقولى حاجه

على فكره اولادى كل لما يشوفو التوقيع بتاعك يتجننو عليه قطيطى ياقطتى

ومعرفش اقلب الصفحه عيزين يقعدو يتفرجو على الصوره

[mokhtarelmalahy]

سى السيد.......... ايه اللى انت بتقوله ده..... بجد انا مش مصدق ..انت طمنتنى ورعبتنى وخليت قلبى يقع ويرقص وركبى تخبط على الجيران

اصل الحوار ايه

ان الحوار بتاعك هو نفس بتاعى بالفيمتو مللى ثانيه ........ بس الفرق انى لسه معرفش ايه اللى هيحصل لانى فى اخرسنه جامعه والمفروض اتخرج الايام دى وبحب اخت صاحبى الانتيم وبموت فيها اللى هيا برضه فى اولى كليه وكاتم جوه قلبى ومش راضى اتكلم ولا اقوله عشان افضل محافظ على صداقته وكل حاجه بتيجى بوقتها ومستنى اتخرج الايام دى وربنا يسهل اشتغل واروح اتكلم مع العلم انى عمرى ماحاولت اكلمها لا فى الكليه ولا من وراه ولا حتى فى التلفون لانى مارضاش بكده وعشان مافسدش الامور

بس اللى حصل انى بجد خايف من موضوع انى اترفض عشان هى لسه فى الكليه وكلامك هو اللى اكدلى الفكره دى واصلا انا مابنامش من التفكير فى الجزئيه دى بالذات ....

سى السيد...زنبى فى رقبتك... انا مكنتش عارف انام ومش هاعرف انام وانا داخل على امتحانات بكالوريوس اداره اعمال وربنا يستر

رسينى على الحوار ياباشا بما انك راجل خبببببببببببره

انتوا فين يا جماعه سيبتنى ورحت فين يا س س وانت يا عم ياسر ماتشوفولى حل فى الموضوع بتاعى ده عشان انا على اخرى وجبت جاز وبنزين 97

يا نجم

ركز ف مذاكرتك الاول

و خد بكالوريوسك

بعدها ابدا لمح للبنوته بالطريقة كده من غير ما حد تانى ياخد باله

لو موافقة يبقى هتديك ريق حلو انما لو مش موافقة يبقى هتديك ع دماغك او هتديك كلمتين ف عضمك

و ف الحالتين خدهم و اسكت و متعرفش صاحبك عشان احنا منضمنش رد فعله

بعد كده اخلص م الجيش و اول ما تمسك شغلانه كويسه يبقى تخطبها

ومضة اخيرة

ينفع انك تلمح للبنت من غير ما حد يعرف لانك بتتكلم عن جواز مش عن صحوبية مثلا

و الله اعلم بالقلوب و اللى فيها

شكرا لردك يا هندسه ومانتحرمش من نصايحك بس انا عايز اعرف حاجه هل لازم يعنى لما تيجى ساعتها اعرف منها هى او المحلها هى اولا انا مش بشوفها الا نادرا وحتى ما بشوفها مش ببقى لوحدى وهى كمان مش بتبقى لوحدها انا اللى فى دماغى ان وقتها اروح لصاحبى واتكلم معاه على طول يعنى مش عايز بعد كل ده اضيع كل حاجه واطلع صاحب اى كلام

وفيه حاجه تانيه بتكلم فيها عامه لو انا او غيرى راح يتكلم مع واحده يعرفها انه بيحبها وكده وقالها على طول انه عايز يرتبط بيها بشكل جدى ومش بتاع هزار هيه ياما توافق يا ترفض انما ليه تديله على دماغه هو قالها تعالى نطلع عندى الشقه فاهمنى يا هندسه انا اقصد ان دى مشاعر حلوه ورقيقه ولازم كل حاجه تبقى فى اطار الاحترام وبالنسبه لصاحبى بصراحه يبقى عنده حق لو انا رحت قلتله انا كلمت اختك وعايزين نرتبط لانى كلمتها من وراه حتى لو عارف ان غرضى الارتباط مش الهزار وده اللى انا بعمله يعنى من الاخر مش بدى لحد فرصه انه يوقعنى فى غلط او يطلعنى غلطان انما مسئله القبول دى بقى من عند ربنا محدش ليه دخل فيها

الف شكر ليك يا باشمهندس ياسر وادعيلى

[se_ Elsyed]

انا مش عارفه اعلق .. احسن اسيب المكرفون ل س س هو اللى يعلق :happy:

.. بس حاسه ان س س حيعلق التعليق الجامد كالعاده n2&( .

بتدبسني يا لولا ؟!!!

طب بالعند فيكي مش هاعلق

وحدوووووووووووه .. وما دايم الا وجه الله